رواية يأس القلوب الفصل الثاني 2 - بقلم رودة
part2
المصطبة ومبتسمة نسمات هوئ باردة تخليني احس بالراحة الي انحرمت منها من سنين فجاة وكفن يمي 3 بنات كالت بنية مرحبا رفعت راسي وجاوبتهة وكلت اهلا تفضلي باوعت بخبث علئ صديقاتهة وكالت بس حبيت اسئلج سؤال بس كون تجاوبيني بصراحة
كتلهة باستغراب نعم تفضلي كالت الدكتور النفسي الي تراجعينة وين صاير ؟! ويعني انتِ شلون تخبلتي لين بت عمي مجنونة ونريد ناخذها الة هية تحجي واحس شلون الصاعقة ونزلت علية عيوني غوركن كتلهة عفوا منيلج هذا الكلام موصحيح كلت بكلبي هاي منو
كلت الهن شسالفة شديصير ؟! ضحكن وكالت الثانية اصلا صرتي سيرة علئ كل لسان بالجامعة ريحانة المجنونة ههههه الي محد يتقرب الها كلها تخاف هية حجت هيج كمت ودفعته وكلت واني اهدهد بيهة احترمي نفسج شهل كلام واخخ دموعي نزلت كبل درت
وجهي مااريدهن يشوفني وهنة ضحكن وراحن رحت بساع للحمامات وانهاريت ابجي واشهك انتبهت علئ وحدة خلت ايدها علئ ضهري وكالت شبيج حبيبتي ؟! البنية ماعرفهة ولا هية تعرفني رفعت راسي واباوع بعيونهة وابجي عافت جنطتهة وكعدتني ووكالت
شبيج يحلوة منو وياج واني ابجي كتلهة محد وياي اني هيج ابجي وشهكت هزت راسهة وكالت بابتسامة بكيفج لا تحجين بس اهدئي موزين هلكد تبجين هزيت راسي وهية كومتني غسلت وانطتني مي شربت وكالت يلا امشينا كتلهة شكرا بس ماعرفتج كالت بابتسامة
اني وياج بالقسم اسمي وردة كتلهة اني ريحانة ابتسمت وكالت اسم علئ مسمئ طلعتني واني بس اريد ارجع للبيت علمود ابجي هيج نار وحركة وصارت بكلبي ومادري شنو يطفيها ودموعي تنزل وامسحهة نمشي بالحديقة واجة الممثل مال شعبتنا كال ريحانة درت
وكتلة باستغراب تفضل كال عميد الكلية يريدج استغربت شنو يريد جاي اروح وردة كالت يحتاج اجي وياج كتلهة مادري بكيفج كالت امشينا مشينا وصلنا يم غرفة العميد دكيت الباب كال تفضلي ودخلنا واشوفلك البنات الي تحارشوا بية واكفات ووحدة منهن ايدهة
مزلوغة وتجري دم وهية تبجي كتلة نعم استاذ كالوا رايدني كال بابا موعيب تسوين هيج بالبنية كتلة باستغراب شمسوية ؟! كال لا تنكرين ليش غالطة علئ البنات وجارحة البنية ودافعتهة شهكت وكتلة لا والله استاذ هية جاي اكمل وكال بعصبية وتنكرين مييصير
هيج هاي جامعة مو مصارعة موعيب وانتِ بنية بجيت وكتلة استاذ والله ممسويتلهة شي كال اعتذري كتلة استاذ ليش اعتذر واني مغلطانة ؟! سكت وكال تفضلي اطلعي برة وهاي اخر واول مرة تسوين هيج المرة الجاية فصل طلعت من الغرفة ودموعي تطيح شهكت وكلت ليش ليش هيج جاي يصير وياي والله اني ممسوية شي وردة تباوع علية وعيونهة مدمعة كتلهة واني اشهك صحيح اني
لا اعرفج ولا تعرفيني بس كل هذا الشي الي شفتي كدامج جذب اني ماعندي هيج سوالف ومااعارك اني اني انضلمت والله مسحت دموعي وكالت اش كافي لا تبجين اعرفج ميحتاج تكولين بس اهدئي راح يصير بيج شي من البجي هزيت راسي مسحت دموعي دك
مبايلي بابا جاوبته وحاولت احجي طبيعي كال بابا باسل منتظرج بالباب اطلعي يوصلج للبيت اني اليوم اتاخر بالدوام كتلة تمام بابا وسد الخط كمت كتلهة واني احاول ابتسم ماراح انسئ فضلج شكرا ابتسمت وكالت لا شسالفة وكتلهة اني راح اروح منتظريني بالباب
كالت الله وياج عمري طلعت ورقة ومدري شنو كتبت بيهة وكالت هذا رقمي انتضر رسالة منج ها كتلهة ان شاء الله مشيت طلعت وجهي احمر وعيوني حمرمبين علية باجية طلعت شفت سيارته واكفة مضللة بلعت ريكي فتحت الباب الورة دار وهوة لابس المناضر
