رواية يأس القلوب الفصل الرابع و الثلاثون 34 - بقلم رودة
parr 34
جذب ، واليوجعَن ماينسن بِتهّون ...
ريحانة
اليوم اول يوم رمضان واخر يوم امتحان بالكلية واني جنت شايلة هم شلون اداوم برمضان ونسيت اني
اعطل اول يوم برمضان الحمدالله الثول يقرا الف اباوع كلها تودع بصديقاتها ويتحاضنن واني صافنة
معندي اي صديقة انهضمت حيل ودموعي تجمعت بعيني الوحيدة اني كاعدة ببحدي وهمة كلهم مسوين
تجمعات باوع للساعة الي بيدي باسل تاخر علية ربع ساعة واني صايمة وميتة من الحر وعطشانة ودايخة
واكثر شي اضوج منه من يتاخر علية خلي يجي الا اتعارك وياه دك مبايلي مسميته حبيبي ويمه قلب احمر
عرفته اجة ماجاوبته اخذت جنطتي وطلعت لكيت سيارته واكفة كبل تقدمت فتحت الباب وصعدت
وسديته حيل اباوع عليه صافن ومستغرب كال شبيج ؟ كتلة واني دايرة وجهي مابية شي تقرب بهدوء
ولزمني من ايدي وكال شبيج بابة ؟نترت ايدة وكتلة واني بعصبية مابي شي استغرب من حركتي هز راسة
بهدوء ورجع يسوق بساع تندمت لين هيج سويت بس مادري مقهورة وضايجة كتلة باسل كال بهدوء وهوة
يسوق اسكتي بلعت ريكي ودرت وجهي علئ الجامة ماتصيرلي جارة لازم ادوس ببطنه واضوجه هاي عود
اول يوم برمضان استغفرالله ياربي وصلنا وكف السيارة اخذت الجنطة ونزلت وسديت الباب بهدوء
دخلت لكيتي عمتي واكفة بالمطبخ بوستها وصعدت للغرفة كبل اخذت ملابسي ودخلت للحمام بس دخلت
جوة الدوش بجيت انهضمت لحد هسة باقية حسرة بكلبي يكون عندي صديقة وياي واليوم من شفت
البنات وحدة تشبك الثانية انقهرت وحزت بكلبي سكتت وسديت الدوش باوعت بالمراية وجهي صار
احمر مبين علية باجية نشفت جسمي ولبست الدشداشة القصيرة وطلعت انشف بشعري شفت باسل
شامر روحه علئ الجرباية ونايم علئ بطنه شبساع نام تقربت اباوعله سودة علية مبين عليه التعب واني زدتها
عليه تقربت بهدوء مسدت علئ وجهة ويمة انقهرت لين هيج ضوجته كعدته علئ كيفي وكلت بهدوء باسل
كوم اسبح وبدل وارجع نام علمود ترتاح فتح عيونة باوع علية ومبين ضايج مني وعرفته ركز بوجهي
وعرف باجية كعد ولزمني من ايدي كعدني يمه وكال بهدوء وهوة يجر الخاولي من ايدي وينشف بشعري
شبيج باجية ؟ برطمت وكتلة زعلت مني ؟ مسح وجهة وكال ليش باجية ؟ كتلة هيج انقهرت وضجت
وكال وهوة رافع حاجبة وذبيتي حركتج بية ؟ جيد بوية باعي هالمرة عبرتها الج مال تنترين ايدي
وتصيحين المرة الثانية اكسر راسج شفتيني هادئ واريد اعرف شبيج ومايهون علية اشوفج هيج
تدوسين ببطني ليش ؟ ولو مايفيد الحجي وياج كام دخل للحمام علمود يسبح كلامه صحيح والله اني
ادوس بالبطن بس شنو مااعوفك زعلان مني اصالحك اصالحك كمت فتحت الكنتور طلعت كيمونة وشورت
اله فتح باب الحمام وصاح انطيني كيمونة وشورت اخذتهم وكفت بباب الحمام كال انطيني ياهم كتلة
واني احاول الطف الجو كول احبج وانطيك ياهم خزرني وكال جيبي الملابس بلا تفاهة كتلة شتقصد
اني تافهة ؟دهاك وشمرت الملابس عليه وهوة يباوع علية ومصدوم من حركتي عزا العزاني صحيت علئ
