رواية يأس القلوب الفصل الثامن و العشرون 28 - بقلم رودة
part 28
خذنـيّ يمَك
بعَد ما ظل كُل عِذر
لا تعتذِر
ليّل عُمري وعُمرك مخَلص
بعَد ما بيّ صبّر
خل نلمّ احلامنَا ونحفُظ صوَرهن
گبل لا ياخذهِن بدِربه الفَجر
وخل نلمّ الباقيّات
سنيّني وسنينَك ..
نسويهِن عُمر
وهنّ ميكفَن عُمر
ونبدِي من جِد وجديّد
بـ واهس سنيّن الصغُر
وَلو وازانّه الكبر .
ريحـانة
فزيـت علئ سارة وهية تكعد بيـة كتـلها بنعـاس ها شتردين كالت كومي راح نتأخر علئ الصالون يمعودة
غطيت راسي وكتلها اما مااروح انعس سحبت اللحاف وسحلتني كومتني اجيت ابجي من النعاس دخلت
للحمام سبحت وطلعت بدلت ولبست فوك ملابسي عباية خليجية ولفيت الشيلة ومخليت مكياج لكيت
سارة مكملة ومنتظرتني نزلت وسارة شايلة الجنطة الي بيها البدلة والتاج وهالسوالف بوستني ماما واخذنا
حسين للصالون وصلنا وراح دخلنا وكدامي 3 عرايس يالله نوب اجيت ممتريكة علئ اساس مااشتهي اشو
هسة جعـت شوية وسارة كامت كالت هسة اجي استغربت وين رايحة طلعت من الصالون وشوية
ودخلت بيدها علاليك استغربت تقدمت كعدت يمي وطلعت مقبلات ولفتـين كـص و2 ببسي كتلها
بأستغراب منين جبتي ولج؟ كالت بابتسامة عيني نسيبنا جابهم كتلة ريحانة متقبل تاكل واجة طلقة
ضحكت وخليت ايدي علئ حلكي وكتلها عزا العزاج سارة ولاتكعدين راحة كال وهية تطلع اللفة هاج اكلي
يلا لاتبقين جوعانة وكعدنا ناكل اني وياهة وتكلي اليوم هيج اركص وهيج اسوي واني اضحك ويـاهة
وسحـبت المـبايل من عندي تكلي متحجين وية باسل لو تدزيلة صورة اليوم من يجي يشوفج وبالكوة سحبتة
مني الادبسز ورة كم ساعة يـالله اجة دوري بالاول لبست البدلة وبعدين كعدت علئ المقعد كدام المراية
وبدت تسويلي بالمكياج وسارة بالمقعد الي يمي هم تسوي مكياج بعدين كملت المكياج سوتلي
شعري ،المكياج سموكي وطلـع فد شي وتغيرت 180 درجة وشعري تسريحة بسيطة ونازلة منها خصل وتاج يصير نازك حيـل
كملت شعري والمكياج وكمت علمود اشوف شكـلي بالبدلة والمكـياج ولمعت عيوني من الفرحة بدلتي لون
ماروني وتكون مخصـرة من الصدر ونازلة منفوشة ومن المقدمة مرصعة بكرستال وتكون ضيقة بشكل
وبعدين منفوشة ومكشوفة من الظهر ومن كدام وتصميمها يصير ملكي ابتسمت بخجل واني اباوع
لشكلي النسوان الي بالصالون ضلن يصلن علئ محمد وال محمد وسارة هم كملت شعرها والمكياج بعدين
كعدت وضلن يسولي بأضافيري اني اضافيري اطوال وكصتهم حلوة يعني ميحتاجلي اضافر تركيب لبست
الكعب وسارة رشتلي عطر وخابرت علئ محمد يجي ياخذنا وكفت كدامي تهفيلي ارتبكت وهية تكلي اهدئي
شبيج راح تموتين بلعت ريكي وهزيت راسي وكالت صدقة لمحمد طالعة كيكة شنهاي طلعتينا كسر ابتسمت
الها وضلت تاخذ الي صور دك مبايلهة محمد لبستني البركع وفتحوا باب الصالون وطلعت وهية شايلة البدلة
محمد فتح باب الورة وصعدت وعدل الي بدلتي وسارة كعدت بالصدر صعد محمد قبل لايسوق كال بلا
اشوفج ابتسمت بخجل ورفعت راسي شافني مد راسة وباسني من راسي يمة اجيت ابجي وكالساع المحه
يباوع بالمراية ويدور عيونة مبين مقهور واني بالكوة لازمة دموعي وصلنا للقـاعة دخل السيارة ونزل نزلني
