رواية يأس القلوب الفصل الثلاثون 30 - بقلم رودة
part 30
طلعاتنا السز كملت وتوضيت وصعدت للغرفة صليت وانتبهت لمبايلي بعده علئ الشحن مااخذته وياي
تقربت لكيت باسل داك علية كومة عزا العزاني هسة شنو اكله شلون نسيت ماكتله راح اطلع نوب اباوع
للساعة 7 ونص واحنا رحنا بـ4 الظهر دك مبايلي وفزيت فتحت خط وخليته علئ اذاني واجاني صوته
اليرعدد رعدد وييين جنتييي ! بلعت ريكي وكال متحجـين شنو انخـرستييي وين مختـفية من الظهر
مودكيت عليج الف مرة، كتلة بهدوء جنت وية عمتـي كال شنو؟ وين جنتي وين؟ كتلة واني بالكوة اطلع
بالكلمة عمتي راحت تسوك لرمضان من هذا الشسمة المجمع ورحت وياها كال بعصبية اني شكايل اذا
تطلعين بدون ماتكليلي؟ اصبريلي خلي اجي ويصير خـير وسد الخط شمرت المبايل وكعدت ابجي من
خوفي من حيدر ومن خوفي من باسل هسة شسوي شسوي وضليت بس ابجي والوم ببنفسي شلون نسيت
ماكلت لباسل راح اطلع شـلون سمعت عمتي تصيحني علمود اتعشئ مسحت دموعي وكلت اي عمة جاية
كمت غسلت وجهي ونزلت لكيتهة مخلية الصينية بالكاع كالت جنتي تبجين يمة؟ كتلها لاعمة عيوني
تحسسن من الجو هزت راسها وهية مامقتنعة بس عافتني علئ راحتي وبدينا ناكل وتسولف وياية وتضحك واني الخوف والقلق الي بداخلي
ماينوصـف كملنا وغسلت الاماعين وكعدنا نشرب جـاي واني رايحة بغير عالم بعدين عمتي راحت تقرأ قران
واني صعدت لغرفتي حضرت ملابس الدوام باجر عندي دوام وعمي عزيز يوصلني بطريقه ،ورحت لبست
ملابس النوم الي ارتاح بيهم ورطبت وجهي وجسمي ووقت المنبه منا مدري ليا ساعة وغفيت بعد ماحسيت
بشي فزيت الصبح علئ صوت المنبه يدك كمت وجسمي متكسر دخلت للحمام غسلت وطلعت بدلت
وخليت مكياج خفيف ولفيت الشيلة وبعدين رشيت عطر واخذت جنطتي ونزلت شفت عمو وعمة
ديتريكون صبحت عليهم واني مبتسمة ردوا عليه وكعدت اكل وياهم ومالي نفس وباسل بعد ابد مادك
شكد جنت مقهورة هسة انقهرت بالزايد كملنا وكمت غسلت وعمي طلع شغل السيارة واني بوست عمتي
وطلعت صعدت بالصدر وبده يسوق وسوالفه نفس سوالف بابا، اكول ليش بابا يحبه وعلاقتي بيه قوية
اثاري لين يشبه تصرفاته وصلني وسألني اذا محتاجة شي كتلة سلامتك عمو وكال ديري بالج علئ روحج بابا
ابتسمت ونزلت دخلت للجامعة وهوة حرك السيارة دخلت امشي بهدوء وخـايفة لا يصـادفني حـيدر
المصيبة الجديدة الي طلعت بطريقي دخلت للقاعة وبدأت المحاظرة واني بالي مووياهم بس لو ابطل
تفكير زايد وقلق جان عشت بغير بس وين ورة فترة صار وقت الاستراحة طلعت بالحديقة كعدت علئ
المصطبة والعب بسحاب الجنطة رفعت راسي ولمحت حيدر جاي بأتجاهي بلعت ريكي داكوم وصل يمي
وكال صباح الخير مارديت عليه كال بضحك شدعوة مرة ابن عمي كتلة واني اشيل الملازم من المصطبة
