رواية يأس القلوب الفصل الثالث و الثلاثون 33 - بقلم رودة
part 33
مُرني بقصايد عشگ مُر لاتخلينه !
ريحانة
كعدت الصبح مختنكة اباوع سارة راسهة علية ورجليها علئ مريم الي تتحرك بانزعاج ضربتها علئ راسها
وكلت بنعاس دوخري خنكتيني عابتلج اي والله وهية اباوع عليها تتحلم ومبتسمة يا تخبلت البنية دفعتها
فزت وكبل كالت طيح الله ريحانة ليش كعدتينييي كطعتي علية حلمي اليخبل وغمتني وكامت استغفرت
الله وضحكت ومريم تضحك عليها مديت ايدي سحبت المبايل وداز الي رسالة من الصبح لين عنده
دوام اليوم كاتب بيها صباح الخير ريحانتي، احبج بوية ابتسمت ودزيتلة صباح النور يروحي، موبكدي
كمت شلت شعري سويته كباية ودخلت للحمام غسلت وجهي وفرشت اسناني طلعت لكيت مريم تعدل
بالجرباية كملت وراحت تغسل نزلت جوة لكيت بابا وماما ومحمد وحسين يتريكون صبحت عليهم وكعدت
بنص بابا وماما كال حسين لا حرامات كطعتي عليهم الغراميات خزرة بابا وكال كدامك نعمة الله لاتخليني
اكوملك يمة بالكوة ضميت ضحكتي سمعت محمد يكلة هاا ارتاحيت لو تريد يكوم ودك بوكسيات ابتسمت
علئ مناكرهم واجني سارة ومريم كعدن وسارة كالت
يمة تحلمت شلون حلم حلو بس ريحانة الماتخاف الله
كعدتني بابا اكل قطعة جبن وكال اي شنو تحلمتي كليلنا؟ اباوع عليها ضلت بس ترمش كالت هههه هيج
حلم عادي كمل اكل بابا كمل باوعتلها سالفتها موخالية هلبنية كملنا ريوك ومريم وكفت تغسل واني اساعدها
كملنا وبابا طلع صفنت يعني باجر رمضان وصيام وعندي دوام جيد بس فد متحمسة لرمضان كلش
فزست علئ صوت سارة وهية تكول ها شتفكرين فجاة اجت علئ بالي فكرة كتلها تعالي بلا اكعدي كالت
وهية تضفر بشعرها خير عيني شمسوية كتلها دروحي مامسوية بس باعي اني وباسل غرفتنا بيها بلكونة
مرتبة وواسعة وتطل علئ الحديقة يعني منضرها كلش حلو كالت اي؟ كتلها اريد اسويلنا كعدة بيها باجر ورة
الفطور وهاي كالت هاا فهمت يعني تردين ترتبيها وهاي كتلها اي عفية باوعت كالت هسة الساعة بـ3
باسل شوكت يجيج كتلها يعني المغرب هيج كالت خوش شفتي هاية النشرة الي بغرفتي كتلها اي كلش
حلوة كالت المحل هذا الي بالفرع يبيع منها نجيب من عدها وهم يبيع فوانيس كلش حلوة سيت بيـه 3
فانوس كبير وفانوس حجمه يصير متوسط وفانوس يصير صغيرة كتلها اييي زين وبعد فكري وياي كالت
وتور ابيض تكعدون عليه ورتبي حلويات وهالسوالف كرصته وكلت منيلج هالخبرة ادبسز شلون تعرف
بهذني السوالف عدلت كذلتها وكالت ادللة لزوجي المستقبلي ادللة ضحكت وضلينا نفكر ومريم كعدت
