رواية عودة الوصال الفصل الخمسون 50 - بقلم سارة ناصر

«لا شيء يوجعني بعد هذا الرحيل »-محمود درويش-

وأي وجع بعد وجع فراقه السَريع!  ؛ تسأل كما يسأل مظلوم ما من هذه الحياة! ، هل كان عليها التحمل لكل هذا ؟ هل كان عليها الصبر حتى بعدما ظنت أن هدوء الأيام وسكينتها ستدوم ما ان ظهر هو بحياتها ، ما ان عاشرته معاشرة طيبة مترابطة يغمرهما الإنتماء؟

هل كان على والدها فِعل ما فعله حتى يتسبب في وجع كل منهم؟ حي أم ميت ، يأذيهم وبشدة إلى الآن ؟ كيف الفرار من هذه العقبة؟ كيف الفرار من كونه والدهم من الأساس ؟ على جانب آخر يتألم غيرهما ، أحدهم استنزفت طاقته وأخرى لا تصدق ان نفسه من قتل والدها هو من اغتصبها عنوة بكل قسوة! ، وهى..هى الأخرى تتوجع وتُظلم هى وزوجها ، لمَ لم تعدل معهما الحياة يوماً ؟ لمَ تُظلم هكذا ؟ لما تصبح مُجبرة على تحمل وجع وفراق وكسرة ..ثم السؤال الأخير على الرغم من انها تفهم اجابته وسببه إلا ان كسرتها ووجعها جعلها تسأل وجرح فؤادها من تركه لها ينزف..لمَ رحل وتخلىٰ وتركها؟!..

كل هذه أسئلة تسألها لنفسها توقفت عن ذرف الدموع بإستسلامٍ وخواء! ، وما مر منذ آخر الأحداث عليها يومين كاملين علمت بهم ان "عز" هجر المنزل هناك هو الآخر وان والدته تُقهر أكثر من قهرها هى الأخرى وقهر "فرح "؛ يحاول الكل مواساتها كي تندمج ولكنها تندمج وتراضيهم وقلبها من الداخل هش قد كُسر!!

_يــوه يا "نيروز" ، ما تيسبيني أنزل بقىٰ ،أنا وافقت اطلع عشان بتقولي انك تعبانة وطلعتي بتعملي كده عشان تطلعيني أقعد معاكي وخلاص ، وأنا تعبانة عاوزة أنزل أوضتي  أرتاح!

كانت هذه كلمات "جميلة" لـ"نيروز" التي نظرت لها بحزنٍ من شكلها المرهق والسواد الذي أسفل عينيها ، تنهدت تخرج أنفاسها وشاكستها سريعاً لتخفف عنها :

_يعني مش حابة تقعدي معايا يا "جميلة"؟ ، علفكرة انتِ كدابة ، نوم ايه اللي عايزة تناميه انتِ مش شايفة شكلك عامل ازاي من كتر ما انتِ مبتعرفيش تنامي ؟ احنا هنضحك على بعض؟ أنا  ناديتك تفكي شوية ونقعد مع بعض ، و"غسان"جه من الشغل  ودخل نام عشان هبطان شوية ، عشان لو محروجة يعني  أو لو حاسة  انك متكتفه!

رفضت "جميلة" ذلك بهدوءٍ مبررة لها الأمر:

_مش عشان كدة ، بس أنا فعلاً مش قادرة أتكلم يا "نيروز" ، معنديش طاقة ، أنا موجوعة أوي واللهِ !

تحشرجت نبرتها في آخر حديثها ، فلمعت عينيها ، بينما الأخرى تلهفت تربت على كتفيها وهي تقدمها  ناحيتها مواسية إياها بلهفةٍ :

_أنا عارفة ، انا حاسة والله العظيم حاسة ، بس متعيطيش بقى ، متزعليش عشان خاطري ، والله "عز" بيحبك ومش هيهون عليه يغيب عنك وعنهم ، هو ليه مين غيركم يا "جميلة "؟ انتوا كل حياته!

نزلت الدموع منها وهي بداخل أحضانها ، هى القادرة على ان تُخرج ما بداخلها لها دون تحسبات ، رفيقات للدرب ، درب كل منهما للأخرى ، تنفست "جميلة" بتقطع بين هذا العناق وهتفت بوجعٍ لها :

_مكانش نفسي يتحط في الموقف ده ، مكانش نفسي يتكسر عينه قدامي يا "نيروز"، أعمل ايه ؟ والله العظيم ما ليا ذنب ، ليه يحصل كل ده ؟ ليه ممكن أتأذى كدة! ، ليه مشىٰ ، أنا بحبه وعمري ما كنت هفكر في حاجة ، أنا مش فارق معايا كل ده واللهِ. ، أنا عايزاه! هو انا طالبة كتير؟

_والله لأ ، انتِ تستاهلي كل حاجة حلوة في الدنيا دي ، بس صدقيني هو معذور واتكسر، مقدرش يقف وسطنا ويقعد يستني وقت يوضح أو يبرر ، كسرته خليته يمشي ويلف ضهره لكل الناس حتى أغلى الناس ليه ، هو موجوع برضه يا "جميلة "زيك ، عارفه انك زعلانة عليه أكتر ما انتِ زعلانة منه بس اصبري ، اصبري والله وهيجي تاني!

شهقت بتمزقٍ بين أحضانها، وحاولت أخذ أنفاسها بتعبٍ وهي تعتدل ، فمدت "نيروز" كفها تمسح وجه الأخرى بحنوٍ ووكزت ذراعها تشاكسها :

_خلاص بقىٰ يا نكدو ، بتخليني أعيط والعياط غلط على الحمل علفكرة، مش كفاية اللي كُنت فيه؟ فرفشي يا ستي بقىٰ.. الوقتي تيجي "فريدة" ونقعد مع بعض كلنا  ونفك ،  متزعليش بقىٰ!

قالت "نيروز" حديثها كي تخفف من ألم الأخرى،  حزنها فاق الكثير حتى ان وجع غيابه اختلط مع وجع خبر قتل والدها! ، صمتت تومأ لها وسألتها "نيروز", مرة أخرى :

_اتغديتي طيب؟

_اه "حازم" وماما  و"ياسمين"فضلوا ورايا لحد ما أكلت معاهم!

صمتت تحرك رأسها بتفهمٍ وهى تبتسم لها ، بينما الأخرى لا تفكر بشئ سواه حتى انها قتلت أي تردد وسألت "نيروز" بحسرةٍ ولهفة:

_هو.."غسان" بيكلم "عز"؟، عارف هو فين  أو رد عليه ؟

نظرت "نيروز" لها عند هذا السؤال بصمتٍ وسكون فهى لا تعلم الجواب ، بينما لمعت عيني الأخرى بخوفٍ وهى تصرّح :

_ردي عليا يا "نيروز"، أنا خايفة عليه ، خايفة يحصله حاجة أو يعمل في نفسه حاجة ، سامحيني أنا فعلاً مش قادرة أفُك ، أنا تعبانة أوي والله ومش قادرة أفكر في حاجة غيره !

تلمست "نيروز" كفها  وهى ترى دموعها ثم رددت بلهفةٍ قائلة لها:

_اهدي بس عشان خاطري..اهدي وأنا هخش أسأله واللهِ ، أنا بس معرفش هو رد عليه ولا لأ، لأنه مكانش بيرد وده اللي اعرفه ولو قولتلك بتزعلي.

        

          

                

بررت لها صمتها قبل قليل ، فمسحت "جميلة" وجهها بلهفةٍ وهى تحثها سريعاً :

_طب ادخلي ، ادخلي اعرفيلي والنبي ، أنا دماغي مبتقفش!

قاومت شعور الإعياء ووجع رأسها وحثتها بلهفةٍ وهي مازالت جالسة ، فوافقت "نيروز",, بحزنٍ على حالها هذا ونهضت بهدوءٍ تدخل الغرفة ، التي فتحتها ببطئٍ ثم دخلت وأغلقتها خلفها..رفعت عينيها فوجدته يقف أمام المرآة يُدخل ذراعه العاري بكم القميص الذي ارتداه للتو أمام عدستيها ، التفت "غسان" برأسه ينظر بتفحصٍ فابتسمت هىٰ له بلطفٍ وهي تقترب وقطعت حديثه قبل ان يخرج وهتفت هىٰ بتساؤل:

_ رايح فين؟

سألته بفضولٍ وهى ترى ملابسه التي تعنى بالخروج ، فأغلق أزرار القميص بخفةٍ وأجاب بوضوحٍ:

_ مشوار صغير كدة وراجع علطول!

نظرت له بتفحصٍ وأمعنت النظر إلى أن ابتسم وهو يمشط خصلاته وإلتفت يقطع أفكارها بسؤاله:

_ هى "جميلة " لسه بره؟

كان قد سمع صوتها عندما نهض ، رفعت عدستيها تومأ له وسألته باهتمامٍ آخر:

_مقولتليش لابس كدة ورايح فين ، مع انك خلصت شغل؟!

_رايح اتجوز عليــكِ

هتف بها بخبثٍ وهو يبتسم بخفة مثل خفة كلماته ، فقلبت عينيها بسخريةٍ وحركت رأسها مُرددة بتهكمٍ:

_ومين العروسة ان شاء الله ؟

طالع "غسان"سخريتها بضحكته الهادئة ورفع كفه يشير لها بمرحٍ وهو يغمز لها :

_قربي وأنا أقولك..

وقفت "نيروز", بمكانها  آخذة موقف من رده ، طالع تمسكها بالمكان بثقةٍ منها ولم تقترب ، فإقترب هو حتى انحنى مقبلاً إحدى وجنتيها وأخبرها بمزاحٍ :

_ قلبك اسود أوي يا بنت الأكرمي!

طالع عينيها المغتاظة بضحكٍ وأنصت لإضافتها المعهودة بعد ذلك بـ:

_مش أسود من قلبك يا بن البدري!

_أنا والله ملاك برئ بجناحين مضايقين اختك "ياسمين"علفكرة!

ضحكت "نيروز" بقوةٍ و بإنهزامٍ فطالع معدتها البارزة بإبتسامة شادرة جعلها تبتسم هى الأخرى وهي تضع كفها على معدتها بتعبٍ ، فإعتدل هو بهدوءٍ عندما سألته :

        

          

                

_ "عز "رد عليك أو تعرف هو فين؟ أصل "جميلة"  خايفة وسألتني وقالتلي أسألك!

زفر "غسان" بصوتٍ أمام عينيها التي تنتظر الرد ونفى بحركة رأسه مفسراً بقوله :

_مبيردش ، حاولت أشوفه فين وملقتهوش برضه ، بس أنا واثق إنه هيرجع!

صمتت "نيروز" بحزنٍ على ما يُصيب رفيقة دربها ، لمعت عينيها من أجلها وأخفت كل هذا سريعاً ما ان إعتدلت تلتقط معصمه كي تلبسه الساعة التي أخذتها وسألته من جديد بإندماجٍ لما تفعله:

_مقولتليش برضه رايح فين؟

تابعها بسكونٍ وهى تغلق الساعة على معصمه الأيسر، ورفعت عينيها ناحيته فوجدته بجيبها بهدوءٍ :

_رايح لـ "شادي"، في حوار كدة معاه هنخلصه وارجع.

حاولت أن تجد الصدق في نبرته ، وعلى الرغم من انه ردد بالإجابة إلا أنها أجبرت نفسها على ان تشعر بالراحة بين كلماته هذه ، ولم تنبس سوى بجملتها الصادقة :

_خلي بالك من نفسَك. 

وضع القبعة السوداء على رأسه بحذرٍ ، ونظر بالمرآةِ نظرة رضا ، فوجدها تقدم له هاتفه و المفاتيح التي تخصه وهى تبتسم ، فأهبط عينيه ناحية معدتها البارزة بقلةٍ وأخبرها بما جعلها تبتسم بحب للاهتمام المقابل منه:

_مش ناسي إن ميعاد متابعتك النهاردة ، أول ما هاجي هبعتلك رسالة تلبسي وهستناكي تحت تنزليلي عشان نروح.

ابتسمت له بحبٍ ، قد اعتقدت انه نسىٰ وغفى عن ذلك ، وكان حديثها له عندما رددت بإهتزازٍ :

_فكرتك نسيت واتلهيت.

_مش مُمكن انسى حاجة تخُص "نيروز" ، أنا مش ناقص نكد والله كفاية الأيام اللي فاتت وهرموناتِك ، هو مش لسه بدري على موضوع الهرمونات ده؟

ضحكت خلسة عندما تذكرت ما فعلته معه ، وضعت يديها تخفي بسمتها والتزمت الحزم أمام عينيه وهي تردد بضيقٍ زائف :

_انت قصدك اني نكدية؟

نفَىٰ هذا في حِين أكملت هى ببساطةٍ:

_وبعدين فيها ايه لما أصحيك الساعة ٣ بليل وأنا بعيط عشان مش عارفة أنام من ضهري ؟ ،ما هو. كله من عيالك!.

_فيها انك حسرتيني وقطعتي خلفي بس!

ضحكت  هى عالياً وهي تشاكسه بخفةٍ  ممزوجة بالدلال الذي راق له :

        

          

                

_فَدايا يا غُس!

دعم هذا بحركة رأسه ، واتسعت ابتسامته ما ان إقتربت فإنحنى كي تطبع قبلة على إحدى وجنتيه ، حاوط خصرها بذراعه مقربها منه حتى ربت على ظهرها برفقٍ داعياً لها بأن تنهض من حملها بخير، سارا معاً حتى خرجا من الغرفة أمام جلوس "جميلة" بخواءٍ ، إقتربت منها "نيروز" وهو بجانبها إلى أن رفعت "جميلة" عينيها تنظر وباغتها هو بسؤاله الهادئ :

_اذيك يا "جميلة" ، عاملة ايه؟

طالعته بسكونٍ حتى حركت رأسها بالإيجاب وخرج قولها بهدوءٍ أتى من حسرتها التي لم تزول بداخلها :

_الحمدلله.

نهضت بعد ذلك وسألته بلهفةٍ بين الأحرف التي أخرجتها بقهرٍ :

_هو "عز"..كلمك؟، رد عليك؟

تلاقت عينيه مع عيني "نيروز" لبرهة من الزمن ثم نفى بيأسٍ فلمعت عينيها مجدداً فأسرعت "نيروز" تمسك كفها قبل ان تنهار في البكاء ورددت بنبرةٍ شديدة في اللهفة كي تطمئنها :

_ متخافيش والله ..هو كويس انا واثقه ان ربنا هيحميه ، وغسان كمان مش هيسكت هيحاول يشوف هو فين والله ..مش كدة؟ مش صح يا "غسان"؟؟

تردد لها الأقوال وكأنها صغيرة فقدت لُعبتها ، أكد "غسان" برأسه متنهداً ثم نبس بنبرة هادئة :

_متقلقيش يا "جميلة" انا بحاول أوصله بأي طريقة ، مش عايزك تخافي طول ما انتِ هنا وسط عيلتك واخواتك،  أنا متأكد انه هيرجع ومش هيستغنى عنكم ، وان رجع هيجيلك هنا مكان ما سابك عشان ياخدك!

هزت رأسها تومأ وجلست مجدداً بعدما راضته بإبتسامة ، طالعها بشفقةٍ ثم استأذن بنظراته ، فتركتها "نيروز" مجدداً وهي تتوجه خلفه ناحية باب شقتها ، فوقف هو يعرض عليها بنبرةٍ هادئة منخفضة :

_خليكي معاها يا "نيروز"، لو قادرة تخرجي خديها وانزلوا اقعدوا على الكورنيش شوية تُفك ،  وخلي بالك من نفسك!

ابتسمت "نيروز" ، فمسح على خصلاتها بشرودٍ في المكان الذي عقد العزم في أن يذهب إليه.. واقترب يقبل قمة رأسها بعدما ارتدى حذاءه، وودعته إلى  أن أغلقت الباب خلفه ..وفكرة ذهابه وملامحه الشاردة وحتى كلماته المختارة بعنايةٍ معها تقلقها ، وذكاءها يجعلها تنتبه في كل مرة ، وان تخطت فالتخطي يكون بإرادتها في كل مرة مثل هذه المرة !!

____________________

_‹أَوَلَيْسَ الَّذِي خَلَقَ السَّمَاوَاتِ وَالأَرْضَ بِقَادِرٍ عَلَى أَنْ يَخْلُقَ مِثْلَهُم بَلَى وَهُوَ الْخَلاَّقُ الْعَلِيمُ-إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ-فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ›

        

          

                

كَـانت هذه آخر الآيات التي خرجت منه قبل أن يُردد بهدوءٍ بعد نهاية قراءة  سورة "يٰسن" وهو هكذا المصحف بين يديه ، مرتدياً نظارة القراءة التي لاقت على ملامح كبيرة منكمشة تليق برجل في عمر الستينات مثله ، أخذ أنفاسه متنهداً وصدّق هذه الآيات المباركة بـ :

_صَدق الله العظيـِم.

أغلق "حامد" المصحف بهدوءٍ  ما ان وجدها تخرج من طرقة المرحاض والمطبخ متوجهة ناحية غرفتها سريعاً ، قطع ذهابها السريع مناداته عليها بإسمها قائلاً :

_"وســـام!"

أخذ أنفاسه بعدها ووضع المصحف بحذرٍ جواره ، فعلى جهةٍ أخرى وقفت توليه ظهرها بتوترٍ ومسحت وجهها سريـعاً ولم تلتفت بعد بل ردد هو مجدداً :

_خدي  اقولك تعالي!

ابتلعت ريقها واستدارت تقترب منه وهى ترسم ابتسامه هادئة على وجهها فمسح "والدها" على المساحة الخالية بجواره هاتفاً :

_اقعدي!

جلست بجواره ، ونظر ناحية وجهها بتمعن ، تلاقت عينيه معها بصمتٍ يعلم هو نهايته  وتساءل هو ما ان رأى عينيها اللامعة :

_مالك ؟

اهتزت أنفاسها وهى تطالع وجهه بصمتٍ فرفعت يديها تضعها على وجهها بتعبٍ وتحشرجت نبرتها قبال مراقبته وهتفت :

_أنا تعبت أوي يا بابا ، حاسة ان خلاص طاقتي خلصت!

رفع "حامد" ذراعه يقربها منه كي يعانقها بإحتواءٍ ، حالتها هذه يتفهمها جيداً ، رفضت البكاء بين ذراعيه ولكنها استندت تأخذ من عناقه القوة والعزيمة من جديد ، فتنهد هو يخرج أنفاسه الدافئة ومرر كفه المجعد على رأسها مردداً بثقةٍ بِها :

_ بس أنا متأكد بقى ان بنتي نفَسّهَا طويل ، وقد الرحلة اللي مبقاش فيها حاجة خلاص وتنتهي ، انا واثق فيكِ وعارف ان طاقتك لسه فيها يكفي  لكتير أوي قدام ، بنتي شاطرة وهتحقق حلمها يا "وسام" زي كل اللي زيها ، كلكم قدها.

لمعت عينيها وأخذت أنفاسها بأملٍ جديد من مجرد كلمات ، بينما هو لم يردد هذا عبثاً ، ابتلعت ريقها واعتدلت تصرح من جديد أمام عينيه التي تراقب تفاصيل تعابير وجهها الباهت قليلاً :

_أنا تعبت أوي يا بابا ، ومخنوقة عشان مبقتش أقدر افتكر اللي ذاكرته من كتر التوتر ، مش عارفة.. حاسة ان تعبي بيروح ..

نفى "حامد" برأسه ومسح على خصلاتها متفهماً خوفها ، ابتلع ريقه متنهداً ورد بعقلانيةٍ :

        

          

                

_متقلقيش نفسك ، كل دي هواجس وأفكار ملهاش لازمة ، الخوف هو اللي بيعمل كل ده ، أنا عايزك هادية خالص ، وهقولك على طريقة حلوة أوي عشان متنسيش اللي ذاكرتيه ..بس الأول  توعديني انك تفوقي كدة وتبطلي تخافي وتهدي.

حركت "وسام"رأسها بموافقةٍ فإعتدل يتمسك بسبحته ورفع رأسه مبتسماّ لاستعداها في سماع كلماته ، فلبى لها هذا وقال أولاً :

_عايزك تتعودي كدة تشغلي سورة ياسين قبل ما تبدأي مذاكرة وبعد ما تنتهي ، السورة دي بتقوي الذاكرة وتمنع النسيان  وهقولك كذا دعاء تقوليهم كل ما تيجي تذاكري وتحسي انك مش مجمعة اللي ذاكرتيه ، تقوليهم قبل المذاكرة وبعد المذاكرة ، ماشي؟.

ابتسمت بهدوءٍ وحماس هو من اعطاه لها في نبرته المشرقة وحديثه العقلاني ، هدأت ملامحها وهزت رأسها تؤكد قائلة بجديةٍ من الموقف الذي تطلب منها اللباقة الآن معه :

_اتفضل.

أمسك كفها يربت عليه بحبٍ ومسح على عينيها برفقٍ لتهدأ رجفتها من عزم توترها وهدأت قبال دعاءه الهادئ وهو يدعوه لها هىٰ الآن أولاً :

_يارب اختر لها ما تختار لعبادك الصالحين، وارزقها البصيرة في دينك، وافتح لها فتحا مبينا، وارزقها التوفيق والسعادة في الدنيا والآخرة.

لمعت عينيها في تأثرٍ في حين أخذ هو أنفاسه ببطئٍ وقال يحثها كي تنتبه لما سيردده :

_اسمعيني كويس في الأدعية دي عشان تتعودي تقوليها زي ما قولتلك ، ومتقلقيش طول ما ربنا موجود ، وافتكري دايماً الجملة اللي كنت بقولها لـ "بسام" ، فاكراها ولا أقولهالك تاني ؟

ضحكت "وسام" بخفةٍ وأكدت تذكره بجملته العميقة :

_" اللي عنده أب مبيخافش ما بالك بقا باللي عنده رب"

ابتسم بإتساعٍ وهو يؤكد ثم أشار لها كي تنصت له جيداً وبدأ مردداً :

_قولي ورايا.

استعدت لتردد خلفه فإستعد هو الآخر ليلقى عليها الأدعية بهدوء ورزانة تليق به دائماً :

_يا حي يا قيوم، امنن عليّ بالتوفيق والسداد، وافتح لي أبواب حكمتك، وانشر عليّ من خزائن رحمتك، وافتح عليّ بمعرفة العلم وتدبره، واكتبني من الناجحين الموفقين

_اللهمّ إنّي اسألك فهم النبيّين، وحفظ المرسلين والملائكة المقربين، اللهمّ اجعل ألسنتنا عامرة بذكرك، وقلوبنا بخشيتك، وأسرارنا بطاعتك، إنك على كل شيء قدير.

        

          

                

_اللهم يا معلّم موسى علّمني، ويا مفهم سليمان فهّمني، ويا مؤتي لقمان الحكمة وفصل الخطاب آتني الحكمة وفصل الخطاب، اللهم اجعل ألستنا عامرة بذكرك، وقلوبنا بخشيتك، وأسرارنا بطاعتك، إنك على كل شيء قدير، حسبنا الله ونعم الوكيل. اللهم صلّ صلاة كاملة وسلّم سلامًا تامًّا على سيّدنا محمّد، الفاتح لما أغلق، والخاتم لما سبق، ناصر الحق بالحق، والهادي إلى صراطك المستقيم وعلى آله حق قدره ومقداره العظيم.

_اللهمّ إنّي استودعتك ما قرأت وما حفظت وما تعلّمت، فردّه عند حاجتي اليه، إنك على كل شيء قدير، حسبنا الله ونعم الوكيل.

_اللهمّ إنّي توكلت عليك، وسلمت أمري إليك، لا ملجأ ولا منجا منك إلا إليك.

_ربّ اشرح لي صدري، ويسّر لي أمري واحلل عقدة من لساني، يفقهوا قولي، بسم الله الفتاح، اللهمّ لا سهل إلا ما جعلته سهلاً، وأنت تجعل الحزن متى شئت سهلاً، يا أرحم الراحمين.

أخذت تردد خلفه كلمة تلو الأخرى بيقينٍ وهدوء ، غمرتها السكينة بمواساته هكذا بمثل هذه الطريقة , وعقب ما انتهت اقتربت ترفع ذراعها لتعانقه بإطمئنان وهتفت بتحشرجٍ مع تمرير كفه على ظهرها يربت برفقٍ عليها :

_أنا بحبك أوي يا بابا ، شكراً ليك إلى ما لا نهاية مع اني ادبي.

ضحك بقوةٍ على مزاحها هذا واطمئن ما ان فعلت هى ذلك ، تلاقت عينيه مع ملامحها وقبل جبهتها بسكونٍ فنهضت بعد ذلك فوجدته يغازلها بمرحٍ :

_ مقولتليش يعني جايبة البيجامة الحلوة عليكي دي منين؟

سألها ممراً عينيه ناحية بيجامتها المنزلية ، فنظرت له بسعادةٍ وهي تدور حول نفسها وسألته :

_ بجد ؟ ،  حلوة عليا يا بابا؟؟

أكد ذلك برأسه وقال منتبهاً :

_طبعاً زي القمر عليكي ، أول مرة أشوفها عليكي دي!

تضامنت هى معه بذلك واتسعت ابتسامتها تتذكر ما ان أعطتها لها "نيروز" مع "غسان" :

_أيوة ، غسان ونيروز كانوا  خارجين يشتروا لبس من كام يوم ، وجابوهالي معاهم .

نظر بسعادةٍ لهذا الإهتمام وشرد لولده هو الآخر ، شرود عميق جعله ينتبه ان ابنته ذهبت لغرفتها وبقى هو يفكر بشرود ولده وحزنه الذي يحاول اخفاءه بضغطٍ ، قارب على فهم السبب وليس لديه شئ يفعله بيديه! ، زفر أنفاسه بهدوءٍ ووجد "دلال" تخرج من المطبخ بتعبٍ وهى تصيح له عالياً :

        

          

                

_رن كدة يا "حامد" على "بسام" ، أصل قالي انه هيرجع ويجيب "فرح" وامها من امبارح عشان هيبات النهاردة في المستشفى ومش هيعرف يسيبهم هناك ، وأنا عملت حسابي على الغدا والعشا ورتبت أوضة "غسان" عشان "حنان"..يكش توافق تبات  هى وبنتها ومتتكسفش!..

أخرج "حامد" هاتفه بصمتٍ وهو يحرك رأسه يجاري حديثها فإقتربت هى منه  تزامناً مع فتح الخط من جهة "بسام" فإنتشلت منه الهاتف بلهفةٍ وظهر الإشتياق في نبرتها حينما نطقت مسرعة:

_الو ، ايوة يا "بسام" ، ايوة يا حبيبي ، عامل ايه ، وهتيجي امته؟؟

ضحك "حامد" وهو يضرب كفيه معاً بيأسٍ منها ، فأجاب الآخر بنبرةٍ هادئة:

_ أنا الحمد لله كويس يا ماما،  شوية وجايين في الطريق ان شاء الله ، جهزي الغدا بقى على ما نيجي..

_ماشي يا حبيب أمك ، توصل بالسلامة .. مع السلامة .

تركت الهاتف بعدها فيما طالعها "حامد" بحبٍ من لهفتها هذه التي لم تتغير مع الزمن ،  تنهد بصوتٍ مسموع فناولته الهاتف ببسمةٍ واسعة وسألته بثقةٍ تحولت بعدما أجاب على سؤالها له :

_أخدت علاجك يا "حامد"؟؟

نفى بصدقٍ وهو ينظر لها والهاتف بين يديه،  والذي تحرك من بين يديه ما ان شهقت هى وهي تضرب صدرها مرددة بذهولٍ :

_يا مصيبتي!! ، انت عايز تقع مننا في الأرض يا راجل ؟ ، مش "غسان" قالك انه عاملك المنبه عشان مننساش؟؟ فينه دلوقتي يجي يشوف عمايلك..بقا كدة؟ انت مش شايف نفسك هفتان ازاي ؟؟

حاول التبرير بهدوءٍ بينما قاطعته هى وهي تندب :

_أنا مش حِمل حسرة وانت بقالك كام يوم مطنش العلاج ، حرام عليك نفسك واللهِ ، قوم معايا أجبهولك تاخده يلا..

مدت كفها ناحيته ليستند ، فراضاها واستند وخرجت حينها ضحكته عليها فسألته بضجرٍ وهي تأخذ بيديه مستندين معاً ناحية غرفتهما :

_بتضحك على ايه يا راجل انت، هو أنا قولت حاجة تضحك؟ ، خليك كده دايماً خد كلامي بهزار عشان تقلبها عليا ومعرفش ازعل منك ومن اللي بتعمله!

طالع ملامحها الحانقة منه ، فزادت ضحكاته التي لاقت برجل مثله يتقطع في الضَحِك ورد عليها بسعادةٍ غريبة لم تلق بكلماتها أبداً :

_أصل كل ما بشوفك متضايقة عشان خايفة عليا ببقى فرحان أوي..

وكزت "دلال" كتفيه وهى تحاول منع ضحكتها حتى ترسم الحزم ونطقت :

        

          

                

_بقا دي حاجة تفرحك برضك؟؟

_آه ، حاجة تسعد ، حاجة بتسعد قلبي ، عشان كل ما بشوفك متضايقة وانتِ خايفة عليا ببقى فرحان ، وببقى سعيد أوي ومطمن عشان  زعلك ده وانتِ خايفة عليا مش وانتِ خايفة مني أو مش خايفة من أصله ..

ابتسمت "دلال" في تأثرٍ فجلس على المقعد وعينيه الساكنه لا تفارقها حتى أنه أكمل قوله بـصدقٍ :

_انتِ الحاجة الوحيدة اللي كل ما بشوفها في كل حالاتها بقول اني عرفت اختار ، ومش أي اختيار ، عشان اختياري ليكي في الدنيا خلاني أدعي في كل صلاة انه يكون نفس الاختيار في الآخرة .

أعطته الدواء ولمعت عينيها من تأثير كلماته ، فتنهد يمازحها قائلاً بمشاكسةٍ معهودة منه دائماً :

_بقا لسه كلامي بيكسفك يا أم غسان ؟ ده احنا خلاص كبرنا وعجزنا وهنبقى أجداد قريب .

انفلت ضحكتها بعلوٍ وأعطته زجاجة المياة وهي ترد عليه بضجرٍ زائف :

_انت اللي عجزت لوحدك يا خويا ، أنا لسه حلوة وبصحتي!

أكد هذا برأسه ، وما جعلهما ينصدما هو صوت الهاتف الذي اسنده "حامد" على الفراش وقول "بسام" الضاحك  خرج بينهما بعلوٍ لم تغلقه الأخيرة بعدما انتهت! :

_ "يخربيت اللحظات اللي بتتخرب دايماً مننا ، جرا ايه يا عصافير الحب ، مش تقفلوا  الخط وراكم كدة لكلمة تخرج كدة ولا كدة وأنا جنبي البت "فرح" مراتي  ممكن حياءها يتخدش ، وانا  خايف عليها، لكن انا متعود يعني!!"

اتسعت عيني والديه معاً ، في حين أدرك "حامد" هذا وهو يسمع صوت ضحكته ، فانتشل الهاتف يردد بضيقٍ  زائف مع قهقهة "دلال" على حديثه:

_عايز ايه يالا، بتتحشر وسطنا ليه ، هو انا سمحتلك؟.

_____________________

_أومال عايز تسمح لمين  يتدخل بينكم يا حج ، مش هتبطل شقاوة بقىٰ؟ 

سأله "بسام" بمرحٍ قصده في الحال منتهزاً سماع "فرح" المكالمة ، ابتسمت بلطفٍ تراضي ما يفعله بتقديرٍ ، فهي الأخرى حزينة وضعيفة بدون سندها الغائب والمفقود بالنسبة لهم حتى الآن ، غيابة بمثابة شئ يصعب فهمه ولكنه يتفهم  ما تمر به جيداً ، ولكن ليس بيديها شئ هى الأخرى مثل والدتها ، اعتادت على ان يُفعل لها كل شئ دون ان تحاول هى ، كانت مُدللة شقيقها ، ومازالت ..

مشاهد متتالية ، أشياء وكلمات وحوار وأقوال ورحيل وفقدان ووداع مفاجئ ، كل شئ يأتي على ذاكرتها بقوة ، لا يغيب عن بالها شئ الا بمحاولات "بسام" بمرحة المعتاد ووقوفه جوراها هى ووالدتها ، فهو لم يتركها منذ ما حدث ، كان يرحل إلى المستشفى لعمله ثم يعود بينما اليوم يتطلب عمله الاقامة هناك! ، فكيف سيتركهما بمفردهما؟ ، هى أمانة لديه منذ ان وضع يديه بيد شقيقها ، وأمانة أخرى هى ووالدتها لديه بقول متشدد من "عز". ، لذا حاول اقناعهم بشتى الطرق وبعد رفض شديد من "حنان" استطاع اقناعها أخيراً اليوم في الصباح تارك أمر إقامتها في  شقة والده شئ مفتوح حتى لا يتجادلا وترفض!  .