علئ كيف واباوع هواية سيارات يم باب القاعة يعني كلها جايـة تقدمت لزمني من ايدي سندت روحي عليه
ودخلني للقاعة وارتفعت الهلاهل والهوسات وسارة من ورة شايلة بدلتي وتهلهل واني مبتسمة بخجل تقدم
محمد كعدني علئ الكوشة وباس راسي وماتحمل بساع طلع من القاعة واني دموعي بعيني مادري شلون
مابجيت تقدمت ماما ومريم بوسني وعدلن الي البدلة اباوع لماما صدقة لمحمد لابسة فستان زيتوني طويل
مخصر علئ الجسم ومن جوة يصير شوية منفوش وشعرها مبروم والمكياج ومخلية شال علئ اكتافها
تمسح بدموعها وتصلي علئ محمد ومريم لابسة فستان قصير لون احمر والشعر نازل والمكياج وكعب
اسود وسارة فستان ماروني بلون بدلتي وهم قصير ومخصر ومكياج وتسريحة اخوات العروس بعد تقدمت
سارة للبنية الي واكفة علئ الديجي وكالت الها تشغل اغاني واشتغل الردح والهوسات اباوع كلها بالنص
تركص ابتسمت واجتي مريم كومتني ركصتني واركص واحس حينغمي علي من الخجل شوية وكعدتني
وارتفعت الهلاهل دخلوا اهل العريس يمة كلبي حسيته راح يطلع من مكانه تقدمت عمتي تهوس بالنص وتكول
عيون الغزال عيون جنتنا، صلوا علئ النبي والصيدة صيدتنا ورجعت هوست وكالت ولاتكول محمرة جنهة
طماطة ولاتكول محمرة وكلها بالنص وية عمتي ابتسمت بخجل تقدمت بوستني وشمرت جكليت
وكالت الف الصلاة والسلام عليك ياحبيب الله محمد، نتشكر من عمها وابوها نتشكر من كال اخذوها ،وركبتها
صواني ستيل ويلوك الذهب بيها وكومتني وياهة وصارت عيني علئ الباب من كلها صارت علئ صفحة
ودخل باسل وارتفعت الهلاهل انسحنت روحي من شفته لابس قاط اسود والقميص ابيض والدكمة الفوك
مفتوحة شعره مرفوع والساعة وعروق ايده البارزة الاخذت روحي تقدم ومبين عليه الارتباك تقدمت عمتي
هلهلت وكالت واسمر ويخبل كل القوط تلوك عليه اسمر ويخبل ضحك وبوسها من راسها وعماتة وخالتة
يهوسن الة تقدم باسني من راسي وهمس حلقومتـي ابتسمت بخجل وهوست عمته وهية تكول لفها
بقميصك لايطيرها الهوة يمة غير اجيت اموت بمكاني ضحك وشبكني وارتفعت الهلاهل حسيت روحي
صخنت وخر وكعدت وكعد يمي وهمس بوية هديتي حيلي شطالعة؟ هذا اللبس المستور الكلتيلي عليه لعد
بوية اذا هذا مستور الماقبلت تلبسينة شلونه يمة بالكوة ضميت ضحكتي بعد مشايف شي الاغاني
مشتغلة وكلها تركص لحد ما سحبتني سارة كومتني وكلها وخرت من النص بقيت بس اني وهمست الي
سارة عوفي الخجل علئ صفحة وتونسي يمعودة باسل مسح كصته وباوعلي واشتغلت اغنية اسمر
والعيون وساع جتالة واندمجت واتمايل بخصري واهز جتف وية كل ردحة اتمايل بشعري واهز ركبة واندمجت كلش رفعت راسي اجتة عيني بعينة
شفتة بس يرمش وكالساع ماسح كصته لحد ابتسمت وهزيت جتف وضحكت وهوة هز راس ومسح كصته
ومادري شلون راح الخجل وصرت ملكة الساحة وكلها تباوعلي باعجاب لحد ماتقدمت عمتي كومته يمي
بالكوة مايقبل وكف يمي واباوعله مرتبك يمة حيكتلني تقربت يمة و هزيت جتف وهوة عينة تركزت علئ ركبتي ونزلت عيونة درت وجهي بخجل واستمريت اهز لحد
مالزمني من ايدي صرت قريبة عليه كلش تقريباً بحضنة وهزيت جتف وضحكت وطلعت غمازاتي لزمني
