رواية يأس القلوب الفصل الثامن و الثلاثون 38 - بقلم رودة
part 38
أشوفك بالصُور وأهدة ،
وآرد للصوره آخذها لحديقتنا ،
وأگل للورد جبتلڪُم بعد وردة ♥️.
ريحـانة
كعـدت علئ المنـبه الساعة 8 ونص، ابتسمت اليوم اول يوم عيد وحنـة مـريم ماكدرت اروح البـارحة لين باسل
اجة تعبان وماانطاني كلبي اعوفـه وكلي خلي اوديج بس كتلة لا خليها باجر كمت علئ كيفي فتحت الكنتور
طلعت دشداشة العيد ودخلت للحمام باوعت بوجهي بالمراية وكلت واني اكرص خدودي يموي فديتني هوة
منو يحف يطلع هيج حلو معليكم بية تخبلت سبحت وكملت طلعت انشف بشعري وانفتح باب الغرفة دخل
باسل ينشف بشعره ابتسمت نازل جوة سابح شمر الخاولي وفتحلي اديـه ابتسمت تمشيت علئ كيفي
وصلت يمه تقربت بسته وداعايده وهوة هم يعايدني كال كل عام وانتِ بالف خير بنيتي، الله لايحرمني من
شوفتج ويحفظج الي وتولدين بصحة وسلامة شبكته وكتلة وانتَ بالف خير يروحي الله لايحرمني منك
ويخليك الية واشوفك احلئ بابا ابتسم باسني وشوية وخر وكال وهوة يفرني هوة منو يلبس دشداشة العيد
يطلع هيج حلو؟ كتلة واني اضحك لا اكيد بس اني ابتسم وباسني براسي وكال البارحة كويتي الدشداشة
البيضة؟ كتلة اي هذيج معلكة بالزاوية كال عاشت ايدج بوية كتلة وايدك يعمري راح هوة يبدل واني
وكفت كدام المراية مشطت شعري سويته ضفيرة وخليت مكياج خفيف ورشيت عطر ولبست
اكسسوارات ناعمة ودمعت عيوني من الفرح واني اشوف بطني شلون شوية بارزة صاير عندي بطن
صغيرة يموييي كزكزت درت وجهي داشوف باسل وشفته يدكم باردانات الدشداشة يموييي شنهايي
شطالع ؟تقربت دكمت الة الدكم الفوك مال دشداشة وعدلت الياخة وهوة جر ايدي باسها كتلة واني امرر
ايدي علئ خده شطالع حبيبي كال وهوة يحاوطني من خدي بوية شني مواحلئ منج طالعة حلقومة وباسني
وهمس حلقومتي تلمس بطني وكال افدي الي بدت تكبر بطنه اني افدي ابتسمت وعيوني مدمعة ضحك
َ وشبكني وتمشئ يريد يمشط واني لازكة بيه هوة يمشط واني حاضنته من كدام كمل تمشيط كعدني
علئ الميز واخذ عطر رش وفتح الجرارة طلع الساعة والسبحة اخذت الساعة لبستها الة وكمل ابتسمت
ووكفت كدامه بسته بخدة كتلة طالع جنك العافية كال ناوية اليوم تخليني حتئ لاهلج مااوديج اكابلج
واكعد ؟ضحكت وكتلة لا والله هاهية سكتتت ابتسم وكال يلا خلي ننزل لزمت ايدة وطلعنا من الغرفة نزلنا
ودخلنا للاستقبال لكينا عمو كاعد تقربنا سلمنا عليه وعايدناه وهوة مبتسم علئ شكلنا ونوب اجتي عمة
عايدناها وكمت احضر بالريوك وية عمة ونسولف ونضحك وشوية وطلع باسل ورجع جايب كيمر
وصمون حار واجبان تلكيته من الباب اخذتهم من ايدة ودخلت رتبتهم بالصينية وكمل البيض والجاي واخذ
الصينية خلاها بالاستقبال وكعدنا نتريك والابتسامة مرسومة علئ وجه الكل كلت لعمة واني اكل جبن عمة
ترحين وياية هسة مو؟ كالت لا حبيبتي اني اخلي باسل العصر يجيبني بوكت الحنة لين خاف يجون
خطار كتلها ان شاءالله علئ راحتج كملنا ريوك وغسلت الصينية وباسل كلي حضري روحج علمود
اوديج كمت بساع صعدت اني محضرة ملابسي الي اخذهم طلعت الجنطة فتحتها خليت بيها 2 فساتين
الحنة وخليت بيها لبسة العرس وخليت الي تراكسودين ودشداشة وخليت المكياج والكعب والعطر وبعد اشياء
احتاجها وجبت شاحنة المبايل خليتها وسديت الجنطة وكفت كدام المراية عدلت مكياجي وطلعت العباية
الخليجة من الكنتور لبستها ولفيت الشيلة ورشيت عطر ودخل باسل للغرفة واني تمشيت فتحت الثلاجة
اخذت كيكة فتحتها وكتلة واني اكل ها نروح ابتسم علئ شكلي وكال يلا بس كملي كيكتج كعد واشرلي
علئ رجلة تمشيت وكعدت بحضنة شبكني حيل وكال احبـج بوية بسته بخده وكلت اموت عليك مد ايدة
