رواية يأس القلوب الفصل السابع 7 - بقلم رودة
part 7
حارت منو تبوس منو تشبك بعدين باوعت علئ بابا وكالت شلونك ابو محمد بابا كال الحمدالله ام محمد نسئل عليج كالت الحمدالله وكعدت كعدنا يمها حمحم بابا وكال حجي (يقصد علئ جدو ) اني جايكم بطلب واتمنئ ماتردوني وهالطلب مو لخاطري لخاطر
اولادي جدي هز راسة وكال تفضل ابو محمد ؟ كلة بابا 6 سنين عائلتنا متفككة صحيح طول هالسنين صرت لاولادي الاب والام والاخ والصديق وماانكر هذا واجبي بس اديته باكمل وجه ولو يردون عيوني هاي اشلعهن وانطيهم الهم شعندي غيرهم ؟! بس ياحجي
طول هالسنين صرت كلشي الهم بس ماكدرت اعوض مكان امهم ! دمعت عيوني من كلام بابا اشر علئ علاوي وكال شنو عمره هسة ٩ سنين وفاقد حنان امه صار ٦ سنين ؟! لو هذولي كلهم شنو ذنبهم ؟! بلع ريكة وكال اني جاي الم الشمل بعد 6 سنين من الفراك كلهة باوعت
علئ بابا بصدمة ماما جانت مدنكة كبل رفعت راسهة انتبهت علئ روحي دموعي ينزلن عشرة عشرة فرح علئ خوف بداخلي مسح وجهة بابا وكال اني مااجبركم ولا اتوسل بيكم القرار راجع الكم تقبلون ترجع وينلم الشمل وتعيش حياتها وية اطفالها واذا البيت
مايوسعها اخليها علئ راسي الله شاهد واذا تريد ترجع علمود الاولاد فاني هم قابل لين اني جاي علمودهم موعلمود شي ثاني اريد اشوفهم هالمرة يفرحون وامهم وياهم وبلع ريكة وكال واني مستعد احول دوامي محافظات اذا متريدني اتواجد بالبيت وكلش عادي
عندي لين مجرد مااشوف ولدي وبناتي فرحانين وهالمرة يبجون من الفرح مو من الحزن بوكتها محد يفرح بكدي لين سعادة اولادي عندي اهم من كلشي واذا ترفض ومتريد ترجع ماكو مشكلة اطلع منا والعلاقة طيبة اباوع خالي الكبير حمحم وكال والله يابو محمد
كلنة ندري شكد تعذبتوا والفراك ماجان بيد احد المايخافون الله دمروا العائلة هز بابا راسة بقهر وهوة يذكر فعلة اخواتة رجع كال خالي واني مايهون علية اشوف اولاد اختي متعذبين والدنيا ماراحمتهم من بعد امهم فاني ماعندي اي مانع وكلامك علئ عيني وراسي
دومك معروف بشهامتك ابو محمد بس بعد يرجع القرار الاول والاخير الها ولابوي اما احنا واخوتي ماعدنا مانع وموافقين مومن حقنة نرفض ونعترض لين كما تدين تدان يوم احنا نرفض ويوم ننرفض شتكولون خوالي نفس كلام خالي ناس مسالمين متفهمين لابعد
حدود ابتسم بابا وكال غالين بوية ماتقصرون جدي كال ابو محمد اني اعترف انتَ بعد الطلاق اجيتني هواي وردت ترجع تلم الشمل بس للاسف اني جنت ارفض وخايف علئ بنيتي لا تتبهذل من جديد وتعرف انتَ خوف الوالد علئ بنته بس من بعد هذا كلامك لا والله
ماتطلع من البيت الة وانتَ ماخذ الجواب يالغالي وباوع لامي وكال بوية جوري القرار الاول والاخير الج وسمعتي كل الكلام مايحتاج نعيد اباوع لامي ارتبكت وابوي كالساعة الكفه يباوع عليهة ويدور بساع امي تباوع علينة واحنا كلنة عيونة مدمعة ونضراتنة تكول يمة ارجعي كافي بعد جانت كاعدة يمة اخوي محمد ومحاوطهة بايده واني يمهم تقرب جاي يشاورهة واني دحست روحي اريد