من خصري وضليت اتمايل بين اديه وهوة راح بغير عالم نسينا كل الموجودين وضلت عيونا تحجي وعيونة
تتجول علئ جسمي همست بهدوء وخجل عيونك باسل همس عاقلات ؏ــيـوني بَــس خصرج يعيل ،يمة
كال هيج رجف جسمي وكال بهدوء تنجوي عيوني من اشوفج شلون لو كضيت خصرج وحاوطني من خصري
قشعر جسمي وهمس وِشدعوه هَلگد خِصرج يهد الحَيل ،وشدد قبضته وهمس وعيونه ذبلانة خصر
امرايه خصرج يجرح الشوف ،دنكت بخجل يمة انتهيت عزا العزاك ضلينا نتمايل اني وياه وية الاغنية
الي شغلوها مال محمد عبد الجبار، راح اسجل روحي بأسمك محاوط خصري واني محاوطته من ركبته
ونتمايل وصافن علية يمة شسويت بالولد ابتسمت حس علئ روحة وتنهد وهمس شسويتي بية ؟شطالعة
شهل حركات ماعرفتج بوية ؟نوب شلون تهزين وية كل هزة تهدين حيلي هوة يحجي واني حسيت روحي
صخنت بالخجل خلصت الاغنية وفزينا ثنينا واشتغلت الاضوية وخرت بخجل وكلها تهلهل وفرحانين تقدم
كعدنا واجتي سارة كال من رخصتك عريسنا خلي تلبس الفستان الثاني باوع لساعتة وكال بارتباك لا
تاخرت بعد ماالحك الولد منتظريني كتلة لا باسل الله عليك لا تزعلني والله اخر فستان تنهد وكال يلة
ابتسمت وكمت كتلة موتعوفني وتروح ابتسم وكال لا مااعوفج اخذني سارة ومريم لغزفة التبديل ونزعت
البدلة ولبست الفستان اييي هسة راح اخذ راحتي بالركص لين البدلة قيدتني اما هذا فستان ومخصر
الجسم يعني روح للكاع ضحكت و اباوع لروحي بالمراية كلش عاجبني شكلي والفستان اذا شافه باسل
يموتني لونـه اسود وبطانته لون بيجي ومخصر علئ الجسم وفتحة من الظهر تكون مشبكة ومن الصدر نفس
الشي وشعري نازل والمكياج طلعت وسارة هلهلت رفع راسة شافني شوية وعقج حواجبة
ابتسمت وسارة شغلت اغنية والحفلة والجو مشتعل ومن ركصك يشيب الطفل وبس انتَ وحدة بالحفل وهز يالكمر شعت شعر كلها صارت بالنص ضلن يركصن
واني وياهن واكفة كدام عيونة ومن صار الردح ضليت اهز بخصري وهوة عيونة علئ خصري وكلها كعدت بس
اني بالنص ومن بالاغنية كال وية الهوة شعرك صعد كعد الناس وماكعد هزيت واتمايل بشعري بعدين ضليت
اهز جتف ومندمجة ودرت واهز وعايشة اللحظة تقربت مريم وهمست اكعدي كافي فلك الولد تـسودن ضحكت
ولزمت فستاني وصعدت علئ الكوشة وكعدت يمة بلعت ريكي وكتلة بخجل ها حبيبي ؟همس وهوة يمسح
وجهة انتِ وعيونج وشعرج وهذا فستانج فرهدوا حيلي علكيف بوية شني وغمز وكال صدك
صرتي مغريـة ابـشرج وباوع بمكر غمضت عيوني بخجل ونوب فتحتهم وضربته علئ ايدة وكتلة
لاتحجي هيج عفية والله اخجل كال بهمس جا ماخجلتي من هزيتي كبال عيني وهزيتني هز بلعت
ريكي وكتلة مو يعني يوم ميتعوض ومرة بالعمر كلت خلي اتونس وبعدين مكتلي حلو الفستان مسح كصته
وكال بعدين نتحاسب عليه الفستان بعدين بعد روحي ضحكت وهوة ضحك وجر ايدي باسها وبعدين حناني
وسوينا هذي المراسيم وهالسوالف وبعدين رجعت لبست البدلة ورحنا للمصور اني وياه وماما وعمتي
وسارة ومريم ومن المصور كبـل للبيت لين خلصـت الحفلة دخلوني للبيت ومريم شايلة الي البدلة من ورة وسارة تهوس وتكول بهمس
