رواية يأس القلوب الفصل التاسع 9 - بقلم رودة
part9
واكفة صحت ادخلي متسمعيني باوعتلي بعدم رضئ ودخلت هين اصبريلي بس خلي اكمل هذا البيدي درت علي ومحمد اجة كتلة ولك حسين ﭑنـي شكايلك اذا
تدخن نركيلة كال بضوجة بوية ﭑنـي كبرت شنو بعدك تحاسبني علئ النركيلة والطبة والطلعة اي مو اختنكت هديته وكتلة بهدوء تريد اعوفك علئ راحتك ?!
وتصير مسربت وتروح وية اصدقاء السوء والمصلحة وياخذونك للطريق البي مخدرات وشرب وتدخين اشكال والوان هيج تريد ?! سكت كتلة احجي لٱ
تسكت ليش تعصي كلامي موكتلك طلعة ورة 12 ماكو تبات برة البيت ماكو ? والله ياحسين ٱڅڑ واول مرة المرة الجاية مااكول كبير وعمرك 25 سنة الزمك اكسر
راسك مفهوم ?! كال اي يابة وعافني ودخل للبيت درت وجهي علئ محمد وكتلة وانتَ وين جنت كال موجنت اتريك وياكم استغفرت •اللّـہ̣̥ ودخلت للبيت
واني اكول بعصبية مايرتاحون الة يجلطوني اجت سارة تركض كتلهة بعصبية جيبي دوة الط راسي راح ينفجر من الصباحيات جا دوة الضغط شربت وتمددت وضلت تفؤج براسي غمضت عيوني وكلت الكو***
بايت برة البيت ويكلي وية اصدقائي جا انت واصدقائك شتسون تصلون لو للصبح تخلصونها تستغفرون مخلصينها نركيلة وجكاير ودياحة الف مرة
محذرك بس وين يفيد اذا ماتجلط ابوك ماترتاح كالت مريم وهية تنطيني مي كافي بابا موزين عليك ومنا ضغطك صعد شربت المي وهزيت راسي تمددت
وكتلهن طفن ضوة الاستقبال خلي اتمدد شوية طفنة وطلعن خليت ايدي علئ عيو وحسيت باب الاستقبال انفتح واسع صوت خطوات وخرت ايدي من عيوني
وشفتهة جوري كالت بعصبية انت شلون تصيح علية وتهدد كتلهة واكسر راسج هم كالت لا والله باع ابو محمد اني رجعت علمود اولادي وكلنة من البداية مالك دخل بية يعني لا تحجي وياي ولا تصيح علي تنهدت
وكتلها صار بوية واني اسف وبعد مالي دخل بيج ارتاحيتيي هسة عوفيني اريد انام باوعت علي وكالت نشوف وخلت وطلعت استغفرت الله وغمضت عيوني .
ريحانة
بابا صار عصبي وكلهةشردت لين من يصير عصبي مايتواجه اذن وكلهة كامت تصلي صليت وكملت واسمع ماما تكل لمريم كملت الكيكة والحلاوة والعصير
يعني الضيافة صارت كاملة ابتسمت باستهزاء والله يالله يحضرون بضيافة علمود يقدموها لاستاذ باسل نضفت الغرف الفوك وصلت لغرفة محمد سمعته يحجي
بالمبايل تقربت علئ كيفي وسمعته يكول وروحتهم شني عبالج ميت عليج دروحي لا اكسر راسج وغلق الخط وخرت بساع ونزلت جوة ركض كلت بكلبي عزا
ويامن جان يحجي اكيد وية بنية هلا هلا طلع يحب ومتعارك منو هاية تعيسة الحظ اقصد سعيدة الحظ اباوع نزل من الدرج عصبي وفتح باب المطبخ وطلع
فتت للاستقبال الضوة طافي وبابا نايم تقدمت شغلت الضوة وتقربت بستة من راسه فز كال هاا بابا كتلة هاا بابا حبيبي صارت الساعة 3 ونص العصر هواية نمت
مسح وجهة وكام بابا غير تكعديني من وكت نمت وماحسيت اخ يابة ضهري متكسر من القنفة كتلة سودة علية يلة عاد شبعت نوم انتَ البارحة نمت متاخر