ويانة وهم تكلي هيج سوي وهيج سارة كالت لماما راح اخذ علاوي واروح للمحل اريد اشتري كلتلها خلي
هوة يشتري الج كلتلها لا مو اريد اجيب غراض وبالكوة قنعت ماما تخاف عليها ماتقبل تخليها تطلع
بحدها وبعدين لبست عبايتها واخذت الجزلان وطلعت هية وعلاوي واني كمت صعدت وية مريم لغرفتي اريد
اخذ كم شغلة كلت لمريم واني افتح بالكنتور مالتي ايي شلونج انتِ واحمد جاوبتني بابتسامة زينين
الحمدالله وهذاك اليوم اجاني ضل يمي ساعتين وراح وهلايام كال نطلع اني وياج بس خلي يكمل شغله كتلها
فدوة يعمري الله يوفقكم ابتسمت وكالت يقلبي اي وانتِ وباسل شلونكم كتلها الحمدالله زينين كالت
مرتاحة؟ كعدت يمها وكلت واني اعدل بالجرباية اي والله مرتاحة بس تدرين هذاك اليوم صارت مشكلة
وسولفت الها تنهدت وكالت ياحبيبتي كلشي لاتضمين عليه والولد يحبج ومدللج وحتئ معيشج احسن عيشة
فيعني انتِ علمود تحافظين علئ بيتج كلشي لاتضمين عليه شاركيه كلشي احسن من مابعدين تصير مشكلة
واثنينكم تدمرون كتلها اي هوة بعد مااضم عليه اي شي وكلشي يصير وياي اكله لين صراحة مليت من
المشاكل اريد اعيش مرتاحة وهوة هم والله لوتشوفينة شكد يحبني يعني شوفي مريم اني تدرين
بية خلصت عمري بعيدة عن هاي السوالف وكل همي دراستي وشلون انجح وشلون اطلع معدل فماجربت
شعور الحب بس هسة اني حبيت باسل وفوك متتوقعين احبه والله شايفة من يلتحق شيصير بية فد
اضوج هيج تعودت عليه كالت بابتسامة اكيد عمري هوة الواحد من يحب يتعود ويتعلق ومايتحمل محبوبة
يبتعد عنة هزيت راسي ودخلت سارة للغرفة محملة علاليك كالت ها ولكم اني اجيب ضحكت وكتلها تعالي
شنو جبتي طلعت الغراض جايبة الفوانيس والنشرة وسلة حلوة والحلويات الي وصيت تجيبهم وياية بستها
وكلت فديتج بعد روحي وهية مبتسمة رتبت الغراض بجنطة صغيرة وعندي كم شغلة اخذتهم وبعدين نزلنا
جوة نضحك ونسولف وصلنا يم باب الاستقبال سكتنا كلنا من شفنا ماما متمددة علئ القنفة وغافية وايدها
علئ بطنها وبابا كاعد بالكاع هستوة جاي جان طالع ويمسد علئ شعرها ومبتسم وصافن بوجها يمة
انسحنت روحي بساع انسحبنا اني والبنات وصعدنا فوك بساع ماردنا نخرب عليهم لحظاتهم الحلوة يمة
فديتهم شكد حلوين كالت سارة خلاص تزوجوني لو اكتل روحي؟ شني اني هم اريد واحد يمسد علئ
شعري معلية شمرت عليها المشط وكالت هاج هذا خوش يمسد ضحكت وكالت عابت خربتي ام
الرومانسية وضلينا نسولف ونضحك .