جبنالك وردة تشم بيها، بس كون الوردة تداريها وهلا وهلا اباوع الساعة بـ9 بليل طلع بابا من الغرفة شافني
تقدم مبتسم واني ابتسمت بخجل ضمني لحضنة حيـل وكال شايفة كل الخير باباتي هزيت راسي
ودموعي تجمعت بعيني مسد علئ شعري وكال طالعة اميرة باباتي واني خنست بحضنة وضل يسولف وياي
وينصحني واني دموعي تنزل ويمسحها وحسين ومحمد هم باركولي وحضنوني واني بالكوة مصبرة
نفسي وماانفجر بالبجي نوب بابا كال لعد وين امج سارة مسحت دموعها وضحكت وكالت دتاكل بالمطبخ
جوعانة ضحكنا وبابا دخل للمطبخ وطبعا مبدلين وقوط وهالسوالف لين جاي يرحون لحنة الولد الي
مسويها لباسل صعدت للغرفة ووداد بقت يمنا وضلينا ناخذ صور سوية اربعتنا ومكيفين بعدين دخلت للحمام
سبحت ولبست دشداشة قصيرة ورفعت شعري كباية وسارة خلتلي ماسك مرطب لوجهي علمود ميتحسس
من المكياج وكعدنا نكلب بالصور وبفيدوهات الحنة يمة اشو من شفت نفسي شلون ركصت فد خجلت
خرب يومي والله اهز هز ونصبن علية كالعادة وخلصناها سوالف وضحك واليوم اخر يوم يمهم ...
طالب
دخلت للمطبخ جاي اكول جوري وسكتت واني اباوع لمنضرها اليسحن الروح وهية واكفة فاتحة الثلاجة
وواكفة تباوع حايرة شنو تاكل والفستان ياكل
عليها ويشرب تقدمت وهمست شتسوي الحلوة شافتني ابتسمت وتقدمت باستني وكالت ها عمري
داشوف شي اكله جعت ابتسمت وهية وكفت كدامي ترتبلي بالقاط وتعدل بالارباط وكال راح ترحون
للحنة ؟كتلها اي كتلها شلونج تعبتي ؟كالت لا والله بالعكس كلش تونست بس كتلها شنو كالت وهية تمسح
دموعها لو شايف ريحانة شطالعة ماجاي اتخـيل باجر تروح وعيونها غوركت ضميتها لحضنـي تنهدت وكتلها بوية هية
بنتج وشوكت ماتردين اخذج الها قابل طايرة؟ وهية هم تجينا ماتكطع مسحي دموعج لاتشوفج وتنقهر
وروحي يمها تدرين بيها بس تبجي مونوب تبجين وياهة يايابة واني اكول بناتي عليمن طالعات امهات
دميعة اثاري علئ امهن ،بس شنو وطالعات حلوات علئ امهن الي يشوفج يكول اختهم هنيالك يطالب
هنيالك ابتسمت بخجل وكال وهية تضرب علئ صدري اي قشمرني قشمرني كتلها الصراحة هاي يروح طالب
ابتسمت وبستها براسها وكالت اكلي زين وروحي اشرب دوة وارتاحي باجر وراج تعب هزت راسها
وراحت واني مسحور بشكلها شطالعة بعد بيتي صحت علئ حسين ومحمد واجاني علاوي يركض لابس القاط
ضحكت وشلته وكلت هلا بحبيب ابوه شطالع بوية عريس ضحك وكال اي ماما كالتلي انتَ العريس
ضحكت وبسته وكلت احلئ عريس بوية نزلوا الولد وطلعنا بالسيارة اسوق وصلنا لبيت عزيز لكينا مرتبين
الشارع والكراسي والزينة استقبلنا عزيز وباسل سلمت وباركتله وهواي ناس جاية وشغلوا الاغاني كاعد علئ
الكرسي واباوع عليهم شلون يركصون جوبي وكعد عزيز يمي وكال يـابة دبتسم شوية قابل بنتك راح
اعدمها ضحكت وكتلة اشحدك كال لا يابة مبين عليك ضايج يمعود بنتك بعيوني وتدري شكد اعز ريحانة
وبعدين بعد اخوك اني لو عندي بعد ولد جا خطبت الهم بناتك بس اخ الحمدالله ابتسمت واني اشوف الفرحة
بعيونة لابنه الوحيد باسل ضلينا نسولف ونضحك ومامخلي واحد ماعازمة وسواها حنة كلها تسولف بيها والجماعة الي ويانا هم كلهم عازمهم منا لحد الساعة
