رواية ثأر بلا رحمه الفصل الثالث 3 - بقلم عبير فاروق
*ثـــــــــأر بـــــلا رحـمــــــــة*
الفصل الثالث*
فارس : يا.... يا انت بتشتغلي إيه هنا يا ؟؟!!
_ نظرت له نظرة ثاقبة تحرق من يراها مسحت هيئته بعيونها من رأسه حتى أخمص قدميه وردت عليه باعتراض وتأفف واضعة يديها على خصرها .....
قمر : نعم ...... وده اسمه إيه ده كمان ..
فارس: إيه.... انت انت اتجننتي
قمر: وانت مال أهلك أنا اشتغل ولا مشتغلش بقيتو حاجة تقرف ،،،
فارس فقد السيطرة على أعصابه مرددا : إيه ...هي حصلت أهلي ...انت متعرفيش انت بتتكلمي مع مين..يا.......
_قمر مقاطعة غضبه!!....
قمر بنبرة استهزاء نظرت له من رأسه الى أرجله وأصدرت صوت :
ياسم............هتكون مين يعني المحافظ ...ماهو باين على منظرك بالشورت اللى لابسه ولا التشيرت ...يللا ياض امشى من هنا أحنا هنا شركة محترمة مش مصيف ....بلاوي والله.
_ لم تعطه فرصة للرد حتى فتحت باب المصعد
ودخلت فيه تحت أنظاره المشتعلة يقف تحت
تاثير الصدمة ويأتي أصدقاؤه من الخلف
وضع عز يده على كتف فارس يسأله،،،،،
عز: إيه ده انت لسه هنا ..
ياسين :هو الأسانسير عطلان ولا إيه
_فارس بوجه أحمرمن شدة الغضب قائلا :هي شركة دي ولاوكالة من غير بواب ولا إيه فين الأمن اللي هنا........؟؟!!
_تجمع موظفو الشركة إثر صوته المرتفع تلفت حوله لمح رجل كبير فى السن انتبه له قبل حدوث الشجار رأى الساعى يرحب بالفتاة بعد أن أومأت له برأٍسها فاستدعى الساعي على الفور
فارس: تعالى هنا،،،،
الساعي: افندم يا بيه،،،،،
فارس: هي مين البنت اللي اللي شاورت ليك براسها من شوية؟؟
_ارتفع صوت فارس وهز أرجاء الشركة ،،،،
الساعي بخوف من غضب فارس : انهي بنت والله ما عملت حاجة...؟؟
فارس: البنت اللي كانت واقفة هنا قدام الاسانسيرو انت شفتها ؟؟!!!!
_ تدخل ياسين وعز في محاولة لتهدئة فارس ولم يستطيعوا..!!!
الساعي بعد تفكير وخوف من فارس: أيوه ايوه يا بيه أيوه دي جعفر...
فارس بعدم فهم :جعفر مين يا بني ادم بقول لك بنت..بنت انت مبتفهمش..
_وهنا تدخل مدير المشروعات محدثا فارس؛؛؛؛؛
أيمن : مستر فارس هو يقصد البشمهندسه قمر إحنا هنا مسمينها جعفر عشان من ساعة ما جيت الشركة وهي مش مدية وش لحد ولا فرصة لحد يكلمها عشان كده كل الموظفين سموها جعفر ....
فارس نظر إلى ياسين : تترفد حالا..
أيمن: بس يا فندم دي........... قطع كلماته فارس ،،،
فارس :ولا كلمه قلت تترفد يعني تترفد .
ياسين بامر: أيمن نفذ ..
أيمن : مستر ياسين مش هينفع الـ.......قطع كلماته فارس بغضب
امسكه فارس تاالبيت قميصه رافعا اياه : هو إيه اللى ماينفعش ؟؟؟
تمسك ياسين وعز يدا فارس مفلتين ايمن من قبضته مهدئن فارس..
عز :خلاص يا كينج كل اللي انت عايزه هايتنفذ...
ياسين :إهدى يا كينج وأنا هاتصرف....
_التقط أيمن أنفاسه بصعوبة نظر إليه ياسين مرددا...تفضل انت على مكتبك يا أيمن ونفذ أوامر مستر فارس
_أومأ أيمن براسه بمعنى الموافقة وانصرف تحت أنظار موظفي الشركة..
_صعد فارس وعز ثم توجها الى مكتبه وهو في حالة غضب عارم من ما حدث عز مهدئ له ،،،
عز : خلاص يا فارس أخدت جزاءها مش مستحقية كل الغضب ده ،،،
فارس: انت مشفتهاش كلمتني ازاي .....
