رواية يأس القلوب الفصل الرابع 4 - بقلم رودة
part 4
الباب كالت بصوت عالي يا شبيج شكو همست الهة اشش نصي صوتج لا تفضحينة كالت بهمس شكو شصاير خوفتيني كتلهة باعي وركزي وياي زين هذاك اليوم من تشاقيتي وياية وهكرتي حسابي تذكرين ضحكت وكالت اي من عبالج ولد سحب صورج وضليتي
تبجين وطلعت اني ناصبة عليج خزرتهة وكلت هسة عوفج مني تعرفين تهكرين حساب فيسبوك ؟! صفنت وكالت اي اعرف ليش من كالت اعرف شلون الماي ونزل علئ كلبي كالت بس ليش تسالين سحبتهة كعدتها وسولفت الهة علئ مصطفئ ومريم شهكت كتلهة
اشش نصي صوتج كالت عزا وهسة شلون وشصار كتلهة بس اهدئي واسمعيني باعي تهكرين الي حساب مصطفئ اريد اسحب المحادثات وعندي غاية ثانية بعدين اكلج بيهة ومن نهكر حسابه اكيد راح تطلع يمنة الصوتيات الي بالحساب والصور مو ؟! كالت اي
بس باعي هاي سالفة تخوف لا عبالج لعب ؟! انتِ شايفة اذا بابا لو احد من اخوانة دروا شيسون ؟! وشايفة لو بابا يدري تعلمت اهكر من اوراقه الخاصة والتعليمات الي موجودة عنده وضامهة بالخزنة شايفة شيسوي بية ؟! وهوة كايل الي تلعب من وراي عقابها
موهين عفية ريحانة لا تورطينة خلي نكل لبابا وهوة يتصرف كبل كلت بخوف لا لا منكولهة لج بس اسمعيني اني اتحمل كل المسؤلية انتِ بس هكري الله عليج سكتت كتلهة ها سارة كالت والله خايفة كتلهة هسة شلون شنسوي صفنت وكالت شايفة اذا طلع حسابه مربوط
علئ رقم الجهاز شلون راح نتورط ؟! كتلهة ليش؟ كالت تجي رسالة علئ الرصيد تكله يحاول احد فتح حسابك فهوة يااختي العزيزة بكل بساطة يكدر بس يروح لاي مخترق لو اي واحد بالشرطة وينطيهم الرقم راح يكدرون يطلعون اله نوع الجهاز الي نحاول نهكر
منه والعنوان والاسماء ويجونة ونروح بيهة وميحتاج اكمل الج شنو يصير عفية ريحانة احنا مو مال هيج سوالف مال كبار فكري زين ولازم بابا يدري مستحيل نضم هيج موضوع باعي والله اذا نكل لبابا بابا هوة راح يصرف وبالاخير تصفة الامور وكل واحد
ياخذ حقة بس اذا تصرفنا من عدنة بدون منستشار احد صدكي راح نتورط ونضل ناكل بروحنة من الندم يعني لو كلشي يصير لازم بابا واخواني يكون عدهم علم لازم الاهل يدرون بكلشي لين صدكي اذا استمرينة هيج العواقب راح تكون وخيمة ونبقئ عايشين
بخوف طول عمرنة بلعت ريكي وكلت هاهية نكول لبابا وفجاة سمعنة صوت صياح محمد طلعنة من الغرفة ركض الصوت جاي من غرفة مريم دخلنة بساع مريم تبجي ومحمد يكلهة موجاي اكلج افتحي رمز المبايل لا تخبليني وهية تشهك وتكلة ماافتحة دخلت وكلت
شكو محمد كال بعصبية اريد اعرف ليش اختج دك مبايلهة وصارت صفرة وبس ترجف منو دك عليهة ؟!سارة شبكت مريم واني اهدي بي وخفت هسة يطلع مصطفئ داك سمعت صوت باب المطبخ انفتح اكيد بابا اجة مصطفئ تقرب ولزمهة من فكهة وكال
تفتحينة لو افتحه بطريقتي ؟! وصاح بوجهة وهي بس تبجي كمزني صوت بابا وهوة يكول بعصبية محمدددد ايدك لا اكسرهة مريم بجت وركضت بحضن بابا وبابا مصدوم شبكهة ويسكت بيهة عاط شكو صاير ليش تبجي ودخلوا اخواني علئ صوت الصياح هم
محمد كال بعصبيةمن الصبح مدري شبيهة ووترجف عفتهة خمس دقايق جبت صمون واجيت لكيت روحهة مسحونة وهسة كاعدة يمي ودك مبايلهة صارت صفرة وترجف تريدني اسكت ؟! بابا كعد مريم علئ الجرباية وهذا هدوء ماقبل العاصفة باوعت علئ السارة
بخوف وهية نفس الحالة كعد بابا مقابيل مريم وكلهة البجي مايفيد احجي شبيج ؟! تبجي وترجف وكالت بالكوة اخاف والله اخاف وخلت اديها علئ وجهة وضلت تشهك بابا صاح منين تخافين بابا فهميني دار علينة بابا وكال وهوة يخزر بينة اني وسارة شبيهة ؟!