ثنتين بليل يالة رجعنا للبيت نزلت من السيارة والولد وياي وحسين شايل علاوي ويهوسلة ويكلة يهل القوط
ذبوا القوط علاوي لبس قاطة ضحكت و
افتح بالقفل وكال محمد حسين شهرنا كالساع يكلي
واني شوكت اعرس واني واني بوية عرسلة وخلصنا كال حسين عهد مني بوية اذا زوجتني مااوصلكم بعد
اكعد بغرفتي واسكت ضحكت وكتلة لهذا السبب اني مااريد ازوجك ضحكوا ودخلنا وهوة مستمر يهوس
ومدري منين يألف هوساتة بوية صرعني صرع لحد مادخلت للغرفة شمرت السترة والارباط اباوع جوري
موهنا اكيد فوك يم ريحانة دخلت سبحت وطلعت لبس بجامة وكيمونة وتمددت علئ الجرباية وشوية
وانفتح الباب ودخلت جوري وريحانة ابتسمت وفتحت ايدي واجت تركض ريحانة شمرت روحها بحضني
شبكتها حيل وبستها براسها ومديت ايدي بهدوء مسحت دموعها وهمست باذانها ابوج وياج وبكل وقت
وبكل ثانية روحي معلكة بروحج، شوكت ماتحتاجيني اني موجود بوية لاتترددين باي لحظة تجيني حضني
واماني متوفر الج بكل وقت هزت راسها وشهكت بوية كطعت كلبي ببجيها نوب احير منو اسكت هية لو امها
البس تبجي عليها يامحمد شوية وسكتتها وضلينا نسولف ونضحك لحد مانامت بنصنا اني وجوري .
باسل
خلصت الحنة تونست وية الولد من الساعة 9 لحد الـ2 وابوي ماقصر مثل ماجان يكلي قبل لأسويلك حنة كلها
تحجي بيها ابتسمت واني اذكر شلون هوس الي بالنص غاليي بوية غالي دخلت للغرفة تعـبان شمرت السترة
علئ القنفة وكفت كدام المراية واتذكرت شكل ريحانتي شطالعة اليوم؟ تسحن الروح ! اخذت عقلي
وروحي بتصرفاتها بحركاتها ،ملامحها كل شي بيها يجذبني ويخليني احبها زيادة، لحد هسة شكلها باقي
ببالي بوية طالعة امـيرة تنهدت وكلت بابتسامة ريحانة باسل بعد ،اجة شكلها ببالي من تركص استغرت
الله ومسحت وجهي بوية صدمتني صدمة نوب حتئ ماتوقعتها تعرف تركص هيج تنهدت بأبتسامة واني
ارجع اتخيل بشكلها خذت عقلي صبرني عليها يخو زينب صبرني فزيت علئ صوت الباب انفتح دخلت
امي للغرفة جابوا القاط مال عرس من الكوي علكته وتقدمت بوستني وتبارك الي وفرحانة وكالت يمة يوم
الفرح من شفت عرسك وليدي بستها بواسها وكلت عمرج طويل يبعد حيلي اي يمة شنو هاي الهوسات
اليوم صرتي مهوسجية ضحكت وكالت يايمة غير عرس الغالي لعد تريدني اسكت ويمة ريحانة اللهم صل
علئ محمد وال محمد طالعة تجنن وكلها تكلي ماعدها اخت لو هنيال باسل لو مادري شني ابتسمت وشبكتني
وكالت يمة يرم اشوف اطفالك ان شاء الله شبكت امي حيل اكثر انسانة قريبة علية صارت الي ام واخت
وكلشي طول كل هاي السنين ماتعرف تنام اذا اني موبالبيت من اجي من الدوام تحير شنو تسويلي
وهواية سوالف شلون اجازيها؟ بستها براسها وايدها وكلت بهدوء تبقين انتِ ست الكل مسحت دموعها
وابتسمت وباستني وشوية وطلعت من الغرفة تمددت علئ الجرباية سحبت المبايل لكيت ريحانة دازتلي
اليوم مااسهر ويام للأسف رايحة انام بحظن بابا ابتسمت بغيرة وكلت هانت اخر يوم باجر تنامين
بحظني تنامين وخلي اشوف بعد منو ياخذج مني واغمص عيوني ويجي منظرها ببالي من تركص وارجع استغفر الله .
