رواية يأس القلوب الفصل الثالث و العشرون 23 - بقلم رودة
part 23
صحتها للغرفة دخلت وكال ها شكو؟ كتلها اكلج تعرفين شلون اسوي اغرائات لباسل؟ ضحكت بصوت
عالي وكالت عزا العزاج شتسوين يمة تطشر العرض كتلها تعرفين لو لا؟ اذا تعرفين علميني الله عليج لين
باسل ديستهين بقدراتي ويكلي فاهية ماتدبرينها ضربت علئ خدها وكال بصدمة عزا العزاج بس لا
كتيلة اسويلك اغرائات؟ كتلها اي شبيج وبعدين هية شنو الاغرائات اغريه باكلة يحبها لو شوف شنو؟ كالت
باع الفاهية من امداني اي والله ولج باعي اغرائات يعني تركصيلة لو مدري شنو يعني هيج دتفهميني هية
كالت هيج واني صرت صفرة واعصر بعيوني هيج متتت بمكاني كتلها وصوتي يرجف عزا العزاني لعد
اجذبه الي يعني شنو خلت ايدها علئ عقلها وكالت بتفكير حسب معرفتي تجذبيه الج هاية بعد مصخمة
اكثر من الاغرائات هية كالت هيج واني طكيتها ببجية ومخلية ايدي علئ وجهي وهية طاحت بالكاع من
الضحك كتلها ببجي والله اني مااعرف بهالسوالف شمدرينيي اني شمدريني نوب يكلي فاهية متدبرينها
واني اكله موفاهية اعرف شلون اسويلك عزا العزاني ورجعت ابجي من الفشلة ومن الخجل وسارة كالتلي
تكبرين وتنسين ورجعت كالت والله حتئ لو كبرتي بعد ماتنسين وخلتني ابجي بالزايد وكفت وضلت تهز
بخصرها وتكول هيج الاغرائات هيج شمرت المخدة عليها وكلت ببجي نجبي واطلعي من الغرفة طلعت
وهية تضحك واني مغطية وجهي باللحاف من الفشلة باجر شلون راح اباوع بوجهة شلون عزا العزاني علئ
هاية الجفصات انيي شكو اطوخ بالحجي شكو .
باسل
سديت الخط منها واني اضحك والله لو تعرف المعنئ الئ تبجي هاية اذا هسة مادرت وكعدت تبجي بوية
شهل فطارة الشايلتها؟ نوب تعال ياباسل واصبر عليها، مسحت وجهي واني اذكر شلون خافت مني من عصبت
عليها شسوي جفصاتها تطير العقل ! هاية اذا صارت يمي تكوم كاليومية تنومني بجفصة وتكعدني بجفصة
ابتسمت علئ فطارتها يامحمد يوم عن يوم جاي يزيد حبي واهتمامي الها صرت اهتم وادقق بكل التفاصيل
الي تحبها وحسب انتباهي عرفت كـلش تحب الهدوء ماتحب الهوسة ومواجتماعية ،هادئة بعض الشيء،
حنونة، تجفص هواي وهواي تجفص وكلش هواي تجفص وبعد هواي امور، ضحكت ام الاغرائات شمرت
الاوراق الجنت اشتغل بيهم علئ الميز وباوعت للساعة بـ6 ونص المغرب خلي اخابر عمي استاذن منه ونطـلع
نغـير جو خابرت عمي استاذنت منه وقبل ماعنده مانع سديت الخط وكمت سبحت ولبست قميص اسود
وبنطرون اسود اكثر لبسي اسود مااحب الالوان مشطت شعري ورشيت عطر لبست الساعة وجريت
الحلقة من الميز اول مرة البسها اخذت المبايل والمحفظة وقبل لا اطلع من البيت دزيتلها حضري
روحج جايج بالطريق نطـلع شغلت السيارة وطلعت وببالي اخذها لمكان دائماً اروحله ومتاكد راح يعجبها
وصلت بس دكيت هورن طلع عمي والولد سلمت ودخلت وياهم جوة وكعدنا نسولف ونضحك وشوية
ودخلت ريحانة وبوية ياريتها ماداخلة لابسة تراكسود اسود رياضي وبيه علامة نايك ومسوية ذيل حصان
