رواية يأس القلوب الفصل التاسع و الثلاثون 39 - بقلم رودة
نهاية الجزء الاول (part 39)
حاسديني ، جروحك محلياتني
چا دواك شكد حلو يسوّيني .
ريحـانة
بـاسل اكعـد ماكو ميكعد تمشيت علئ كيفي فتحت الثلاجة وطلعت سراحية مي بارد وسديت الثلاجة علئ
كيف وتقربت وكتلة باسل ماجاوبني رايح بسابع نومة خليت وذبيت عليه سراحية المي البارد وفز فزة
ماصايرة وكبل باوعلي ومصدوم من حركتي اني شمرت الصلاحية وطكيتها بركضة اني وبطني واسمعه
صاح رييييحانة يمه كبل باب السطح مفتوح كبل طلعت ولبدت ورة التانكي ومخلية ايدي علئ كلبي عزا
العزاني علئ هاي العملة والمشكلة خربانة ضحك اختفت ضحكتي من شفته طلع بالسطح بالكيمونة
والشور ويدور عليه وعيونة حمر يمة صاح وينج اطلعي؟ ماحجيت مخلية ايدي علئ حلكي راح بالجهة
الثانية يدور علية واني كمت بساع من ورة التانكي طلعت ركض دخلت للصالة وسديت باب السطح واباوع
عليه اجة علئ صوت طبكة الباب باوع علي من الجامة واشر الي بمعنئ افتحي الباب كتلة واني اهز كتافي
ماافتحة دك الباب حيل وكال افتحييي مافتحته بلعت ريكي وبعد خمس دقايق كال يابة رجلية احتركن من
الشمس حتئ طلعت بدون نعال (اكرمكم الله) كتلة ماا ماافتحة مسح وجهة واني اباوع عليه شعر مبلل
وبالكيمونة والشورت وهستوة كاعد من النوم وهيج شكلة يخلي الواحد يكزكز كتلة واني مبتسمة بلا
اضحك خلي اشوفك مسح وجهة بعصبية وكال تخبلتي بوية تخبلتي؟ افتحييي الباب اي من خرب
يومج كتلة راح افتحة بس ماتسويلي شي كال وهوة يمسح كصته هسة اني شوكت مسويلج شي؟ دفتحي
فتحته علئ السريع وطكيتها بركضة واضحك بصوت عالي وهوة سد الباب واجة وراي دخلت للغرفة كبل
رحت يم الجرباية دخل للغرفة وسد الباب وجتف اديه وكال هسة شسويلج؟ كتلة واني ارمش علئ السريع
بوسني ابتسم ابتسامة جانبية عض شفته وكال ملعونة تردين تقشمريني بس ابشرج بعد مااتقشمر
تقرب واني ارجع ليورة ولازمة بطني لحد ماوصل يمي سحبني من ايدي واخذني للحمام كتلة لاااا باسل الة
عليك هستوني سابحة لا تبللني كال اشش فتح باب الحمام وفتح الدوش واني اسحل بروحي اريد اطلع
وهوة يسحب بية لحد ماسحبني ودخلني جوة الدوش وميي بارد ثلج كبل لزكت روحي بصدرة وحضنته
وكلت باسل المي بارد رفع راسي وكال اسكتي بوية اسكتي الشمس حركتني حرك ضحكت وكتلة باع
شسويت بيك وانتَ متكدر تسوي بية شي مسح المي الي دينزل علئ وجهي وباسني بخدي وكال وليش
قد يعجبك أيضاً
تمرد عاشق بقلم Sela987654321
تمرد عاشق
5.6M72.7K
أَيُّهَا المُتمَرد علي عِشْقِي .. عُذْرًا فإنْ كُنْتَ ابنَ آدمِ فأنَا ابْنَةُ حَواء وإنْ كَانتْ شِيمَتُكَ التَّمَرُدُ .. فشِيمَتِي الكِبْرِيَاء إنْ كانَ عِشْقُكَ...
حدود المزيفة بقلم Luna__69
حدود المزيفة
155K4K
- بريئه من ذنوبكم -قصه جريئه جداً ثلاث فتيات... اجتمعن تحت سقفٍ واحد، لا ظلّ فيه إلا للوجع. أسماءهن نور، لكنّ الطرق التي سلكنها كانت مغمورة بالعتمة. لم تكن الحياة عادلة...
