رواية يأس القلوب الفصل السادس 6 - بقلم رودة
part 6
واحترمي محمد صاح كافي اسكتن وخزر سارة وكال وانتِ احترمي لا اكوم هاية الماسحة اكسرها عليجن كتلة محمد هاية طرف عيني يوجعني كال غير مزلغة وجهج ازلغ شلون مايوجعج كتلة عادي عادي المهم كتلتهة حيل بالماسحة كتلة بسرعة محمد خاف راح
يكولن لعمو لو لاخوانهم ويجون يكتلوني محمد خزرني وكال دخلي واحد يتقرب لبابا الحوش انعل والديه الي يمد ايدة عليج لو يمسج بكلمة وهذني حسابهن يمي خلة ايدة علئ عيونه وتمدد علئ القنفة ومريم اشرت النا بمعنئ كومن خلي نطلع كمنة طلعنة كلت لمريم بابا
شيسوي راح للنجف كالت وهية تطفي الاكل من الطباخ غير الساعة ب4 الصبح اخذ عماتي وراح للنجف كتلهة بصدمة شنو ؟! كالت والقران وجدو راح وياهم يردون يفكون السحر لين من سمع مسويات لماما تتمرض كام يشيل روحه ويدكها بالكاع ومسحت دموعها
وكالت ليش ماحجيتي من وكت ريحانة كمت طلعت من المطباخ بساع اتهرب من الجواب وتنزل دموعي من اذكر بابا شلون ضربني وكلهن يتراكمن علية سمعت سارة تكلهة هية بيا حال وتسأليهة ؟! دخلت للغرفة وسديت الباب تقربت للمراية هاي شصاير بوجهي
طركاعة طاحت عليج يسحرصدك سحر زين هسة من بابا يجي يحجي وياي لو زعلان استغفرالله هسة اني ليش ماحجيت يالله وبجيت صوجي ماحجيت صوجي شلت مبايلي ودكيت علئ ماما ماردت علية اكيد مويمها المبايل استغفرالله ياربي سمعت صوت بابا
جوه عرفته اجة هستوني مشيت وصاح ريحانةة تعالي كبل كمزت وبلعت ريكي نزلت علئ كيفي جان واكف يم الدرج وعيونه حمرر دم واعصابه بارزة كتلة واني اتلعثم ها بابا ها كال بنتر شو تعالي كدامي تقدمت باوع بوجهي وعلئ اللزكات وشلون مزلغ طك ايده
حيل بالمحجر يمه كلبي وجعني عليه وشهكت وكال بعصبية شلون تخلونها هيج تسوي بيها شلون بلا شو تعاي وشال اللزكة ورجعهة وصار عصبي بالزايد طلع مبايل من جيبة وطلع رقم مدري منو ودك شوي وجاوب وكال الو ابو احمد شلونك خوية ؟! الحمدالله بس
عندي حجي وياك بنتك اذا بقت هيج ومحد ضبها اني اضبها الف مرة كلتلها لا تتقربين يم بنتي واليوم جاية ولاعبة طوبة بوجه ريحانة وشابعة الوالدة غلط ودعاوي ترا وصلت حدها ومحمد المرة الجاية اذا عتبت باب البيت اجرم بيها اني اتمنئ بعد تعيدها علمود
اعرف شلون اتصرف وياهة ورجع سكت وكال ماعليك عتب ابو احمد بس سويلها جارة وشوية وسد الخط باوع بوجهي واستغفر عيوني مدمعة جنت متاملة راح يحضني نفس كل مرة ويبوس راسي ويكول باباتي متاذية ؟! بس هالمرة مو هيج دار وجهة ومشئ
للغرفة بدون ميكول اي كلمة دموعي ضلن يطيحن نفس الشلال كتلة بابا ماوكف ركضت وحضنته من ضهرة وبست ضهره وبجيت متحرك بقة واكف وكتلة بابا كلهم اتحمل زعلهم الة انتَ كلبي يوجعني عليك ماحجة ولا كلمة وخر ادية وكال وهوة يحجي وميباوع