        

          

                

ما أخرجها من هذا الشرود هو صوت إجابة "والده" في الهاتف رداً على سؤاله المازح معه :

_ عايز اسمح لـ "فرح" ، بنتي يا حبيبي ، وسع كدة وهاتهالي أطمن عليها.

شىء ما جعلها تندفع بهدوءٍ لتلتقط الهاتف  بمشاعر غريبة أول مرة تجتاحها تجاه رجل من سن والده ، لمعت عينيها وهي تستمع إليه وإلى حديثه في الهاتف المتلهف في محاولته للإطمئنان عليها وهى الآن تجيب عليه بابتسامة تعتقد بأنها مكشوفة أمامه وهو يراها الآن ، ربما وجدت به الأب التي فقدته! ، طالعها "بسام" بشفقةٍ وتأثر ومسح على كتف ملابسها برفقٍ يزيل ما عليه من غبار او ما شابه بفعل الهواء وهو يستند معها الآن ، وجد "حنان" فأسرع ناحية بواية المنزل يأخذ بيدها بعدما أغلق الباب ، في حين أغلقت "فرح" الخط ونظرت فوجدت والدتها تستند عليه ، حتى جاءت وادخلها برفقٍ لتجلس في السيارة التي كانت معه هو وليس "غسان" هذه المرة! ..

انتظرت هكذا وحملت قبعته ، واقتربت لتلبسه اياها برفقٍ بعدما أغلق الباب خلف والدتها ، فابتسم محتضناً كفها كما عينيه التي تحتضن ملامحها التي بهتت قليلاً من الحزن على فراق من به روحها!!

_ شُكراً .

هى من رددت ذلك وليس هو ، وتركت الامتنان مفتوح لأشياءٍ عدة ، هل يتوجب عليها ذلك؟ ، قوس "بسام" ما بين حاجبيه وسأل بخفةٍ كي تراضيه بضحكتها على الأقل :

_ايه ده ، هما المتجوزين بيقولوا لبعض شكراً ؟

هو الآخر استخدم نفس الطريقة وترك قوله مفتوحاً هكذا ، فتوردت وجنتيها تسأله بعينيها بجهلٍ للإجابة ، فترك المراوغة الآن بسبب المارة ونبس بنبرةٍ هادئة يخبرها بها بعيداً عن مزاحه الذي كان ينويه ولم ينفذه بعد! : 

_مفيش بينا شكرانية يا دكتورة "فرح" ، أنا فاهم تقصدي ايه ، ولو فاكرة انك المفروض تشكريني فإنتِ عندك حق فعلاً ، اشكريني بس ببوسة بريئة يسلام أو بحضن حلال من اللي نفسي فيهم ، فاكرة أول حضن؟

ضحكت بخفةٍ رغم خجلها  وهربت بعينيها تراقب جلوس والدتها في السيارة ، وحثته بعدها كي يكف عن احراجها ، وما قرر توقفه ، نفذه بآخر قوله كي يرى ضحكتها :

_ يلا عشان ماما .

_طب ولو ماما مش موجودة ،. كان هيبقي يلا ؟ ولا كنت هستنى الحضن والبوسة بشغف كدة ؟

تمسكت بهاتفها وفتحت الباب في الخلف وهي تبتسم ابتسامة هادئة صادقة ليست متصنعة ، وازداد الخجل ، فهناك مشاعر تنمو ، ورجفة يديها بسبب هذا الاضطراب تخبرها بأنها تقع به شئ فشئ لا محال! ، هل هذا حقاً ، ابتلعت ريقها ورفعت عينيها الأقرب  للون الأسود في ضوء هذا النهار وحثته بلينٍ :

        

          

                

_يلا يا دكتور "بسام" ، بتقولك ماما !

هل سخرت بين الأحرف التي نطقتها للتو ؟ ، دُهش من طريقتها في الارادة حتى تخفي ما فعله بسيطرة غير مباشرة منها هى  ،. ضحك خلسةً ، وسرعان ما رسم ابتسامة وهو يركب  ثم نظر ناحية "والدتها" التي راضته بابتسامةٍ  ورددت قائلة وهى تشير بكفها بتعبٍ نفسي من فقدان فلذة كبدها :

_على مهلك يا بني ، ربنا يحفظك وينورلك طريقك ، سوق براحتك موراناش حاجة. 

كانت تتمسك بسبحة هى الأخرى ، وحثها هذا كان من خوفها عليه وعلى الطريق ، فأومأ في لباقةٍ وخرج قوله الشارد بقصدٍ كي يلهي عقلها  ويخرجه من حزنه ، فيما كانت هى تنظر وتلاقت الأعين بالمرآه ما ان ردد هو بخبثٍ بين طيات الكلمات:

_براحتي طبعاً  ،  دا أنا براحتي على الآخر أهو.

نظر بتمعن وهو يستعد للقيادة ، فأخفضت "فرح" نظراتها بابتسامة شاردة من  أفعاله وسرعان ما بهتت واختفت ما ان خرجت تنهيدة "حنان" بدعاءها العفوي دون مقدمات :

_يا ترى انت فين يا "عز" ، يا وجع قلبي عليك ، يارب سمعني عنه خير وبس يارب ، اطمن بس انه كويس ، احميه يارب من شر نفسه ومن الدنيا!!

لمعت عيني "فرح" وللمرة التي لا تعرف عددها تتمسك بالهاتف وتطلب رقمه الذي لا يعطيها الرد في كل مرة! ، أخرجت أنفاسها بتقطعٍ وأغمضت عنينيها تخرج من عقلها الضغط كي لا تعود لحالة كانت قد تعافت منها ، ابتلعت ريقها بهدوءٍ فوجدت والدتها تمسح وجهها بالمنشفة الورقية الذي اعطاها لها "بسام" بحنوٍ فيما حثها برفقه المعهود بينهما وهو معهما :

_اتفضلي ، امسحي دموعك وخلي أملك في ربنا كبير ، "عز" راجل عاقل وعارف ربنا وعمره ما يأذي نفسه ، ولو على الدنيا فكان فاته استسلم لها من بدري ، متفكريش فيها  كدة يا "أم عز" انتِ و"فرح" ، اعتبروه واخد أجازة يريح فيها نفسه وهيرجع ، اطمنوا والله ، متخافوش طول ما لينا رب قادر على كل شئ .

هو الآخر استخدم جملة والده المعهودة بطريقة ليست مباشرة ، كلمات مواسية تحتويهما ولكنهما بالفعل يشعران بالدفء والأمان في كل محاولة تخرج منه  كي يخفف عنهما ، وجداه يحاول الوصول إليه بطرق كثيرة ولكن كل هذا لم يأت سوى بالفشل !! 

هدأت "حنان" من البكاء ومسحت أنفها ترد شهامته معهما على كل ما يفعله وهتفت بنبرةٍ مختنقةٍ بها أثر بكاء :

_كتر خيرك يا بني ، تاعبينك معانا  و منغصين عليك العيشة  ، حقك عليا مكنش لازم كل ده يحصل في وقت زي ده عليك انت و"فرح" ، بس الحمد لله رضا ، انت ابن حلال ومحترم ، ربنا يصلح لك الحال انت وبنتي ونعرف نفرح من تاني بيكم وبرجوع "عز" 

        

          

                

ابتسم ناظراً ناحية الطريق ، ورد بثقةٍ :

_ان شاء الله الفرحة هتدخل بيتنا من تاني و"عز" هيرجع ، و"بسام "يتجوز وهتبقى زي الفل والله.

ضحكت رغماً عنها فضحكت "فرح" بخفةٍ ، فتمادى هو بمشاكسته قائلاً بمرحٍ :

_ ايوة كدة اضحكي خلي الدنيا تضحك ، كان لازم يعني يا حماتي تضحكي عشان نشوف ضحكة "فرح"؟

ابتسمت على محاولته في التخفيف وحركت رأسها بثبات ٍ تجاري قوله المازح بمزاحٍ خرج بعفويةٍ رغم الحزن :

_. ايوة اومال ايه ، هو انا مش امها واقرب حد ليها برضه؟، طب دي حتى شبهي .

خرجت ضحكة "فرح" وردت بمزاحٍ تنتهز الفرصة كي تخفف عن "والدتها" بحالتها هذه :

_ أحلى حاجة في الوجود ان انا شبهك يا ماما ، ربنا يخليكي لينا ويبارك في عمرك .

تعلقت عينيه بها وهى تردد هذه الأمنية ،. استطاع أن يكشف الخوف في  نبرتها فوضع بصمته مردداً :

_ والله شبهك أو لا يحماتي ،  فخلاص  بقى  أنا لبست!

تعالت الضحكات أكثر عليه ، فنظرت له "فرح" بتشككٍ فتلاقت عينيه مع عدستيها وهو يكمل بكل صدقٍ راق لها وأثر بالأخرى :

_وأحلى تلبيسة ممكن أشوفها ، ربنا يعدي الجاي على خير ويتمها بفرحة!

زحفت الحمرة لوجنتيها من غزله الصريح في بداية حديثه وما قصده بآخر كلمة رددها ، ابتسمت وهى تنظر إليه بمشاعر مختلطة كثيرة متداخلة مع بعضها ، ولكن الأهم بالنسبةِ لها أنها أصبحت تطمئن جواره ، هنا وجدت الأمان والإطمئنان ، هنا وجدت عدم الخوف ، هنا وجدت الأمل من جديد بواسطته هو وبواسطة كلماته واحتوائه! ، التزمت الصمت رغم حديث النظرات العابر بينهما ، ولكنها تمسكت بالهاتف سريعاً ترى من مرسل الرسالة ، في حين كان قد أغلق هاتفه عقب ما أرسل ما قرره ، ففتحتها باستغرابٍ وقرأت :

_" بالله عليكي تقوليلي روتين رموشك ايه ؟"

أرادت اللعب على الأقوال التي رُددت من قبل فابتسمت وهي تكتب ولم يغيب عن عقلها  الشبه بينها وبين والدتها الذي يلحظه فاستغلت هذا وكتبت بمراوغةٍ :

_"إسأل ماما "

يحاول أن يوزن بين الطريق والهاتف ، الذي ينظر به الآن ، كان يعتقد انها ستخجل بأي رد ، بينما الآن؟ ما أن رأى ذلك خرج صوته بتلقائيةٍ واندفاع سريعاً :

_ماما؟؟؟

كتمت "فرح" ضحكتها التي لم تستطع فيما بعد منعها ما ان وجدت "والدتها" تسأله بغرابةٍ طيبة لاقت بسيدة مثلها :

        

          

                

_مالها مامتك يا بني ؟ خير يارب ؟

خرجت ضحكتها واستطاع  تشتيتها ، فتنحنح "بسام" بحنجرته بحرج ورد سريعاً بقليل من الارتباك لعدم مقدرته على حبك اي خدعة أو كذب :

_لا مفيش ، بتقولي بس استعجل عشان عاملة حسابكم في الغدا وبتحضره عشانَّا .

تركها ترد برد معتاد، وفتح هاتفه يرسل لها كتابةً بغيظٍ :

_ماشي يا دكتورة "فرح"!

لم يغلق الهاتف إلا عندما شابه ردها رده حينما انهت هى الأخرى بـ :

_أُوك يا دكتور "بسام".

__________________

هنا حيث جلسة في موعدها بعد جلستها الإضافية التي كانت أول أمس ، لا تستطع التفوه بشئ سوى أنه لولا وجوده بجوارها لما كانت هكذا!! ، تأخذ أنفاسها براحةٍ وإطمئنان لأن الأمان هنا ، حتى بعدما أصبح بجوارها وهى بين أحضانة مطمئنة! ، لم تهب ولم تخف ولم تفكر بأي شئ ، قد توصل لمكانة لم يتوصلها أحد معها من قبل! 

كالعادة ينتظرها جالسًا بمكانة على المقعد وعقله منقسم لأشياءٍ كثيرة منها سبب وجود الهاتف بين يديه الآن وهو يحاول مراراً وتكراراً طلب رقم صديق عمله ثم الذي أصبح صديق الأيام والشقاء!! , "عز"!

هو من يباشر العمل بدلاً عنه في ورشة العمل! اعتباراً بأنه مُقرب له ، واستطاع اليوم اخذ قسط من الراحة بعد اليومين الذي بذل بهم مجهود وحده كونه وجد نفسه رئيساً بمتطلبات كثيرة أكبر من قدرته ، فمهما عمل هو في الأصل خبرته أقل من خبرة "عز" الذي اعتاد على ذلك منذ الصِغَر! ، رحل وترك كل شئ خلفه دون تحسبات ، هكذا يصل المرء بعد مدة من التحمل ، بعد مدة من استنفاذ الطاقة الذي كان يستمر بها معدومة! ومع ذلك مجبر على الإستمرار والإستحمال!

نصف عقل معها والنصف الآخر يصنف لأشياء كثيرة  منها صديقه هذا ومنها صديقه الآخر الذي وُضِع بالمصحة! ، هل يتحمل التعب ؟ ، هكذا سأل نفسه وهو يضغط على الهاتف بضغطٍ نفسي من أمور الحياة التي لم تنتهي بعد معه ، مسؤليات كثيرة.. هو ..هى ، شقيقته وحالتها، صغارها ..العمل..الأصدقاء ..كل شئ هنا يتطلب منه جهد كبير ، لمجرد التفكير!!

نظر "آدم" بعشوائيةٍ في المكان  وثبت نظره عند باب مخصص لخروج الحالة لمن ينتظرها ، لم يتبق للانتظار شئ ، فهو هنا ينتظر منذ فترة ليست قليلة ،  أخرج أنفاسه براحةٍ ما ان وجدها تخرج غالقة الباب خلفها ببطئٍ ، ابتسم لرؤيتها ونهض تزامناً مع اقترابها ناحيته ، حينها ابتسمت تراضي انتظاره فهتف قبل أن تردد هى بشئٍ :

        

          

                

_حمد لله على السلامة يا شاطرة ، يارب تكوني خارجة مرتاحة.

ابتسمت "فريدة" بلينٍ وما قررت فعله من جلسات اضافيه ،فرقت كثيراً في حالتها وكلمات الطبيب تتردد في أذنها ، زفرت بصوت وتنهدت قائلة تطمئنه:

_الحمد لله

رفع ذراعه يحفزها بعناقٍ ما بعد خروجها فتنفست بعمقٍ وتنهدت تخفى الثُقل  وهتفت تسأله :

_هتروح الشُغل ؟

اعتدل "آدم" ينفي برأسه ، فشعرت كما شعرت قبل فترةٍ بأنه مضغوط فنبست بهدوءٍ :

_طب تعالى نمشي يلا ، شكلك تعبان ، لو مش حابب نروح  نزور ماما النهاردة مش مشكلة المهم ترتاح.

ابتسم "آدم" قبال تقديرها هذا ، فسار الإثنان معاً مع هذا الحديث والذي رد عليه بمشاكسةٍ هادئة :

_ المهم راحتك انتِ يا شاطرة.

لم تتعمد العناد مقابل اللقب التي  تغناظ هى منه ، بل صمتت وهى تخرج من بوابة السكن الحديث ، وابتسمت بسكونٍ وتفاجأت به يردد لها بتذكرٍ :

_وأنا مش ناسي طلبك اللي طلبتيه مني امبارح ، عشان كدة أنا معاكي دلوقتي زي ما هبقى معاكي وانتِ بتروحيله ، انا بس سكت عشان واحنا خارجين بالمرة ومكنتش شايف انك كويسة امبارح زي النهاردة كدة عشان نروح 

قصد شئ كانت قد طلبته منه بترددٍ ورحب بهذا بتقديرٍ ، ابتلعت"فريدة" ريقها ورفضت بترددٍ أمامه :

_ مش لازم خلاص ، انا مش شايفة انك قادر تستحمل معايا كل ده حتى مرواحي هناك انا مضمنش نفسي ، وانا بخاف عليك لما بتشوفني زعلانة.

ضحك بخفةٍ وجعلها تتأبط ذراعة وهو يهتف بمشاكسةٍ ضاحكة :

_ حلوة بخاف عليك  دي ،  ابقي قوليها علطول بدل ما أنا حاسس اني متجوز حد مبينطقش!

ضحكت "فريدة" واغتاظت ملامحها وهى ترفع حاجبها الأيسر باستنكار قائلة أمام مراقبته لتقاسيمها الذي يرى بها الراحة :

_قصدك ايه  يا مستفز انت؟

_قصدي ان بحبك كدة يا شاطرة ومش متضايق ، المهم قوليلي انتِ ، انتِ جاهزة للزيارة دي دلوقتي؟ أنا كدة كدة معاكي في الحالتين.

حركت "فريدة" رأسها بتأكيدٍ وذهب كل الخوف مقابل نبرته الساكنة التي وجدت بين حروفها الامان ، فنبست  ناطقة قبال عدستيه :

_ آه جاهزة .. ، كنت بقول ان من بعد آخر مرة مش هروح تاني بس لا بعد ما كل حاجة اتكشفت قلبي رق وبقا من واجبي زيارته والدعاء ليه علطول لعل اللي بعمله ده يكون سبب في دخوله الجنة رغم ان عقلي مش مقتنع بإنه عمل حاجة  كويسة ، بس هو أبويا وعمري ما هقدر أفكر فـ حاجة غير كدة ولا هعرف اغير الحقيقة دي..

        

          

                

في كل مرة يتغير تفكيرها بمنظورٍ آخر ، كلما يشعر بأنها تتعافى شئ فشئ يتراقص قلبه سعادةً وفخراً بها ، خاصةً بعد حديث الطبيب معه اليوم ، قاربت جداً على الشفاء  نهائياً ، تركها تتحدث كما تشاء ، فأكملت هى وتبدل اليأس و هتفت بعقلٍ عكس كل مرة :

_ أصل خلاص بقا يا "آدم" ، كل اللي حصل كان مقدر انه هيحصل ، وبقيت بشوف أن كل حاجة حصلتلي ليها حكمة ،  مع اني هفضل افتكر ان اللي حصل حاجة صعب نسيانها بس قررت منساش ان لازم هطلع بكل ده بحاجات مكنتش فيها من الأول ، اول حاجة فكرت فيها هو وجودك جنبي واني بقيت من نصيبك بعد ما كنت متوقعش ان حاجة زي دي تحصل ، حتى "حسن" وعلاقتي بيه اللي كانت في الأول واللي اتغيرت ولسه بقرر انها تتغير عشان لولا برضه اللي هو فيه مكنتش هبقى كدة معاه ، تعرف ؟  كل حاجة بتحصلنا فيها حكمة ..كل حاجة بتحصل عمرها ما تبقى صدفة أبدًا ..

ربما قصدت أشياء أخرى لم تذكرها أيضاً مثل علاقاتها معهن وتغير شخصيتها بهن ، وكل شئ ذكرته ولم تذكره تفَهمه هو على الفور ، واتسعت ابتسامته كما لم تتسع من قبل بل ظل ينظر لها هكذا إلى ان سألته مغيرة مجرى ما كانت ستكمله :

_ أصـ .. ،. هو انت بتبصلي كدة ليه؟

سألته بغرابةٍ ، فعدستيه الآن تراقبها بوميضٍ غريب ، ربما كان وميض الفخر والسعادة ، وجاوبها بصدقٍ حينها:

_ عشان فخور ، فخور بيكي أوي وعايز أرقص من كتر ما انا فرحان وفخور بيكي!!

ضحكت "فريدة"على سعادته ، بل كان حقاً فخوراً صادقاً بما ردده ، كانت تريد هكذا ..شخصاً يدعمها حتى ولو بأقل الأشياء ، شخص يعد لها السند 

تمسكت بكفه بسعادةٍ من رؤيته سعيد بها هكذا واندفعت تعانقه غير مبالية بمن حولها بل رددت بأكثر نبرة كانت صادقة وقتها :

_أنا بحبك أوي يا "آدم" ، يا بختي بيك ، يا بختي بواحد زيك.

مرر كفه على ظهرها براحةٍ وابتسم حتى خرجت بسعادةٍ ، الآن تسعد لأنه سعيد بها ، اتسعت ابتسامته بحبٍ وغمز قائلاً :

_وانا كمان بحبك يا شاطرة ، ومش "أمان" اللي ياخدك مني، دا انتِ بقيتي بتحبية أكتر مني.

ضحكت "فريدة" بصوتٍ ظهر فضحك على ضحكتها وهي تصرّح :

_بصراحة  القعده معاه لوحدك حاجة تانية خالص ، مع انه حيوان بس على رآيك وفي أوي..زيك كدة.

تلاشت بسمته من قولها الأخير فأدركت ما فعلته إلى أن ضحكت بقوةٍ هذه المرة المرة ووكزت كتفيه بنبرةٍ بها أثر الضحك :

        

          

                

_ مكنتش اقصدها والله ، متزعلش .

نظر لها بحنقٍ وهو يتابع سيارات الأجرة الفارغة من الرُكاب كي يشير لاحداهما ، فضحكت تشاكسة سريعاً :

_متزعلش بقا ، أومال لو شتمتك قولتلك "يا سامر" هتعمل ايه ؟

ضحك على مزحتها ولوى شفتيه متهكماً بقوله:

_لا أمان أحسن ، ومتفكرنيش بالمحروق ده عشان مزاجي ، مش كفاية لسه عارف انه محجوز في المستشفي وممشاش هو وامه واخته لسة.

فأضافت هى تزامناً مع إشارته للسيارة  ولم يغيب عن بالها تأففها من وجودهم فيما انها لم تعد تتأثر مثل السابق فقد وضح كل شىء ولم يعد شئ مخفي من الجهتين!!  :

_سمعت انه خارج النهاردة وهيمشوا بس مش عارفه هيمشوا النهاردة ولا بكرة!

إلى هنا وشرد ، لم يكن الشرود بالحق ، بل شرد بفكرة إقامتها معه بسببهم من الأساس وسبب الحالة التي ازدادت بوجودهم ، هل رحيلهم برحيلها هى الأخرى  عنه؟ ، على الرغم من انها رفضت هذا وأكدت له تطمأنه بأنها لم ولن ترحل بعد الآن ولكن الفكرة نفسها  جعلته خائف من فقدانها حتى وان لم يكن بالمعني الحرفي الموجع! ، لا يثق بقرارات الأخرين ، ولكنه يثق بها هىٰ ، هل سترفض هذا وتقف معه توافقه؟ ، كان يردد بأنه يريد لها الراحة وفقط بينما الآن زاد تعلقه وزاد الحب وهى بجواره ومؤخراً زاد  وهي تغفو بين ذراعيه الحانتين وأحضانه الآمنه وهي مطمئنة تعطيه الثقة بأن هذا القرب سيقف إلي هنا ولن يفعل شئ الا بإرادتها ..

انتفض "آدم"بطريقةٍ ليست ملحوظة بعدما وجد نفسه  يجلس بجانبها في المقعد الخلفي في السيارة التي سارت وأخرجه من شروده سؤالها المستنكر:

_روحت مني فين ؟ ، بقولك فين الموتوسيكل بتاعك مجبتوش معاك وكنا مشينا بيه ليه؟

أخرج أنفاسه بعمقٍ ناظراً ناحيتها بقلق من الفقدان ، الآن علم سبب الحزن المجهول ، ربما كانت هى من فعلت به هذا دون دراية منها ومنه ، وابتسم يجيبها مهتزاً من الداخل وثابتاً أمام عدستيها من الخارج :

_ مع "غسان" من امبارح.

صمتت قبال هذه الإجابة ونظرت بعشوائيةٍ من الشُرفة ، فلم يحرك عينيه من عليها ، سائلاً ذاته بماذا فعلت هى به كي يظل مرتبكاً خائفاً هكذا دون معرفة السبب في البداية ؟ ، هل يفعل الحُب في المرء هذا ؟ أم ان التعلق يؤذي عقل المُحب هكذا ؟ حتي وان وُجِدت الأدلة والأسباب والبراهين ؟

        

          

                

___________________

أُجبرت على السير في الخارج منها ، بعدما سمعت "نيروز"لقول "غسان"، كانت بملابسها التي صعدت لها بها لذا لم تردد لأحدهم بأنها ستهبط مع "نيروز" للسير والجلوس أمام البحر وأمواجه، وبعدما تجهزت "نيروز" وارتدت عباءتها السوداء ، هبطت مع رفيقة دربها  حتى انتهى بهما المطاف الآن هنا أمام امواج البحر  الهادئة من على بعدٍ ، والشرود رفيق واحدة والمراقبة رفيقة لأخرى تحزن للأولى!!

تسيل الدموع منها بغزارةٍ أمام هذا المنظر الذي يعد مفضل للإثنان منذ زمن مر عليه الكثير رفقاء لهذا المشهد ، حزنها تارة وتارة أخرى حزن الأخرى ، يتشاركان معاً ثقل كل شئ حتى الآن! ، مفضل لها بأي وقت ومفضل للأخرى في ضوء النهار فقط! ، أهذا ما يعد مختلف فيهما؟، فكل منهما تشبه الأخرى حتى في الحزن..

حركته المعهودة التي أُخذت منه من كل من حوله ، حركته الحانية التي يبدأ بها بأنامله في مسح دموع من أمامه ثم الاحتواء بذراعيه بعدها .. ، أخذتها منه "نيروز" ، عندما رفعت أناملها دون تحسب لشئ ومسحت عيني الأخرى بحنو أصبحت تعهده منه هو منذ ان عرفته 

وبدون أي شئ تُقدم به بداية الحديث ، نبست بنبرةٍ بها أثر البكاء الساكن ، الذي ظهر به ضعفها وقلة حيلتها :

_هو ليه مشى يا "نيروز" ؟ ، ليه مشى وسابني ، افكر واتعب؟ ، دا أنا قولتله اني من غيره ضايعة أوي ، من غيره مش هقدر ، قالي عمري ما هسيبك مهما ايه حصل ، قالي ان كل واحد فينا هيفضل في ضمة التاني ، هو أنا مستاهلش يا "نيروز"؟ مستاهلش ارتاح واعيش في هدوء من غير ما أتكسر مرة ؟

لمعت عينيها تأثرًا وشفقة عليها ، فيما تابعت "جميلة" بوجعٍ شديد وضع وحده بكفةٍ وبالكفة الأخرى كل حزن كانت قد حزنته من قبل :

_سابني مقهورة مرتين  ، مرة بألف مرة عشانه ومرة واحدة بس عشاني أنا ، موجوعة عليه وخايفة وقدّرت انه مشىٰ ، بس مكنش يسيبني كدة ، مكنش يقهرني كدة ولا يحسسني اني خلاص مبقاش مرغوب فيا لمجرد ان أبويا  اتقتل على ايد اخوه..

اجهشت في البكاء بوجع الظلم ،  بكت بكاء المظلوم وهي تضع كلا  كفيها على وجهها وهي تردد بكسرةٍ :

_طب أنا مالي ؟ ، أنا مالي يا "نيروز"؟ كان ايه ذنبي ؟

كان المتوقع سؤال آخر لم يغيب عن بالها كما لم يغيب عن بال أي مظلوم من هذه الحياة ، سؤال بكلمة واحدة فقط يسأله كل من يشعر بالخيبة ، كل من تهرب منه الكلمات فيحل محل كل الأحرف ثلاثة أحرف أخرى ، كل حرف منهم يتساءل بوجعٍ امتزج بقهرٍ شديد :

        

          

                

_"ليـه؟."

نزلت دمعة "نيروز" بعجزٍ عن الرد ، ولم تستطع ان توقفها عن التعبير ، بل رددت مرة أخرى بنفس البكاء وكأن الأمواج ولون السماء الذي عُكس على لون المياة أمام عدستيهما جعلها تنفجر لتصرّح رغماً عنها ، كي تخرج ما بداخلها  ناحية المياة التي عُرفت في هذه الموافق بالفضول  لكل من يجلس أمامها خائباً منكسراً ضائعاً ! :

_ مكنش ذنبي اني جيت الدنيا ووعيت على أب زي ده ، أب وحشني مع انه سبب في حاجات كتير عايشة فيها لحد الآن ، أب خلاني أخاف من ضلي واعمل حساب لكل حاجة حتى ولو متستاهلش ، مكنش ذنبي اخش حاجة محبيتهاش ، مكنش ذنبي اتأذى واتجبر على حاجات انا مش عايزاها ، مكنش ذنبي في حاجات كتير زي ما ماكنش ذنبه يطلع هو كمان يلاقي نفسه كدة ، حتى اخوه مكنش ذنبه ولا بإيده يختاره عشان يكون اخوه .

تساءلت الٱن بأعين حمراء من البكاء أمام وجه "نيروز", الباكي من كلماتها 

التي شعرت بكسرتها الأخرى ، حتى الأحرف ظهرت بنبرتها منكسرة! :

_هى ليه الدنيا بتعمل فينا كدة ؟

لم تنتبه ان هذه بوادر اعتراض خرجت في بدايات محاولات شيطان جوارها الآن ، والأخرى خدرتها الكلمات بوجعٍ وفُتحت الجروح في لحظة غير وعي ، لذا من أجاب كان شخصاً ما قد رآهما وهما يسيران من أسفل العماره ، أجاب من رآهما من الشُرفة :

_ عشان احنا عند ربنا حاجة كبيرة ، حاجة شايف فيها اننا قادرين على ابتلاءاته..يا ..حرباية هانم!

كان لقبها الأخير ظاهراً بإختناقٍ شديد ، والأن ظهر من هو هذا الشخص! ،

كانت هى ، كانت "ياسـمـين" ، التفتت "نيروز" تبتسم من بين دموعها وحتى"جميلة" نظرت في تأثر.ٍ خرج للتو ما ان اقتربت "ياسمين" تجلس بينهما وهي ترفع كلا ذراعيها على كل منهما كما جلسن هكذا من قبل يتشاركن معاً الهموم وشاكستهما بنبرةٍ متحشرجةٍ في محاولة للمرح :

_وسعولي كدة ، جالكم قلب تقعدوا كدة من غيري يا أندال؟

ردت  حينها "نيروز" وهى تستند برأسها على كتفها :

_  كانت نقصاكي فعلاً .

استسلمت لها بهذا القول وزفرت تتابع "جميلة" التي مسحت عينيها ببطئٍ وأجابت باختناقٍ :

_ مكناش عايزين نتعبك عشان رجلك الوارمة من الحمل دي.

_بنت الوارمة مورمالي رِجلي فعلاً بس مش معنى كدة اني مبقاش جنبك لما تحبي تهربي من كل حاجة ،  متنسيش اننا تلاته في الحلو والمُر من زمان أوي ، ايه اللي اتغير؟

        

          

                

شاكستها "ياسمين" ورددت الأخير بجديةٍ ، فإستندت "جميلة" برأسها عليها مثل "نيروز" وردت بهدوءٍ :

_ مفيش حاجة اتغيرت فينا ، الدنيا بس هى اللي بتتغير ، كذاب مين قال ان البني آدم بيتغير والدنيا لا .

_هو مش كداب اللي قال كدة يا "جميلة"، وآه في حاجات اتغيرت فينا ، اللي اتغير فيكي هي قوتِك اللي شيلتيها خالص بمجرد ما حبيتيه ، كنت هنا في نفس المكان ده وقولتلكم مهما حصل مش لازم نرمي كل حاجة على حد مكانته عندنا كبيرة ، لازم نعتز بالقوة والاستحمال والطاقة اللي ربنا عطاهلنا عشان الدنيا ملهاش أمان ، بعيداً عن زعلك على "عز" ، لأن ممكن ربنا عمل كدة عشان تقوي أكتر في بعده ده لحد ما يرجع ، عشان لما يسيبك تكوني قوية في غيابه اياً كان ايه هو نوع الغياب ،  ده اللي عيشت ازرعه في "نيروز" ، كنت بقولها بشهادتك ..ان مهما كنتي فاكرة نفسك ضعيفة فانتِ مش كدة واثبتي لنفسك العكس في عز ما تكوني فأضعف حالاتك ، كنت بقول ولسه بقول ..فاجئي نفسك بالعكس عشان تعرفي تعيشي!

هناك أمل ما من مصدر القوة ، مصدر القوة والاحتواء الجاد بالثبات التي تجلس بينهما الٱن ، رفعت "جميلة" رأسها  تبتسم لها بتٱثرٍ فهي دوماً "أُم" لها في الاحتواء القوي ، اعتدلت "نيروز" تحرك رأسها بتضامن لـ "جميلة" التي زفرت بتعبٍ خرج أمام حديث "ياسمين" العقلاني لها :

_ارضي كدة  وعودي نفسك تتماسكي ، حتى ولو غصب عنك بتلاقي نفسك مش قادرة بس لازم تحاولي ، اللي مبيحاولش ده ببقى انسان ميت بس حي ! ، في غياب زي ده مش لازم تعيطي ، لازم تقفي ثابته تبيني للكل انك قوية قد غياب جوزك اللي مش عيب ابداً تحاولي تدوري وتشوفي هو ممكن يكون فين ، مش ممكن يكون محتاجك ، مش ممكن تكوني هتعرفي توصليله عشان يرجع؟ أو حتي مش يمكن ثباتك ده يحط قوة وصبر في مامت "عز". و"فرح" ، أنا شوفتهم داخلين عند عمو "حامد" من شوية والزعل مغير ملامحهم ، انتِ بدل "عز" ، انتِ اللي هتعرفي ترجعي جوزك يا جميلة.