عشقت نهديها بقلم Mohraghalia
عشقت نهديها
250K2.3K
رومانسية جريئة
سر بين السطور بقلم a5_ba5
سر بين السطور
1.7M77.5K
في عالم من السلاح يصبح السر هو الشي الوحيد الذي يجب أن يحافظ عليه"،
عنقود محرم بقلم yakot1
عنقود محرم
1M43.6K
حين تنضج المشاعر في غير موسمها و يُصبح الأقرب هو الأكثر بُعدًا، ينشأ حبٌّ لا يَغفره المنطق، ولا يَسمح به القدر . بين روابط العائلة وأسوار المحرمات، بين شاب أحبّها عُمرًا...
بساط السعاده بقلم Ronafoaud
بساط السعاده
887K49.9K
مد امامها بساط السعاده فهل تخطو بقدمها المتردده
خطاء مغفور بقلم dejle23
خطاء مغفور
614K22.7K
بطلة لا نصيب لها من الحظ، تتوالى عليها الخيبات حتى تظن أن الحياة أغلقت أبوابها في وجهها، إلى أن تقلب غلطة واحدة عالمها رأسًا على عقب. غلطة لم تكن في الحسبان، لكنها كانت...
مااكدر اسوي شي كتلة واني اشبكـه لين تحبني ومينطيك كلبك وشسمة تخاف علية لايصير بية شي
كال هاي يعني انتِ متخافين علية يصير بية شي كتلة واني اضحك لا والله موقصة مااخاف عليك بس يعني
انتَ قوي فديتك اما اني لاقوية كالحرب ولا باردة كالسلام اني فاهية والعباس ضحك بصوت عالي
وحضني ورفعني وكال افدي الفاهية اني افديها سد الدوش واني سحبت المنشفة وطلعت من الحمام
بدشداشتي المنكعة وانشف بشعري وامشي بنعالي ابو الاصبع واطلع صوت بي طلع باسل وراي طك اصبع
وكال توت توت هاي البيضة بيها كتوت توت توت ضليت اكمز بنعالي وكتلة باسل لاتقلد علية غمزلي
وكال توت توت ضحكت وشمرت عليه الخاولي سحبت ملابس ودخلت للحمام بدلت وطلعت وهوة جان يمشط
بشعره رحت يمه انطيته الخاولي ووكفت كدامة ابتسم عاف المشط وسحب الخاولي وضل ينشف بشعري
ودنك باس خدي وسحب المشط ومشط الي شعري واني ضفرته سحبني لحضنه وكال وهوة يبوس بخدودي
وتالي وية هاي تصرفاتج التسحن روحي سحن وتخليني اتيه دربي .
مريـم
نـايمة وفـزيت فتحت عيوني علئ كيف شفت احمد كاعد يصلي ابتسمت سحبت الروب كمت لبسته ورفعت
شعري هوة كمل صلاة وكعد يسبح وكال بابتسامة صـباح الخير ريامي ابتسمت بخجل وكتلة صباح النور
يعمري تقربت اباوع للكنتور فتحته علمود اطلع الي ملابس لكيت فستان الصباحية سحبته وسديت الكنتور
ومشيت دخلت للحمام سبحت وتوضيت وطلعت انشف بشعري وهوة جان لابس تراكسود اسود وواكف
يرش عطر ابتسمت فديته حبيب كلبي شكد انيق تقربت للميز سحبت المشط ومشطت شعري وهوة
منتجي علئ الميز ومكتف اديه وصافن علية ومبتسم خربط احوالي شعري سويته ضفيرة وخليت مكياج
خفيف ورشيت عطر ودالبس بالاسوار هوة تقرب سحبه من ايدي ولبسني ياه وباس ايدي وكال يلا نروح
نتريك ترا اهلج موجودين كتلة صدك شوكت اجوي كال قبل شوية كتلة بابتسامة يلا طلعنا من الغرفة
وهوة لازم ايـدي رحنا للاستقبال لكيت عمو وعمة وبابا وماما وسارة واخته تبارك سلمت عليهم واحد واحد
وباركولي وبابا كعدني يمه وضمني لحضنة وطمن علية يمة فد فرحت من شفت اهلي يمي واحمد كاعد بالجهة
الثانية الي يمنة وبعده لازم ايدي ومن شبكت بابا ضغط عليه وبالكوة ضميت ضحكتي شوية وكعدنا
نتريك ونسولف ونضحك كملنا ريوك وكعدوا يسولفون واني كاعدة يم ماما تمسد علئ شعري وتنصح بية
وتحجي وياية كلامها هيج بلسم علئ الجروح وسارة عيونها مورمة عرفتها باجية علية فد انقهرت وضليت