طالب
دخلت للبيت هدوء سديت باب المطبخ ومشيت دخلت للأستقبال وابتسمت واني اشوف جوريتي غافية علئ
القنفة تقدمت علئ كيفي وكعدت بالكاع كدامها وامسد علئ شعرها ومبتسم وصفنت بملامحها بوية ماخذة
روحي وكلبي جريت ايدها بستها وهمست بهدوء جوريتي حبيبتي ماكعدت هزيتها ماكو رجفت ايدي من
شفتها ماتتحرك حركتها ماكو ماتتحرك اصحي بيها ماكة بوية روحي راحت صحت واني حيلي مهدود
مريييممم جيبييي العباييية كلها اجت تركض واني شايلها اصحي بيها ذبيت عليها مي بوية ماكور وردة
وذبلت بيدي شلتها وركضت بيها اجت مريم بساع لبستها العباية وصحت خابريي الولد خلي يجون خليتها
بالسيارة وصعدت اسوق واباوع عليها بخوف وجها صار اصفر وجسمها باد مادري شلون وصلت للمستشفئ
ونزلت اركض بيها اخذوها مني بالسدية ودخلوها للغرفة واني صافن مامستوعب كلشي صار انتجيت
علئ الحايط وجسمي يرجف كلشي ولاهية من عافيتي علئ عافيتها يومي قبل يومها، طلقة بنص
كلبي كون ولا هيج يصير بيها كعدت علئ الكرسي وايدي علئ راسي منتضر اي احد يطلع ماكو بس
الدكاترة يركضون اجة حسين يركض بالممر شافني كال وينها بوية شصار اشرت اله علئ الباب وكتلها
بهدوء هنا يسئل ومااجاوبه بس صافن علئ الباب هسة تطلع مابيها شي هسة تطلع طلعت الدكتور وكالت وين
زوجها ؟كمت وكلت اني بوية؟ كالت عيني المريضة يحتاج عملية ربط لين الطفل نازل وهم علمود نحافظ
علئ صحتها بدل مانفقدها ونفقد الطفل كتلها اي شنو منتظرين ماتسوون الهاااا كالت علئ كيفك عيني بس
نريد توقيعك وتكاليف العملية ""' كتلها بس هلكد بوية شكد ماتردون انطيكم بس طلعوها الي سالمة روحي
انطيها ابتسمت وكالت ان شاء الله متشوف شر راحت للغرفة ورحت وراهة وقعت علئ اوراق العملية وخمس
دقايق ودخلت جوريتي للعمليات وحسين يفتر وياي اخر شي كالت بوية امشي خلي نقيس ضغطك راح
توكع من طولك كتلة بعصبية مابية شي اسكت مني هز راسة كال هاهية اهدأ راح جاب مي وحباية مدري
منين جابها مال ضغط شربتها وشربت المي كتلة محمد وين ؟ كال جان جاي بالطريق للمستشفئ بس
البنات بحدهم بقن بالبيت كتلة روح للبيت واني للمستشفئ هزيت راسي وساعة وطلعوا من العمليات
وطلعوها بالسدية وبعدها تحت تأثير البنج بوية شصار بية من شفتها هيج احس كلبي يبجي عليها دخلوها
للغرفة ودخلت خلوها علئ السدية وركبوا الها مغذي وراحوا بدت تصحئ من البنج وحسين راح يتفاهم
وياهم كعدت يمها وتلمست وجها وايدي رجفت مجرد ماحسيت انو راح افقدها شصار بية بوية بدت تصحئ
من البنج وكالت ببجي وهية تفتح عيونها بالكوة وتباوعلي طالب كلت بسرعة عيوني الاشوف بيهم
كالت ودموعها تنزل عفية بطني توجعني صار شي بالطفل مسحت دموعها المثل تيزاب وينزل علئ كلبي
كتلها لابوية مابيه شي وداعتج بس سولج ربط لين حالتج تازمت هزت راسها وتبجي من الالم بوية شصار
بية اشوفها تبجي ومابيدي حيلة اجت الدكتورة ضربتها ابرة مهدئ وكبل نامت واني امسح بدموعها
العلئ خدها دخل حسين وكال بوية الحمدالله مابيها شي شبيك وجهك صار اصفر كتلة بعصبية حسين وخر