وكعدت من وكت كال اي يابة كام باس راسي وكال بابا ريحانتي بين مااسبح سويلي جاي اريد اصحصح كتلة تدلل بابا دخلت للمطبخ وسويتله جاي واباوع من
الشباك امي والبنات كاعدات بالحديقة وحسين متمدد وراسه بحضن ماما وعلاوي يلعب طوبة يشمرها لسارة وهية ترجع تشمرها اله ومريم صافنة سويت الجاي
وسويت قهوة جكليتية وخليت بماعون كرزات وطلعته الهم للحديقة شافتني سارة صوفرت وكالت حيووو دفرهة حسين برجلة وكلهة وجع لٱ تصوفرين لٱ
اكسر راسج صوتج عالي كالت بوجع اوي حسين والله الة اكل لبابا عليك موكالك لٱ تضربني كلهة وكليلة عابتلج وجهج جنة طوبة علاوي هم مزرفة هية ضاجت
كالتلة ابو الجكاير ابو البنات هية كالت هيج هوة عصب وهية ركضت وكالت والله مادري زلة لسان كام وراهة وماما تصيح عليهم وسارة اجت وراي لابدة
واني شايلة القهوة وهوة صار عصبي واجة بتجاهي وكلهة سارة اللباكة اذا مااكتلج واتوبج علئ هذا لسانج الزفت سمعوا صوت بابا يصيح علي كبل كعدوا كلهة
محمد من يطلع بابا الزمج اصبريلي وين ترحين مِڼـّي انطيتهم القهوة وكتلهم اشربوا صارت ثلج يمعودين انطيتهم ودخلت جوة ركض صبيت الجاي لبابا وديته
اله جان واكف يمشط علئ المراية كال لعد وينهم العائلة الكريمة اشو مالهم صوت كتلة كاعدي بالحديقة يشمسون كال وهوة يدكم قميصه دروحي بابا صيحيهم
خلي يدخلون ويحضرون الاستقبال بيت عمج عزيز جايين بالطريق ارتبكت كتلة صار بابا طلعت وعيوني انملت دموع مادري خايفة ومرتبكة رحت الهم كتلهم
وبسرعة كاموا وامي كالت ماما روפــي بدلي وحضري روحج روפــي وياهة مريم وسارة لملمي الاستقبال صعدت لغرفتي وياية مريم دخلت سبحت ولكيت مريم
مطلعتلي قفطان مغربي لون رصاصي وياه الشال مالته لبسته وصار يموت علية مريم كالت يمة فديتج تموتين وباستني بخدي وكالت لٱ تبقين ضايجة فكيهة يمعودة
كلشي يهون والڵـهٍ هزيت راسي وسوتلي شعري ضفيرة حفر وماخليت مكياج بس حمرة وبالغصب مالي نفس اخلي اي شي ورشيت عطر صعدت امي شافتني صلت
علئ محمد وهلهلت ابتسمت بخجل كالت وهية تبوسني يمة فدوة لبناتي يمة عين الباردة صعدت سارة شافتني وكالت وهية تهز ولج اركصي ضابط هزي عدل
ضحكت ومريم تكلهة امشي امشي ماتصيرلج جارة نزلن جوة واني كلت الهم هسة اجي صار صوت جوة مال سلام عرفت بيهم اجو شوية وصاحتني امي نزلت
دخلت للمطبخ اخذت المي والكلاص ورحت للهول شفت ام باسل ووياهة 3 نسوان سلمت وهنة مبتسمات وكالت ام باسل يمة هذني عمات اشرت عليهم عمات
باسل سعاد و صابرين عمات باسل وهاية اشرت علئ المرة الثالثة هاية اختي اسماء ابتسمت وكلت بخجل نورتونا خالة كعدني يمهم ويسولفن وية امي ومكيفات
بيهة لين قبل جانن يتجمعن بكل مناسبة يعني نكدر نكول شلون الصديقات كمزت علئ كرصة من عمة صابرين وكلت بوجع اوي خالة وجعتيني ضحكت بمكر
اويلي عليك باسل شلون اجتك مرة كيكة كيكة خجلت وجهي صار احمر وهية مدري شهمست الهم وضحكوا واني كمت رحت للمطبخ يمة شصار بية