كلت بتردد السلام عليكم رد وعليكم السلام صعدت وسديت الباب وهوة بدة يسوق سندت راسي علئ الجامة واتذكر شنو صار واعصر بعيوني علمود الدموع لا يطيحن والصمت سيد المكان فجاة كال شبيج باجية ؟! مسحت دمعتي الطاحت بساع وكتلة لا مبية
شي كال باستهزاء الضاهر متورطة ؟! كتلة باستغراب نعم شنو تقصد كال اقصد يعني خاف واحد من الولد مسويلج شي وخايفة تحجين كلت اساعدج خطية درت وجهي عليه بساع وانصدمت من الي حجاه وكفت السيارة يم بابنة كتلة واني اهدد باصبعي ودموعي
تنزل اخر واول مرة اسمح الك تحجي وياي هيج مو اني الي اسوي هيج سوالف واخرب سمعة اهلي نزلت من السيارة وقبل لا انزل كتلة والله حرامات انتَ ابن عمو عزيز وطبكت باب السيارة حيل وهوة نزل وراي من السيارة واني صرت باتمان بساع دخلت للبيت
وسديت الباب وهوة كال اريد اشوف ابوج من يسمع هذا الكلام شنو يكول عفته ودخلت تلكتني اختي مريم بابتسامة وكالت هلا بريحانتي شمرت الجنطة وبجيت وذبيت روحي بحضنهة وكل جسمي يهتز من البجي وهية مستغربة كالت بخوف شبيج ريحانة
صاير وياج شي بس ابجي وشابكتهة اخواني بالدوام وسارة هم بالدوام بس مريم بالبيت سحبتني للاستقبال وكعدتني علئ التخم ونزعتني الشال واني مكرفسة روحي ولبجي البجي احسه صار جزء من يومي يومي ميكمل بدون بجي , راحت واجت بساع بيدهة
مبايله وداكة علئ بابا جاوبه وكلتلة ونوب كالت وهية خايفة بابا مدري شبيهة راح تموت من البجي انتهت مدري شكلهة اجت خلت المبايل باذاني وسمعت صوت بابا الحنون يكول ها يبعد ابوج شبيج شصاير بس اشهك ومااحجي ونوب كال جاي للبيت مسافة طريق
مااطول سد الخط واني سكتت وبس صافنة كل هل سنين صامدة بس موقف اليوم هزني هز ضليت علئ كعدتي وبس صافنة ودموعي تنزل ومريم تحاول تريدني احجي ماكو ساعة كاملة واندك باب البيت كامت مريم فتحته بساع وسمعت صوت باب يكول وينهة دخل
للاستقبال وعلئ حظي اجو اخواني واختي من الدوام وكلهة مستغربة شبية ليش ابجي ؟! بابا كال الكل يطلع برة بدون كلام طلعوا سد الباب وكعد كدامي ولزم ايدي وكال منو وية الحنينة ؟! تبجين علئ امج هزيت راسي بمعنئ لا استغرب وكال ليش كتلة واني صافنة
بعد مااداوم كال شنوو ! كتلة دوام بعد مااداوم كال لا تخبليني كولي شبيج شنو مااداومين وليش تبجين شصاير بابا لا تخوفيني ضليت احجيلة واني اشهك وختمت الحجي واني اكول بابا اني مومخبلة اني تعبانة بابا تكلي مخبلة ومحد يتقرب مني بابا ليش هيج جاي
يصير وياي مااريد اعيش اني اريد اموت اريد اموت وضليت ابجي واردد مااريد اعيش كافي مليت اريد اموت تعبت تعبت ليش محد يحس بية شبكني بابا حيل وباس راسي وكال ماعاش اليغثج ويبجيج واني موجود اني بنتي يسوون هيج بيهة واسكت كافي لا تبجين
بوية لا تصيرين ضعيفة ودموعج تنزل علئ اقل شي صيري نجرة وحقج يجيج من هاي الركبة ودك علئ ركبته كلت بهدوء بعد مااداوم كال هاي مال مااداوم شيليهة من راسج ارتاحي كم يوم ويصير خير بوية كافي بجي هاي اخوانج واخواتج تكطعوا عليج موسهلة يشوفوج تبجين هزيت راسي وسكتت وبابا يمسد علئ راسي ويبوس شعري ويكول تهون بعد ابوج تهون وها ترا مانسيت
كلامج مال اريد اموت شني تريدن ترحين وتعوفيني غير اموت وراج كتلة بساع لا اسم الله عليك يمة اشاقة اريد اعيش والله ضحك ورجع شبكني وغفيت بحضنه .