نفسي من شمرتهم وطاحوا بوجهة لزمهم وكال اصبريلي لا تطلعين من الغرفة وسد باب الحمام عزا
العزاني هسة يموتني تقربت بساع سحبت اللحاف وغطيت روحي وسويت نفسي نايمة سمعت باب
الحمام نفتح شوية وانسحب اللحاف مني سويت نفسي نايمة تقرب نام علئ الجهة الثانية عبالي دار
وجهة فتحت عيوني علئ كيف وشفته مكابلني ورافع حاجبة كمزت ولزمني شبك ادية وكال بعصبية تسوين
روحج نايمة مو بلعت ريكي وكتلة والله موبقصدي وشمرتهم ونبي بعد مااعيدها كال بعصبية لاتشوفيني
ساكت ومااسويلج شي ترا لحد هسة اني صابر عليج ومتحمل والله ياريحانة العب بيج طوبة هاية
التصرفات الطفولية بطليها ولو ادري بيج تحبين تضوجيني وتدوسين ببطني وضربني بخفة علئ خدي
وكال هسة وخري من يمي اريد انام وتعبان ومالي خلك اذا سمعت الج صوت اكسر راسج وعافني ونام
وسحب الغطة يمة واعصابه بارزة ومبين ضايج وعصبي هسة اني شكو ادوس ببطنه اللهم اني صائمة تقربت وكتلة باسل مارد علية خليت وشبكته من ورة
من كتفه كال وخري من يمي شبكته حيل صاح اللهم اني صائم بوية وخري لاتفطريني ابتسمت ولاااهتميت
لحد ماغفيت ورة مدري شكد فزيت عزا شلون عفت عمة تسوي بالفطور بحدها جريت المبايل اباوع الساعة
بالاربعة هفف الحمدالله بعد وكت اباوع باسل نايم علئ بطنه وحواجبه معقوجات ومحاوطني بايده
تحركت كمت وبسته بخده رحت غسلت ونزلت دخلت للمطبخ لكيت عمة تثرم بصل شافتني وكالت صح النوم
حبيبتي كتلها بخجل عمة والله اسفة اخذتني النومة وماحسيت كالت يايمة شسالفة صدك جذب بعد
لاتكولين هيج ازعل عليج ابتسمت وكتلها بضحك لاعمة هوة باسل زعلان مااتحمل ثنينكم ضحكت
وكالت ميطول الزعل يمة ميطول كلبة رهيف واعرفه ابتسمت وباوعت الفطور مركة لحم صفرة وتمن
بالشعرية والبزاليا ومسوية كص وحامسته وية البصل والفلفل الاخضر والبهارات تقدمت ثرمت زلاطة
وسويت عصير برتقال ونومي بصرة وسويت باذنجانية وحمص بطحينة ودخل عمو جايب فواكه
بسته من راسه واخذت العلاليك وكلت الله يساعدك عمو ابتسم وكال هلا بعد عمج رتبت الفواكه سأل علئ
باسل كتلة نايم لحد ماصارت الساعة 6 ونص فرشت السفرة بالاستقبال وخليت الفواكه والمقبلات والعصاير
وجبت كلاصات والخواشيك وصعدت اكعد باسل فتت للغرفة شغلت الضوة وتقربت كعدته كال هممم كتلة
كوم اكعد حبيبي صار وقت فطور تحرك وكال كايم رحت توضيت وصليت وبعدين نزلت وهمة كلهم
يصلون وبعدين نفطر وكفت اصب بالفطور وانكل للسفرة وبعدين كلنا تجمعنا وكعدنا علئ السفرة وسمينا
وبدينا ناكل اني كاعدة يم باسل وكبالنا عمي وعمتي واني اكل بشهية ونفسي مفتوحة شكد احب اكلها كتلها
عمة شكد طيب الاكل عاشت ايدج ابتسمت وكال الف عافية حبيبتي وعمي وباسل حمدوا باكلها واستاذ
باسل مايباوع بوجهي زعلان مني كملنا وعمو وباسل كاموا يغسلون واني بديت انكل بالسفرة وعمتي رادت
تساعدني بس ماقبلت دخلت للمطبخ خليت القوري علئ الطباخ وبديت اغسل بالاماعين واتذكر وابتسم