وبعدين اجتي امي كالت يلا ماما ادخلي اخذي الضيافة للاستقبال كتلهة بترجي فدوة ماما اخذيها انتِ لْـۆ صيحي محمد والله استحي ادخل مسدت علئ
خدي وكالت يا ماما ميصير ويعني شبيج هية ضيافة توديهة ويشوفوج شوية وتجين تنهدت واخذت الضيافة ومحمد فتح الباب دخلت مدنكة وارجف
الصينية اجت تطيح من ايدي بابا وحسين ومحمد وعمو عزيز وباسل عمو عزيز سلم علي باسني من راسي قدمت القهوة وصلت يم باسل انطيته ياهة
وايدي ترجف همس علئ كيفج شبيج ترجفين عزا فد خجلت من كال هيج جاي اطلع وباب كال تعالي بابا هنا اكعدي كعدت يمة واحس نفسي مختنكة وشعوري
ماعرفت اوصفه بس كل الي اعرفه كل الجاي يصير هسة مااريده ومطايقته واتمنئ كلشي ينتهي سولف وياية عمو عزيز وشويةوكمت طلعت وبابا كله ان شاء
الله نرد الكم خبر راحوا ورة ساعة وماما كعدت تحمد بيهم شلون زينين وبابا يحمد واني ساكتة ٱڅڑ شي كمت لغرفتي فتحت الباب نزعت الشال وشمرته فتحت
الكنتور طلعت دشداشة قصيرة ولبستها فتحت شعري وتمددت علئ الجرباية وجريت اللحاف شبكته وضليت ابجي حسيت روפــي ضايعة بهذي اللحظة لٱ عرفت
اتخذ قرارات لٱ عرفت افكر زيت اكتفيت بالبجي دك مبايلي باوعت وردة تتصل جاوبته وكلت هاا وردة سلمت عليها وبعدها كالت هاا بشري شصار ماصار
كعدت اسولف الها وهية تنصح بيها وتكلي يمعودة عليمن البجي وميستاهل وانتِ تفاولين علئ روحج كتلهة ببجي ﭑنـي جنت مقررة اتزوج عن حب ضحكت
وكالت هاا يعني لهذا السبب ماتردين تزوجين باسل كتلهة لٱ موهذا السبب كالت لعد شنو كتلهة مادري بس ﭑنـي مااريده وضلينة نسولف كالت باحر تداومين كتلهة
اي اكيد اصلا اليوم ﭑنـي ردت اداوم بس بعد تعرفين وشوية وسديت الخط وكمت غسلت وجهي ومبين علية باجية خلي كحلة عود يعني علمود ماابين باجية
بس وين داخلي حمرة وفزيت علئ وحدة دكول شتسوي الحلوة درت وشفتها وداد بت عمو ابتسمت وكتلهة هلا لج مشتاقتلج ابتسمت وسلمت عليهة
وشبكتهة وهية شبكتني وكالت مشتاقتلج والله كتلهة ﭑنـي اكثر بذاتة صايرة ولا تجين سكتت نزلنة جوة وبابا طلع هوة رايح جايبهة يموت عليهة من الصغر
ويانة ومحبوبة وفقيرة بشكل عكس الباقيات وصدك اسمها لايك الها حيل هية بيضة وشعرها اسود وعيونها لون اسود وملامحهَـــآ حادة وبارزة بابا يسولف وياهة
وهية خجلانة وكلهة هاا يعني لْـۆ مو ﭑنـي وجايكم وجايبج جا انتِ ماتوصلين لبيتنا يابة الله يرحم ايام قبل جنتي كاليوم عدنا وبالتواسيل ابوج ياخذج
ابتسمت بخجل وكالت والله عمو اعذرني تعرف بعد ضروف ونوب كعدنا نتشاقة ونضحك وحسين ويانة وكالساعة متحارش بسارة ويكب الصياح بس اباوع
علئ وداد مرتبكة مومن عوايدهة شوية واندك الباب فتحه علاوي ودخل محمد كال الله يساعدهم وسكت وباوع بصدمة من شاف وداد عقج حواجبه وهية دنكت
وعيونهة غوركت سلم عليهة ببرود وصعد استغربت هاية شمالهم الضاهر ﭑنـي مشتبها مابيهم شي كتلهة الله عليج باتي يمنة خلي نتونس ضوجة كالت بسرعة لٱ
