رواية نبضات القلب الفصل الثاني 2 - بقلم دنيا صابر

الفصل الثاني

                                        

                                              

خرج و سابهم و هو متعصب جدااا هو عارف اساسا ان دي هتبقي رده فعلهم عمره ما اختار حاجه و امه كانت ف صفه او معاه و عارفان لو فضل يتناقش معاها هيتب و مش هيتطلع بنتيجه فهو خلااااااص قرر و مشي راح لاكتر مكان بيرتاح فيه هو مدايق ازاي امه مش عايزاه يفرح ازاي عايزه تجوزه واحده بيعتبرها اخته 

                              

اتمشي ع البحر و هو حااسس بضيقه و خنقه و هو كل دقيقتين طلع منه تنهيده 

                              

ف نفس المكان كان موجود ادهم و بالصدفه شافه 

                              

ادهم و هو بيخبط ع كتف امير ازيك يا نسيبي 

                              

امير و لف ع طول و لانه عارف الصوت و قال بصدمه : ادههههههم 

و اخده بالحضن جااامد 

                              

ادهم: امير خلااااص خنقتني

                              

امير : انت رجعت امتي و عامل اي و مقلتش ليه عشان اي اخدك من المطار 

                              

ادهم : جيت اول امبارح و اتفجئت انك هتاخد اختي و انا تمام 

                              

امير : ليااا الشرف

                              

ادهم: سيبك من الرسميات دي يا عم , و قول مالك شكلك مدايق ف اي 

                              

امير : امي يا ادهم مش عايزاني اتجوز اختك

                              

و عايزاني اتجوز هدي بنت عمتي قولي اتصرف ازااي انا بحب وتين و هدي دي بعتبرها اختي الصغيره 

                              

ادهم و هو مبتسم : الله الله ع الحب و الرومانسيه بتحب و تين 

                              

امير بتنهيده طويله : بحبها اوي يا صاحبي قولي اتصرف ازاي 

                              

ادهم اتنهيد و هو يشوف صاحب عمره : خليها ع ربنا و هو هيحلها 

                              

امير : ونعمه بالله 

                              

ادهم : يلا يلا تعالي هعزمك ع العشاء 

                              

امير : يلا 

                              

........ 

                              

ف اوضه وتين قاعده مع الانتيم بتاعتها 

                              

وعد : بس يا وتين كفايه عياط بقا اهدي يا حبيبتي 

                              

وتين و هي عماله تعيط: تعبت يا وعد بابا سابني لوحدي و هو وحشني اوي و عايزه اشوفه 

                              

وعد : وتين اهدي كدا و بطلي عياط انتي كدا بتعذبيه و اعي له صدقيني هو لو كان لسه عايش كان هيفضل يتعذب لان مرضه متعب و كان تعبه يا وتين ادعيله ربنا رحمه والله يا روحي 

                              

وتين و هي بتمسح عيونها ببراءه : ربنا ما يحرمني منك ابدااا 

                              

وعد : ولا منك ابدا قوليلي يلا هتعملي اي ف موضوع العريس 

                              

وتين بحيره : مش عارفه هو عمو احمد بيقول ان هو كويس و كمان هو بيقول ان هو نفسه يطمن عليا و لو بابا كان موجود كان هيفرح بيا و انا مش عارفه محتاره و زعلانه ان فتره صغيره اللي عدت ع وفات بابا دول اربعين يوم بس 

                              

وعد : انا راي زي عمو احمد يا وتين هو كبير و فاهم عنك و بعدين هو مش بيقول ان هو كويس طيب ما تديله فرصه 

 

                

وتين بتفكير :مش عارفه 

.........

بعد كم يوم 

ابو ادهم (احمد) : ها يا وتين فكرتي 

وتين : ايوا يا عمو فكرت 

ابو ادهم : و اي قرارك يا بنتي و ان شاء لله خير 

وتين بكسوف و احراج : اللي حضرتك تشوفه و طلعت ع اوضتها جري 

ابو ادهم ضحك : ربنا يتمم لك ع خير يا بنتي

.......

