رواية يأس القلوب الفصل التاسع و العشرون 29 - بقلم رودة
part 29
عَلمني إذا مَرّ ليلي من دونَك
شسوي وما تجي ببالي ؟
شسوي وما تفيض
عيوني وأبچيلَك ؟
عـلمني؟
ريحـانة
كـاعدين نتريك والابتسامة مرسومة علئ وجـه الكل، كملنا ريوك صاحني بابا كعدت يمة حسيت راح اطك
من الخجل حاوطني بايده وباسني من راسي ويسولف وية عمو عزيز باوعت لباسل كاعد بالجهة الثانية مسج
لحيته واشرلي بمعنئ اني الج ابتسمت لين شافني بحضن بابا ورة ساعة راحوا اهلي بعد ماسولفت وية
البنات وغيرت جو ومن طلعوا اجيت ابجي دخلنا للبيت عمي وعمتي بالاستقبال واني وباسل بالصالة
كتلة ودموعي بعيني باسل خلي اروح وياهم ضحك وشالني عزا وكال وهوة يحك لحيته بخدي وين رايحة
يولي مكانـج يمي بعد ابتسمت بخجل وضربته علئ صدرة وكلت وخر عيب لايشوفونا صعد الدرج وهوة
شايلني وكال عادي يابة شنو؟ واذا شافونا فتح باب الغرفة ودخل واني معلكة بركبته باسني بخدودي وكال
شهـل جمـال بويـة راح تـسودنيني ابتسمت بخجل دك مبايله نزلني واني عفته ورحت فتحت الكنتور اريد
ابدل القفطان اختنكت بيه اباوع الملابس مال بيت كلها قصيرة وفضيحة استحي البسهم كدامة اخر شي
جريت برمودة وياهة فالينتها واخذتهم للحمام لبستم طلع ورفعت شعري ذيل حصان وهوة متمدد علئ
الجرباية فتحلي اديه تقدمت بخجـل وضمني لحضنة ضلينا نسـولف رفعت راسي داحجي وياه ابتسم
وانسحن كلبي تقربت بهدوء باسني بخدي ونزل لركبتي غمضت عيوني واندك الباب وفزينا ثنينا استغفر
الله ومسح كصته وكال منو ؟كالت عمتي اني يمة اجو عماتك جاي يباركون الكم كالها اي يمة جايين راحت
عمتي وهوة كال كومي بوية بدلي مامقسوملي ابـوسج يمة غير اجيت اموت نوب مدري منين اجتني الفهاوة
كمت بساع حتئ دخت هوة وينة الكنتور استغفرت الله وفتحت الكنتور كبالي صاير وطلعت لبسة مال
صباحية هم لبستها ورتبت روحي ونزلنا اني وباسل لكينا عماته كلهم جايات هنة 4 سلمت عليهم وتلكني
بالصلاوات محبوبات وماعدهم سوالف الكره ومادري شنو ضلن يسولفن وياي ويكلن لباسل ياهنيالك عليها
عمة هم اخلاق وهم جمال وكلامها شحلاتة لاخلاص يعني حالفين اليوم يموتوني من الخجـل وعمتي
مكعدتني يمه وكالساع مبتسمة الي يربي شكد محبوبة ساعتين مدري شكد راحوا الخطار وكالساع جايين لحد
ماصار وقت صلاة كمت توضيت وعمتي انطتني مصلاية وحرام وصليت بغرفتها هية وعمو كملت
خليتهم علئ الميز وطلعت عمتي تحظر بالعشة وكفت وياهة وماقبلت وكعدتني كتلها والله مااعرف ابقئ
كاعدة اي شي خلي اسوي وياج كالت لا يمة اكعدي عروسة شني هوة عشة شيراد الة ضلت هية تسوي
واني وكفت وياهة اسولف واضحك وحسيت احد حضني من ورة التفت بصدمة شفتة باسل يمة متت
بمكاني عمة ابتسمت همست بخجل باسل وخر عيب كال بصوت عالي ليش عيب هية امي قابل غريبة عزا
العزاك شهرني ضرتبه بعكس ايدي ضحك وعمة كالت وهية تضحك عوفها خجلت البنية وخرت منة وضليت
احضر بالصينية وية عمة وخجلانة ممتعودة بعدني بس يلا شوي شوي اتعود تذكرت بهيج وكت اني
واخواتي نحظر العشة ابتسمت وعيوني مدمعة كمل العشة وخلينا الصينية بالأستقبال وكعدوا عمة وعمو
واني وباسل سمينا وبدينا ناكل واني انقش بالاكل وعمة تجيب وتخلي كدامي وتكول اكلي حبيبتي لاتبقين صافنة