منا لاامدك هنا يم الدكاترة ومحمد ابتسم وكال شكد تحبها مسحت وجهي هسة هذا شحجي وياه بوية يمي
البطل شمرته عليه وكتلة دمشي ولي منا اني بياحال وتسألني هيج ؟ تمددت علئ القنفة الي بالغرفة وعيني
عليها وكالساع اكوم اضم بشعرها لين كالساع دكتور داخل لحد مادخلت دكتورة وكالت المريضة حالتها
مستقرة والحمدالله عدت بالف خير والبنوتة هماتين قوية علئ امها استغربت كتلها يابنوتة؟ كالت بابتسامة
عيني مرتك حامل ببنية حلوة مثلها ابتسمت بفرح وكتلها حامل ببنية ؟ كالت اي لعد ممسوين تحاليل مال
كشف جنس الجنين كتلها لابعدنا تحمدت بالسلامة وطلعت صليت علئ محمد بوية والفرحة ماواسعتني
بنية رابعة تجيني؟ بوياي بوية اخليها بعيني كال حسين هلا هلا بنية رابعة روح حسيين بعد ابوك
مايعرفك كثرن بناتة ابتسمت وكتلة تروحلها فدوة لك كال حسين ها بعدنا بالبداية هاي وبعتني ضحكت
وكتلة ولك اكو احلئ من البنات؟ انتَ شايف من تجي تعبان من الشغل ويتلكنك؟ ويبوسنك ويكولن الله
يساعدك بوية هاي عندي شلون العمر الثاني الينكتبلي عاذرك بوية مامجرب هذا الشعور يجي يوم وتذكر
كلامي حرف حرف بوية البنية غالية بغلاة الروح هاي تشوف امك النايمة كدامك هسة؟ مااعتبرها زوجتي
وام اولادي وبس لا بوية هاي روحي من الدنيا ومااخجل من اكولها شني انتَ شايف واحد يشوف
الحياة بعيون محبوبة؟ هذا اني كل التعب العشته بوية يمها يضيع ومستعد اخسر كلشي بس مااخسرها ابتسم
حسين وكـال هوة شني وين اكو بحلاتكم انتوا اصلا اتحدئ واحد يحب امي بكدك ضحكت وهزيت راسي
وهية نايمة كمت كتلة وين صليت؟ كال اكو مصلئ هنا كتلة خوش بالك علئ امك رايح اصلي واجي طلعت
من الغرفة والحمدالله مطمئن وبعد ماسمعت حامل ببنية زادت فرحتي وحسيت كل الخوف انمحئ بس
خوفي علئ جوري باقي رحت توضيت ودخلت للمصلئ صليت ودعيت الله يحفظها ويكومها بكل خير
وسلامة كملت صلاة وطلعت برة المستشفئ جبت الها عشة خاف تكعد واشتريت عصاير ومي ودك محمد
يطمئن كتلة الحمدالله بخير دخلت للمستشفئ وصلت للغرفة لكيتها كاعدة وحسين يمها ولازم ايدها ويسولف
وياهة ابتسمت كبل كال الها هذا شوفي اجة ماشارد مايعوفج والحسين ابتسمت وتقربت وكتلها ها بوية
شلونج وحسين دك مبايلة وطلع تقربت بستها براسها وكلت الحمدالله علئ سلامتج بنيتي ابتسمت بهدوء
وكالت الله يسلمك كتلها تحسين بوجع كالت خفيف كتلها شلون هيج فقدتي الوعي وصار نزيف ماحسيتي
علئ روحج بوية؟ كالت وهية لازمة ايدي وتحجي بهدوء مادري اني جنت اطبخ بالغدة وتحركت هواية
ونوب كلت خلي اتمدد ارتاح وكلشي بعد ماحسيت هزيت راسي بعدين احاسبها اني شكايل الها اذا تتعب
روحها فتحت العلاكة طلعت الاكل والعصاير وبديت اوكلها واشربها لين جوعانة ويحتاج الها تغذية ابتسمت
وهية تخلي ايدها علئ بطنها وكالت الدكتورة كالت الي حامل ببنية ماردت شي بوكتها بس ردت اشوف
فرحتك ابتسمت وكتلها بهدوء بوية خفت عليج انهد حيلي من شفتج ماتتحركين ابتسمت وكالت مااعوفك