يمسد علئ خدي وكال شهل جمال حلقومتي وبعدين بوية وين اكو كيك ياكل كيك؟ ابتسمت بخجل وهوة
شبكني بوية ديربالج علئ روحج ركص
ماكو شيليها من بالج ولاتتحركين هواي ولاتتعبين
روحج وضل يوصي بية كتلة ايي ان شاء الله حبيبي باسني براسي ومدري شجاي يحجي واني شهكت
وتذكرت كال ها شكو ؟كالة بضوجة شو مانطيتني عيدية ضحك بصوت عالي وكال عيدية ومن الصبح ؟ كتلة اي لعد
شنو اني وحد عيني ماالي عيدية ضحك وهز راسة طلع محفظته حسب وطلع اربع خمسة وعشرينات كتلة
واني مبتسمة اشاقة والله رجعهم مااريد جر ايدي وخلاهم بية وباسني بخدي وكال دخذيهم وسكتي شنو
تشاقين ؟وبعدين هاية عيدية يعني غصبا ماعليج تاخذين ضحكت وبسته بخده كال شنو متنطيني
عيدية؟ كتلة باستغراب اني انطيك عيدية؟ كال اي انتِ وتقرب وباسني بشفتي شوية وخر وكال بوياي
احلئ عيدية ! دفعته بخجل وكتلة يا باسل شبيك استحي ضحك وكال دكومي يلة عفت السيارة مشتغلة
شال الي الجنطة واني نزلت وراه ودعت عمو وعمة وطلعت صعدت بالصدر وهوة دك مبايلة وضل يحجي
ويسوق واني صافنة علينه وابتسم علئ طريقة كلامه وشكله بالدشداشة يالة اني شكد احبة؟ شوية كمل
الاتصال سحب ايدي الي جانت فوك ايدة باسها ابتسمت شكد احبه من يبوس ايدي همست بحب احبك
باسل كال وهوة يسوق ياعيون باسل انتِ بوية اموت عليج شوية ووصلنا وكف السيارة يم الباب كتلة راح
تروح ؟كال خلي انزل اسلم علئ عمي والولد ونوب اروح كتلة تمام نزلت وهوة نزل وسحب الجنطة من
السيارة واني واكفة ادك بالباب انفتح وطلع علاوي اخوية ابتسمت وبسته وعايدته وهوة فرحان بية
وضحكت علئ شكله شلون طالع حلو اكيد هاي سوالف امي ملبسته دشداشة وساعة ولادية وشعره
مرفوع كرصته من خده وكتلة فديت الرجال اني فديته يلا روح سلم علئ نسيبك ضحك وركض لباسل
واني دخلت وانفتح باب الاستقباب وطلع بابا شافني ابتسم وصاح يابة نور البيت تمشيت علئ السريع
شبكته وبوسته وعايدته وعايدني كتلة باسل برة كال اي طالع راح بابا واني دخلت لكيت امي ترتيب
بالحلويات شبكتها من ورة وهية فزت شافنتي ابتسمت وحضنتني وهماتين عايدتها وهية تبوس بية
وتضلي علئ محمد تكلي صايرة كيكة ههههههه شوية والكل تجمع وواحد عايد الثاني وباسل سلم وراح، واني
افتر بالبيت ولابسة دشداشة قصيرة وبطني بارزة من عدها شافني بابا ابتسم وفتح ايدة تقربت شبكته وهوة
باسني براسي وكال شلونج بابا كتلة الحمدالله زينة ابتسم وكال الي ببطنج شلونه ضحكت وكتلة الحمدالله
كرص خدي وكال ملعونة شبساع كبرتي وراح تصيرين ام ،ضحكت وكتلة شمدريني ابتسم وباسني ودخلت
امي لازمة المعطر وتعطر بالبيت وصاحت سارررة استعجليي اختج تاخرت علئ الصالون باوعتلي اني
وبابا وكالت طالب الكيك شوكت تجيبوه ؟والقواطي عفية لاتتاخر اريد كلشي يكون كامل قبل الاذان قبل
ماتجي الناس كال بابا يابة موتدللين؟ راح محمد يجيبه وحسين راح يجيب القواطي والمطعم الساعة
بـ2 تكمل اللفات مال كص الي تتوزع علئ المعازيم كلشي كامل بس لاتتعبين روحج امي ابتسمت اله وهوة
حك شواربة ويباوع الها ومبتسم يمة بالكوة ضميت ضحكتي عزا صدك عصافير خليت وكمت طلعت
صعدت فوك يم البنات لكيتهم مخبوصات مريم شافتني كامت وكبل شبكتنس ابتسمت وشبكتها وكلت
ها عروستنا الحلوة شبيج ضايجة كالت مابية شي بس هيج اشتاقيتلج وخرت ونزلت راسها وباست بطني
وكالت يموييي فديت اني حبيبة خالتها فديتها كالت سارة وهية تلبس بالحذائ اكرمكم الله نجبي حبيب
خالتة تقصدين ام حلك ضحكت عليهن وكلت يمعودات يلة هم يالة ترحن للصالون وراجن كومة سوالف كالت
مريم غير من ورة ست سارة كلت واني اهديهم كافي عرك كافي يل ترا بابا جوة منتظركم علمود يوصلكم