والله مااكدر عود غير مرة مريم كلتلهة يحلوة بابا كايل لعمو تباتين وعمو كايل ؏ــادي خليها تبات يعني تبقين تبقين تنهدت وفتحت اديها وكالت بضحك هاهية
بعد القاضي قابل مابيدي حيلة ضحكنة ورجعنة نسولف وحسين مندمج بالمبايل تقربت اباوع جاي يحجي وية بنية وكايل الها الله يجعلج من اهل الجنة
وهية كايلتلة اجمعين نوب راجع كايل الها دزيلي صورتج حتئ اذا شفتج بالجنة اعرفج ﭑنـي شفت هيج وانهديت بالضحك وهوة انتبه عليه وخزرني واني
اضحك والبنات ميدرن ليش اضحك حسين كلي بس تحجين اموت وعلي ضحكت وكتلة عفية انتَ شكد لوتي وسارة تكليـّۓ كليلي شبيه الله عليج حسين كال
ريحانة خليها حسرة بكلبها لٱ تكوليلها هاية فضيحة ضحكت وكتلة ان شاء الله نوب صعدنا دخلن البنات بغرفة مريم واني كتلهن هسة اجي بس اجيب موبايلي
دخلت لغرفتي اخذت المبايل شفت جايتني رسالة دخلت رجفت من شفتها من باسل كاتبلي بيها باجر اجيج لْـۆ لٱ ?! استغربت وين يجيني هذا شماله كتلة
وين تجيني ? طلعت من الغرفة ورحت يم البنات كعدنا ونكلب بالمبايلات اجاني اشعار رد علية كاتب باجر ترحين للدوام لْـۆ لٱ يعني اجيج ?! عضيت شفتي
بفشلة خرب المانيا شلون ماانتبهت كتبتلة اي اداوم تعالي شافهة ومجاوب بعد عابتلك تكول تمام لْـۆ اوك شوية وداد كالت حكوم اشرب مي واجي سارة كالت
دكعدي ﭑنـي اجيبلج كالت لٱ والله ﭑنـي اكوم شسالفة وهم اصيح عمتي تكعد يمنة راحت واحنا ضلينا نسولف .
وداد
كمت علمود اشرب مي طلعت من الغرفة وانفتح باب الغرفة الثانية وطلع محمد كمزت وبساع مشيت جاي اروح وسحبني بساع دخلني بالغرفة وسد الباب خفت
حتئ بطني ضليت تلويني كتلة عوفني شتريد ?! كال شعندج جاية كتلة بغصة مجاية الك ولا ميتة علئ شوفتك كال باستهزاء اها لج انتِ ماتستحين يعني هم
الج ايد بالسالفة وهم عينج صلفة وتجين طاحت دمعتي وكتلة واني اهدد باصبعي مااسمحلك تحجي وياية هيج ليش تحملني ذنب ﭑنـي مااقترفته ?! يعني
اختي متفقة وية عماتي ودازات من مبايلي رسالة لريحانة يوضحن بيهة مكان السحر ومن رقمي الجديد وكلهة تدري ﭑنـي مالي دخل بالسالفة وشهكت وعمي
هوة اجة باسني من راسي وكال انتِ بحمايتي ومالج دخل تربيتنا انتِ وكلت باستهزاء وتجي انتَ الي يكولون علئ اساس تحبني من الطفولة ومربيني علئ
ايدك تتهمني وبلمح البصر تدمر العلاقة ورجفت وكتلة وتكلي ماعندج كرامة ليش محمد ليش شنو سويتلك وجازيتني هيج ?! لزم الصبع ولواه عضيت شفتي بقهر
وكال الغلط منج مااجيتي كلتيلي من البداية كتلة بدموع موكتلك والله ماجنت ادري ودريت بالسالفة قبل يومين من الحادثة مال مبايل يعني قبل لٱ يرسلن
بيومين وكلش خفت وماعرفت اصرف كال ببرود علئ العموم سالفة وانتهت واعتبري كلشي انتهئ الدموع غوركت عيني وكلت واني ارجف اي كلشي انتهئ وهم
ﭑنـي اتقدملي ابن خالي وراح اوافق تدري ليش اوافق ?! تقربت وهمست علمود احرك كلبك مثل ماحركت كلبي كلت هيج وهوة عيونة صارت حمر من