ريحـانة
فزيت الصبح علئ صوت الهوسة غطيت راسي هفف انعس ومابية حيل اكوم راح ابجي والله سحلتني ماما
كومتني دخلت للحمام سبحت وطلعت لكيتها محضرتلي صينية ريوك كعدت اتريك ومجتمعين كلنا
علئ الصينية وخالاتي واقارب بابا ونسوان خوالي وكلها عدنا مكلوبة الدنيا كلاب واباوع بابا والولد
يركضون منا ومنا كمت بدلت وماما اليوم حتروح وياي للصالون والبنات يبقن كملت تبدل ونزلت لكيت
ماما يم حسين بالسيارة تنتظرني صعدت وسديت الباب وصافنة علئ الجامة ودموعي بعيني بس واحد
يكلي بز ابجي وصلنا للصالون ورة مدري شكد اجة دوري وبدوا يمكيجون الي بجيـت مرتين لحد ما ام
الصلون كالت ماما شسالفة المكياج مالتج كالساعة يخرب امسحي دموعج ماما صلت تهدأ بية لحد
ماسكتت كملوا الي المكياج والشعر واباوع امي تهلهل ودموعها تنزل باوعت لشكلي بالمراية بالبدلة البيضة
ابتسمت وعيوني مدمعة حتئ احلئ من البارحة بالحنة المكياج التسريحة البدلة كلشي حلو خليت عطر وماما
عدلت الي البدلة وخابرت الولد يجون ياخذونا شوية ودك مبايل ماما كالت اجة حسين لبستني البركع
وغطت وجهي وطلعنا وهية شايلة البدلة من ورة نزل حسين فتح الي الباب وصعدت والبدلة كلش منفوشة
ويدخل بالبدلة ويرجع ليورة بعدين صعد يسوق ومشغل اغنية ويصفك هوة وماما وكالساع مبتسم الي
واني عيوني مدمعة وابتسم وصلنا وكف السيارة يم باب الاستقبال ونزلت وتلكوني بالهلاهل والصلاة علئ
محمد والجكليت مدري منين يتطافر وطبعاً تاخرت بالصالون ساعتين بحيث حتئ اهل العريس لكينـاهم
جاييـن كعدت ومرتبكة كـلش وسارة ومريم واكفات يمي اباوع وجه سارة احمر دم عرفتها باجية ومريم
كالساع خازرتها واني باقية اعصر بعيوني علمود ماابجي لحد ماصارت هوسات برة .
سارة
سمعت صوت هوسات رحت اركض للشباك علمود اباوع وكفت علمود اباوع وصاير ازدحام علئ الشباك البنات
كلها تباوع اباوع عمي عزيز لابس قاط نيـلي والقمـيص ابيض وطالع فد شي تقدم سلم علئ بابا
واتحاضنوا ومدري شكلة بس اكيد جاي يتشكرون من عده مدري شلون وبعدين صارت الهوسات وعمام باسل والخوال بالنص ويهوسون ويكولون
نتشكر من عمها وابوها نتشكر من كال اخذوها ،وراحت عيني علئ واحد شاب معضـل ولابس بنطـرون
وقمـيص ومفصلات تفصل عليه اشر لباسل وكله لادبجلك دبج معدان اوصل الطين لجتافي وضل
يهوسلة، وبعدين هم ذب اله كم هوسة ورجع كال احنة الطكينة اصبعنا وحتئ الحاكم وكفنا احنا الطكينا
اصبعنا وبعدين شبك باسل ودك علئ اجتافه ومدري شنو كاله اعتقد هم باركله بلعت ريكي وكلت بهمس
للبنية الي واكفة يمي هذا منو؟ واشرت الها علي باوعت وكالت مادري بس يمكن واحد من اصدقاء
العريس ورجعن يباوعن همزين الجام مضلل تحركت وكلت اخخ بس خرب يومه والله قطعة استغفرالله
ياربي شبيج سارة رحت يم ريحانة وشوي وعلت الهلاهل دخل العريـس وبابا .