العام جنت وية اهلي افطر اوو اشتاقيت الهم ولاعبالك هستوني جاية منهم دخل باسل اباوع واخيرا خلصت
الاماعين عزلتهم ومسحت الكاونتر والميز والطباخ وخليت خدرة للجاي وغسلت الكاع وطفيت القوري
بساع حضرت الصنينة ورتبت بيها بقلاوة والاستكاين مال جاي واخذت الصينية دخلت للاستقبال كعدت
بالكاع يم عمتي واصب وهية تعدل بشعري وتكول يمة فديت البنات المعدلات اني واني اباوع بغرور لباسل
عود شوف عمتي تحبني وكذا وعمي مبتسم النا صبيت الجاي وشربنا وناكل بقلاوة ونسولف ونضحك
بعدين كمت صعدت فوك فتحت الكنتور طلعت الجنطة وفتحت باب البلكونة شغلت الضوة همزين منضفتها
طلعت النشرة من الباكيت علكتها يمة صارت تخبل وفرشت القطعة الي لونها ابيض ورتبت عليها ورد وكذا
بعدين جبت سلة الحلويات وخليت الفوانيس يم القطعة وخليت اثنين كوشات وغطئ خفيف وجبت
شموع هم رتبتهم اباوع الديكور صار يموت ابتسمت طفيت الصوة ودخلت للغرفة هم رتبتها ومسحتها
ومسحت الميز ورشيت عطر وبدلت النزلة ودخلت سبحت وطلعت لبست تراكسود وسويت شعري ضفيرة
وخليت تنت لشفايفي وخدودي ورشيت عطر واخذت مبايلي ونزلت لكيت عمة كاعدة تباوع علئ مسلسل
كويتي شافتني كالت صدقة لمحمد امي طالعة تخبلين ابتسمت كعدت يمها وكتلها عيونج الحلوة باوعت
لاباسل ولا عمو كتلها ها وين راحوا كالت باسل راح للكهوة وية الولد وعمج عزيز طلعتلة شغلة ابتسمت
وهزيت راسي وضلينا نسولف ونضحك وناكل حلويات وبعدين تمددت وراسي بحضنها واباوع وياها علئ
التلفزيون ودخل باسل وكال هاي شنو مطورين ابتسمت عمتي وكالت لعد شعدنا ياامي اشو ريحانة
بحسبة بنتي ابتسمت وعضيت التفاحة خرب يومي شكد اكلت ابتسمت باسل وصعد للغرفة كلت شوية
واروح وراه دقايق ودخل عمي كال لعمة تطلعين نتمشئ الجو حلو وكال بابا تجين ويانة كتلة لا عمو
اخذوا راحتكم اني ابقئ يم باسل ابتسم وعمتي كامت تلبس عبايتها علاقتهم حلوة نفس علاقة ماما وبابا
وعمي كلش يحبها ويحترمها وهية مخليتة بعيونها كمت صعدت فوك شفت باسل كاعد علئ القنفة
ويخابرعرفته من كلامه يحجي وية واحد وياه بالمركز ويضحك وكفت كدام المراية طوخت الحمرة ورشيت
عطر وهوة كمل مكالمته تقربت وكتلة باسل كال وهوة يطفي مبايله ويخلي علئ الميز ها ؟ كتلة بهدوء بعدك
ضايج مني حبيبي؟ باع والله موقصدي وتدري بية اني احبك وماعندي هيج تصرفات هز راسة كعدت علئ
رجلة وكلت واني اطك باصابعي بس اني ضجت لين شسمة اليوم كلها تودع بصديقاتها واني ماعندي ولا
صديقة وكتلة وعيوني مدمعة اخلص يومي بالكلية كاعدة ببحدي يعني مادري بس انقهرت ومسحت
دمعتي الطاحت لا اراديا حضني حيل وباسني براسي وكال بهدوء شنو تردين اني اكون الج حبيبج صديقج ؟
كلشي وهمس مااخليج تحتاجين لاي احد اني اكفي واوفي ابتسمت وبادلته الحضن وكتلة اسفة حبيبي
ضوجتك اليوم يمسد علئ شعري وباسني بخدي وكال وتتوقعين اكدر ازعل منج مثلا ابتسمت وبسته بخدة
وكتلة محضرتلك مفاجاة فد حلوة ابتسم كتلة كوم وياية خلي اشوفك كمت لزمت ايدة ومشينة تقربت