دخل ياسين بابتسامته المشرقة مغير الموضوع : إيه يا عم أستهدي بالله كده ومش معقولة أول يوم تدخل برجلك الشمال الشركة تقول تترفد على طول طب كنت استنى لما تسبع عشان تروش الملح في الشركة و ونطرد الشياطين بالمرة ،،،،
فارس بغضب: أنت تخرس خالص سبتك تأسس و تختار موظفين مش سواقة وناس شوراعية ...باه دي مهندسة امال لو فراشة كانت كلمتني ازاي أنا اللى غلطان اني سبتلك التفهات دى كان لازم من الأول أباشر كل حاجة بنفسي..
_تدخل عز ملفت انتباه فارس بعيداً عن ياسين حتى لايصاب بقذائف الدمار الشامل لدى فارس فهو يعلم أنه اذا غضب سيشعل الأرض وما فيها قائلا..
عز :الا صحيح يا فاروستي البت صاروخ زى ما سمعت ولا ..؟؟؟؟!!!
فارس مستفهمً : بت مين وصاروخ إيه ..؟؟؟
عز مكملاً : أصل سمعت وإحنا ماشين واحد من الموظفين بيقول عليها صاروخ.... طب ينفع كده ياجدع مش كنت تسبهالى اعاينها الأول ...
فارس : دى حتت بتـــ.....صمت يسترجع ملامحها لم يتذكر شيء سوى بياض بشرتها ......ثم راودته سماء عينيها الصافية تخالها خلف نظارتها ...
_ظهر على وجهه شبح ابتسامة ....انتبه عز ناظراً إلى ياسين نظرات ذات مغزا مكملاً حديثه ......
عز : يبأه صحيح.........
أفاق من شروده على كلمات عز متسااائل : صحيح إيييييه ؟؟؟!!
عز بخبث :الصاروخ المصر اللى أطلقته وعامل عليه حفلة دلوقت ومستنتش أخوك يقص الشريط معاك ......واطي ..واطي يا مان ....
أمسك فارس بشيء موضوع على المكتب وألقاه على عز تفاداه عز و ضحك ياسين على أصدقائه فــ عز الوحيد الذى باستطاعته إخراج فارس من الشحنات السالبة إلى الموجبة فهم بالفعل ينطبق عليهم مقولة ...
الصاحب الجدع _رزق ...وهم بالفعل رزق لبعضهم ....
~~~~~~~~~~~~~~~؛
_في مكتب تاني في الشركة تدخل قمر و عفاريت الدنيا بترقص على كتفها نظرت لها صديقتها المهندسة بتفحص !!!
مها بتعجب : مالك يا جعفر في إيه ؟؟!!
قمر : هي دي شركة ولا قهوة بلدى ؟؟
مها : على حد علمى إنها شركة وعالمية كمان.هههه
قمر : اومال ازاى يسمحو للأشكال دى يدخلو كده ..؟؟؟
مها : أنا مش فاهمة حاجة انت بنتكلمى عن مين ؟؟!!!
قمر : عن واحد بأف واقف عند الاسنسير عمال يسالني رايحة فين وجاية منين و انت مين ...عالم ملزقة تفوووو على دى رجالة...
مها تضع كفاً على كف : كوووول الهوليلة دى عشااان واحد سألك..
قمر : ويسأل ليييييه بسلامته؟؟؟
مها : اومال لو عاكسك ...ودي تبأه معجزة يا عفروتو هههههه.
قمر: انت هتخرسي انت الثانية ولا طلعهم عليكى؛؛؛
مها : لااااا وعلى إيه خليهم لك يا... يا جعفر
_ضحكت وهي تخرج مسرعة من أمامها ولكن هي لن ولم تترك حقها من اي مخلوق على وجه الأرض هي ليست الضعيفة الرقيقة هي أقوى من الصخر
الذي تتعامل معه وأشد من الزلط واسخن من الرمال وأحدُ من أسياخ الحديد
هي تختار الصلابة وهي واحِدة في التعامل مع البشر ليست من قوة شخصيتها لا من شدة ضعفها نعم إنها هي .....هي من أتحدث عنها هي _قمر_ الفتاة الضعيفة متصنعة القوة هي تعتقد بصوتها العالي وحِدة كلماتها تتجنب إذاء الناس لها هذا هو تفكيرها ....
دخل أيمن مكتبها ووضع مظروف أمامها على المكتب وقال
أيمن :ااتفضلي يا بشمهندسه،،،....ّ.......
_أمسكت به قمر؟؟؟
قمر بعدم فهم : أفندم مستر أيمن إيه ده !!!!؟؟؟
أيمن بسخرية :قرار فصلك
صدمت قمر من هذا القرار ثم قالت: ليه إيه اللي حصل،،،
أيمن: يعني مش عارفة المصيبة اللي عملتيها..... !!!