وجدت الشغف بين الكلمات فإعتدلت تمسح دموعها بشرودٍ ونظرت "نيروز" ناحية "ياسمين" التي ابتسمت لهما وشاكستهما بعيداً عن كل هذا وهي تسألهما :

_ عندي ليكم عرض  ميتفوتش ، لأجل وصلة النكد دي ، اطلبوا أي حاجة اجبهالكم حالاً أو انفذهالكم ، الواد حازومي لسه قابض  فبراحتكم بقىٰ .

خرجت ضحكة "نيروز" على حديثها كما ضحكت "جميلة"مستسلمة وصمت أمام قول "نيروز" :

_عايزة مشبك!

عقدت "ياسمين" ما بين حاجبيها بغرابةٍ من هذا الطلب ، التي اعتبرته "جميلة" وحماً فهتفت تتساءل :

        

          

                

_بتتوحمي ولا ايه؟

فأجابتها "نيروز" بضحكٍ وهي تتلمس معدتها :

_مش عارفة!

_خلاص هجيبلك ، قوموا معايا نتمشي على أول الطريق ، بس لسه انتِ  يا "جميلة"، قوليلي عايزة ايه يلا بالمرة!

هتفت "ياسمين" بحديثها هذا ونهضن الثلاثة قبال ترقب الاثنان على الثالثة التي اهتزت عينيها وعبرت عن رغبتها التي لحت عليها منذ ان علمت انه قُتل :

_أنا مش عايزة حاجة ، أنا بس كان نفسي ٱعمل حاجة ونفسي توافقوني وتيجو معايا ومش هنتأخر .

نظرت"نيروز" إلى "ياسمين" التي تساءلت بفضولٍ  مازح بعد الشىء للتهوين عليها :

_طب قوليلي عايزة تعملي ايه واحنا عنينا للحرباية !

ابتلعت "جميلة" ريقها بتشتت وأخذت أنفاسها تُخرج برغبتها التي جعلتهما صامتتين لبرهة من الزمن أمام هذا الطلب الآن وهن معاً أمام المياة التي تشاركهن المشهد :

_عاوزة أزور قبر بابا!

نبستها بنبرةٍ ضائعة ، اعتقدت ان بمجرد هذه الزيارة سينشغل عقلها بأشياء أخرى غير التي تؤذيها! ، ولكن هناك من اهتزت ملامحها خوفاً ، فإبتلعت ريقها ووجدت نفسها تُحاصَر من رفيقة دربها ، إما ان ترفض لها هذا الطلب كي تنفذ حديث "غسان" لها بعدم الذهاب إلى هناك من دونه ، اما ان توافقها وتذهب وتترك ما يأتي بعد ذلك يأتي دون ترتيب! ، ولكنها لا تضمن حالتها النفسية التي تفاجئها هى نفسها قبل أن  تفاجئه وتفاجئ الجميع!!

هنا بجوارها شقيقتها التي لديها خفة في انقاذ أي وضع بالتفكير السريع ، ولكنها الآن لم ترض الرفض لـ "جميلة" حتى لا تذهب بمفردها وهى كذلك ، ومن ناحية أخرى لم تكن تعلم السبب الريئيسي لخلاف شقيقتها وزوجها والذي أدى إلى الطلاق!! ، ولكنها تراها الآن بحالة جيدة نسبياً !!

_هو انتِ بصراحة مش ناقصة نكد وحِزن ، بس أنا موافقة عشان حاسة بيكي ، وحاسة قد ايه الواحد مببقاش عايز حاجة غير الزيارة دي فعزم ضغوطة ، موافقة بس بشرط ..

نظرت "جميلة" بعدستيها لـ "ياسمين" التي أكملت بعدما زفرت أنفاسها :

_بلاش عياط ، بلاش أي حاجة تتعمل لمجرد انها تضغطك وانتِ كدة ، موافقة؟

أرادت ان تُدللها كصغيرة ، بينما هى يطلق عليها أم في العلاقات التي تشابه علاقتها بشقيقتها والأخرى ، نظرت "جميلة" في تأثرٍ وحركت رأسها موافقة قولها فيما وقفت "نيروز" تفكر بترددٍ قطعه قول "جميلة" المُقدر لحالتها عندما تراها عائدة من هناك :

        

          

                

_لو مش حابة يا "نيروز" بلاش ، ياسمين معايا خلاص!.

طالعتها "ياسمين" بتضامن لقول "جميلة" ، فأنهت "نيروز" هذا ولم ترض ترك رفيقة الدرب التي تساندها دوماً وجاء وقتها لتساندها  هى الأخرى ..

_لأ عادي ، يلا عشان  نلحق بس ، لأن "غسان" هيرجع ياخدني عشان نكشف، فبسرعة بقى.

ربما تعجلت كي تعود قبل أن يراها! ،ولأن المقابر قرببة سار الثلاثة على أرجلهم بخطواتٍ متوسطة شاردة وبدأت حينها "ياسمين" بسؤالها المهتم :

_طب الاقي فين المشبك ده يا "نيروز" علشان  اجيبهولك ؟

طالعتها بملامح جاهلة تعلن عن جهلها فصمتت ، وخرج رد "جميلة" بعد وقت تخبرهم بنبرةٍ حملت بين طياتها الوجع:

_ "عز" كان راجع مرة وجايبهولي ، اعتقد هيبقى في مكان الورشة هناك.

كان هذا آخر قول منها وهي تتخطى البوابة التي وُجِد عليها العامل ، تخطت كل منهن وبدأ بترديد قولهن :

_'السلام عليكم دار قوم مؤمنين، انتم السابقون وإنَّا ان شاء الله بكم للاحقون يرحم الله المستقدمين منكم والمستأخرين.'

جعلتهم الخطوات بعد ذلك أمام المُبتغى ، القادمين لأجله وصوت الشيخ الذي طلبه "آدم" يعلو ، وهن الثلاثة في صدمة ومفاجأة من وجود "فريدة" مع "آدم" الذي جلب لها مقعداً لتجلس ووقف هو بجوارها وجوار الشيخ ينصا بتمعنٍ وسكون.

_«قُلْ هُوَ الَّذِي أَنشَأَكُمْ وَجَعَلَ لَكُمُ السَّمْعَ وَالأَبْصَارَ وَالأَفْئِدَةَ قَلِيلا مَّا تَشْكُرُونَ ، قُلْ هُوَ الَّذِي ذَرَأَكُمْ فِي الأَرْضِ وَإِلَيْهِ تُحْشَرُونَ ،وَيَقُولُونَ مَتَى هَذَا الْوَعْدُ إِن كُنتُمْ صَادِقِينَ , قُلْ إِنَّمَا الْعِلْمُ عِندَ اللَّهِ وَإِنَّمَا أَنَا نَذِيرٌ مُّبِينٌ

فَلَمَّا رَأَوْهُ زُلْفَةً سِيئَتْ وُجُوهُ الَّذِينَ كَفَرُوا وَقِيلَ هَذَا الَّذِي كُنتُم بِهِ تَدَّعُونَ

قُلْ أَرَأَيْتُمْ إِنْ أَهْلَكَنِيَ اللَّهُ وَمَن مَّعِيَ أَوْ رَحِمَنَا فَمَن يُجِيرُ الْكَافِرِينَ مِنْ عَذَابٍ أَلِيمٍ , قُلْ هُوَ الرَّحْمَنُ آمَنَّا بِهِ وَعَلَيْهِ تَوَكَّلْنَا فَسَتَعْلَمُونَ مَنْ هُوَ فِي ضَلالٍ مُّبِينٍ, قُلْ أَرَأَيْتُمْ إِنْ أَصْبَحَ مَاؤُكُمْ غَوْرًا فَمَن يَأْتِيكُم بِمَاء مَّعِينٍ»

        

          

                

كانت آخر آيات سورة "المُلك" ،سورة  من السور المُفضل قراءتها للمتوفي ، انتهى الشيخ من هذا ثم رتل بقول آخر يصدق به الٱيات الكريمة :

_صَدق الله العظيــم.

وعقب ذلك استطاعت كل منهن التحرك للاتجاه ناحية "فريدة" التي انتبهت لهن مثل "آدم" ، ولكن كان هناك نوع من أنواع الاحترام والسكون لكلمات الله التي تُرَدد بيقينٍ وإيمانٍ وصوتٍ خاشع هادئ مُريح على قلوبهم!

عانقن بعضهن في احتواء لهذه اللحظة ، ولمعت عيني "جميلة" بتأثرٍ وتفهم وهي تعانق شقيقتها الآن ، هى الأخرى ظهر بها نقطة الاشتياق المُوجع ترصصن بجانب بعضهن لقراءة سوؤة الفاتحة  على روحه ، فيما وقف هو بهدوءٍ ينتظرهن كي يوصلهن قبل ان يحدث أي شئ مُعبراً عن الوجع منهن! ،أخرج "آدم"أنفاسه بصوتٍ هادىء وتخلل أذنه صوت شهقات "جميلة" التي احتوتها"فريدة"  مقدرة حالتها جيداً عن اي شخص ، ووقفت بها تدخلها بين ذراعيها وهي تردد باختناقٍ لها كي تهدأ:

_بس ..بس خلاص عشان خاطري يا "جميلة" ، بالله عليكي بلاش كده,خلينا ندعيله ، مفيش في ايد حد فينا حاجة غير اننا ندعي ان ربنا يسامحه على اللي عمله وعلى اللي كان السبب في اللي احنا فيه دلوقتي ، عمرنا ما هنغير حقيقة انه ابونا وانه كان مؤذي بس لازم نتأقلم ونرضى ، اهدي عشان خاطري انا .

مسحت لها "نيروز" وجهها بالمنشفة الورقية التي توجد بين يديها فيما وقعت دمعة "ياسمين" وهى تنهرها بحزمٍ لم يلق مع دمعتها التي خانتها وخانت قوتها الزائفة :

_بقى هو ده اللي احنا اتفقنا عليه؟.

نفت برأسها تستمع إلى حديثهن ، وتقدم "آدم" شاعراً بقلة توازنها فحث "فريدة" قائلاً بقليل من الحرج كونه الرجل الوحيد بينهن الآن :

_ قعديها ترتاح على الكرسي يا "فريدة"، وخدي شربيها الماية دي.

أجلستها بالفعل كي تستريح ، ووقفت "نيروز" تنظر لقبر والدها  وتأسفت بهذه اللحظة بعينيها وكل ما تريد قوله تم منعه الآن لأنها معهم! ، فصمتت مُجبرة وخرج قولها الذي استمع اليه الجميع من خلفها :

_وحشتني أوي يا بابا ، ياريتك كنت هنا معانا.

وضعت "ياسمين" ذراعها عليها ووقفتا الاثنان معاً كما وقفت "فريدة" في الخلف بجانب "جميلة" المُنهكة ، وهذه تعد لحظات من ضمن اللحظات المُتعبَة! ، فهو الآخر كان عند قبر "والدته" قبل قليل ، هو أيضاً فقد شخص غالٍ على قلبه ، شخص  مُعلق بقلادته الثمينة التي تتمسك بها "فريدة" الآن وهي تراقبه بعدستيها وكأنه فهم احتواءها له من على بُعدٍ فابتسم يطمئنها وهو بموضعه ينتظرهن!!

        

          

                

_____________________

قبل قليلٍ كان بآخر مكان كان يتوقع الذهاب إليه ، على الرغم من انه تحدث مع هذا الشخص من قبل ، بينما  أول مرة يجلس في عيادتهِ كضيفٍ لا كمضطرب نفسياً !! ، أشياء كثيرة تقتحم عقله والخوف هو من جعله يأتي إلى هنا ،  مطالعاً ذلك الذي يجلس أمامه واضعاً ساق فوق الأخرى وهو ينتظره ينتهى من ما جلبه له من كتبٍ وأوراق يقرأ منها كي يتفهم بطريقة أوسع وأضمن بعدما رأى به صعوبة ثقته السريعة في من أمامه ، على الرغم من انه لم يتماشى بعد ان شقيقه قد تم علاجة النفسي هنا ، على يد هذا الطبيب .."عاصم أمين"..

خدعها بخفةٍ عندما ردد لها بأنه ذاهب إلى "شادي" صديقه! ، ولكنه لم يكن ذاهباً اليه بل كان هنا ، حيث مكان تواجدها من قبل للتعافي من ما كان تقرر التعافي منه ومن داخلها لا تقتنع ، بالفعل كانت قد تعافت من أشياء عدة ، ولكن هذه المرة كان هناك شئ جاء فجأة من عزم الضغوط، شئ يعد  خطراً عليها وعلى من بأحشاءها ولم تفكر قط بالذهاب كي تُعالَج!!

قرأ ومن غيره بارع في القراءة والمتابعة السريعة بسرعة بديهة بطبيعة عمله ، هو الآخر يجلس كمن يجلس بملكٍ له!! ، واضعاً ساق فوق الأخرى وعينيه لا تفارق الأحرف التالية :-

_الإنهيار العصبي مرض نفسي يصيب باكتئابٍ عميق ومزاج سيئ وعدم مبالاة بالنشاطات وإحساس حادّ ومزمن بالإرهاق والأرق والأفكار السوداوية تترافق هذه الاضطرابات مع تقلّبات مزاجية تتفاوت حدّتها ونسبتها ومدتها بين أسابيع وأشهر تسبّب معاناة نفسية وتغيّراً في الأداء الاجتماعي ، قد يرتبط احياناً بصعوبات الحياة ، فقد يرتبط بالتوتر الحادّ والمستمر أو بفترات معينة من السنة أو الحياة تنعكس أعراضه بشكلٍ ملحوظ على أداء الوظائف اليومية، وتتأثر علاقات المريض الاجتماعية والزوجية والأسرية وحتى علاقاته مع أصدقائه وزملائه…

_يصعب على الأشخاص الذين يحيطون بالمريض فهم حالته المرضية، ما يدفعهم إلى الارتباك والقلق والخوف ،.  إذ يصعب عليهم اختيار طريقة التصرّف الصحيحة لمساعدة المريض من دون الإضرار بأنفسهم. لا ينمّ هذا المرض عن ضعفٍ في الشخصية، لكنّ لا تكفي الإرادة وحدها للتغلب عليه، ذلك أن هذا المرض يولّد لدى المرء شعوراً بالدونية وأفكاراً سوداوية غامضة بعض الشيء وقد تكون غامضة ..

_كما ان الانهيار العصبي أحد الأمراض النفسية الأكثر شيوعاً، إلا أنّ نصف المصابين به تقريباً يجهلون حالتهم ..تعتبر نسبة لجوء الرجال والشباب والمسنّين إلى الطبيب متدنّية، ويجهل مرضى كثر إلى من يتجهون أو ما هي الإجراءات المتبعة..كيف يمكن تخطّي الانهيار والكآبة؟ العلاج بالأدوية  لأن أحياناً الأدوية هي الحلّ الأكثر شيوعاً ضدّ الانهيار تعمل مضادات الاكتئاب على السيروتونين وناقلاتنا العصبية وتستلزم بعض الوقت قبل إعطاء المفعول المطلوب، كذلك يجب المرور بمرحلة أولية للتأكد مما إذا كانت كمية الدواء ونوعه مناسبين للحالة أم لم تناسب بعد..

        

          

                

رفع "غسان" عينيه بعد قراءة هذه المعلومات الدسمة التي تحمل تفاصيل عدة تقلقه وبنفس الوقت تعطيه أمل ، ولكن هناك الخوف الذي أخفاه وهو بتساءل بدون مقدمات :

_هى مش كانت هنا قبل كده ؟ ، متعالجتش منه ؟ مخدتش اي أدوية أو منتظمتش بجلسات خاصة ليه عشان ميرجعش تاني؟

خرجت التساؤلاات كذلك فيما طالعه "عاصم" الذي ارتشف من كوب القهوة بهدوء ثم اعتدل يوضح له أكثر :

_استاذ"غسان", أكيد حضرتك قرأت وشوفت وعرفت ان أغلب اللي عندهم الحالة دي مبيعترفوش بيه ولا بيهتموا انه مرض نفسي محتاج يتعالج  ويتواظب على علاجه ، حتى لو كان دا عندها من قبل وجت هنا فهي معترفتش من جواها ان ده بيجي ليها في وقت الضغط  وحاجة بتحتاج انها تتعالج منها ،  يعني حاجة مجتش فخلاص مش هتيجي تاني ، اه هي اتعالجت من حاجات كتيرة بس في حاجات لسه غصب عن البني آدم وغصب عن الطب النفسي بتسيب الأثر اللي ممكن يرجع كل ده تاني وترجع تنتكس ودا عامةً مش على الانهيار العصبي بس ، لأن لو على الانهيار العصبي فهقولك انه محتاج علاج ومحتاج حد يكون فاهم ومدرك ان ده تعب ومحتاج دوا ليه سواء نفسي او بأدوية مضادة ليه..

ثم أضاف سريعاً يثبت له بابتسامةٍ جذابة :

_إقلب الصحفة ، اتفضل كمل عشان تبقى مدرك بنفسك.

نظر له "غسان" مطولاً محدقاً بإنصاتٍ واهتمام ولبى قوله ما ان نظر ناحية الصفحة الأخرى كي يرى ما قد اعتقد انه انتهى إلى هنا :

_العلاج النفسي يُنصح به للمراهقين والبالغين على حدٍّ سواء، إلا أنه لا يكفي وحده في حالات الإنهيار العصبي الحاد، وله فائدة كبيرة لدى الأشخاص الذين يطاردهم القلق بشأن العلاقات يندر ألا يترافق العلاج النفسي مع العلاج بالأدوية ويمكن اللجوء إلى التحليل النفسي أو العلاج التصرفي أو الإدراكي، لكن الأهم أن يتم العلاج طواعية وبمرافقة أسرة المريض ودعمها.

_والانغلاق على الذات والصمت أحد أبرز الأسباب التي تفاقم وضع المريض، لذا يشدد الأطباء النفسيون على ضرورة أن يفضي المريض بمكنونات قلبه إلى الأسرة أو الأصدقاء أو الطبيب، لأنه بذلك يختصر طريقة المعاناة ويسير على طريق الشفاء، ويتأكد من أن عجزه ليس إلا حالة موقتة.

طالعه بعد ذلك وهو يرفع رأسه بتفهمٍ لما كانت قد فعلته من صمت حتى تراكم هذا فظنت انها تتعافي ، الأمر معقد وأكبر من ما كان يتخيل مادامت لم تعلم الي الان بأن يتوجب عليها الاقتناع كي تُشفىٰ !!

_أكيد فهمتني دلوقتي ، وفهمت انها اختارت بنفسها تتعالج نفسياً  مش علاج آخر ، وبكدة ضيعت كل ده  من جهة تانية لما دارت ومحبتش تبوح عن اللي جوه ،  ساعتها من بين حاجات كتيرة كانت بتعاني منها كنت بقولها لازم تتكلم لازم تتفاعل ولازم تشارك مادام اختارت تتعالج نفسياً .

        

          

                

اخذ "غسان" أنفاسه بتعبٍ وانقذ ذاته  من التشتت والشرود بها ، واعتدل يسند الكتاب على الطاولة الأنيقة بحداثتها ، وأخرج نفساً عميقاً يفسر له بنبرةٍ ظهر بها الخوف  وقتها :

_أنا عايزها تقتنع ان ده شئ  لازم يتداوى وان ده خطر عليها وعلى اللي في بطنها ..

توقف يأخذ أنفاسه بتقطعٍ وأكمل بهدوءٍ وارى خلفه القلق :

_أنا مراتي حامل ، يعني مش مستعد اخسرها في مرة ولا اخسر عيالنا ، أنا للأسف طاقتي معتش فيها يكفي الاستحمال للضغط ده كله، أنا تعبان لأجلها هى ومش عارف اعيش في راحة بال بسبب خوفي عليها، كل اللي اقدر اقوله لك عشان تنصحني ..ان انا عندي طاقة بس طاقة احاول ولو مش عندي هفضل احاول لحد ما تتقدم وتبقى أفضل، أنا جاي لك النهاردة مش عشان دكتور وهتفهم كل ده ، انا جيت عشان أفهم أكتر ، جيت عشان الاقي مساعدة بكل الاشكال مش بس بشكل الطب النفسي..عارف انك هتقولي ان الخطوة لازم منها ، بس هى نفسها مش مستوعبة ان كل ده بيحصلها وعندها وخطر ،عشان كدة انا محتاج مساعدة ، محتاج تقولي ايه في ايدي اعمله وفي  نفس الوقت تتقبله هى ،  ولو العلاج بالأدوية مش لازم يبقي مع العلاج النفسي انا جاهز  وبسألك ايه أفضل ليها ، لإني مبرجحش انها تاخد اي علاج ليه نتايج سلبية فيما بعد عشانها وعشان حملها وصحتها.

ردد حديثه بلهفةٍ غريبة لم تظهر بالكثرة الا الآن ، فيما تفهم الآخر حالته ووضح :

_ أنا مقدر كلامك وخوفك ده ،لأنه الطبيعي ، ولكن بالنسبة مثلاً للعلاج ففي علاج مش هيأثر عليها وانا هشوف ده طبعاً بما انها حامل ، دا غير ان العلاج ليه أشكال كتيرة غير ده ، بس اشوفها من تاني عشان اقدر احدد هى هتبقى كويسة على ايه ، بس اهم حاجة واللي هيفضل ثابت مع كل شكل هو العزيمة والارادة منها هى نفسها .

حسناً قد توقفت كل الحلول بعدم رده بها الا بوجودها !! ، بالطبع الأمر يتطلب تواجدها بعد كل هذه الأحداث التي غيرت بها الكثير عن قبل ، وافق "غسان" برأسه ، وهو يطالع عنوان الكتاب الذي اسنده بشرودٍ قطعه هو كي لا يتعمق أكثر ، وتحدث قبل ان يقرر الذهاب حينها :

_هحاول عشان تيجي وتبدأ من جديد بالعزيمة المطلوبة.

_ وانا واثق في محاولاتك كلها ، وعلى فكرة الموضوع أسهل من ما تتخيل ، انت بس اتعامل صح ، وهى كمان لو كانت عايزة فعلاً تتعالج عشان هى عايزة كدة الموضوع هيبقي سهل جداً ومش هيطول في العلاج حتى ولو كان ايه شكل العلاج ، أهم حاجة إرادتها يا "غسان" .

رده كان ابتسامته وقوله الذي ردده بصدقٍ بعدما وقف واضعاً هاتفه في جيبه معدلاً قبعته:

_شُكراً يا دكتور "عاصم".

_متشكرنيش ده شغلي يا "غسان" واسمحلي اقولك "غسان" عادي عشان مش شايفك غير "بسام" صديقي اللي بعزه جداً ، ربنا يديم  القبول في وجوهكم دايمـاً .

        

          

                

رد بإبتسامةٍ وحديث لم يتعمد تذكرة بعدما تذكر هذا الحوار الآن بالكامل وهو يقود الدراجة البخارية بسرعةٍ , كان هذا من بين شروده بعدما خرج وتم ما حدث ثم عاد ومن حسن حظه انه لم يتلاقى بـ "آدم"و"فريدة" اللذان كانا هناك وقتها بعده 

شرود عميق والسيارات تصارع نفسها على  الطريق وهو بين اثنتان الآن  حتى تخطاهما بسرعةٍ أكبر ومن عزم هذا الاحتكاك لم يسمع دقات الهاتف في جيب بنطاله الأسود! ، يُنهك..يتعب لاجلها وهذا ما يلحظه والده به لأنه يرى بعدستيه تعباً يحاول اخفاءه! ..

بفعل الهدوء في السرعة  ثم "الفرامل" كانت سبب في ايقاف الدراجة سانداً قدميه أرضاً بطول ساقيه أمام المبنى الآن وهو يميل كي يخرج هاتفه  ناظراً نحو إحدى الشرف ربما تكون هناك واقفة تنتظره كما حثها بعدم تأخيره ، طلب رقمها الآن متتظراً بدلاً من الصعود مقرراً الصعود عندما يتساءل في المكالمة ما ان كانت تقدر ام لا ،  هل تناسى بأنه حثها على الخروج؟ ام انه توقعه خروج سريع أمام المبني لدقائق ثم العودة؟؟..

لمَ لم تجيب على الإتصال من أول مرة ؟، زفر أنفاسه بهدوءٍ ، ثم نظر للأعلى لبرهة وهو يضع الهاتف على أذنه مبتسماً نصف ابتسامة لشخص ما يسكن فوق شقته ، جاراً له ، فترقب للرد ..

..

في حين على الجهة المقابلة ، ابتلعت "نيروز" ريقها بتوترٍ وهي تسير بجانبهن بعدما خرجن وهو معهم ، لاحظت "ياسمين" صمتها وعدم ردها على المكالمة في حين من قبلهما كان يسير "آدم" ومعه "فريدة" التي تمسكت بـ"جميلة' ، فيما نطقت "ياسمين ", بغرابةٍ لها وهى تتساءل :

_مبترديش ليه؟

وزعت "نيروز"  نظراتها بينها وبين الطريق وردت بتوترٍ وهي تسبق عنها بخطواتٍ بسيطة :

_هـرد اهو!

هل قتلت التردد ام ان التردد هنا بين الكلمات التي تخرج وباهتزازٍ منها؟، شعرت بأنها تعطي الأمر اكبر من حجمه فيما ذهبت هذه الفكرة عندما وجدت نفسها تكذب فيما بعد..!!

_ألو ، ايوة يا "غسان".

ردت بهذا بينما على الجهة الأُخرىٰ  خرج صوته بهدوءٍ متسائلاً :

_مبترديش ليه ؟

_كنت قاعدة مع "جميلة" فمسمعتش التليفون ، لو بتتصل عشان البس فأنا هجهز وانزل استناك اهو .

هل وضحت للتو انها في الشقة؟ ، حرك رأسه يُجيب بتوضيح لها أكثر كي يخبرها بأنه بالفعل بالأسفل بينما هربت الكلمات منه ما ان وقعت عينيه على طيفها من على بعد وهي تحدثه ولم يرد!! ، أهبط الهاتف من على أذنه ولم يفارقها بمراقبته الصامته عن اي رد فعل ، بل سكن غالقاً الخط دون النظر ناحية شاشة هاتفه واعتدل أكثر ما ان وجد "آدم" يتحدث بشئ لهن لم يسمعه هو بينما كان قوله لهن كي ينتبهن :

        

          

                

_دا "غسان"هناك اهو.

اهتز الهاتف من بين يديها التي  ارتجفت للتو ووجدتهم يقتربون معه وهى في الخلف  وقفت لدقيقة تستوعب والخوف رفيقاً لها ، ابتلعت غصتها وتحركت بصعوبة تقترب بترددٍ وهى تهرب من عينيه التي تحركت من عليها للتو عندما رحب به "آدم" والذي وجد منه السؤال سريعاً :

_كنتوا فين كدة؟

فخرج رد "آدم" بعفويةٍ دون ان يلحظ بأنه فعل شئ ما بينهما الآن!! :

_أنا كنت مع "فريدة" في المقابر ولقيتهم بعد كدة جايين هناك.

تحركت عدستي "غسان" ناحيتها وهي صامته هكذا بوجة قد احمر من التوتر ، فيما صعدن هن وودعه "آدم" حتى يصعد وقال ينهي وقفته بـ :

_ المكنة معاك ، خد راحتك ، انا طالع انا ومستنيك على ما تيجي براحتك 

وأشار ملوحاً بعجالةٍ حتى يلحق بهن :

_ سلام.

انسحب في حين اشارت "ياسمين" لها من على بعدٍ فابتسمت لها "نيروز", ابتسامة ليست صادقة من عزم ارتباكها الذي جعلها تردد بتقطع أمام عينيه التي تراقبها :

_"غسان"، أنا والله مـ..

_اركبي!!

رددها مغيراً مجرى الحديث بتجاهل الأمر آخذاً موقف!, تجاهل وفتور قصده  معها ، أكثر شئ تكرهه ،  لمعت عينيها من ما اقترفته للتو ، وتصلبت حركتها  تحاول التبرير :

_اسمعني طيب أنا مكنـتش عايـ…

بتر قولها مجددا ببعض من الحدة التي ظهرت بقوله وهو ينظر إليها مشيراً :

_ يلا!.

نظر "غسان" يحثها بعينيه ، ملقياً نظرته التي تخترقها وكأنها تكشف ما تفعله وما بها من الأساس ، هذا الموقف الذي حدث بفعل كذبة صغيرة جعل الأمر مرتِبك حتى انها ركبت خلفه بسكونٍ مُريب بعباءتها دون الصعود لتبدل ثيابها !!

التفت "غسان" برأسه ينظر ما ان  تجهزت أم لا ، واهبط ذراعه يلملم أطراف عباءاتها كي لا تُسحب في الأسلاك الحديدية ثم لتقع أرضاً ، ودارها بخفةٍ ، وهذا الصمت التي تلقته منه كعقابٍ كان قد شعرت به من قبل عندما طال الخصام بينهما في مرة من المرات  حين تعَبَ والده!!

تساءلت وكأنها  تهرب من ما فعلته بتسرعٍ..ان لمَ في كل مرة تذهب معه إلى الطبيبة للكشف يحدث شئ يدمر اللحظات التي تنتظرها بفارغ الصبر؟

سارت  الدراجة  البخارية بسرعة بفعله والصمت سيدهما وعيناها تتفحص تعابيرة في محاولة لهذا وهى خلفه جالسة هكذا! ، وصوت ما جاء بعقلها وحثها على عدم التحدث كي لا يتجادلا ، وتابعت ان في كل مرة يبتعد بصمت وتجاهل هكذا وهي من تُصر على الحديث والمواجهة فينقلب الأمر! ، تعمدت الصمت هذه المرة ومدت ذراعيها تتمسك بمنتصف جسده وبادرت في الاستناد عليه من الخلف بسكونٍ مغضمة عينيها وهى تتمنى ان هذه العقبة السريعة تزول سريعاً كما جاءت دون حسبان منها وكما اتت بكذبة صغيرة لم تستمر وكبر حجمها ؛ فقط لأنها تسمىٰ"كذبة" مهما اختلف حجمها!!

        

          

                

____________________

«وأنا حزينٌ يا أبي

كـ حمامةِ الأبراج

خارجَ سربِها

دُلَّني! 

لِمَ جِئتَ بي؟»

-محمود درويش-

يسأل نفسه ، لمَ جاء على حياة كهذه؟ ، يُنهك بها كل الوقت وليس أغلبه ، دموع كثيرة تنهمر أو انهمرت منه وهو يقضي اليومين بعيداً عن كل مكان يُتوَقع وجوده به ، لا يلوم سوى الحياة ومن قبلها شخص واحد فقط ، شخص يخفي له كره كلما تشتد به أزمات الحياة ، سره بكرهه لما فعله به هذا الشخص ،  فيسأل : هل أكره أبي؟ ، لمَ لم أردد أبي في الحديث بين الكلمات ؟ ، البغض الذي يحمله تجاه شقيقه هو نفسه من يحمله تجاه والده؟!

هل كل الأيام كِفاح؟ جهاد؟ تعب؟ مشقة؟ شقاء؟، عناء ؟، اسئلة كثيرة يسألها لنفسه المسكينة منذ ان فر هارباً من مكان تم كسره به كما كسرته الحياة بما فيه الكفاية! ..

المشاهد تتولى في ذاكرته والعقبات تعود ليتذكرها ووالده هنا في عقله لا يذهب أبداً ، لا يذهب ، والده هنا حقاً أمامه في هذا القبر في بلدٍ أخرى يعتبرها بعيدة عن بلده الذي عانى بها !! 

_إذيك يَابَا ؟!

بنبرةٍ مبحوحة قاوم على اخراجها ، خرجت أخيرًا  من بين الأفكار والأقوال والأحلام التي ماتت بداخله .. هنا حيث من كان سبباً في موت هذه الأحلام ..مسكين حتى في أحلامه الصغرى الذي لم ينساها لم يحقق اي منها ، لمَ وَعى على هذا؟ ، أنفاسه تتصاعد وبعد قرارات مترددة  كثيرة ، هو هنا الآن أمام قبر والده ينهج لأن ذاكرته تضعه أمام الأمر الواقع! ، سلب أنفاسه ، كما سلب أحلامه مقابل رحيله المبكر حتى يصبح مسئولاً ، طفلاً مسئولاً لا يفقه شئ ، لكنه مسئول ، قبال ضياع الأحلام ، قبال كل شئ مات بداخله فور وفاته!! ..