رجاءا ابتعد عني ولاتضل كالساع طالع بوجهي ،كال تدرين قبل ماجنت ادري انتِ خطيبة باسل وهسة
ماشاء الله زوجته طلعتي واني هيج فرص والفريسة تجنن مااضيعهم من ايدي خزرته وكتلة اكول لباسل
والله بس تجرأ وتتقرب كال بضحك هوة انتِ هذا خوفج وقلقج فاضحج تؤتؤتؤ مو بهالسهولة اعوفج
يحلوة اذا منطلع كم طلعة ونتونس وها وداعة عمي العزيز محد يدري بيني وبينج وها مااحب المماطلة
واضل كاليومية جايكم واتودد الج وهالسوالف لا اني احب كلشي يكون حار ومكسب وباقرب وقت يحجي
واني جسمي يرجف كتلة احترم نفسك وخاف غير وحدة تقبل هيج تسوي بيها فهاية اكبر رخيصة مو اني
روح دور وحدة مثل امثالك وتقبل تسوي وياك هيج ياماتستحي ومشيت بساع يالله بعدني بالبداية والله
منين دتجيني هاي المشاكل دمعتي طاحت مسحتها دك مبايلي طلعته من الجنطة شفته بابا يدك غوركت
عيوني فتحت خط وكتلة واني امسح بعيوني ها بابا حبيبي كال هلا بريحانتي شلون باباتي؟ كتلة بخير بابا
مادام انتَ بخير كال الحمدالله ضلينا نسولف شوية وكلامه يزرع الامان والاطمئنان بداخلي لا ارادياً كتله
بخوف بابا تذكر من جنت تكلي كلشي لاتضمين احجي ؟كال بهدوء اي يابة بس صاير وياج شي
سكتت؟ ماحجيت وعيوني مغوركة كال بهدوء بابا خايفة ؟شنو صاير وياج احجيلي تردين اجيج
للجامعة؟ كتلة واني امسح دموعي لا مابية شي هيج بس احتاجيت كلامك علمود يقويني تنهد وكال طول
عمرج هيج ماتحجين وابقئ اني اعرفج من نبرة صوتج شوفي بوية لاتقهرين روحج ولاتهملين كلشي
ولاتسكتين علئ اي شي وكلشي يصير وياج تشاوري وية باسل اني اعرفه ابن ابو ومايقصر ويتفاهم ليش
احسج هسة كلش خايفة وقلقتيني وياج يابوية كتلة واني احاول اغير الموضوع لا بابا مابية شي لاخايفة
ولا هاي بس هيج تدري بية فجاة اكلب واضوج علئ اتفه الاسباب هههه تنهد وكال متاكدة بوية؟ كتلة اي
بابا متاكدة شوية حجينا وسد الخط وبدات محاظراتي الباقية حضرتهم والساعة 12 ونص خلص
الدوام طلعت بالكراج لكيت سيارة عمو عزيز فتحت الباب وصعدت كلت الله يساعدك عمو رد وهوة يسوق
ويساعدج بوية، خليت راسي علئ الجامة مالي خلك احجي وحايرة شنو اسوي وصلنا اخذت جنطتي ونزلت
دخلت عمتي دتسوي بالغدة تلكتني بابتسامة بوستها وكالت اصعدي حبيبتي غسلي وبدلي وتعالي تغدي
صعدت بدلت ورحت غسلت وتوضيت وصليت وبعدين نزلت جوة لكيت عمة صابة الغدة كعدنا اني
وياهة وعمو نتغدا عمة يسولفون مندمجين واني موياهم بس اي واي كملنا ماقبلت اغسل الاماعين كالت
ارتاحي هنة كم ماعون بس ماقبلت وغسلتهم استحي اخليها تشتغل وحتئ شغل بسيط كملت المطبخ صعدت
كبل لغرفتي وتمددت علئ الجرباية وتغطيت وصفنت علئ السكف وافكر ومرتبكة بلعت ريكي وكلت اكل لعمو
عزيز علمود يحل السالفة بسكوت وارتاح؟ لو اكل لباسل وتصير مشكلة كبيرة وضلت سالفة تاخذني منا وتجيبني منا لحد ماغفيت .