قمر بدهشة : ليه بقى ان شاء الله عملت إيه ؟؟؟
أيمن : انت لسه بتسألي طب إحنا و خدنا خلاص على طولة لسانك وعلى جعفر اللي كل شوية تطلعيه علينا لكن يوصل بيكي الحال لصاحب المجموعة كلها كده كتير ...
شهقت قمر ووضعت يدها على فمها من قبح ما صنعت وقالت: لا هو اللي كان عند الأسانسير ده صاحب المجموعة ده انا افتكرته الواد السايس بيتلزق ده أنا مسحت بكرامته الشركة..
أيمن يضع يديه على بعضهما فوق صدره بحركة درامية : لاهو أنا مقول تلكيش إن اللى شلفطي هيبته وبعزقتي كرامتة ده صاحب الشركة..
قمر : مستر أيمن انا بحترمك لوسمحت متدعداش حدودك...
أيمن: خلاص احمدي ربنا إنه اكتفى برفدك ومصعدش الموضوع للنيابة الادارية يلا كل واحد بياخد نصيبه اتمنالك النجاح في مكان تاني...... سلام ...
_جلست قمر على مكتبها وهي مشتتة لملمت أغراضها وخرجت تحت أنظار الجميع المتسائلة و الغاضبة والشامتة ذهبت إلى منزلها هي وصديقتها من أيام الجامعه هي تسكن معها يستأجران شقة حجرتين وصالة تتناسب معهما كونهما مغتربتان عن عائلتهم ؛؛؛؛؛
فـ هند مهندسة للاكترونيات تعمل في شركة من شركات الاتصالات تعرفت عليها وهما في مخيم يضم الطلاب المتفوقين من مختلف الجامعات قبل التخرج بيوم يسمى يوم الطالب المثالي ومن هنا توطدت علاقتهم وتبادلتا أرقام الهواتف وتخرجت كل منهم و تقدمت الى العمل في أماكن عده حتى وصل بهم المطاف إلى القاهره و قررتا العيش معا .....
_وصلت قمر إلى منزلها ودخلت فتعجبت هند من وصولها في وقت مبكر
اتجت إليها فرأت ملامحها الحزينة الشاردة اغمضت عين واحدة و تحدثت إليها،،،،
هند :مالك يا حزينة شكلك مش مريحني ؟؟!!
قمر:...............
هند :مرمر ردي علي وحياة أبوك مالك متخضنيش عليكي ؟؟!
قمر بتنهيدة : اترفدت من الشغل،،
هند لطمت يدها على صدرها مع شهقة لمعرفة مدى أهمية العمل لـــ قمر !!!
هند : ليه انت انت عملتي إيه ده انت ما بقالكيش ثلاث شهور
قمر : أهو اللي حصل طشت مع صاحب الشركة....
هند بنفاذ صبر : بركاتك انت وصلتي لصاحب الشركة مش مكفيكي الموظفين اللي مرمطاهم ..صاحب الشركة يا مفترية،،
قمر : وانا أعمل إيه ما هما اللي رجالة ز***له كل اما يشوفوا طرف بلوزة يريلو عليها وأنا ما بحبش كده.....وهو كمان في حد صاحب أكبر مجموعة شركات يجي الشركة ب شورت وتيشيرت وكاب ليه فاكر نفسه أحمد السقا اوهو أخد اللي من نصيبه
هند بحزن : هتعملي إيه دلوقتي هترجعي بلدكم ؟؟!!
قمر :لا طبعا مش هستسلم هدور على شغل شغل تاني ..
هند بقلة حيلة : طب قومي ياختى امسكيلك طبق اغسليه ولا سرير انفضيه إحنا مش بتوع شغل يااما....
_ضحكت قمر على منظر هند فــ كانت ترتدى ملابسها بالمقلوب وتربط شعرها بى باضي كارينه وفى ارجلها شبشب مطرز بالورد الأحمر ممسكه بيدها كبشه الطعام من الواضح عليها أنها تعد وجبة الغداء ...
اشتعلت عيني هند من ضحكات قمر أعلنت عن غضبها رافعة الكبشة التى تمسكها : بت انت بتضحكى على إيه مش كفاية إجازة النهاردة من السبوبة اللى حيلتي عشان أعملك طفح ....
قمر بطريقة كوميدية ممسكة يدها : إحنا اسفيييين يا ابو صلاح هههههه
_*ضحكت هند حاضنة صديقتها داعية لها الله ان يثبت أقدامها لما يحبه ويرضى....
××××××××××××××××××××××××××××××××××××××××××
* في مكان آخر في منزل يتسم بالبساطه حيث توجد الفراشات الثلاثة
(_هم مش فراشات قوي يعني هما زي ما أبوهم يطلق عليهم جنيات)
يلا نشوف من هناك .....