فتحت باب البلكونة وفتحت الضوة باوع ابتسم ضل صافن كال شنهاي بوية شمسوية ابتسمت وسحبته من
ايدة وكعدنة وكعدت بحضنة كال شهل دلال اليوم كلبي ضعيف كدام هيج سوالف ضحكت شبكت ايدي
بايدة وكلت تحبني تمدد وصرت فوكاه وكال ميت بيج اني شني بوية احبج احسها قليل يمة متت علئ كلامه
بسته بخدة وكتلة يمة فديتك انييي ضحك وضل صافن بعيوني وهمس شدعوة هلكد حلوات ؟همست
بهدوء عيونك حلوات فتشوفني حلوة شبكني حيل وكال احبج بوية احبج كتلة اموت عليك بوية اموت
عليك ضحك وضلينا نسولف ونضحك لحد ما نمت علئ صدرة والضوة طافي وبس الشموع مشتغلة وهوة يمسد علئ شعري وضامني لصدره وغفيت .
طالب
صدك جذب بابا سارة ماطلع جاي يعني من الفطور وهسة الساعة ب9 وبعدج الله واكبر اروح اشرب يم
الجيران احسلي كالت وهي تخلي الجاي كدامي شسوي يابابا 3 مرات احترك وانت تريده مهيل واني
حطيت قرنفل عبالي هيل ضربتها براسها وكلت الثولة اكو واحد مايعرف الهيل ضحكت جوري وكالت اي
سارة بعدين كتلك خليني اني اسويلك جاي ليش مخليتني اكوم كتلها واني اشرب جاي لابوية انت
ارتاحي واكعدي كلشي مااريد منج ابتسمت وسارة كالت بابا شنو رايك ازوجك اشو امي صايرة سكراب
ازوجك المعيدة الي بجامعتنا كلت واني اباوع لجوري اي بوية ليش لا وتزفيني بايدج وجوري تباوع بتك
عين الي وكالت اي عيني جوري بيش محد يعبرها بعد اروح انام احسلي وانت سارة نجبي وروحي لغرفتج
وبعد اكسر راسج اذا عدتيها مال تزوجينة ميتزوج وبعيدن انت اشو كيفت ها تريد تزوج كلي ضحكت
عليها شلون تغار وتحجي بحركة كلب سارة ضحكت وكالت يمة اني رايحة راح انكتل وطلعت من الاستقبال
تقربت لجوري الي متمددة علئ القنفة وكلت ها بوية شبيج كالت بضوجة وخر دااباوع علئ المسلسل عوفني
وروح اتزوج ضحكت وسحبتها علئ كيف لحضني مااريد اذيها بوية انتِ الاصل شني غير نشاقة ابتسمت
وكالت وهية تضم راسها بركبتي وحركتني بحركتها حتئ بالشقة لاتكولها اضوج والله ابتسمت وبستها
بخدها وكلت صار بوية وضليت امسد علئ شعرها واحجي وياهة وهية مسنحة بحضني وحاضنتني بستها
بخدها وكلت اخذج للغرفة ترتاحين هزت راسها كمت وسندتها مشيتها للغرفة ونومتها علئ الجرباية وتمددت
يمها وشبكتها وهية راسها علئ صدري وتسولف وياي بهدوء واني مستمع لسوالفها وسارح بشكلها الماخذ
عقلي وروحي كلت الها حضري روحج الاسبوع جاي نخطب لحسين ابتسمت وكالت اي كلي واعرفها البنية
وحاجية وياها ابتسمت وكتلها مطورين اي اني شفتها البنية وحجيت وياهة مبينة خوش بنية كالت اي خوش
بنية والله وحلوة واخلاقها بعد احلئ يعني ماعليها عيب صفنت وكتلها ناوي اعرس لمحمد وحسين سوية
لين محمد ادري بيه رايد وداد ومن زمان كايلي فيعني اشوف اثنيهم سوية احلئ كالت بابتسامة ايي والفرحة
تصير فرحتين كتلها بضحك واني ابوس بخدها وشنو من يصير عدهم جهال تصيرين بيبي وينج وين البيبي
بوية بعدج تردين الروح شماكبرتي تحلين بالزايد ابتسمت بخجل وحضنتني وكالت لشوكت تبقئ تحبني
هلكد همست واني احضنها حيل للموت بوية للموت .