ألا يكفي ابتعاده عن المنزل ليومين فر بهما في مسجد ما بعيد جلس به وقت كبير ثم عقد العزم على الذهاب للوم والمواجهة وكأنه اختل للتو ، لأول مرة بحياته القاسية يقرر لوم والده وهو في قبره ، غير عابئاً بالمارة ومن حوله .. هل كان هو ؟ كان من لم يرى عدلاً في حياته من البداية إلى النهاية؟ ، لمَ يُردد النهاية الآن؟ أم أنه يقتنع بأن شخص مثله نهايته مثل بدايته؟ ،. هل كان "عز"؟

استند "عز" بإنهاكٍ على صخرة القبر الذي خلفه مطالعاً القبر الذي أمامه ، بملابسه التي أظهرت مدى انهاكه بعدم ترتيب أزرارها من الأمام ، وجهه الذي يصب عرقاً ، بشرته القمحية المنهكة وملامحة المتعبة بعينيه التي  زاد احمرارها من الضغط  والتي سقطتت دموعها الآن منه وهو يحدق بالقبر، ظل تائه إلى ان جعله القدر هنا حيث والده .. أسئلة كثيرة داخل عقله المتعب وأمام هذه المواجهة الذي يتخيلها وحده .. عاجزا..

        

          

                

_مش عارف..مش عارف أبدألك منين ولا من فين..بس أنا تايه ، تايه أوي بسببك ولسه تايه ، ليه  يابا؟؟ ، قولي ليه ؟، رد عليا وقولي أنا كان ذنبي ايه ؟؟؟.

مرات عديدة يكن بها مضغوطاً ولكن هنا والآن حيث أول مرة تنهمر منه الدموع هكذا ، نام من قبل نومة مظلوم والآن يبكي بكاء المظلوم ، يستجوبه بهستيريةٍ في البكاء ولم يتوقف بل ازداد وازداد وهو يلومه بضعفٍ في بدايته:

_ليه جيبتني الدنيا القاسية دي، أو حتى قولي ليه كنت قاسي وسيبتهم وهربت على أمي؟؟, ليه سيبت ضناك عشان تيجي تجيبني للدنيا من واحدة غلبانة مكانتش شايفة غير حبك وبس ، مكانتش عارفه انها ظلمت زيك بالظبط لما وافقت على وضع زي ده ..قولي ليه بتقهرني في كل مرة بفكر وانا بحط نفسي مكانه ، مكان ابنك اللي سيبته وعقدته وكبر يخرج عقده علينا لحد ما بوظ حياتي ،لحد ما هيجيلك خلاص.. رد قولي هو أنت قاصد كل ده ؟؟  قاصده في عيالك  اللي من صلبك اللي بهدلتهم وانت بتختار نفسك وبس؟

شهقات وبكاء لم يخرج من قبل من رجل تحمل ما تحمله ، ولكن الآن انفجر بركان يدخر الكثير من الأوجاع ، انفجر قلب منهك مُغلق والآن فـتح أمام مقر الأوجاع :

_ياريٕتني كنت مُتّ  بدالك من قبل ما أكبر واحارب نفسي كدة ، من قبل ما اوعى  على نفسي وانا مبحاربش غير دماغي مع الدنيا ، سيبتلي عَيّلة صغيرة متعرفش يعني ايه أب ، وسيبتلي ست ماقدرتش على الدنيا من بعدك لحد ما جالها المرض اللي فضل يحارب فيها  ، سيبتلي حِمل كبير كبير أووي.

واسترسل يوضح الأسرار الذي كتمها دون البوح ، أسرار متعبة ، ماتت بداخله مع موته ، أسرار ماتت ولكنها تركت الأثر هنا ، تركته في الفؤاد ، فؤاد لم يتماشى مع أي دواء لداءه ، داءه كان حلم ، حلم لم يستمر حتى ليصبح القول حُلم ، حتى هذه الكلمة حُرم منها ومن قولها  مبكراً : 

_حِمل وتقل أكبر بكتير أوي من عيل كان كل همه هجيب ازاي طيارته  الورق اللي وقعت على سطح الجيران ، أكبر من عيل بيحلم زي كل العيال اللي حواليه ، كان بس عايز يتقاله يا دكتور ويبقى حاجة فخر بدل ما  انا قٍله , هو كان كتير عليا يابا ؟ كان كتير عليا احلم ؟

الآن واتضح بالواقعية الأكثر عندما كان يُسأل لمَ شخص مثله يدعم زوجته كل هذا الدعم؟ ، هل كان هناك رجلاً مثله في واقعنا هذا؟ أم ان هناك سر ما وراء هذا الاحتواء الذي كان أكبر من حجمه؟ ، نزلت دموعه بقوةٍ وضرب حائط القبر بكفه وهو يُشهده بهستيريةٍ في القول:

        

          

                

_قولي ، قولي بس .. انا كتير عليا كل ده ؟؟؟ مشيت ليه؟؟ خلفتني ليه ؟ طب خلفتهم هما ليه؟؟ ، ليه سيبتهم ومشيت؟؟؟ ليه حبيت امي ومحبيتناش ؟ ليه حبيتها ومحبتهمش؟؟؟؟ ، ايه ذنبنا؟؟؟؟ رد عليا ، متسبنيش كدة!!

ان رآه شخص ، سيُردد للجميع بأنه اختل في عقله للتو! ، ابتلع غصته بمرارةٍ ، مرارة في كل شئ حدث له ، نزلت التي لم تتوقف بعد ، نزلت دموعه بغزارةٍ وكأنها سماء تمطر مطراً غزيراً بعد عطشٍ كبير من الأرض! ، أرض بور جافة متشثققة لم ترى بحياتها ساقٍ قط! ..

_عيل غلبان طلع من المدرسة وطلّع أحلامه من عقله ، طلع رسمته اللي اتشخبط عليها من الدنيا ورماها زي ما رمى طوبته من كل حاجة كان نفسه فيها ، قولي كدة وانت موجود حسستني انك ابويا ؟ حسيتني انك ضهر  طول ما انا قاعد فاكر انك سيبت غيري ، كنت عايزني اديك الأمان ازاي وانت سايب لحمك وماشي؟ سيبتهم قدي وانا صغير عشان تيجي تجيبني انا وواحدة غلبانة طلعت وبقيت بالنسبة لها كل حاجة بسببك برضه .. عشان خليتني اعطي وادي اللي مخدتهوش ، خلتني اديه بقوة ، قوة راحت مني خلاص، ومبقاش نفسي في حاجة!!

هل للوجع عنوان؟ ، ان كان له عنوان سيكون عنوانه اسم من حرفين فقط ، اسمه هو ، ونبذة تعريف الكتاب ستكون الدموع التي تسقط منه وهو يستمر في ترديد أوجاعه كما الآن :

_حق مين اللي بيتاخد مني ده يابا؟ ، حق مراتك اللي ماتت بسبب اهمالك ليها في الاول وانت بتسيبلها عيال لسه برضه ، حقها وانت بتسيب ابن ليها برضه كبر وعاش ليهم بس سابوه ؟ ، سابوه..وسابته بنتك اللي دمروها في غيابك واتمرمطت ..يا شيخ  دا انا بحط  نفسي مكان واحد..بكرهه قد الدنيا دي كلها.. بحط نفسي مكانه وبعذره رغم كرهي ليه..

وأضاف وكأن البوح هو عنوان قاموسه الآن :

_ جاي أقولك ان اخويا دمرني  ، كسرني ، عاش عايز يكسرني ويموت أمي ، عاش عايز يفككنا زي ما انت فككتهم ببعادك ، فككتهم في تعبهم ومصايبهم ، زي ما فككت مني احلامي وسيبت ليها الحبل تهرب مني ، بس ٱنا وقفت ، وقفت عاجز عشان عارف مهما جريت مش  هعرف امسكها من تاني ..وقفت أسأل مع اني كنت صغير اوي عن اني اسأل ، أفضل ولا مفضلش؟ امشي واسيب المسئولية ولا ممشيش ، لقيتني واقف  وفضلت بس من بعدها عمري ما دوقت طعم الراحة ، عمرى ما عرفت اسأل نفسي اللي كنت بسأله عشان خلاص مبقاش ينفع والوقت فات!

ضرب رأسه في الحجر بتعبٍ واستسلام ورأسه تتداخل بها العقبات ، تتداخل بها الأوجاع باختلاف شدتها عليه ..

        

          

                

_نفسي اشوف نفسي حاجة كبيرة ، نفسي مشوفش نفسي قليل ، طول عمري شايف  نفسي ولا حاجة ، طول عمري  واقف ومبرضاش اتحسر على تعبي وطاقتي اللي راحو لناس  هما كل حياتي ..بس حتى  دول ..شوفت نفسي قليل قصادهم لما سيبتهم ومشيت .. شوفت نفسي قليل قدام الوحيدة اللي قلبي اختارها وحبها واتعلق بيها ، حتى لما كل حاجة راحت مني وكانت هى هتروح قولت يعني هى اول مرة يضيع منك حاجة؟ ، بس هي كانت مختلفة ، لأول مرة حاولت عشان متمشيش لاول مرة  احس ان المرة دي مختلفة .. كل حاجة بيني وبينها اكبر من اللي بيبوظه ابنك ، بس المرة دي مش زي اللي فاتت ..المرة دي انا اتكسرت بالجامد ، عيني وقعت مني على الأرض زي كرامتي!

ازدادت شهقاته آنذاك وهو يرجع رأسه إلى الخلف مردداً بتقطع لا يليق بجبل كان شامخ في يوم من الأيام ..عكس الآن..عكس هذا الانكسار :

_ارجعلي قولي  اني مش شبهك عشان سيبتهم ومشيت زيك ، قولي اني مش نسخة منك عشان انا كاره نفسي وفنفس الوقت مش قادر أرجع ،. ارجعلي رد .. عشان اعرف ازاي هعاشر واحدة اخويا اللي من صلبك قتل ابوها اللي كان سبب في تدمير حياة بنتك .. يعني حتى اللي حبيتها مسلمتش من اذاكم؟؟

تمسك بالحجر بقوةٍ ودفعه في الأرض بإنهيارٍ مردداً بصوتٍ أعلى في البكاء:

_ارجـعلي ، ارجعلي قولّي اني مش ندل..ارجعلي وقول اني مش عويل .

واستسلم يتمسك برأسه بإنهاكٍ من صداعها الشديد وأكمل بنبرة أهدأ توحي بالاستسلام:

_قولي بس ازاي كان ضميرك مرتاح!؟ ، قولي حتى انك كنت بتتوجع  زي ما انا بتوجع بس مكنتش بتبين..قـــولي موتّ ضميـــرك ازاي؟؟؟؟

صرخ بقوةٍ في آخر حديثه ورفض الاستسلام ، تجمع قلة حوله وهو جالس بانهيار منفعل هكذا على الاتربة التب لطخت بنطاله, نظر ومسح وجهه بإنفعالٍ وهو يلقي الحجر على الأرض ناظراً نحو القبربأعين زائغة حمراء اشتدت كشدة أعصابه وهو يصرخ:

_يـــاريــت ربنـــا كــــان خادنِــي بدل ضمـــيــرك!!!!

تمسك برأسه بوجعٍ بعد هذا الصراخ والناس تتهامس من حوله الآن في دهشة وذهول لهذا الإنفعال والحديث وحده!! مرددين خلف بعضهم وربما كان الحديث بوقت واحد بعشوائيةٍ غير متزنة وغير منتظمة :

_لا حول ولا قوة الا بالله 

_لا حول ولا قوة الا بالله العلي العظيم

_لا اله إلا الله ، قوموه ..تعالوا  نقومه  نسنده .

_الدنيا جرا ليها ايه ..يارب استرها على عبادك

        

          

                

_قوم يبني معانا ، قوم ربنا يهون عليك ويسترها علينا 

_قوم يا حبيبي وادعي بالرحمة ، قوم اشربلك شوية مايه يفوقوك.. قوم بينا

الأصوات تتداخل وهو الآن يضع  كفيه على أذنيه بوجعٍ غير متحملاً اي حرف ، بل استند كي يقف وهُزم من قوته التي تركته في أضغف أوقاته وهربت منه فوقع على ركبتيه ، وفعلة كهذه جعلت دموعه تهبط منه وهو ينظر ناحية القبر في خيبةٍ كُبرى امتزجت بالتحسر ، مردداً بصوتٍ لم يصل إليهم بسبب أصواتهم العالية:

_ خدت مني ايه تاني لما جيتلك؟..مش كفاية بقا؟؟

لم ينتبه انه شئ لا يُردد من الأساس ،شئ خرج من الانهيار وكأنه يهلوس لتوه! ،ابتلع ريقه ووجد  رجل وشاب يسندانه من أسفل ذراعه فحاول الإبتعاد وهو يسمع حديث أحدهما له أمام البقية الواقفين بمتابعةٍ ومراقبة:

_اسمع بس الكلام وسيبنا نسندك ، شكلك هتقع من طولك .. اهدى كده بس وصلي على النبي في قلبك.

لم يعير لقوله اهتمام بالغ بل حاول تركهم وهو ينظر ناحية الوجوه التي اهتزت وتداخلت مع بعضها البعض ،  ها هو يرى الأطفال من حوله في الصِغر وهو يقف لا يشاركهم اللعب ، ها هو يرى بكاء شقيقته ..مرض والدته ، شقيقه وملامحه المتشنجة في إحدى المواجهات ، ثم ضربهما لبعضهما أمام المستشفىٰ ، ثم مرة أخرى تمسكه بيد "فرح" وركوبهما معاً سيارة ما كانت مع شقيقه الثاني في ذهاب ناحية مبنى "عائلة البدري" 'والأكرمي" للتقدم لخطبة "جميلة"، ثم بكاءها مرة أخرى وهي تخلع ذهبها له في محاولة لفض ما بينهما بسبب ما فعلته شقيقته ، شقيقته الذي رآها للتو تبكي كي يغفر لها ما فعلته ولم يرض هذا ففقدت النطق ..فكان معها في المستشفي هو وزوجته التي غفرت هي لها هذا ، بكاءه عندما حاولت قطع شريانها ، بكاءه في غيبوبة والدته!!.

بكاءه صغيراً عندما عاد من العمل بسبب طرد زعيمه له بسبب فعلة غير مقصودة،  بكاءه لأن لا يوجد بالمنزل قطعة واحدة من الخبز حتىٰ تكفيه هو وحده وليس هو وعائلته الصغيرة ، بكاء والدته عندما رفض وهو في بداية الشباب ان تهبط لتعمل ، ترديد لقب"عز الرجال", وهو يضحك ومرة وهو يبتسم ومرة وهو حانق منها ..من شقيقته وزوجته.."جميلة" الذي جاء وجهات مبتسماً  عندما نظر في الوجوه المهتزه فلم يرى سوى حياءها بعد بكاءها في اسعد ليلة في حياته بسبب موت والدها على يد شقيقه ، معرفة الخبر في يوم الزفاف الذي انقلب عليه بقهرٍ ثم ابتسامتها الواسعة وسماحها له بعد ذلك بالقرب ..فحدث القرب الذي أسعده والوعد بأن لا يتركها أبداً !!

        

          

                

الأحداث الكثيرة تتداخل مع بعضها الآن وجملتها تتردد في أذنه بأن لا يتركها بينما تأسف وصوت صفير عال في اذنه ووجع رأسه يشتد وآخر ما نبس به بدموع كان أسفه لها وشقيقته التي بكت أمام عينيه وهو يتخيل ووالدته الذي يرسم لحالتها الآن في فراقه أحداث لم يراها ولكنها حقيقه في وجعها عليه:

_أنـا آسـ ـف!!.

يتأسف ويحمل كل شئ كأنه المذنب لآخر فرصة وضعت أمامه!! ، انقطعت نبرته كما هربت منه انفاسه بعد محاوله في ان تنتظم ، هربت المشاهد وهربت الكلمات عندما خانته نفسه ، عندما هزمته القدرة ووقع من بين أيديهم معشياً عليه .. ولم يظهر أي صوت بعد ذلك الا صوت الصراخ من النساء اللواتي في زيارة لمقابر أخرى ، صراخ لاق وبشدة مع ملابسهن السوداء وصوت ضرب الكفوف لبعضها البعض في تحسرٍ على ذلك الشاب الذي انهزم من الحياة وضاعت قوته هباء كما ضاع ثباته وهناك سؤال  وُضع للأمر خلفية ، هل سيضيع هو كما ضاع منه ما كان السبب في الثبات الذي ضاع هو الآخر مع الأنفاس التي فرت هاربة منه ومن الجميع؟؟

___________________

تمسكت بكوب مشروب الليمون التي اعدته لها "عايدة" والدتها عندما رددت "فريدة" وهي تخبرهم بأنها تشعر بالهبوط منذ ان كانوا معاً هناك في المقابر ، علم الكل هذا وبينهما كانت "ياسمين" التي اعدت شئ ليأكله زوجها بتأخيره ..لـ "حازم" الذي عاد قبل وقت من الخارج على الرغم  من انه كان هنا قبل ساعات ، اطمئن بخفةٍ عليهم حتى انتهى قلقهم بوجود "جميلة" الآن بجوار "حازم" وهو يجلس وأمامه أسندت "أسماء" مقعد كي تضع "ياسمين" الصينة عليها وهو جالس هكذا جوار شقيقته ، بينما وقفت "فريدة" تتابعها بنظراتها بجوار "زينات" التي تفحصت"فريدة", بعينيها بشوقٍ حتى سحبتها معها ناحية غرفة ما كانت تجلس بها هى و"أسماء" ، في حين خرج صوت "حازم" بقلقٍ وهو يتساءل ناحية تقاسيم شقيقته :

_أحسن دلوقتي يا "جميلة؟؟

ابتسمت تراضيه رغم الوجغ التي تشعر به ،. فهدأ خوفه تدريجياً وهو يقدم لها الملعقة لتأكل من  يديه ، فلم ترفض كي لا يحزن منها قبال الحزن الذي بداخله وحده وهي تشعر به ، أخذت من بين يديه فضحك بخفةٍ كي يخفف عنها مرارة الفقد وقال:

_فاكرة لما ماما كانت بتجيب الطبق وتملاه رز وتحط فيه شوربة وتديهوني أكلك عشان كنتي بتلوعيها وانتي بتاكلي بطئ ، فكانت تقوم تشوف اللي وراها وتقولي خلي بالك يا حازم وأكل أختك على ما ارجع!

ضحكت عندما استمعت لما تذكره ، كما ضحكت "ياسمين" وهى تجلس أمامهم وتدخلت قائلة :

_تلاقيها كانت بتتبلى عليك يا كبدي وبتقول انك أكلت أكلها اسألني أنا ، دي جميلة بنت ام جميلة اللي شقية في الدِرا .

        

          

                

تعالت ضحكات "عايدة" وهي تندمج لأجل نفسية ابنتها وهتفت تجيب الأخيرة بدفاعٍ فطري:

_واللهِ دي غلبانة ولا بتعرف تتخابث ولا بتعرف تعمل حاجة ، قلبها أبيض مبتعرش تإذي دي!!

_ما هو ده عيبه بقىٰ ، طالعين حلوين زيك لا وكمان طيبين وقلبهم أبيض زي الجبنة الحلوة اللي بتعمليهالنا يا عايدة ، مش كدة يا حازومي ؟

سألته  "ياسمين" كي تجعله يضحك ، فضحك هو ومن حوله وهو يؤكد برأسه وهتف بخوفٍ زائف لها :

_هو صح وكل حاجة ، بس ياخوفي بنتي تيجي زي عمتها كده لا بتهش ولا بتنش.

نظرت له "جميلة" بضحكٍ ودعمت قوله "ياسمين" فتدخلت "أسماء" بقليل من الحرج على الرغم ان أجمعهم لم يشعروها بأنها غريبة بينهم عدا "نيروز" التي لم تتحدث معها :

_دي أحلى حاجة تطلع زي "جميلة"، طيبة وملهاش في حاجة ،صدقوني الشدة مش كل حاجة ولا بترجع كل الحقوق ولا حتى بتخلي الواحد مرتاح ،  غالباً الوسط في كل حاجة ببقى أريح.

هز "حازم" رأسه يؤكد ، ونظر لها بدعمٍ فابتسمت "ياسمين" لها كما ابتسمت "جميلة" وهى ترد على حديثها بتعبٍ ظهر على ملامحها:

_الله يخليكي يا "أسماء" ، تسلمي.

ابتسمت لها ابتسامة هادئة ، ثم التفتت كي تقترب من  غرفة متواجد بها الآن "فريدة"و"زينات" التي استندت ابنتها على صدرها الآن وهي تتنفس بعمقٍ وخرج صوتها الهادئ لها :

_وحشتيني أوي يا ماما ووحشني حضنك.

ابتسمت "زينات" ناحية هذا الدعم والجبر بالكلمات التي تسعد قلبها ، ضمتها بحبٍ داعية ربها ان تدوم لها هى وشقيقها ، رغم حزنها على "حسن" الا انها تحاول التماسك كونها ذات شخصية قوية هى الأخرى!

_وانتِ كمان يا حبيبتي ، معلش اعذريني والله غصب عني مش عارفه اقرب منك واشوفك انتِ وحياتك اللي اتلهيت فيها دي ، بس مش هترجعي بقى؟ مش هترجعي لحضن امك؟

اعتدلت "فريدة" في جلستها وهي تطالعها بهدوءٍ ، رأت الترجي بعينيها وقبل ان تجيب وضحت لها "والدتها" الأقوال أكثر:

_ كنت لسه قاعدة مع "حازم" ومعاهم قبل ما تيجي ، من ساعة ما عرفنا أنهم ماشيين  مفيش حاجة جت على بالنا غيرك انتِ وغير وجودك من تاني ، بس "حازم" قال مكان فين ترتاحي هيسيبك بس انا قلبي مش راضي يصدق انك خلاص اتجوزتي وبقى ليكي بيت ، بسأل نفسي هو انا لسه لحقت اشبع منك ..لحد ما قولتلهم كده وقالولي ينبهوني اني اسيبك على راحتك ، وانتِ راحتك من راحة امك واللهِ يا بنتي.

        

          

                

أدمعت عينيها تأثرًا وهي تتمسك بكفها ودخلت في أحضانها تخبرها بهدوءٍ :

_مهما روحت ومهما جيت هفضل معاكي وفحضنك  ، أنا مقدرش ابعد عنك يا زينات ، دا انتِ الحب كله ، بس زي ما تقدري تقولي كده ، اني خلاص فعلاً لقيت بيتي ولقيت شريكي اللي كنتي بتقوليلي بكره يجي اللي يتمنى ضافرك ، مكنتش مصدقة بس خلاص "آدم", خلاني أصدق..

ابتسمت لها "والدتها" بتأثر وهي تمسح وجه ابنتها برفقٍ حاني منصته لبقية حديثها :

_خلاني اطمن وخلاني معاه في أمان ، وخلاني متكسفش اقول ان مشاعري اتحركت  نحية راجل رغم كل اللي حصل ،بس انا مش بعيد ياماما أنا هنا موجودة ومش بقطع وجودي هنا ، باجي وهاجي ومتخافيش عليا انا في أمان وبيت دافي كنت بتمنى ألاقيه وسط ناس بتحبني ، ومعايا كمان فوقي وردة ، ومعانا فاطمة وعيالها وانتِ بتيجي بس عشان الظروف الايام دي بطلتي تيجي ،. كل حاجة هتبقى فل يا زينات ،. خلينا نستنى "حسن" بأمل جديد وحياة جديدة بدل اللي راح مننا ..لو حازم سألك عن اللي يخصني قوليله اني مطمنة واني مع جوزي ياماما لإني مش هسيب آدم وارجع استنى ، انا خلاص كده دي حياتي.

أظهرت لها كل شئ ، وربما من بين الكلمات توقعت الأخرى حدوث شىء بينهما فإبتهجت ملامحها وصمتت فوجدتها تقبل قمة رأسها ببرٍ فأخرجت الأخرى سؤالها :

_ يعني اطمن أكتر ؟ ، أنام مطمنة على بنتي يا "فريدة"؟

حركت رأسها تؤكد قول والدتها ، وظهرت الإجابة في ابتسامتها عندما نظرت ناحية الهاتف الذي أعلن بقدوم رسالة منه وهو لدى شقة عمه هناك!:

_نسيتيني يعني يا شاطرة ولا تتصلي تسألي جوزك راح فين ولا تحاولي تشوفيني مش جنبك ليه.

ضحكت ورأت رسالته ثم تركتها متعمدة عدم الرد  بإستفزاز وبرود يعهده منها أغلب الوقت ، نظرت "والدتها" لتعابيرها وخرجت أنفاسها براحةٍ كُبرى قطعها  دخول "أسماء" التي وقفت لها "فريدة" وهي تفرد ذراعيها في مزاحٍ هادئ تعبر لها :

_وحشتيني ، خليني اخد حضني بضمير المرة دي عشان ملحقتش.

ضحكت "أسماء" بخفةٍ فنهضت "زينات", ناحية الخارج وتركتهما بمفردهما معاً  فيما جلستا الاثنان بجانب بعضهما وبدأ قول "أسماء", وهى تتساءل :

_اخبارك ايه يا فريدة ، اتصلت عليكي النهاردة بس تليفونك كان مقفول فقولت تلاقيها قاعده مع جوزها ولا حاجة!

        

          

                

فهمت تلميحها المبطن وضحكت بخفةٍ تضرب كفها وهي تنهرها :

_لا يا ختي مكنتش قاعده معاه ولا حاجة، وسيبك مني خالص وقوليلي انتِ اللي عاملة ايه ، أنا عارفة انك زعلانة وعارفة انك مش تمام!

صمتت جراء هذة الأقوال و الاعترافات الصحيحة ، التي اخرجت بها أنفاسها ببطئٍ وهي تطالع الفراغ بأعين لامعة وسردت وكأنها كانت تنتظر جلوسها معها هكذا :

_ مش عارفة يا "فريدة"، بفكر امشي معاهم ، أصل نهايتي معروفة خلاص أنـ….

لم تتركها لتكمل بل احتدت  نبرتها وهي تصحح لها بتعمد :

_انتِ بتقولي ايه يا "أسماء"؟؟؟ ، انتِ مش هتمشي معاهم  ، ده بيتك وهتفضلي فيه تستني جوزك يرجع وتعيشي حياتك ، سامعة؟؟

هل حقاً لها حياة معه بعد كل ذلك، جاء الحديث على جرحها فسألت بدموعٍ  قد هبطت وهي تردد :

_ اعيش حياتي؟؟ ، وهي فين حياتي دي يا "فريدة" ، أنا حياتي متدمرة وعارفة من زمان انها متدمرة من ساعة ما سمحت ان يضيع مني حاجة مينقعش تضيع بالطريقة دي واغضب ربنا كده، حياتي ايه وانا وسط ناس زي دول حالفين يدفنوني بالحيا لو رجعت ، لحد ما استسلمت وقولت همشي وايه يعني لو روحت فيها ، اصل بقى ايه هبقى عليه؟ هستنى ايه تاني؟ انا حياتي كدة كدة بايظة سواء استنيت فهي واقفة ولو مشيت  فهي رايحة!!

ورغم ان الأخرى بادرت بعناقها سريعاً الا انها تركتها تكمل بنبرةٍ باكية بكاء هادئ :

_أنا قصاد "حسن" قليلة أوي يا "فريدة" ، قللت من نفسي ، مش عارفة  ازاي لما يفوق هيقدّر اني مراته ، عيشت طول عمري عاوزاه وحباه ، وكنت  وحشة لما كنت بقول لنفسي اني عايزاه وعايزة حبه بأي شكل ،بس دلوقتي بقيت في عصمته وعلى اسمه و مبقتش عايزة ده ، عشان شايفاني قليلة اوي في عيني وعينه وعينكم ، الإحساس ده وحش أوي بعد احساس  الندم على حاجات غلط وحرام حصلت وبتوب منها وبفوق ، بس لما كل ما بفوق بعرف اني مش ليه ولا بقى ينفع ده ، غصب عني شايفة ده ومش قادرة اشوف اني هكمل بس مجبورة أكمل وكإني راضية!!!

ابتلعت "فريدة" ريقها بتفهم لما تشعر به وهتفت بهدوءٍ يعبر عن هدوء أفكارها وهي تحتويها بين ذراعيها :

_أنا عارفة انك مشتتة وعارفة انك متأثرة وتايهة ومقدرة انك مش شايفة ان "حسن" يصلح يكون زوج عشان تعيشي حياتك معاه ، بس ممكن فرصة ؟ اعتبريني مكان "حسن", واعطي فرصة تصبري فيها لحد ما يطلع وابقي شوفي دنيتك ، بس مهما حصل مش عايزاكي تمشي يا "أسماء"، خليكي  انا عايزاكي جنبي ، عايزاكي اخت ، ولو على "حسن", سيبيها لله ان كان كدة ولا كدة فهو خلاص هيطلع يروح الجيش علطول وحازم هيحاول يدور له على شغلانة كويسة تلهيه وتتعبه وتشغل يومه..بس انتِ خليكي هنا ..خليكي معانا.

        

          

                

ضمتها "أسماء" بإمتنانٍ ولمعت عينيها مجدداً بدموع متأثرة وهي تردد لها:

_ربنا يخليكي ليا يا "فريدة"، شكراً لانك جنبي في وقت مش شايفة فيه حد جنبي ، في وقت كله اتخلى عني وسابني مع عدا ناس كنت هبقى غبيه لو خسرت ودهم !

_متشكرنيش يا هبلة انتِ ، أنا اختك ، وبعدين احنا مش بنشوفك قليلة ، كلنا فاهمين اللي بتمري بيه ، وكلنا عاطيين فرصة وعارفين ان اللي  كان فيكي قصادنا مكنش منك انتِ ، احنا بنحترمك والله وهنفضل نحترمك لانك واحدة مننا ، وعارفة انك بتزعلي عشان حساسية الوضع وكدة..

توقفت تأخذ أنفاسها وفسرت ما انتبهت هى له:

_بس متتحسسيش زيادة من "نيروز" ، أنا شوفت زعلك وهي مش بتكلمك وواخده جنب منك ، بس والله هي بتاخد وقتها وبترجع ، متزعليش منها اكيد مقصدتش تبين انك مش مرغوب فيكي ، دا هي كدة مع ماما لسه رغم انها راحت تعتذر ليها كذا مرة بس هى مبتقدرش تغفر بسرعة ، اعذريها دي حاجة غصب عن البني آدم يا "أسماء" واللهِ

بررت لها بدفاعٍ فتحركت رأسها في تفهم وابتسمت توضع لها وهي تمسح وجهها من الدموع :

_انا حسيت كده برضه وحاولت محطتش في دماغي ، وقولت يعني "ياسمين", بجلالة قدرها بقت كويسة معايا زي الباقي ، مش هتبقى "نيروز" كدة !!!

خرجت ضحكات "فريدة" بعلوٍ على سخريتها المضحكة وفسرت بصدقٍ رغم نبرتها الضاحكة ودافعت :

_بتهيألك واللهِ ، دا "ياسمين"دي بقا أطيب واحدة فينا كلنا ، ومبتشيلش في قلبها أبداً ، الموضوع بياخد وقته معاها ويعدي وبتهب تهب وتطلع و تنزل على مفيش ، هي بس عاملة زيي كده لسانها  طويل زيادة ودي حاجة بقت واجبه في الدنيا دي واللهِ يا بت يا أسماء!!

ضحكت "أسماء" وهى تعتدل، فنظرت لها الأخرى بابتسامة هادئة مطمئنة تطمئنها بها بأنها شخص مرغوب به بينهم وليس العكس تماماً ، هذا ما نريده دائماً ،. أن يردد لنا أحدهم بين الحين والآخر بأننا مرغوبين ، بأننا بخفة الفراشات كي لا تهزمنا الأفكار في عقولنا!!!

____________________

_والله قلبي مقهور عليه يا أم غسان ، قلبي قايد نار ، "عز"دا كل حياتي، انا عارفه والله ان الحمل كتر عليه ، بس هنا نار ، هنا موجوع عليه وعلى حياته وعلى اللي جراله ، الضنا يا حبيبتي ربنا ما يوريكي اللي انا فيه !!

حديث متحسر ومقهور خرج بإستسلام وهي تشير على موضع قلبها ، خرج من "حنان" وهي تجلس بجلسةٍ لاقت على سيدة مثلها بين "دلال"و"سمية" في شقة"حامد" ، كانت السيدات مع بعضهن بينما وقفت "فرح" في المطبخ تعد أكواب من "الشاي" بشرودٍ لمن بالخارج بعدما اقسمت على "والدة زوجها" بأن لا تفعله وهي من ستفعله فيكفي تعب الغداء قبل ساعات ، نزلت دموع "حنان" وهي تكشف عن ما بداخلها ، لمن يشعر بوجعها جيداً كونهم أُمهات!! ..

        

          

                

بينما على بُعدٍ قليل كان "حامد" يجلس بجوار "آدم"و"بسام" متحدثين حديث عشوائي ، إلى ان استمر الحديث حتى علو صوت هانف "آدم" الذي نهض ناحية الشرفة يجيب على الاتصال ، فنظر "بسام" ناحيتهم ولم يجدها ، وقبل ان يقرر النهوض سمع صوت ضحكة "والده" وهو يشاكسه منتبهاً لتفحصه وبحثه عنها بلهفةٍ :

_ما تتقل شوية ياض ، خليك واد تقيل كده ، متخوفنيش عليك!.