اسولف وياهة واخفف عليتا من رادو يرحون جان احمد راح للمطبخ يشرب مي كمت بسرعة رحت
للمطبخ وكتلة احمد كال وهوة يسد الثلاجة ها حبيبي كتلة اهلي راح يرحون اروح وياهم ضحك وكال اي
حبيبي روحي شمنتظرة اركضي لا يعوفونج واني كل عقلي جاي اركض ولزمني وسحبني لحضنة وكال ها
وين ؟كتلة مواروح وياهم ابتسم وكال اشاقة حبيبي ميصير هسة ترحين بعدين عود نروح الهم كتلة
وعيوني مدمعة يعني مااروح وياهم؟ كال بعدين اني اخذج ونروح الهم هسة انتِ غير يمي شلون ترديني
تعوفيني؟ هزيت راسي وضميت راسي بصدرة بخجل وكتلة لا مااعوفك هاهية ابتسم وباسني بخدي وسمعت
اصواتهم جاي يطلعون رحنا يمهم وعمو وعمة هم راح يرحون سلمنا عليهم وقبل لا اروح ماما شبكتني وكالت
ديري بالج علئ روحج مريومتي ابتسمت وهزيت راسي وبست ايدها راحوا واني مادري بس حيل
انقهرت دخلنا للبيت بس اني واحمد وهوة ضامني لصدرة سد البيبان وكعدنا بالاستقبال ماحبيت اضوج
واخلي يضوج وياية كتلة واني منتجية علئ صدرة اي عيني استاذ احمد ماناوي تشوفني بيتنا كام وسحبني
وكال موتدلل مريومتي كال اقدملج الاستقبال واشر علئ القنفة هنا نكعد اني وياج نباوع فلم واضمج
لحضني هاي خلصانين منها ابتسمت بخجل طلع للصالة وكال هنا من تضوجين نلعب ختيلان ضحكت
راح للمطبخ واشر علئ ميز الطباخ هنا انتِ تطبخين واشر علئ ميز الطعام هنا اني اكعد اتاملج وانتِ تطبخين اكيد ماافوتها ! واشر علئ الحديقة بعدين
اطلعج تشوفيها شمس حارة اخاف لا يتاذن خدودج الاحبهم من الشمس يمة احس وججهي صار احمر من
الخجل سحبني لغرفتنا واشر علئ الجرباية وهنا انام وهيج اضمج علئ صدري لو تصير معركة مااعوفج
ابتسمت الة وبادلته الحضن همس وهوة يمسد علئ شعري شكد جنت منتظر هاي اللحظة ؟ وضالة بنـفسي،
بس صارت واخذتج غصبا عن الكل وكصته صارت طبك وية كصتي وهمس الضروف ماتبعدنا الضروف
مجرد كذبة اليحبك مايعوفك وياخذك من حلك السبع، وهيج اني اخذتج، من بعد تعب سنين وفراق والم
وتعب وحزن وكلشي ممكن يخطر علئ البال اخذتج ! وكتلج ياهة من زمان وارجع اكلج ياهة ماتلوكين لغيري ريامي .....
سارة
رجعنا من يم مريم، بابا يسوق واني مخلية راسي علئ الشباك ومقهورة، لايمي مريم ولا يمي ريحانة صحيح
فرحانة الهم كلش بس تقهر سالفة اخواتي يرحن، مسحت دمعتي الطاحت بساع وكلت بكلبي كافي سارة
لاتفاولين ويصير شي موزين بطلي تصيرين ام دميعة، اباوع بابا يسوق وماما بالصدر كاعدة وهم صافنة علئ
الجامة وبابا كالساع المحه يباوع الها ومبتسم ابتسمت علئ منضرهم يالله شكد حلوين ! الله يحفظهم
ويديمهم لبعض امين، وصلنا للبيت واني بالسيارة نزعت الكعب لين اذة رجلية فنزلت من السيارة واني
شايلة الكعب بادية وحافية وبس رفعت راسي اشوفلك امير واكف بباب بيتهم يخابر وعينة علية من
نزلت لين نزلت من الباب الثاني الي صاير علئ بيتهم غير عبرتني الخنكة مدري خنكتني العبرة اجيت ابجي
من الفشلة واني حافية وشايلة الكعب وصافنة بوجهة كبل خليت وركضت اي ركضت من طركاعة طاحت
علية، ودخلت لبيتنا وطيكتها ببجية من الفشلة يعني لو يشوفني اهوس بالماسحة لو يشوفني لابسة نعالة لو
يشوفني شايلة الكعب يافشلتيييي ضليت ادك علئ الكاع واكول لج انشكي وبلعيني انشكي الحمدالله