نزلن بساع واني نزلت وياهن وبابا راح يوصلهن للصالون واني دخلت للاستقبال ارتب بالكوشة والميز
يمة انكسر ضهري وماما وياي تسوي والبيت نضيف يلمع وحتئ مبدلين من الاثاث هواية شغلات رحت
شغلت المبخرة وبخرت البيت وشوية واجني خالاتي ودخلن وهنة يهلهلن ويهوسن لمريومة وامي تلكتهن
بالسلام الحار ابتسمت وسلمت عليهن وقدمت الهم مي
وبنات خالاتي كامن يساعدنا بالنواقص وضلينا نركض
منا ومنا وبدوا يجون المعازيم واجتي وداد كبل حضنتني وكالت عمري المشتاقة الها حليانة يولي كتلها
يعمري اني الاكثر والله وبعدين موبجمالج وتعالي شكو متاخرة كالت غير التهينا نحضر والسيارة جانت
بالتصليح وهسة يالة بابا جابها وضلت هم تساعدنا وصار وقت صلاة وصلينا وكثروا المعازيم والبيت صار
عبارة عن صوت الاطفال وهوستهم لو النسوان الي يحجن ومسويات تجمعات واني واكفة يم ماما بالمطبخ
لين جابوا الاكل وضلينا نرتب بيه ورة مكملنا كتلها بتعب ماما كملنا لو بعد لين تعتبت ضهري صار نصين
كالت وهية تمسد علئ وجهي سودة علية ماما تعبتي مو موكتلج اكعدي وارتاحي امشي بغرفتي تمددي
لايصير بيج شي اسم الله كتلها اسم الله عليج يعمري بس هيج تعب بسيط كالت يلا امشي كدامي تمددي
شوية وارتاحي واذا عندي دوة اشربي موتنسين بس كالت دوة تذكرت انو اني ماجايبة الدوة مالتي الي
اشربه من تصير عندي تقلصات واوجاع وهالسوالف عزا العزاني بلعت ريكي وكتلها ان شاء الله كالت وهية
تسد الثلاجة هم يالة راح تجي مريم اصعدي ارتاحي شوية وبعدين روحي بدلي ومكيجي يلا امي كتلها تمام
رايحة صعدت فوك وناس تمكيج ناس تشسور ناس مدري شتسوي اففف هسة شلون ابدل خليت وفتحت
الجنطة طلعت الفستان مالتي ولونه علئ ماروني هيج شي وقصير ومخصر علئ الجسم ووياه كعب اسود
وشعري برمته الي وداد وخليت مكيـاج وطوخت الحمرة وسحبت ايلاينر ورشيت عطر والمثبت مال
مكياج ولبست اكسسوارات ناعمة والحلقة مالتي الي متنزل من ايدي واخذت كم صورة والحمدالله راح
الوجع مني وسمعت صوت هلاهل عرفت اجت مريومة ابتسمت ونزلت علي كيفي دخلت للاستقبال وشفت
علئ متجمعة عليها دخلت بالكوة شافتني ابتسمت تقربت بوستها وكلت واني اباوع عليها باعجاب شنـو
هاي شطالعة يعمريي اللهم صلئ علئ محمد وال محمد كالت وهية ترفع بالبدلة عفية شوفي البدلة شكد دلعة
ماجنت هيج متوقعتها كتلها واني اعدلها الها بالعكس كلش حلوة وحتئ فتحتها لا تضوجين عمري بدلتها
لونها ذهـبي وشعرها تسريحة ونازل منها خصل والمكياج فدشي والبدلة مخصرة بعدين منفوشة كعدت
يمها وهية فد خجلانة ومستحية وشوية وتبدا الحفلة ورحت بغرفة ماما يم ماما اشوفها كملت لو بعدها
دخلت وشفتها لابسة قفطانها المغربي الي لونه فستقي وشعرها الي مسويته خـصل لون سلفر ومبروم
وكاصـته قـصير ومكيجة ودترش عطر كتلها واني اباوع الها بنضرات اندهاش هاي شطالعة ماما ! تموتين
عزا ابتسمت وكالت شطالعة ياماما نفس مااني كتلة واني اهز ايدي يا نفس ماانتِ غير اليوم اذا شافج بابا
يصعد عنده السكر شنهـاث ضحكت وكالت امشي ماما امشي طلعنا من الغرفة واني اتغزل بيها والديجي
مشتغل وسارة بالنص هية وفستانها القصير والشعر نازل ورووح دخلت وياهة بالنص واركص وماما تعض
باصبعها وتاشرلي يمها بمعنئ تعالي كعدي واني مندمجة واركص وية سارة علئ كيفي لحد ماكامت
ماما كعدتني ومريم تباوع علينا وتضحك كعدتني ماما وبس ترزل بية تردين الطفل يوكع استري علينا واكعدي
ياماما موزين عليج واني ضايجة شنو حنة اختي ومااركص واجتي عمتي هم وشافتني صلت علئ محمد
وكالت بابتسامة فدوة لجنتي الحلوة يموي من كالتها كزكزت عليها اجيت احضنها بس استحيت متتتت شوية واجوي اهل العريس .