ضحك "بسام" وهو يحمحم بخجل زائف تصنعه بمرحٍ وهو يسأل رامشاً بأهدابه :

_هو باين عليا أوي كدة ؟!

أكد "حامد" برأسه فوجده ينهض بخفةٍ منحنياً ممازحاً اياه وهو يشير بإستئذانٍ :

_طب بعد اذنك ، هروح أكدلك المعلومة وارجع!

تركه "والده" وهو يبتسم في أثره ، فيما دخل "بسام",  المطبخ رافعاً الستار ثم اهبطها وهو يتسحب من خلفها حتى لفحت انفاسه عنقها من الخلف وهو يهمس بمرحٍ :

_سرحانة في ايـ..

لم يكتمل قوله لأنها انتفضت بسرعةٍ وهي تلتفت فاستغل الوضع واقترب حتى فرد ذراعه خلف ظهرها يقربها منه وهو يضحك بخفة مبرراً الوضع بأسفٍ :

_والله بهزر!!

هدأت أنفاسها بالتدريج ، وحاولت الاعتدال واضعة يديها على موضع قلبها وهي تنظر في ضجرٍ قائلة :

_حرام عليك خضتني ، مفيش حد بيعمل كده ، عاوزني اتجنن؟؟

_والله انتِ اللي جننتي أمي!

خرجت جراءته في القول بصراحةٍ استشفتها ما ان وجدته يطالعها ، فإعتدلت تنظم انفاسها وابتسمت "فرح" في حرجٍ وهي تلتفت وحدثته دون النظر إلى وجهه :

_ الشاي اتأخر؟ ، انا بجهز فيه واللهِ ، معلش على التأخير ، شكلي سرحـ..

اتسعت عينيها ما ان وجدته يضع يديه على ظهرها وردد يحثها :

_لفي يا "فرح".

ابتلعت ريقها والتفتت تنظر ، فوجدته يبتسم مخرجاً لها حلواها المفضلة من الثلاجة، حلواها الذي وضعها الي ما بعد الغداء عندما عاد ووضعها سريعاً ، ابتسمت في تأثرٍ وهي تنتشلها وصرّح في هدوءٍ :

_يمكن تكون حاجة هايفة ، بس أنا مبيغيبش عن بالي اللي بتحبيه، كنت بدور عليها امبارح وملقتهاش ،. فقولت لازم اجيبها النهاردة ، اهو يمكن تبطلي  عياط يا عيوطة!!

        

          

                

لمعت عينيها تأثراً وردت في سعادة من اهتمامه:

_دي مش حاجة هايفة أبداً ، دي أكتر حاجة بتفرحني عشان فاكر اني بحبها ومهتم ، شكرًا .

وقف أمام كلمتها الأخيرة رافعا حاجبه الأيسر في استنكارٍ ، فتجاهلت فعلته إلى ان ضحك يحرك رأسه بالصبر ، فنبست هي من جديد :

_فكرتني بـ "عز" , كل ما يرجع من بره يجيبهالي معاه وهو راجع 

وأكملت وهي تخفض رأسها تخفي لمعة عينيها كي لا ترد له شكرها بما جلبه بدموع وحزن :

_بس هو مرجعش المرة دي ولا جابها معاه ، يا رب يكون بخير ومش عايزه منه حاجة تاني ، بس يرجع ! 

رفع "بسام" ذراعيه فدخلت بقبولٍ بين أحضانه وأخذت أنفاسها وهي تمرر يديها على ظهره بإمتنانٍ  وهمست  بتحشرجٍ :

_شكراً ، كنت عايزة أقولك شكراً  بس شكراً بجد ، عشان معانا ومسيبتناش ، وشكراً عشان خليتني اشوف عز فيك مع اني مكنتش اتوقعها تحصل ، بس انت غير ،. انت مش زي اي حد ، انت عوض ربنا ليا ، ممكن أطلب منك طلب؟

سألته وهي تستند على كتفيه ولم تتركه يتأثر ويأخذ وقته بهذه الكلمات التي جعلت قلبه يخفق في موضعه ، فهمهم هو من خلف ظهرها ولكنها خرجت تتمسك بذراعه الأيمن من الأعلى وعدستيها الداكنة لا تفارق عدستيه الفاتحة في هذا الضوء الآن :

_ممكن متسبنيش؟ ، ممكن ما تمشيش عشان أنا اتعودت على وجودك في حياتي؟ ، متسبنيش وتلف ضهرك ليا في يوم ، أنا  مكنتش عارفه انا ازاي عندي الثبات الانفعالي ده ، وازاي ساكته بس فهمت انه عشان انت معايا متماكسة وقوية .

تشبتت في يديه وكأنها تهاب الهروب ، وكأنها لا تثق في ثباته جوارها بعد غياب من كان كل أمانها ونطقت بنبرةٍ مهتزة :

_"بسام"! ، انت كل قوتي دلوقتي ، لو روحت مني قوتي هتروح ، أنا مش عارفة اتكلم عشان متلخبطة ، بس اوعى تروح مني!!

تلك المرة هي من دخلت تستند على قمة صدره وأغمضت عينيها وهبطت دمعتها بضغط وتحمل لكل هذا  فضمها بذراعية بتأثرٌ ووعدها :

_بيقولوا ان الوعود بتتخلف ومبقاش في أمان ، بس لو كل حاجة هتتخلف ولو الأمان كله راح ، فهيفضل وعدي ليكي بإني مش هسيبك ،حق ، وهيفضل وجودي جنبك أمان مش هيروح من عندك أبداً يا "فرح"!

اتسعت بسمتها من وعده الصادق بصفاء عينيه التي تهبط لتنظر ناحيتها فإعتدلت إلى ان تقدم يقبل جبهتها فنظرت له بإمتنانٍ وحياء ازداد ما ان ردد :

        

          

                

_بتبقي حلوة اوي وانتِ بتعملي شاي!

هل قصد اخراجها للحديث المكبوت في صالح له؟ ، أخفت ضحكتها وهي تنظر في شكٍ جعله يضحك مخففاً عنها وهو ينظم الاكواب ليضع بها أمام مراقبتها له وهى تبتسم وساعدته إلى ان حملت صينية صغيرة وهو الصينية الأخرى وبدأ يخرج هو ثم هى من خلفه ووجد "شادي" الآن يدخل  من الباب ، فقد جاء بعدما أوصل "منة" لمنزل "والدها" .. فيما صاح "آدم" مهللاً :

_شادي ســيطرة !!، طب وربنا واحشني.

كالعادة يظهر عكس ما بداخله  دوماً ، هي وحدها من تستطع كشف أحزانه في الداخل ، رغم خوفه من تركها له الا أنه يحاول الهاء عقله بعيداً عن هذا ، ضحك "شادي" وهو يمازحه :

_ما تظبط يالاا ، تعالى خش قي حضن اخوك!

دخل برحب به هو وعمه و"بسام" فيما وقفت "دلال" بلهفةٍ وهي تهرول ناحيته بسعادةٍ من قدومه بينما لم يُغلق الباب إلى هنا بل  كان قد أرسل "حامد" خبراً لهم ليأتوا للجلوس معهم  كعائلة! ، فدخلت "فريدة" من باب الشقة ومعها "أسماء" بحرجٍ هي و"زينات" وخلفهم "عايدة" تتمسك بيد"جميلة" ومعهما "حازم وياسمين"!!

__________________

معاً الآن بعد خروجهما من عيادة الطبيبة الخاصة بمتابعة حملها ، اطمأن الاثنان على حالتها وهدأ قلقه عليها فيما بعد قد اسندها هو ناحية الخارج ومهى معه الى ان توقفا معاً أمام الدراجة في الأسفل حيث جانب الطريق ، الصمت سائِد وحتى هو لم يغازلها بأي شئ خاص بقدوم أطفالهما ، بل صمت هذه المرة بسبب ما فعلته ، هدأت أنفاسه وهو يخرج المفتاح من جيب بنطاله فيما طالعته هي بحزن وندم لما اقترفته وتابعته هو وملامحه كي ينظر ناحيتها أو يُردد أي شئ ولكنه صمت ، تحركت عينيها بعشوائيةٍ وهي تشرد بحزنٍ وثبتتها بشرودٍ ناحية عربة ما تحمل شئ ، الشئ التي كانت تبتغيه وتريده ، الشئ التي رددته لشقيقتها قبل ساعات..

العجيب انها لم تنتبه لما داخل العربة بل تنظر وكأنها تحدق بينما عقلها ذهب في مكان أخر ، التفت كي ينظر حتى يخبرها لتركب ولكنه نظر محط أنظارها بإهتمام. اعتقد بأنها تُريد ، فإعتدل وظهر وده وحنوه في خصامه الغير ظاهر وهو يلتقط كفها  برفقٍ وسار معها ناحية العربة حتى وقف يخبر البائع بأن يجلب له "مشبك",, تفاجأت بما فعله القدر وتأثرت من ما حدث من أسباب كي يأتي لها ما تريده ، فيما انتهى هو وهو يسير معها من جديد للعودة ناحية الدراجة البخارية الذي  أسندها فلم ينتظر حين العودة بل فتحه يقدم لها كي تبدأ غير عابئاً بالمارة فنظرت له بمشاعر مختلطة وهتفت باختناقٍ عكس بسمتها له وهي تردد:

        

          

                

_شُكراً عشان عرفت ان نفسي فيه.

اخذت من بين يديه كي تأكل بعدما حثها بإشارته فإبتسم "غسان", ابتسامة لم تصل لعينيه وانتظرها تتناول على مهلٍ ولاحظ مراقبتها له وهو يستند على الدراجة آخذاً هاتفه بين يديه يعبث به ، وما فعلته بعد دقائق لم تستمر طويلاً كان مفاجئ بالنسبةِ له ما ان التقطت الهاتف بين يديه وهي تحثه بعدما ابتلعت ما بفمها :

_ممكن تبصلي؟ ، تكلمني وتقولي حتى انك زعلان واتدايقت؟

_كويس انك عارفة .

رددها "غسان", بتهكمٍ فتشبتت بكفه الذي سحبه وهو يتفحص مقدمة الدراجة متحاشياً النظر إليها ، فعادت تخترق أذنه كلماتها المتأسفة :

_أنا آسفة !

اعتدل وعندما لاحظ توقفها عن  تناول ما بيديها ، أشار برأسه معقباً :

_اركبي يلا عشان نِرَوَّح 

نكست رأسها في حزن ، ولأول مرة يرى الاستسلام دون الاندفاع، هناك جانب جعله يحثه بالتخطي لأنه في جهة مقابلة كذب  وخدعها عندما ردد بأنه سيذهب لصديقه ، ولكن كان الأمر لصالحها ، فختم هذا وردد بأنه ليس مبرر للكذب! ، اعتدلت خلفه والتزمت الصمت بعد ذلك حتى ادار الدراجة البخارية وسار بها سريعاً بعيداً عن المكان حيث المبنى وسكنهما .

لم يستطع الالتفات ولكنه يعي جيداً معنى تقلب هرموناتها التي جعلتها تبكي خلفه بصمتٍ وهناك شهقة خافتة خرجت رغماً عنها ،. فمسحت بعفويةٍ في ظهر قميصه ، فانتبه وأهدأ من السرعة كي يستمع ما ان كانت تبكي ام لا في حين توقفت هى تحكم ذاتها ، ونظرت في المساحات الواسعة وهي تخرج أنفاسها فسأل هو مقتضباً محاولاً أن يجعل صوته مرتفعاً قليلاً كي تستمع :

_بتاخدي الدوا اللي قالته الدكتورة ده؟انا مبشوفوش في كيسة العلاج!

_مش علطول!

نبست بذلك محاولة الثبات ، فصمت بعد ردها عليه ، دون تعقيب واحتضنت ظهره بذراعيها كي لا تقع فيما سأل هو مجدداً بجديةٍ هذه المرة:

_ حلو المشبك ؟

هل هاب أن يضغطها للتو حتى لا تنهار منه ؟ ، لمَ يسبب الانهيار هواجس وخوف لديه؟ ، همهمت بالإيجاب واكملت بالقول قائلة:

_آه حلو أوي.

أكمل الطريق بعد ذلك ، فيما مرت الدقائق حتى توقفت الدارجة وهو يسندها في الأسفل ، ونهضت وهي تستند على كتفيه وذراعه ثم نهض مشيراً ناحية البواب كي ينتبه على الدراجة ، واقترب من المدخل وهى معه ، حتى ركبا المصعد وصعد بهما للطابق الثالث مقرراً الجلوس مع والديه قليلاً ورؤية شقيقه الذي لم يراه منذ يومين..

        

          

                

توقفت بهم اللحظة عند وضع المفتاح في باب الشقة الذي ما ان فتحه ظهرت الأصوات بعشوائيةٍ والترحيب بهما ، فاقترب وهو يرى صديقه يرحب به أمام غرابة "نيروز", التي استنكرت قول "شادي" له :

_ليك واحشة يا أبو الغساسين ، مش تيجي يا عم ولا لازم انا اللي انطلكم هنا كل شوية؟

سَألهُ بمشاكسةٍ على الرغم من أنهما يتحدثان مع بعضهما في الهاتف للاطمئنان  ان لم يرى أحدهما الآخر ولكنها فهمت سبب عدم راحتها لما ردده لها في الصباح،  صمتت وهي تدخل بين النساء والفتيات واقترب هو من الشباب الذي انضم لهم "بدر" تاركاً "وردة" وصغيره هناك في شقته مع "فاطمة" وصغارها وجاء هو ليطمئن عليهم جميعاً بنفسهِ.

نهض "آدم" من بينهم بسبب إنهاكه الجسدي من العمل الذي لم يزول أثره ، وهتف أمامهم بصوتٍ عالٍ وهو يضع هاتفه في جيب بنطاله :

_يلا أنا هستأذن أنا بقى ، عايزين حاجة ؟ عايز حاجة يا عمي؟.

تداخل  الحديث وخرج صوت"بسام" له :

_ما تستنى ، هو انت لسه قعدت؟

_ما تقعد يبني انت عليك   طار ولا ايه ؟

ضحك على قول "حامد" كما ضحك البقية وظهر تعبه لهم وهو يبرر:

_مرة تانية بقا ، أصلي تعبان ومحتاج ارتاح .

تفهموا الوضع ووافقوا على الفور فأشار لشقيقه بأنه سيرحل يسبقه هو وزوجته ان عادت ، فيما اقترب هو يحمحم ناحية النساء ووقف على بعد  خافضاً رأسه مردداً بعلوٓ كي تستمع:

_يلا يا "فريدة"!

ربما رحل مبكراً بسبب هذا الخوف ، خفق قلبه من الرد على الرغم من انها رفضت الاقامة هنا وصرحت له بهذا ولكنه لا يثق في الظروف حتى وإن كانت في عصمته هو وزوجته ، خفق قلبه  ما ان وجدها تنهض وهي ننحني تودعهن ، واذ به يتفاجئ بيد "حازم" توضع على كتفه بخفةٍ فإستدار سريعاً وعلم ان قد كشف للتو ما ان وجده يهتف دون مقدمات:

_مش هبقى رخم وكل شوية هعقد اقولك خلي بالك منها ، عشان عارفك راجل وقدها ،  أنا جيت أقولك يا بختك عشان اختارِتك وده مش غرور عشان اختي لا .. عشان انت مش هتلاقي في حنية "فريدة"، دلوقتي أقدر اقولك خد مراتك في ايدك وخلي بالك من الأمانة ،وبيت جوز اختي واختي مرحب بيا فأي وقت ولا ايه؟

وضح له يطمئنه بأنه وافق على تواجدها معه حتى وان لم يكن له بأن يتدخل كونها زوجة الآخر ولكنه  ترك الأمر بأدبٍ واحترام لها ولعائلتها دون الضغط أو الإجبار، سأله مازحاً فرد بلهفةٍ سريعاً :

        

          

                

_بيتك يا حازم طبعاً ، ومتقلقش "فريدة" في عنيا واللهِ ، دي مراتي متوصنيش!

ربت على كتفيه فجاءت "فريدة "تبادر بعناق شقيقها بوداعٍ ونبست :

_مع السلامة يا "حازم" ، ان مجتش ابقى تعالى انت وفضي وقت واقعد معايا شوية ، وابقى طمني على "حسن" عشان خاطري.

_ان شاءالله يا "فريدة" ، ان شاء الله ، اطمني.

ابتسمت تودعه عند الباب ، وارتدت حذاءها ، وحقيبتها التي جلبتها معها هذه الشقة تحسباً للذي حدث ، فتأبطت ذراعه تقترب معه ناحية المصعد تزامناً مع إغلاق الشقة بواسطة "حازم" الذي عاد يجلس ملاحظاً انسحاب "غسان" ناحية غرفته ، فنهضت بعده "نيروز" كي تدخل فدخلت ووجدته يخلع قميصه بضيقٍ من  ضيقه وأخذ يبحث عن تيشيرت قطني مريح بدلاً من هذا فإلتقتطت ما يبحث عنه من خلف الباب المغلق واقتربت أمامه كي تجعله يرتدى ، وبدون مقدمات تأسف للمرة الثانية :

_أنا آسفة يا "غسان" ، أنا عارفة اني غلطت لما كدبت عليك، بـس والـ…

بتر هذا القول وأدخل ذراعيه مطالعاً وجها متسائلاً :

_وتكدبي ليه يا "نيروز"؟

وأضاف بجديةٍ موضحاً باسترسالٍ :

_الحاجة اللي مكنتش بتحصل بينا وكنت ببقى فرحان بيها ، هي انك مبتكدبيش ولا بتعملي ده معايا.

لمعت عينيها وهي تحتوي الموقف آخذه كفه بين يديها بلهفةٍ وهي تفسر له:

_والله ما كنت  اقصدها كذبة  ، انا لما عملت كدة عملتها عشان خوفت تعرف وتزعل مني خصوصاً اني مروحتش هناك بعد آخر مرة بالموقف اللي حصل وضيع مننا أيام وخلاني اعيش في قهر مش عايزة ارجعله ، وافتكرت انك حذرتني مروحتش من غيرك عشان ميحصلش حاجة ، فقولت انت مش هتعرف وتعدي.

_مفيش كذب عشان خوف.

هل يردد عكس ما فعله في الصباح ؟ ، خرجت جملته منه بعفويةٍ ، فإعتدلت تصرّح له هى:

_لأ في .

واضافت توضح له بهدوءٍ غريب لا يليق مع قولها:

_وانت كمان كدبت عليا النهاردة! 

تغيرت تعابيرها وهي تطالع وجهه الذي نظر به لها  وعدستيه تطالب بالمزيد في التوضيح ففسرت :

_قولتلي انك رايح لـ "شادي" ومطلعتش رايح ليه ، وكنت عارفه عشان بعرفك لما  تكدب بس محبتش اضغط عليك عشان لما بتكون عايز تقول حاجة بتقولها ولما بتحب تسكت بتسكت ومبتقولش.

        

          

                

زفر "غسان" أنفاسه بتعب متذكرًا ذهابة لهذا المكان وبرر لها :

_دي حاجة ودي حاجة!

_الكذب كلمة واحدة ملهاش أي بديل ، بس أنا بعترف انها خرجت مني كدبة وبقولك تاني متزعلش مني ، انا مش ضامنة الأيام انا ما صدقت رجعنا يا "غسان"!

نزلت دموعها فخرج الخوف من أن تفاجئه بشئ خاصة انها تضغط من حالة "جميلة", فأسرع يضم رأسها ناحيته وهو يحثها برفقٍ :

_متعيطييش!

_متزعلش انت مني ولا تخلي ثقتك تتهز وتفكر اني بكدب علطول والله ما حصلت قبل كدة !!

ربما حملها يجعلها تعطي للأمر اكبر من حجمه ، رغم غرابته ولكنه نبس بهدوء وهو يربت على ظهرها :

_وانا مصدقك ، خلاص متعيطيش.

قالها بقلقٍ استشفته فخرجت تنظر نحو تعابيره وهي تمسح وجهها فردد هو وهو يعقد حاجبيه :

_تصدقي الحمل ده بعد ما خلاكي حلوة ، خلاكي بعقل كمان ومبقتيش تتسرعي وتبوظي كل حاجة زي الأول.

ابتسمت على حديثه، هي من حاولت أن تصبر كي لا يكبر حجم الأمر ، صمتت قبال هذا وسألته ولم تنس :

_كنت فين النهاردة؟ ، احكيلي اللي مداريه عني ومش عايز تقوله .

هرب من عدستيها ، ليس وقته تماماً وهي هكذا ، سيختار الوقت المناسب ، ابتلع ريقه فحركت رأسه ناحيتها تستجوبه ، فنظر "غسان" نحو عسليتيها وردد كي يهرب من هذا :

_هقولك كنت فين بس مش دلوقتي ، تعالي اقولك حاجة تانية.

شتتها ونجح ببراعةٍ  ما ان تساءلت هى :

_ايه؟

_عارفة الست قالت ايه؟

ضحكت تستوضح بعينيها التي كانت على قرب منه وهو يطالع لونها في شدة الضوء ، فإقترب هاسماً بعبثٍ قصده هذه المرة:

_رجعوني عينيك لأيامي اللي راحو.

دخلت بين أحضانه فاحتوى جسدها محتضناً اياها حتى سحبها لتستريح كي لا تشعر بالهبوط ، فجلست بجانبه وقد تركها يريح ظهره واضعاً يديه على ظهره وهتف يخبرها بتعبٍ من اليوم:

_مش هنعرف نبات هنا النهاردة 

فتساءلت بغرابةٍ من تركه للخطة الذي رسمها بقرار الإقامة هنا :

        

          

                

_ليه؟

كان قد اخبرها بأنه سيقيم هنا ولكن بعدما علم من شقيقه انهى هذا فوضح لها يخبرها رداً على سؤالها توضيحاً لقوله :

_أم عز وفرح  هيباتوا هنا .

أراحت ظهرها بتعبٍ على الفراش بتفهمٍ وهى تحرك رأسها وصرّحت:

_كدة أحسن عشان ميبقوش لوحدهم ، بسام ده بيفهم جداًواللهِ

فمال"غسان" يشاكسها بعبثٍ وغمزها بخفةٍ مازحاً :

_طب ما انا كمان بفهم  أوي!

طالعته "نيروز" بضحكٍ وهي تستند على الوسادة من خلفها ووضعت يديها على معدتها فأسند رأسه بخفةٍ ناحية معدتها في سعادةٍ ، فيما أدخلت يديها بين خصلاته وضحكت عندما اعتدل يستند على ساقها متسطحاً على الفراش متسائلاً :

_مفكرتيش قبل كدة هنسمي ايه؟

فأجابته بنبرةٍ ضاحكة:

_مش لما نعرف الأول هما ايه وايه؟

ضحك "غسان" بخفةٍ وتوجع ما ان لامست جرحه ، فإعتدلت تنظر له بأسفٍ إلى ان التقط هاتفه وهو يرى صديقه يرسل له أين اختفى  فنهض يخبرها وهو يعدل ملابسه :

_انا طالع اقعد معاهم شوية ، هتيجي؟ ولا هترتاحي هنا شوية؟

رفضت هذا وهي تنهض واهبطت اطراف عباءتها وظهر تعبها الجسدي وهي تشير له :

_لا طالعة ، بس هستأذن اطلع واسبقك ، عشان خروجي النهاردة تعب ضهري ورجلي بزيادة ومعتش قادرة خلاص.

سحبها برفقٍ وحاوط كتفيها وهو يفتح الباب ، التي خرجت هي منه تستأذن منهم كي تصعد ووقفت قليلاً تتحدث ما قبل الرحيل بينما هو اقترب ممازحاً "شادي" الذي جلس بين الشباب و"حامد" الذي طالع "غسان" وهو يجلس بجانبه وتوقع ما سيفعله حينما ربت "غسان" على كفه ومال هامساً كي يستمع له بين هذه العشوائية:

_خدت علاجك يا حج ؟

هز "حامد" رأسه إيجاباً ووافقه قائلاً :

_ايوة الحمد لله يا بني .

استمر بينهم وتحرك "شادي" ليقترب منه جالساً بجواره ، فقرر "غسان" التحدث معه حول موضوع شقيقه وحبسه ، فيما كان هناك يتحدث "بدر"مع"حازم"، ونهض "بسام" يقترب منها وهي تدخل للمطبخ فدخل خلفها وحثها بنبرةٍ هادئة وهي تغسل الاكواب:

_لو تعبانة ادخلي ارتاحي في أُوضتي ،. ولو مامتك محتاجة تنام دخليها.

        

          

                

ابتسمت "فرح" قبال اهتمامه وجففت يديها تخبره :

_أنا مش  هدخل أنام غير لما اطمن انك مشيت ووصلت شغلك ، وماما لو حبت ترتاح هتصرف أنا ، بس أنا قاعده معاهم دلوقتي يعني مش متاديقة عادي.

سعد من بداية قولها وغمز لها وهي تقترب حتى تخرج معه ناحية الخارج:

_اتغيرنا وبقينا بنهتم وبقينا حاجة تانية خالص!

ابتسمت "فرح" بحياءٍ واقتربت منهن فيما اقترب هو يجلس بين الشباب ووالده من جديد ، مردداً لـ "بدر" بحنقٍ بعد ترديد "غسان" نفس الحديث له:

_مجيبتش "يامن" ليه يا"بدر"؟؟ ، ليه تعمل فينا كده حرام عليك يا عم ، الواد واحش اعمامه ، الله!!

_________________

_يا حبيبي انت كنت سخن ويدوب فايق ، اهدى واركز في مكان واحد بقى الله يهديك.

نبست "وردة" بضيق هذه الكلمات لـصغيرها الذي تركها في الحال كي يشارك الصغار الآخرين اللعب ،  كانت في الأعلى حيث شقتها ومعها "فاطمة" التي ضحكت توضح لها بهدوءٍ:

_متقلقيش يا "وردة" ، هما كل العيال كده واللهِ ، بكره يبقى حلو وزي الفل.

تحركت رأس "وردة" ناحيتها في هدوءٍ وردت توضح أكثر لها :

_سخونية "يامن" وحشة يا "فاطمة" ، وبعدين انا رفضت اروح هناك عشانه .

صمتت قبال حديثها ، وجاء لها "يوسف" طالباً منها بإلحاحٍ :

_يا ماما ما تيسبيني بقى أطلع فوق 

يريد الصعود إلى السطح ، فرفضت بحزمٍ وهى تشير له :

_قولت مفيش طلوع فوق من غير حد كبير ، روح العب معاهم يلا واسمع الكلام.

طالعها بضجرٍ وذهب لهم في حين تعالت ضحكات "وردة" وهى تحرك رأسها بقلة حيلة من شقاوتهم ، في حين دارت رأسها تطالع الأخرى بتساؤل:

_متعرفيش هيجوا من هناك امته ؟ عايزة "بدر" يعطي "يامن"الحقنة قبل ما ينام وميخدهاش ويرجع يتعب.

هزت كتفيها في جهلٍ وفسرت لها :

_بصراحة لا ، بس سمعت صوت البوابة بتتقفل من شوية ، شكل "آدم"و"فريدة" جم .

لم تصمت "فاطمة" إلى هنا بل اقتربت توكز ذراعها وهي تكمل وكأنها تذكرت وانتهزت فرصة جلوس "وردة" التي تقضل التحدث معها لعلقها:

        

          

                

_اسكتي يا "وردة" ، دا أنا بقيت بخترع أي مكان عشان بس اسيبلهم المكان براحتهم وامشي انا والعيال ، بتحرج أوي ودايماً بحس ان "فريدة" مش واخده راحتها ، رغم اني والله العظيم اشهد انها بتساعدني ، حتى كان الأول في امتحاناتها مكانتش أوي بس دلوقتي شغل البيت متقسم وحرام يعني بتعمل كل اللي عليها ، بس انا برضه محروجة عشان مشاركينهم الحتة وهما لسه يدوب .

تفهمت "وردة" حديثها فربتت على ساقها بتقديرٍ لهذا الإحساس الذي سَيشعر رغماً عنها وردت تجيبها :

_متقلليش يا "فاطمة" ،"فريدة" حابة وجودكم وواخده راحتها ، وعارفة  انك  بتحسي بكده غصب عنك ، بس فكرة  غيبي وكل فترة وفترة قومي سايبه الشقة تحت وطالعة هنا انتي والعيال في الأوضة دي ، والله "بدر" كان قالي كدة مع انه عارف انك مش هتواففي بس قال هبقى اكلم "فاطمة" تطلع تبات معانا ، وكدة كدة أخوكي"آدم" مش متقل من حاجة ، دا طيب  واللهِ  زي ما "فريدة" طيبة برضه وعمرها ما تطلع تفكر ولا تقولك انها مش واخده راحتها.

طالعتها بإنصاتٍ شديد ، ورغماً عنها لا تحبذ وجودها هى واطفالها ،في حين ترى بأنه من المفترض تركهما ، حثتها "وردة" وطمأنتها كي لا تشعر بهذا الإحساس الذي يداهمها بين حين والآخر بحساسيةٍ ..

«بينما في الأسفل»

دخلت "فريدة" قبل وقت تبدل ثيابها فيما صعد "آدم" في الأعلى ليضع الطعام للكلب ، ثم هبط ولم يجلس حتى دخل المرحاض في الخارج وكانت هى حينها في مرحاض الغرفة الواسعة ،  تركت "فريدة" خصلاتها خلفها وجلست بعدما ارتدت قميصها القصير حتى تستطع أن تدهن جرح ساقها ، تحسبت لدخوله ، هو من  أصبح يضعه لها في كل مرة ..

وكالعادة يدخل دائماً في هذه الأوقات ، فُتح باب الغرفة ، ودخل منه واضعاً المنشفة على عنقه وهو يبتسم وظهر التعب على تقاسيمه ، فدخل غالقاً الباب خلفه ، واعتدلت هى حينها تطالعه ، فإنحنى بصمت وهو يجلس بجوارها ولم ينتبه للعلبة التي بين يديها التي كان ستضع منها الدهان ..توقفت عن فعل ما ستفعله فيما نظر هو لوجها بتفحصٍ إلى أن سألته بغرابةٍ من هذا السكون :

_هو مفيش حد هنا ولا ايه؟

نفى"آدم" برأسه مبتسماً وأخبرها :

_لا ،  كلهم فوق مع "وردة".

حركت "فريدة" رأسها بفهمٍ ضاع سريعاً قبال اخفاءه لكلا يديه هكذا دائماً، ولم تمنع نفسها في التساؤل أمام مراقبته لها :

        

          

                

_ممكن أسألك سؤال؟

ضحك على طريقتها ، وهناك راحة مادامت هى بجواره ووقع عليه الاختيار هو ، ولكنه تفاجأ وضاع ثباته قبال سؤالها الذي كان سيسأل مهما كان :

_ليه بتلبس بكم علطول مع ان الجو ساعات ببقى حر ، حتى وانت نايم برضه بتلبس بكم !!

حرك عينيه هروباً منها بأسىٰ ، وترك المنشفة ، وزفر أنفاسه مؤخراً مقرراً الاجابة ، نهض ولأول مرة ترى جزئه العلوى ، فتابعت فعلته حتى خلع ملابسه الفوقية ، فأهبطت عينيها تنظر بمكان آخر ولكنه أجبرها في النظر ناحيته عندما جلس يجيب بنبرةٍ مختنقة مشيراً لها على كلا ذراعيه :

_ شايفة العلامات دي ؟

نظرت نحو علامات ذرقاء وأخرى حمراء في ذراعيه ، وابتلعت ريقها بندمٍ من ما فعلته وسألته بعدما فهمت مخزى ما  فعله تلمست ذراعيه في أسفٍ وأعين كان قد لمعت ما ان أكمل هو :

_دي لسه مراحتش ، كانت من الحقن اللي كنت باخدها ، بس سايبة علامات في كل مرة مخلية شكل دراعاتي وحش ، ممكن تاخد وقتها وتروح ، بس الحقيقة اني عايزها موجودة وفي نفس الوقت مش عايزها!!!

وزاد الاختناق عندما انهكت نبرته وهو يطالع عدستيها التي امتلئت بالدمع :

_عايزها تفكرني ، ومش عايزها تفكرني!

رفعت "فريدة" ذراعها تضمه هى ناحيتها حتى أسند رأسه على قمة صدرها ، كأمٍ تحتوى صغيرها من خدش ترك الأثر وهو بين إخوته مختلف!!! ..

_أنا آسفة ، آسفالك من كل الدنيا .

هذه جملته هو ، ابتسم "آدم" وهو يستند عليها حتى ربط ذراعيه خلف ظهرها ولم يتركها تكمل بل شكرها الآن كصغيرٍ وضاع ثباته وحتى كيده قبالها في كل مرة بل كان كصغير لا يريد سوى عناق واحتواء لا يريد سوى عدم الضياع ، لا يريد رحيلها :

_شكراً عشان اختارتيني ، لأول مرة ابقى عاجز بعد ما بقيت كويس ، عجزت  وخوفت تروحي مني وتمشي بعد ما اتعودت على وجودك، شكراً عشان حسستيني اللي محستوش من زمان ،  عشان خليتيني احس اني مرغوب واني شخص استحق الإختيار واني استحق الحب والتقدير، ومستحقش اتساب بعد ما اتعلقت.