بوجهي كتلج احجي ولا تضمين علية علمود بعدين ماتتندمين ودخل للغرفة وكال لسارة راح انام لحد يكعدني ضليت ابجي وصعدت ركض لغرفتي وسديت الباب وانتجيت عليه انهضمت كلش صارت شلون الحسرة بكلبي كمت نمت علئ الجرباية وتغطيت ودموعي
تنزل بسكوت ردت احد بهاية اللحظة وبهذي الدقيقة اشكيلة محد هيج اريد شي اطلع حركة كلبي بي ماكو فتحت باب الغرفة وطلعت غرفة حسين يمي فتحت الباب ودخلت الضوة طافي وهوة نايم لين تعبان جان وية بابا بالنجف تقدمت وشلت البطانية ودحست روحي
بحضنه فز كال بنعاس ريحانة بجيت اول شي ضل صافن وبعدين كبل ضمني لحضنه شهكت ضل يبوس براسي ويكول اش ياروح اخوج شبيج شهكت وكتلة بابا ميحجي وياية ولايباوع بوجهي بجيت حيل وكتلة حاجيه كلة خلي يعاقبني بكلشي ولا ميهتملي ولا
يعبرني ترا اموت والله كال اششش اسم الله عليج حبيبتي كافي اسكتي لا تبجين باس راسي وكال بغصة كلشي ينحل بعد اخوج مايبقئ الحال هيج كتلة ودموعي تنزل يعني كلشي يتصلح وبابا يرجع يحجي وياي هز راسة وكال اكيد كلشي يصلح والبجي مايفيد بس وين
حتئ الحجي مايفيد وياي مستمرة اشهك وابجي شبكني حيل وضمني لحضنة غطاني بالبطانية وياه ويمسد علئ شعري ويهدا بية لحد مابديت اغفئ وحسيت بابا الغرفة انفتح ومريم تكول لحسين ريحانة يمك كلهة اشش صوتج هاية نامت ومدري شكلهة طلعت واني سديت عيوني وغفيت بعد كلشي ماحسيت .
طالب
منتجي علئ تاج الجرباية وجكارة ورة جكارة نار ومشتعلة بداخلي من ورة عملة اخواتي تنهدت وغمضت عيوني وكلت بتعب وصوتي بالكوة يطلع من حنجرتي اخ بوية 6 سنين غمضت عيوني وتذكرت من كالتلي طالب اخواتك مدري شبيهن وياية تصرفاتهن
موطبيعية ديخوفني ابتسمت بقهر واني اذكر كلت الهة لا تخلين ببالج هذا الكلام يحبنج ويحترمنج ماكو هجي حجي قبضت ايدي حيل وعصرته وكلت بحسرة واني اضرب الميز ماصدكتها ماصدكتها ليش يالله ليش لو مصدكها ؟! جاهسة عايشين بخير ! جا هسة بناتي
وولدي مامتعذبين وجان هسة هواي اشياء حلوة بحياتنا وجا هسة محمد قابل يزوج وشايف اولاده قبل لا اموت مومثل هسة معاند ويكلي بيت مابي امي يحرم علي الزواج بي وهاي لحد هسة معاند وراح يصير عمره 31 سنة ! وهواي هواي لو احجي منا لباجر
مااخلص من بعدج اكتشفت الحياة موحلوة من اريد اذكر الايام الحلوة بحياتي كبل تجين انتِ وايامج علئ بالي معقولة يجي يوم وانساج لو تبقة هالجمرة مشتعلة بداخلي لحد مااموت ماتنطفي الة بشوفتج ! كل هذا الكلام كلته واني مطلع المحفظة واباوع بصورتهة
واحجي وياهة سديت المحفظة وسحبت جكارة ثانية حتئ النوم طار من عيوني تذكرت البارحة من سمعت يردن يسولها سحر علمود تتمرض نسيت كلشي وعفت كلشي وهيج ضليت الوب عليهة شلون تتمرض ومن ورة اخواتي ماصار الفجر واخذتهن للنجف ودلني
علئ البيت السون بي السحر بيت صغير بي غرفتين ونسوان طابة طالعة من عنده ومجرد ما بطل السحر من بعد 6 ساعات كبل خابرت دورية الشرطة وسوينة القاء قبض علئ كل السحارين ياربي شكم عائلة تدمرت من وراهم ؟! شكم واحد فقد عزيز عليه ؟!