مريم
يعني اول يوم العيد الحنة ؟ كال اي بوية ليش عندج مانع ترا زين وصابر ليهسة وماماخذج يمي ابتسمت
بخجل ورجع كال لا تنسين باجر الفطور يمنا كتلة تمام حبيبي وضلينا نسولف وكتلة ضايجة وملل ومادري
مشتهية شي حلو بس الوقت متاخر وها مشتاقتلك وبعدين تعال شعندك ليهسة طالع ودتسوق وتخابرني
شوكت ترجع للبيت اشو هذا كبل سد الخط ياا شبي نوب ضجت بالزايد مااحس الة خمس دقايق ودك
مبايلي ضجت مافتحت خط دز رسالة اني بالباب مالتكم كبل رديت وكتلة عود صدك اجييت يمة نسيت
حتئ الزعل رد علية دتعالي بنيتي اني بالباب بس انطيج شي واروح كتلة تمام نازلة اخذت مبايلي وكمت
باوعت لشكلي بالمراية عدلت شعري ورشيت عطر ونزلت علئ كيفي فتحت باب المطبخ وطلعت وصلت
يم باب الكراج فتحته باوعت منتجي علئ السيارة شافني ابتسم تقرب بهدوء يباوع خاف احد يجي مد
العلاكة وكال اخذيها بوية ابتسمت مديت ايدي داخذ العلاكة جر ايدي باسها وخلة العلاكة بايدها وبعدين
باوع ديشوف احد واكف مشاف احد باسني بخدي وكال احبج ابتسمت بخجل واخذت العلاكة كال بهدوء
يلا ادخلي جوة حبيبي هزيت راسي قبل لا اسد الباب دزيتله بوسة بالهوة تنهد ومسح كصته ابتسمت
وسديت الباب ودخلت امشي علئ كيف وفزيت علئ صوت سارة وهية تكول مريمة شتسوييين يمة كبل
كمزت وخليت ايدي علئ كلبي بلعت ريكي وكتلها طركاعة طاحت عليج ياسارة هبطتنيي كال وهية
تطكطك بالعلج شتسوين ولج اذا مااكول لاحمد تخونينة وية مدري منو شهكت وكتلها عزا العزاج هوة
هذا احمد ياادبسز ضربتها براسها كالت عابت شمدريني بلا شوفيني شنو جابلج دخلت جوة وكتلها
نجبي وولي لحكتني وصاحت خلي اكل لبابا اجة احمد باس مريم ومراح ركضت لزمتها وكلت طركاعة طاحت
عليج يسارة امشي وياي غضب للغرفة واشوفج شنو جابلي كالت وهية تعدل بشعرها ماتمشين الة بالعين
الحمرة خزرتها دخلت للغرفة كعدت علئ الجرباية فتحت العلاكة لكيتة جايبلي حلويات سنكرز وكت كات
وهالسوالف ومنوع الي من الشغلات الي احبها ابتسمت بس كتلة مشتهية شي حلو يمة فديته لحبيبي كالت
سارة وهية ترفع ايدها ربي واحد مثل احمد وبعد كلشي مااريد ضحكت وكالت وهية ترمش انطيني
كتكوتة وحدة ضحكت وانطيتها حلويات ام حلك ودكيت علئ احمد كتلة اللههه شكدد مشتهية هذني
الحلويات يمم فديتك وطبعا سارة شاركتني خاف تكول اني ام بطن وكليتهم بحدي ضحك وكال الف
عافية بوية خوش المرة الجاية نحسب حساب سارة ويانة سارة جانت لازكة اذنها بالاسبيكر بس سمعته
كبل كالت والنعم منك يمة خربنا ضحك سارة طركاعة موبنية لو من سديت الخط كامت تغني وتسوي حركات
