رواية نبضات القلب الفصل السابع 7 - بقلم دنيا صابر
الفصل السابع
عند وعد و هي بتكلم وتين
وعد :والله زي ما بقول لك كدا مش هقدر يا بنتي غدا اي اللي عايزاني اجيه انتي لسه عروسه
وتين :شوفيلك حجه تانيه انا بقالي شهر و نص يعني خلاص تيجي عادي شهر الحبسه خلص
وعد : والله انتي هبله طب اكل اي اللي هتعمليه
وتين : ورق عنب عارفاكي بتحبيه و طفسهو هتيجي عشانه
وعد :اوعا وشك يا برنس الليالي ايوا طبعا جايه دا ورق عنب مستحيل اقول لا
وتين و هي بتضحك :طب متتاخريش بقا مستنياكي
وعد وهي بتقوم تقف قدام الدولاب : فوريره
...............................................................
امير و هو داخل البيت بيفتح باب البيت و بينادي :
امير :توتا يا حبيبتي انا جيت فينك
وتين و هي بتتكلم من المطبخ : انا هنااا حمد لله على السلامه يا حبيبي
امير و هو شايف وتين و هي مبهدله شكلهاا و هدمها عليها دقيق و وشها عليه دقيق و رابطه شعرها بتوكه و رابعها كعكه لفوق ضحك : اي اللي انتي عملاه ف نفسك دا يا قلبي انتي كنتي ف حرب مع الدقيق
وتين و كشرت و بصت ع نفسها وقالت بدلع :متضحكش يا امير دا ذنبي اني قلت اعمل الكيكه اللي انت بتحبها
امير و هو بيبص عليها و ابتسم بحب : بحبك يا توتا
وتين بعد ما كانت مكشره اتكسفت و قالت :الله بقا يا امير قلت لك الف مره قبل كدا متقولش بحبك فجاءه كدا بتكسف
امير بضحك : طب اقولها امتي
وتين بضحكه :لما ابقي مستعدها ليها كدا و مجهزه نفسي اصل انت متعرفش لما بتقولها فجاءه كدا بيحصل فيا اي دي بتخليني مش ع بعضي و بتكسف موووت
امير : يا نهار اسود دي بتعمل فيكي كل دا لا لا مليش حق دي مشكله و عندي حل لكسوفك دا و بيقرب منها و لسه هيديها بوسه وتين قاطعته
وتين بخضه :امير انت هتعمل اي ابعد كدا كل هدومي كلها دقيق
امير : و هو ف احلا من الدقيق
وتين بتحذير و بترفع صباعها : لا لا انا عندي حاجات كتير نعملها انت ناسي ان احنا عازمين ادهم و وعد و كمان كلم حسام اخوك يجي يتغدا
امير بتوتر : احم لا لا مش هينفع حسام يجي مش فاضي
وتين بدون اهتمام : طيب انا قلت عشان يتصاحب ع ادهم مفيش مشكله و بتصقف بايديها :يلا يلا روح خدلك شاور و غير هدومك زمانهم جاين
امير و هو بيقلب عيونه : فصيله لازم كل مره تضيعي عليا اللحظه الرومانسيه
وتين بضحك : اميررر
امير بضحك و هو داخل الاوضه : خلاص من غير ما تزقي
........................................................................
عند وعد بعد ما خلصت لبس و بتبص ع نفسها ف المرايه
وعد : ياختي عسل اي العسل اللي انا فيه دا دا انا مزا و محدش واخد باله و قال اي ميعرفنيش ابو تقل دمك ازاي اصلا مش فاكرني مكنوش سنتين اللي سافرهم عامل نفسه تقل و مش مركز ماااشي يا انا يا انت دا انا يامااا كعبلتك من ع السلم و ضحكت عليك هعرفك ازاي تبقي واد تقيل كدا دا انا وعد و الاجر ع الله بس اما اشوفك تاني ياختي دك هنا ف حلاوتي
و حدقت بوسه لنفسها ف المرايه و اخدت شنطتها و خرجت
وعد و هي بتنادي ع مامتها : يا ماما يا حاجه انتي يا ست ياللي ف البيت يا ماااما انتي فين
مامتها : خلصتي الاغنيه تعالي انا هنا ف المطبخ كل دا ماما ماما اعقلي بقا
وعد :ما انا عاقله اهو المهم انا ماشيه بقا زمان توتا هتولع فيا عشان اتاخرت
مامتها :طيب بس متتاخريش و ابقي سلميلي ع وتين
وعد و هي بتوس راس مامتها :حاضر ادعيلي بقا كتير كدا ربنا يوقع العريس عشان اتجوز بقا اصل بعد فرح توتا و انا نفسي اتفتحت للجواز
مامتها و هي بتضربها ع راسها : اتلمي يا بت انتي
وعد :انا نفسي افهم بس انتي ليه مش زي بقيت الامهات اللي كل ما تشوف بنتها تدعيلها بابن الحلال هااا مش بتدعيلي ليه بالعريس يا مامااا
مامتها بضحكه :كفايه انتي بتدعي هبقي انا و انتي يلا با لت امش من هنااا
وعد و هي خارجه : فعلا عندك حق يا ماما سلام يا جميل
..................................................................