ضليت اكل وباسل متربع وياكل وكالساع مسويلي لكمة وكالساع المح عمي وعمتي يباوعون النا و مبتسمين الحمدالله
حتئ اهنا اني وباسل مفضوحين المفروض يسموني فضوحة وهوة فضيح كملنا عشة وكعدنا نشرب جـاي
وسوالف وضحك صحيح اول يوم الي وياهم بس يمكن لين عمو عزيز وعمة علاقتي بيهم قوية فهـيج
شوية اخذت عليهم بساع؟ وعمي عزيز كال الي بوية لاتخجلين ولاتستحين واعتبريني ابوج وعمتج امج
مابيها اختلاف ابتسمت اله وهوة مسح علئ راسة وكال الله يرضة عليج بنيتي وراح وباسل يباوع علئ
اللعبة مال طوبة كعدت يمة لزم ايدي باسها مديت ايدي تلمست لحيته وهوة يباوع ومبتسم عاجبة
الوضـع وكلما اقرب ايدي يعض اصابعي ويخليني اكمز لحد ما صعدنا للغرفة دخلت وسديت الباب وبدلت
ملابسي لبست دشداشة قصيرة بيها تور من الظهر ومن المقدمة ولونها وردي فاتح والتور ابيض كـلش
حلوة وتصير مخصرة علئ الجسم وكفت كدام المراية فتحت شعري وخليت حمرة ورشيت عطر وحسيته
حضني من ورة وهمس بأذني ريحـانتي كتلة همم همس تفاصـيلج تعبـتني ودارني عليـه وبـاسني بكـل حنـية ....
مريـم
واكفة اعدل بروحي كدام المـراية احمد جوة يم بابا بلأستقبال اجة يـشوفني وفرحـانة مشتاقتله لبست
تراكسود رياضي لونه زيـتوني وشعري رافعته كـباية وبس حمرة خليت نزلت وطلع بابا من الاستقبال يخـابر
اشر الي بمعنئ ادخلي يمه وطلع للحديقة يخابـر مديت راسي وكلت بأبتسامة بسبس رفع راسة جان
يباوع بالمبايل شافني ابتسم وعاف المبايل وفتح اديه سديت الباب ودخلت بسـاع وصلت يمة حضني حـيل
وكال هلا بريحة هلي ،ابتسمت باسني بخدي وكال شلونها حبيبة كلبي؟ كتلة واني اعدل بياخة قميصة
بخير مادام انتَ بخير ابتسم وباس ايدي وكال اروحلج فدوة بنيتي ابتسمت مسد علئ شعري وكال
شهل جمـال بنـيتي احـبج بـوية ابتسمت بخجل وكتلة اني هم احبـك باسني بخدي صعدت ايدي لراسه ومسدت
علئ مكان شعره ورفعت جسمي وبسته من راسه علئ كيف ونزلت بست مكان حواجبه ورموشه وهوة ساكت
ومبتسم بقهـر عصرت عيوني وكتلة شهـل جمال حبيبي؟ ترا اغار عليك ها شوصاير تخبل ولزمته من
وجهة وكلت بمكر ديربالك تباوع علئ وحدة غيري اقتلك ضحك واخذ روحي بضحكته اشر علئ عيونة
وكال ماليتهم انتِ وشبكني ضـلينا نسولف ومكعدني بحضنـة صار بداخلي فضول الة اسئله كتلة حبيبي كال
عيوني الاشوف بيهم ابتسمت وكتلة فديت عيونك اني بس سؤال باس خدي وكال جواب كتـلة واني
اطكطك بأصابيعي امك بالخطبة فرحانة هية واخواتك زين هية مومقابلة شلون واعتذر لين سألت بس والله
هيج حبيت اعرف كال لا عادي وتنهد وكال بنت خالي الي جانت ناوية تخطبها الي من درت بية رحت تعالجت
ورجعت وسكت ورجع كال وهوة يمسح كصته اني مااتزوج واحد بي سرطـان وايامه معدودة ميفيدني
اريد واحد صحتـه زينة هوة يحجي واني دموعي تنزل وكال وامي من سمعتها ضلت تاكل بروحها اكل
وتندمت وماجان عدها حل غير انو تفرح الي مسحت دموعي وكتلة واني الزم وجهة بأثنين بدية وصوتي
يرجف معليك بيها حبيبي ختولي تروحلك فدوة ونذر يعيوني انتَ وهاي شحلاتك انتَ وهية خلي تتحسر لين
حجت عليك ورفضتك وبينت حقيقتها وبعدين انتَ مالتـي حتئ مااقـبل احد يحجـي بـيك واني وياك