باسل
بدايتاً اعرفكم بنفسي اني الضابط باسل عزيز عمري 29 سنة ضابط في وزراة الداخلية ,عصبي ومااقبل بالغلط مامتزوج وشايل فكرة الزواج من راسي بسبب الجاي اشوفة بشغلي كرهني بكلشي شخصيتي قاسية جداً بسبب طبيعة شغلي الشي الاريدة اخذة واجيبة لو
وين ماكان مايعصب علي عائلتي متكونة من امي وابوي فقط الوحيد الهم اني كاعد ودخل عمي ابو محمد صديق ابوي الروح بالروح عبالك اخوان ورجال طيب وماكو منه كال لابوي عزيز اني طالع اجيب سيارتي وامر علئ ريحانة وبعدين ارجع بس شوفلي ملف
المجرم*** وين صفة بيه الدهر كالة ابوي صدك جذب هسة باسل يروح يوديهة اكعد يمعود كتلة اي عمي ماكو مشكلة كال لا لا اني اخذها شسالفة كال ابوي شني ابو محمد ترا باسل مثل اخوهة وتربوا سوة عليمن بعد هوة يوديهة لين خلص دوامه كتلة اي عمي ماكو
مشكلة طلعت وهوة كال راح يخابرها علمود تنتضرني اي والله تالي وكت صرت سايق لست ريحانة والله لو مااستحي من عمي فلا اروح شني سايق خوما سايق ولو هوة الرجال ماقبل صاحب غيرة علئ بنته شهم بس ابوي الله يخليه شلون كلشي عادي رحت
لجامعتهة وانتضرتهة انفتح الباب الورة درت وجهي عليهة كالت السلام عليكم وصعدت كتلهة وعليكم السلام كلت بكلبي يامحمد يعني هاي شوكت متجيهة وجهة احمر وشلون لابسة قميص احمر استغفرالله يخليك غصبا ماعليك تباوع بس انتهبت عليهة باجية اسوق
والمحهة من المراية تعصر بعيونهة كتلهة شبيج تبجين كالت مبيهة شي كتلهة باستهزاء الضاهر متورطة وهية مفهمتني بالاول بس بعدين افتهمت وطلعت لسانهة علي وشكد اضوج من البنية الوكحة اخر شي نزلت وراهة بس ردت الزمهة دخلت بساع وسدت الباب
تحلفت الهة صدك ماتستحي الفصمة القزمة هلكدوتهة وماتنكدر وعصبت وتنرفزت اذا مااخليهة تندم لين حجت وياي هيج مااطلع باسل رجعت للبيت سلمت علئ امي وبست راسهة وصعدت لغرفتي اخذت ملابسي ودخلت للحمام سبحت وطلعت انشف بشعري دك
مبايلي صاحبي احمد رديت علي وسلمت كال موتتاخر علئ السهرة اليوم للصبح ضحكت وكتلة جايك جايك سديت الخط لبست قميص زيتوني وبنطرون اسود ولبست الساعة وعدلت شعري ولبست المناضر ورشيت عطر واخذت المحفظة والمبايل ونزلت امي كالت
هايمة ماتتغدة كتلهة لا يمة الف عافية طالع تاخرت طلعت شغلت السيارة ورحت لقاعة ***وصلت تلكوني اصدقائي والدنيا مكلوبة كلاب وذيج الونسة الزينة .