العصبية جرني من شعري وثبتني وكال بوجهي شكلتي عيدي عيدي ?! سكتت ضغط علئ شعري كتلة بوجع دتاذيني عوفني لٱ يجي احد وانتَ كلت كلشي انتهئ
بعد شكو كال وهوة ضاغط علئ اسنانه اذا وافقتي راسج اكسره كتله هههه لٱ والله خوفتني مومتريدني المن باقية خلي اوافق واخلص كال بهدوء ونضراته
مدري شلونها لعد خلي اشوف شلون توافقين سحبني وشمرني للجرباية رجفت كمت اريد اطلع سحبني وبدأ يطبع بوساته علئ وجهي ضليت ابجي واتوسل بي
وخفت البنات يحسن وانفضح كتلي ببجي عوفني محمد شجاي تسوي مايسمعلي لمساته صارت قوية رفع فانيلتي واني ابجي وادفع بي واتوسل كتلة ببجي
محمد فدوة وخر عبالك مايحس باسني بركبتي كتلة وﭑنـي اشهك مااوافق مااوافق عوفني عوفني وخر م̷ـــِْن يمي هذا شوكت نزع قميصة لبسه ودكمه واني ابجي
واشهك وادية علئ عيوني كال صيري خوش بنية واكعدي راحة واسكتي كمت ولميت شعري ولبست الشال وكتلة اكرهك اكرهك طلعت من الغرفة وطلعت
ريحانة من الغرفة شافتني انصدمت شهكت وخليت ايدي علئ حلكي سدت الباب وسحبتني بساع لغرفتها وكالت شبيج ضليت ابجي واشهك وهية شبكتني
تسكت بية تريد تفهم شبية بس ﭑنـي بس ابجي انهضمت كلش .
ريحانة
تبجي واني مصدومة شبيهة يالله وخرتها من حضني اريدها تحجي ماكو انفتح باب الغرفة اباوع محمد بدون تفاهم دخل وسحبهة لحضنة شبكهة ويسكت بيها
واني فوك الصدمة صدمتين يا هذولي شمالهم ونوب ﭑنـي مثل الاطرش بالزفة اباوعلة باسها براسها ويسكت بيهة وهية تضرب بصدرة وتكلة وخر مااريدك بس وين
لٱ حياة لمن تنادي هية استسلمت وسكتت وهوة يكلهة اسف كافي اسكتي موشلعتي كلبي وتاليهة وياج اباوع عليهم وبس ارمش تحركت ضحك محمد كال هاا وين
رايحة كتلة رايحة اصيح بابا يشوف شبيه تبجي كال بسرعة طركاعة تعاي مابيهة شي تردين تفضحينة دخلت واريد اسحبهة من عندة وهوة شابكهة ميقبل
كتلة عزا العزاك محمد عوف البنية ابتسم الها وباسها براسة ووخر وكال وهوة يحك راسة وخجلان مِڼـّي ديربالج عليها وها والصار كدامج انسي بعد اخوج وطلع
من الغرفة كلت لوداد تحجيلي لْـۆ ادوس بطنج ?! تنهدت وعدلت شعرها بخجل وكعدت تسولفلي كلشي واني مصدومة لعد اني شكد ثولة كل ه̷̷َـَْـُذآ صاير واني
مادري كملت وكالت زعلتي مِڼـّي بس والله ﭑنـي مالي دخل بسالفة المبايل كتلهة بابتسامة لٱ حبيبتي مالج دخل شسالفة وبعدين حقة اخوي هيج متخبل عليج
نوب باع كبل اجة شبكج وصالحج ماتحمل يعوفج كلبة رهيف كالت بخجل كافي اسكتي واصلا ﭑنـي بعدني زعلانة منه ضحكت وكتلهة دكومي كومي
غسلي وجهج ﭑنـي البنات دزني وراج تاخرتي وهسة ﭑنـي هم تاخرت وياج غسلي وجهج يمعودة صرتي حمرة دم وخلي اكلهن لكيتها تفتر بالحديقة طلعت من
الغرفة الابتسامة شاكة حلكي عبالك ﭑنـي الحضني مو وداد وبعدين هية الحضنة تنوكل تنشرب هہ هہ هہ هہ مضلومة يريحانة محد بحالج ضحكت علئ روפــي
خرب يومي دخلت للغرفة ةكلت للبنات لكيتهة بالحديقة تفتر شوية وهية دخلت سارة كلتلة ياشبيج باجية كلتلهة الجو صار تراب انعمت عيوني وكعدت