مريم
كاعـدة بـالنادي مال جـامعة ومخلية ايدي علئ خدي وصافنة ماحسيت الـة احمد كعـد كـدامي فزيت
وابتسمت كال شـسوي الـحلوة كتلة واني اباوع للمنيو جوعانة كـلش وداطلب اكل تاكل وياية حبيبي؟ سحب
المنيو وكال يخسئ الجوع ريامي شنو تردين كليلي خلي اجيبلج كتلة واني اباوع الة بتك عين لا عيني
خاف اتعبك كال بهمس حرامات يمنا ناس مااكدر احجي لو بحدنا جان حجيت ابتسمت بخجـل وهوة بدأ
يطلب كال شنو اجيبلج كتلة اريد صاج دجاج وببسي هيج كون مثلج لين كلبي محترك ضحك وكام واباوع
الطلاب والطالبات يباوعون النا عابت شمالهم يعني مشافوا الحلقات ومخطوبين وبعدهم مستغربين
تقدمت بنية وكالت مرحبا عمري كتلهة باستغراب مراحب حبيبتي ؟كالت انتِ خطيبة الاستاذ احمـد؟
كتلها اي خطيبته كالت لعد هوة مومزوج كتلها لامتوهمة حبيبتي وكالت استاذن وكامت عابت شنو
هالحشرية مزوج مامزوج شعليكم انتم اجة احمد كعد وخلة كدامي صاجية وببسي ومقبلات وهوة هم نفسي
طالب وبدينا ناكل وكتلة هسة تطلع مزوج علية احمد قلقتني شو كلها تكلي مزوج مامزوج ضحك وكال بوية
شعليج بيهم هوة اني عندي انتِ تسوينهم كلهم ابتسمت وناكل ويسولف وياية خلصت الاستراحة كمت
امشي وهوة يمشي وياية ولازم ايدي ومنو يلمحة يباوعلي يخزره لحد ما وصلت للقاعة باوع لساعته كال
اوو تاخرت عندي محاظرة ديربالج علئ روحج وبالطلعة انتظريني ابتسمت وكتلة تمام همس بهدوء
احبج ريامي كتلة اموت عليك ودخلت للقاعة وهوة راح كعدت ورة شوية دخل الدكتور وبدأ يشرح وهاي
اخر محاظرة ورة نص ساعة خلصت اخذت الجنطة والملازم وطلعت لكيته منتظرني بالحديقة شافني
ابتسم وصلت يمة لزمني من ايدي ومشئ وكال وهوة يمشي شايفة هذا الشعور شكد حلو يعني اني قبل كم
سنة جنت اتحسر من اشوفج تمشين ومااكدر اتقرب الج وهسة لازمج واسحل بيج منا ومنا ضحكت وكتلة
اي شايفته شكد حلو بس امشي علئ كيف مو رجلية راحوا وصلنا السيارة صعدنا شغل السيارة وبدأ يسوق
واني اباوع بالجكمجة مالته وهوة يضحك علية لكيت عطره الي يخلي منه دائما سحبته لصدري وكلت الله
شكد احب عطرك ابتسم كتلة عادي ارش؟ كال كدامج هوة وصاحبة مديت ايدي كرصته وكتلة غصبا ماعليك
ضحك وكال طالعة عينج يولي خليت عطر منه والعطر اسمه smart يصير لونه سمائي وعطره فخم لأبعد
حـدود رجعت العطر وضلينا نسولف ونضحك لحد ما وصلني قبل لا انزل باسني بخدي ونزلت سويتله حركة
بايدي بمعنئ بيباي ودخلت للبيت والابتسامة مرسومة علئ وجهي .
ريحـانة
فزيت المغـرب باوعت للساعة بـ8 المغرب او صارلي شكد نـايمة كمت غسلت وتوضيت وفرشت مصلايتي
وصليت كملت صلاة كمت وبالكوة امشي بعده مفعول النوم بية فتحت مبايلي شفت جايتني رسالة من رقم
غريب ومكتوب ها شقررتي يحلوة عرفته حيدر لزمتني الرجفة كالعادة وخفت حيل وموزين علية لا
اخاف ولا انهار لين حالتي تتأزم ضليت افتر بالغرفة واكل بأضافري من القلق والمبايل لازمته بايدي اخر
شي نزلت بساع شفت عمو بالاستقبال كاعد يباوع علئ الاخبار دخلت للأستقبال وكلت الله يساعدك عمو
كال هلا بعد عمج كتلة واني مترددة عمو عادي احجي وياك بموضوع اشرلي كعدت يمه وكال احجي يابة كبل
بجيت ماتحملت صار كم يوم عايشة بخوف وقلق موطبيعي كال بقلق شبيج بوية؟ صاير وياج شي
هزيت راسي بمعنئ اي كال شنو؟ كتلة واني امسح بدموعي عمـو حـيدر ابن عمو امين ديضايقني فتح