ريحانة
هدات شوية وتغيرت من نفسيتي اهلي غيروا الي جو وكعدوا يضحكون بية والله وطلعوني من الحزن الي اني بيه بس سؤال ضل بالي يدور منو كل للبنات ؟! فزيت غئ صوت مبايلي يدك عايفته بالمطبخ كمت للمطبخ اباوع امي تتصل فد فرحت جاوبته بساع وفتحت سبيكر
واحجي وياهة كتلهة هاا يوم حبيبتي شلون مشتاقتلج سلمت علي وكالت شلونهن اخواتج اخوانج كتلهة الحمدالله زينين كتلهة ماما خلي افتح كامرة وياج مشتاقة اشوفج كالت افتحي يمة افتحي فتحت كامرة وثتبت المبايل علئ الكاونتر وفتحت سبيكر واحجي وياهة طلعت
اباوعلهة لابسة دشداشة قديفة وشعرهة مفتوح يمة فديت امي تخبل عيوني انترسن دموع كتلهة يمة تخبلين صايرة مشتاقتلج مسحت عيونهة وكالت ياروح امج كلبي طاك عليج خليت القوري علئ الطباخ واحجي وياهة واضحك وهية تكلي يمة كبرتي وكمتي تسوين
جاي كتلهة اي بس مرات احركة ضحكت وكالت تتعلمين تتعلمين شوي وكالت امي شلونج بالدوام ودخل بابا للمطبخ بالبجامة والكيمونة هستوة كاعد من النوم دخل للمطبخ مامنتبه جاي احجي وية امي كعد علئ الكرسي وكال صبيلي جاي اريد اصحصح وراي
طلعة استعجلي دار وجهة وكال هاي منو واباوعلك صفن وكمز والكلاس مال مي الي علئ الميز طاح ونكسر كمزت طلعت امي ماتدري بابوي كايمة الغراض الي جايبتهم النا وكبل انسد الخط وبابا صافن وبلع ريكة وكلي هاية امج ؟! كتمت ضحكتي وكتلة اي بابا
امي حرامات ليش اجيت جنت احجي وياهة خزرني وصاح موعيب غير دكليلي هسة شتكول كاتل نفسي عليهة بلعت ريكي وكتلة بابا اني شمدريني انتَ كبل دخلت وبعدين هية جانت تشوفني شراح تلبس بالعقد جر الكرسي وكعد وكال باستغراب يا عقد ؟!كتلة واني
اسوي روحي حزينة صديق خالي متقدم الهة وخالي موافق اباوع عيونة صارت حمر وعاصر ايدة وعصبي صار عزة العزاني تورطت كال وهوة حاد علئ سنونة وهية موافقة كتلة اي موافقة هز راسة وهوة يسوي نفسه مامهتم الله يوفقهة كام كتلة بابا الجاي كال
مااريد العسل طلع من المطبخ واني بعدني واكفة بمكاني ضربت علئ خدي وكلت عزا العزاني والله لو يدري بية جذبت يمة يموتني اني شورطت روحي دخلت اختي سارة للمطبخ وكالت ها شبيج كتلهة ها مبية شي باوعت علية بتك عين وكالت احجي شصخمتي لين
انتِ متسوين كلة تصخمين كتلهة نجبي ممسوية شي كالت اهو احجي تحمست بلعت ريكي وحجيت الهة فتحت عيونهة حيل وكالت لا بربج كملي كملي كتلهة هاهية كملت هزت ايدها وكالت عزا العزاج اذا مااكول لمريم واخليهة تكتلج موكالت الي تسوي هيج سوالف
وتلعب من وراي اكتلهة كتلهة اوكفي اوكفي الله عليج كالت ها كتلهة نروح سوة نكللهة هزت ايدها ومشينة سوة لمريم جانت كاعدة يم اخوي محمد كلت لسارة يمهة محمد بعدين عود سارة صاحت لا لا كليلهم شنو سويتي محمد عدل كعدتهة ورفع حاجبهة وكال شبيهة
شمسوية كعدت يمهم وسولفت وصافنين علية كرصتني مريم وكالت بعصبية ادبسز اني موكايلة الج بطلي هالسوالف مسحت مكان الكرصة وكتلهة اوي عابت شبيج ترا هيج حبيت اشاقة واغير جو وياهم بلكت يتصالحون كامت مريم وكالت بعصبية وهية تهمس
ثول بطلي هاي ال6 سنين كلهة ماتصالحوا تردين هسة يتصالحون ؟!شغلي عقلج واستوعبي وعوفي الخيال وركزي علئ الواقع وراحت محمد هز راسة بياس وكام وسارة كابلتني وكالت عوفج منهم ذولي مأيسين تعالي خلي نخطط اني وياج كتلهة واني ادفرهة