بلعت ريكي وعاط وحق محمد التعرف شي وماتكلي العب بيهة طوبة مدري شلون تشجعت وكتلة واني ارجف تخاف من مصطفئ كمز بابا من مكانة وكال عيدي عيدي تخاف من منو ؟! كتلة من مصطفئ كال يا مصطفئ ابن عمج ؟! سكتتت كال احجي لا تسكتين لا
اجرم بيج باوعت لمريم تبجي وتباوعلي كعد بابا علئ القنفة وطلع جكارة ومحمد يخزر بمريم وكال بابا كملي ليش تخاف ؟وضليت اسولف الة شلون يهددهة وكالساع اسكت ويصيح يكلي كملي لا تسكتين وسولف الة شلون هددهة وسحب الصور ويريد يجيها وشلون
اليوم الصبح اجاهة اباوع بابا عيونة صارت دم حمر كام بساع ومااشوف بس انفتح بابا الغرفة ونزل محمد يركض وراه اخواني وبابا سحب المسدس ونزل سارة ضربت علئ خدهة وكالت صخام الصخمني تورطنا نزلنة نركض ونصيح وراهم يرجعون لبست عباتي
حتئ بدول شال وسارة نف سالحالة وطلعنا نركض وراهم باليل وصلنة لبيت جدي مااشوف بس هوسة بالباب ومصطفئ ممدد بالكاع والولد لازمين اخواني وبيبي برة وعماتي والناس ملتمة انشهرنا وبابا مدري خابر منو وشوي واجت دورية اخذت مصطفئ والله
وطحت بايد بابا بعد شيخلصك دخلوا بابا جوة علمود يتفاهمون واخواني سحبوهم بس دار محمد ليورة وشافنة اني وسارة وراهم خزرنة وفتح عيونة علئ وسعهن تقرب واحنا مشينا علئ السريع وهوة يمشي ورانة ويكول وين الشال وشكو طالعات ؟! اذا
مااشعلجن اليوم وحق الله صرنة اني وسارة عبالك جروخ دخلنا للحوش نركض وهوة دخل ورانة وسحب عودة الماسحة دخلنة بساع للمطبخ وسدينا علئ الباب بعد ميكدر يدخل النة ضل يدك بالباب حيل ويباوع علينة من الجامة وصاح تفتحن الباب لو اكسره علئ
راسجن كتلة بخوف يعني تريد تذب حركتك بينة دك الباب وكال افتحي ولج لا تخبليني اباوع مريم اجت تمشي علئ كيف ودموعهة تنزل كالت بهدوء فتحي ميسوي شي اني يمجن خلي يذب حركته بية باوعت شفته يباوع لمريم بقلق فتحت الباب ذب العودة وفتح اديه
لمريم يا هذا شبساع صار حنين ؟! ومريم شبكته وتبجي وتكلة اسفة والله اسفة ممسوية شي بس خفت هددني وهوة عيونة حمر وعروقه بارزة وشابكهة ويسمد علئ راسهة وكال بحنية افا تخافين ومحمد اخوج ؟! هيج يهدد بيج وتمرضتي ؟! ليش ماكتيلي من
البداية شني موبعينج كالت بسرعة لا والله بس خفت يسويلك شي وبجت وهوة وشاف مريم هيج تسودن كلهة واحس اعصابه راح تطك حقج يوصلج من هاي العين كبل هاي العين واذا ماخليته يبجي دم ولو اعرف اكتله وادخل للسجن هم ماعندي مانع اني مصطفئ
يهدد بعرضي واختي وابقئ ساكت موته علئ ايدي لو ما عمامي موخريني جا هسة ميت جوة ايدي هالخنيث رفع راسهة ومسح دموعهة وكال كافي بجي وحقج ينوخذ مااريد اشوف عيونج الحلوات يبجن احنة شكم مريم عدنة ؟! ابتسمت وهزت راسهة وكال