رجعنا للبيت وكل الضرب الضربته الهن واحس النار بعدهة مشتعلة بية رجعت للبيت وكملت من دريت سحر وبنات اخوي جايات هدادات خابرت اخوي نبهته علئ بناته وصحت ريحانة بوية من شفته راحت روحي اني ماامد ايدي عليهة هنة يمدنهة باي حق ؟!
ردت اضمها لحضني بس لا ردت اخليه تتوب وتحس بالذنب وتبطل تضم علية وتخلي الامور تتازم اريدهة تصير قوية واعاقبهة بعدم اهتمامي الها لين ادري بيهة كلشي ولا اعوفهة بس وين هية روح ابوها وابوها كلبة رهيف عليهة وعلئ امهة اخ يابة غمضت
عيوني وشوي شوي غفيت من التعب صار يومين مانايم التعب اكلني اكل ورة مدري شكد كعدوني كالوا اجة عزيز كبل كمت غسلت وطلعت الهم .
باسل
كاعد بالكهوة وية الولد وكال صاحبي يابة شلون عدنة طلعة بليل وشرب فول متجي ويانة ؟! كتلة واني اشرب مي تدري بية اطلع وياكم علمود امتع نضري لا اكثر وبعمري وحياتي مامتقرب لوحدة لو شارب بعد شكو تعزمني ؟! كال وهوة يضحك علئ كيفك يابة
شكلنة هسة احنا باوعت علئ الساعة وكتلهم يلة يولد اني رايح الساعة 9 عندي طلعة وية ابوي ومنتظرني استاذنت منهم وكمت طلعت ركبت بالسيارة واسوق دك ابوي جاوبته الو يابة وينك عيب تاخر الوقت شوكت نروح يعني ؟! كتلة جاي بوية مسافة طريق
ويمك جاي يروح لبيت عمي طالب هوة وامي وعلمود اوصلهم وصلت لكيتهم منتظريني بالباب وكفت صعدوا وبديت اسوق ابوي كال لو جاي بعد ساعة ساعيتن كتلة يلا ان شاء الله علئ الجايات خزرني وكال من عابت لهل وجه ضحكت وامي كالت يا شبيه وجهة
شو يخبل جنه العافية غمزت الهة وكلت يمة لا تتغزلين بية يم ابوي يغار ضحك ابوي وحك لحيتة وكال انتَ شوكت تبطل هاي سوالفك ؟! كتلة من تزوج علئ امي كال لعد أيس احسلي لين ماتبطلهن ابتسمت ورة شوية وصلنة وصلتهم للباب جاي اروح وطلع
احمد صاح ها وين يمعود ؟! كتلة راجع للبيت كال صدك جذب ادخل كتلة لا والله ان شاء الله علئ الجايات خوي كال دمشي يمعود يابة عازمك علئ استكان جاي ماتدخل تردني يعني ؟! ابتسمت وكتلة ماعاش الي يردك جاي خلي اصف السيارة لفت وكفت السيارة
وطفيتهة ونزلت تسالمنا ودخلت سلمت علئ عمي والولد وكعدنا وامي راحت يم البنات نسولف وعمي طالب مبين علي التعب وكال الضغط صاعد عنده والتهئ يسولف هوة وابوي اندمجوا ونسولف اني والولد وعمي طالب كال يابة عزيز شوفلي ابن اخوك حيدر