كومي من يمي الفتانة بعد ولا احجي وياج كامت تبوس بية وتكول هاي ينطيج كلبج تزعليني واني اختج حبيبتج كتلهة اختي فتونتي مو حبيبي ضحكت وكالت فكيها عاد زين تعالي اكلج كتلهة شنو كالت شنلبس بعقد امي خزرتهة وكلت كومي من يمي كومي ضحكت
وكامت سمعت باب المطبخ انطبك كمت اباوع من الشباك بابا طلع وكاشخ رايح لعقد امي متت استغفرالله ياربي هسة من يجي اكلة اشاقة وياك حتئ لو اترزل لو شوف شني المهم اكلة يمة شيسوي بية كمت اسوي حلويات اغير جو وسارة واكفة يمي وتذكرت هذا
باسل اليوم شنو كلي وكرهتهة بالزايد وكلت بدون ماانتبه يامحمد شكد مكروه وحقنة سارة تاكل بالخيارة وكالت منو المكروه والحقنة كتلهة لا هيج ماكو شي وخليت ككو بحلكهة وكلت اكلي وسكتي جاي تحجي وسكتت ضحكت وهية تضحك وتهز بايدهة دخلت مريم
للمطبخ وكالت هاي شدسون سارة كلتلهة وهية تاكل خيار ريحانة جاي تسوي حركات لعقد امي ماتحملت وطكيتهة بضحكة وسارة ضحكت ومريم هم ضحكت وكالت استغفرالله ياربي واتوب اليك ربي صبرني باوعت بتك عين وكالت عود يعني سويلي حلاوة مال
جوز الهند ترا احبها كتلهة تدللين يعمري وضلينة نسوي ونسولف ونضحك والله دنيا عصر علئ غروب واندك الباب مال بيت طلع اخوي محمد للباب ودخلن عماتي استقبلناهن وكعدن وجبنا مي وعصاير وخليت الهن من الكيك الي سويته ويسولفن ويانة ويضحكن
وصار المغرب ودخل بابا وانتبهت علي معصب سلم وكعد وية عماتي وكالت عمتي خوية راجع شباب ماتخلينة نزوجك ضحك وكال وين الشباب بعد اخوج كلاني الشيب كالت عمتي افراح يا خوية لزوجك زينة البنات انتَ بس كول يحجن واحنا ساكتين مانتخيل وحدة
تاخذ مكان امنة وهنة مستمرات ويحجن ورة كم ساعة راحن عماتي وبابا كعد يكلب بالفيس ويدخن واني وسارة كاعدين كبالة ونسولف سارة همست الي باعي هسة هوة عصبي وضايج اذا كتيلة جذبت عليك يكتلني وياج بلعت ريكي وكتلهة لا اصلا مانكله خلي
نكمل خطتنة طب حسين اخوية ياكل كيك ومااحس الة سارة عاطت وكالت ياا حسين ليش اكلت من كيكة عقد امي بابا كام يكح وحسين مستغرب يباوع كلهة ياعقد شبيج بابا خرزهة وكال كومي كما كيكة عقد امهة هية كومي وطلعت من الاستقبال واني ضامة
ضحكتي وحسين يهز بيدة ويكول الحمدالله علئ نعمة العقل من اكول مخبلات محد يصدكني بابا كله اكل كيك واسكت لا اكوملك انتَ الثاني كمت طلعت واني اضحك خرب يومج سارة طركاعة مو بنية طلعت وتلكتني تاكل كيكة كالت تردين من كيكة عقد امي ضحكت وكتلهة امشي لا يسمعج بابا .
باسل
الساعة 11 بليل رجعت للبيت لكيت ابوي وامي كاعدين ياكلون فاكهة ويسولفون سلمت وكعدت وياهم ابوي كال وين جنت؟! كتلة واني اكل تفاح وية اصدقائي سكت محجة شي وفجاة امي كالت اي عزيز كمل شلون صارت ريحانة بابا كلهة احسن احسن بلعت
ريكي وكتلة ريحانة بت عمي ابو محمد مو ابوي كال اي كتلة شبيهة كال وانتَ شعليك كتلة هيج سمعتكم تسولفون كلي شبيهة واني شلون الصاعقة ونزلت علية حتئ غصيت بالتفاحة وامي تدك علئ ضهري ابوي باوعلي بتك عين وكال شبيك انفعلت ؟! كتلة لا مابية
شي بوية يلا تصبحون علئ خير اني رايح انام صعدت للغرفة واني اذكر شكتلها يعني من وراي تاذت بالزايد بس تستاهل من ورة السانهة يعني لو كايلتلي شبيهة اوو يامحمد هسة اني ليش افكر عود بعدين اذا شفتهة اعتذر الها ولو متستاهل .