وتهز بشعرها حيل يعني مرات احسها مخبلة مرة كتلها احسج مخبلة لزمتني وكتلتني وليهسة اثر عضتها
بايدي وهذا كلة وراحت شكت لبابا مني تكلة جرحت مشاعري ولا عبالك هية جرحتني بخراميشها البزونة
وهية من النوع كلش تحب اضافيرها وتعتني بيهم وحتئ غسل الاماعين عايفتة علية وعليها التعزيل لين
تخاف يتكسرن ام راس صارت الساعة تقريبا بـ10 تمددت علئ جربايتي وتغطت وكال حنام ساعة تعبانة
وعود كعديني قبل السحور علمود نسوي سوية كتلها تمام وكعدت احجي وية احمد وهية من النوع بساع
تنام بس تخلي راسها علئ المخدة مومثلي اذا ماافكر واكتئب واتخيل مدري شنو وابجي ماانام ههههههه
مااحس الة انفتح باب الغرفة ودخل حسين واني جنت اتراسل وية احمد رفعت راسي كتلة ها حسوني كال
وهوة يباوع لسارة ويمشي بهدوء استغربت شجاي يسوي شفته لازم مقراضة بيده كمزت كتلة
شسوي كال بهمس اسكتي خرب يومج تقرب لزم ايد سارة وقرض اضفرها ضربت علئ خدي وكتلة عزا
العزاك حسين خطية لا وخر واجيت جاي اوخر بيه واجره وهوة يريد يقرض اضفرها الثاني ويكلي اريد
اتوبها علمود بعد ماتخرمش مثل البزازين وفزت سارة وشافت حسين لازم ايدها والمقراضة اول شي صفنت
ونوب يمة عاطت عيطة من يمي كمزت وحسين شمر المقراضة وطلع يركض وهية والله ضلت تبجي وتصرخ
وكامت ركض طلعت وراه واني وراهم نزلوا الدرج يركضون وسارة تصرخ وتبجي وتركض وراه اباوع
انفتح باب الغرفة وطلع بابا متخبل صاححح شكووو وسارة كعدت علئ الباية مال درج تبجي ولازمة ايدها
تقرب كلها بخوف شبيج بابا وهية يعني تشهك من كل عقلها خرب يومج سارة كلتلة شوف قرض اضفري
شوف صار شهر اعدل بيه راح تعبي راح بابا صفن عليها هز راسة وكال احلف عليكم ماكو واحد بيكم
صاحي وحق محمد واحد اخس من الثاني حسييين تعال اي من طركاعة طاحت عليك اشتعل الخلفك بنار
ونفط تعااال اني اباوع عليهم ويمة بالكوة ضامة ضحكتي المنضر متعوب عليه اجة حسين عود هوة
سوة روحة بالمطبخ يشرب مي جره بابا من ياخته وكلة انتَ ماتعقل ماتصيرلك جارة اني موكايل الك
لاتشاقة وية هاية ام حس العالي المكروصة حالفين تسودنوني انتممم شو هاي سارة زادت بجي مسح راسة
بابا وخزر حسين كلها شبيج بوية كالت ليش تصيح علية اني شعلية استغفرالله بابا وضرب حسين بخفة
علئ راسة وسحب سارة لحضنة كال كافي بوية اسكتي لاتبجين شلعتي كلبي هوة اضفر عبالي مدري
منو مات وهاي امج اخترعت كبل صاحت طك الطباخ علئ سارة لو انتلت مريم طلع اضفر سارة مكسور
الحمدالله والشكر يلا بوية كافي اسكتي اباوع حسين جر سارة لحضنة شبكها وكال شو ردت اتوبج علمود
