رواية يأس القلوب الفصل السادس و العشرون 26 - بقلم رودة
part 26
مـايشربون دشيلي الصينية ودخلي ريحانة كالت وهية تاكل تفاح وتهوس بأيدها وتحجي بهمس جان صاحبها
وخذاها جان صاحبها وخذاها ودخل محمد جمدت بمكانها كبل كال تعالي مريم جيبي العصير وادخلي يمة
همزين ماسمع خزرت ريحانة واخذت العصير ومشيت ورة محمد بهدوء دخلت للأستقبال بس رافعت راسي
اجت عيني بعيني اهتزت الصينية بيدي دنكت وجهي والدموع ملت عيني تقدمت سلموا علية وقدمت
العصير بهدوء وصلت يمة اخذ العصير ولمـس ايدي كبـل وخرت داطلع وبابا كال تعالي بابا اكعدي رحت
بهدوء كعدت يم بابا وكلبي يريد يطلع مكانه اني وياه بمكان واحد رفعت عيوني بخطف بس علمود المحه
واركز بشكله كلبي طاك عليه وهوة كالساع المحه يباوعلي ويدور ابوه تلكاني بالسلام وهذا شي فرحني
وهم سألني علئ دراستي وهاي وماتحملت بعد واستاذنت وكمت طلعت خليت الصينية علئ الكاونتر
ودموعي طاحت وغطيت وجهي ابجـي وسارة وريحانة بي واكفات يمي وساكتات عرفن شفته ولهذا
السبب جاي ابجي تذكرت شكله رموشه وحواجبه شبه طايحات ولابس شفقة ابتسمت بنص دموعي وكتلهم
والله بكل حالاته حلو مسحت دموعي وكتلهم من شفته حسيت كلبي يريد يطلع صار هواي ماشايفته
صحيح ضعفان وشكله تعبان بس والله كلشي يهون ويرجع مثل ماجان حبيبي هوة وهنة ابتسمن ونصبن
علية كالعادة من طلعوا ركضنة للشباك نباوع عليهم شهكت سارة وكالت باع باع الطول والعضلات اللهم
صلئ علئ محمد وال محمد شنهاي موزلم ضـيم ضحكت وكتلها بغيرة نجبي سارة عيونج لاافكسهن
هزت ايدها وكالت اني منج هسة اروح اصلي مية ركعة شكر لين الله رزقني بهيج واحد ضحكت ومن
شفت بابا دخل كبل صعدت لغرفتي ركض يمة استحي اوكف كدامة دخلت للغرفة وسديت الباب وخليت ايدي
علئ كلبي والفرحة مسايعتني سحبت المبايل من الميز لكيته داك علية جاي اتصل ودك المبايل جاوبته كبـل
وضليت ساكتة بس صوت انفاسي العالية تنسمـع كال بهدوء شـوفتج اليوم حيتني بعد ماجنت ميت الف
موتة، غوركت عيوني وكتلة بخجـل اني هم فرحانة كلش لين شفتك كال بسرعة بس خرب يومج شكد
صايرة حلوة تكولين للكمر يولي كوم خلي اكعد بمكانك يمة اجيت اموت بمكاني من الخجل ابتسمت وكتلة
ليش مكتلي جاي جنت نايمة كال بهدوء بوية حبيت تكون مفاجئة واني كتلج اول مااجي من السفر اتقدم
الـج اخ يابة فديت النايمة يوم تنامين بحضني ان شاء الله دكولي امين يمة ضليت اهفي لنفسي مدري شصار
بية يمة كال شفتيني صاير اخـوف كتلة بزعـل والله اذا بعد تحجي هيج ازعل عليـك هوة غير هيج صاير
تخبـل يمة فديتك وانطلقت بالحجي موحاسة علئ نفسي وضليت اغرد وكتلة بحيث هيج بس شفتك
كلبي اجة يوكف نوب الشفقة لايكتلك بعد مااخليك تلبسها اخاف يحسدونك وبعدين تعال لاتلبس هيج
لبس رياضي انتَ جسمك حلو ومرتب واغار عليك ونوب ضعفان حبيبي ولا يهمك اخليك تسمن علئ
ايـدي حسيت علئ نفسي شنو جنت احجي من سمعت صوت ضحكتة العالية غمضت عيوني وعضيت
شفتي بخجـل رد علية هوب بوية هوب علئ كيفج كلبي راح يوكف بالله فديت التغار علية لعد مارحمتي
بحالي من اليوم لابسة هيج ايي وتعالي شلون تسمنيني اني اموت علئ هاي السوالف كتلة بخجـل
احمد والله راح اسد الخط ضحك وكال اوكفي يروح احمد شوكت تردون الموافقة ماكلتي لابوج هسة
موافقة وخليتينا نعقد هسة كتلة يا يا وبعدين منو كلك اني موافقة عليك عود افكر يعني كال بهدوء اي
ست مريم فكري علئ راحتج نهـايتج يمي بقت شغلة
وحدة تصير وهنا تلكيني اسعد انسان بالدنيا كلها كتلة شنـو كال بعدين تعرفين .
احمد
شفتها وكلبي راد يطلع من مكانه كالساع اخطف نضرات واباوع الها كلبي طاك عليها بوية مادري شلون
صبرت وضليت بمكاني اباوع الها مرتبكة ومبين عليها الخجل ابتسمت علئ شكلها بعدين رحنا وللأمانة ابوها
واخوانها ينحطون علئ الراس طلـعت بسيارتي وابوي راحت وياه امه واختي وعمتي اسوق واتصلت عليها
ماردت اتصلت مرة ثانية ردت ضليت احجي وياهة بلهفة وفرح حسيت روحي انسان ثاني من شفتها
احجي وياهة وتحجي بفرح اكثر شي زادني فرح من شفتها هيج فرحانة مايهمني شي بالعالم غير سعادتها
روحي من الدنيا هاي روحي من سديت الخط لفت بالسيارة ورحت لبيت صـديقي عازمنـي .
ريحـانة
فرحت لمريم حـيل واني اشوفها شلون تتحرك بالبيت وفرحانة وخجلانة بنفس الوقت ومن شفتها هيج
مرتاحة ارتاحيت اباوع الساعة صارت بـ3 عزا اليوم محاجية وية باسـل نوب لازم اكله حروح للسوك طلعت
للحديقة وفتحت المبايل شفته داك كومة من غير الرسائل قبل ساعة دكيت عليه مارد دكيت مرة ثانية
هم مارد مرة ثالثة فتـح خـط وكال هاا ابتسمت عرفته نايم لين يحجي بنعاس كتلة بخجـل واني اول مرة
الفظها نايم حبيبي؟ كال بنعاس ها ياروح حبيبج انتِ وين جنتي اشتعلوا بنار ونفط وبدة يغرد كتلة وسولفت
اله وين جنت وانشغلت نوب كتلة شوكت اجيت من الدوام كال قبـل ساعتين كتلة هفف ارجع نام كعدتك
اشو هذا كبل كال تمام وسد الخط يمة ضليت اشيل روحي وادكها بالكاع شـلون سده بساع صحيح اني
كتله سدة بس لازم يكلي لا ابقئ وياج حجي ميسده اوك سديته مو تدلل خلي اروح للسوك وانتَ متدري
ولمن تدري رايحة اكلك انتَ سدي الخط وعناد بيك الة اروح واني مكايلة الك دخلت للبيت وكلت لامي راح
البس وانزل باسل كال روحي كالت يلا يمة استعجلي وسارة تجي ويانة كتلها تمام صعدت للغرفة وبدلنا اني
وسارة لبسنا عباية خليجية لين هوة سوك مومال بنطرون هالسوالف كملنا كلشي وطلعنا وصلنا محمد
وراح امشي وية سارة وبلعت ريكي وكلت بكلبي هسة اني كون كايلة الة هسة شيسوي بية بدينا ندخل
للمحلات ونسيت ام السالفة واندمجت واخذت هم هواية شغلات وهالمرة امي ابشركم اخذتلي ملابس
افضح من الدشداشة الحمرة خلتني ابجي بالمحل ونفتر بالسوك وكالساع داخلين لمحل ونختار سوية
علاليك صارن كلش هوايـة ونسحـل بيهم اني وسارة مانخلي ماما تشـيل موزين عليها ثكـل مااسمع بس
سارة تكول عزا بابا حرك المبايل علينا حرك يكول شلون تتاخرن بالسوك للـساعة 8 ونص اني موكلت
بالـ6 انتن بالبيت ومنتظرنا برة السوك اجة بالسيارة علمود يرجعنا يمة واني بس سمعتها تذكرت بـاسل
تصخمتي يريحانة مشينا طلعنا بساع من السوك شفنا سيارة بابا تقدمنا صعدنا اني وسارة ورة وماما بالصدر
وكال بابا بعصبية انييي موكلت بالـ6 انتن بالبيت اريد بعد وحدة تطلع وتجييي هيج وكتتت وعصبي يمة
خلسنة بمكانة واباوع امي وضعيتها ريلاكس منتجية علئ الكشن وهية هم لابسة عباية خليجية وشيلة لون
ماروني يمة تخبـل عليها واباوع وكاتمة ضحكتي بابا يباوع الها بغيرة كلها بعصبية وانتِ شكو مالابسة عباية
علئ الراس موكتلج هاية متعجبني كالتلة بس تعجبني اني مسح وجهة وكال الصبر بوية الصبر واني وسارة
يمة وحدة تسكت بالثانية نباوع عليهم شلون يتناكرون وناسين احنا ورة وكال بابا علئ يوم امكم
تجلطني مابقة شي مابقة شي امي باوعتلة بنضرات خلتة ينسئ ام السالفة ويبتسم يمة يمة باع المفعول
مال امي سمعت بابا همس بهدوء جلطتني بوية يمة اني وسارة شاكين حلكنا من الابتسامة وهية السالفة
مويمنا اصلاً صدمني باب من كال وانتِ ست ريحانة باسل يمنا اجة علمود تتفقون علئ باقي الشغلات هوة
كال هيج واني صرت صفرة بلعت ريكي وكتلة تمام بابا يمة عزا العزاني وصلنا واني بالكوة نزلت من
السيارة خفت دخلنا للبيت وتلكتنا مريم تحضر بالكابتشينو علمود توديلهم للاستقبال صعدت للغرفة
ركض وبيدي العلاليك وسارة وراية شمرت العلاليك وكالت عيني شبيج ارتبكتي واذا اجة انتِ موكتيلة
حروح للسوك وقبل بعد عليمن خايفة بلعت ريكي وكتلها مكايلتلة رحت للسوك شهكت وكالت عزاا العزاج
اليوم تصيرون بوكسيات ياادبسز شلون مكتيلة هسة مال انزل ماما واخليها تكتلج كتلها واني انزع بالشال
سارة عوفيني بهمي كالت هسة دبدلي ونزلي يمة
ولاتجفصين بالكلام رحمة لمحمد كتلها صار صار
راحت واني نزعت العباية ورحت غسلت ونوب فتحت الكنتور يالله شنو البس سحبت التراكسود يصير
برمودة وفالينة لونه رصاصي وكلش حلو علية طلع لين هلايام سمنت فصاير فيت علية رفعت شعري كباية
خليت حمرة وتنت لخدودي ورشيت عطر واخذت مبايلي ونزلت وخايـفة من دة فعله دخلت للاستقبال
جانوز يسولفون ويضحكون مندمجين بس شافني خزرني يمة جمدن بمكاني سلمت عليه وكعدت يم بابا
شوية وكاموا طلعوا وسدوا الباب وراهم سحب جكارة شعلها وكال اني شكـايل اذا تطلعين بدون ماتكليلي؟
كم مرة حذرتج؟ اجيج علمود نتفاهم والله وينها ست ريحانة طالعة للسوك من 3 وهسة بـ8 يالة اجت واني
مادري مثل الاطرش بالزفة ليش تخليني هيج بموقف حرج والمفروض انتِ من طالعة ماخذة اذنـي ؟ ضليت
بس اباوع الة ومرتبكة كال بعصبية احجييي وياااج جاوبينييي رمشت وكتلة اني موخابرتك اليوم كال بنتر
اي؟ فأنتَ كبل بس كتلك نام كبل سديت الخط ورجعت نمت واني جنت اريد اكلك اريد وبلعت ريكي
وكتلة اروح للسوك بس انتَ كبل نمت كال بعصبية لا والله؟ ومتعرفيم تدكين مرة ثانية وتكليليييي كلت
بكلبي هسة اني شكو اعاند وماكتلة وادري بي يعصب كال بعصبية بس والله ادري بيج لا سالفة نمت ولا هاي
هاي عناد من عندج تدرين بية اضوج واعصب تحبين تلعبين بأعصابي بس اني كتلج اذا طلعتي بدون علمي
مرة ثانية اعاقبج طفة الجكارة وكال بعصبية تعالي كعديييي هنا كتلة اما مااجي مسح وجهة وكال تعالي
هنا ليش تخليني اجيبج بطريقتي الخاصة كال هيج كبل كمت مشيت بهدوء وكعدت يمة كال ادنييي هنا
وين طافرة كبل بدون عناد ادنيت وصرت كلش قريبة علية ومدنكة كال ها منو خايفة ومرتبكة ماعرفتج
والله بس السان انتِ رفعت راسي وباوعت بوجهة وكلت باع والله التوبة اذا بعد طلعت وماكتلك اخر مرة
والنبي وبعد مااعاند ولا ارادد ها تمام ؟باوع علية سحبني وقرب وجهة لوجهي وكال بعد تعيدينها وتقرب
وحسيت لحيته لامست وجهي غمضت عيوني وكلت لا التوبة عضنـي اجيت اكمز بس وين لزمني باثنين اديه
ومستمر عاض خدي واني ادفع بيه وشوية وابجي وخر وكال انطيني خدج الثاني كتلة بزعل عفية دوخر
عضتك توجع هية شنية ماسمعني دار وجهي وعضني هالمرة اقوة ابتسم بمكر وكال تعيديها بعد وتقرب
باسني بخدي ونزل من خدي لركبتي كزكزت من لحيته لامست بشرتي كتلة وصوتي يرجف مااطلع اصلا بعد
هاهية حكعد واسكت ضحك وشبكني لحضنه ودحس راسة بركبتي وكال باعي هاي بعد كلما تطلعين بدون
علمي هيج اسوي بيج والمرة الجاية العب بيج طوبة يمة حسيت روحي مدري شصار بية كتلة بفهاوة ها
ابتسم بمكر وكال ها شبيج حسيت علئ روحي ودفعته من شفت روحي كاعدة بحضنة كتلة بخجل
واحس كلبي راح يوكف بعد بعد لا تلمسني جرني من ايدي وكعدني يمة وحاوطني بأيده وكال افكر عود ها
شو خنستي وين لسانج ضربته علئ صدره وكتلة كافي اسكت ضحك وكال بس لسان بس لسان وضلينا
نتفاهم علئ شغلات او بالاخص نتناكر لين نحجي ومن اكلة ها هيج الكاه صافن بوجهي ويكول بكيفج بوية
بكيفج اتفقنا علئ كلشي وبعدين بابا ماخلا يطلع الا يتعشئ تعشينا سوية وخلصناها ضحك وكالساع يم بابا
يهمسلي شهل جمال هوة ياهو يلبس رصاصي يطلع هيج حلو ويخليني اغص بالاكل وبعدين شربنا جاي
والولد طلعوا ومن كام جاي يروح طلعنا اني وبابا وياه للكراج وتسالم هوة وبابا ودك مبايل بابا وراح يخابر
واني بقيت يمه تقرب باسني بخدودي وكال احـبج بـوية كتلة بخجـل اني هـم كال ابتسم وطلع وكال
سدي الباب وادخلي يلا دزيتله بوسة بالهوا ضحك وكال اويلي يابة صعد بالسيارة واشرلي سدي الباب
ابتسمت وسديته ودخلت جوة وبابا كاعد بعده يـشرب جاي يمه شكد يحبه داصعد وصاح تعالي بابا اجيت
كتلة ها بابا كال اكعدي كعدت وكتلة باستغراب ها بابا كال وهوة يشرب جاي اي دصبري يابابا ابتسمت وكال
مستعدة لهذا الـزواج؟تصلح كلشي؟بعدج مترددة؟ جاوبيني بكل صراحـة علمود اعرف اتصـرف مااريدج
بعدين تتندمين ولو لاحظت متغـيرين احسن هوة يحجي يمة واني متت بمكاني من الخجل كتلة ها بابا
كال اي؟ بلعت ريكي وكتلة ماكو شي واطكطك باصابعي وقلق ورجعت كلت يعني اقصد انـو تفاهمنا
علئ كلشي هز راسة وكال يعني مامترددة ولا خايفة؟ كتلة لا والله ولو مترددة جان كتلك بس يعني الامور
تمام هز راسة وابتسم وفتحلة حضنـي كمت بساع وكعدت يمه وشبكني باسني بخدي وكال كل الخير
بوية ريحـانة ابوها وضل يمسد علئ شعري ونسولف ونضحك ورفعت راسي واشوف مريم وسارة يم الباب
ومكتفات اديهم ويباوعن علينا بغيرة ضحك بابا وفتح اديه واجني يركضن وضلينا نتعارك علئ حضنة
ونضحك وهوة باوع لمريم وكال بضحك وهاي العروسة الثانية بوية خلصن بناتي سدوااا الباب
ماانطيهمممم هذني الية بناتي هوة كال هيج خربنا من الضحك وماما اجتي يمها وبس يبسمر بيها والولد
رجعوا طلعت الكهوة معزلة وسارة تكلهم حل هاية حوبتي حسين يمسح علئ لحيته وكال البارحة مزيعل
ومرته شيسون بالاستقبال ماافتهمت شنو يقصد مااحس الة بابا كام الة وهوة ضل يضحك وبابا يكلة
جلدك يحكك بوية شوتعال ولزمه يضربة بوكسيات يشاقة وياه وحسين يضحك ويكلة بالعباس احسد امي
ضيم موطالب وبابا سحله سحل يمة متنة ضحك وامي تستحي وحسين بس يغمز الهة اندك الباب وطلع
حسين يفتحه ومحمد متمدد علئ القنفة ولازم سارة من شعرها وبجر بيها وهية تصيح علئ بابا ماانحس الة
دخـلت وداد وكالت بابتسامة هلاو اني اجيت يمة فد فرحت مشتاقة الها كومة سلمنا عليها وحضنت بابا
باسها براسها وكال هلا بعد عمج شهل غيبة ابتسمت بخجل وكلتلة ملتهية دراسة وهاي كعدنا نسولف
واباوع محمد معدل كعدته وشابك سارة وصافن علئ وداد لمحت بابا يباوع عليها بتك عين ومراقب نضراته
ومبتسم الحمدالله دومنا مفضوحين متتت بعدين صعدنا للغرفة وكعدة بنات تونسنا ودرت بمريم وفرحت
الها كتلها وانتم عيني شوكت كالت بخجل من اكمل هاية السنة ابتسمت وضلينا نسولف ونضحك وماخلينا سالفة ماحجينة بيها .
بعد مرور 5 ايام
ريحـانة
كملت تجهيز كلـشي ومامصدكة بعد 3 ايام الحنة مالتي خوف علئ ارتباك، ومشغولة حالياً احضر اليوم خطبة
مريم يالله لو تشوفون الفرحة قبل 3 ايام ردينا الموافقة والخطبة صارت بشكل سريع لين ميردون
يتأخرون وبابا ماعندة مانع اهم شي موافقة مريم مريم بالصالون ماكدرت اروح بقيت وية ماما وسارة
راحت وية مريم حضرنا الكوشة مال خطبة وكلشي وبدأوا الناس يجون ماما كالت اصعدي بدلي خلصنا
كلشي صعت لغرفتي لكيت وداد تمكيج كالت كملت تنضيف الفوك واجيت اميكج يلا بدل علمود امكيجج
رحت بساع للحمام واخذت ملابسي اشتريت للخطبة فستان بينـصل مخصر علئ الجسم لونه يصـير بيجي
ومن ورة مشبك ووياه كعب احمر طلعت وداد بدت تبرم بشعري الي اباوع شكلي متغير البارحة جنت
بالصالون سويت تنضيف لوجهي وجسمي وهالسوالف وسنفرة طلعت جديدة وغيرت شوية من شمرة حاجبي
صارن يموتن كملت شعري ومكيجت الي وخلتلي حمرة لون احمر وكالت هسة طلعتييي تموتين اباوع
لروحي طلعت صدك حلوة انطيتها مبايلي كتلها اخذيلي صورة اخذتلي كم لقطة بوستها وبديت
اسويلها بشعرها وهية لابسة فستان هم بينصل نفسي اتفقنا بس لون احمر كملتها وهية مكيجت فتحت
مبايلي دكيت علئ باسل جاوبني وكال مشتاقلج بوية شني صار 5 ايام كلبي طاك عليج ابتسمت وكتلة
يروحي انتَ اني هم كال يلا اليوم اشوفج مابقئ شي مثل ماوصيتج ماكو ضيك وهالسوالف ينرفزني بلعت
ريكي وكتلة لا ابد وين كال مادوم كلتي هيج اكيد مصخمة ضحكت وكتلة لا وين كال بلا دزيلي صورة
كتلة اما تجي وتشوفني تنهد وكال يصير بوية ابتسمت وسديت الخط سمعت صوت هلاهل عرفنا
اجت مريم بساع رشيت عطز ونزلنا ولكيناهة هستوة داخلة حتئ بعدهي مكاعدة وسارة شايلة البدلة
ابتسمت وهلهلت حيل رفعت راسها شافتني ابتسمت بخجل يمة اختي شطالعة كيكة كيكة بدلتها منفوشة
حيـل ولون بنفسجي غامـق وتكون من فوك مخصرة وبعدين نازلة منفوشة ومرصعة شلون عبالك الماس بس
شنو تموت وهية محليتها والشعر مرفوع ومبروم والمكياج يموت كعدناها بوستها وهية حيل مستحية
وخجلانة اباوع سارة لاعبة طوبة المكياج والفستان مخصر ومشبك من ورة هم ولون اسود والشعر نازل
ابتسمت الها وكلت شطالعة سارة شهل جمال كالت وهية تعدل بالفستان رايحة اسئل ماما منو ابنها ضابط
علمود اركص كدامها حرام هالجمال كلة ومحد تكلبني يمة متتت ضحك كالت بضحك عابت اشاقة اريد
اضحكج بس يعني اكيد اكلع حلوة غير اخت العروسة ولو انتِ وست وداد مامقصرات شوية ولج خلي اشغل
الديجي الله عليج اركصي ويانة علمود نفرح مريم وكذا ترددت وبعدين كتلها شغلينا ساجدة ضحكت
وشغلت واني وداد وسارة بالنص اندمجت كلش وطلعت مواهبي صالي هواي ماراكصة صار ردح
بالاغنية وضليت اهز ومندمجة واحرك شعري وسارة همست يم اذني وينك باسل تعال شوف خزرتها
وضحكت اباوع مريم تباوع النا وتبتسم كومناهة ويانة ركصناها شوية وبعدين صارت هوسة وعرفنا اجوي اهل العريس .
مريم
مرتبكة كلش وكالساعة ارفع بالبدلة والنسوان اكلني بنضراتهم من سمعت اجوي اهل العريس كلبي يمة اجة
يوكف شوية ودخلن النسوان وهوسات والصدمني امة تهوس واخواتة عزا سبحانه مغير الاحوال من حال الئ
حال تقدمن وبوسني وسلمن علية واني مستغربة وبنفس الوكت خجلانة بس كلت الحمدالله قابل اني
شريد منهم وشوية وكالوا الشيخ راح يعقد كوموني وامشي ورة ماما وريحانة تعدل بالبدلة شكد لحظات
حلوة وماتتعوض والشعور الي بيها يمة يكتل يكتل وكفوني يم الباب وبدأ الشيخ يحجي وكال رددي وراي
بلعت ريكي ورددت وبعدين احمد ردد وارتفعت الهلاهل ومن كلت نعم وأنتَ وكيلي حسيتها بالكوة
طلعت مني رجعوني لمكاني وارتفعت الهلاهل وكالوا دخل العريس رفعت راسي اباوعلة لابس قاط اسود
والاسود ياكل ويشرب عليه تقدم واني عيوني غوركت من الفرحة شعوري مااعرف اوصفه بهاية اللحظة بس
كل الي اعرفه انو اني متونسة وراضية علئ كلشي ديصير تقدم باسني براسي وكعد همس مريـومتي ولزم
ايدي وهمس شهل جمال بوية علئ كيفج وياي ابتسمت بخجل رفع ايدي باسها ورجع كال بأسمي
تسجلتي بوية بأسمي مامصدك ضغطت علئ ايدة وكلت بحنية موكتلك دوم وياك هياتني وياك كال بحب
وهوة يباوع بعيونيي للموت وياج غوركت عيوني وهزيت راسي بدأ يلبسني الذهب ومن راد يلبسني
الحلقة تبهذلت احوالة همس بوية خاف تأذيج الحلقة ايدج ناعمة هوة كال هيج واني تبهذلت احوالي هوة
حس علية ضحك بمكر ولبسني الحلقة وارتفعت الهلاهل وكعدنا وكلني كيك وكلته وشربنا عصير
وبعدين من راد يطلع همس يم وجهي بهدوء ...
لو عليچ الدنيا تظلم
راح تلگيني بوجه دنياچ صبحچ
الله خالق روحي حتى تداوي جرحچ
ولا تسأليني اهتمامي بشنو وتعرفين بيّه
انه كل همّي اذا اشوفچ حزينه بيّش افرحچ.
كال هيج ماتحملت دمعتي طاحت مد ايدة مسحها وباسني براسي وطلع بساع اجني البنات يم وكلها
تتهامس ويكولون مبين يحبها وهاي وامي مافاركتني يمي بكل لحظة حتئ بجت يمة واني اكثر شي فرحني
وجود امي يمي والبنات ركصناها وياهم وهية بطنها ماتكدر وتضحك والله لو يشوفها بابا هههههههه منا لليل
بدت تخف الناس ودخل بابا واخواني باركولي وبوسني ويمة متتت من الخجل شصار بية وطكينا
صور سوية واحلئ صورة منا بابا كاعد يمي ويمة امي ومحاوطنا ثنينا بأديه داكوم ابدل وماما صاحتني كالت
خطـيبج بالاستقبال ادخلي يمة يمة هية كالت هيج حسيت حينغمي علية كتلها ماما ادخلي وياي وياي
كالت يا ادخلي ماما شجـاج تفاهموا بيناتكم دخلت وجان حسين موجود من دخلت ابتسم الي وطلع
تقدمت بهدوء امشي بالبدلة رفعت راسي اجت عيني بعينة كام تقدم وصل يمي حاوطني من خصري
ومبتسم وعيونة حمر واني عيوني مغوركة رفعت رجلية وبسته من راسه وبست مكان حواجبة ورموشة
وشفتي ترجف ودموعي نزلت علئ خدي بهدوء ابتسم وبـاسني بخـدي وهمـس
بهدوء وصوته يرجف :
"بستها بوية بستها الجنت محتاج بس شوفتها "
يتبع....
- يتبع الفصل التالي اضغط على (يأس القلوب) اسم الرواية