وسارة تكلهة لْـۆ رايحة ﭑنـي جايبة الج مي احسلي ضحكنا وكالعادة رجعنا نسولف ولا نمل .
في اليوم التالي
ريحانة
كعدت الصبح كلي نشاط وحيوية منين مادري اباوع البنات نايمات وسارة كعدتها علمود تداوم كالت ماادوم اليوم عدنا كم محاضرة واعرفهم مجرد مراجعة
مااعرف شنو عفتها ورحت اغسل طلعت لبست بنطرون اسود ومشيت علئ كيفي لكنتور سارة طلعت السويتر مالتها لبسته وهية محذرتني ماالبس شي منها بس هذا عجبني وهم جايبتة قياس كبير يعني يكفيلي
لبسته وخليت مكياج خفيف ولفيت الشيلة ولبست الحذاء واخذت الجنطة والملازم ونزلت لكيت ماما وبابا كاعدين ماما تسوي ريوك وبابا منتظرها تكمل صبحت
عليهم وبوستهم وكعدنا نتريك وبابا كال سارة وينها كتلة متداوم اليوم كال من ارجع ﭑنـي الها صايرة هواية تغيب عن المحاظرات ليكول الجامعة مال ابوها علمود
تتغيب كلت بكلبي دكليها سارة هههههه كملت ريوك ودك هورن عرفته اجة بابا كال اوكفي طالع وياج كمنة ﭑنـي وبابا ودعت ماما وطلعت طلعنة لكيت السيارة
واكفة هوة نزل الضاهر شاف بابا وياريته مانزل اشو اليوم لابس قميص اسود وبنطرون اسود والمناضر والساعة والشعر مرفوع واللحية محددة يمة ضليت
بس ارمش مدري شصار بية شطالع اليوم كيك خوما كيك علئ كولة سارة صحيت علئ روפــي وهوة يسلم علية رديت السلام وصعدت بالصدر وهوة واكف وية
بابا يسولف شوية وودع بابا واجة ركب وبابا راح يشغل سيارته ، ركب بالسيارة وكال يالله اول ماصعد سحب كلنكس وبدون تفاهم شمرها بحضني و كال
خففي الحمرة استغربت كتلة شعليك استغفرالله وكال بهدوء كلت خففيها كتلة بنتر مااخففها مالك دخل اشو هذا وكف السيارة نزع المناضر لزم الكلنكسة ولزمني
م̷ـــِْن فكي بحيث وجهي انعصر وضل يمسح بيهة واني عيوني مغوركة ابد مارضيت علئ تصرفه لين ماله كل حق كمل وبدون كلام وخر ايدة مِڼـّي وجهي ولبس
المناضر ورجع يسوق باوعت مسحها ولا خلة شوية كتلة وعيوني مغوركة اول واخر مرة تسوي هيج المرة الجاية اكول لبابا والله كال بهدوء تردين تبقيها نفس
هذاك اليوم بارزة وتخلين الرايح والجاي صافن عليج مثل هذاك اليوم ?! ترا باسل موكل يومية موجود علمود يعارك هوة يحجي واني سحت بملابس من
الخجل كلت بكلبي لْـۆ ماخذة الكلنكسة وماسحتها مو احسلي طاحظي اي والله رجع يسوق وعطره ملأ السيارة ملي باوعت عليه بتك عين كلت بكلبي شدعوة
هالكد انيق وطالع حلو ويامن طالع من الصباحيات ، حسيته كال باستهزاء اي شوكت تردون النا الموافقة كتلة واني مدنكة مادري وطول الطريق كلش خجلانة
منة كل ضني كلت بداخلي بس طلعت مفضوحة وكلت بهدوء هسة لو سارة مداومة جان كعدت ورة كال بهدوء وعليمن تكعدين ورة ?! اليوم تكعدين يمي بعد
كم يوم تكعدين بحضني هوة كال هيج واني انطك راسي بالجامة من الفشلة عزا العزاه درت وجهي حسيته صار نار من ورة كلامه شلون يحجي هيج وياي ولمحته
بالمراية يخفي بأبتسامته واني ماصدكت وصل للجامعة كبل نزلت وسديت الباب ومشيت .