في اليوم التالي
كعدت الصبح غسلت ونزلت صبحت علئ اهلي وصحت يمة ماكمل الريوك وراي دوام راح اتاخر صاحت اي يمة كمل هذا راح اجيبة كال ابوي اليوم تعال من وكت بيت عمك ابو محمد معزومين يمنا كتلة ان شاء الله كعدنا نتريك كملت غسلت وصعدت لبست ملابسي العسكرية والساعة والبسطال اكرمكم الله ورشيت عطر واخذت السويج والمحفظة والمبايل وطلعت اليوم ابوي مجاز وصلت وبديت اشتغل بالتقارير منا لحد الساعة 2 ونص الضهر دك علية ابوي رديت علي كال يلا بوية تعال عيب عدنا خطار باوعت لساعتي وكتلة مسافة طريق وجايكم مااتاخر غلق الخط وكمت طلعت شغلت السيارة واسوق وبطريقي تسوكت كم شغلة وصلت دخلت للمطبخ جاي ادخل العلاليك وشفتها واكفة تسولف وية امي حمحمت وكلت السلام عليكم
ريحانة
معزومين يم بيت عمو عزيز وماردت اروح خايفة للا اشوفه وكرهته من ذاك اليوم بس انجبرت لين بابا كال عمج عزيز يريد يشوفج عيب ماترحين المهم رحنة ورحبت بينة عمة سعاد مرة عمو عزيز احلئ ترحيب واحنا نحبها وعلاقتنا بيها قووية ودائما تسال علينة
يعني ابد متكطع كمت وياهة للمطبخ علمود تشوف الاكل وهية تسولف وياية وتضحك وفزيت علئ صوت واحد وهوة يكول السلام عليكم بلعت ريكي ودرت وجهي شفته هوة واكف بالبس العسكري ورافع حاجبه ويباوع ماحسيت الة طلعت من المطبخ بساع حتئ
بدون ماارد السلام واسمع عمتي تكله تستحي يمة وصارهة هواي ماشايفتك فاستحت كعدت وكلت بكلبي هوة شفته مرة وساعة السودة من شفت ضليت كاعدة وبعد ماكمت علمود مااشوفه بعدين تغدينا وكملنا عمتي كالت يمة ريحانة المناشف علئ المغسلة يم الدرج
جيبيهم بين مااصب الجاي كتلهة بابتسامة اوك عمة كمت رحت علمود اجيبهم جاي افتح باب الحمام علمود ادخل اخذ المناشف وانفتح باب الحمام وطلع باسل شهكت ورجعت ليورة حسيت كلبي اجة يوكف من الهبطة كال وهوة عاقج حواجبه شسوين متعرفين تدكين
باب الحمام يعني كتلة العفوا ماادري بيك هنا اجيت داخذ المناشف جاي اروح وجرني من ايدي وكال وين ؟! نترت ايدة وكتلة معليك وبعد لا تلزمني كال بنتر صوتج لا اكسر راسج احجي وياج اعدل تحجين عدل كتلة باستهزاء واذا محجيت شسوي مثلا جرني من
ايدي حيل وحصرني علئ الحايط وكال بعصبية وهوة يهمس البنية الوكحة مااحبهة صوتج نصي واحجي عدل مرة ثانية موباستهزاء وهوة موصوجج صوجي اني كلت عود اعتذرلج لين طوخت وياج بالحجي هذاك اليوم بس طلعتي ماتستاهلين حتئ اعتذار ويعني لا
عبالج اريد اتقربلج لو شوف شنو صحيح مواصفاتج تعجبني وغمز بس انتِ متعجبيني وترا ماميت عليج عندي الف وحدة غيرج دمعت عيوني من حركته شلون جرني ادفع بي ميوخر كتلة وعيوني مغوركة وخر من عندي كال واذا موخرت شسوين تبجين ؟! كتلة
رجاءا وخر من عندي ايدي ضلت توجعني وخر وكتلة واني اهدد باصبعي وارجف واحجي بصوت ناصي علمود مايسمعون اول شي اني ماميتة علئ اعتذارك وهاي اول واخر مرة تلزمني وتحجي وياي هيج ولا عبالك اني من هذني البنات المايستحن ترا هذني
لاضفري ميوصلن وهذني سوالفك متطبقهن علية تطبقهن علئ صاحباتك وعفته ومشيت ومسحت دمعتي الطاحت من عيني اخلص من سالفة تجيني سالفة .
- يتبع الفصل التالي اضغط على (يأس القلوب) اسم الرواية