تخبلت دخلت لغرفتي شمرت الجنطة وابجي وكفت كدام المراية كبل بس شفت شكلي ابتسمت الله شكد
حلوة واني ابجي وضليت ابجي بروحي واعصر بوجهي علمود يصير احمر بالزايد واصير حلوة بالزايد
حسب تفكيري الكايح حظ حظه موبس حظة كلت واني امسح دموعي والله لو يتقدملي توم كروز ماوافق
انتبهت لروحي وطكيتها بضحكة عزا العزاني تخبلت تؤ عفية سارة بطلي هالتصرفات انتِ بنية عاقلة
ومؤدبة متتتت عاقلة خلي اسكت احسنلي فتحت كنتوري سحبت تراكسود بدلت ورحت غسلت وطلعت
رفعت شعري كباية وضليت انضف بغرفتي هوسة من البارحة مال عرس لين الخوانم كاعدات هنا يبدلن
ويمكيجن مايكولن هالطركاعة سارة تتعب ماكو ابد انضف وادردم ولاعبات جولة بالغراض كملت كنس
وتعزيل وبعدين بديت امسح بالارضية كملت وشلت السطل مال مسح والماسحة وحطيت الزاهي جوة ايدي
مابية حيل اصعد مرة ثانية انزله نزلت واني واطكطك بنعالي واغني بصوت يطرش الواحد حتئ موعالي مين
حبيب بابا انا مين حبيب ماما داكول انا ومااحس الة طبت تزحلكت اني والمي وطب طب طب تكسرت
تكسر وايدي نلوت حسيت روحي شاغت صحت يمههههههههه وضليت ابجي وطحت من 10 بايات
ويمكم الحساب اجتي امي تركض ومااحس الة باب باب الاستقبال انفتح وطلع بابا يركض واني صحت
مرة ثانيية يمههههه ايديييي الحكونااااييي حتئ مو الحكونييي يمة روحي فرفحت لزمني بابا يحرك بية
يريد يعرف شبية واني بس ابجي امي ركضت جابت عباية لبستني وتهدا بية وتبجي شالني بابا وطلع بية
ومااحس الة صاح يابة اميير تعال شغل السيارة اني من الصدمة والوجع صحتت الله ياخذنيييي وبابا كال
وهوة يعدل بشعري ويحجي علئ كيف بعد ابوج بس اتحملي وحلكج سدي شهرتينا كدام الولددد اني من
الفشلة والوجع بس ابجي مااحس الة واحد صار كدامنا فتح باب السيارة وبابا صعدني واني ابجي
واحس ايدي ملتوية والالم مايتقاوم صعد بابا يمي يسكت بية ويكول شلون طحتي سويرة شلون كتلة
ببجي بابا سارة والحسين سارة صعد امير يسوق واني ابجي واباوع بالمراية واشوف روحي اصير حلوة
بالزايد وابجي بالزايد وبابا يسكت بية وصلنا للمستشفئ نزلني بابا شالني واني ضامة راسي بصدرة
من الفشلة والوجع الة شوي اجيت اعضة بس كلت يشمرني اخذوني للطوارئ وكبل سوولي اشعة واني
بس شفت جهاز الاشعة بجيت كتلها عفية شنو هذا الضوة الي بي يحرك لو شيسوي اكو ولد جان واكف
كال لا ينتل واني بجيت مااحس الة واحد كلة بصوت اشبه بنبرة غضب كمل شغلك علئ الساكت موجاي
تشوفها متوجعة شكو واكف تتمضحك؟ يمة اني كبل بلعت ريكي امير الي جاي يحجي يافضيحتج ياسارة
الفضيحة شولي اشعة وكالوا ايدي مكسورة واني اخذت وضع الحزينة كعدت وهم يجبرون بايدي واني
بس اشهك ودموعي تنزل وبابا واكف كدامي ووراه امير كملوا ايدي وبابا كومني وكال سلامتج يبعد ابوج
علئ كيفج كومي كمت وساندة روحي علئ بابا ونمشي بس جديات صدك توجعت واحس جسمي كله
مكسر صعدنا بالسيارة واني وبابا كعدنا ورة وامير يسوق وبابا ضامني لحضنة ويمسد علئ راسي ويمسح
بدموعي وهدوء السيارة شوية وكسر الصمت امير وكال الحمدالله علئ سلامتج ماتشوفين شر ان شاء
الله كتلة رحم الله والديك ابتسم وبابا كفخني علئ كيف علئ راسي تذكرت انو اني لازم اكله الله يسلمك
طاحظج سارة واني متعودة عليها حتئ من صديقتي تكلي احبج اكلها رحم الله والديج وهم ترزلني، وصلنا