باسل
منضرها بالقفطان مايروح من بالي بوية طالعة جنها حلقومة مدري شجاني خجلها خوفها ارتباكها رجفتها بيوم وليلة ضليت افكر بيه شبه اعجبني مدري اعجبني اقنع بنفسي انو مستحيل انعجب بيها مجاي اتقبلها يغدرني تفكيري ويفكر بيها صراعات واسئلة بعقلي ماجاي
الكة الها جواب مقنع يجي يوم واتقبلها واحبها ! لْـۆ ابقئ هيج اتهرب من عدها ومااتقبلها، بس خاف يتم كلشي واضلمها وياي ?! خاف تريد تعيش قصة حب
حالها حال البنات خاف تريد تاخذ واحد مقارب لعمرها مو اكبر منـِهـِْا بسنين هواي اهوو باسل امسح هاية الافكار من راسك الي تحلم بي مستحيل يصير عوف كلشي وركز بحياتك ونشوف تاليتها وية هالريحانة خليت
ونمت وراي كعدة من الصبح فزيت الصبح علئ المنبه كمت سبحت ولبست البنطرون الاسود والقميص الاسود ورتبت شعري ولبست المناضر ورشيت عطر واخذت
المحفظة والمبايل والبدلة العسكرية شايله بالتعلاكة ونزلت حتئ مالحكت اتريك تاخرت عود اتريك بالدوام شغلت السيارة وخليت البدلة العسكرية ورة وبديت
اسوق وصلت لبيت عمي طالب دكيت هورن شوية وطلعت هية وعمي نزلت سلمت عليه وسولفنة شوية وبعدين ودعته وصعدت بالسيارة اول ماطلعت انتبهت
علئ حمرتها مطوختهة والله موتتني بحمرها عود من تجي يمي خلي اشوف ياهوة يخليه تحط اول ماصعدت شمرت عليها كلنكسة وكتلها امسحيها عاندت
وعصبت منها وكفت السيارة وجريتها واني مسحتهة ردت امسحها بطريقتي الثانية بس مومن حقي مع الاسف مسحته وهية مصدومة ومعصبة ماقبلت علية
بس خوش رديت عليها سكتتها ام لسان اسوق وهية ساكتة سمعتها كالت بهمس هسة لْـۆ سارة موجودة جان كعدت ورة رديت عليها بهدوئ ومكر وعليمن
تكعدين ورة اليوم تكعدين يمي بعد كم يوم تكعدين بحضني اشو هاي ساحت وجهة اجة يطك استغربت كلت شي غلط والله يالله ابتسمت شلون حصرت
روحها يم الباب وبساع خفيت ابتسامتي مااريدها تنتبه وصلت للجامعة وهية نزلت بساع راحت واني حركت السيارة ورحت عندي شغل بالمحكمة اكمله
واروح للدوام ولبسي العسكري مخليه ورة .
- يتبع الفصل التالي اضغط على (يأس القلوب) اسم الرواية