ماتخرمشيني شو هسة انقهرت عليج وهية تدفع بية وتكلة وخر ابو البنات ابو الجكاير بابا كلهة حسين
يشرب جكاير ؟ حسين كال ههه تشاقة موسارة سارة باوعتلة بتك عين وكالت وهية تمسح دموعها اي اشاقة
وبابا تحرك ورجع وكف وهدد باصبعة وكال هاي اخر مرة يتكرر هيج موقف المرة الجاية حتئ مريم اكتلها
وياكم علئ الواهز ودخل للغرفة خوب اني بكلشي مدخليني ياهوة يتعارك اترزل وياه علئ الواهز حسين
ضل يصالح بسارة وهية تدلع عليه والحمدالله هالسالفة كلهة صارت علمود اضفر سارة الموقر ضلينا
نشاقة ونضحك مانحس الة الباب انفتح ودخل محمد عصبي جاي يصعد نوب شاف حسين بالاستقبال رجع
نزل كلة بهدوء وهوة ينزع الساعة البارحة وين جنت بليل؟ حسين كلة باستغراب شنو؟ كلة البارحة وين
جنت؟ كلة وشدخلك انتَ ؟كلة بعصبية شكم مرة محذرك هذا اسماعيل السسز ماتمشييي وياه لكك بابا
راح يصير عمرك 26 سنة انتَ جاهل واكعد اعلمك حسين نتره وكلة شو انتَ ماتعرف تحجي شني
تعلمني؟ وشعليك ويامن امشي ويامن اطلع؟ تدخل بطل جره محمد من ياخته وكلة باع لك الزمك اكسر
راسك وماتحجي وحق محمد اذا شفتك بعد وية اسماعيل اسحل بيك الكاع حسين دفعه وكلة دروح
لككك يسحل بييه الكاع هوة وتماطلوا يمة واني اوخر بيهم سارة راحت لبابا تركض اباوع دخل بابا بساع
وسارة ساندة ماما الي مصدومة من شكلهم بابا صفك باديه وكال بهدوء عفية بالاخوان عفية عفية
بالمتحابين وكلبهم كلب علئ كلب عفية وخررر من يمهه شجاكمممم جر محمد من فوك حسين وصاح
شبييكم انهديتواااا مننن شوكتنتت انتم هيييج تتعاركون وكلهة صارت هدوء وحسين واكف واباوع
عليه عيونه حمر ويباوع لمحمد ومحمد يخزر بيه بابا كال اي ليش تعاركتوا بس لا هالمرة شغلة اتفه؟ اي
محمد ليش لازم اخوك وانهديت عليه؟ وانتَ استاذ حسين شكو تتضارب وية اخوك الكبير؟ محمد كلة
بعصبية ستين الف مرة كتلة اسماعيل لاتمشي وياه اله وجهين مونفس ماانتَ تعرفة واليوم اصبح لزمته
مكافحة الارهاب يتاجر مخدرات ولزموه كل صحبانة وبعدهم يلزمون بالباقييين واستاذ حسين معمية عيونة
وطالع البارحة بلييل ويياه اذا لزمووه المكافحة بعد منو يطلعه؟ اذا انحكم مؤبد منو يفيده بوية لاتمشي
وياه ونصحته بس هوة وين اذا مايعاندني ومايسمع كلمتي مايرتاح وكل مرة اكول كبير ويعرف بس هالمرة
موتني بابا فاتح عيونة ويباوع لحسين بصدمة وكلة تريدك تودي بنفسك للهلاك بوية؟ تريد يروح شبابك
هدر بالسجون؟ حسين صافن ومارمش ابد واني دموعي ينزلن علئ منضرهم اول مرة هيج يصيرون
كال حسين بهدوء الولد ماماشي وياه ولا اعرفه هوة لازك والبارحة جنت معزوم وية اصدقائي وشافني
وسلم عليه والولد استحوا منه وعزموا ويانة علئ