لازكة بيك هيج لزكة مصايرة ضحكت وكتلها احلئ لزكة بوية وبستها براسها وشوية وغفت واني كاعد
علئ القنفة هذا حسين وين راح ليكول مستشفئ ابو باقي بس يفتر شوي ودخل للغرفة كال بهدوء بوية بلا
تعال وياي شوية اشرتلة بمعنئ وين كال بس تعال باوعت لجوري نايمة مااتاخر كمت وياه طلع وسد الباب
كتلة وين؟ كال هسة تعرف مشينا سأل مدري منو علئ غرفة دكتورة ولفنا بالممر ودك الباب صاحت الدكتورة
تفضل وهوة فتح الباب كال ادخل بوية واني دخلت هوة دخل جانت الدكتورة بنية صغيرة مبينا هستوها
متخرجة وجاية تطبق من شافتنا ضلت صافنة استغربت شبيها بوية ومكتوب علئ مكتبها الدكتورة
فدك حسين كالت تفضل عمو اكعد خزرت حسين قليل التربية يوزع ابتسامات كتلة بهدوء اشتعل الخلفك وين
جبتنا كال داكعد يابوية كعدت هوة كعد وكال اعرفك باببا بفدك وشسمة فدك اعرفج ببأبوية اني كبل
استلمت وتذكرت هاي نفسها فدك المرة جفصها علاوي كدامنا كتلها شلونج بوية ردت بهدوء الحمدالله عمو
وانتَ هزيت راسي الحمدالله خزرت حسين وكال وهوة يحك براسه بوية احجي وياهة شلعت كلبي
مسحت كصتي طركاعة طاحت عليك ياحسين وعلئ سوالفك الطايح حضها كال اريد اتقدم الها هالشهر
وماتقبل زعلانة لين كتلها اشتعل حسين وعبالها اقصد ابوها واني اقصد نفسي خزرته وكتلة بهمس طيح الله
حظك باوعت عليها وكلت بابتسامة بنيتي دكتورة؟ كالت بخجل اي عمو ماصار هواية من داطبق وسالتها
من سؤال وتفاهمت وياهة وكلت بوية لعد خبري الأهل احنا جايين نتقدم الكم موهذا الاسبوع الاسبوع الوراه
وان شاء الله مانقصر هزت راسها بخجل وكلت لحسين واني اضغط علئ مخرج الحروف وجريته من كتفه
كوم بوية امشينا تفاهمنا وهاهية وعيب هيج ندخل للبنية مايصير نسبب الها احراج او مشكلة كلشي يصير
كالت بسرعة اي عمو فدوة كلة لا كاليومية جاييني للمستشفئ وكاص باص وماخذ سرة وداخلي حتئ
الموظفين كاموا يعرفونه مسحت كصتي وخزرته وكلت صار بوية موتدللين اخذي راحتح بعد عمج
وسحلت حسين وطلعته سديت باب وضربته علئ ركبته وكلت شهرتنا الله يشهرك ان شاء الله ولك
شوصاير ماتستحي ولو انتَ من زمان ماتستحي مسح ركبته وكال بوية عوفني من المستحئ شفتها شكد
لايكة وياي؟ وشفتها شكد حلوة ومخدخدة بوية راح يجلطني دفعته وكلت بهمس امشي شهرتنا بالبيت
احاسبك وغصبا ماعلية ضحكت بوية راح يجلطنيي واني اكول شعندة كالساع عايفني وطالع وكايل اروح
للدكتورة واروح للدكتورة طلعت الدكتور عرف هزيت راسي ورجعت للغرفة لكيت جوري بعدها نايمة رحت
علمود اسوي ورقة الخروج كملتها وحسين لكيته يساعد امه تلبس العباية كتلة امشي شغل السيارة
واحنا جايين راح يشغل السيارة جبت كرسي متحرك كعدتها علئ كيفي ومشيتها وصلنا للكراج فتح الباب
الورة سندتها وصعدتها كعدتها علئ الكشن وسديت الباب وصعدت بالصدر وحسين ودة الكرسي المتحرك
واجة وصعد يسوق وكالساع كايل نسيت روحي يم الدكتورة بوية واني اطك ادية بقلة حيلة شسويلة بوية
ماتصيرلة جارة ؟ لحد ماوصلنا للبيت نزلت وفتحت الباب ونزلت وشلتها فتح باب الاستقباب ودخلت امشي