وهوة يهدد وبعد اريد يصير شي ومحد تكلي اتمناهة بوكتهة الزمجن ومحد يخلصجن مني ومحمد سامعاتتت كلنا كلنة اي باوع علية اني وسارة وكال حسابكم انتِ وياهة بعدين هسة رايح يمهم واجي ويصير خير بلعت ريكي اني وسارة وهوة طلع عرفته عاف
المشكلة واجة ورانة بس علمود يوصلنة لين يغار علينة ابتسمت عليه هذا محمد فد واحد غيور وشكم مرة مكتولة من ورة الغيرة مالته باوعت علئ مريم وسارة وحدة شبكت الثانية وشبكني وياهن هدينا شوي تقريبا خمس دقايق وحدة شابكة الثانية وساكتين فزينا
علئ صوت اخواني وبابا دخلوا وسدوا الباب بابا باوع ا لنا ماحجة بس دخل للاستقبال وكال تعالن وحدة باوعت علئ الثانية ودخلنة وراهم كعد بابا واحنا تسطرنا كدامة واخواني كاعدين يمة سحب جكارة واباوع علي شلون عصبي ولو همة ماشاء الله كلهم اعصاب
كال بابا لمريم وهوة يسحب نفس من الجكارة واخواني ساكتين من يحجي بابا كلهة تسكت سحب نفس من الجكارة وكال بحدية بابا اني موكايل اي مشكلة تصير وياجن تكوللي ؟! شوكت جنتي ناوية تحجين من وصاح حيل من بعد يومين يجي للبيت مريم تباوع علي
وترجف وعيونهة مدمعة خزرهة وكال احجي بجت وكالت والله اخاف ضرب بابا حيل علئ القنفة وكال هم كالت اخاف هم كالت بابا اني وياج واخوانج منين تخافين ؟! وهذا المخنث حسابه يمي اسويلة كرصة اذن واندمه علئ الساعة الفكر بيهة يخوفج اني مراح
اضربج ولا هايي لين ميجيب فائدة بس خليهة ابالج اذا بعد صارت مشكلة موبس وياج لا وية اي وحدة من اخواتج لو اخوانج ومحد كلي وضليتن مرعوبات يكون عندي حساب ثاني فاهميني مو كلنا كلنة اي سحب الجكارة الثانية وكال وهوة يباوع علية اني وسارة اي
وانتن صايرات تضمضن ؟! سارة عود رادت تكحلها عمتهة كالت بابا اصلا اني كلت خلي نكلك لين ريحانة رادتني اهكر الها حساب مصطفئ ونسحب المحادثات بابا فتح عيونة علئ وسعهن وكال شنو ولج وانتِ منين تعرفين تهكرين كالت بفهاوة غير من اوراقك الي
بالخزينة هذاك اليوم من كتلي ضميهن شفت وتعلمت عالسريع وكالت اخر كلمة وانتبهت علئ روحهة شحجت كبل سدت حلكهة وشهكت شمر الجكارة بابا وكال شو تعاي اوكفي كدامي بلا سارة جمدت بمكانهة كال بحدية احجي وياج بجت وكالت والله ببعد
مااعيدهة اخر مررة كلهة تجين لو اكوملج ؟! وهية تبجي كام حسين شبكهة وكال لابوي بهدوا صدك جذب بوية علئ كيفك راح تموت خزرهة بابا وكال علمود من اكلهة لا تقرين اي شي ولاتلعبين تسمع الكلمة ومتصير فضولية اخر مرة فاهمة هزت راسهة
