رواية يأس القلوب الفصل الخامس و الثلاثون 35 - بقلم رودة
part 35
جاي اجيبها كال محمد لا ضمهن فلوسك وشوفلك بيهم خوش مشروع سيارتك علية ترا احنا علئ وعد
الطفولة ها ابتسمت واني اتذكر محمد من جان صغير ويكول لحسين من اكبر واصير مهندس اجيبلك السيارة
التريدها ،تنهدت اكثر شي حلو ويخليك فرحان من تشوف اولادك متحابين وواصلين ومكونين نفسهم
وواحد يدعم الثاني وواحد سند الثاني دكيت علئ جتافهم وكلت بهدوء هالمرة انعادت وان شاء الله ماكو
مرة ثانية وخليها ببالكم بوية انتم واحد يسند الثاني وواحد يدعم الثاني حسين يحتاج محمد، ومحمد
يحتاج حسين لاتخلون المشاكل والضروف تخربكم ولاتخلون احد يحكمكم وكافي تعبتوني اي من طركاعة
طاحت عليكم ضحكوا وضحكت وياهم دخلنا للبيت ولكيت ست جوري كاعدة بالمطبخ علئ الميز وايدها
علئ خدها شافت حسين كمزت وكبل حضنته وتسالة وين جنت وبعدك ضايج وهالحجي لحد ماطمنها
وعرفتوا تراضوا وباس محمد كدامها يالة اقتنعت دخلوا للاستقبال وكب الصياح والشقة بوية انطرشنا
تقدمت لست جوري الواكفة تغسل بالتفاحة علمود تاكلها صافن عليها ومنتجي علئ الكاونتر هالمرة
ساحرتني ومحيرتني ! اشو يوم عن يوم احبها اكثر وكل يوم تحلئ بعيني ! فزيت من صفنتي من شفتها
متقربة يمي وتكول ها شبيك صافن بيمن تفكر عيني؟ همست واني ارجع خصلتها ورة اذانها بيج بوية بيج
هوة اني منو ماخذ تفكيري غيرج ؟بستها بخدها وكلت بوياي شهل ترافة ابتسمت بخجل وكتلها واني احاوط
خصرها واعدل بشعرها كبرت وحبي الج وياي يكبر ...بكل يوم ...بكل ليلة ...طالب يحبج ويفكر بيج ...اكو بيهم يكولون كبرنا بعد هية مال حب ؟ تنهدت واني اشدد قبضتي علئ خصرها ...الحب مايعرف عمر ...وكلها تشهد اني احبج ...الشوارع ...صفنتي ...عيوني .... واشرت علئ كلبي وكلت وهذا يدك باسمج ...انتِ مالتـي بـوية !
والناس تعيش علئ الهوة وعلئ الماي، اني عايش علئ شوفتج ! شايفتلج واحد بشوفة محبوبة ينكتب الة
عمر ثاني؟ هاي اني كلما اشوفج احس جاي ينكتب الي عمر جديد، عمر بادي بيج وتخيلي شكد حلة لعد
هالعمر !وبوية هوة عمر واحد واني ارد اخلصة وياج، طالب بدونج مايسوة حضنتني حيـل وساكتة ماحجت
تلمست خدها صارت نار ضحكت بهدوء وهمست تخجل جوريتي؟ حبيبة كلبي؟ نور عيوني؟ همست
بهدوء شنو ارد عليك هسة اني شنو ! كتلها واني ابوس خدها الصار احمر دم كلشي لاتكولين اني
الاحجي انتِ هاية النضرة منج اعتبرها جواب لكلشي، شبكتني حيل كتلها يولي احنا بالمطبخ لايدخل واحد
من الفيلق ويشوفنا وشيخلصنا ضحكت وباستني بكتفي بوية شكد احب هاي حركتها وكالت وشنو خلي
يشوفون اي غير كلها تدري اني احبك بعد شنو بوية هية تحجي واني مكزز ضحكت وبستها وكلت اويلي
يابة بس موبكدي لين حرام اكو واحد يحبج بكدي محد بوية محد ابتسمت وضلت حاضنتني ماتقبل
توخر واني شابكها وامسد علئ شعرها واهمس الها بالكلام الحلو وفزينا ثنينا علئ صوت حسين وهوة
يكول امشي بوية اخطبلي بعد مااتحمل شنهاي بوياي عصافيير حب مو عشاك كمزت وخرت جوري
الخجلت من ابنها وسوت روحها تغسل بالتفاحة بوية طلعت روح التفاحة خزرت حسين وكتلة اثكل بوية
اثكل حك راسة وكال شثكل بعد روحي وانتَ حاضن امي كدامي؟ تقدم حضن امة وكال شني بس هوة
ضحكت علئ سوالفة وخرته وكتلة دوخر منها موزين عليها لاتجعصها ضحك حسين وكال تغار عليها بوية
مني؟ خزرتهة وكتلة نجب لك امشي ولي ضحك وكال علينا حجي علينا ضحكت وهزيت راسي وكلت لجوري
بضحك بوية كافي تغسلين بالتفاحة اي موحتئ جلدها طاح ضحكت وضلت تاكل بيها تقربت توكلني عضيت
اصبعها وكلت تفاح عراقي تفاح وهية ضحكت وضحكت وياها علئ ضحكتها .