علئ كيفي وهمة كلهم مجمعين وخايفين من شافوها طمئنوا مشيت للغرفة نومتها علئ الجرباية وغطيتها
وصحت للبنات يجن وراي للاستقبال شفت محمد لازم عودة ومتمدد كتلة المن لازمها؟ كال وهوة يفر بيها
متشوفهن محد كاعدة تبجي؟ لزمتها عليهن وكتلهن التبجي اكسرها هنا لين احنا ماشاء الله التبجي كلها
تبجي وياهة فاني علمود مايصير زين موزين من وراهم سكتتهم بطريقتي الخاصة هزيت راسي بوية
منين اتلكاهة من حسين لو من محمد واحد سوالفة اخس من الثاني شحجي ضربت ايدي بقلة حيلة
وكعدت وكلت للبنات اي خوانم وين جنتن من امكم جانت تشتغل؟ ليش عايفاتها بحدها؟وكلت بعصبية
انييي موكلت بحدها بالمطبخ ماتبقئ تدرن حالتها موزينة والوكفة تتعبها كالت مريم والله كملنا تنضيف
وصعدنا بس هية كالت روحي اكعدي يم ريحانة واني اكمل الغدة صحت بعصبية وشكو سمعتي كلمتها تدري
بيها موزين عليهز استغفرت الله وكلت روحن يمها
شوفنها شنو تحتاج لاتبقن مكابلتني راحن يمها واسمع
سارة تكول يعني حتجي بعد بنية اللههه سمعونا هلهولة اسمعهن واضحك وكالساع جايات ماخذات
شغلة لحد مااندك الباب طلعت لكيته باسل جاي ياخذ ريحانة سلمت عليه ودخلته جوة وكال شلونها عمة ان
شاءالله زينة ماتشوف شر كتلة الحمدالله زينة صحت ريحانة كتلها تحضري اجة باسل اجت سلمت وراحت
تحضر روحها كال اذا تريد ابقيها يم عمة ماكو مشكلة ؟كتلة لا عمي هاي البنات موجوادت مايحتاج
هية هم بعد عليها مسؤولية ودوام مومال اعطلها سولفت شوية واجو الولد كام طلع وياهم برة ونزلت
ريحانة بوست امها والبنات باستني وكالت عود اجيكم بعد كم يوم مااتاخر ابتسمت كبرت بوية وصارت تتهلف
علئ الجية بستها براسها وصلتها لباب الكراج ودعني باسل وصعد وحرك السيارة دخلت جوة والولد دخلوا
يشاقون كتلهم باستغراب علاوي وينة ؟ حسين كال شني ماشفته من اول مااجينة نام بحضن امي ولحد
هسة مايقبل يكوم محمد كال غير من وراك كتلة شسوالة كال يكلة راح تجي بنية وتاخذ مكانك وابوي
كال عليوي بعد مانريدة نذبة بالجامع وخلاه يبجي هزيت راسي وكتلة ماتصيرلك جارة طيح الله حظك
بوية ضحك وكال تسلة كالورد منك بوية ضحكت وكتلة دولي من يمي دخلت للبيت مشيت دخلت للغرفة
لكيت البنات جاي يطلعن وخرت طلعن دخلت سديت الباب شفتها متمددة علئ الجرباية وايدها علئ بطنها
وبدت تغفي وعلاوي نايم يمها ابتسمت فتحت الكنتور اخذت شورت وكيمونة دخلت سبحت طلعت مشطت
شعري ورشيت عطر ورحت تمددت علئ الجرباية وسحبت علاوي لحضني بسته وحضنته حبيب ابوه
اباوعله تباوع علينا وهية منعسة ومبتسمة تقربت بستها وكلت بهدوء ها جوريتي تحسين بوجع؟ كالت
بهدوء شوية همست تنعسين هزت راسها ابتسمت وغطيتها عدل وكلت نامي بوية تصبحين علئ صباح
حلو مثل هذا الوجه كال بهدوء عود كعدني اتسحر وياكم كتلها ماتصومين بوية خمسة ايام يالة تصومين
موزين عليج وبدون كلام يلا علمود صحتج الدكتورة كالت وهسة غمضي عيونج الحلوات ونامي ابتسمت
بدون متناقشني تدري مالة فائدة النقاش وبدت تغفي لحد ماغفت واني غفيت .
