رواية اشتغاله الفصل الثاني عشر 12 - بقلم ليل أدم
مساء الخير للجميع 💐💐
الجزء ١٢ من روايه ❤️❤️
(❤️أشتغاله❤️)
جوده: اتفضل اقعد وقف ليه
طارق : أنا جاي لك ومعايا فرصه العمر تحب نلعبها مع بعض
جوده : والله لو عجبني كلامك معنديش مانع
طارق : اللي حصل بينك وبين زين بالحرف أنا عارف عنه
جوده : وعرفت منين
طارق: مش ده اللي يخص
جوده : أما اي اللي يخص
طارق : اتفضل شيك ب عشره مليون جنيه مقابل انك تتنازل عن الشركه حالا ليا
جوده : تمام بس دا كان عرضي مع زين لانه دفع تمن المزاد إنما أنت عايزني ابيع شركه تمنها لا يقل عن عشرين مليون جنيه مقابل عشرة مليون لا ياعم خد شيكك وبلاها
طارق : كلامك موزون معنديش مانع قولي عايز كام فوق العشره
جوده : خمسه كمان وحلال عليك الشركه
طارق : وأنا موفق
جوده : خلي الشيك معاك بقا لما يكون معاك كاش تعالي نخلص
طارق: الكاش جاهز النهارده
جوده : يبقا أنا كمان جاهز النهارده
باب المكتب اتفتح
اسماء: جوده انت بتعمل اي
جوده : انتي مالك
اسماء: انت بتبيع زين بجد يا جوده قول اني سمعت غلط
جوده : هو أنا خدت منه اي يعني اه هبيعه اطلعي بره
طارق : مين دي
جوده : ملكش دعوه انت
اسماء: خدت منه اي جوده فوق دا زين احنا التلاته كنا في مكتب أد كده لوحدنا خمس سنين وأصحاب شارع واحد واكلين عيش وملح مع بعض انت مجنون يا جوده دا ساب شغله علشان يجي يقعد مع ابويا علشان موضوعنا قوم امشي ياعم انت احنا مش هنبيع حاجه
جوده : أسماء اطلعي بره
اسماء: ملعون ابو الفلوس اللي تقلب الواحد على أهله أنا مش عايزك اللي يخليك تبيع صاحب عمرك يخليك تبيعني في اي وقت
جوده: طب بره ياله
بعد خروج اسماء من المكتب
طارق: سيبك منها لو كان الديل معاها مكنش بقا ده كلامها
جوده : ملكش دعوه بالموضوع ده انت فاهم
طارق : تمام اللي تشوفه
جوده: روح لما تجهز تعالي
طارق : تمام بعد اذنك
(بعد خروج طارق خرج جوده يدور على أسماء بس كانت خرجت من الشركه )
جوده : الو يا زين
زين : اي وصل
جوده : تمام ياعم وصل واتفقت معاه بس اسماء سابت الشركه و سمعتني الكلام وكانت هتطرد طارق
زين : ليه بس عملت اي
جوده: والله ما عملت هيا سمعت كلامنا أنا وطارق ودخلت طلعت عيني أنا وهو
زين : خلاص زمانها جايه عندي هنا تقولي أنا هفهمها
جوده : خلاص ماشي سلام
زين : سلام
ريهام: اي مالك
زين : تعالي معلش نرجع الشركه ونيجي تاني
ريهام: والملاهي
زين : هنرجع تاني
في جانب آخر
اسماء : (كان فارق معايا اوي اني احكي ل زين بس بطريقه تطلع جوده في عينه كويس مهما كان برضوه أنا بحب جوده ومش عايزه الاتنين يخسروا بعض بس زين ادانا ضهره وهو مطمئن مش معقول احنا اللي ندبحه لازم يعرف مهما كان حتا لو هيطردنا احنا الاتنين بس أنا مش هسكت)
وبعد وصول زين كان في مكتبه في إنتظار أسما
ياسمين: لو سمحت اصبري اقوله طيب مينفعش تدخلي كده مره واحده
زين : بس بس معلش يا ياسمين دي اختي الصغيره وقت ما تيجي تدخل على طول
اسماء: زين أنا عايزاك
زين : اقعدي في اي
اسماء: (بصت ل ياسمين)
زين : معلش يا ياسمين خليكي بره الوقتي
ياسمين: تحت امرك يا مستر زين
اسماء: اتكلم عادي
زين : متقلقيش ريهام مش فاهمه اللي بنتكلم في أصلا
اسماء: جوده يا زين من غير قصده عمل حاجه أنا خايفه منها تضرك
زين : عمل اي
اسماء: في واحد جه قابل جوده اسمه طارق على
ريهام: (أول ما سمعت اسم طارق على بدأت تستنبه وتتذكر ما حدث)
زين : وبعدين
اسماء: كان عايز يشتري الشركه من جوده بس جوده رفض أنا خايفه جوده يضعف لما يشوف الفلوس
زين : (مبتسم) انتي مش عايزه يعني تقوليلي أن جوده وفق وطلب ١٥ مليون جنيه
اسماء: انت عرفت منين
زين : يعني معقول اكون سايب اخوتي الاتنين في مالي يتصرفوا وكأنهم أنا ومديهم ضهري وانا عمري ما ادي ضهري لحد و يبعوني
اسماء: (فرحت لما حست أن جوده مظلوم) يعني اي
زين : يعني يا هبله أنا وجوده متفقين على كل ده وكل اللي سمعتيه ده فيلم
اسماء: يعني جوده جدع مش خاين
زين : بس انتي اجدع منه يا اسماء