اسمع سمعت محمد يكلها ديلا يايمة وافقي واجيبلج احلئ جنة وراهة باسبوع تكلج اني حامل ويصير عندج حفيد وبكيفج بعد ضحكت امي وبجت وخلت شالهة علئ وجهة ومحمد يضحك ويبوس براسهة واحنا نبجي وسارة تبجي وتكرص بمريم كلت بكلبي طركاعة
شكد نبجي جدي كال لامي ها بوية ؟! رفعت راسهة واباوع ابوي يمسح وجهة بالكلنكس ارتبك كال علاوي بفطارة جان كاعد يم بابا ولازم ايدة يعني بابا هسة ماما اذا كالت اي تجي ويانة وانام بحضنهة هوة كال هيج واباوع ابوي باوعلة بابتسامة وكال اي باباتي امي
دموعهة تنزل مسحتهن وكالت اي بوية اني قابلة ارجع كالت هيج ومرة خالتي هلهلت واخيرا بجينة من الفرح ورجعت كالت علمود اولادي بعد مااكدر افاركهم ومااكدر اضيع هيج فرصة تجمعني بيهم بس عندي شروط ابوي كال بجدية حجي اذا ماعندك مانع نتفاهم
هسة علئ الشروط علمود نكون متفقين علئ كلشي جدي هز راسة بتفهم وكال بوية اطلعوا النا خلي يتفاهمون همة كبار ويعرفون بعد كمنة طلعنة وردت البد ورة الباب وسحلتني مريم وطلعنا وانسد الباب وبقئ ماما وبابا بالاستقبال .
طالب
طلعوا وبقت بس هية رفعت راسي وتلاكت عيوني وية عيونها حجي هواي حيل هواي حجت عيونة مسحت كصتي وكلت ها بوية شنو الشروط صافنة متحجي كلت بكلبي دحجي مو بهاي صفنتج لعبتي بكلبي لعب فزت من صنفته وكالت هاا كلت بكلبي اخ يابة
اروح فدوة لهاي الها العبت لعب بية بلعت ريكهة وكالت اني راح ارجع علمود اطفالي مو علمود شي ثاني كتلهة واني هم جاي لهذا السبب ورجعت كالت معليك بية بالبيت كل واحد بحاله لين صراحة بعد هالسنين كلهة مادري مجاي اكدر اتقبلك هزيت راسي وكلت
بعدم مبالاة هوة اني عود جاي اكلج نفس الكلام عادي ميهمني واصلا طلعاتي هواي يعني مراح نتصادف انتِ يم اولادج واني بحالي واتفقنة بعد علئ كم شغلة وكمت وكفت وكلت الها يصير خير ان شاء الله اني طالع خلي البنات يجن وراي وباجر اني جايب الشيخ
وجاي وطلعت بسرعة يامحمد شصار بية وهذا كليبي رهيف ويحن يولي اثكل يكلبي لا اراديا ابتسمت اخ يابة هسة اذا اموت اموت مرتاح اي ليش ترديني بالبيت مااهتم الج واصلا مترديني متواجد اي موتدللين جوريتي اخذ اجازة 30 يوم واكابلج واكعد وحتئ وية
عزيز بعد مااطلع اخ الله هههه صحيت من صفنتي علئ اصواتهم طلعوا يضحكون ابتسمت وسلمت علئ الحجي والخوال وكتلهم ان شاء الله باجر اجيب السيد مااريد اتاخر لين خاف التحق ماكالوا شي فرحوا صعدت بالسيارة وصعدوا الاولاد والضحكة مرسومة علئ
الوجوه بين انو ملامحي عادية لا فرحان ولا هاي مبس اخ الي بداخلي ماينحجي ولا ينسكت عنة اسوق والبنات يتناكرن بس ريحانة صافنة علئ الجامة تنهدت واسوق وصاحت ريحانة بابا صيح علئ حسين بس يكرص بية وجعني خزرته وكتلة موكتلك لا تحاجيها