للموت سوية وشبكته وبجيت وهوة شبكني يهدأ بية وكال بهمس كافي يعيوني انتِ سالفة وراحت وهاي
تشوفيني كاعد كدامج وبكل حيـلي والحمدالله بعدت راسي وكتلة بهمس اكيد سالفة وراحت لذا ابقئ اني
وتقربت يم اذنه وهمست الماضي مالتك والحـاضر ابتسم وجرني بـاسني شوية ووخر رجعنا نسولف وكال
ارجعي داومي حرامات تروح عليج هـاي السنـة واني اخذج وياي واجـيبج بس كال هيج عزا العزاني
الابتسامة شكت حلكي وكتلة ايي ارجع اداوم وضلينة نسولف ونضحك و شوية وراح احمـد واني فرحانة
وتونست وياهة يمة شكد احبه انييي شكد تذكرت كلام بت خالة الحقيرة تروحلة فدوة وبعدين هوة
الحمدالله تشافئ بساع لين الدكتور كال احنا اول ماانتشر سيطرنا عليه لهذا السبب كانت نسبة الشفاء
سريعة والحمدالله تنهدت واني اباوع لسارة صافنة كتلها ها شبيج كالت هيج مشتاقة لريحانة كتلها الصبح
جنة يمها ابتسمت وكالت شفتيها فرحانة كتلها بأبتسامة ايي الله يسعدها بس تدرين مكانها خالي
الادبسز وضلينا نسولف وبعدين سارة صفنـت كالت اكلـج هوة شسمة هذولة الي اجوي بالعرس اصدقاء
باسل لو ضباط وية بابا بالمركز وعازميهم؟ باوعت الها بأستغراب وكلت لـيش؟ كالت بارتباك لاهيج بس حبيت
اسئل تدرين بية احب هالسوالف كتلها ها باعي اكثريتهم الي اجوي بالزفة حسب كلام محمد اصدقاء
باسل وزفوا وكذا وكالت ها يعني هذولي اصدقاء باسل كتلها اي بس ولج شو مهتمة كلش هالمرة
ضحكت وكالت هه لا شسالفة بس هيج ملل وردت احجي وياج باي شي واجة ببالي بس هذا الموضوع
كتلها خوش وضلينا نسولف ونضحك وهية كالساع صافنة الاخت مدري شبيها .
جوري
صارت الساعة 11 ونص بليل دخلت للغرفة مالكيت طالب استغربت وين راح هستوة جان هنا طلعت من
الغرفة رحت للأستقبال للهول ماكو ماهوة صعدت فوك علئ كيفي شفته سد باب غرفة مريم وفتح باب غرفة
ريحانة وفجاة استغفرالله ومسح وجهة استغربت شبيه شافني ابتسمت تقدمت واني امشي ولازمة
صفاحي ها عيني وينك ومبين علئ وجهة ضايج كال بوية تدرين بية متعود كاليوم اصعد اشوفهم واحد
واحد واغطيهم عود رحت لريحانة جاي اشوفها وتذكرت راحت ابتسمت بقهر وكتلة اييي لاتضوج
يعمري يلا انزل ترا صار ساعة ادور عليك وين عفتني ابتسم وضمني لحضنة ومشة وكال وينطي كلبه طالب
يعوفج وياج رجلي علئ رجلج ضحكت ونزلنا من الدرج دخل للغرفة واني رحت للمطبخ فتحت الثلاجة
طلعت فواكه رتبتها كصصتها ورتبتها بماعون وطلعت برتقال سويت عصير واخذتهم للغرفة لكيته متمدد علئ
القنفة ويباوع علئ الاخبار ويدخن سديت الباب وتقربت كعدت يمة وخليت الفواكه والعصير علئ
الطبلة كعد عدل وضمني لحضنة ومد ايدة اكل تفاح وكال عاشت ايدج جوريتي ابتسمت وكتلة الف عافية
يروحي ضلينا ناكل ونضحك وهوة يباوع بوجهي ومبتسم كتـلة بخجـل مضـيع شي بوجهـي ؟همس
بهدوء بوية اني ضعـت ابتسمت بخجل تقري باسني بخدي وكال بوية بكل حيـلي احبـج شبكت ايدة وكتلة
اني هم سحبني لحضنة وصار هوة ياكل ويباوع علئ الاخبار ويوكلني وياه هذا طالب احبه بكل حالاته كل
شي بي يجذبني دلاله حبه اهتمامه ماكو منه ابـد ،احـبه هواي وانبنت علاقتنا علئ الحب والمودة
وهواية امور حلوة رغم التعب ورغم كل شي احنا سوة ابد بأيد ،لاهوة يكدر يعيش بدوني ولااني اكدر اعيش بدونة .