ريحانة
وصلنا للبيت نزلت من السيارة ونزل وياي باسل ضمني لحضنة واحنا نمشي وكال حبيبي المشتاقلة ابتسمت
وبسته بكتفه دخلنا سلمت علئ عمو وعمة وتحمدوا بالسلامة وكالت عمتي باجر تروح تشوفها شوية
وصعدت فوك وباسل صعد واني هدات شوية بعد ماجنت عايشة برعب وخوف علئ امي وهههه ابد
مابجينة محمد خوش لزمنة لزمة الي تبجي تنكتل بالعودة وسكتنا كلنا استغربت اول موقف يصير
ومانبجي ماشاء الله ردت ابقئ يم امي بس ماقبلت كالت بعد صيام ودوام وتعب واني يمي البنات انتِ
عليج مسؤولية مايصير فزيت علئ صوت باسل شمر السويج علئ الجرباية درت شفته وكبل ركضت حضنته
حيل رفعت راسي باسني وكال شلونج بوية كتلة واني شابكته الحمدالله زينة وانتَ كال من شفتج صرت زين
ابتسمت وخرت منة نزعت العباية وتقدمت رتبت الغراض ورتبت الغرف ورحت بدلت ملابسي ولبست
تراكسود برمودة وفانيلة ورتبت شعري ورشيت عطر وتمددت يمة علئ الجرباية وضلينا نسولف هوة متمدد
وشابكني لحضنة كتلة باجر تصوم كال لا احنا كفار مانصوم كتلة يا صدك ضربني بخفة علئ راسي وكال
طاحظج اشاقة شني بوية اكيد اصوم ضحكت وكتلة شنو تحب اسويلك بالسحور كال كلشي سويلي احب
التنويع ضحكت وكتلة موتدلل عيني بسته بخدة غمض عيونة جر ايدي خلاها علئ صدرة وكال بوية
موكلبي يدك انتِ تدكين، انتِ كلبي يمة كال هيج كبل شمرت روحي عليه صرت فوكاه وكتلة عزا خجلتني
يمة شكد احبك ضحك وكال خنكتيني وخري شسمنج كتلة بزعل اني سمينة باسل؟ كال لابوية اشاقة وينج
وين السمن جاي اكوم جرني وكال وين بوية كتلة وخر اني سمينة لا اخنكك ضحك وكال تعالي خلي اصالحج
فدشوية راح اطلع شنو تردين اجيبلج وياي ؟ تردين بقلاوة كتلة بزعل جيبلي وياك زنود الست واكطعهم من
فلوس الغايب ضحك بصوت عالي وكال بوية هاي شلون رهمتيها كتلة بضوجة ترهم ترهم ترا اني زعلانة
منك لاتحاول تقشمرني اوك؟ كال زين بوية هوة ياهوة يزعل يصير هيج حلو؟ وبعدين تعالي وين اكو زنود
الست ياكل زنود الست كتلة اي قشمرني تدري بية اتقشمر بالكلام الحلو خرب يومك احبك ضحك وشبكني
حيل وباسني وكال افديج بروحي اني وضلينا نسولف ونضحك لحد ماصارت الساعة وحدة ونص كمت احضر
بالسحور شعورر يموتتت احلئ شي رمضان كمت خليت الجاي علئ الطباخ وحضرت الاجبان وسويت
بيض سلك وبيض تكلاة ويعني رتبت الصينية وباسل كاعد علئ ميز الطعام ويكلب بالمبايل نزلته وياي لين
اخاف لحد ماصاح سحور يرحمكم الله اني خليت الصينية صحت عمو وعمة وكعدنا نسحر ونسولف
ونضحك كملنا كمت غسلت الصينية وتوضيت وصعدت كعدت اقرا قران قريت نص الجزء الاول
وكمت كعدت يم باسل متمدد علئ الجرباية ويكلب بالانستا شوية وعاف المبايل وضمني لحضنة وضلينا
نسولف تقرب باسني بخدي وكال كرفس صايرة حلوة كتلة شتقصد اني زركة جنت لوشنو كال طاحظج
مومال غزل ضحكت وكتلة اي فديتني اخبل كاليوم اصير حلوة بالزايد ابتسم وكال اكيد بوية كل يوم
تحلين ابتسمت دخلت ايدي بشعره العب بيه شكد احبه وهوة يحب هاي الحركة تقرب جاي يبوسني
وصاح باقي علئ الامساك خمس دقايق يرحمكم الله وخر وكال درينا واخو زينب كومي بوية انطينا مي
خلي نشرب ضحكت وكمت جبت مي انطيته شرب واني شربت صاح امساك رجعت توضيت وكعدت اكمل
قراءة قران وهوة هم توضة وكعد يصلي ويقرأ قرآن وياية .