غمزلي وكال بعد وكت اغاتي صار ساعة تحاجي بيك وين بالك ترا بعدنا يمك استغفرت الله وضحكت طك اصبع حسين وكال هلا هلا انفكت العقدة وراح يزوج محمد ونوب اني اشطح راح اعرس فرحنا واليحبنة يفرح ويانة كتلة اي موتدلل اخطبلك سحر شلون
بنية وردة مال الله كال بوية ليش تسد نفسي دعوفني فرحان ضحكنا وافترينا شوي ورجعنا للبيت نزلوا من السيارة واني حركت السيارة وخابرت عزيز مايرد رجعت خابرته جاوب وكال الله واكبر بالشغل ماخلصان منك بالاستراحة ماخلصان منك شوكت اخلص
كتلة من اروح للنجف ضحك وكال اسم الله نتقشمر ياخوي كتلة داسمعني راح اتزوج كال شنو انتَ تزوج شو دروح وبطل شقة وخليني نايم كتلة وعلي شبيك كال طالب مضروب براسك بيك شي موتكول اني غير جوري ماتحلالي مرة جا شلون راح تزوج ؟!
كتلة هوة اني راح اتزوج جوري خوية كال هسة تاكدت انتَ بيك شي روح خوية الله يشافيك ويخليك لاولادك الضاهر اليوم تعبان هواي بالشغل كتلة واني اسحب نفس من الجكارة دبطل مسخرة يمعود واسمعني وبديت احجي الة وهوة يضحك وفرحان ختمت الكلام
وكتلة ازركني باجازة 30 يوم حتئ وجهك بعد مااشوفة ولا تعرفني ولا اعرفك ضحك بصوت عالي وكال اي موتدلل اذا مو كل يومية اجي اسهر يمك منا لحد ماتنام كتلة لا بشرفك ضحك وباركلي وكال شني بوية معزومين باجر علئ المشية لا كتلة يابة اول واحد
معزوم واذا مايوسعك المكان اخليك علئ راسي الغالي ابو باسل بعد ضحك وكال غالي خوية غالي روح نام وديربالك لاتفز كل خمس دقايق تهلهل من الفرحة ضحكت وكتلة دمشي لك سوالفك ذني تحملني هاليومين بعد ماتشوفني ضحك وكال اخ بوية السالفة
صارت صدك ضحكت وكتلة اودعناكم يابة فد سنة واشوفك ضحك وكال دمشي نام وباجر الصبح ريوكي يمك كتلة هلا بيك تنورنا خوي وكبل لا اسد الخط كلي زين شكلت علئ الموضوع الي فاتحتك بية حكيت لحيتي وكلت بدون تفكير كبع واخذ ضحك وكال يصير خير وسدينا الخط سقت ورجعت للبيت صارت الدنيا مغرب وكت صلاة توضيت وصليت وبعدين صليت ركعيتن شكر قربة الئ الله
لميت المصلاية وكمت شفت كلهة متجمعة بالاستقبال ويسولفون ويضحكون الة ريحانتي مو وياهم كلت لمريم بوية وين ريحانة كالت فوك صعدت فتحت الباب طافي الضوة واسمع شهكاتهة جوة اللحاف صاحت سارة اطلعي وسدي الباب عوفوني لحد يجيني كلت الها
حتئ ابوج ماتستقبلينة كمزت بساع وكالت بابا تقدمت وبحركة وحدة سحبتهة لحضني اشش ياروح ابوج كافي بجي وهية انهدت بالبجي وشابكتني حيل عبالك راح اطير وتشهك وتكول بابا كافي والله مااتحمل تزعل سوي بية كلشي بس لاتزعل لين كلشي اتحمل
الة زعلك كتلهة ها بعد تضمين علي كالت التوبة والله التوبة كتلهة واني ابوس راسهة ردت اشوفلج خوش عقاب بس ادري بيج ماتتحملين واني ابوج وكلبي رهيف بس عندي حجي وياج بموضوع مهم كالت اي بابا كول شنو كتلهة بعدين موهسة تعرفين كالت تمام تمددت علئ الجرباية وشبكتهة وامسد علئ راسهة وكلت هسة كملت فرحتج