عيونة بصدمة وكال شنو !ضليت اسولف اله وابجي واشهك وهوة عيونة صارت حمرر من العصبية وجاي
اكمل وسمعت عمي كال باسل درت وجهي وشفته واكف يم باب الاستقبال ويسمعني شنو احجي وعيونه
جاي يطكن من العصبية واعصابه بارزة كبل كمزت وصرت ورة عمو من الخوف بسرعة باسل طلع وعمو
طلع وراه وعمة جانت واكفة راحت وراهم تركض واني كاعدة بمكاني وابجي يالله هسة اني شسويت لو باقية
ساكتة مو احسن مادري شكد ودخل باسل يرعد رعد وعمي يصيح وراه بعصبية اوكففف لككك دخل
للأستقبال كمزت من مكاني ورجعت ليورة وشبكت نفسي بادية وكف عمي كدامي كال باسل بهدوء كومي
وياية هزيت راسي بمعنئ لا كال بعصبييية كومييي جاي احجي وياج عمي كلة باسل العب بيك طوبة اذا
مديت ايددك عليها كال باسل مااضربها شني يابة تعلمني؟ كومييي اريد اتفاهم وياج امشي باوعت علئ
عمي كال بهدوء كومي بابا لاتخافين ميسوي شي وهذاك حيدر بعد مايوصلج هزيت راسي
بخوف كمت وباسل مشئ كدامي صعد واني صعدت وراه وعمتي تكول يايمة عين وصابتهم شحلاتهم جانوا
حسبي الله ونعم الوكيل صعدت ورة باسل دخل للغرفة واني ضليت واكفة بالباب صاح وهوة ينزع بالساعة
ادخلييييي وسدي الباب وراج دخلت بخوف وسديت الباب شمر الساعة وكال وهوة يعددد تطلعييين بدون
مادرييي ويوصلكممم حيدررر وهوة نفسسسه استاذذ حيدرررر يخوف بيج وتروحين تكولين لابوي علي حتئ
يحل المشكلة شني بوية اني شنو كدامج مورجال؟ لو موبعينج ؟لو طرطور؟ ضرب الميز وكال بعصبيية كافي
بجي بطلييي موبس احجي وياج بجيتييي وهذاك الطرن كسرته وبعددد غليلييي ماشافييييي اذا مالزمه
والعب بي طوبة ورجع دفر الميز انييي باسل ابن عمييي يسوييي هييييج انييي ازوعه الحليييب الي
شاربه وتقدم واني رجعت ليورة كتلة بخوف ودموعي تنزل معلية اني ممسوية شي هوة مايستحيي لزمني
من وجهيي وكال ليش ماكتيلي من زمان؟ ليش ماكتيلي حيدر هوة نفسه الي تعرض الج هذيج المرة؟
لهذا السبب ماردتيني ادخل بمشكلتج انتِ و وردة مووو واني مثل """" صدكتج وماتدخلت شهكت
وكتلة لا والله ماجنت ادري هوة صاح اسكتييي لا ارادياً ضربته علئ صدرة وكتلة بعصبيية لاتخوفنيييي
فوك ماانييي خايفة لاتخوفنيييي صيرلييي الامان ولو لحظة خلينيي احس بالاطمئنان اكتل هذا الخووف الي
انزرع بداخليييي خليي الرجفة الي لازمتنييي تروح اذا انتَ الحنيييين قسيييت علييية شلون راح
ترحمنـييي هاية الضروف فهمنييي شلون تريد تضرب اضرب تغلط اغلط بس لاتخوفنييي فوك مااني خايفة
ومرعوبة واني الله شاهد لا عندي شي وياه ولا هاي بس الخوف الي بعيوني عم علية ازعل مني بكيفك
وباوعت بعيونة وكلت بس لاتخوفني شلت ايده خليتها علئ كلبي ورجفت ابدي وطاحت ايدة من ايدي
رجعت لزمته بالكوة وايدي ترجف وكلت وكلشي بية يرجف شوف كلبي شلون راح يوكف لين خايفة
وشهكت وكلت اكتل هذا الخوف اكتلة لاتخليي يموتني سحب ايدة كعدني علئ القنفة وعيونة حمر من
العصبية فتح الجرارة طلع علاكة الدوة مالتي طلع الدوة واكو كلاص مي علئ الميز تقرب اخذه تكرفس
كدامي وكال بعصبية افتحي حلكج فتحت حلكي شربني الدوة وشربني مي صاح بعصبية كومي كمت
سحبني من ايدي نومني علئ الجرباية جر الغطة غطاني وصل يمي باب الغرفة فتح الباب جاي يطلع
وكال بعصبية اذا شفتج طالعة من الغرفة لو كايمة من مكانج ابجيج دم وطلع وسد باب الغرفة ضليت ابجي
بمكـاني وشابكة اللحاف واردد تعبت يالله تعبت .