اسماء: لا مفيش حد اجدع من جوده
زين : انتي عارفه أنا الوقتي فرحتي اكبر من اي فلوس عارفه ليه
اسماء: ليه
زين : علشان واحد صان سري حتا لو هيخسر حته من قلبه ووحده قررت تخسر كل حاجه وحبيب عمرها لجل ما تيجي تنصحني و متكنش مشتركه في خيانتي ابقا محظوظ ولا لأ
باب المكتب اتفتح
جوده : بت انتي أنا مش عايز اشوف وشك تاني
اسماء: (جريت على جوده حضنته ) تسلم الصبغه الحمره اللي واكله راسك دي
جوده : هو أنا عندي الحصبه يا زين صابغلي شعري احمر
زين : تخيل أنا بلعب مع طارق ب اتنين هبل شبهكم بره انتوا الاتنين
اسماء: هو انت تقولي بره وهو يقولي بره هو أنا اي معنديش كرامه
زين : خلاص والله منا مزعلك أنا رايح الملاهي مع ريهام تيجو
جوده : طبعاً اجي انا مروحتش ملاهي بقالي أد اي ينهار اسود دا انا عمري ما روحت ملاهي
اسماء: ولا أنا
زين : طب ياله بينا علشان لما احلف أننا بنكبر ونخيب ابقا عندي حق (وبيضحك)
بعد انتهاء اليوم والرجوع إلى المصحه
زين : مالك يا ريهام حاسس انك مش مبسوطه
ريهام: انت ليه بتعمل معايا كده يا زين
زين.: علشان بحبك وعلشان انتي بنتي
ريهام: أنا تعبانه اوي عايزه انام
زين : ولا يهمك احنا النهارده عملنا مجهود جامد برضوه ياله انزلي ادخلك
ريهام: معلش يا زين أنا عايزه ادخل لوحدي
زين : مالك يا ريهام انتي كويسه
ريهام: اه تمام متقلقش عليا أنا كويسه
زين : طب اوصلك طيب
ريهام: الوقت أتأخر يادوب تلحق تروح
زين : (مستغرب من ريهام في نفس الوقت مبسوط حاسس أنها بدأت ترجع طبيعيه وفعلاً وافق زين على دخول ريهام بس كان منتظر لحد ما اطمأن عليها ورجع إلى منزله )
في جانب آخر
طارق : الشركه وبكره تكون تحت ايدي بس اللي عايزه منك لو اتعمل صح مني ليكي تلاته مليون مش اتنين بس
نيفين: لا طالما تلاته مليون أنا اعمل اي حاجه
طارق: تمام اقولك عايزك في اي
في جانب آخر
جوده : الو
زين : اي يا جوده
جوده : طارق لسه مكلمني وقالي الفلوس جاهزه
زين : تمام اوي قابل طارق بكره وخلص معاه كل حاجه اوعي تنسي يا جوده محمود سالم مش جوده السيد ابوس ايدك بلاش تخرب كل حاجه
جوده : عيب عليك بقا هو أنا عبيط
زين : لا طبعا ربنا يستر
جوده : سلام ياعم
زين : سلام
في اليوم التالي كان طارق فعلاً أنها الإتفاق مع جوده و استلم الشركه من جوده
في جانب آخر
الدكتور: ريهام في وحده اسمها نيفين عايزه تقابلك
ريهام: خليها تدخل يا دكتور ماجد
الدكتور: تمام بعد اذنك
ريهام: اتفضل
وخرج الدكتور وسمح ل نيفين أنها تدخل
نيفين: ازيك يا استاذه ريهام
ريهام: الحمد لله
نيفين: أنا مش عارفه أن كان كلامي هيكون مفهوم ليكي ولا لأ بس أنا جايه الحق اخر حته منك قبل ما زين ياخد كل حاجه
ريهام: مش فاهمه
نيفين: زين مش كويس زين قرب منك علشان يقدر يلعب بيكي مش اكتر استغل حالتك النفسيه وخد شركتك مش بس كده راح باع الشركه بعد ما عمل من وراها احلي فلوس واللي خد الشركه واحد صاحبه اسمه محمود سالم واللي لحق الموقف هو مستر طارق علي اللي كلنا قولنا عليه شخص مستغل ودمر حياتك بالعكس يا ريهام اللي ضمر حياتك وسرق منك الماضي وعايز يسرق الحاضر هو زين كامل والدليل على كلامي اتفضلي دي اعداد مجله البورصه شوفي من أول المزاد على شركتك مين كسب ومين تاجر بأسمك ومين لحد الوقتي اللي بيلعب بيكي ومش بس كده بكره العدد الجديد هتعرفي مين اللي اشترى الشركة علشان يحافظ على اسمك وشغلك اه نسيت اقولك أن حتا سجلك التجاري زين مفكرش يطلع عنده ضمير ويبدل في كمل لعب ب نفس اوراقك علشان لو الدنيا خربت تتحبسي انتي بقا أنا كده خلصت ضميري قصاد ربنا اشوفك على خير
ريهام: (في ذهول من كلام نيفين وعمال تربط كل الاحداث ببعض مع نفس اليوم اللي كانت حضره في مع زين لما كان بيراهن على اسمه في البورصه وكمان لما قال ل اسماء اتكلمي قصادها عادي ريهام كده كده مش معانا أصلا)❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️الي اللقاء في الجزء القادم ❤️❤️
✍️ليل أدم ❤️💐
•تابع الفصل التالي "رواية اشتغاله" اضغط على اسم الرواية