امير و هو خارج من اوضه الاجتماع بعد يوم طويل و قد اي هو تعبان و حاسس بارهاق 

فونه اتصل 

ابوا ادهم : اهلا اهلا بعريس بنتي 

امير بفرحه و هو و ابتسامه عريضه ع وشه لدرجه غمازاته بانت : حضرتك بتتكلم بجد وااااافقت بجد بجد لا لا اكيد دا حلم 

ابو ادهم و هو عمال يضحك : لا وافقت يا سيدي و اهدي كدا لقول عليك مجنون وارجع ف كلامي 

امير و هو بيضحك : احم لا مجنون اي لا لا طبعا انا تمام 

...بعد كام يوم من تحضريات الرسميه زي قعدت اتفاق و كذا حاجه 

..........وعد ووتين كانوا قاعدين مع بعض ف الصاله و عمالين يتكلموا 

وعد : بقول لك اي يا توتا عملتي اي ف فستان كتب الكتاب عرفتي هتجبيه منين و كدا 

وتين : لا هو عندي خلاص امير بعتهولي مع ادهم وبيقول ان هو اختار مصممه مخصوص تعملهولي 

وعد : بجد طب ما توريهولي يلا 

وتين بعد ما طلعوا الاوضه و بتوريلها الفستان 

وعد : وااااااااااااااو دا تحفه يهبل يا توتا

وتين : بجد 

وعد : جد الجد طبعا دا سمبل جدا و جميل خااالص الظاهر كدا ان امير زوقك عاااالي و بتغمز ل وتين 

وتين بكسوف : وووووووعد 

وعد و هي بتضحك : خلاص سكتنا اهو 

و قعدوا و بعد ما خلصوا رغي و عد و هي مروحه 

وعد يلا يا توتا همشي انا بقا عشان اتاخرت 

وتين : لسه بدري خليكي قاعده كمان شويه 

وعد : لا انتي شايفه ماما اهو هبلتني رنااات 

و خرجت وعد زي عادتها بتجري ع السلم و فجاااااءه 

وعد : اييييييييي يا دماااغي مش تحاسب يا غبييييي 

ادهم و هو ضايع ف القمر اللي قدامه و مش مركز هي بتقول اي اساسا : .......... 

وعد : انت يا متخلف 

ادهم و هو بيحاول يركز : احم ايوا انا اسف مكنتش اقصد 

وعد بتكبر : ماشي تقبلته 

ادهم : هو اي دا

وعد : اسفك با هندسه 

ادهم : هندسه !!

وعد : ايوا هندسه ف اي يا معلم انت هتصاحبني و مشت 

ادهم و هو داخل الشقه و شاف وتين و خارجه من شقتها قال لها : بقول لك اي يا توتا هي مين دي اللي كانت عندك

وتين باستغراب : قصدك ع وعد دي صاحبتي المفضله بتسال ليه 

أدهم : هاااا لا ولا حاجه 

....طق طق طق 

الباب بيخبط و دخل بسرعه 

حسام : الحق نفسك يا امير الحاجه عايزاك تحت 

امير قام بهدوء و راحت اوضه مامته و خبط الباب و دخل بعد ما اذت له 

امير : خير يا ست الكل 

ام امير بخبث: ايوا كنت عايزه اقول لك ان مفيش كتب كتاب بكره لان بكره كتب كتابك ع هدي بنت عمتك 

امير : نعممممممم 

ام امير : اللي سمعته هيتنفذ

امير : لا دا مستحييييل مش هيحصل و طلع و هو متعصب 

تاني يوم ف حديقه بيت وتين و مليانه زينه و حاجه و لا اروع طبعا كل دا تجهيزات ل كتب كتاب وين و مفيش فرح عشان خاطر وفاه باباها و كدا 

هدي بنت عمت امير : ايمان شايفه وتين يععع اي القرف اللي لبساه دا شملها بيئه 

ايمان اخت امير : عندك حق انا مش عارفه هيتجوزها ع ايه دا مفيهاش حاجه عدله 

ف جهه وتين و اللي قاعده جمبها وعد 

وتين بتوتر و ايديها بترتعش : الحقيني يا وعد حاسه اني خايفه و متوتره اوي خلاص مش عايزه اتجوز خلاص خلينا نطلع 

وعد و هي بتضحك ع هبل صاحبتها : اهدي يا بنتي اهو عريس جي اهو 

وتين زاد توترها و ع طول عينها نزلت ف الارض

امير و هو فرحان و عيونه بتطلع قلوب راح عندها و وقف قدامها و باس جبينها و بصلها بكل حب : مبرووك عليا انتي يا احلا البنات 

وتين بكسوف و صوتها واطي جداا : الله يبارك فيك

و بعد كتب الكتاب وتين اصرت انها مش هتسيب بيت باباها الا بعد شهرين ع الاقل تروح عند امير البيت و يعتبر دي فتره خطوبه 

و طول الشهرين دول ايمان و هدي بينفذوا خططهم ف ان هما يوقعوا بين امير و وتين عشان الجوازه دي متكملش بس بيحصل العكس و كل مره الخطه تفشل