باسل
هذا لين خوفتها وضـربه بوكسي حيـل وهذا لين تجرأت وراسلتها ياخنيث ضربته كلة براسه وسحبته
من ياخته تريد تطلع وياهة ياخسيس ونزلت عليه دك بوكسيات مااعرف شوكت اجة ابوي وعمامي سحبوني
من عنده صحت بعصبيية عوفوني خليي اربيه من جديد هذا العاررر وهوة مشمور بالكاع وبالكوة يجر
النفس صحت عليه اذا بعد وصلت لباب البيت اخلي طلقة براسك واكتلك ومشهودتلييييي واسويهااا دفعت
الولد ومشيت صعدت بسيارتي وانفتح باب الصدر صعد ابوي بدتي اسوق وكالساع ضارب علئ الستيرن
وكال ابوي بعصبية اهدأ كافيييي الضغط راح يكتلك الولد وكسرته وهاي ثاني مرة قبل شوية رحت كسرته
واجيت ركض وراك اجة الولد يموت بين اديك وهسة صعدت للغرفة كسرت ودفرت ونزلت هم رحت كسرته
عوف الباقي عليه واني اعرف بعد شلون اتصرف ويياه بطل عصبيتك الزايييدة البنية عفتها بالبيت راح
تموت من الخووف من وراك شعليها هية هاا شعليها قسما بالله ياباسل اذا سويت بيها شي العب بيك طوبة
نسيت كل كلامه وكلشي وكتلة بعصبييية هييية مالتيي شلون تجرأ وتقرررب الهااا بويييية مالتيييي
مسح وجهة وكال بعصبية ربي صبرني سوق ولاتدعمنا نوصل للبيت ويصير خير ضليت اسوق وصلت للبيت
كبل نزلت دخلت للبيت صعدت فتحت باب الغرفة لكيتها بعدهي علئ حطتها علئ الجرباية شمرت السويج
والمحفظة فتحت الكنتور طلعت شورت وكيمونة دخلت للحمام سحبت واحس راسي راح يطك من
الوجع وصار يومين ملتحق واول مااجيت هيج صار جيد بوية جيد حتئ بعدني مامرتاح ضربت علئ
السيراميك وكلت اخ يابة اذا ماالزمك مرة ثانية وانطيك بوكسي اطيح سنونك مااطلع باسل سديت
الدوش نشفت وبدلت طلعت انشف بشعري باوعت عليها بعصبية مطلعة بس وجها من اللحاف وكم خصلة
ومفتحة عيونها وجها احمر دم ومبرطمة خزرته وتقربت مشطت شعري ورشيت عطر سحبت اللحاف
والمخدة وتمددت علئ القنفة وصافن علئ السكف وكالساع اضرب علئ القنفة بعصبية وهية تفز وشهكتها
خذت كلبي درت وجهي هية مغمضة بدت تغفئ مسحت وجهي واباوع الهة فجاة فتحت عيونها خزرتها
بعصبية بجت وكالت شبيك بس تخزر بية كتلها بعصبية نامي وسكتيي ترا بعدني مامحاسبج وواصلة
لهنا وحق محمد مابقئ شي وانفجر دارت وجها وتنهدت بوية كلبي اشو ماينطيني اقسي عليها كلما
جاي اصيح عليها احسة يلومني اباوعلها شلون حاضنة اللحاف المفروض تحضني اني نفس كل يومية وتوخر
عني هذا التعب والعصبية بس الضاهر القدر اله قرار اخر، مسدت علئ راسي بوجع الضغط صعد عندي راح يموتني ورة مادري شكد غفيت من ورة التعب .
ريحانة
اباوع عليه نام مسحت دموعي بعد مااحجي وياك لين صيحت علية وخوفتني هوة نايم واني احجي وية
روحي ولاعبالك اني الي مصخمة الحمدالله والشكر غفيت واني اباوع اله ورة ساعات فزيت علئ صوت
المنبه عندي دوام اليوم شلون راح اداوم يالله كمت اباوع لوجهي بالمراية شاحب وعيوني حمرر دم درت
وجهي اباوع علئ باسل نايم ونازع كيمونته ونايم علئ بطنه واللحاف مغطي نص ضهره وحتئ وهوة
نايم عيونه معقوجات تقربت بهدوء بسته بخده و......
يتبع .....
- يتبع الفصل التالي اضغط على (يأس القلوب) اسم الرواية