موكلت علي خط مال جامعة ؟! اريد اسجل وياه ريحانة وسارة لين الولد بالدوام ويجون بالاربعة العصر واكثر ومحد يلحك وهالايام اني اتاخر بالدوام وجاي اتاخر عليهن ابوي كلة موضل يشتغل علئ الطريق الدولي عاف الخطوط عمي كله اه حرامات استغربت هوة
بعده يشتغل بالخطوط ابوي ليش كال هيج اباوع لابوي يباوعلي بتك عين وصافن كلت بكلبي ابوي بحلكة حجي هاي نضراته اعرفهن لشنو جاي يخطط بلة كال ابوي اذا تريد خلي باسل يوصلهن وياه عمي كال لا خوية شسالفة الولد ملتزم بدوامه تريدني اربطه
بالخط منا هوة مشغول كتلة بجدية لا عمي مابيها شي واني هالشهر دوامي كله بالمركز فماتاثر بالطلعة ارجعهم وياي وهنة نفس اخواتي بعد كال عمي بقلة حيلي بعد شحجس خليتوني كدام الامر الواقع حتئ مااكدر ارفض ضحك ابوي وكلة شحدك كال محمد اني
جنت اخذهم كاليومية بس لين دوامي صار مرات ابقئ يومين ماارجع وطريق طويل مااكدر اخليهن ينتضرني بالشارع ساعتين تعرفون الاوضاع بعد وحسين نفس الحالة ان شاء الله هالايام ارجع ادور الهن علئ خط لين حتئ خطوط الجامعة ممتلئة وشكرا خوي
ماتقصر بس هالايام وياك وبالايام الجاية خط كتلة لا صدك جذب تدللون ابوي كال احنا اهل مابيناتنة عيب ابتسم عمي طالب وكال يابة وكفاتكم ماننساهة ولا تعد ولا تحصئ ماتقصرون جاوبته لا عمي احنا اهل ويابة اكيد نوكف وياكم بكل الشدات ورجعنا نسولف
ونضحك منا لحد الساعة 11 رجعنا للبيت وابوي بالطريق يكلي ابني خوما انزعجت من كلت انتَ توصلهم كتلة لا وين حجي انتَ تحجي واحنة ننفذ نكدر نرفض احنة ضحك وكال حيال كتلة بوية ليش كتلة حيدر يشتغل علئ الطريق الدولي وهوة بعده بالخطوط ؟!
ابوي كال تريدني اخلي هالاسز يودي البنات ويجيبهم ؟! ادري بي عينة زايغة وطايح حظه ماتصيرلة جارة تريد اخلي خط لبنات اخوي وصاحبي وهوة امنهم يمي باعتباره ابن اخوي مستحيل ابتسمت علئ كلام ابوي ومعزته للبنات يابة عشرة سنين ولو كتلة تذب
روحك بالنار ويعيش طالب يذب روحه وعمي طالب نفس الحالة وصلنة للبيت نزلنة وامي تسولف وية ابوي صعدت للغرفة نزعت البنطرون والقميص وبقيت بالكيمونة والشورت تمددت علئ الجرباية يعني باجر لازم بالسبعة ونص اروحلهم واضل اشوف هاي كرفس استغفرالله ريحانة يومية اووو خلي انام احسلي طفيت الضوة ونمت .