ريحانة
دخل بابا وباسل تقدم بابا وكفني وباسني من راسي وضل يوصي بباسل علية وباسل يكل بعيوني عمي
ورجع باسني بابا براسي ماتحملت وضليت ابجي واشهك وشمرت روحي بحضنه وكلهة تصيح ياخطية
واني ازيد بالبجي بحضن بابا ومجلبة بقميصة وهوة حاضني ويطبطب علئ ضهري ويكول هاهية بوية
خلص كافي بجي واني جسمي كلة يهتز من البجي مااريد اعوف بابا خلية ايدي بايد باسل ومسح عيونة
الصارن حمر دم ودخلوا اخواني ونفص الحالة متت من البجي شصار بية واجت سارة رتبت وجهي وباسل
شبك ايدي بين ايدة وتقرب باسني براسي ومسح دموعي وكال بوية كافي بجي هاي احنا يمهم مسافة
طريق وشوكت ماتردين اجيبج اللهم هزيت راسي وطلعنا عمي عزيز واكف بالباب بوسني براسي وباركلي
وبارك لباسل وارتفعت الهلاهل والهوسات من طلعنة يم باب الشارع واني اسمع عمي عزيز يصيح لحد يرميييي
ضموا الاسلحة والحمدالله ماخلة واحد يرمي لين حتئ حرام وكلشي يصير صعدنا بالسيارة واني بعدني احس
بخنكة اني وباسل كاعدين ورة وعمتي بالصدر وعمي يسوق والزفة ورانا واني دموعي تنزل بهدوء باس ايدي
وهمس ها حبيبي كافي بجي هزيت راسي وضل يسولف وياي واني ميتة خجـل ومرتبكة وشسمة اريد
امي وصلنا للمصور نزلنا صورنا واللقطات الي اختارينها كلش حلوة كملنا تصوير ورجعنا ويسوقون وكالساع
موكفين السيارات جماعته ونازلين يركصون بنص الشارع لحد ما وصلنا للبيت نزل باسل ونزلني ولزمني
من ايدي وذبحوا خروف يم رجلي كمزت يم باسل ضحك ودخلتا جوة كعدني بالاستقبال وباس راسي
وطلع واني بقيت اباوع للباب منتظرة امي واخواتي يدخلن لحد ما دخلنا اجني يمي واني مجلبة بماما وهية
تهدأ بية وتكول يروح امج كافي بجي لايصير فال وبعدين انتِ تجينا واحنا نجيج بعد علئ شنو البجي
ومسحتلي دموعي وهداتني ورجعت اضحك وية البنات لحد ماصبوا العشة اباوع عليهم شلون ياكلون
وسارة تاكل وتاشرلي عود شوفيني داكل الادبسز واني ميتة من الجوع كملوا كلشي وعمتي كالت يلا حبيبتي
خلي نصعدج للغرفة بلعت ريكي وكمت ومريم وسارة لازمات البدلة نصعد علئ الدرج وكالساع اعثر من ورة
البدلة لحد ما وصلنا للغرفة فتحوا الباب ودخلت ابتسمت واني اشوف الغرفة نفس ماردتها بالضبط
الترتيب الاثاث كلشي كعدوني علئ الجرباية وضلن يسولفن وياية واني كلبي يدك حيل لحد ماسمعت
هوسات جوة وهمة يكولون زفيناه بصاية حيدر زفيناه بصاية حيدر يمة حسيت كلبي راح يوكفنوب وصلوا يم
باب الغرفة وكالوا عريس وربعة يزفونة عريس وربعة يزفونة انفتح باب الغرفة ودخل باسل وماما وعمتي
وسارة ومريم طلعوا واني مجلبة بيهم طلعوا وسدوا الباب بلعت ريكي والدموع بعيني شمر السترة علئ
الجرباية وتقدم وكف كبالي وباسني براسي وكال بهدوء مبروك حبيبي ابتسمت بخجل وكلت الله يبارك