وكالت اي والله دار علي محمد وكال منين متعلمة سوالف التهكير ولج كتلة بخوف شمدريني عود ردت اساعد مريم خزرني جمدت بمكاني بابا لزم راسة وكال بوية راح يجلطوني بوية اخلص منس الفة تجيني سالفة كومي جيبي الدوة مالتي راسي راح يطك سحب
مخد من القنفة وتمدد بالكاع ومحمد يرص بضهرة وحسين برجليه وعلي الصغيروني نايم بحضن بابا عمره 13 سنة واحنة وحدة كامت تجيب مي وحدة تفرش الفراش وحدة تجيب الدوة وبابا يرصوني بي وويصيح اخ بوية علئ كيفك ترص لو تكرص زلغت
ضهري ونوب صاح بوية موبنات شيبني ونوب منو احاجيها تبجي بوجهي واني كلبي رهيف ماينطيني اعاقبهن هوة هذا العندة بنات كلبة يوجر وحدة احاجيهة دمعت هاية اصيح بوجهة تبجي هاية اعصب عليهة تكطع نفسهة من البجي ونوب اصيح علئ وحدة الثانية
تبجي وياهة علئ الواهز شني موحالة هاي ضميت ضحكتي ومحمد وحسين يضحكون حسين كلة خلي يولن البنات شلك بيهن اني عندك ويرص برجله بابا دفره وكال كوم لك الاملح تروحلهن فدوة ماتحملنة كلنة ضحكنة وبابا بقئ يستغفرالله طلعت من الاستقبال
بعد مانطيت الدوة لبابا ومريم وسارة بالمطبخ سمعت بابا يكول لاخواني لا تضلون عاقجين الوجه كدامهن حسسوهن بالامان وبطلوا عصبية والموضوع بقة يمنة احنا نحله لحد يحجي بي يم البنات شوفوا الخوف الهنة بي وخاف هنة عايزات وماانكر اني عصبي
ومشتعل نار كلما اذكر بس بعد كدامهن ينسد الموضوع ومثل مااني معلمكم بوية اخواتكم صديقاتكم وانتوا سند الهم لا من اول موقف تخربون الاول والتالي بوية حتئ النبي محمد وصة بيهن وكال المؤنسات الغاليات لا تحاولون تقهروهن بيوم لو تخوفوهم سكت وكال
صدمة امهم والفراق 6 سنين هاي صدمة وخوف بداخلهم لا تزيدوه دمعت عيوني من كلام بابا ودعيت الله يحفظه ويخليه النا بدونه نضيع احنا رحت للمطبخ وسولفت لاخواتي بابا شحجة سارة شكالت صحيح اني زعلانة منه بس بالطلاك مااعوفه اليوم الا ابوسه من
لحيته واحنا نضحك ومريم شوية تغيرت نفسيته من سمعت كلام بابا رحنا يمهم بالاستقبال شفناهم مطفين الضوة ومتمددين جاي ينامون محسوا بينة دخلنة علئ كيف وركضنة علئ بابا ونتعارك علئ حضنه وهوة سوة روحه نايم تقربت سارة وباسته بلحيتة وكالت
اكعد طالب راضيني اني زعلانة منك ضحك وشبكهة ويبوس براسهة ونوب باسني وباس مريم وشبكهة حيل وكال كبيرتي وحبيبتي غرت وكتلة واني بابا وحد ضحك وشبكني وصاح حسين شني اليوم مانام بابا كلة نام الاملح منو يمك ضحكت وحسيت انسحبت من
حضن بابا ضحكت محمد سحبني وضمني لحضنة ويبوس براسي ويكول ها ريحانتي بعد تطلعين بدون حجاب ضحكت وكتلة توبة والله ونمنا كلنا سوية بعد صراع مع انفسنا .