مريم
كلها تركص وفرحانين واني مشاعر متقلبة ومختلفة اليوم اني اعتبر روحي اسعد انسانة بهـذي الدنـيا، اباوع
لروحي بالمراية الي كدامي مال مهر طالعة مختلفة وحلوة حيل ،لحد ما ورة المغرب كالوا اجو اهل العريس
دك كلبي حيل حسيته حيطلع من مكانه وارتبكت عدلت الي ريحانة البدلة وشعري وراحت تلبس شي
طويل ارتفعت الهلاهل بدخول اهله والهوسات وتقربت امه واخواته باسني وباركلي وشوية ودخل هوة يموي
يمن فدوة لهذاك الطول يبعد الكل، هوة منو يلبس قاط اسود هيج يلوك عليـه؟ تقرب باسني براسي وكعد ولزم
ايدي وايده ترجف درت عليه وابتسمت وهوة صافن علية رجعت الشعر شوية ورة اخذني وهمس هلا
بالملتهي بشعرة ...ابتسمت بخجل باس ايدي وكال شحجي شكول ؟اريد كلمة توصفج ماكو 28 حرف
وكفن كدامج ...شهل جمـال مريومتي ! كتلة بخجل مو بجمالك مسح لحيته وكال اششش خليني ساكت
ياموبجمالي بنيتي؟ زين بوية ماخفتي علية ماكتلي من يشوفني خاف تصير عندة سكتة قلبية اني من جنا
يم المصورة ماحجيت شي كلت بعدين الزمج زحمة كدامها ابتسمت بخجل و كتلة بسرعة اسم الله ابتسم
وبدا يحنيني وهالسوالف وكالساع هامس باذني شي لحد ما هوست امة وكالت الليلة حنتة وباجر يزفونة الليلة حنته ويهوسون واني مبتسمة ونوب شغلن ساجدو عبيد وجرتني اختة كومتني وهوة اشتغل الردح واني عود الخجولة طب ضليت اركص واتمايل وية البنات وهوة عيونة تجول علية وركصت وتونست حيل واضحك نوب هوة كوموا وصرت اتمايل بين ادثه لحد ما طفوا ساجدة و كلها كعدت واحنا بالنص
وشغلوا اغنية حبة جنة مال شيرين ...حاوطني من خصري واني اتمايل بيه ايديه وهوة يباوع علية
ومبتسمة تقرب وهمس يم اذني منو باجر ينور بيتنا؟ همست بحب اني باسني بخدي وكال احبج همست
موبكدي ومن كالت حبة جنة انا عشت فيها كبل كال هية الجنة والله هية يمة غير فد استحيت وخجلت
وكلها ضلت تضحك ويباوعون علينا عزا ضميت واسي بصدرة من الخجل وهوة يضحك جر ايدي باسها
وكعدنا واخذنا صور وطبعا من الصالون قبل لاارجع للبيت احنا رحنا للصالون اخذنا صور ونوب
رجعوني ،قبل لايطلع كال باسني بخدي وهمس بوياي بوية سلام الله علئ عيونج اكبر مشكلة تحلها !