المطعم تريدني اكلهم لا عوفوا خلي يولي موخوش
ولد؟ تريدني اهينة كدامهم؟ وترا اني محد يعلمني شسوي ومنين ابتعد ومنين اولي؟ اني اعرف شلون
اتصرف وباوع لمحمد وكال مرجية منك هاية خوية وكل ضرباتك فدوة وشفتني ايدي مامديتها ليش
احتراماً الك ولين اكبر مني بـ6 سنوات بس انتَ ماكلت اخوي كبير وعيب اضربة وامدة كدام اخواتة
بالكاع واهينة بابا لزمه كلة اوكف نتر ايد بابا ودفر الطبلة وكال هاهية حسين متعبكم وتعبتوا منة ومن
شقاه الماصخ ومن سوالفة الطايح حضها مو هاهية عايف الكم البيت وطالع وشمر سويج السيارة علئ
محمد كلة اخذ سيارتك مااريدها وطلع وبابا كعد علئ القنفة وصافن وسارة وماما طلعن ورة حسين الطلع
مقهور وعيونة حمر دم وعصبي واعصابه بارزة كعدت يم بابا امسد علئ ضهره ومحمد يهز بسويج السيارة
وصافن طبعا هاي السيارة هدية من محمد لحسين اول مااتعين كلة سيارتك علية وجابها هدية الة بابا كل
لمحمد اي بوية وين التفاهم والاحترام والتقدير العلمتك ياه؟ وينة؟ سهلة عندك من هسة شفت اخوك
هيج؟ تضربة وتأذي وماتخليلة احترام؟ هيج علمتك بعد ابوك؟ كال محمد بوية موتنيي اخاف عليه اخاف
هاي طيبة كليه الزايدة توديه بستين داهية انتَ تدري هذا اسماعيل قبل فترة كايل لحسين اريد تدايني
فلوس اخذ امي للطبيب ومداينة 500 الف وكايلة ماترجعهم وعالج الوالدة وماتشوف شر وطالع اسماعيل
مشتري بيهم مخدرات هسة الولد كلولي؟ شفت اذا يبقئ هيج طيب وعيونة معمية وين يصفة بي الوكت؟
اني باقي ادافع اله وستين الف مرة نصحته خايف عليه هوة اخوي قطعة مني وتدري انتَ شكد اعز حسين
ومسح كصته وكال صحيح هسة اني طوختها وضربته واول مرة اسويها وهيج اضربة وبعد ماتنعاد وهسة اني
اعرف شلون اراضيه بابا كلة تسرع بطل لاتخرب علاقتك باخوك سندك بعد كم يوم منو الك غيرة؟ بوية
شحجي هسة اني حتئ ضغطي صعددد استغفرالله وضل يحجي وية محمد واني كمت طلعت يمة منين
اجتنة هالمشكلة نوب لكيت سارة تبجي وامي تخابر بحسين كتلها شبيج تبجين كالت وهية تشهك خلي
يجي عادي خلي يكسر اضافري كلهم قابلة وبعد مااحجي وياه ولا اضوجه مني ابتسمت بقهر وكتلها
اسكتي يمعودة يجي والله يجي تدرين بيه من يضوج كبل يطلع ومايكول لاحد وين رايح لحد الساعة 12
اجواء البيت متوترة وحسين لحد هسة مااجة وبابا من الساعة 11 واكف بالباب اباوع عليه من الباب يمشي
واديه ورة ضهره وكالساع يباوع للشارع منتظر حسين اخر شي دك عليه وسمعته يكله خمس دقايق اذا
مااجيت للبيت لساني بعد مايعتب علئ لسانك .
يتبع ...
- يتبع الفصل التالي اضغط على (يأس القلوب) اسم الرواية