بعد مرور ايام
ريحـانة
علاقتي وية بـاسل طبيعية وكلش حلوة خلال هلايام صارت السبعة مالتي سويت حفلة بسيطة بيني وبين
اهلي طول هلايام الابتسامة مافارقت وجهي جان باسل يسوي كل شي علمود يسعدني لو يروح يجيب
حلويات لو نسهر علئ فلم لوبليل يطلعني بالسيارة يفرني لو نكعد بالحديقة ،شوية شوية بديت اتعود علئ
الوضع وبدون اهلي بس شنو مايمر يوم اذا مااحجي وية اهلي ابد يعني واذا اني نسيت اتصل كبل الكة بابا
متصل هذاك اليوم احجي وياه وانفجرت بالبجي مشتاقتله حـيل ورة ساعة اندك الباب هوة جـاي
وماتتخيلون فرحتي شلونها، عكب باجر عندي دوام وباسل من باجر تخلص اجازته يعني باجر يداوم
بالمركز ،حسيت انو خلاص خلصت ايام الحزن والبجي وبديت حياة جديدة بس مااعرف احساسي صحيح لو
خطأ ! واكفة اكوي ببدلته العسكرية وانفتح باب الغرفة دخل باسل وكال اجو بيت عمي امين كتلة تمام حبيبي
نازلة تمدد علئ الجرباية واني كمت البدلة علكتها وكفت كدام المراية لبست الشال وخليت حمرة خفيفة
محمر خدود دانزل كتلة تنزل وياية كام وكال امشي نزل واني نزلت وراه دخـل للأستقبال دخلت وراه
وداسلم وانصدمت ورجف جسمي من شفت هذا الولد الي متفق وية وردة سلم عليه وشكله عرفني وابتسم
مدري شلون كعدت يم باسل ولزمت ايده واضغط عليهت وجسمي يرجف حسيت كلبي راد يوكف همس
باسل شبيج حبيبي؟ باوعت عليه وبلعت ريكي وكتلة ها مبية شي مبية شي استغرب رفعت راسي شفته
يباوعلي ومن سلم عليه كال اني حيدر ابن عم باسل شفته يباوعلي وعلئ طرف شفته ابتسامة بمكر دموعي
تجمعت بعيني مااحسيت الـة باسل همـس روحي اصعدي للغرفة بلعت ريكي وكتلة بس عمة ماخلاني
اكمل كال اصعـدي فوك كمت وكلت لعمة شوية راسي ياذيني راح اشرب دوة ورحت صعدت فوك دخلت
للغرفة وسديت الباب وانتجيت عليه يامحمد منين طلع الي هذا نزلت دمعتي بساع مسحتها لايشوفها
باسل ويفتح تحقيق وياية اخذت تراكسود ودخلت سبحت حسيت روحي ارتاحيت شوية طلعت لكيت
باسل متمدد علئ الجرباية خلة المبايل علئ الميز وكال بهدوء شبيج جوة ارتبكتي؟ جريت نفس وكتلة مابية
شي بس راسي ياذيني كال متاكدة؟ كتلة اي متاكدة فتح الية اديه ورحت نمت بحضنة وحضنته حيل
وكلبي يدك علئ السريع همس بهدوء شبيج؟ جري نفس علئ كيفج راح يوكف كلبج ،يأذيج شي ؟ حاولت
اغير السالفة كتلة لا هيج بس ضجت لين راح تداوم باجر تعودت عليك، ابتسم وباسني براسي وكال يومين
واجي مااطول وتدرين لو بيدي ابقئ مكابلج وكاعد ابتسمت هدأت شوية وضل يسولف وياية لحد ماغفيت
بحضنة، فزيت الصبح علئ صوت المنبه الي موقته باسل الساعة 5 الصبح كعدت حاضني حيل ورايح
بسابع نومة فتحت عيوني بنعاس وكتلة باسل اكعد ماكو كعدته مرة ثانية كال هممم كتلة كوم راح تتاخر
مسح عيونة وفتحهم وكال بأبتسامة صباح الخير شبكته وكتلة صباح النور يعمري باس راسي وكام اخذ
شورت وكيمونة والخاولي ودخل للحمام كمت رفعت شعري بالقراصة وعدلت النزلة وهوة شوية وطلع من
الحمام دخلت غسلت وجهي وفرشت اسناني وطلعت كال باستغراب ليش كاعدة ارجعي نامي بعد وكت كتلة
واني افتح باب الغرفة لا عيني رايحة اسويلك ريوك كال اتريك بالدوام عادي كتلة لا عيني ماكو تتريك