سارة
طلع احمد واباوع سارة انسحنت روحها لازم اعرف شنو كال الها داريد اجرب هذا الشعور اححح خرب
يومي طلعت واني اكل بالكيكة وماما هم عازمة جيرانة ام امير واني ماقصرت بالركص وهية عينها
عليها شعدها تباوعلي مادري لكيت ماما بالمطبخ دتسلم عليهم جاي يرحون صاحتني كالت سارة خلي
بالعلبة كيك لام امير مااكلن ويردن يرحن كالت ام امير ياعيني ليش تزحمين روحج مانريد والله كالت الها
ماما لا ميصير دادة ماشي سارة بساع طلعت علبة وخليت الهم قطع كيك 6 وسديتها وانطيتها لعمة ام
امير سلمنا عليهم وطلعوا وصاحتني اخته وهية دكول موتنسين تدزين الصور الي طكيناهم كتلها اييي هسة
ادزهم راحوا واني دخلت واهوس واكول مبارك عرسك يالهيبة مبارك عرسك صادفتني ريحانة ضلت تهوس
وياية وتكول عريسنا جكليتة حامض حلو باكيتة ضحكت وكتلها ادري مصاصة لو عريس استغفرالله
ياربي ضحكت وكالت عزا لج شوكت تخف الهوسة فد تعبت كتلها واني اباوع لبطنها علئ هذا ركصج هسة
يطلع راس ابنج معنجر كالت وهية تتلمس بطنها اوي عابتلج ترحيلة فدوة ضحكت عليها وضلينا ناكل كيك
بالمطبخ والناس بدت تخف لحد الساعة 10 كلها راحت واحنا بدينا ننضف بالبيت واجوي بابا والولد واخذوا
صور وية مريم واني انضف وارجع ليورا وخطية ريحانة ماخليتها تساعدني شصار بيها تعبت وموزين
عليها ووداد بقت يمنا فـاني وياهة نضفنا واني مبدلة الفستان ولبست برمودة وبدي ورفعت شعري كباية
وانضف سمعت صوت الباب يندك ماما صاحت سارة افتحيي الباب لاخوج علاوي راح يجيب صمون يمكن
اجة كتلها رايحة رايحة طلعت واني اهوس بالماسحة يوم الالي واذبح طلي ويو الالي فتحت الباب وصرت
وراه وكلت ادخل علاوي بساع شوهذا لايحجي ولا هاي كتلة عليوي تدخل لو اطككك براسك بالماسحة
واجاني صوت بهذلني تحمحم وكال صيحيلي ابو محمد كبل طبكت الباب وعضيت اصبعييي عزااا
العزانيييي انفضحت ييممم حبيب الروووح يبوييي شمرت الماسحة ودخلت اركض واكمز خربب نوب
جنييي جبار من احجيييي طركاعة طاحت عليك عليوي ،زين اميير شجابة انفضحت يمة نوب اكلة
اطكطكك براسك بالماسحة خاف جان يمكن معجب بيه هسة دخل بصدمة من ورة سوالفي الطايح حضها يافضيحتج ياسارة الفضيحة .
ريحـانة
اباوع لمريم كبل سبحت ونامت يعمري مبين عليها التعب واني متمددة علئ الجرباية بطني شوية تاذيني
من التقلصات مااريد اخابر باسل اكلة جيبلي الدوة لين هوة قبل لااطلع 3 مرات ذكرني بيه وكلي لاتركصين
ولا هاي بس اني وين اسمع الكلمة، اخر شي ماتحملت الوجع خليت ودكيت عليه شوية وجاوبني واجاني
صـوته وهوة يكـول ها بنيـتي جاوبته هلا حبيبي شلونك اشتاقيتلك رد علية هلا بيج بوية زين انتِ
شلونج؟ موبكدي يابة كتلة بهدوء اني زينة بس شسمة كال شنو شسمة؟ كتلة واني اطكطك باصابعي باع
باسل حكلك شي بس لاتعصب كال شنو بوية كولي؟ كتلة صارت عندي تقلصات بطني تاذيني والدوة نسيته
علئ الميز سكت وشوية وكـال اني مونـبهتج وكتلج الف مرة لا تنسيه؟ تعتبي نفسج اليوم مو سكتت كال
احجي كتلة اي تعبت تنهد وكال جـاي بالطريق راح اجيبلج الدوة وكبل سد الخط، تنهدت وشمرت المبايل
علئ الجرباية هسة اني شكو انساه شكو اكيد عصب منـو ،تقريبا ربع ساعة ودك مبـايلي جـاوبته كال
اطلعيلي اني برة كتلة تمام سديت الخط وكمت فتحت باب الغرفة ونزلت لاكتني سارة كال ها وين
رايحة كتلها باسل جابلي الدوة اخذه منه واجي كالت يمة الحب يمة كتلهة دوخري مني خلي اروح تاخرت
عليه نزلت فتحت باب المطبخ وطلعت وصلت لباب الكراج ودخل علاوي اخوية لازم علاكة بيده انطاني
ياهة وكال باسل ودالج هاي العلاكة اخذت العلاكة وكتلة وينه كال راح بس كال راح كبل غوركت عيوني
عود يعني شنو هذا التصرف دخلت بساع للبيت صعدت للغرفة ودكيت عليه رد علية وكتلة عود هاي
شيسمونها يعني موكتلي اني جاي ونزلتك؟ كال بكل هدوء شفت علاوي وانطيته الدوة كتلة واني امسح
بدموعي ضوجتني موردت اشوفك ليش رحت كال تعـبان اريـد انام كتلة ايي روح نام ،اساساً انتَ متغير
علية وبس الطفل الي ببطني هامك انيي مااهامتك وسديت الخط وكعدت ابجي بس الطفل هامه يعني
اني مااهمة مو كمت شربت دوة وغفيت والدمعة علئ خدي .