انتبه علية قلقة وجسمي بيه رجفة حاوطني من خصري وكال بهدوء اهدئي رويحتي وكافي بجي
ومسح دموعي وشبكني وبادلته الشبكة واني ميتة من الخجل شوية وخر وكال وهوة يباوع للميز يلا روحي
بدلي علمود نتعشئ اكيد جوعانة هزيت راسي وتقدمت دخلت للحمام لكيت السيت الابيض معـلك
فتحت البدلة بهدوء ودخلت جوة الدوش سبحت حسيت نفسي ارتاحيت نشفت جسمي ولبست السيت
عزا فضيحة وقصير حيـل طلعت واني ميتة من الخجل وانشف بشعري شافني ابتسم وصفن وبعدين اخذ ملابسه
ودخل للحمام شوية وطلع نشف شعره ومشط وسحبني وكال تعالي اكلي كعدني يمة وبديت اكل علئ
كيفي وهوة يوكلني كملنا ودة الصينية وكمت غسلت وهوة غسـل كعدت علئ الجرباية وهوة واكف كبالي
ابتسم بمكر وكال ايي هسة خوش نتحاسب تقدم وكال ليش تنكدين علية هواي، وتتعاركين هواي
وتشلعين كلبي وكلما يتقدم اني ارجع ليورة لحد ماحاوطني من خصري وكال وكاليومية تصيرين حلوة
هاي وهمس قريب يم ركبتي ماتكولين هذا الولد خطية ابتسمت بخجل وجسمي رجف باسني بهدوء وهمس يم ركبتي احـبج بويـة وبدأ يبـوس بوجهي
وحاضني حـيل نزل لركبتي غمضت عيوني عضني خفيف وكال من اكول حلقوم محد يصدكني عضيت شفتي بخجل لحد ما ........
الساعة 5 الفجر
نايمة علئ صدرة ومحاوطني بأديه وبـاس خـدي وكال نعـستي حبيبي همست بنعـاس هممم باسني بشفتي بهدوء وكال احبج ضميت راسي بصدره وكلت اني هم وغفيت بحضنه ...
فزيت الصبح علئ صوت منشف الشعر فتحت عيوني بنعاس شفته باسل واكف كدام المراية ومبين هستوة
طالع من الحمام ولاف المنشفة علئ خصره وينشف بشعره غطيت روحي باللحاف هوة شافني ابتسم
وتقدم كرفس روحه كدامي وكال بحنية شـلونج حلقومتي همست بخجل زينة باسني بخدي وكال شهل
صباح الحلو اصبح بهل وجه الي يرد الروح ابتسمت وكال بعدج تنعسين كتلة امم شكـد كال بـ 11 وعود
جاي اكعدج اجـو اهلج علمود نتريك سوة وهاي فتحت عيوني بفرح وكتلة صدك كال ايي يلا كومي لو
تبقين كتلة لا كايمة سحبت الروب لبسته وكمت دخلت للحمام سبحت وكملت طلعت لافة المنشفة نسيت
مماخدة الملابس وبعـدني خجلانة منه شفته متمدد علئ الجرباية لابـس دشداشة بيضة ويكلب بالمبايل
ابتسمت علئ شكله فتحت الكنتور ادور علئ القفطان سحبته ودخلت للحمام بدلت وطلعت لكيته واكف
يرش عطر شافني تقدم باسني براسي وكال شهل جمال بوي ابتسمت دنك باسني بعيوني وكال احبهن
بوية احبتهن لا ارادياً شبكته وهوة حاوطني باديه وكفت كدام المراية وهوة مجتف اديه وواكف كدامي
كتلة بخجل باسل اريد امشط كال اي مشطي؟ كتلة تبقئ هيج تباوعلي ضحك وكال ريحانتي وبكيفي
ابتسمت وامشط سحب المشط ضل هوة يمشط الي سويت شعري ضفيرة وخليت مكـياج خفيف ولـبست
الشال ورشيت عطر ولزمني من ايدي ونزلنا سوية .....
يتبع ...
- يتبع الفصل التالي اضغط على (يأس القلوب) اسم الرواية