في البداية لمَ كانت تصدق بأنه سيضعف ويردد هذا بين ذراعيها، تماسكت وردت بصدق شديد وصل له:

_اختارتك عشان انت بقيت كل حاجة بالنسبة ليا ، اختارتك عشان بحبك وعشان منسيتش لما قولتلي انك بقيت تخاف اسيبك زي ما خوفت اول مرة  عشان حسيت ان مامتك هتسيبك ، ٱنا عمري ما هسيبك.. انا اختارتك بكل حب..

        

          

                

وأضافت قبال تأثره وهو يأخذ أنفاسه بإطمئنانٍ :

_واختارتك عشان ربنا جمع فيك الصاحب والحبيب والحياة و الٱمان وكل حاجة حلوة يا "آدم".

ابتسم على قصتها القصيرة التي تختصر بها الحديث دوماً ، حتى شدد من ضم ظهرها بعناقٍ شددت هي به وهي تعانقه بين  ذراعيها ، فتنفس بعمقٍ ورد عليها مصرّحاً  وهو يعتدل :

_ وانا اختارتك من غير أسباب يا "شاطرة "!.

اقترب يقبل  جبهتها ، وطالع الفراش جوارها فمنذ ان أصبحا معاً في احضان بعضهما تغفو دون خوف تغفو بثقةٍ ، طالعته بتمعنٍ بعدما عاد ، فأمسك بتيشرته ذو الاكمام الطويلة  وقاطع ارتداءه ، وجود الدهان بجانبها وقميصها المرفوع حتى ظهر جرحها ، طالعت محط أنظاره وقبل ان تهبط طرف قميصها اقترب  يتلمس جرحها في أسفٍ ..

هو أيضاً يعلم جيداً معنى ترك العلامات القاسية التي تُذكر بالماضي الأليم ، والعقبات الموجعة ، اقترب يتلمسه برقةٍ لم تعهدها من قبل فرجعت إلى الخلف فيما حاوط هو ظهرها  بذراعها يمنعها من التحرك ، وتسارعت دقات قلبها ما ان وعت انه يقترب أكثر فتصاعدت أنفاسها بخوفٍ وهى لم تصرّح له بالقرب بعد!!

منذ ان أصبحا معاً على فراشٍ واحد وعلم انه سيضعف لذا رفض أولاً ،  علم ان هذا اليوم قد اقترب ، ولكنه اقترب دون ان تصرّح ، ربما هى من حركت مشاعره تجاهها بدون أراده منه ، تحدثت الفطرة في هذا الأمر، وقال على مقربةٍ منها :

_"فريدة".. متخافيش ..انا.. انا عمري ما هأذيكي!!

في هذه اللحظة ، نظر لصفاء  عينيها ،علم انها لم تصرح أبداً بالقرب وتركت الوقت يأتي كما يشاء ، هناك صمت هناك بوادر قبول ضئيلة، على الرغم من انها سمحت لأشياء كثيرة تحدث من قبل الا انها صمتت لربما كانت ستأتي البداية منه ، مهما تعافت فهي مازال لديها رهبة ، حتى وان لم تهاب صنف الرجال ولكن المشهد يعاد في ذاكرتها وما جعله مقبل على الاقتراب ان طبيبها طمأنه اليوم في الهاتف بأن هناك جلستان أو ثلاثة وستنتهي ، وهذا ظهر في تفكيرها وفي  حديثها الذي بان به تحسنها كما بان به سماحها.. ولكن الآن هل ستسمح؟ستكسر الحاجز ؟

لا لن يعود المشهد كما كان يعود ، نزلت دمعتها من عينيها بغير  وعيٍ ، فابتعد على الفور ونهض ممسكاً كلا كفيها التي رفعتهما تمسح وجهها بهما ، كان متوقع بأن هذا الأمر لن يأتِ من أول مرة !!

تحدثت بتحشرجٍ ووجه  اخفته بين يديها :

_ أنا آسفة واللهِ ، والله غصب عني مـ..

        

          

                

تأسف هو سريعاً بدلاً منها وردد وهو يدفعها داخل أحضانه:

_أنا  اللي آسف والله ،آسف حقك عليا ، انا محاولتش غير لما شوفتك  كويسة ، فـ..

مسحت وجهها بخيبةٍ ، كانت تريد الموافقة ولكن البكاء منعها بدلاً من تذكر الماضي ، وهذا الأمر ليس واقعي حدوثه هكذا دون حدوث عواقب!!

_انت ملكش ذنب ، أنت استحملت كتير أوي ، غيرك مكنش هيستحمل كل ده ، أنا آسفة واللهِ ، آسفة  بس غصب عني واللهِ..

أخفت "فريدة"وجهها فبادر في احتضانها مجدداً وظهر الندم في عينيه وهو يغمضها ، ندم ليس بمحله الآن لأنه لم يفعل شئ خطأ ، ابتلع ريقه ونهض سريعاً يترك لها المكان كي لا تهابه مردداً بلهفةٍ :

_ بصي ،. ارتاحي وأنا هنام بره خلاص ، انا مش  هـ..

_متسبنيش يا "آدم" ، خليك معايا عشان خاطري.

ترجته وهي تقف بلهفةٍ فوقع تيشرته أرضاً ما ان اقتربت تهمس بأسفٍ وهي بين ذراعيه كي لا يأخذ الأمر بحساسيةٍ منها ، نفي هذا ،. رفض أسفها ومسح وجهها بالمنشفة وهي تجلس على الفراش وأبعد هذا المحور من الحديث ما ان مازحها بعيداً عن هذا :

_خلاص يا شاطرة ، شكلك وحش وانتِ بتعيطي.!

خرج الآن عنادها بعدما نظرت له بإمتنان لتقديرة ، وهتفت:

_متقوليش يا شاطرة ، ومحدش خد رآيك .

_,هو انا مقولتلكيش؟

سألها وعلمت الإجابة ، فصمتت تريد سماعها منه وهو يفتح الدهان كي يدهن ساقها برفق ولبت غرضه في أن تجيب بما يريد :

_ قولتلي ايه؟

_ان رأيي أمر مفروض ، اجباري يعني يا شاطرة .

مسحت وجهها من الدموع وضحكت بخفةٍ ، فإطمئن انه انقذ الوضع وراضته بتأثرٍ كما راضاها بتفهم الوضع وتركها ، لذا لم تهاب تقبيل وجنتيه وبادرت بعناقه من جديد ونبست بنبرةٍ هادئة :

_شكراً

لم يرض الرد كي لا يعود مجرى الحديث لهذا ، عدل من وضعية الفراش، وكي لا تشعر بالندم ظل بجوارها كما هو على الفراش ،فإعتدلت حتى سحبت نفساً عميقاً  فيما تنفس هو بهدوءٍ وجارته كي لا تحزنه بعدما وجدت تردده في مد ذراعه ليحتضنها جواره: 

_ أقولك حدوتة ؟

_ياريت.

اقتربت حينها في المساحة ، وتمسكت بذراعه حتى احتضن خصرها ، فابتسمت تطمئنه وهو يمسح على خصلاتها :

_ممكن تقولِّي انتَ؟

لم يمنع بل وافق برأسه وسرد بهدوءٍ مخرجاً أنفاسه الدافئة :

_مبعرفش أحكي ، بس لو في يوم هيقولوا ايه احسن بطلة في حدوته ، هقولهم روبانزل بس ام شعر اسود طويل بطلة قصة  اللي بقوا يقولوله يا معلم آدم!!!

ضحكت "فريدة" على سرده، ودارت عينيها بعد وقت وهي تطمئن ومازلت الثقة هنا بينهما ، مرر يديه على خصلاتها بتعبٍ وعقب ما غفت لمعت عينيه من ما تعاني منه وحدها في خيالها وأفكارها , خرجت أنفاسه وقبل جبهتها قبل ان يعتدل وهو يجذب الغطاء أكثر مررداً بهمسٍ وعينيه لا تفارق تقاسيمها الجميلة الذي يشهد بها الكل كونها اجمل تقاسيم لأجمل فتاه في هذه العائلة :

_تصبحي على جنة يا شاطرة!

يكفي وجودها جواره ، لا يريد أكثر من هذا ، كان يطمع في قربها التي كانت به بوادر قبول ثم  ضياعها بواسطة بكاءها وتخشبها ، ولكنه عاد يحتوي الوضع ببراعة كي لا يضيع الأمان التي وجدته أخيراً به. ، كانت سبباً فيما فعله كما كان السبب الرئيسي فطرته المخلوق بها من ربه كأي رجل! , ولكن رجولته هنا كانت بين الصبر والاحتواء و التفهم والتقدير للوضع ! وضع اقترب كي تصبح له دون خوف ، وضع يتطلب صبر آخر لمرة أخرى ، لأن نهاية هذا قاربت على الإنتهاء بفعل وجوده ودعمه ،  فمر الكثير في الخوف  والقلق الحزن  والرهبة ولم يتبقى سوى "القليل على النهاية ".

هو لايُدرك أي مجهول, ولكن هناك بالفعل صمت ، صمت بين التعب والمعاناة وصمت بين الصراخ رغم أنه "صراخ"!! ، هناك أشياء كثيرة تحدث ، وهو متعب لآخر درجة ، حبيس كما من كان قبله حبيس بين الأوجاع  والآلام والإحتياج ، وجع وحدة وجع مُنهك من الإنهاك ذاته ، وجع ماضي وحاضر وربما مستقبل يجهل عن سيره وهو الآن هكذا !!

بكاء ؟ ، هل هذه الكلمة بسيطة هكذا كي تكتب بـ أربعة أحرف تقريباً؟!

كل حرف يحمل بين طياته الكثير من الأسباب كي يسمى بكاء! ، كل شئ يتطلب الأمر به بكاء مختلف ، والأسباب تختلف ما بين بكاء وبين الآخر ، هل كان عليه تجربة هذا ؟ هل كان عليه منذ البداية بأن يختلط بأصدقاء سوء؟ ، أم انه السوء بنفسه؟ ، تقطع أحباله الصوتية وملامحه وعينيه الحمراء المنهكة والجلوس هكذا على أرضية الغرفة الحديثة ، ولكنه يجلس كمن يقوم بإذلال نفسه ، تارة يردد بأن هذا أفضل ولأول مرة يردد شئ به أمل وتارة يصرخ ويسب سبات  لا تليق بأشخاص وعائلات راقية يجلبون أولادهم إلى هذه المصحة العالية بخدماتها الكبيرة ذو المجهودات المبذولة بجهدٍ كبير يتطور شئ عن شئ ، فها هو يجرب ما جربه الأول ، يجرب ما جربه صديقه "آدم" ، ففريق المصحة الطبيعية ، يتطلب بذل أشياء ونشاطات كثيرة كي يخرج الشخص سوى من جديد وليس متعافي فقط ، وهو بين هذه الأشياء جاف ، فاتر ، لا يريد أي شىء وكأنه كان يتعاطى في الأساس كي لا يحاصر نفسه ويصل إلى ما يشعر به الآن من فقدان الأمل في كل شئ 

جسد به روح بمثابة جسد بلا روحٍ!! ، كانت هذه المعادلة لديه هو شئ آخر ، لديه تتساوى أطرافها وكأن كل طرف هو نفسه الآخر!

خطوات تفصل بين الخارج   والداخل ، ورقةٍ يتمسك بها شخص ما ، في مكان الزيارات والذي تم منعها لأن الحالة في بداياتها ، هل جاء بدون فائدة؟ ، جر أذيال الخيبة وقلبه يرق لشقيقه ، هل يبكي؟ هل يعاني ؟ هل أصبح أفضل ؟ عينيه الآن لا تفارق الورقة التي تُوزع  والهاتف يدق!

_ استغفر الله العظيم من كل ذنب عظيم.

خرجت بتنهيدة حارة مستسلمة منه عندما فقد كل الطرق  في التوصل لرؤية وجه شقيقه ، اللهفة البريئة التي بداخله تجعله يقرأ الكلمات المدونة والمطبوعة في هذه الورقة الإعلانية لهذا المكان ، وكأنه يرضى ضميرة ويُريح فؤاده تجاه واجبه ناحية شقيقه ..

فها هو يحمل مسؤوليات كبيرة أكبر من كونه شاب في بداية طريقه لإنشاء أسرة صغيرة بطفلته القادمة ، وجد نفسه مقبل على أوجاع وعقبات ومشاكل ومسؤوليات أصبح لها وعليها يتغلب!! ، والطاقة تزداد فقط لأنه الوحيد الذي لها وليس لغيرها إلا هو ، ليس للمتاعب وتحملها إلا "حازم" ، وضاع حزمه قبال رجفة يديه وهو يقرأ وتفكيرة يذهب نحو شقيقه في سؤالٍ صريح مشتت : كيف حاله الآن؟، ماذا يفعل في الداخل؟ :

_في المصحة، المدمن يخضع لبرنامج علاجي متخصص يهدف إلى مساعدته في التغلب على إدمانه وتحسين حالته النفسية والجسدية إليك بعض الأنشطة والعلاجات التي قد يتلقاها المدمن في المصحة:

إعادة التأهيل الجسدية: يتضمن ذلك برامج لتنظيف الجسم من المواد السامة والمخدرات، وتحسين اللياقة البدنية والتغذية السليمة،  العلاج النفسي: يشمل جلسات فردية وجماعية مع مختصين نفسيين لمساعدة المدمن على فهم أسباب إدمانه وتعلم كيفية التعامل مع العواقب النفسية للإدمان ، الدعم النفسي والاجتماعي: يتضمن دعمًا نفسيًا واجتماعيًا من قبل فريق متخصص من العاملين في المصحة والمدمنين الآخرين، تعلم مهارات التحكم بالانفعالات والتوتر: يتم تدريب المدمن على كيفية التعامل مع الضغوطات والتحديات بطرق صحية وبناءة، برامج مجتمعية: تشمل أنشطة اجتماعية وثقافية للمساعدة في إعادة تأهيل المدمن ودمجه مجتمعيًا بعد الخروج من المصحة, هذه بعض النشاطات التي قد يتلقاها المدمن في المصحة، ويجب أن تكون مصممة خصيصًا لتناسب احتياجاته الفردية ومرحلة الإدمان التي يمر بها.

        

          

                

طوى الورقة وهو يزفر أنفاسه بهدوءٍ وجعلته الخطوات أمام السيارة الآن ، وعينيه لا تفارق المبنى الساشغ في المساحة ، رفض قلبه تصديق كلمات "بدر" بأن مهما ذهب سيتم منعه كما مُنع "بدر", من قبل ولم يتم الموافقة على رؤية شقيقه إلا في أواخر شفاءه  بالكامل ، ركب سيارته وترك الهاتف يدق فيما نظر هو مبتلعاً ريقه متمنياً رؤية من يعاني بالداخل ،

معروف عنه بأنه متصلب العقل على الأغلب ولكن مالا يظهره على الرغم من انه يمتلكه هو انه يمتلك قلب رقيق يرفق ويشفق ويحن دائماً ، فهو بدايةً ونهايةً لم يكف عن مساعدته حتى وان كان يظهر عكس ذلك فإنه كان يبحث عنه في كل مرة يغيب بها وما يجعله  بطىء التلهف هو خوفه من عودته عندما كان يتوعد له "غسان"! ، زفر أنفاسه ووازن النظر ناحية الطريق مع رده على الهاتف بنبرةٍ شديدة في الهدوء وكأنه اعتاد :

_أيوة يا "ياسمين" .. حاضر ،هطلع على المكتب وورايا شوية حاجات هخلصها وأرجع أوصلك انتِ ومامتك على العمارة 

صمت قليلاّ يستمع إلى سؤالها المهتم ثم عاد يرد مبتسماً وبان خوفه على ترك والدته وشقيقته  في هذه الحالة  فقد تركهما أمس ورحل ثم قرر العودة اليوم :

_لا مش هنبات النهاردة في شقتنا ، خلينا نبات النهاردة معاهم، جهزي لبسي وأنا هخلص وهعدي عليكم علطول .

لم يستغرق كثيراً وقد أغلق الخط على الفور عقب ردها ووداعها الحنون، نظر ناحية الطريق بشرودٍ وزفر أنفاسه في صوتٍ عالٍ هذه المرة ، وكأن تنهيدته تشرح الكثيرمن ما يوجد بداخله!

« بينما في داخل إحدى الغرف في  مبنى المصحة»

كان يجلس أرضاً مشفقاً على حاله وهو هكذا ، آخر ما فعله هو دموع وبكاء ، ويديه وعقله يشعران بالعكس عن ما يمكن فعله ، إرتجف جسده من البرد الذي يشعر به بدون إرادة منه بسبب جسده المُحتاج ، هنا منذ أيام ، أيام يعاني بها بجهلٍ ولكنه استسلم ، لم يصرخ الا للإحتياج فقط بينما الصراخ الآخر ليخرج تخلى عنه بإستسلام وتحل محله الدموع الذي كان يعتقد بأنه  ففدها ، فهو وحده من بينهم كان قليل البكاء الا هذه الأيام ، إلا الآن عندما  مسح وجهه ونهض بتعبٍ ..

سار "حسن" بخطواتٍ ثقيلة ، ناحية أحد الأدراج الخشبية الملونه باللون الأخضر الذي يمتص السلبية  ،كل شئ هنا  تم وضعه بحرصٍ ، وُضع بعناية وتفتيش وتفحص بنظام كي لا يُخان الفريق بتهريب شئ ما من الشخص المتعاطي أو من اتباعه ، فهو لأول مرة يتفحص هذه الأدراج كي يأخذ سترة غير التي أخذت للغسل ، سحبه وكان بين أكمامه ورقة تم طويها نصفاً وتم قراءتها قبل ان توضع هنا!!

        

          

                

ما هذه الورقة ؟ ومن وضعها قاصداً ؟ ، ابتلع ريقه وانكمشت ملامحه وهو يتمسك برأسه بألمٍ فسحب مقعداً وجلس ملتقطاً الورقة بغير اهتمام ولكن ما أثار انتباهه هو شئ ما لم يغيب عن ذاكرته الذي دمرها الاحتياج نسبياً.

رسمة تشابك الإصبعين  "السبابة والوسطى" من يد شخصين ، تم رسمها بفعل يد تحترف الرسم ولكنها لم تدخل تعليم عالٍ ، هل كان هو ؟ صديقه؟

هذه الرسمة كانت حركة معهودة بينهما عندما كانا يفعلان أموراً شبابية ، لا يستطع أحد فهمها أو معرفتها سواهما ، كم من مواقف فعلت منهما ان عرفها وكشفت سيهربان معاً لمكان آخر ، ابتسم "حسن" عندما وصل تفكيرة لهذا وفرد كفه ينظر بشرودٍ ناحية أحد الخدوش التي تركت الأثر هنا, ثم تذكره لحادث الدراجة البخارية الذي أصاب "آدم", صديقه ومنع حينها من دخول الجيش ، فقد كان من المفترض ان يدخله بإعتباره لم يدخل جامعة بينما هو كان بجامعة اجلت له أمر الجيش الذي لم يمنع  من دخوله لانه لم يُصاب .. 

زفر أنفاسه وتم لهي عقله عن الصراخ والتوجع بل فتح الورقة الآن ينظر محاولاً التركيز بشتي الطرق كي يقرأ ، قراءته ببطئٍ على الأغلب  ولكنه سيقرأ مادام صديقه هنا ، بين هذه الأحرف الذي عرف في الحال من هو صاحبها  الذي تعامل بخفةٍ شبابيه كي يضع هذا في ملابسه دون معرفة أحد ، مازال مشاكس يرفع شعار الخفة والشباب بعقباته وحوادثه :

_ إذيك يا صاحبي ، أنا عارف انك ممكن متشوفش الورقة دي ، بس قولت أعمل حاجة بنت ناس ويا صابت يا خابت  ، بس متٱكد انها هتصيب بالصح زي ما عمرنا كنا في ضهر بعض وبنسيبها برضه يا تصيب يا تخيب ،  يمكن خيبنا كتير بس في كل مرة كان بيبقى نفسي نقب على الدنيا عشان تضحكلنا ،  مضحكتش ليك أنا عارف وحاسس .. وعارف انك بتعاني دلوقتي وبتتوجع وعارف كمان إنك ضايع ومقهور ومتكتف وعاجز ومش عارف تعمل ايه ، بس أنا معاك في الأوضة دي يا "حسن" ، معاك يا صاحبي وكنت هنا من قبلك ، عايزك تعرف انك قد الوجع ده وهتخرج منها أحسن من الأول،أ نا في ضهرك وعمري ما هسيبك..

تأثر "حسن" من هذه الأحرف واهتزت عدستيه وهو يغلقهما بتعبٍ ثم فتحهما وأكمل ما لفت انتباهه بعد ذلك :

_شايف الشباك الحديد اللي هناك ده !

كيف يعرف؟ ، طالع بعينيه الحروف الذي قرأها ثم حرك رأسه تجاه الشرقة المحكمة ، وعاد يقرأ ما دونه صديقه له:

_في هناك  تحته صندوق خشب صغير كده ، قوم افتحه يا "حسن" وبعد كده اقرأ اللي في ضهر الورقة ، وأنا هنا مستنيك يلا اتحرك !

        

          

                

عقد حاجبيه في استنكارٍ وكأنه معه للتو ، ولكنه نهض بتثاقلٍ حتى فتح المُبتغى ، ثم نظر نحو محتوياته بصمتٍ دام لدقائق ، ورجفة يديه من ما رآه تثير غرابته ، منذ متى هو هكذا ؟ ، نظر في ظهر الورقة بفضولٍ به لمحة من التأثر البسيط وقرأ :

_متستغربش، عرفت ان الأوض كلها بنظام واحد ، خرّج السجادة يا "حسن" ، وامسك المصحف ، وصلي وادعي واشغل وقتك بقربك من ربنا ، صدقني عمرك ما هتندم ، أنا عارف انك ممكن  تطنش زي ما طول عمرك كنت بتعملها معايا ،بس جرب كدة دلوقتي ،. أنا كنت زيك كده وبعد ما جربت وقربت مبقتش أحس بحاجة غير الراحة اللي عمرنا ما حسيناها ، افرد السجادة على الأرض وروح اتوضى وارجع  وانا هنا مستنيك ..انا هنا معاك يا "حسن" ، في ضهرك وعمري ما هسيبك !.

لمرة أخرى يعيد جملته ، متفهماً ما يجتاح الآخر الآن ، كان في موضعه ، كان أيضاً يشعر باحتياج هذه الكلمات وقتها !!

كانت هناك كلمات لم يكملها توقف إلى هنا وسقطت دموعه خلف بعضها بإضطراب لم يشعر به ، بل هنا حيث يديه التي ترتعش ما ان خُذل وخذلته نفسه لأنه فقد قدرته على فهم خطوات الوضوء بترتيبها !! 

ترك الورقة برفض وخزيٍ من حاله ، هذه المرة كان رفض بخزيٍ لأنه يرى أنه شخص لا يستحق هذه الخطوة ، شخص فقد الكثير ، شخص لا يصلح للتقرب من عظمة الخالق..

هل الٱخر كان يعلم ذلك ؟ كام يعلم أنه سيخجل من هذا ؟. المُراد وصوله إلى شعوره بالخجل ، ثم السؤال ، هل بداخل قلبه نقطة بيضاء بين كل هذا السواد الذي يُهلكه ؟ ويهلك عقله ؟ ،  كان قد ترك الورقة واستدار يجلس على الأرض كما هو ، وأصوات عقله تتداخل فأغمض عينيه بإنهاكٍ و نفض هذا من بين تفكيرة ..

هناك إشارتين سيأتيا في الحال؟ ، رُبما قدرة الخالق جعلت الآتي يحدث بأسباب تجعل شخص آخر يدمع عينيه من التأثر ،  والذي حدث ان نسمة ما من هواء الشرفة المحاطة بحديدٍ جاء منها هواء جعل الورقة تطير أمام ساقيه في الحال ، فزفر أنفاسه بهدوء وتركها كما هى على الأرض مرة أخرى .!! 

أراد ربه أن يقربه إليه ، ربما شخص ليس محبوب لدى العامة ولكن لدى ربه أفضل ؟، وللمرة الثانية يجهل هذه الرسالة والعلامة فجاءت له علامة وإشارة أخرى جعلته ينتبه لكتابة "بسم الله الرحمن الرحيم" حيث انتشلها بسرعة كي لا يترك بسملة واسم الله العظيم على الأرض فوقعت عينيه على بقية ما لم يكمل قراءته صدفةً لم تكن صدفة!! :

_رجعت؟،  أنا عارف إنك ملقيتش حد يوعيك عشان كدة هقولك ازاي تتوضى صح!

        

          

                

نظر ناحية الأسفل في فضولٍ وإراة على المعرفة ، فطوال حياته يتوضأ بغير ترتيب تحت مسمى الوضوء ، تارك الضمير هكذا ميت ! ، لا يعلم بأن الله يرى! ، ابتلع ريقه وركز مع الكلمات الآتية التي اختارها الآخر بعناية كبيرة وسهولة في الألفاظ ليفهم صديقه بسرعة :

_ أول حاجة يا "أبو علي" .. تسمي الله ، "بسم الله الرحمن الرحيم"

هل هذه ما كانت سبب في انتشاله الورقة ورؤية كل هذا ، لا يعلم لما خفق قلبه وهو يرى دائرة بها كلمة الوضوء وأسفلها أسهم بأرقام مرتبة بعملية وشرح مفسر من "آدم" الذي  اتسم بالوفاء والإخلاص:

_ اغسل إيدك تلات مرات يا "حسن" ، وبعد كدة تتمضمض تلات مرات وتستنشق تلات مرات   ،. بعد كدة تغسل وشك تلات مرات بودانك ودقنك من تحت وكله ، ، بعد كده اغسل ايدك لحد مرفقينك  تلات مرات كمان  برضه ، وبعده تمسح على راسك وشعرك تلات مرات ، وودانك تلات مرات، وبعد كدة اغسل رجليك لكعوبك تلات مرات .

ترددت يديه في ترك الورقة ، تمسك بها الآن بقوة كمن يتمسك بشئ ثمين ، ونظر ناحية المرحاض الصغير  وعاد ينظر ناحية آخر شئ دونه بعد هذه الأسهم :

_ وادعي وانت بتتوضى وقول:أشْهَدُ أنْ لا إله إِلاَّ اللَّهُ وَحْدَهُ لا شَرِيك لَهُ ، وأشْهَدُ أنَّ مُحَمَّداً عَبْدُهُ وَرَسُولُهُ ، اللَّهُمَّ اجْعَلْنِي مِنَ التَوَّابِينَ ، واجْعَلْني مِنَ المُتَطَهِّرِينَ ، سُبْحانَكَ اللَّهُمَّ وبِحَمْدِكَ ، أشْهَدُ أنْ لا إلهَ إِلاَّ أنْتَ ، أسْتَغْفِرُكَ وأتُوبُ إِلَيْكَ .

تنفس "حسن" بعمقٍ وابتسم له وكأنه بجواره عندما قرأ بقية الكلمات ووداعه الذي أحزنه بعدما جعله يشعر بأنه هنا معه :

_كده أنا قولت كل اللي نفس اقولهولك واللي نفسي تعمله ، متنساش تقرأ من المصحف يا "حسن" ، وعادي تقرأ سور صغيرة لو مش قادر تقرأ الكلام الكبير ، بس لو جيت تقرأه هتتعود ولسانك هياخد عليه ،  مع السلامة يصحبي ، مستنيك تخرج ، مستنيك زي الأول وعمري ما هلف ضهري ليك إلا في اللي يضرك ويضرني ، ساعتها هلف زي ما لفيت بس مش هبطل أحاول اخليك كويس  وأفضل من الأول ، متنساش بقى تدعيلي معاك ، يا بختك لو شوفت  الورقة دي وقرأتها ، ربنا بيحبك لو بتقرأ دلوقتي يا أبو علي ، قول كل حاجة لربنا وهو سامعك فأي وقت ،. وقابلك وحابب قربك منه  ،  اتمنى تكون شوفت الورقة وعملت بكل اللي فيها ، واخرج بقا عشان  أنا من غيرك مبعتمدش صحاب غيرك يالا ، انت صاحبي وطريقي  حتى ولو كنا ايه .

        

          

                

نقاط تفصل بين العقل والمزاح ، لم يصدق أنه ضحك بصوتٍ الآن عندما قرأ نهاية الآتي :

_ قبل ما أقولك سلام ، كنت هنسى أقولك اني اشتريت الكلب من الواد " بندق" جارنا زي ما كنت بتقولي انك عايز تشتريه بس ابوك الله يرحمه مكانش موافق يدخل بيتكم  ، "فريدة" اختك سميته "أمان" ، بصراحة اسم على مسمى ومستنيك تيجيله عشان عارفك بتحبهم أوي ، واسمحلي أنادي قلة الأدب اللي عاينها لحد ما نكون مع بعض  من تاني عشان انا دلوقتي مؤدب ومحترم وراجل متجوز ومسئول عن بيت وعن أختك اللي بقت مراتي يالا ،  بس بص ! ..بكل قلة ادب بقولك مع السلامة يا بن المتدايقة ، ياللي اختك الحلوة وقعتني فيها وشكلك كدة هتخرج على عيال يقولولك يا خالو مع انك أهطل!. 

ضحك رغم حنقه من الكلمات ، وعاد يقرأ بعد رؤيته لسبه  له بمرحٍ :

_سلام يالا يا بن زينات!

لم يشعر بنفسه إلا عندما نبس بصوت مبحوح من كثرة الصراخ وقال من بين ابتسامته الباهتة :

_ سلام يا بن جنات.

ترك الورقة عقب قولها بمشاعر مضطربة وحماس الحياة في الخارج أرسله له "آدم" بين الكلمات ببراعةٍ وخفة وقبول يتميز به على الأغلب ، ابتلع ريقه ، وسار خطواتٍ بطيئة إلى بداية المرحاض ، نظر ناحية خطوات الوضوء يتذكر ثم تركها على المقعد ، وتخبطت ركبتيه قبل الدخول لفعلها..

ٱغمض "حسن" عينيه بهدوءٍ وألم ووجد نفسه يهتف من بين شفتيه :

_أنا عارف اني مستحقش ده بعد كل حاجة عملتها ، بس كنت بسمع الشيخ في صلاة الجمعة بيقول انك حنين اوي على العبد أكتر من امه ، أمي مورتنيش الحنان اللي كنت عايزه يارب ، أنا أناني وانا بقرب عشان عايز ارتاح الراحة اللي "آدم" بيقول عليها ، أنا أناني وأنا آسف!! .

كان يعجز عن الحديث ، خرج الحديث  منه وكأنه يتحدث كما يتحدث دون شروط ، تركها تأتي كما تأتي والشئ الذي يعلمه ان الله غفور رحيم بعباده، دخل بأيدي مرتجفة يبدأ بخطوات الوضوء وسارت القشعريرة في جسده كمن لم يرتعش من قبل ، بوادر التقرب الذي كان يراه ثقيلاً ، صعباً كونه لا يفقه شىء، وسهلاً عندما  تبدأ في خطواتك الأولى فتتيقن حينها أن الصعب هو ابتعادك عن طريق الاستقامة والهداية!!

اختيار الصديق هو اختيار الطريق ، لم يختار أي منهما طريقه في البداية وجعلتها الأيام والحياة سيئين تحت مسمى الضحية التي لم تستمر طويلاً حتى تمسك كل منهم بمبادئ عاش معها وزاد فيها السوء أكثر ، ومؤخراً نهض وهرب منها أحدهم بصعوبة أصبحت سهولة وأصبحت فخر توصل إليه حتى الآن ، حتى وهو يرشد صديقه إلى النور وهو بعيدا عنه ..

        

          

                

من يريد أن يتوصل لك سيٱتِ بشتي الطرق الممكنة وبكل المحاولات ،حتى وان  توقف يقطع طريقه الكثير ، حتى وان منعه الأكثر ، من يريد لا يترك من يريد لا ينتظر ، ولا يرحل أبداً!!

خرج"حسن" وفرد السجادة ومد يده يتمسك بالمصحف بكفين باردين ونظر ناحية الصندوق فوجد بطاقه أدعية ، وقف أولًا يرفع يديه وخفقات قلبه تزداد بقربه من الخالق الذي كبّر له الآن مرددًا بمشاعر عدة  لا يتفهما الآن ولكن بها راحة ورهبة كونها أول مرة رهبة ضاعت وفاز عليها الاستسلام الوحيد الذي يريده المرء:

_"الله أكبر ."

الله أكبر من أي شىء وكل شئ ، أكبر من احتمالات وأكبرمن أفكار وتفكير ، وأكبر من كلمات كانت تُردد له بإستحالة تغيره وتحسنه للأفضل في التعامل والأسلوب والافعال ، الله اكبر وأقوى من مجرد وسواس ينصت له المرء ويغضب ربه ، ربه الذي يتقبله فيما بعد بكل قبول ، رُبما مثل الآن.