مريم
كعدت الصبح علئ صوت المنبه ابتسمت نايمة يم بابا البارحة بليل فزيت وكمت نمت يمه وضل يسولف وياي
وينصح بيه لحد ماغفيت بنصهم هوة وماما كمت علئ كيفي صعدت سبحت وطلعت من الحمام انشف بشعري
وسارة واكفة تبدل لين راح حنروح للصالون وريحانة نايمة وايدها علئ بطنها كالت سارة وهية تخلي حمرة
هاي اختج الجفاصة البارحة تعاركت هية وباسل ونامت مقهورة كتلها واني اسوي شعري كباية خلي
نكعدها مزيعل هزيتها وكلت اكعدي ريحانة كالت ها كتلها اجة باسل كبل كمزت ابتسمت وكتلها جذب
كومي مااجة كالت وهية تعدل شعرها خلي يجي شسويلة كتلها واني اعدل بشعرها كافي زعل يحلو
كومي ترحين ويانا للصالون شنو نسيتي اليوم عرسي عيني كالت بابتسامة لامانسيت يقلبي، منو يبقئ يم
ماما وسارة تروح وياج؟ كالت وداد وهية تفرك بعيونها روحي وياهن اني يم عمة ابقئ كتلها واني ادزلها بوسة
بالهوة فديت مرة اخوية اني فديتها ابتسمت وكتلها كولي لباسل كالت اي هسة اكلة كمنا نحضر ومبايلي دك
شفته احمز ابتسمت فتحت خط اجاني صوته وهوة يكول صباح العافية بنيتي ابتسمت وكتلة صباح النور
يعمري كال رحتي لو بعدج؟ كتلة واني اشر للبنات بمعنئ يلة كومن لا بعدني هسة راح نطلع بس يكملن
البنات كال تمام رويحتـي وضلينا نسولف شوية ويتغزل بية ويضحكني حسيته عرفني متوترة
وخابرني علمود يخفف علية شوية وكملن البنات نزلنا ووصلنا محمد للصالون دخلنا والبنات بدن يختارن شنو
يردن وشنو يسون لحد ماصارت الساعة 11 يالة بدت بية مكيجت الي وبعدين سوت الي شعري ومن كمت
وساعدني البس البدلة وباوعت لروحي بالمراية ضليت صافنة مادري فد خجلت البدلة طالعة علية كلش حلوة
والفستان والشعر كلشي مختلف وكلها ضلت تصلي علئ محمد وال محمد وطشن جكليت علية لحد ما
صارت الساعة بـ3 يالة كملنا كلشي والبنات مسون مكياج طوخ مكياج خفيف وحلو لين عرس وهم
تونست وياهم بالصالون كلش وشوية واجة احمد علمود نروح للتصوير ونوب يرجعنا طبك السيارة يم
باب الصالون وطلعني البنات والبركع مغطيني طلعنا فتح هوة الباب الورة وصعدت وصعدت يمي ريحانة
وسارة بالصدر هوة صعد وكال يالله سد الباب وبدا يسوق وكلما ارفع راسي اشوفه يباوعلي ومندمج
ويسولف هوة والبنات لحد ماوصلنا لموقع التصوير نزلت دخلنا ورفعت الي ريحانة البركع وهوة جان واكف
مقابيلي يخابر بس شافني سكت وبعزين حس علئ روحة وحجة وسد الخط تقرب لزمني من ايدي وهمس
عروستي الحلوة ...ابتسمت بخجل رجع كال اروح فدوة ونذر وباس ايدي وبدت المصورة تصورنا
وكالساع لقطة مختلفة حتئ تعتبت من الوكفة كملنا رجعن لبسني البركع وطلعنا ركبت بالسيارة وركبت
ريحانة وسدت الباب وهوة بدأ يسوق وسارة مشغلة اغنية عرس المرجلة وهوة منطلق ابتسمت عليه شلون
فرحان ويضحك يربي كون دوم هالضحكة الحلوة وصلنا للبيت ووكف السيارة يم باب الاستقبال نزلت
دخلت وهوة حرك استقبلوني بالهلاهل والصفكات ولكيت اهله جايين لين الظاهر اني تاخرت بالصالون
سلموا علية وماما تصلي علئ محمد وفرحانة بية وعيونها حمر عرفتها باجية اوي يمة سودة علية شلون
