رواية عودة الوصال الفصل الرابع 4 - بقلم سارة ناصر

 

 رواية عودة الوصال الفصل الرابع 4 -  بقلم سارة ناصر

قهقه "بسام" قائلاً من بين ضحكاته:

_"كنت صايع قديم انت بس هي كل مره كانت بتفكس لك"

تحدث الاخر بسخريه قائلاً:

_" انا محدش يقدر يفكس ليا ياض ؛وبعدين احنا كنا صغيرين اوي ، تخيل اني كنت فاكر اني بحبها حب خارق من اول ما وعينا وبقينا نلعب مع بعض لحد ما مشينا من هنا واحنا عندنا ١٤ سنه ووسام كان عندها خمس سنين!! كنا عيال مراهقه وبارده تصدق؟"

ضحك الاخر علي طريقته في ٱخر حديثه:

_"اه مصدق بس كنا عيال جان وبرنس وحركات "

نظر له "غسـان" بخبث مردفاً:

_"طب متتكلمش كتير طيب ليه الفضايح؟ برنس ايه بس ده انت كنت بتتضرب من حسن اخو حازم الي كان اصغر منك ياعم اسكت اسكت ، ولا انت ونيروز كنتو بتتضربو منه كل عَلـقه والتانيه ايه عنب ، وانا بقا اللي خلفتكم ونسيتكم باين كنت ادافع عنكم واضربه ويرجع يجيلي مشاكل من ابو البارد التاني ده!"

تنحنح "بسام" ثم اردف قائلاً:

_"طب، طب سلام ان بقا لما تفقد الذاكره هجيلك تاني يابو الغساسين ، وبعدين بقولك ايه مش انت اخويا وتوأمي وحبيبي لازم تندافع عني ، لكن هي بقا كان ايه ما كان عندها اختها تتدافع عنها ، دي اختها دي كان عليها في الضرب ايه سفاحه!! ، لكن نيروز وورده كانو هادين خالص "

اعتلت ضحكات الاخر فأردف" بسام "مره اخري:

_"ياسمين دي صعبه ، وهم هادين عنها كتير ، اومال بدر ابن عمك وقع في شباك ورده ازاي ! ، خطفته بهدوئها وهو هادي زيها كده يعني الاتنين كانو لبعض من زمان "

ابتسم "غسان" ثم اردف بحب قائلاً:

_"أنا محدش واحشني الا يامن حبيب عمه ده ، بس هانت كلمت بدر وقالي انه نازل مع مامته قريب بس بدر لا"

أومأ له الاخر بتفهم قائلاً:

_"الله يعينه علي شغله مهندس وعلي أرض الواقع بيشتغل اكيد مش فاضي ، لكن الواد يامن ده بقا لو جه هحطه جوه فقلبي واقفل عليه بالمفتاح ، قول بس يارب يفتكرني"

ضحك "غسان" علي حديث الاخر فتحدث قائلاً بثقه:

_"هو بيحبني وفاكرني، واحنا توأم يعني هيحبك انت كمان بس مننظهرش احنا الاتنين قدامه مره واحده لاحسن يجيله ايرور ولا حاجه!"

قههه الأخر علي حديث شقيقه خاصةً عندما قاله الاخر بطريقه ساخره ومرحه في ٱن واحد ، ولطالما ايضاً "بدر" ولد عمهم بمثابه اخ اكبر لهم ، الاقرب لهم دائماً ومازال فهم يعتبرونه شقيقهم علي عكس شقيق "بدر"الٱخر "ٱدم"!!

_________________________________________________

علي الجانب الاخر بشقـه "زينات '' كانت جالسـه علي الاريكـه تفـكر في أمر ابنتها منذ قليل التي ما ان اتت من الخارج دخلت سريعاً غرفتهـا ولن تظهر حتي الٱن لذا عقدت الامر بان تتجه لغرفتها!!

دلفت الغرفه سريعاً علي فجأه فانتفضتت الاخري علي ٱثر ظهور والدتها فتحدثت "زينات"دون تمهد :

_"بردو مش هتقوليلي جايه وشكلك مخضوض كدا ليه؟ من برا ايه اللي حصل يابت قوليلي؟"

نظرت لها "فريده"بارتباك ثم تحدثت قائله:

_"مفيش حاجه ياماما"

نظرت لها الاخري بشـك فاردفت" فريده" من جديد:

_"بـ بـقولك لو حازم يعني جرب يسألك مثلا اني قولتلك هخرج مع صحابي ابقي قوليله أني قولتلك ،. عشان النهارده المحاضره اتلغت وانا خرجت مع اصحابي يعني وهو ، وهو شافني!"

اجابتها والدتها بحنق:

_"وده من ايه ان شاء الله!! وهو ماله ابن عايده!! ان كنتي قايلالي ولا لأ ما يخليه فحاله وفحال المحروسه اخته!!"

صمتت لثوانِ ثم اردفت قائله:

_"بس خدي هنا يابت ، في ايه انا مش مرتاحه ليكِ"

_"يوووه ياماما مفيش حاجه قولتلك عادي يعني "

نظرت لها والدتها بشك وتمعن تستشف صدق كلماتها ولكن نظرات غير مقتنعه بحديث الاخري !!

اردفت بنبره متهكمه قليلاً وهي تنظر للاخري:

_"ماشي يا بنت بطني مسيري هعرف أصل مش عارفاكي امبارح انا "

قالت كلماتها كتهديد للأخري ثم خرجت من الغرفه بأكملها تحت ارتباك الاخري المدفون بداخلها والتي حاولت ان تخفيه هي ببراعه أمام الٱخر!!.

-----------------------------------------------------------------------

- قولولي ايه رايكم يا حبايبي لحد دلوقتي واعملوا ڨوت وتفاعلو كده وفرحوني

- ادعولنا بجد انا وصحابي علينا امتحانات ومزنوقين والله😂❤️.

• يتبع الفصل التالي اضغط على (  رواية عودة الوصال ) اسم الرواية