عند ادهم و هو بيكلم مامته
ادهم :انا خارج يا ماما
وفاء : طيب يا حبيبي خد الشنطه دي ابقي اديها ل وتين و سلملي عليها جامد
ادهم بهدوء :حاضر و خرج و هو بيكلم امير ف الفون
ادهم :اهو ياعم هركب اهو مش هتاخر والله مسافه السكه
امير :تمام بسرعه عشان وتين مصدعاني من الصبح كلمه و كلمه
ادهم بضحكه :انت هتقول لي عليها سلام
.....................................................................
عند فاطمه
فاطمه و هي بتكلم نور ف الفون
فاطمه : يا نور انا بقالي اسبوع بصالح فيكي و بقول لك كنت مدايق من حاجه ف الشغل و طلع ضيقته عليكي و مكنش يقصد متزعليش بقا و يا ستي عشان اصالحك و ترضي عليا تعالي نخرج نروح اي حته و ع حسابي
نور بتنهيده مش عايزه تدايقي اختها و تزعلها اكتر من كدا و هي ملهاش ذانب : حاضر يا فاطمه هلبس و نخرج اي مكان انا اصلا زهت من قعدت البيت و اتصل ع سما صاحبتي تخرج معانا هتحبيها اوي
فاطمه بابتسامه جميله : تنور يا حبيبتي
دخل فارس من باب البيت و بص عليها بابتسامه
فاطمه اول ما شافته راحت عليه و اديته بوسه ف خده
فاطمه :حمد لله على سلامتك يا روحي اتاخرت اوي النهارده ثواني و الغدا يبقي جاهز
فارس : كان عندي شغل كتير , اه والله يا روحي حضريه اصل انا همووت من الجوع
فاطمه و هي بتحط ايدها ع بوقه : بعيد الشر متقولش كدا تاني انا من غيرك امووت
فارس و هو بيحاول يجاريها ف الحب بس كل مره بيفشل : بعيد الشر عنك يا قلب فارس يلا هدخل اغير هدومي
........................................................................
عند حسام بيتكلم ف الفون و متعصب جدااا
حسام :اتصرف يا زفت انت و هاتي اي حاجه مش قادر
_قلت لك اخوك عامل حراسه جامده و لما جيت ليكالمره اللي فاتت الرجل اللوح اللي واقف قدام شقتك رفض يدخلني اعمل اي يعني
حسام بعصبيه :بقولك اتصرف بقالي اسبوعين و تعبان حاسسجسمي مكسر اعمل اي حاجه و هزودلك الفلوس المهم تتصرف و تجبهولي بسرعه
_ تمام هحاوى اشوف طريقه و اجيبلك طالما هتزودلي
حسام:بسرعه و قفل
.........................................................
عند فارس و فاطمه قاعدين ع الاكل
فاطمه و هي بتحط اكل لفارس
فاطمه :صحيح يا فارس انا هخرج مع نور النهارده العصر
فارس بتنهيده و عينه ع طبقه : اخيرا عفت عنك و رضت تتراضي انا مش فاهم هو اي اللي انا قلته غلط عشان تزعل كل الزعل دا
فاطمه : فارس يا حبيبي انت عارف ان نور الظلوعه و هي كدا مش بتحب حد يكلمها باسلوب مش عاجبها و انت اتنرفزت عليها جامد ف معلشي يا حبيبي ابقي صالحها او طيب خاطرها انت الكبير و هي برضوا ف مقام اختك ف لو زعلت او حتي اتدلعت راضيها
فارس بتكشيره : نور مش اختي
فاطمه بعقدت حواجب :اختي تبقي اختك يا حبيبي
فارس بالم :صح عندك حق خلاص تمام هبقي اراضيها
فاطمه بحب : اي رايك ف الاكل
فارس و بيبص عليها و ساكت بعد شويه رد :جميل يا حبيبتي تسلم ايدك
فاطمه :طب يلا يا روحي كل انت مبتكولش ليه
فارس بسرحان :هااا..... باكل اهو
بص ع الاكل و بيقلب ف الاكل اللي قدامه لكن تفكيره ف مكان تاني خااالص
........................................................................