ريحانة
نايمة وكعدتني سارة وهية تكول بحنية ريحانتنة اكعدي يحلوة اجتي عمة ام باسل تريد تشوفج كتلهة بتعب مالي خلك انزل تعبانة كالت عيب ياعيني كومي دزتني عليج كمت غسلت وبدلت ونزلنة اني وسارة وتلكتني بالاحضان وهية تكول يمة سودة علية شصاير بيج
كعدت وضمتني لحضنهة وتسولف ويانة وتشاقينة تونست حيل وياهة وغيرت من نفسيتي يايمة علئ الطيبة والحنية الي شايلتهة واني عابجني الوضع ومتمددة بحضنهة وكالت وهية تباوع بوجهي يايمة هالصلفات شمسويات بوجهج هنة من زمان هيج وكحات مريم
كالت اي عمة خلي يولن والله احنة مالنة شغل باحد الله يكفينة شرهم تعبنا هواي بعد مانتحمل كالت عمة اي والله ابتعدوا احسن الكم شحصلتوا من وراهم سكتت وكالت اي بنياتي شمحتاجات ما محتاجات ماتردن علئ يوم نطلع للسوك سوة ترا اني هم امجن لا تستحن
كولن ابتسمنة وكالت سارة يمة فدوة لكلبج ماتقصرين والله اول منحتاج كبل نكلج بس ها نطلبج طلعة ضحكت وكالت يا من عيوني سارة كلتلهة عمي ماتنطيني عيونج الخضر هالكول عمي عزيز متخبل عليج وغمزلته ضحكنا علئ سارة وهية ضحكت وكلتلهة يا
مفلوكة لسانج طولان وبعدين انتِ قاصرة يمة اشو تخبلين عبالك غزالة وسارة ماصدكت كامت وتتمايل بمشيهة ووتباوع وترمش واحنا نضحك ومريم تكول ياعمة هسة شيخلصنة بعد تخبصنا وضلينا نسولف لحد مراحوا كلش تونسنا وغيرنا جو تمنيت تبقئ يمنة
شكد استراحيت بحضنهة صدك بيها حنان الوالدة من طلعوا صعدت لغرفتي واجتي سارة ورة نص ساعة تقريبا كالت لج غير باسل ابن عمو عزيز بعد هوة ياخذنا ويجيبنا كتلهة بصدمة شنو شنو سولفتلي كتلهة بقهر يعني بابا يريد يخلص من عندي ؟! كالت لا
تصيرين عوبة بابا يتاخر بالدوام هوة والولد ومايكدرون يخلونا بالشارع ننتضر وهوة هالشهر دوامه كال بالمركز فيكدر ياخذنا وياه بين منلكة خط وها محمد كال اذا كدرت ادبر نقلي هالايام اضل اني اخذكم واجيبكم كتلهة بضوجة ومالكوا غير هذا المعقد ياخذنا
ويجيبنا كالت امداج متعافية خلي اروح انام احسلي وها اكعدي من وكت وكعديني فدوة عيب ناخر الولد من اول يوم شيكول علينا عاد خلي نطلع الة من وكت اول يومين وباقي الايام نخلي نص ساعة ينتضرنة مانصدمه من البداية ضحكت وهية ضحكت وباستني
وكالت يلا تصبحين علئ خير راحت واني ضليت افكر واكول وين الله وبابا يكلة خط بساع اني مااتحمل ابقئ وية هذا المعقد باوعت لقمصلته علئ الكرسي انطيها الة باجر ونوب غسلته وبقئ بيهة عطري كلش قوي مايروح من الملابس اذكر بابا جابه الي من
الامارات واحبه كلش ودائما استعمله تنهدت وكلت زين هسة اني باجر شلون اداوم بهذا وجهي شراح يكولون علية الطلاب عزا لا شسالفة شعلية بيهم ؟! وبعدين اني مااهتم لكلام الناس لين لا يقدم ولا ياخر عندي والله يالله كمت احضر وملابسي طلعت قميص وردي فاتح وبنطرون ثلجي والشيلة والحذاء اكرمكم الله والجنطة وبعدين تمددت وكبل نمت وراي دوام باجر .