ريحانة
واكفة اسوي السحور هستوني كعدت لين غفيت بحضن باسل وهمزين مسوية تنبيه للسحور فهوة كعدني
حسيت روحي خاملة ومالي خلك يمكن لين نمت جوة المكيف وشعري مبلل حتئ انشلت كملت السحور
وكعدنا نسحر وحتئ مااشتهيت اكل وانتبهوا علية وباسل عيني ماشالهة مني من كملنا عمتي ماقبلت
اغسل الاماعين كالت دشوفي نفسج شلون تعبانة روحي ماما ارتاحي صعدنا علئ الدرج اني وباسل
وساندني لصدره دخلنا للغرفة تمدد وسحبني لحضنة ويمسد علئ راسي وهمس شبيج حبيبي؟ شبساع
تمرضتي بوية هستوج جنتي مابيج شي؟ كتلة واني اشبكه حيل حسيت ببرد وهمست مادري بس احس
بروحي تعبانة شبكني وباسني براسي وهمس من حيلي علئ حيلج بنيتي يمة شكد احبه من يكولي
بنيتي شوية وغفيت ومادري شوكت فزيت بس حسيت روحي راح اطك من الصخونة وبس اهلوس
فتحت عيوني بهدوء حسيت روحي انرفعت عن الكاع باوعت باسل شايلني ودخل للحمام وفتح الدوش
ودخلني جوة المي البارد قشعر جسمي وكمزت ضمني لحضنة وصار وياي جوة الدوش واسمعه يكول بوية
حرارتج عاليو كلش اوكفي لاتتحركين وكفني جوة المي البارد وشال الي شعري بقراصة علمود مايضايقني
شوية وطلعني من جوة الدوش نشفلي وطلع جاب ملابس الي وطلع بدلت علئ كيفي فتحت الباب
وطلعت اتمشئ بهدوء جان واكف يلبس بالكيمونة لين هم تبلل لبسها وتقرب مني كعدني علئ الجرباية وجاب
الخاولي ونشف الي شعري واني شامرة راسي علئ صدرة عدل كعدتي وجاب دوة شربني ونومني علئ
الجرباية اجيت ابجي حسيت روحي مكسرة تكسر كتلة بصوت اشبه للبكاء وين كايم تعال يمي كال بهدوء
وهوة يشبكني هاي بوية يمج ماعايفج شمرت روحي بحضنة ويمسد علئ شعري وحرارتي نزلت شوية من
سبحت وغفيت واني نايمة بحضنة ورة مادري شكد فزيت باوعت بنعاس للساعة بـ9 الصبـح كمت بهدوء
شفته بعده نايم مارايح للدوام استغربت كعدته واني امد ايدي بالكوة ندهته فز كال ها بوية؟ شبيج؟ كتلة
بهدوء واني امسح عيوني اكعد الساعة بـ9 راح الدوام عليك لازم تطلع من الصبح مسح عيونة وكال لا بوية
طلبت اجازة شلون ترديني اعوفج واروح وسحبني لحضنة وكال شلون تحسين كتلة شوية احسن كال
متاكدة كتلة اي والله شوية احسن كال الحمدالله متمدد واني بحضنه وهوة بعده ينعس رجع نام واني
ضليت صافنة بوجهة احب ملامحه كلش احبها رموشة حواجبة عيونة كلشي بيه احبه مديت ايدي العب
بشعره مادري شكد اني صافنة بوجهة ومبتسمة همست بتعب هوة انتَ نفسك الجنت مااحبك
ومااريدك ...وابجي واكلهم مااريدك وهسة جوة مااريد انزل بس علمود مااعوفك ...جنت اكلهم تصرفاته
متناقضة مااريدة تاليها طلعت انتَ التفهمني وتفهم تصرفاتي ..احبك وبسته بخده فتح عيونة بهدوء
كلبني صار فوكاية بلعت ريكي باسني براسي ومقرب شفايفه يم كصتي وهمس احـبج حيـل بنيتي شني
بوية مادري شجنت احس من جنت اضوجج لو اقهرج بس هسة الكلمة قبل لا احجيها احسبلها الف حساب
وياج خاف اذيج بكلمة وتاذيني بخاطرج ابتسمت وعيوني مدمعة باسني وكال هوة ياهوة يتمرض هيج
يصير حلو ضحكت كال تبقين صايمة؟ كتلة اي ماافطر حرام هز راسة وسحبني لحضنة وضل يسولف وياي .