بعد مرور ايام
باسل
بعد ساعة واوصل للبيت اليوم نزلت من الدوام وتعبان وجسمي مكسر ورة ساعة بالضبط وصلت للبيت دخلت السيارة للكراج طلعت امي تركض ابتسمت بست ايدهة وراسهة وشبكتني وكتلهة شلونج يمة مشتاقلج كالت يمة من شفتك صرت زينة مشتاقتلك طاك كلبي
عليك بستهة وكلت اسم الله علئ كلبج ها ترا ابنج جوعان وبكيفج بعد ابتسمت وكالت يمة عيوني الك ابتسمت وكتلهة سالمة عيونج يبعد عيوني شلت الجنطة ودخلنة ابوي بعده ماجاي من الدوام صعدت للغرفة كبل دخلت للحمام سبحت كملت طلعت مشطت شعري
ورشيت عطر وسحبت المبايل ونزلت لكيت امي تحظر بالغدة اخذت كلاص مي وكعدت علئ الكرسي انفتح الباب ودخل ابوي شافني ابتسم وبساع خفة ابتسامته وكال الله يساعدكم ردينة علي وكمت بست راسه وكلت ويساعدك يابة وبست ايدة حضني وطبطب
علئ ضهري وكال هلا بالغالي نور البيت ابتسمت وكتلة انتم منورينة يابة كال بمكر هوة ادري ادري احنة منورينة بس لازم نجامل ضحكت وراح يبدل وامي تصب بالغدة اخذت الصينية بالاستقبال وكعدنة نتغدة كملنا وكعدنا نشرب جاي واسولف الهم علئ الالتحاق
وشلون خلصت وكتي وبعدين صعدت نمت من الساعة 2 الضهر المغرب حسيت احد يكعد بية كلت هاا اسمع امي تكول يمة كوم اجة عمك طالب كوم سلم قبل لا يروح مطيت جسمي وكلت اي جاي يمة كمت اباوع الساعة 8 غسلت وتوضيت وصليت ونزلت جنت
لابس تراكسود رياضي عادي اسود دخلت للاستقبال امي وابوي وعمي طالب سلمت عليه واباوع يمة بنته سلمت عليهة سلام عادي بدون ماانتبه الهة وكعدت ويسولفون وعمي طالب كال جنت اني وريحانة نتسوك وقريبين من يمكم كلت خل نمر نسلم ابوي كلة صدك
جذب بكل وقت تعال البيت بيتك ونسولف ومندمجين ورفعت راسي صدفة وشفتهة اي وعلي هية نفسهة هاي الي السانهة اطول منهة خزرتهة وهية خافت ادنت يم ابوهة حشكت روحهة وهوة ملتهي يسولف ابتسمت ودرت وجهي خوافة بس خزرتهة انتبهت عليهة
لابسة عباية خليجية عادية وشال صفنت عليهة واني اتمعن بتفاصيل وجهة عيونهة كبار ومخلية كحلة وحادات رمشوشهة طوال حواجبهة مرسومة نزلت عيوني لشفايفهة بلعت ريكي ممتلئات ومخلية حمرة وردي فاتح فزيت علئ صوت عمي طالب وهوة يكول
شخبار المناطق كتلة واني اسرق نضرات واباوع عليهة بلعت ريكي وكلت لا الحمدالله زينة الاوضاع هز راسة وكال الحمدالله يلا احنا نستاذن ابوي كله صدك جذب ابقوا علئ العشة بعد كال لا والله تاخرت علئ البنات منتضراتني ان شاء الله علئ الجايات كتلة هلا
بيكم عمي بكل وقت طلعنة وياهم للباب ابوي وعمي يحجون وهية ركبت بالصدر والجامة مفتوحة وسندت راسهة علئ الكرسي وصافنة واني صافن عليهة مدري شجاني دارت وجهة شافتني صافن باوعتلي وهية تخزر مااهتميت الهة سويت روحي صافن علئ غير درت وجهي وسلم عمي وصعد السيارة وحرك ودخلنا للبيت .
- يتبع الفصل التالي اضغط على (يأس القلوب) اسم الرواية