_صوت T.v أغنية سعاد حسني تعالوا تعالوا مع صوت فتاة لا تشبه البشر في شيء هي بالفعل جنية لا محال تتمايل وتتراقص على أنغام الاوبريت تدندن معه .....
🎶🎵 عم حزمبل فاعل خير دايما أنا أحب اساعد الغير 💃
طب قولي ياعم حزمبل انا راح اقولك سر خطير🎶
بس السر ده بينى وبينك قولي يا بنتي السر في بير 🎵
عايزة افتح عيني وأغمض الاقي سني بقى 20 💃
علشان إيه علشان أعجب شاب يكون 35 💃
لا مش ممكن علشان خاطري بس ولو يومين 🎼
لا يوم واحد بس بشرط تمشي معايا على طول الخط
🎶💃🎵🎼💃🎤🎼💃🎶🎵🎼💃🎶🎵🎶💃 🎵
🎤 اهو هو ده ...كله إلا ده انا عايزة من ده ياحزومبل
أنا عايزة من ده اههو ده اللي هيسعدني من كلمة واحدة💃🎤🎵
_وتجول في أرجاء الغرفة فتاة أخرى لا تختلف عنها بشيء
سوي في لون العينين نسخة منها في كل شيء حتى يصدر صوتها الصارخ.....عااااااااااااااا باااااااااااااااس....
نورسين : يا بنتي حرام عليكي سيبني أركز هو انت مش
عندك امتحان ولا أنا بيتهيالي ؟؟
روكان :لا بيتهيألك ههههه طب بذمتك هذاكر ليه
ولاااا كمان بكرة عندنا تاريخ و حبيب القلب مشربهولك و .................
أسرعت إليها نورسين: اخرسي الله يحرقك اختك تسمع؛؛
روكان : عيب عليك ده أنا روكا ما تخافيش شمس الشموسة
بتحضر الغدا بتعمل العملية الجراحية للبطاطس،،ههههه
نورسين: ههههه ها ها ها ها طول عمرك تافهة وعقلك بلح خالص..
روكان: سيبنالك العقل ياساسو ........❤والقلب للمستر
_وفرت من أمامها راكضة خلفها نورسين وهي ممسكة بيدها الشبشب
نورسين :و ديني ما هسيبك ولا أقولك ابقى قابلني بكرا وانت قاعدة طور الله في برسيمه في الامتحان مش هعبرك ..
روكان :لاااااا كله إلا دي ساسو حبيبتي توأم روحي ده إحنا روحين في بزازة واحدة يا قلبي
نورسين: ابدأ ولا اعرفك،،،
روكان: طب أفكرك مين اللي بيعمل المصيبة ويجري ويدبس اللى حوليه
فيها ......؟؟؟؟
نورسين: أنت طبعا
روكان : يا ختاااااااي جيت أكحلها عميتها ؛؛؛؛؛؛؛طب مين اللي
سبتلك البلوزة الحمراء؟؟؟
نورسين : انت بس دي بتاعتي اصلاً..... !!!!
روكان بنفاذ صبر : طب مين اللي بيغطي عليكي وانت بتتكلمي............. بصوت مرتفع نسبيا ...!!!مع مستر أحمد
_جريت عليها نورسين ووضعت يدها على فمها كي تسكتها
نورسين : انت... انت يابت اقفلي بؤك خلااااص هساعدك فى امتحان بكرا اسكتي بأه ...
روكان بنبرة عالية : ناس مبتجيش إلااااا بــــ ........مستر أحمد هههههه
_اتجهت روكان إلى باب الغرفة خوفاً من ضربات نورسين فهى تطلق عليها
بعض النكات فى ثقل ضرباتها قائلة....
روكان تخفى وجهها بيدها : والنبى بلاش جمعية المرأة المتوحشة دا انت مشلفطانى على الآخر.....
_فتح باب الغرفة عليهم وأطلت فتاة في غاية الجمال بعيون عسلية فاتحة مثل ضوء الشمس وهي شمس أشرقت إشرقتها المعهودة وطلتها المميزه الضاحكه توجهت الى اختيها واضعه يديها في خصرها متسائلة...........
شمس : مالكو مقطعين بعض ليه ؟؟ مال صوتكم عالي ومسمع الجيران..؟؟
..ومين أحمد ده إن شاء الله ... ؟؟؟
_تفاجأت الأختان بما سمعتا .... احمر وجه نورسي وثلجت أطرافها توترت روكان من سؤال شمس خوفاً من أن تكون سمعت باقي حديثهم....؟؟؟!!!!
دُمتم_متابعين 🌸🌸
بيروو
•تابع الفصل التالي " رواية ثأر بلا رحمه " اضغط على اسم الرواية