للبيت نزلت دخلنا وبابا يتشكر من امير دخلت للبيت قبل بابا اكثر من هيج فشلات مااتحمل بعد يعني من
طحت من الدرج وصحت الحكوناي سمعني ومن صحت يمة هم سمعني دكيت رجلي علئ الكاع وكلت
بوجع ياكاع هسة صدك انشكي وبلعيني دخلت وتلكتني امي شبكتني وضربت علئ خدها وكالت سودة
علية يمة سودة علية بية ولابيج كتلها واني اطمنها اسم الله عليج يمة مابية شي كالت تعالي يمة تعالي
مددتني علئ القنفة مال استقبال وخلت راسي علئ المخدة ونزعتني العباية وهاي وكعدت تبجي وتمسد
علئ شعري دخل بابا شافنا استغفر الله وكال عليمن البجي يابة هاي سارة حية ترزق مابيها شي كتلة
بضوجة شنو حية بابا قصدك اني حية؟ طك ايد بايد وكال ماتصيرلج جارة بوية اقصد عايشة عايشة
ابتسمت وكتلة شمدريني ضحك وتقرب باسني براسي وكال متشوفين شر حبيبة ابوج انتِ وروحة باسني
براسي ومشة وكف ورجع كال ماجنت غلطان من كتلج ام حس العالي لين اليوم بعد ابوج ثبتيلي انو انتِ
ناقصج من تحجين بس تهلهلين وطلع وضحكت اني وامي وهية تبوس بية واني جسمي يقشعر بس واحد
يبوسني وبس اضحك وخرت مني راحت تشوف الغدا واني اعض بشفتي من القهر والفشلة يعني مافديوم
يشوفني انسانة عاقلة كل سوالفي والخبالات طلعن كدامة بعد اسمي روحي فشولة لو صخومة احسن لين
بس اصخم مااسوي اوو خلي اخابر اخواتي ابشرهم .
طالب
دخلت للغرفة جاي انزع بقميصي وكلت طركاعة ياسارة علئ هاي سوالفج ،الحمدالله ماتاذة راسها من
الوكعة بس ايدها ،هبطتني ووكعتها تخوف ويايابة بجت بجي تريدلك وحدة مو ام دميعة ماكو منو
تسويلها بز كبل بجت ،حسيت علئ وحدة شبكتني من ورة درت واني مبتسم منو غيرها جوريتي ،بستها
بخدها وكلت واني امسح عيونها الي صايرات حمر من البجي، ليش متعبتهم بنيتي هاي سارة مابيها شي هزت
راسها ضميتها لحضني وهية حاوطتني بكـل حب وكالت سويتلك برياني ويياه صدر دجاج وهالسوالف
لين ادري بيك تحبة يلة بدل وتعال خلي نصب غدة وناكل همست واني ابوسها بخدها صار باباتي صار
راحت تصب واني جاي البس بالكيمونة ودك مبايلي مريم استغربت فتحت خط وكتلها ها بابا واجاني
صوتها تبجي كتلها بسرعة ها يابة شبيج؟ كالت بابا شلونها سارة صدك واكعة وميتة وراجعين مكعدينها
بهاية الصدمات الكهربائية بابا كلبي راح يوكف كلي بيها شي تحجي واني مصدوم كتلها باستغراب شني
شتحجين هية جانت تحجي وياج؟ كالت ببجي اي جانت تحجي وياي ،كبل عرفت سويرة مجذبة عليها اخ
منج اخ كتلها واني اطمنها لا بابا مابيها شي وداعتج هاي ناصبة عليج بس ايدها انكسرت طاحت من الدرج
كالت يعني مابيها شي كتلها اي يابة مابيها شي لاتخافين وتقلقين واني الها شلون مهبطتج علئ العموم
بابا ديري بالج علئ نفـسج ولاتضوجين روحج وشوكت ماتردين خابريني، استقبل بنيتي بكل وقت سكتت
وكالت الله لايحرمني منك باباتي كتلها ولامنج يابعد ابوج سديت الخط يايابة بالكوة متحما سالفة بناتي
وحدة ورة الثانية يرحن ومريم ليهسة بوية حسرتها بكلبي شمرت مبايلي علئ الجرباية وطلعت واني اسمع
سارة تحجي وية ريحانة صحت ام حس العالي جايييج .
-------------------------------
انتظرونا ف الجزء الثاني قريباً........
انتظرونا ف الجزء الثاني قريباً........
- يتبع الفصل التالي اضغط على (يأس القلوب) اسم الرواية