كالت محد بكدي فرحان ! والله الله بابا اليوم انام مرتاحة لين صالحتني ضحكت وكتلهة دومج تنامين مرتاحة يروح ابوج زين تعالي باجر احنا وين راح نروح ؟! صفنت ورجعت كالت بضحك لعقد امي ضحكت وكتلهة وين نروح كالت لعقد امي وضلت ادغدغ بيهة
بلحيتي وهية تضحك كتلهة يلا كومي يم اخوانج لا تبقين عازلة روحج كالت كايمة كامت ونزلنة سوة حسين طك اصبع وكال هلا هلا بعد ماتجيني تبجي وتعال يحسين اشبكها حتئ ماتخليني اخابر براحتي خزرته وكلت تخابر منو ولك حك راسة وكال اخابر صحباني
تدري بية علاقتي قوية بيهم كال علاوي الصغير اي صحيح بابا يخابر بصحبانة حتئ واحد من صحبانة اسمة فدك محمد جان يشرب مي غص وكلهة ضحكت وحسين وجهة صار احمر ويتحلف لعلاوي ضحكت وكلت لعلاوي تعال بعد ابوك يروحلك فدوة صاحب
فدك اجة لحضني وشبكته وعود يسكتون لا بوية وين لزموا حسين تصنيف اباوع عليهم ومبتسم وادعي الله يديم هالفرحة وان شاء الله باجر تكمل .
مريم
صعدت لغرفتي تمددت علئ الجرباية ودك مبايلي مجرد ماشفت الرقم دموعي ضلن يطيحن عشرة عشرة وكاتمة شهكاتي بيدي فتحت خط وخليته علئ اذني وساكتة ورة خمس ورة خمس دقايق حجه بصوته الحنين الي يرد الروح وصوته بي رجفة رريامي بجيت
ماتحملت تنهد وكال سنتين ماسامع صوتج منو يرضاهة ؟! يابة شكد غنيت تايبين وابد ماتبت من حبج ! شنسئ مريم صار سنتين روحي مفرفحة عليج ومحمد نار وتحرك بية ماتطفئ الة بشوفتج ورجعتج الية ليش تنهين كلشي ليش ؟! كتلة ببجي احمد بعدني
ممكملة وكال روحة وعمرة وكلبه لاحمد كتلة بتردد اني سابقا كتلك اهلي محتاجيني ومااكدر اعوفهم وتعرف ضروفي جانت شنو والسبب الثاني اهلك ميردوني احمد لا ابوك راضي ولا امك واخواتك يكرهني ومحد يريدني الك الكل محاربتنا صدك اني ماافيدك
واعترف اني احبك اي احبك بس شنو نهاية هذا الحب فهمني كال بهدوء كتلج غصبا علئ كل واحد عارض اخذج يعني اخذج يعني هسة انتِ لين اهلي مموافقين انتِ نهيتي كلشي زين انتِ راح تعيشين وية اهلي لو وياي باعي انتِ لو صدك تحبيني وترديني جا عفتي
كلشي وكلتي وياك واتحمل بس الضاهر واحد ثاني مالي عينج وكمتي تطلعين حجج علئ العموم الله يوفقج واسف علئ الازعاج جاي اكله دقيقة احمد وغلق الخط بجيت وكلت يالله هسة اني منين اتلكاهة نوب انطاني بلوك انهديت بالبجي والله احبه واريد بس مادري
مادري لازم اشوفل حل يالله ونوب هلايام راح اقدم ماجستير واكيد راح اشوفة كاليومية عيوني ابتسمت لا اراديا مجرد التفكير بي خرب يومي وين شطح بالي وهوة منطيني بلوك اخ يامريم تبقين دومج ماتعرفين تصرفين وتخربين الاول والتالي .
- يتبع الفصل التالي اضغط على (يأس القلوب) اسم الرواية