في اليوم التالي
ريحانة
كعدت الصبح اليوم شوية نشيطة مونفس البارحة تعبانة وكلام حسين اثر بية من كال كلشي يتغير ميبقئ علئ حاله حفزني بكالمه شوية وكالعادة نزلت لكيت مريومة تسوي ريوك وكلهة كاعدة كلت بهدوء صباح الخير ردوا علية ورحت غسلت وكعدنة نتريك اكل واباوع
علئ بابا وهوة مباوع بوجهي بس من جاي اكوم لمحته يباوعلي بتك عين من شافني انتبهت كبل شرب جاي كمت بدلت وكفت اخلي مكياج طوخت شوية بالحمرة وكملت دخلت سارة وكالت ها كملتي كتلهة اي كملت كالت طالعة تخبلين كتلهة موبجمالج يروحي جاي
اطلع وكلتلي اوكفي ريحانة كتلهة ها تقربت وكالت وعيونهة مدمعة حبيبتي كلنة تعبانين ومقهورين من الاحداث الي جاي تصير بس محد جاي يبين لين احنا واحد يسند بالثاني منريد ننهار وترا الضروف جاي تحاول تكسرنا بس احنا ماننكسر وداعتج لين كلشي
يتصلح املنا بالله كبير كلت بهدوء وبالنعم بالله كالت لا تبقين تبجين وتتعب نفسيتج حاولي تسندينا مثل مااحنا جاي نسندج وترا بابا يحبج ويموت عليج بس جاي يعاقبج والله اعلم بعد شنو يسوي المهم اني اريدج تصيرين قوية يروحي اريدج ريحانة القديمة الي محد يكدر يحجي وياهة الي مات
بجي ابد ممكن ؟! ابتسمت وكلت اكيد ممكن وان شاء الله احاول استرجع نفسي واصير احسن شبكتهة وباستني وكالت يلا ولج عيب تاخرنا علئ الولد راح يعوفنا من اول يوم كتلها انزلي واني جاية وراج نزلت واني بساع خليت القمصلة بعلاكة وخليتها بجنطتي
علمود انطيها اله نزلت وبابا انطانة مصرف وطلعنة وطلع ويانة سلم علئ باسل وصعدنا ورة شوية وحرك السيارة سلم علينا وردينا السلام وهوة يسوق بس لمحته يباوعلي وبساع دار وجهة واني درت وجهي علئ المراية سارة شاورتني هوة ياهوة يلبس عسكري
يطلع هيج حلو خرب يومة ابتسمت ورجعت بساع خزرتهة وكلت بصوت ناصي ادبسز شهرتينا لا يسمعنا سكتت وكالساعة تكلي شي موتتني ضحك عرفته تريد تغيرلي جو خرب يومها بعدين وصلنا للكلية كلنلاة شكرا ودننزل وكلي بس شكد الساعة اجيكم اني
اطلع من الدوام الساعة وحدة ونص كتلة اي حتئ احنا تقريبا نطلع لو بال2 لو بالوحدة ونص كال تمام الله وياكم راح واحنا دخلنا للجامعة وافترقنا رحت ادور علئ وردة ولكيته شبكتني وشبكتهة وكال اشتاقيتلج الكلية موحلة بدونج ابتسمت وكتلهة والله اني اكثر
كالت شلون صرتي كتلهة لا احسن الحمدالله ابتسمت وكالت الحمدالله كتلهة انتِ شلونج كالت عيني مادام انتِ بخير اني بخير ضحكت وكتلهة اويلي يابة فديتج دخلنا للقاعة وهية ابد ماسلت علئ وجهي مارادت تحرجني وهذا اكثر شي احبه بيهة متحب تدل باي شي ورة
شوية بدت المحاضرات وشوية اليوم غيرت جو وية وردة الكعدات وياهة متنمل وبعد عناء ساعات خلص الدوام طلعت الساعة وحدة ونص خابرت سارة كالت فد ربع ساعة واطلع مااتاخر راح تخلص المناقشة كتلهة اوك اني طالعة كدامج طلعت هستوني وهية وكفت
سيارته تقدمت وفتحت الباب صعدت وكلت مرحبا كال وعليكم السلام كلت بكلبي عابت فشلني كال وين سارة كتلة هسة تجي متتاخر دار وجهة علية وكال وكال باستغراب شبيه وجهج انحرجت ماعرفت شنو اجاوبه كتلة بفطارة تعورت رفع حاجبة وكال وين
تعورتي ؟! اشرتلة علئ كصتي وكتلة هنا كال اي وبعد وكتلة واني اشر جوة عيني وهنا كال اي ؟! وكتلة واني اشر علئ طرف شفتي وهنا اباوع عليه بلع ريكه وصفن كلت بكلبي عزا هذا شماله فزينا اثنينا علئ صوت سارة وهية تفتح الباب وتكول اني اجيت اعذروني تاخرت عليكم .
- يتبع الفصل التالي اضغط على (يأس القلوب) اسم الرواية