عند سيف قاعد مع احمد و بيتكلموا ازاي يجيبوا اسلام و يعرفوا طريقه بعد ما عملت عملته و هو اختفي
احمد بهدوء : انا كلفت واحد يعرف مكانه بس لسه موصلش لاي حاجه
سيف بنرفزه دا وضعه كل ما اتفتح حوار اسلام الزفت دا و هو اعصابه بتتشد و بيتنرفز : ازاي يعني يا احمد تبقي ضابط كبير ف الدخليه و مش عارف تجيب حتت عيل زباله زي دا
احمد و هو بيحاول يهديه :اهدي يا سيف قلت لك هنجيبه دي اختي برضوا و عايز اخد حقها وانتقم من اللي عمل فيها كدا برضوا
سيف بعصبيه و زعيق : احمد انت مش حاسس بالنار اللي جوايا مش حاسس بوجعي و الحرقه اللي بتحصل لي كل ما افتكر اللي حصل مع هدي انت اكتر حد عارف انا بحب هدي قد اي بس الوقتي حاسس بوجع جامد يا احمد كل ما ابص ف وشها القي نار بتاكل قلبي اكل حاسس انها خانتني و خانت حبي ليها قلبي واجعني ازاي الحيوان دا قدر يعمل فيها كدا ازاي قدر يكسرها و يوجعها بالشكل دا دا انا هولع فيه
احمد بتنهيده : اهدي و انا هتصرف بلاش انت تعمل حاجه عشان متضيعش نفسك
..................................................................
وعد و هي داخل البيت
وعد ف نفسها :اوعا وشك يا بت يا توتا اهي دي الجوازه و لا بلاش دا انا لو عندي جنينه زي دي مكنتش بطلت لعب كوره فيها طول اليوم
رنت الجرس
امير و هو بيفتح الباب
امير : اخيرااا جيتي دا انا جعانه و وتين عمله حظر تجول محدش يجي جمب الاكل الا لما انتي تشرفي
وعد بضحكه : تربيتي البت دي اذيك يا بشمهندس امير
امير و هو بيبتسم :الله يسلمك يا انسه وعد اتفضلي
وعد و هي داخله :الله ريحه الورق العنب اي دا اي و بتكمل كلمها و عنيها جيت ع ادهم اللي قاعد ع السفره
ادهم بتكبر و غرور :هي دي وعد اللي مستنينها لو اعرف ان هي كنت اكلت من بدري
وعد و هي بتحط ايديها ف وسطها :اه انا وعد خير ليك شوق ف حاجه
ادهم و بيرفع خاجب و لسه هيتكلم وتين جيت انقذت الموقف
وتين : وعد وحشتيني تعالي تعالي كلي و قوليلي رايك
وعد و هي بتبص ع ادهم بتحدي
وعد :حبيبت قلبي يا توتا
………………………………………………………
الام :تعبتي قلبي معاكي يا هدي اخرجي اتغدي معانا
هدي بعياط: مش جعانه يا ماما
الام: ليه بس يا قلب امك انتي بقالك يومين محطتيش حاجه ف بطنك هتوقعي من طولك كدا يا هدي اسمعي الكلام و تعالي كلي
هدي : ماما عشان خاطري سبيني لوحدي وانا لما اجوع هاكل
الام : لا دا سيف ماكد عليا تيجي تتغدي معانا
هدي برجفه و خوف : سيف
الام:اه ما اصل هو برا كان بيكلم ابوكي و ابوكي اصر يتغدا معانا قومي بقا
هدي بخوف : لا لا مش عايزه اكل
صوته من وراء مامتها بيقول بحده
سيف بحده: سيبهالي يا مرات عمي انا هقنعها
الام :تبقي ريحتني يا ابني عندك اهي اتصرف انت
سيف ابتسم لها و هي ماشيه و رجع نظره ع هدي و هي واقفه عند باب الاوضه و …………
………………………………………………………
فاطمه و نور و سما ف مول بيتمشوا
فاطمه برقه : بقول لكوا اي يا بنات اي رايكوا ندخل محل الساعات دا اجيب ساعه لفارس من زمان مجبتلوش هديه
نور بغيره :ادخلي انتي انا مش عايزه ادخل
سما بضحكه : انا هاجي معاكي
نور : خلاص انا هستنااكوا ف الكافيه اللي هناك دا
فاطمه و سما : تمام
………………………………………………………
- يتبع الفصل التالي اضغط على (رواية نبضات القلب) اسم الرواية