راح اعوفهم كبل عيوني غوركت وعصرتهم ماردت ابجي وشغلوا الديجي ويركصون ومن كالوا راح يدخل
العريس ارتفعت الهوسات والهلاهل وهمة يكولون نتشكر من عمها وابوها نتشكر من كال اخذوها نتشكر،
وهاي الرادها وهاي التمناها بت الشيخ لابن الشيخ جبناها، يهل القوط ذبوا القوط حمودي لبس قاطة
ابتسمت من سمعت اسم حمودي، تقرب باس راسي وكعد يمي وكلها تهوس الة ومنطلقين وهوة لازم ايدي
لحد ما صار لازم نطلع كلبي رجف باوعت لامي الي تهلهل وتصفك الي كبل شهكت وبجيت وهمة صاحوا
يابجت واني بجيت بالزايد تقرب يمسح بدموعي واني ينزلن عشرة عشرة تقربت ماما بوستني وتسكت بية
واني ابجي بالكوة سكتوني من كمنة وبابا دخل وخلة ايدي بايدة وكلة هاية امانة ومسلمها الك حافظ عليها
بوية جبيرتي هاي ورفعة راسي تقرب باسني براسي لزمت ايدة بستها وبجيت شبكني ومسح علئ راسي
وكال اهدأي بوي اهدأي واني شابكته وابجي باسني وهدأني ووصة احمد علية وكلة بعيوني اخليها وطلعنا
وصارت الهوسات والبركع منزلته صعدنا بالسيارة وانطلقا الزفة واني عيني علئ بيتنا ودموعي تنزل مد
ايدة مسحها احمد وكال عيونج راحت رويحتي هاهية اسكتي هزيت راسي وهوة سحب ايدي باسها وكال
احبج كتلة واني مبتسمة وامسح بدموعي موبكدي شوية ووصلنا لبيتنا الله شكد حلوة كلمة بيتنا ،المعازيم
يرحون لبيتهم نزلنا من السيارة واخذتني امة واختة للغرفة كعدني علئ الجرباية ويسولفن وياية وهدأني
وباركلي اباوع للغرفة تحفة ! تجنن من ناحية الترتيب من ناحية كلشي تركية ولونها ابيض وماروني وكلشي
منسق وياها فديت حبيبي المهندس اني وفديت ترتيبه شوية و سمعت صوت الهوسات وهمة يكولون
زفيناه بصاية حيدر زفيناه رجف جسمي انفتح باب الغرفة ودخل وسده تقرب واني اطكطك باصابعي مد
ايدة كومني ووخر البركع خلاه علئ الجرباية وباسني براسي حيـل وكال مبـروك علينا ريامي ابتسمت وكلت
بخجل الله يبارك بيك حبيبي لا ارادياً حضني حيـل وهمس فرحان بوية فرحان شبكته حيـل وهمس
لاتعوفيني مريم لاتعوفيني همست بهدوء للموت وياك، باسني بخدي وكال امشي بدلي حبيبي كمت علئ كيفي
دخلت للحمام لكيت السيت الابيض معلك بالباب نزعت البدلة علئ كيفي وفتحت التسريحة ودخلت
جوة الدوش سبحت وحسيت انزاح كل التعب مني شوية وسديت الدوش نشفت ولبست السيت الابيض
وطلعت واني انشف بشعري وهوة جان هستوة دخل للغرفة وبيده صينية الاكل شافني ابتسم تقربت لميز
مراية داخذ المشط حضني من ورة وباس ركبتي قشعر جسمي اخذ المشط من ايدي وهوة ضل يمشط الي
بشعري سواه الة ضفيرة ولو مو عدلة بس اهم شي الفكرة وبعدين دارني عليه باسني براسي وسحبني من
ايدي كعد وكعدني بحضنة وصار هوة يوكلني واني ميتة من الخجل بمكاني وضل هوة يسوي الي لكم
وناكل لحد ما كملنا كمنا غسلنا وهوة دخل سبح وطلع واني كاعدة علئ الجرباية وايدي علئ خدي وصافنة
عليه باوعلي من المراية وابتسم لا اراديا ابتسمت اله بكل حب كمل تمشيط وتقدم صار كدامي ودنك علية
وهمـس ابتسامتج بهذلتني بـوية دنكت راسي بخجل رفعه بطـرف اصبعه وبـاسني غمضت عيوني ........