سارة
واكفة اباوع من الشباك وايدي علئ خدي واكف بباب الشارع ويدخن ويخابر بالمبايل يمة انسحنت روحي
شبيج سارة اصحي شبيج فزيت علئ كرصة صحت اخ اباوع مريم واكفة وتباوعلي بتك عين بلعت ريكي
عزا انفضحت وخرتني وباوعت من الشباك كالت اكول ليش مكابل الشباك 24 ساعة هنا الحجي كتلها ها يا
شبيج داباوع علئ الشجر شلون يتحرك كالت بابتسامة ها والشجر يدخن؟ ابتسمت بخجل وارتباك وكتلها
نجبي مريم لاتحرجيني ماكو شي عفتها وطلعت وهية تصيح وراية علينا سارة علينا رحت لغرفة حسين
شفته متمدد علئ بطنة علئ الجرباية ويخابر ويضحك ومامنتبه الي سمعته يكول صار يومين ماجاي
للمستشفئ جني راح اجيج هسة اشتاقيتلج وضحك بصوت عالي وكال شبيج بوية لاتفهميني غلط اجي
تعالجيني مااسوي شي وداعة ابوج حسين وتدرين بية شكد اعزه يمة بالكوة ضميت ضحكتي تقربت بهدوء
وكرصته من رجله كمز شافني كبل كال بانحراج بعدين اخابرك وسد الخط دفرني وكال ووجع شكو كتلة اي
عيني هسة صرنا ووجع غمزتله وكلت اني اختك والنعم كلي منو هاية الحسين عليك وعلي مااحجي كال
مني ؟كتلة هاي الي تروح الها للمستشفئ ضحك وهز راسة وكال ليش تتسمعين علية ولج؟ كتلة لا والحسين
فتت وانتَ تحجي ومامنتبه علية كال اي وشكو اجيتي كتلة موتدري اني اختك والنعم واحبك والنعم
وانتَ اخوي الغالي ابو الغيرة ابو الوكفات الحلوة سحبني لحضنة ولزمني من شعري وكال اي وبعد كملي
ولا اكلج كولي من البداية شتردين ضحكت وكتلة اخ خرب يومك عوف شعري كلشي مااريد بس غير احبك
واتغزل بيك ضحك وكال انتِ منو سارة ماعرفتج ابتسمت الة وهوة شفته استغرب لزم ايدي وكال وين
اضافرج العزيزات؟ كتلة بهدوء البارحة قرضتهم كال انتِ قرضتيهم شعجب منج من الشيطان طكطكت
اصابعي وكتلة واني مدنكة مو عبالي من طلعت ضايج هم زعلت مني ولمت روحي علمود اضافر سويتلي
عركة شكبرها فخليت مريم تقرضهم الية رفع راسي وابتسم وكال شني بوية شهل حنية وبعدين وين اكو
اخو يزعل من روحة شبكني وكال ماازعل منج يولي انتِ اختي الصغيرة ابتسمت وشبكته وكلت اشعر
بالرومانسية اني وحسين وعشرة اخرون ضحك
وضربني علئ راسي .