_فَيَا عَبْدًا يَضِيقُ بِكُلِّ إِثْمٍ وَيَرْجُو اللَّهَ تَسْدِيدًا خُطَاهُ 

تَقَدَّمْ نَحْوَ بَابِ اللَّهِ تَظْفَرْ بِتَرْحَابٍ تُرَدِّدُهُ سَمَاهُ 

كَرِيمٌ لا يُخَيِّبُ ظَنَّ عَبْدٍ تُمَدُّ إِلَيْهِ فِي ذُلٍّ يَدَاهُ 

فَكَمْ لِلَّهِ مِنْ فَضْلٍ عَلَيْنَا وَيُمْنَاهُ تَجُودُ بِمَا قَضَاهُ 

حَلِيمٌ لَيْسَ يَعْجَلُ فِي عَذَابٍ إِذَا مَا الجَهْلُ مُرِّغَ فِي ثَرَاهُ!

______________

_يختي  دا حملها صعب أوي ، أقولك على حاجة كلام في سرك يعني ؟ قلبي متوغوش  ان البت" نيروز"مرات ابني دي  تولد بدري فجأة ، دا يدوب أكلت امبارح بسلة "فرح" بنتك كانت عملاها معايا ، ويادوب أكلتها من هنا يا "حنان" وعينك ما تشوف الا النور ، رجعت علطول!!.

خرجت الكلمات في جلسة ثرثرة بين "دلال" و"حنان" والفارق منذ آخر الأحداث يوم ونصف فقط ، كانت تحاول الهاءها عن الحزن من فراق فلذة كبدها فيما جابَ الحديث بعضه وهما معاً الآن على منضدة المطبخ وفي الخلفية تقف "فرح" تذوب "الشراب" في الإناء الكبير حيث اقترب موعد الغداء ، "غداء متأخر بوقته " ، نظرت لها "حنان" بإنصاتٍ وابتسمت تدعو لها مرددة بصفاءٍ ونقاء:

_لا بعد الشر من الولادة الفجأة يا حبيبتي ، متخافيش هما بنات اليومين دول كدة ، معتش مِرّوة  ولا صحة زي زمان ،  زمن الخير والعز والقوة راح خلاص يا أم غسان ، بس صلي على النبي في قلبك كده ، وان شاء الله ربنا هيسترها وتبقى حلوة ، ما هو الحمل برضه مش سهل ، انتِ مجربة يا ختي يمكن الحمل في توأم صعب ولا حاجة الله أعلم !

        

          

                

ضحكت "دلال" على آخر حديثها وأكدت:

_عندك حق يا أم عز واللهِ ، البنات يختي مبقوش زي زمان ، كانت الواحدة تولد وتاني يوم تقوم تشوف مصالحها ، طب واللهِ أنا كنت حامل وبشتال الأنبوبة على قلبي كده ، الصحة والبركة اللي في زمان راحوا، مش زي دلوقتي ، يوم تكون البت كويسة بس متقدرش تعمل حاجة ويوم نايمة وواخده علاجها وبترجع وحالتها صعبة , يلا ربنا يستر وتقوم منها على خير وبخير!

حديث نساء ، وثرثرة أغلبها فارغة والأخرى تهم البعض ، قبل أن تؤيد هى وقبل ٱن تُجيب جاءت "فرح" من الخلف تبرر بطيبةٍ :

_مش حكاية قوة ولا ضعف ، الحمل بيختلف من واحدة للتانية يا طنط ،أكيد معدتها تعبانة أو قولونها  مثلاً هضمي وعصبي بيتأثر بسرعة بأقل الحاجات ، "نيروز" من زمان صحتها مش كويسة  أو مش اللي بتستحمل أوي ، ربنا يقومها بالسلامة  يارب ويجي أولادها سالمين معافين!

فأشارت لها "دلال" بتضامن ورددت :

_على رأيك يا "فرح" ، يلا عقبالك يا حبيبتي وتبقي أحسن من كده ولا انتِ يختي طرية  ومش هتستحملي وتحسرينا معاكي !

توردت وجنتي "فرح" في خجلٍ وأكملت فيما تفعله فيما ردت "حنان" بإبتسامة هادئة :

_ان شاء الله ربنا يتمم بخير ويعطيها القوة ساعة ما يرزق.

لم تتوقف ثرثرة "دلال" ولكن خرج صدقها بدفاعٍ فطرى رآه البعض تفخيم بولدها حينما قالت لهما :

_ آمين يارب ..بس واللهِ "بسام", ابني عاقل ونضيف ومنظم مش هيجهدك يا " فرح ". ولا هيتعب في قلبك ، ان شاء الله تبقي مرتاحة كدة بدل يا ختي ما يقلبلك المطبخ ويمشي أو بدل ما يكون واحد سايب اللي وراه واللي قدامه يضرب يقلب كده ومش مرتب  زي ناس كدة الله يهديهم يارب ويصبر مراته عليه بقى!

لمحت بقليل من المرح على "غسان"  والتي لم ترض قولها صراحةً كي لا تضع عليه أي ذنب ٱو خدش أمام غرباء عن عائلتها الصغيرة ، ضحكت "فرح" بخفةٍ واستمعت لقول والدتها الهادئ :

_لا بسم الله ماشاء الله والله دكتور بسام زينة الشباب ومريح فعلاً ربنا يحميه ويكمل فرحتهم على خير ، أصل هقولك برضك يا أم غسان ؟ "فرح" برضه بتزهق من المطبخ بسرعة ، فـ ما جمع الا ما وفق ، وبسام شاطر أوي ، هم حرين يختي مع بعض بقى احنا مالنا .

ضحكت "دلال" على كلماتها ، في حين التزمت "فرح" الصمت وهي تبتسم بشرودٍ ،. استمرت فيما تفعله بشرودٍ ، قطعته هى وهى تستأذن للإنصراف بضع دقائق كي ترى مرة أخرى "وسام" بعد أداء إحدى الاختبارات التي أدتها وعادت بعد وقتٍ على الرغم من اطمئنان الجميع دون استثناء .

        

          

                

فيما كانت هى في الغرفة تجلس أمامه مبتسمة بإتساعٍ بسبب ما يفعله ، من تمشيط لخصلاتها  ، كان يتحكم بمسك المشط برفقٍ على رأسها وسألها للمرة التي لا تعرف عددها :

_يعني الجغرافيا كانت سهلة ؟

تأففت "وسام" من تكرار السؤال ،. فصمتت والتفتت برأسها ترد في ضجرٍ :

_ما خلاص بقا يا "بسام" الله!!! ، انت عارف كام مرة سألتني السؤال ده؟ انا حليت وخلاص معتش عايزة افتكر بقى!

طالع حنقها وضيقها الشديد ، فنظر بتعجبٍ وسرعان ما اعتدلت تشير له بحنقٍ :

_هه خلصني يلا ، اعمل الكحكة خليني أقوم أوريك  المفاجأة اللي عملتهالك!

ابتسم"بسام" بهدوءٍ وهو يعقد خصلاتها برفقٍ وضرب عنقها من الخلف موضحاً :

_خلي خلقك واسع يا بت ، أنا بسألك عشان أطمن انك معايا على الخط ومسبكيش مع دماغك اللي هتقعد تفكر في الإجابات ، كل ده خلاص في زمن كان ، طولي بالك كدة شوية .

صمتت دون رد وراضته بإبتسامة لم يلاحظها إلا عندما واصل يوضح بحماسٍ :

_ها؟ ، أنا مستني المفاجأة اللي بتقولي عليها دي بصراحة وربنا يستر بقا .

_اطمن يا بيسو ، حاجة هتعجبك أوي.

عقد خصلاتها على شكل كعكة في الخلف ، واسند المشط برفقٍ ،فإلتفتت له تنظر فوجدته يبتسم بعدما انهى مُهمته ، وخرجت نبرته المازحة حينها:

_يلا خليني أشوف المفاجأة ، واسيبك تذاكري ، انتِ بتتمرقعي وواخداها حجة ولا ايه يا ويسـو؟

ضحكت رغماً عنها وهى تحاول رسم علامات الضيق على وجهها ، فنهضت تجلب ما فعلته له وحفظتها على جانب معين من المكتب بين الأوراق ، انتشلتها برفقٍ وعادت تجلس ثم أخذت أنفاسها وهي تقدم له الشئ الذي بين يديها ، فطالعه بفضولٍ وأمسك منها هذه الورقة الذي كان عليها غلاف رسمت في أوله رمز العين دون تفاصيل ، فيما فتحه ووقعت عينيه على آخر شئ كان يتوقع حدوثه ..

صفحة الورقة بأكملها بَصَمت بها براعتها في الفن والرسم عندما ذُهل ولم تفشل كل مرة في ان تدهشه ببراعتها ، هنا في صفحة الورقة حيث رسمة عيني "فرح" لصورة طبق الأصل من الحقيقة ، ابتلع "بسام" ريقه وقبل ان يعظم بما رآه سألته هى بإبتسامةٍ هادئة :

_ايه رآيك  عجبتك؟ 

حرك رأسه بتيهةٍ ،. وخرجت أنفاسه بهدوءٍ وهو يحرك رأسه بنعمٍ مردداً بصدقٍ :

        

          

                

_مش عارف هي حلوة كدة إزاي؟؟ 

وتاه بالفعل  وهو يسأل مجدداً  :

_ من حلاوة رسمك ولا من حلاوة عينيها؟!!

تشتت ، على الرغم من انها مزحة ، ولكنه رددها بتأثر ، لم ترض مشاكسته بالغرور بل اعتدلت تفسر له بنبرة هادئة :

_بصراحة ، ماشاء الله والله أكبر ، عيون "فرح" جميلة أوي ، سواء كنت بتحبها أو مش مهتم لرسمتها ،فأنا كنت قررت أعملها ، ولما حسيت بالملل قولت خلاص نصييبها أرسمها وآخد ريست فاصل كده بين المذاكرة  ، فصممت الغلاف ده ورسمتها جوه في يوم على ما خدت وقت في التفاصيل وجبت منها صورة من غير ما تحس، وتحت الرسمة بص كدة هتلاقيني سيبت ليك ٣ سطور للكلام اللي عايز تقوله وتكتبه ليها وتديهولها ، حاسة ان في الوقت ده الهدية دي هتفرق في نفسيتها أوي.

ورغم تأثره من طيبتها الغير معهودة دائماً والتي فاجئته الآن الا انها لم تترك له مجال للرد بل واصلت تكمل بتوضيحٍ :

_هى اليومين اللي قعدتهم هنا ، حسيت انها زعلانة أكتر ما كنت متوقعة انها تزعل كل الزعل ده ، حاولت أخفف عنها بس هي حاطة فكرة اني ثانوية عامة ومش بتسيبلي فرصة أواسيها عشان الوقت والمذاكرة ، لكن لاحظت انها مش تقيلة وانها بتتكلم وبتحكي ، أنا زعلانة عشانها أوي يا "بسام" ، لأنها دخلت عندي الأوضة تاخد الاسدال والسجادة بليل وقعدت تعيط وهي بتصلي ، بقيت عاجزة أقوم ولا لا عشان متتحرجش ، بس تعرف؟ انا مش متفاجئة من الزعل ده كله ، انت  و"غسان"  عندي حاجة كبيرة وبخاف عليكم أوي ، عشان كدة انا حاسة بيها ، بس صدقني بجد أنا مش عارفة  أساعدها .

مشاعر متضطربة ٱتت من التعلق بها ، ربما  ما بجذب "فرح" دوماً عن "نيروز" هى الخفة التي بها وتتشارك بها دوماً دون وضع حدود منغلقه ، بينما يعرف عن"نيروز", بالعقل والصمت دوماً حيث لم تشارك مع أحدٍ شىء خاص بها كون هذه هى طبيعتها الهادئة ، بينما الأخرى تأخذ وقت للتعارف قصير عكسها !

طالعها "بسام" وهو يتمسك بالورقة ، ولم يفعل ما سيفعله هذا كثيراً ،. عندكا انتشل كفها وقبله برفقٍ ورد في هدوءٍ يطمئنها كونها تشعر بالعجز عن مواساة شخصية أصبحت مقربة منها في وقت ضغط هكذا :

_تسلم إيدك اللي تعبت ورسمت ،  أنا مبسوط عشان انتِ  مهتمة في وقت الضغط ده ، بس أنا مش عايزك تحسي بالعجز ، أنا عارف "فرح" بتمر بإيه وبحاول بكل الطرق أخفف عنها ، متزعليش عليها ، أنا دايخ أنا و"غسان" و"آدم" وحتى "حازم",و"بدر" عشان بس نوصل  للمكان اللي فيه رقم "عز" المقفول وهانت ان شاء الله.

        

          

                

اطمئنت من حديثه  نسبياً وابتسمت بتأثرٍ قبال قوله الممتن:

_المهم اني حابب أقولك شكراً يا "وسام"بجد

مدت "وسام" كفها بمرحٍ وهي ترجع خصلاتها الأمامية خلف أذنها وهتفت بمزاحٍ :

_ العفو ، هات حقها بقى!

ضحك "بسام "بصوتٍ عالٍ هذه المرة ، فإلتفتت تقدم له القلم كي يكتب أسفل الرسمة التي تفننت بها ، فانتشله بيديه اليُمنىٰ ، وأسند على فخذها بمزاحٍ الورقة ورتب ياقته بغرورٍ زائف وكأنه يمضي عقد  مع إحدى الشركات

الكبرىٰ ، ضحكت على أفعاله وبدأ هو يدون في الأسطر بصدقٍ نابع من فؤادة :

_" أرى كل الأعين بعينيَّ ، إلا عيناكِ لم أرهَا إلا بقلبي ، حينها أكتشفت ولأول مرة أن عدستي قلبي أصدق من الأخرتين "

لم يتوقف خط القلم إلى هنا بل واصل أسفل هذه الكلمات مباشرةً :

_والآن أنا هنا أتساءل! : روتين رموشك ايه وحياة أمك ؟

انطلقت ضحكة رنانة من "وسام ", التي قرأت مضمون ما كتبه فضحك هو الآخر فيما غمزته هى ما ان وضع الورقة بجيب سترته بعدما طواها واقترب بمرحٍ يقبل وجنتيها بقوةٍ فتقززت وهى تبعده عنها  وسرعان ما نهض يشير لها بالخروج ،. فإقترب من الباب كي يفتحه..

تزامناً مع ذلك كان القرار منها قد صدر عندما قررت الذهاب للإطمئنان عليها وبعدما فتح هو الباب  كانت هى على بعد ثلاثة خطوات فوقفت تبتسم له بهدوءٍ فيما أغلق هو الباب مع سؤالها المقابل :

_هى كويسة ؟ ولا زعلانة من الامتحان ومش عايزة تقول ،. أنا كنت لسه راحة اطمن عليها تاني.

ابتسم "بسام" على اهتمامها ورد بنبرةٍ مازحة:

_كويسة اطمني ، وسيبتها تذاكر التاريخ بقا ، شوية وهتلاقيها خارجة تتعارك مع ولاد محمد علي!

دائماً ينجح في التخفيف عنها واخراجها من ما هى به بانطلاق الضحكات منها على مرحة الذي أصبح معتاد بينهما ، ضحكت بصوتٍ كبتته في النهاية ودعت بها في نبرة بها أثر الضحك:

_طب ربنا معاها يارب.

ابتسم "بسام" وهو يقترب ودعى لها هى الأخرى بصدقٍ :

_ومعاكِ انتِ كمان يا "فرح", ويخفف عنك اللي أنا مش قادر أخففه عنك.

تلقى منها بسمة صغيرة ، وابتلعت ريقها وهى تسأله بتعلقٍ وعينين تدمع على الفور كلما تسأله  هذا السؤال :

_مفيش أخبار عن "عز"؟!

_هانت واللهِ 

أجاب بذلك فقط حتى لا يفتح محور وجع بالنسبةِ لها وقطع الآتي صوت "دلال" وهى تخرج من المطبخ فنظرا لها بمجرد ما صاحت عالياً :

        

          

                

_يلا يا "بسام" ، أدخل غير يلا عشان شوية وهحط الغدا على ما أبوك يقفل المحل ، و"غسان" يجي من بره وعشـان كمـ...

قاطعها من كلماتها السريعة مردداً بمرحٍ :

_خدي نفسك ، خدي نفسك بس يا  ماما بدل ما تروحي مننا.

ضحكت "فرح" حينما اقترب يردد لها بذلك فضربت "دلال" موضع قلبه قائلة بضجرٍ :

_انت بتتريق عليا؟ بتقاطعني دك ضربة في قلبك؟

أمسك موضع قلبه على الفور وهرول ناحية "فرح" متلمساً ذراعها في خفةٍ وهو يسألها بجدية جعلتها تتوقف عن الضحك بغرابةٍ من ما يفعله:

_فرح،  انتِ كويسة؟

هزت "فرح" رأسها  وعقد حاجبيها تسأله أمام وجه والدته المنصدم :

_آه  ، ليه؟

زفر "بسام" أنفاسه مع اقتراب والدته منه وأخرج الهواء تزامناً مع قوله وهو يجيبها بجديةٍ مشيراً نحو والدته :

_أصلها قالتلي دك ضربة في قلبك!

انفلتت ضحكات "فرح" بقوةٍ ومهما وضعت يديها على فمها تكمم ضحكاتها تفشل فيما شهقت "دلال" وهي تضرب صدرها:

_يا حلاوة خلفتك يا دلال ، يا حلاوتها!

سخرت وهي تلوي شفتيها فإقترب يقبل وجنتيها بقوةٍ وجذب "فرح"من ذراعها ففعلت مثله وهي تقبل وجنتيها برفقٍ حتى ضحكت مستلمة ورددت بحبٍ :

_ربنا يريح بالكم ويسعدكم دايماً 

ولم تترك لهم الفرصة كالعادة بل رددت سريعاً بلهفةٍ وعجالة:

_  يلا زي ما قولتلك يلا ، على ما مرات أخوك تنزل حط مفرش السفرة ونادي "وسام" تيجي تساعدني انا و"فرح" عشان "نيروز" متعملش ويبقى اسمها تعبت عشان عملت عندي حاجة ، خليها  متلصمة ربنا يشفيها  ،فيلا شهل كدة معايا .

والدة زوج ، على الأغلب لن ينج أحد من هذا الحديث المنتشر بالثرثرة المعتادة ،كانت حانقة منها لأنها لا تقضي الوقت معها الا انها سريعاً قدرت الوضع بتعبها فتركتها على راحتها كي لا يخسر ولدها ..

نظرت"فرح", ناحيتها بإبتسامة هادئة ولبت قولها سريعاً ما ان نظر لها "بسام" بصمتٍ تعتاده والدته منه لأنه  دوماً ما يتخطى لها ويتركها تتحدث كما تشاء دون  رد ، اقترب هو من غرفته ليبدل ثيابة فيما اقتربت "فرح" من المطبخ تساعد والدتها هناك ، بينما اقتربت "دلال" من غرفة ابنتها كي تخبرها بموعد الغداء المتأخر هذا !!

        

          

                

____________________

_هتخلصي تطبيق الهدوم دي امته يا "نيروز"، زمانهم مستنينك تحت وانتِ بتقولي الغدا عند حماتك النهاردة ، مش حاسة انك إتأخرتي؟

سألتها "جميلة" التي صعدت بإلحاحٍ من "نيروز" كي تجلس معها لتقوم بإلهاءها ، تابعت كلماتها باهتمام وهي تطوي القطعة القماشية بين يديها والأخرى تساعدها بهدوءٍ فيما ردت "نيروز" بتوضيحٍ :

_خلاص قربت أهو ، "غسان" أصلاً لسه مجاش ، فعشان كدة براحتي على ما اخلص اللي ورايا  لأحسن لو نزلت مبعرفش أطلع الا بصعوبة وببقى ورايا حاجات كتير أوي وماما مش دايماً معايا ، انتِ عارفه انها رجعت الشغل وساعات بتروح  لـ "وردة" والنهاردة بتقول انها خرجت من الشغل على شقة "ياسمين" تنضف معاها شوية وهيرجعوا سوا، فأنا بحاول اخلص عشان لما ننزل نقعد تحت اقعد مطمنة ان مش ورايا حاجة تتعمل،   

ثم ختمت كلماتها المفسرة بسؤالها المهتم :

_هوانتِ مش هتيجيلنا على هناك بعد شوية تقعدي معانا  ولا ايه؟.

تابعت "جميلة" آخر سؤال منها بتعبٍ واعتدلت بإرهاقٍ تطالعها بشرودٍ بسيط ، فأجبرتها "نيروز", وهى تحرك رأسها متساءلة ، فردت "جميلة" بثقلٍ :

_مش عارفة ، أنا بقيت عايزة آجي التجمع ده وبهرب منه بسبب  مامت "عز" و"فرح" ، حاسة اني السبب في انه مشى ، بقيت مقتنعة انه مشى عشان اتكسر ومش قادر يبص في عيني بسبب اللي حصل وبس ، بيحسسوني بالذنب كل ما بشوفهم يا "نيروز"، أنا فى غنى عن ده ، أنا لو عليا مش هخرج بره أوضتي بس بطلع عشان خاطرك ، ده حتى "فريدة" قالتلي عايزاكي وأنا مقدرتش أروح امبارح مع انها شكلها كانت محتاجاني فعلاً بس انا معنديش طاقة امشي هنا ولا هنا.

تفهمت حملها لذنب ليس لديها الذنب به من الأساس تلمست "نيروز" كفها بحنوٍ واحتوتها بتفهم قائلة :

_متحمليش نفسك ذنب زي ده يا "جميلة" ، "عز" لما مشى وساب كل حاجة فهو مشى عشان معتش قادر مش أكتر ، أنا مش ببالغ بس أنا حاسة بيه وحاسة لما الواحد بيبقى عايز يهرب ببقى حاسس بإيه ، ولو على موضوع "فريدة" فمتشيليش هم هي أكيد مقدرة ،. بس انتِ برضه متقفليش غلى نفسك كدة ، طب ايه رآيك بقى اني هاخدك ونروحلها النهاردة ونتمشى.؟

رددت "نيروز" حديثها بهدوء ودعم لـ "جميلة" التي ابتسمت تحاول الرفض بطريقة غير مباشرة حينما قالت :

_ خليها مرة تانية ، طنط "زينات" عندها من الصبح.

نظرت إليها بضجرٍ زائف ووضعت قميص زوجها على جانب وهى تردد:

        

          

                

_ واحنا مالنا بـ "زينات"، أنا بقول احنا ، وبعدين علفكرة هى مكلماني برضه وقولتلها هحاول اجيلك ، وهتيجي يا "جميلة" معايا ومش هقبل أعذار هه ، دا اذ كان "ياسمين" كانت عندهم امبارح ، الولية الحامل يا قادرة  راحت لاختك تقعد معاها ومع اختي وانتِ ملكيش مزاج تروحي لاختك؟؟؟؟

ضحكت "جميلة", عندما فهمت انها تريد مشاكستها على الرغم من انها تعذرها جيداً فضحكت مع خروج نبرتها الضاحكة بخفةٍ :

_طب متقوليش كدة قدام "فريدة"  عشان متزعلش ، أنا مش حكاية مليش مزاج ، بس أنا هبطانة أوي ومش قادرة بقالي يومين ، معرفش بقا ده من نفسيتي ولا تعب عادي ، بس يلا معدتش فارقة  كدة كدة !

نظرت "نيروز", ناحية يأسها بحزنٍ، فإنتهت من الملابس وطويها فنهضت "جميلة" تحمل عنها الطبق وسارا الإثنان ناحية غرفة  النوم ، حتى وقفت أمام الخزانة لتضع الملابس ، وحينها خرج صوت "نيروز" بإنتباهٍ وهى تقوم برص الملابس بتنسيقٍ :

_بلاش الحزن ده كله يا جميلة ، شكلك بقا مطفي وانتِ ملامحك متستاهلش ده ، انتِ جميلة واللهِ 

دعمتها مجدداً فابتسمت "جميلة" لها وطالعت هيأتها في المرآه بصمت هي من قطعته وهي ترد :

_عز يستاهل أزعل عليه العمر كله يا نيروز ، أنا اللي مصبرني اني معلقة نفسي ومستنية يرجع فأي لحظة ، مع ان لو رجع مش عارفة ساعتها هيكون رد فعلي ايه ، أنا زعلانة عليه ومنه أوي ومحدش فاهم حيرتي وتوهاني ده!

لمعت عينيها وهي تناولها  الملابس ، فنظرت "نيروز" بتعاطفٍ وتركتها تكمل وتخرج ما هو مكبوت داخلها :

_أنا تايهة اوي ، تايهة من زمان، ولما فكرت اني هرتاح كنت هبلة ، دا أنا حتى مسملتش من أذى نفسي بعد ما اتأذيت من كل حاجة ، وكتت بقعد أفكر هو ايه اللي مأخر الحمل ونسيت انه رزق ، بس حتى هو مكانش متدايق من ده ،. بس شكلي اتعودت على عدم الراحة لما بقعد انغص على نفسي كل حاجة كده .

ابتلعت "نيروز" ريقها بهدوءٍ وواستها قائلة بعقلٍ :

_الحمل ده فعلاً رزق يا "جميلة" وفي كل حاجة فاكرينها شر ببقى فيها خير ، تخيلي مثلاً كنتي حامل وحصل كل د وعز برضه كان مشى ، ساعتها كنتي هتبقي لسه حامل وانتِ بحالتك دي؟

رفضت بأعين لامعة فوجدتها تتلمس معدتها بحزنٍ وقالت:

_مش كدة بس أنا حاسة بحاجة محدش غيري فاهمها ، أنا كنت عايزة اتبسط وابسطه معايا بخبر زي ده كنت بفضل احسبله واستناه وفي الآخر بيطلع مفيش حاجة ، عز شاف كتير ومن حقه يفرح بس حتى الوقت مستناش ولا صبر علينا نستنى كمان .

        

          

                

_والله هيرجع وهترجعوا وهتبقي أحسن أم في الدنيا لما ربنا يأذن ، وبعدين يا ستي  ما ولادي ولادك ، وكويس انك مش هتبقي ملبوخة في حاجة عشان تبقي تشيلي عني واحد بقا وأنا واحد ما أنا مش هقدر لاتنين ، عارفة؟ لو كان في أوبشن اني اعطيكي عيالي تشيليهم في بطنك كنت هعطهملك بقا لإني مش قد التعب ده كله والله يا جميلة ، أنا ضهري مموتني وساعة مش طايقة نفسي ، أنا كنت بعيط من ضهري امبارح بليل ومنمتش منه ، متستعجليش ابوس ايدك بقا ، دا كتر خير غسان انه مستحمل تقلباتي المزاجية دي وساكت.

ضحكت "جميلة" واقتربت في حبٍ تتلمس معدة "نيروز" البارزة ، ثم عانقتها بحبٍ وردت متفهمة :

_والله أنا عارفة ان حملك متعب، ربنا معاكي ويقومك بألف سلامة 

مررت كفها على ظهرها ثم اعتدلت مرة أخرى لتجد سؤالها :

_ متعرفيش حاجة عن عمتك وعيالها ؟

تابعت "جميلة" كلماتها  بتشنجٍ وخرج ردها المقهور وهى ترد قائلة:

_ولا عايزة أعرف ، أنا عمري في حياتي ما  كرهت حد قد ما كرهت "سامر"، ياريته ما كان اتكلم ، يا ريتني كنت لسه على عمايا ولا كان ده كله يحصل .

كل شئ يرتبط به وبفقدانه ، استدارت برأسها ما ان شعرت بأن دمعتها ستهبط فجففت عينيها بطرف حجابها الأسود ، عكس ما كانت ترتديه دوماً وفسرت لها قبل ان ترد :

_أنا بس سمعت انهم لسه مرجعوش من المستشفى مع انهم المفروض كانوا يرجعوا ، ربنا يبعدهم عننا عشان أنا خلاص بقيت على أخري.

وابتلعت ريقها وخرج صوتها المتحشرج تحثه بها كي تبعد عن محور الحديث حتى لا تبكي:

_يلا ، هسبقك ألبس جزمتي .

تركتها وخرجت وبقت "نيروز" تنظر في أثرها بحزن بالغ من أجلها ، شعرت بنبض مجدداً من أحد صغارها ، فتحسست معدتها بشرودٍ وكأن الصغار تشعر بحزن والدتهما ، حزن لأجله وأجل شرودة وصمته معها وحزن لأجل رفيقة الدرب!

ابتلعت ريقها وهي تغلق الخزانة ، والتقطت عباءتها من خلف الباب وقامت بإرتداءها سريعاً ثم التوجه ناحية المرآه لترتدي الحجاب .. وعقلها يسبح لكثيرٍ قطعه صوت دقات هاتفها منه فعلمت أنه عاد من الخارج وهو الآن بالأسفل ،  انتشلت الهاتف تغلق عليه الخط حتى تقوم بإرسال رسالتها التي أرسلتها سريعاً وخرجت ناحية الخارج ، أغلقت باب الشقة خلفها بعدما ارتدت الحذاء وابتسمت تربت على رأس "جميلة" بحنانٍ استشفته الأخرى وهي ترسل لها الإطمئنان كي لا تحزن..

        

          

                

ركبا المصعد ، و إحداهما تشعر بالتعب والإعياء ، تقلصات أسفل معدتها تأتي لها  عندما تكون بحالة مزاجية سيئة ،  تجاهلت أخذ دواء لهذا و اعتقدت أن هذا الوجع لا يعد شئ بجوار وجع الفقد ، وجع فقده ورحيله ، وجع كسرتهما معًا ، قررت الدخول ناحية شقة والدتها كي تنتظر "نيروز" حين تأتي ليذهبا معاً لـ "فريدة" ، فيما اقتربت "نيروز" تدق جرس شقة "حامد" وختم وقوفهما قول "نيروز" قبل ان يُفتح لها الباب :

_هبقى أبعتلك ماسدج أقولك تلبسي لما أطلع ألبس عشان نمشي ومتقلقيش "غسان" هيبقى يوصلنا ان شاء الله.

____________________

_أمان يا "أمان" بألف هنا يا باشا .

مسح على رأسه الصغيرة ووضع وجبة الكلب بترحابٍ له وكأن مهتم بينما ذهنه ذهب  بمكان آخر قبل دقائق ، ذهب نحو مكالمة هاتفية لم تستغرق إلا دقائق صرّح له بها  الشخص الذي طلبه على الجهة الأخرى بمعلومات مختصرة طمئنته كونه يهاب أي شئ ، يوم وأكثر منذ ما حدث وجعله لم يبادر بالقرب بعدها رغم بوادر القبول التي وُجِدت بعد ذلك وآنذاك!!

_ «اعتقدلك   بشكل كبير انها الرهبة الطبيعية على الخوف من الحادثة اللي لسه سايب أثر بسيط ، واسمحلي اقولك ان الانسان مبيتعافاش بنسبة مية في المية ،  دا كلام في الكتب والروايات والمسلسلات عشان الحياة تبقى لونها بمبي  وتبقى دايماً النهاية سعيدة. شئ جميل بيحصل بس مش كتير، بعيد عن واقع الواقع اللي احنا فيه ، اكيد مش هفكرك دايماً ان اللي حصلها بشع لأي بنت ،بس محاولتك دي أول مرة بعد  اللي شافته من قسوة وعنف بالإغتصاب ، فالرهبة الطبيعية جه عليها خوف من التجربة طبيعي مع شوية هواجس بترجع انت بإيدك تضيعها منها بنفسك وبإحتوائك ، هى جت النهاردة في جلسة وواضح من كل حاجة زي ما قولتلك بالظبط  انها بقت أحسن بكتير ، كدة يبقي لسه ليها جلسة أو اتنين وتبقى انتهت ، وده مش انتهاء نهائي لان  لو حبت ترجع فأي وقت عادي جداً .»

كان حوارهما أمس في الهاتف ،  هو من استفسر بقلقٍ كونه لم يبادر بإحتواء الوضع ، طبيعة الموقف حينها جعلته يبتعد في الخوف عليها حتى لا تعتقد بأنه سيأحذها عنوة مثل السابق! ،  تذكر هذا الجزء من الكلمات في المكالمة وهو الآن على السطح جالس بجوار الكلب ، عاد من العمل وتناول الغداء معها ومع شقيقته ووالدتها هى ثم تعمد تركها معها بخصوصيةٍ وسار للأعلى يجلس بمفرده..

أحداث كثيرة فوق رأسه ، وخوفه عليها كان حدث كبير يتعمد عليه أحداث أخرى يريد حدوثها ولكن  رهبتها تمنعه ،  عاد يتفهم رهبتها الطبيعية فاطمئن قليلاً ، وما تعايشة من ضغطٍ يعد ضغط له هو الآخر ، حتى العمل به مسؤوليات كثيرة أصبحت من شأنه ..

        

          

                

نظر "آدم" ناحية الكلب بشرودٍ فربت على رأسه بحنانٍ وسرعان ما فرد ساقه يخرج من جيب بنطاله الأموال كي يوزعها بالتراضي علي من لديه من مسؤليات ..