بالدوام ابتسم الي واني نزلت سلكت بيض ميحبه تكلاة وسويت جـاي وحضرت الميز الي بالمطبخ ورتبت
عليه الاجبان وهالسوالف كملت كلشي وهوة نزل لابس البدلة وعـطره يمشي قبـله ابتسمت وهوة تقدم باسني
بخدي وكعد واني صبيت اله جاي وهوة كال اكعدي اكلي وياي مااعرف اكل بحدي كعدت يمه وبديت اكل
وياه كملنا ريوك وهوة لبس البسطال (اكرمكم الله) وعدل ياخته وطلع للكراج اني وياه دار جـرني باسني
وكال احـبج ديربالج علئ روحـج حبيبـي شبكته وكتلة اموت عليك وهم ديربالك علئ روحك ابتسم واني
عيوني مدمعة مسد علئ شعري وكال يلا ادخلي الجو بارد هزيت راسي وهوة فتح باب الكراج وطلع وانسد
وراه الباب دخلت بعد ماقريت اله سورة الفاتحة لتيسير الامور دخلت سديت باب المطبـخ وصعدت
لغرفتي دخلت ونمت علئ الجـرباية وتذكرت موقف البارحة ورجف جسمي زين هسة اني ليش خايفة،
وهوة ابن عمة شجابة بالكلية يالله ! وبعدين اني ممسوية شي واكيد مراح يسويلي وميتجرا وضليت اوهم بنفسي لحد مانمت .
سـارة
عندي دوام كاعدة اتريك والخط بالباب يدك هورن والعباس مااطلع الة اشبع هية شنية اعوف الريوك
علمودة وامي تكلي ولج كومي الخط راح يعوفج ويروح، واني اكلها مااكدر اكوم بس اكوم اطيح وفزيت
علئ صوت بابا باوعت كال بعصبية الخط موبالباب وصار ساعة يدكك هورررن ليش ماتطلعيين !بلعت
ريكي وبساع كمت غسلت واخذت جنطتي خزرني وطلعت وبابا يمشي وياية ويرزل وجان لابس البدلة
العسكرية متحظر ديروح للمركز فتح باب الكراج وطلعت ولكيت سيارة واكفة يم بابا مضللة واحد واكف
يمها ولابس بدلة عسكرية وواكف يدخن رجف كلبي هوة والله هوة والحسين هوة يمة حسيت كلبي اجة
يوكف دنكت بساع وبابا سلم علئ ابو الخط وتعذر منة وسلم علئ الولد الواكف وسمعته كلة هـلا امـير
اعذرنـي بوية خـليتك تنتظر وركبت بالخط واني مسحونة روحي يمة شفته نفسه هوة الي يهوس
بالعرس واخذ عقلي وفتحت استخبارات اريد اعرفه منو استغفرت الله وخليت راسي علئ الجامة مال
السيارة نوب اسمه امير نعمة حصلت اسمه بس صدك لايكلة صدك امير تنهدت خرب المانيا اني مومال هيج
سوالف اني مال اكل وضحك ابد مومال انعجب بواحد وبعدين اني المفلوكة شوكت لحكت انعجب بس بيني
وبينكم هوة هستوة بدة بالهوسة واني كلبي ضل يهوس وياه فلك طره والله عليه ردحة نوب هسة
شطالع بالبس العسكري طركاعة يعني طلع عسكري ومن جماعة بابا يمة خلي ماافكر بيه لين بابا ناصبلي
مشانق حتئ بالبال متتت ضليت اضحك علئ روحي وحدة من البنات كالت بتموع عيني ست سارة والله موتينا
شمد تتاخرين حتئ المكياج سال من كد ماانتظرناج وتطكط بالعلج رفعت حاجبي وكتلها ياخطية نسيت
انتِ كاعدة من الخمسة الفجر تمكيجين اوويي وهسة اني من وراي سال المكياج وطلعت كلنكسة من جنطتي
انطيتها الها وكلت يلا حبيبتي امسحي دموعج سالفة ماتستاهل المرة الجاية اشتريلج مثبت مكياج علئ
حسابي وشرط احسن ماركة هزت ايدها ماعاجبها كلامي ختروح عناد بيها اذا باجر مااطلع من البيت بثمانية مااطلع سارة شقاوة .
- يتبع الفصل التالي اضغط على (يأس القلوب) اسم الرواية