ريحانـة
كاعدين بعد ماخلص العرس وكلها وجوها تلطم وقبل شوية سكتت جنة نبجي اني وسارة علئ مريم وماما
بالكوة سكتناها وبابا كاعد بالاستقبال يدخن كمت صعدت للغرفة فتحت مبايلي لكيت باسل اليوم دام
علية كومة واني مادري عزا نوب حتئ داك من جنت بالصالون وطبعا اكيد كتلة يالة رحت للصالون لين تبت
بعد مااطلع بدون علمه المهم دكيت عليه يطلعلي مشغول اباوع الساعة بـ11 يخـابر منو ضجت شوية
ورجع دك علية جاوبته كتلة ويامن جنت تحجي ؟كال بوية موكت تحقيقاتج ترا مشغول وحسيته يحجي
بتعب كتلة باسل ويامن كال وية صـديقي كتلة ليش انتَ وين كال بالدوام من البارحة الفجر وتعبان ومالي
خلك وهسة خلص الدوام وجاي ارجه وانتِ داكة علية بنص الليل عبالي تسالين عليه وتبطلين تصيرين
عصبية وتجفصين وماتسدين الخط بوجهي بس خابرتي علمود تعرفين ويامن جنت احجي جيد رحم
الله والديج بوية وسد الخط اني كبل بجيت لهل درجة اني مضوجته خليت ورجعت دكيت عليه وابجي مارد
خابرت مرة ثانية رد علية كتلة ببجي باسل تنهد وكال شكو تبجين ؟كتلة ببجي باسل سكت رجعت كتلة باسل
تنهد وكال كلبة وروحة وعمرة وحياتـة شهكت وكتلة احبك كال بهدوء اموت عليج كافي بجي بوية كافي مو
كلبي انشلع واني اسمعج تبجين كتلة ضوجتك مو كال بوية اضوج من الناس كلها ومنج مااضوج شتحجين؟
وين اكو واحد يضوج من روحة كتلة اسفة علئ الي صار البارحة موبقصدي كال بهدوء لا تتاسفين بوية
متفهمج عوفي البارحة وعوفي كلشي كلبي طاك عليج بنيتي حتئ الزعل راح وتعبان ومن اشوفج يروح كل
التعب، باوعت للساعة وكتلة تمر علية هسة اروح وياك؟ كال بدون تفاهم جايج بوية جايج ضحكت
وكتلة تمام سدينا الخط وحضرت ملابسي وكلت لسارة وكامت تساعدني نزلت سلمت علئ بابا وماما وكتلهم
باسل اجاني حروح وياه لين جاي من الدوام تعبان وهاي نزلت الي سارة الجنطة واني واكفة اشرب مي
بالمطبخ سمعت هورن ،عرفته اجة يمة هيج كلبي اجة يطلع من مكانه شكد مشتاقة اله طلع اله بابا واني
بوست ماما وسارة وطلعت شفته واكف يحجي وية بابا شافني ابتسم وابتسمت اله بوست بابا وصعدت
بالسيارة وهوة شوية وصعد بابا ابتسم الي ولوح بايده دزيتله بوسة بالهوة ضحك حرك باسل السيارة ودار
علية وكبل باسني بخدي وكال ها ينور عيوني مشتاقلج وجر ايدي باسهة ابتسمت وتقربت بسته
بخده وكلت ها يروحي اني الاكثر يسوق ومندمج شوية وصلنا نزلنا وهوة شال الي الجنطة ودخلنا نمشي
وهوة محاوطني بايده واني اتغزل بيه لين لابس عسكري وطالع بيه يسحن الروح ،سبحانه مغير الاحوال
من حال الئ حال هستونا جنة متعاركين وهسة تصافينا اوف فديتنا دخلنا سلمت علئ عمو وعمة
ولحكت باسل فوك لكيته جاي يسبح نزعت العباية وخليت الجنطة علئ صفحة بعدي اعزلها وكفت كدام
المراية رتبت شعري ورشيت عطر وخليت حمر وضليت افتر بغرفتي مشتاقتلها ورتبتها وهوة طلع
ينشف بشعره واني واكفة اعدل بالنزلة مال جرباية راح مشط وخلة عطر وشمر روحه علئ الجرباية
وفتحلي ايده تمشيت علئ كيفي ونمت بحضنه حضني حييل وباسني وكال اويلي يابة هسة صرت زين
ابتسمت وضليت امسد علئ شعره وهوة يبوس بوجهي كال شلون صرتي كتلة بحب من شفتك صرت
زينة حضني وكال اويلي يابة شكد احبج ابتسمت وكتلة اموت عليج شوية وبدا ينعس وفاتح عيونة
بالكوة ونايم بحضني همس بهدوء تعبان نوميني يموي هوة كال هيج لو انسحنت روحي كبل حضنته وضليت امسد علئ كيفي علئ شعره لحد مانام .......
العنده حب يكتل كتل
ليش يتحول طفل ماينام الة بسوالف دافية ♥
- يتبع الفصل التالي اضغط على (يأس القلوب) اسم الرواية