مصروفات هنا وهناك وعقل مشتت ، زفر "آدم" أنفاسه بهدوءٍ وشكر ربه على نعمته برضا للحال ، ولكنه انتفض ما ان وجد شقيقه يقف على باب غرفة السطح محدقاً به بسكون ، فتحرك ووضع يديه على وجهه بضيقٍ وردد له :

_جرا ايه يا "بدر"؟ ، قطعتلي الخلف يا عم ، دا انا لسه مدخلتش دنيا ، الله يسامحك!

ضحك "بدر", وهو يقترب ناحيته ، وانحنى يجلس جواره وهو يوكز كتفه كي يترك لها مساحة ، فتزحزح "آدم" وهو يسمع نبرته الضاحكة له :

_مالك ياض خفيف كدة ليه؟

_لا ميغركش ، انت اللي اخدتني على خوانة ، لكن احنا جامدين أوي خد بالك!

غمزه بخفةٍ فضحك "بدر" ومدد ساقه جواره  تزامناً مع خروج نبرته المشاكسة له :

_ماشي يعم الجامد  ..المهم قولي بقا قبضت ولا العملية ناشفة ؟

مازحه بخفةٍ وفي الأصل كان يصعد مستغلاً الفرصة للانفراد به كي ينفذ قراره ، ابتسم "آدم" ببشاشةٍ له وأخبره برضا :

_انت عارف الورشة مش ماشية أوي اليومين دول بسبب غياب عز ، بس ربنا ساترها يعني الحمدلله.

ربت "بدر" على كتفه بحنوٍ وردد في عقلٍ واحتواء: 

_أنا عارف ان المسؤلية صعبة ، وصعبة عليك انت بالذات عشان مكنتش متعود على ده ولا كان يجي في دماغك انك تبقى كده في يوم من الأيام ، هى تقيلة بس أهم حاجة انك ماشي صح ، صح؟

سأله يسحب منه الحديث ، فإبتسم يحرك رأسه وردد في قناعةٍ :

_عندك حق ، مكنتش أتوقعها فعلاً بس أحسن من زمان ، احسن من ما كنت لوحدي وأحسن ما أخد منك فلوس ، ساعتها كنت مجبور اخدها منك عشان كنت بعمل حساب لموتي اللي هيجي لو مشوفتش دماغي وكيفي ، الوقتي عيني في الأرض منك بس راسي مرفوعة في نفس الوقت عشان عندي أخ زيك يا "بدر" .

ابتسم "بدر" متأثراً ومسح على خصلاته السوداء الناعمة برفقٍ كصغير بين يدي والده ، والده الذي توفى مبكراً جداً ، لذا لم يلحق كل شئ منه وله ، لذا تعلقه بوالدته الراحلة شئ صعب تحمله عند فقدانها ، ربما هذا الفقدان هو من سبب للجوءه ناحية الهلاك عن طريق أصدقاء سوء ليكملوا ما بدأه الشيطان في عقله ، إستند "آدم" على كتف شقيقه وتنفس بعمقٍ فيما خرجت منه الكلمات   واستطاع الآخر احتواءه كي يخرج منه الثقل الذي يخبئه دون المشاركة:

        

          

                

_ تصدق؟ ، لو الواحد معندوش ماضي في حياته ، مش هيعرف يعيش الواقع والحاضر ، بالذات لو ماضي صعب في من العبرات ألف ، بس الجدع اللي يعيش يومه وهو بياخد حذره انه ميعملش النهاردة اللي هو عمله امبارح وخد على قفاه فيه ، عُمر الدنيا ما علمت حد ببلاش ، بقيت مقتنع ان عشان أعيش راضي لازم اتقبل  وجع اللي فات ، الحكمة دي مكنتش مطبقها أوي ، بس طبقتها وأنا مقتنع لما عرفت "فريدة" عن قُرب ، ولما حسيت هى قد ايه مظلومة ظلم الواحد يقعد يفكر هو ازاي ممكن واحدة تستحمل كل ده ، وواحدة! ،. يعني قلبها ضعيف وتحكماتها في الحياة قليلة مش زي أي راجل في المجتمع ده  فاكر نفسه بعافية وهيستحمل اللي مفيش ست تستحمله ، أنا مكنتش مقتنع بكل ده بس لما شوفتها وعرفتها غيرتلي كل اللي كنت فاكره عادي ومطلعش عادي!

البوح ليس من قاموس "آدم" ، الضعف ليس من قاموس "آدم"؛ جملتان كانا يترددا بالعامية على طريقة سيدة بارعة في تشخيص أولادها وصغارها ، عن طريق من تحفظ من أنجتهم عن ظهر قلب!! ،. عن طريق والدتهما 

أنصت له "بدر" بإهتمامٍ وتركه يخرج ما بداخله بسكونٍ ومتابعة ولم يتوقف الآخر بل أكمل مبتسماً بأسىٰ :

_ أوقات بحس انها أقوى منى! ، لا مش أوقات ..ده علطول..أيوة علطول ،  علطول بحس انها  بتتظلم من أقل حاجة ، لما بقعد أفكر ، وأقول هو بنت زيها لسه يعتبر صغيرة ليه تتعلم من الدنيا بدري كدة؟، ليه الدنيا داست وخدت منها أكتر ما عطتها ، طب هيكون رد فعلها ايه لما حد يجي يحكيلها مصيبة أو مشكلة أياً كان ، حاجة كبيرة هتبقى بالنسبة ليها ولا حاجة بسبب اللي شافته ، بسأل نفسي وبقول طب ليه كدة ؟ ليه ممكن الدنيا تسرق مننا اللهفة بدري؟! .

واسترتسل بأعين بها  وميض المأساة عليها ولها وحدها :

_زمان كنت بحس صدمة البنات أوفر في كل حاجة ، نظرتي ليهم انهم  بيكبروا المواضيع كانت دايمة  ، بس جيت دلوقتي قدام واحدة بقيت بخاف لمعدتش تتأثر بأي حاجة بسبب كل اللي حصلها ، جيت أتمنى أغير نظرتي ، اتمنى يجي اللي مكنتش بحبه فيهم ومسترخمه ، واهو جه واحدة واحدة من تاني ، بس عارف ليه ؟

سأله وتاه وكأنه بلحظة غير وعيٍ ، فلم يقطع عنه "بدر" اللحظة بل صمت وتركه يتابع ما استجوبه به :

_عشان برضه لسه شايفها قوية وأقوى مني ، وخالفت كل توقعاتي زي ما  لايق عليها دايماً ، لايق عليها الاختلاف واسمها مش من فراغ ، هى فعلاً "فريدة" من نوعها مش هزار ، فريدة عشان تقبلت العلاج بسرعة محدش توقعها وانها عايزة تكون أحسن وبتكابر دي لوحدها يتعمل ليها تمثال فيها بعد كل اللي حصل ، أنا معاناة واحدة من ضمن اللي عاشته ، أنا مكنتش عارف ايه طعم الفخر، لحد ما شوفتها برضه ومن ساعتها وأنا فخور بيها وفخري عمره ما قل ، دا بقا بيزيد كل يوم عن اللي قبله ! 

        

          

                

لم يتوقع لمعة عينيه حزناً عليها ، أوصلته لمراحل لم يتوقع أبداً في يوم بأنه كان سيصل لها ،  رغم جراءته ووقاحته في أغلب الأوقات الا أن ما يميزه في أوقات الجدية هى البراءة ، براءة الرجال النادرة ، بعيدة كل البعد عن براءة الطفل ، برئ في كلماته ومشاعرة التلقائية التي تخرج من شخصه الصادق وليس شخصه اللعوب !!

عقباتها أمام عينيه يتذكر ويتذكر ، أغلب التذكر أشياء قصتها هى عليه وهما معاً ،  أخرج "بدر" أنفاسه بهدوءٍ شديد وخرجت نبرته الواضحة بسكونٍ له :

_وقعت يا '"آدم" ، تعرف؟ أول مرة أشوفك كدة ، بس أنا فخور بيك كأخ وأب ، وفخور برضه بـ "فريدة" كأخ ، لإنها من زمان وهي كانت بالنسبالي شخصية أنا بشفق عليها فوسط اللي كانت فيه ، وكنت بثق في كلام أمك ، أنا فاكر كل حرف كانت بتقوله علينا واحنا صغيرين ، مكانتش بتكرهها ، كانت بتحبها وبتتقبلها عادي ،. فاكر كانت بتقول ايه؟

ابتسم "آدم"  يحرك رأسه بتذكرٍ لكلمات والدته التي تحفر بداخله ، كذكرىٰ أبدية لا تختفي أبداً :

_ "كانت بتقول حلوة وصعبة وطيبة ، وان كان على الطيبة مسيرها  تبان ، ولو على الصعوبة فالحلاوة تمحيها وتأسر قلب الحبيب اللي هيحبك بكل ما فيكي فيسألوه فين الصعب؟ يقولهم بقىٰ لين يا بني آدمين!"

ردد الكلمات طبق الأصل، لم يرض"بدر" قولها بحرج لاحترام لقب زوجة للآخر ، فيما ضحك الإثنان ومازحه "بدر" مردداً :

_أمك دي كان عليها شوية حكم وكلام !!

ضحك "آدم" بصوتٍ عالٍ وسأله بخفةٍ :

_فاكر يا "بدر" كان بتقولك ايه؟

_" مجهول ومشغول ، وعن قريب فاضي لكل حبايبك ومعلوم"

ابتسم بإتساعٍ وهو يرددها ، فإعتدل "آدم" ينظر على الكلب ،وعاد مجدداً فوجد ه يضع بين كفيه حفنة من الأموال مردداً بتفسير:

_إمسك دول يا"آدم" ومن قبل ما تتكلم ، أنا جايبهم في ايدك المرادي عكس كل مرة كنت بسيبهملك وامشي عشان مبترضاش ، دي فلوس البيت ، بتاعت فاطمة والعيال وبتاعت الأكل والشرب، وسيبتلك يا عم مسؤليتك انت ومراتك عشان متنجرحش أوي.

مازحه بخفةٍ فأراد "آدم" الرفض بينما نهره الآخر بعينيه فلم يستمع وقال بعنادٍ :

_يا بدر اسمع الكلام  ربك ساترها ، وبعدين احترم عقل راجل معلم عشان الفلوس دي كتير عن حوارات فاطمة وعيالها ، انت بتضحك على مين يا عم؟

        

          

                

_ ماشي يا معلم ، عينهم وانت ساكت واعتبرهم يا عم فلوس نقوط  فرحك 

أجبره على حفظها في جيب سترته ، فوضعها "آدم"بالإجبار ضاحكاً بسخريةٍ :

_كان نفسي في فرح فعلاً بس أديك شايف الوضع!

_وماله يا عم نعمل  فرح لما الظروف تتحسن ، وبعدين مش يمكن نطبق خاصية لأول مرة عروسة وعريس متجوزين ونسيوا يعملوا الفرح ، ولما افتكروا عملوه؟

ضحك عليه "آدم" وتمسك بكفه كي ينهضه ، فنهض الإثنان ، وبادر"بدر" في عناق شقيقه بإحتواءٍ ، وبهذه اللحظة سعد "آدم" عندما وجد الدعم منه شاعراً به :

_انت بطل وقد كل حاجة انت فيها ، ربنا معاك ويقويك على حياتك وأنا في ضهرك عمري ما هسيبك ، خليك عارف كده كويس.

بادله الإحتضان بحبٍ وشكره على طريقته الشقية عندما ابتسم قائلاً :

_حبيبنا يا أبو يامن ، ربنا يخليك لينا .

سارا معاً للأسفل ، بعدما ابتسم "بدر" يمازحه هو الآخر :

_عقبال ما نقولك يا أبو "بدر"، وترد جمايل أخوك ياض وانت بتسمي اسمه ولا انت بقا عويل ؟

ضحك "آدم" ينفي ذلك برأسه وسار الاثنان معاً ناحية السُلم ، وأحدهما يتعمد العناد الآن قبال الآخر ، كما كانا في زمن غير هذا هكذا ، وكلما كثر العناد كثر العراك بينهما ، والآن يتذكران تدخل "فاطمة" بحنانها المعتاد في الصلح بين من يريد لشقيقه الصلاح ، والآخر الذي كان لا يُبالي ويشتته بتصرفاته الطائشة دوماً ، صنعا ماضي صعب نسيانه وبين الماضي وذكرياته الحنونة هناك ذكرى موجعة لهما لفراق من يتعلقون بها بشدةٍ. ، من تشبهها في جمالها "فاطمة" و"جنة" التي أشتق اسمها من اسم جدتها الراحلة "جنات"!!.

«بينما في الأسفل»

في غرفة "فريدة" ، كانت هى بها قبل وقت كبير ، ومعها "والدتها", والدتها التي جاءت  لها تقضي معها اليوم من بدايته بعدما قصت عليها "فريدة"في الهاتف مختصر ما حدث بطريقة لائقة ،. ومن غير والدتها تشاركها الأسرار والخبايا؟ ، تفاجأت بها قادمة بلهفةٍ لتطمئنها وٱعدت قائمة مشتريات كثيرة أغلبها ملابس تليق بها بعدما علمت أنها لن تعود ثانيةً للإقامة هناك ، بل هنا حيث منزل الزوجية ، كالعادة نصحتها نصائح هادئة لترسل لها الٱمان .. فرتبت ملابسها الجديدة في خزانتها وجلست معها هذا الوقت ولم ينتهي الحديث بينهما ، بل سألت "زينات " وهي تمشط خصلات ابنتها الكثيفة :

_طب نتيجتك هتبان امته ، عايزة أطمن انك نجحتي عشان اعملك صينية بسبوسة من ايديا .

        

          

                

ضحكت "فريدة" وهي تضع دهان ساقها التي نظرت له "زينات " بألمٍ ومازحتها قائلة بخفةٍ :

_هو نفسي فيها وكل حاجة، بس انتِ مش واثقة فيا ولا ايه يا زينات ؟

ضحكت"والدتها" ووكزت كتفيها بحبٍ ومشاكسة :

_أثق فيكِ ازاي ، هو الحلو نديله  الأمان فيتنطط علينا بجماله وغلاوته ولا ايه؟

انطلقت ضحكة عالية كممتها "فريدة" على الفور كي لا يستمع ٱحد بالخارج، فضحكت "زينات" وانهت فرد خصلات الأخرى كما تريد ، فإستدارت "فريدة" فيما ربتت "زينات" على ساقها برفقٍ ومسحت على وجهها بحنانٍ لم تعطيه لها في الصغر وقبلت قمة رأسه ببرٍ ، بر الأبناء التي تأثرت منه "فريدة" وهي تستمع إليها تطمأنها للمرة التي لا تعرف عددها:

_مش عايزاكي تخافي من حاجة  طول ما أنا جنبك .

استندت "فريدة" على قمة صدرها  وهي تتنفس بعمقٍ فيما مررت "زينات" يديها على رأس ابنتها وهي تحثها بضجرٍ :

_هو لازم يعني تسيبي شعرك كدة علطول وراكي؟ ، مينفعش تلميه أبداً؟ ، دا العين حق يا "فريدة"، ابقي اربطية عشان خاطري ، أهو يتلم على بعضه ويتقل أكتر.

_حاضر

نبست بها بهدوءٍ ، وعقب ذلك لم تترك لها الفرصة ، بل مالت تنتشل حقيبة يديها الواسعة الأنيقة ذو اللون الأسود ،فإعتدلت "فريدة" فيما أخرجت "زينات" علبة بها قطعتين من الكعك ، فإتسعت بسمة "فريدة" وهي تردد بمرحٍ :

_ال ال ال ، ايه الحلاوة دي يا زينات ، دا انتِ مروقة عليا عالآخر!

ابتسمت "زينات" تقدم لها العلبة وظهرت سعادتها وهي توضح لها :

_ حلاوة ايه بس ، دا انا اشتريتها مش عملاها ولا حاجة ، بصراحة ملحقتش أكتم فرحتي لما عرفت ان لسه جلسة واحدة بس وتخلصي ، قولت أعبر عن سعادتي بكدة ولما تخلصي وعد أعمل صواني حلويات قد كدة وافرقها على العيلة كلها!

ابتسمت "فريدة" بتأثر وقبلت يد والدتها ببرٍ ،  فيما خرجت نبرتها بتحشرجٍ:

_أنا بحبك أوي يا ماما ، وأنا اللي فخورة بكل اللي بتعمليه عشاني وبكل محاولاتك ،  ربنا يبارك فعمرك  ويزيدك عشان "حسن" لما يرجع يلاقي منك اللي أنا باخده منك دلوقتي ، ربنا يخرجة بالسلامة ويهديه .

لمعت عيني "زينات" تأثراً وكأن الأخرى نادت الوجع ففتح الجرح وهى تسألها بقلب أمٍ مكسور:

_حسن!! ، تفتكري هيتقبل ده مني؟

وقبل ان تبادر "فريدة" بالرد وجدتها تسترسل بتعبٍ :

        

          

                

_دا أخوكي موجوع مني أوي يا "فريدة"، أنا طلعت سبب في كل عُقَدُه ، قلبي بتقهر في كل مرة بيحملني فيها الذنب ، وفي كل مرة كان يقف قصادي عايز حضني بس برضه مش عارف ولا قادر يحسه ، إحساس صعب لما تلاقي الضنا بيروح منك وكونك أم بتحس بنار بتكوي في قلبها كل ما بتشوف ابنها معاها كدة ، أنا أذيته فعلاً ، أذيته أوي ، أذيته أذيه مش قادر يفوق منها ، أذيته وأذيت ناس كتير بس واللهِ ندمانة وبقول يارب سامحني يارب حنن قلبهم عليا ، يارب حنن قلبك يا "حسن" عليا .

نزلت دموعها وهي تتذكر جموده معها على الرغم من انه حاوا اكثر من مرة تقبل ما تحاول فعله ولكنه لم يقدر على التقبل ، تذكرت رفض"نيروز" مسامحتها ، أذتها هى الأخرى ، وتركت لها ندوباً كثيرة صعب نسيانها!

لم تتوقف الدموع آنذاك بل أكملت بتعبٍ لها:

_ندمت والله وتوبت ، وبدعي في كل صلاة ان ربنا يشيل من قلبي كل حاجة وحشة ، بدور على أسباب كانت تخليني أعمل كده وملقيتش غير اللي طول عمري بقوله ، بس كنت بقوله وانا ببرر لنفسي لكن دلوقتي لا ، دلوقتي بقوله عشان حقيقة عشان كنت مفكرة كده فعلاً!!

أسرعت "فريدة" وضعفت قبال دموع والدتها فبكت من أجلها وهي تقبل كفيها بلهفةٍ تحثها على الهدوء فيما ٱكملت هى بنبرة باكية:

_كنت عايزاكم أحسن ناس في  الدنيا ، بس الطريقة كانت غلط ، كنت بحاول أكسب حنان أبوكم  عشان يخلي باله منكم ويحبكم ، إحساسي مكنش بيفارقني ، كنت بحس اني التانية يعني هبقى قليلة في يوم من الأيام وهيتبص عليا كده ، التانية يعني  أول فرحة أبوكي مش مني ، أول حب وأول تجربة مش معايا أول خلفة مش عندي وأول كل حاجة حلوة مكنتش معايا ، مكنتش باخد اللهفة اللي انا عايزاها منه ألا بالزن ، كنت بتقهر في كل مرة كان بيقولي فيها كلام حلو عشان يريح ضميرة من كلامي ونكدي مش من حبه فيا ، أبوكي كان ملهوش أمان يا "فريدة" ، والله أبوكي خلاني أتعامل بطريقة تانية عشان مضيعش منه وميحاولش ، وعشان اربيكم بأي طريقة وسط أب وأم ، حاولت..والله العظيم حاولت أعمل أسرة بس فشلت!!

نزلت دموع "فريدة" وهي تحثها  بلهفةٍ كي تستكين بين أحضانها:

_ انا آسفة واللهِ حقك عليا من كل حاجة ، حقك عليا من الدنيا كلها ، انتِ أحسن أم في الدنيا يا ماما .

شهقت "زينات" تنفي برأسها وهي تبرر لها بوجعٍ :

_ مخدتش حاجة يا فريدة، واللهِ. يا بنتي ما خدت حاجة عشان أديها ، أنا ضايع مني حاجات معرفش هي بتتعطىٰ إزاي ، بس وجعكم علمني بعدين، لكن أنا مشوفتش حنان ، مشوفتش حب، ولا احتواء ، مشوفتش حاجة عشان أعطيهالكم ، فلما حاولت حاولت غلط ، حقك عليا انتِ ، حقك عليا انتِ وٱخوكي يا بنتي.

        

          

                

ضمتها بإحتواءٍ كي تهدأ ، فرفعت كفها تمسح وجهها وهي تدعو بإنهاكِ رافعة كلا عينيها ناحية الأعلى:

_يارب يخرجك بالسلامة يا "حسن" يا بن بطني ، يارب حنن قلبه عليا وخلهوملي ، هما اللي طلعت بيهم من الدنيا متحرمنيش منهم ولا توجعني فيهم تاني يارب

ودعت مرة أخرى وهي تتمسك بكف ابنتها :

_واسعد قلب بنتي وفرحها وأرزقها الراحة ، يارب ابعد عنها الخوف وتمم فرحتها  وجوازها بخير وأرزقها بالذرية الصالحة يارب .

كأنها اندمجت في الأقوال فلم تنس "أسماء" حينما رددت مرة أخرى:

_وارضيكي يا "أسماء"ويريح بالك ويخرجلك "حسن" ويهدي قلبه ليكي  .

استمعت "فريدة" لأدعيتها بصمتٍ ومسحت وجهها سريعاً وهي تفتح العلبة بأنف إحمر من البكاء وضحكت تخفف عنها وهي تشير لها كي يبعد عنها الوجع الآن :

_سيبك من النكد ، تعالي نشوف الجاتوه ده بيقول ايه يا زينات!

ضحكت "والدتها" أخيراً ، وفتحت العلبة وهى تحثها :

_أنا مش عايزة أعرف بتقول ايه ، بس خلي واحدة ليكي وواحدة لآدم ، أنا جبتلهم بره علبة كبيرة وطلعت لـ "وردة" علبة على قدها وقد جوزها  وابنها ، متحمليش همهم!.

وقبل أن تتناول  من شئٍ سمعت صوت طرقه على الباب ، تستطيع تميز طرقه ، إعتدلت "زينات " تهبط طرف عباءتها تخفي ساقها ، فيما أذنت "فريدة" له وهي تصيح بمرحٍ:

_أدخل ياللي حماتك بتحبك ، تعالىٰ!!

دخل على وجبة لذيذة اذن !، فتح "آدم" الباب بخفة فيما ابتسم بإتساع وهو يدخل ، فشاكستها "والدتها" بمزاحٍ :

_بحبه طبعاً ، ده كلام! ، بحبه من قبل ما تتجوزيه كمان، مش صاحب ابني اللي كنت بطمن عليه منه علطول  ، هو اللي بيفكرني بحسن علطول ، ربنا يرجعه بالسلامة ويحفظك يا "آدم"

ابتسم "آدم" بإتساعٍ وغمز بخفةٍ لاقت به وهو ينحني حتى التقط العلبة منها وضحك نابساً بنبرةٍ مازحة:

_زوزو حبيبتي أومال ايه ، دا احنا فريندس من زمان ، حسن فين يا آدم ، مشيه يا آدم رجعه يا آدم ، قوله غسان جايله يا آدم ،متعرفش هو فين يا آدم؟

قلد نبرتها وكأنها كانت ترسل له صوتاً على الرغم من العكس فيما ضحكت "فريدة" بقوةٍ وغازلته بجراءةٍ :

_هو أنا صوت أمي حلو أوي كدة؟!

ضحكت "زينات" وهى تضرب كتفها بتوبيخٍ مرددة بضحكٍ :

        

          

                

_يا بت يا بكاشة انتِ!

فطالعها هو بعدستيه متصنعاً البراءة ونطق:

_شايفة يا حماتي ، أنا الطرف الأكثر أدباً خدي بالك!، بنتك وجودها معايا مأثر على أخلاقي علفكرة!

طالعته "فريدة" بأعين  متشككة وسرعان ما ضحكت بقوةٍ على مرحه ، لأول مرة ترى ابنتها تضحك هكذا بمثل هذه السعادة الواسعة , شكرت ربها وطالعتها وهي تضحك بشرودٍ عميق غاصت به وهي تتابعهما  يمازحان بعضهما بعناد كصغار! ،  غاصت بعقلها وذهنها عنهما وشعرت بأن ابنتها وجدت ما لم تجده هى بزوجها ، وجدت ما لم تجده بوالدها كما لم تجده الأخرى بوالدها أيضاً..

_حوش حوش وانت اللي أدبك مقطع بعضه يا خويا!!

عاندته بكبرياء أنثى وهى ترجع خصلاتها بغرورٍ قطعه هو ما ان هتف بصدمةٍ :

_أخوكي!!!!

أومأت "فريدة" ، فتعمد الجراءة بفرض سيطرته عليها ما ان شعرت بما تحاول فعله من صده لتربح ، فمال مردداً بهمسٍ وهو يسند العلبة :

_انتِ مغلطتيش فعلاً ، ما أنا لسه أخوكي!

فتحت عدستيها وهى تطالع وجه والدتها بحرجٍ لم ترض اظهاره كي لا يربح ، فتعمدت عدم الإنصات ولكنه ضحك ما ان اعتدل وردد بغرور زائف:

_خلاص يا شاطرة ، ودانك اللي احمرت كشفتك .

وضعت يديها على فمها ولاحظت تحرك والدتها وهي تبحث عن الحجاب فيما اعتدل هو يردد سريعاً :

_انتِ رايحة فين يا حماتي ، اقعدي ،أنا خارج  خليكي مع فريدة ، لسه بدري!

_لا معلش يلا ، هسيبكم مع بعض بقى ، خلي بالك منها يا "آدم"، حطها في  عينك.

أوصته وهي تعقد الحجاب فيما  وقفت "فريدة" لتودعها بينما رد "آدم" مصرّحاً :

_من غير ما تقولي والله ، تعالي أوصلك بقىٰ

رفضت وهى تفتح باب الغرفة وقالت سريعاً وهي تحاول حمل حقيبتها :

_لا خليك ، والله ما انت جاي ، يلا عايزين حاجة؟

اقتربت "فريدة" لتعانقها مرة أخرى فيما همست لها والدتها بعض من الهمس المعتاد ،حتى انتهت فرددت "فريدة" لها :

_حاضر ، لما توصلي طمنيني عليكي .

واففتها وأشارت لها بالوداع وأغلقت الغرفة بسبب ملابسها التي تكشف عن ساقيها فوجدته يفتح الخزانة يبحث عن ملابس ليدخل المرحاض ، ولاحظ وجود الثياب الجديدة الأخرى ، فلم يتعمد محاصرتها ، ووقف متجاهلاً يغلق الخزانة ببطئٍ وابتسم ناظراً نحو أذنيها حتى ضحك فسألته بحنقٍ :

        

          

                

_بتضحك على ايه يا مستفز انت؟

أخفت "فريدة" أذنيها بخصلاتها فغمزها مردداً بغزل:

_حقك ما انتِ شعرك حلو بقا !

كبتت ضحكتها ورفعت كفها تشير له بالخمسة أصابع :

_الله أكبر في عيون الحسود يا خويا 

اقترب من المرحاض ووقف على كلمتها التي حاولت التراجع بها بينما كانت قد خرجت لا مفر فالتفت يضحك وهو يحذرها بهدوء:

_مابلاش نعيدوا تاني بقا يا فرفورة يا طرية !

قصد ضعفها وقوتها الزائفة أمام حديثه ، فإقتربت في تحدي زائف وأشارت له وهي تضع يديها بمتصف خصرها :

_ أنا بميت راجل ، عشان تكون عارف بس!!

اعتدلت على الفور بضيقٍ من اللقب وحاولت البحث عن هاتفها تزامناً مع رده الجرئ لينبهها:

_علفكرة..

وواصل ما ان رفعت رأسها تستمع إلي كلماته الثابتة وهو يطالع عدستيها:

_ حرام حد زيك يقول انه بميت راجل ، ارتقي يا مدام  واعتزي بجمالك قدام جوزك بدل ما انتهز الفرصة وأقولك انك بميت راجل فتزعلي.

رمقته بحدةٍ وجلست على طرف الفراش تنظر نحو شاشة الهاتف وهمست من بين شفتيها بسب عقله ، لم تصل إلى مسامعة ، وبخفةٍ وجدته أمامها منحنياً على ركبتيه وسألها  ما أدهشها بعد كل هذه المشادة الكلامية :

_يعني مش هتقولي مال عينك برضه يا شاطرة ، معيطة ليه؟

منذ ان بدأ الحديث وهو يحاول سحب إجابة السؤال ولكنها تهرب من عينيه ، اهتزت عينيها وهي تنفي ذلك وقالت :

_مش معيطة ، قوم يلا ادخل الحمام عشان لما تخرج نطلع نقعد على السطح بدل الملل ده!

الآن وحتى سابقاً يتركها تقص دون ضغط ، وافق وهو يعتدل وتشرط بمزاحٍ :

_بشرط تحكي  ايه اللي معيطك كدة  ، موافقة ولا أخرج أفتح التليفزيون وبلاها قاعدة بقا على السطح ، انا أصلا تعبان ومحتاج أرتاح!

قوست حاجبيها ورددت في شموخٍ وصل إليه بقوةٍ وقد إعتقدت بأن شموخ كلماته سيفوقه!:

_أنا  محدش يتشرط عليا.

فمال مختطفاً قبلة من وجنتيها سريعة وغمزها مجدداً بقوله الذي ربح عليها بنقطة به :

_إلا "آدم البدري" يا شاطرة.

لم تسمع بعدها إلا إغلاقه باب المرحاض ، فسمحت لضحكتها بالخروج، تعايش مشاعر واجواء جديدة ، وعراكهما المستحب هذا تفضله ،  هى من دون كل هذا  حزينة كما كانت ، هو  وحده من استطاع فعل ما لم يفعله أحد من قبله! ، أخرجت عباءة بقبعه من الخلف مطرزة ، من ثيابها المنزلية ، ارتدتها ووضعت القبعة القماشية الخاصة بها على رأسها وعقدتها بدبوس كي لا تظهر خصلاتها على السطح ، ووضعت مساحيق تجميل بسيطة ونثرت بعض العطر حتى تشغل وقتها بتسليةٍ  إلى أن يخرج!!

        

          

                

_ما تخلص ، علفكرة انت مش عريس يعني!

جاءه قولها المتأفف وهي تنتظر في الخارج فخرج رده وهو بالداخل يردد كلماته المبهمة بالنسبة لها مع أثر صوت خرير الماء :

_نفسي ابقى عريس والله يا شاطرة!

_____________________

_تسلم ايدك يا أم غسان عالأكل انتِ وفرح وأم عز ، كتر خيركم!

كعادته لا يخجل من ترديد كلمات الشكر لأجل تعبها هىٰ حتى يهون الوضع دائماً ، نظر "حامد" إليهن ببشاشةٍ بعد انتهاء وجبة الغداء قبل قليل ، فدخلت "وسام" للمذاكرة وبقى "بسام" بجوار "فرح" في الشرفة ، فيما جلست"نيروز" جوار "غسان" الذي ابتسم بإمتنانٍ لوالدته ، وردت حينها "حنان" بلطفٍ :

_دايماً عامر يا حج حامد ، ربنا يخليك ليهم ويبارك في عمرك .

ابتسم يرد في لطافةٍ فيما وزعت "فرح" أكواب الشاي  ودخلت حينها الشرفة له تردد من خلفه :

_الشاي 

إلتفت "بسام" يلتقط الكوب منها بإبتسامة هادئة ، سحبتها حتى وجدت نفسها تقف برفقته وابتسمت تردد بتلقائيةٍ :

_تعرف؟، انت بقيت حاجة مهمة أوي عندي.

تفاجئ من كلماتها التلقائية فوجدها تبتسم وهي تهرب من عينيه وتجرعت من كوب الشاي وقاطع حينها الصورة المفتوح عليها هاتفه الذي يوجد بين يديه ، لم يسألها بل هو ينتظر على أحر من الجمر أي حديث من قبل هذا ، ابتلع ريقه وتوسعت بسمته  الهادئة ما ان سألته بغرابةٍ ومفاجأة :

_مش دي عيني ؟

رواغ حينها وضحك وهو يسألها بجديةٍ :

_ليه لما ممكن تكون عين حد تاني، متأكدة انها صورة لعينك؟

نظرت له "فرح" والتقطت الهاتف في جراءة من يديه ، وسواس الغيرة ظهر ما ان استطاع ان يلعب في عقلها ، صغرت الصورة أكثر ثم طالعته وهي تغلق الهاتف  ما ان تأكد انها  خاصتها ورددت بعفوية:

_انت تعرف عين حد تاني غيري عشان تحفظها عندك !

فهم مشاعرها المضطربة التي لا تريد اظهارها فآبتسم وضغط على هذه النقطة بعدما ارتشف من الكوب: