رواية يأس القلوب الفصل الخامس و العشرون 25 - بقلم رودة
part 25
تروح منا وتجي منا لين ازدحام ولاتفترن هواي رحمة لمحمد اني دايخ امي كلتلة هسة انزل والله كريم نزلنا
وهوة يمشي كدامنا وكالساع داير عدلي شالج شعرج طالع عدلي مدري شنو مبينة ركبتج ويبووو ساعة
السودة من طلعنا وياه دخلنا للمجمع من حسن حضنا جان موازدحام وبيه ناس قليلة اخذنا سلات ودخلنا
نفتر بالطابق الاول قسـم الملابس البنات واكفات يختارن وماما سحـبتني وياهة نباوع اشرتلي علئ
دشداشة يمة لو اموت مااخذها قصيرة والضهر تور ومن الصدر هم تور ونوب لونها احمر يمة متتت يكتلني
بمكاني بس شنو صحيح كلش حلوة بس فضيحة كتلها عزا ماما هاية فضيحة
مااخذها سحبتها وطلعت قياسي وكالت دخذيها موبكيفج تطلع تخبل عليج جاي احجي كالت اخذيها يا
ماما خليها بالسلة وبعدين اخذتلي تراك برمودة وكيمونة اخذتلي 4 اشكال خلي اشوف ياهية تلبسهم
الة اخليهم بالكنتور وماادنئ الهم يمة تريدني البس كيمونة كدامة بعدين اختاريت 3 تـيشيرتات مال طلعـة
واخذت بنـطرون اسود وبنطرون بوي فريند مثل مال سارة الله لا يعوزني الها بعد واخذت تراكسودات تكون
مستورة البسهم بالبيت يعني موبغرفتي واخذت بعد هواية شغلات وبعد عندي كومة نقوصات حاسبنا
وطلعنا من المحل محملين علاليك خلاهم حسين بالسيارة وصعدنا وطول الطريق بس يدردم بعد اني
اجيبكم فرن المحل فر ماكو كاشية مامشن عليها طركاعة اي والله واحنا نضحك عليه شلون معصب
وكالساع خازر وحدة ومخليهة جامدة بمكانها وصلنا للبيت الساعة 11 دخلنا وكبل صعدت اني والبنات
لغرفتي وبسطنا بالملابس هنة هماتين اشترن وكعدنا نرتب ونضحك دك مبايلي بـاسل اشرت الهم يسكتن
وجاوبته وكلت هاا عينـي جاوبـني اجيتي؟ بلعت ريكي وكتلة اي اجيت هستوني كال ليش تاخرتي
شدعوة بـ11 بليل جاية لو باقية لـ12 خلي اشوف بعد ياهو يخليج تطلعين كتلة والله التهيت اشتري اخر مرة
بعد مااتاخر والله وفجاة سارة صاحت قريب يم سماعة المبايل بتفاجئ ماانتبهت الثولة عزااا ريحانة
هاية الدشداشة الحمرة تموووتتتت نوب قصيرة عزا تجننن تطلع عليج سديت حلكها وهمست طركاعة
طاحت عليج يسارة كمت دفرتهة برجلي واخزر بيها ومتتت من الخجل بمكاني السز اني الها سدت حلكها
وكالت عزا بالقران نسيت ومريم متمددة بالكاع من الضحك كمت احجي وياه وكتلة بخـجل اي وين جنا؟
كال بالدشداشة الحمرة يمة راح ابجي من الخجل كال اكلج انتِ ماتتوبين من الاحمر اني شكايـل؟ كتلة وبكل
ثول وجفصاتي ماابطلها شبيك ماالبسها بالبيت ولا بالدوام شسالفة البسها بالغرفة يمك ماما كالت وسمعت
شهكة مريم وهية تكول عزا العزاج ريحانة شجفصتي انتبهت علئ روحي شنو حجيت جمدت بمكاني يمة
كتلة يمك بالغرفة عزا العزاني شلون حجيتها مااسمع بس صوت ضحكه بصوت عالي واني عيوني دمعت من
الفشلة والخجب ماتصيرلي جارة والحسين بدون تفاهم سديت الخط وضليت اكمز من الفشلة وسارة
تضحك وتدك علئ رجلها وتكول يمة ولج انتِ منين يوكفوج جفوصة ولج مريم كومي سدي حلكها
لاتجفص بعد كتلها واني شوية وابجي نجبي والله مادري وكلتها لتتلوكين ام حلك شوية وضليت اضحك
وياهم وكلما اذكر اغم روحي رتبت الاغراض وتمددت علئ الجرباية دانام باجر عندي عطلة وماما كالت نروح
للسوك نحظر لين منلحك يعني باجر انسحل سحبت مبايلي شفته دازلي رسـالة شـلون تسدين الخط بوجهي
بلعت ريكي عزا بس لا عصب دزيتله رسالة بالغلط شافها رجع كتب خليني ساكت ابتسمت كتلة شنو
ضجت رد علية لا عليمن اضوج يلا روحي نـامي ارتاحي كتلة وانتَ رد علية اريد احجي وية اسراء بس
قريتها ضجت وعصبت كتبتلة ماراح اضوج ولا اعصب ادري بيك تريد تضوجني عود بس اصلا ابد ماضجت
ولاعصبت دزلي اي مبيـن رجعت دزيتلة عود صدك دتحجي وياهة ؟ دك المبايل فتحت خط واجاني صوت
ضحكته نسيت الموضوع وابتسمت كتلة الضاهر ست اسراء مضحكتك رد علية هية منو هاي اسراء
مااعرفها؟ اني اعرف بس ام الاغرائات بس شني هاي متربعة بنص كلـبي مسجلته بأسمها يمة اجيت اطيح
من الجرباية من الخجل ضليت ساكتة ماعرفت شحجي كال بهدوء احـبج بـوية كـلش احـبج ابتسمت
وكـتلة بخجـل اني هم كـال انتِ شنو سكتت كال دكوليها شكد احبها منـج كتلة واني ارجع كذلتي ورة
اذني احـبك كال بـوية اموت علـيج من تكوليها تهدين حـيلي يمة هالمرة صدك اجيت اطيح بس تلاحكت
لروحي كـال اي فاتحت ابوج بموضوع الزواج بس جاب طاري الزواج عيوني دمعت تذكرت بابا كتلة اي
كال عندج اي اعتراض ؟كتلة لا علئ راحتك بس خاف ماالحك كال لا تلحكين عندج 10 ايام كتلة تمام
وضلينا نسولف ونضحك لحد الساعة 3 غفيت واني احجي وياه .
مريم
ترا ماناسي سالفة شعرج وبعدين اعرف شلون احاسبج عليها تنهدت وكتلة والله موتتني بشعري خيولي وبعد
كلما تضوجني اكص شوية كلي بعصبية ايدج المرة الجاية اكسرها اذا مديتيها علي ومحمد كتلة صار
جاوبني الظاهر كلامي ماعجبج ست مريم كتلة يااحمد شبيك صدك تحجي كال احسج تحجين وياي من ورة
خشمج كتلة بحنـية ياعمري انتَ والله احجي وياك طبيعي ومابية شي واموت علـيك لاتصير عصبي وتأذي
نفسك يعمري انتَ تنهد و كتلة بعدك بالمطار ؟ شوكت تجي الطيارة مو تأخرت كال
بتعب بعد ساعتين وتوصل ننتضر شنسوي يعني كتلة ترجع بالسلامة يبعد كلبي انتَ كال يبعد عيني انتِ
مريومتي ،شو احـسج ضايجـة يبعد بيتي؟ غوركت عيـوني لهل درجة صوتي مبين بية شي بجـيت بخنكة
وهوة سكت ورجع كال بهدوء ها يبعد الكل شبيج منو ويـاج ؟ شهكت وكتلة خايفة عليك تنفس وكال ومحمد
مابية شي وحتئ ماجاي احس بأي وجـع وصرت زين بعد علئ شنو خايفة يبعد روحي كتلة موتعوفني احمد
وجع كال للموت وياج يبعد عيني انتِ ليش تتعبين عيونج الحلوات ها عمري بطلي بجي وهاهية وعدتج
مااعوفج ويوم يومين واكحل عيوني بشوفتج وان شاء الله بعدين اعرف شلون اعاقبج علئ هاي سوالفج
مال بجي وكص شعرج ضحكت بنص البجي وكتلة هم رجعنا علئ شعري كال خليني ساكت احسن خليني
ساكت لحد هسة محترك دمي كتلة بابتسامة اروح فدوة للمحترك دمة كال بسرعة وعلي كلي احتركت
ضحكت وضلينا نسولف لحد ما سدينا الخط ونمت مرتاحة .
جـوري
متمددة وطالب منكلب وجهة مدري شبيه كتلة شبـيك؟ صاير وياك شي؟ ماحجـة كتلة عمري مواحجـي وياك؟
شبيك جاوبني بعصبية اسكتي مااريد اسمع صـوتج صدمني الدمعة صارت بنص عيني ودار وجهة ونام
عفت الـفراش وكمـت طلعت من الغرفة مسحت دموعي رحت للمطبخ شربت مي واخذت دوة بطني
شوية تأذيني واريد اشوفها وين توصل وياك ياطالب رجعت للغرفة رفع راسة وكال وين رحتي ؟ كتلة
بعصبية بالكبور كال بعصبية اسم الله وخزرني سحبت الفراش فرشتلي بالكاع وتمددت ودموعي تنزل وماكلف نفسه وحجة كلمة
وياي انتظرته ينام وكمت سحبت مبايله بهدوء فتحت الرمز دخلت علئ اخر محادثة جايتة رسالة وية اختة
كاتبتلة العيب موعلية العيب عليك تركض ورة وحدة 6 سنين مخلصتها ويـة ابن عم ابوهـا طلعات وطبات
واخوانها يدرون وهسة من رجعتلك فرت عقلك علينا شهكت وخليت ايدي علئ حلكي هية تاليها ؟مرة
شكدني وشكبرني ادور غراميات وية ابن خالي الي راح يدخل الخمسين ؟! تتهمني اني ! كمت شغلت
الضوة هوة فز شمـرت المبايل بحضنه وكتله ودموعي تنزل وجسمي كلة يرجف هيج تاليها ؟اكول شبيك
وجهك مكلوب ومتحجي وياية اثاري اختك وازتك علية ومصدكها ! اني صوجي والله صوجي تقدم
بعصبية وكال صوتج نصيييي العالم نايمة لا اكسر راسج كتلة ببجي اي كسرة شنو منتضر ؟ لو منتضر
اضل ابجي وتشبكني لحضنك وتسكتني نفس كل مرة مسحت دموعي وكتلة لمرة وحدة حس بية وبطل هاية
تصرفاتك مال تجاهلني ومتحجي وياي عندك كلام تجيي تحجيي وياي ماتضل ساكت وعيني جنت اضن
اذا واحد مسني بكلمة تحرك الدنيا علمود وينك شو مشفتك تقرب لوة ايدي وكال باعي ومحمد واصلة لهنا
شوية واطك وبطلي هذا الكلام الماصخ المالة طعمة راسج اكسره اذا عدتيه ولا شاك بيج ولا هاي تدرين بية
بس ودفر الميز تدريين بية السالفة من توصل يمج اتسودن كلشي ولا يحجون بـيج ضجت واتنرفزت ومال
خلك احجي شكو كبل سويتيها مشكلة هالكبراتها جان عفتينيي بحديي والصبح اهدأ ونحجي لو هيج تموتين
اذا مانتعارك ودفر الاغراض وطلع من الغرفة وهوة يستغفر الله صحت وراه اي روح ورة نسوانك حقك
تفيدك جوري اشو عميد والك رتبتك وكلهة تركض وراك تفيدك جوري لا والله متفيدك ابو النسوان كلتها
بحركة كلب شفته رجع ركضت اني وبطني سديت الباب وكف يم الباب وكال وهوة يدكه بهدوء مايريد
احد يكعد وكال بهمس وبعصبية افتحييي الباب لا
اكسر راسج افتحيييي راح اكسره ومحمد كتلة واني اشهك روح والله ماافتحة يلا سمعني ابجي سكت
وحسيته هدأ واني مستمرة اشهك اول مرة توصل هيج مامتعودة يصير علية هيج عصبي معودني علئ
حنيتة، كال بهدوء افتحي الباب يروح طالب انتِ خلي نتفاهم موزين عليج العصبية والقهر كتلة ببجي ميهمك
ادري ومكيف تشوفني دابجي ومتعذبة لين اصلاً صاير تكرهني وتضوج مني واكيد هسة الكاك متزوج وهذيج
مشبعها دلال واني باقي بس تتعارك وياية وشهكت كون اليوم انام واموت وبعد ماتشوفني وتبقئ حسرة
بكلبك دك الباب حيل وكال افتحي راح اكسره كتلة روح ماافتح تنهذ وكال بنيتي جوري اي دفتحي وبطلي
بجي يمعودة خلي نتفاهم خرب يومج كتلة ماعندي اي تفاهم وياك والباب ماافتحه روح نام بالاستقبال كال
انام بالاستقبال كتلة واني امسح دموعي اي تنام بالاستقبال يلا روح كال خوش رايح انام بالاستقبال
واني كعدت علئ الجرباية ابجي ولازمة بطنـي اكيد مل مني ولكة غيري نسيت ام العركة وضلت ببالي انو
هوة لاكي وحدة غيري وغصيت بالبجي ورة ساعة مدري شكد كمت فتحت باب الغرفة علئ كيفي وطلعت
امشي بهدوء ومابية حيـل بطني تأذيني وصلت لباب الاستقبال دخلت شفته متمدد وايده علئ عيونهة درت وجهي داطلع وكال تعـالي ! .
طالب
اباوع عليها شلون وجها احمر دم من البجي وشصاير بيها بوية كلبي كام يرجف عليها شسويت اني تنهدت
وكتلها تعالي شبـيج؟ كالت وهية تمسح عيونها مابية شي بس طلعت اشرب مي وشفتك نايم استغفرت الله
وكتلها بقلة صبر شوتعالي هنا يمي بوية واشرت الها علئ القنفة تقربت وسويت الها مكان يمي وكعدت
وبس كعدت انهدت بالبجي وتشهك وايدها علئ عيونها بوية هيج كلبي فرفح عليهت لا ارادياً شبكتها حيل
وهية مستمرة تبجي وتشهك بستها براسها وكالت شو اخذت كلامي بجدية وطلعت من الغرفة لو مصدكت
كتلك اطلع وطلعت ركص ورجعت تبجي استغفرت الله وهية كالت انتَ مليت مني وماتحبني نفس قبل
وتكرهني وضلت تعدد واني اهز براسي بوية اليوم ماتعدي علئ خير كتلها تدرين بية بوية مستحيل امل
منج لو اعوفج لو اكرهج بعد ليش تحجين هيج وتخبليني كالت وهيج تمسح دموعها يعني شنو هسة
متريدني كتلها واني امسح بدموعها التنزل اكو واحد ميريد بنيتة بوية؟ هذا بس المايقدر النعمة،كالت وهية
تهدد باع لاتقشمرني بهذا كلامك الحلو ترا بعد مااتقشمر
ضحكت وضميتها لحضني وكلت يعني ادور غيرهم كامن ميمشن كالت وهية تدفعني وخر لاتلزمني كلش
ضايجة ومقهورة منك ابتسمت ولزمت وجها بثنين ادية وكلت ياحيلي انتِ كافي بجي وزعل وداعتج
وتدرين بية ماعندي شي اغلئ منج لاماخذ علية نضرة غلط ولاهاي بس تدرين من توصل السالفة يمج
اتخبل ومايضل عقل براسي وانتِ بدال ماتهدأيني تجين تدوسين ببطني وتزيدينها علي بوية حتئ عيب
كاليومية نتعارك وارجع اراضيج مايصير يعني نخلصها هيج وادري بيج تضوجين وتنقهرين بساع وهم عمي
اني اعتذر زيدتها عليج وقهرتج وانتِ ماتتحملين وعفتج وطلعت بس صدكي لو ما ضجت وعصبت
ودريت بروحي اذا ابقئ ازيدها مااطلع وماردت اقهرج لو اضوجج اكثر لين موزين عليج وهذا الكلام مال
مليت مني وعندك غيري بطلي لين ماتحلئ بعيني مرة غيرج ومحمد بس انتِ تارسة عيوني وهذا اشرت علئ
كلبي مسجل بأسمج بوية هية سكتت وتمسح بدموعها وماتحاجيني بستها وكلت روح طالب انتِ بوية روحة
شعندي غيرج اني يبعد حيلي اي دفكيها شوية موكلبي انشلع دارت علية وباوعتلي ورجعت دارت ضحكت
وشبكتها وكلت اموت علئ هاي النضرة اني اموت وهية ابتسمت بستها براسها وكلت حقج علية بوية
والرسالة الزعجتج صاحبك الرسالة اخذت حقها وزايدة لاتشيلين همها والي يمسج بكلمة لو يزعلج اخلي ندمان
طول عمرة وحقج يجيج من هاي العين قبل هاي العين يعيون طالب انتِ بادلتني الشبكة وخنست بحضني بستها براسها وضليت امسد علئ شعرها واهدي بيها
واحجيلها كلام حلو لحد ماطيبت خاطرها سحبتها وكمت للغرفة دخلت سديت الباب وطفيت الضوة
وسحبتها لحضني وبستها براسها وضليت امسد علئ شعرها واهديها لحد مانامت ابتسمت علئ منضرها
شلون داحسة روحها بحضني بستها براسها وغفيت .
بعد مرور يومين
مريم
نايمـة وفـزيت علئ صوت ريحانة وهية تكول عزا العزاج اكعدييي .....
- يتبع الفصل التالي اضغط على (يأس القلوب) اسم الرواية