باسل
صار وكت فطور واني كملت صلاة جاي اشيل بالمصلاية سمعت صيحت امي عفت المصلاية وكمت
بساع للمطبخ بوية انهد حيلي من شفت ريحانة متمددة بالكاع وامي تكعد بيها بساع شلتها واكعد بيها
ماكو فقدت صااح ابوي امشييي شغل السيارة كتلة بقلق يابة شغلها واني راح اشيلها يمة وييين العباية
ركضت تجيبها لبستها الها وطلعت اركض بيها لكيت ابوي مشغل السيارة صعدت ورة وهية بحضني وابوي
يسوق واني اباوع وجها اصفر وشفتها ذابلة حبيبة كلبي شبيها شوية وصلنا ونزلت شايلها كبل اخذوها
مني الاسعاف ودخلوا للغرفة انتجيت علئ الحايط وحيلي مهدود واني اتذكز شكلها وابوي يروح ويجي
بالممر شوية وطلعت الممرضة وكالت صحت المريضة تكدرون تشوفونها كالها بقلق شبيها ؟كالت ربع ساعة
وتطلع التحاليل ونعرف دخلنا الها للغرفة شافتني ابتسمت بتعب تقربت بستها براسها وهمست كلبي راح
بوية لزمت ايدي جريت ايدها بستها ودخل ابوي باسها براسها وكال خوفتينا عليج بوية متشوفين شر
ابتسمت الة وضليت اسالها شلون وكعتي وهية تك
لي مادري بس واكفة جاي اكلي وفجاة دخت وطحت
هزيت راسي وهية كالت بعدكم مافاطرين ولاشاربين حتئ مي من وراي مو استغفرت الله وكتلها يامي بوية
يافطور بطلي هالحجي شوية ودخلت الممرضة وياهة دكتورة كالت بهدوء السلام عليكم ردينا عليها وعليكم
السلام كالت،مجرد ارهاق وتعب لين بداية حمل كالت هيج كتلها باستغراب بداية حمل كالت بابتسامة اي
عيني المريضة حامل ببداية الشهر الاول اباوع ابوي ابتسم وصلئ علئ محمد باوعت علئ ريحانة النملت
عيونها دموع بوية ماعرفت شسوي طلعت الدكتورة والممرضة واني ماعرفت شسوي الفرحة الاني بيها
ماتنوصف ولاتنحجي تقرب ابوي شبكني وكال مبروك يابة مبروك يوم تشيله بحضنك ان شاء الله وتقرب
باس ريحانة من راسها وبارك الها واني بعدني صافن وكال ابوي الحمدالله والشكر بيها الخير، الفرحة الي الله
لايحرمنا من عدها امين، عدلت الها عبايتها وطلعنا واني ساندها وشايل الوصفة مال دوة الي اجيبها الها
وبعدني مادري شعور بداخلي حلو وفرحان وكالساع ابتسم لريحانة يعني شلون اني راح اصير ابو ؟
وصلنا للبيت نزلنا ودخلنا للبيت اتلكتنا امي وكالت بخوف هايمة شبيها ؟ ابتسمت وكتلها بهدوء حامل امي
من الفرح هلهلت وشبكتها وتبوس بيها وتصلي علئ محمد وابوي يضحك واني مبتسم ونوب شبكتني
وفرحانة وكال يمة احلئ بشارة ادخلي يمة ادخلي تعالي افطري انسحنت روحج سودة علية كعدنا نفطر
ومكعدها يمي واسويلها لكم واوكلها بهدوء لحد ما شبعت كملنا ورة شوية تمددت علئ القنفة واني كاعد
يمها كتلها نصعد فوك ترتاحين بنيتي ؟ هزت راسها كومتها ومشينا صعدنا فوك وصلنا للغرفة دخلنا
وسديت الباب وهية راحت تبدل وتغسل واني نزعت التراكسود بقيت بالكيمونة والشورت طلعت من الحمام
باوعتلي ابتسمت بخجل فتحت ادية الها واجتي ركض لحضني وشبكتني حيل ضحكت وكتلها علئ كيفج بوية
علئ كيفج سحبت ايدي خلتها علئ بطنها وكال دشوف يعني هسة اكو طفل هنا الله شكد حلو فرحان
مو ؟ ابتسمت وكتلها بوية ومنو فرحان بكدي منو كليلي طفل ومنج جا بعد شريد؟ بستها براسها وكلت
بالعافية علينا حبيبي وتقربت نزلت لبطنها بستها وكمت وهية شبكتني وكال احبك همست واني اشبكها ميت بيج .
- يتبع الفصل التالي اضغط على (يأس القلوب) اسم الرواية