في اليوم التالي
سارة
والعباس لو تكتلون جهالي اربعتهم مااكوم كال مريم وهية تجر بية شبيج سارة جيبي كاستين تمن من فوك
وتعالي ولج لا اعوف الاكل ويحترك وشنو نفطر كتلها مااكوم عفية ترا بس اكوم اعطش والله روحي انتِ
واني اوكف يم الاكل غمتني وكالت امداج اي والله كالها يلا روحيي ضحكت وكمت احب اضوجهة دخلت
للمطبخ وكفت اباوع علئ الاكل وامي متمددة بالصالة علئ القنفة وبابا طلع يجيب فواكه امي صاحت ماما
سارة تعالي كتلها هاي يوم رحت الها كالت طلعي جيس تمر ولبن وانطيهم لعلاوي خلي يوديهم لجيرانة
الجدد صديق ابـوج لين ابوج كالي موتنسين كبل كتلها والحسين اني اروح شني علاوي عيب يمة اني كبيرة
خاف حسين يطيح التمر كالت وهية لازمة بطنها ولج سارة لاتتعبيني مااكدر احجي وين طالعة امي خلي
علاوي هية منا لمنا كتلها فدوة يمة اريد اشتم هوة كالت تشتم هوة هييية تشتم هوة هية منا لهنا شنو
تشتمين كتلها شبيج يمة كالت ابوج ميقبل كتلها فدوة اميي كالت امشي بساع ماتتاخرين كمزت اللهم اني
صائم ركضت لبست عبايتي ولفيت الشيلة كالت امي شدعوة هالكد مخلية محمر خدود كتلها بفرح هههاي
والحسين مامخلية من الله حمرة ضحكت وكالت ولج مااكدر اضحك لاتضحكيني ضحكت ومريم بالمطبخ
تطبخ رحت اخذت صينية بيها تمر ولبن ومريم كالت مااوصيج باتي يمهم كتلها ان شاء الله الجمعة اني يمكم
ضحكت طلعت احح خلي اشوف ابن جيرانة العفوا بنات جيرانة الجدد اللهم اني صائم طلعت بيتهم كبال
بيتنا تقدمت مشيت ودكيت الباب الشمس صمطتني جاي ادك مرة ثانية وانفتح بوية وياريتة ماانفتح طالع
بالكيمونة درت وجهي بفشلة طركاعة طاحت عليج ياسارة كال هابوية تفضلي يمة نوب يكول بوية كتلة
واني اسوي صوتي طبيعي وابطل صوت جبار اني بت طالب هذا تمر ولبن ابتسم وكال شكرا تفضلي؟ كتلة لا
شكرا اخذ الصينية وكال دقيقة هسة اجيبها راح ومن طلع طلعت امه وياه سلمت عليها يمة متتت من الخجل
اول مرة اخجل يمكن صرت بنفسجية عزا كالت يمة فدوة لهل وجه الاحمر خليناج واكفة بالشمس عود يمة
سلامنا لابـوج كلت بكلبي هسة تاكدت الحمدالله وجهي بعده احمر مصاير بنفسجي كتلها بخجل يوصل
خالة واخذت الصينية ورجعت لبيتنا دخلت اهفي بالصينية علئ وجهي وتحمست وحمست وجهي حيل
وكمزت كمزة خرب المانيا اجيت ابجي ضحكت مريم وكالت وثول شمالج ماتصيرلج جارة يلا تعالي نزعي
العباية وتعالي سوي التمر لو هم ماتقبلين وعلي اخابر بابا كتلها لا صدك جذب هسة حتئ التمن انضفه الج
بعد كلبي .
يتبع ...
- يتبع الفصل التالي اضغط على (يأس القلوب) اسم الرواية