ومخلية حمرة تبهذلت احوالي مادري شلون سلمت عليها كعدت يمي وعمي كاعد بالجهة الثانية شوية
وكاموا طلعوا وهية ماتباوع بوجهي خجلانة ابتسمت بمكر وكتلها ها ام الاغرائات شو ساكتة كلت هية وهية
الوجه صار احمر دم عرفتها درت وخجلت طكيتها بضحكة وهية شوية وتبجي لا ارادياً سحبتها لحضني
وكلت بضحك ها متحجين ضمت راسها بصدري بخجل بلعت ريكي وبستها براسها وحبيت اغير
الموضوع وكلت اي موكتلج جاي بالطريق شو ممتحظرة رفعت راسها وكالت وهية تعدل بشعرها وين
نروح غير تكلي تقربت وحكيت لحيتي بخدها وبستها وكلت شعليج اني اخذج متردين تطلعين نأجلها كالت لا
حكوم ابدل واجي ابتسمت الها واني مسحور بشكلها وهية ايدها علئ خذها وصافنة بوجهي بلعت ريكي
واستغفرت الله وكتلها من هسة مااريد احجي غلئ اللبس ضيك مااريد مكياج طوخ مااريد هزت راسها
وكال تآمر اي بعد شنو مسحت وجهي وكتلها كومي بوية بدلي بعد كلشي مااريد بوية علئ حركاتها
الطفولية وبرائتها تسحن الروح كامت تمشي وحسيتها ماتمشي علئ الكاع علئ كلبي تمشي بوية علئ كلبي
طلعت والولد اجو يمي وساعة كاملة هية بس تتحظر اجيت اعوفها واطلع شوية ودخلت للأستقبال مكملة
ابتسمت علئ شكلها واستأذنت من الولد وكمنا طلعنا وصلوني للكراج ركبت بالسيارة وهية ركبت وحركت
السيارة وشمرت باكيت الكلنكس بحضنها وكلت بسم الله اي بوية خففي الحمرة .
ريحانة
دخلت للغرفة وسديت الباب وخليت ايدي علئ كلبي وكلت سبحانه مغير الاحوال من حال الئ حال اني ويم
باسل واخلي راسي علئ صدرة واكلة تآمر لا اكيد مسويلي سحر محبة يم ام عباس يمة من شوكت اني
هيج مسترخية ومطمئنة وعاجبني هالشعور ونوب قبل شوية جنة نتعارك وهسة متحابين وراح نطلع ونوب
لطيف وياية يامحمد وحنين نوب هاية حنيتة تسحن
روحي تسحنها نوب لابس اسود وين اضمه اني وين اضمه هسة غير كلبي يدك علئ كيف ماكو ابتسمت
وغمضت عيوني شهل شعور الحلو من اشوفه واتقربله حتئ احس بالامان ابتسمت وكلت بهمس الله يديمه
ومشيت فتحت الكنتور وطلعت تيشيرت وردي فاتح وبيه اسود وبنطرون غسلت وبدلت وبساع وكفت
امكيج وطوخت الحمرة واعرف تاليها تنمسح بس شسوي احب اعاند لفيت الشيلة ولبست الحذاء اكرمكم
الله اخذت الجنطة ورشيت عطر وسارة اجتي واكفة تعدلي مكياجي لين موهلكد اعرف اخلي رحت لماما
ومريم شافني كالن تخبلين اخر شي كملت واخيراً دخلت للأستقبال ابتسم الي واني الابتسامة شكت
حلكي شوية وطلعنا ركبنا بالسيارة وخلاني امسح الحمرة خففتها شوية وهوة يسوق انتجيت علئ الكشن
واباوع عليه شلون يسوق انتبهت لعروق ايده البارزة وشكلهم يموت ! تنهدت وكلت بكلبي عروق ايدك هذني
البارزات مواصلات لكلبك واصلات لكلبي ....
لمعت عيوني من الفرحة من شفت الحلقة بأيده باوعت لأيدي ابد مانازعتها ابتسمت باوعت لوجهة شلون
يسوق بجدية ومركز وحواجبه المعقوجات اخ منهم اخ فززني من كال اي وين وصلتي؟ درت وجهي علئ
الجامة بخجل دومي مفضوحة تنهدت الله شيصير لو نبقئ هيج دائما كلش ارتاح وياه ومااريده يبعد كون
دوم نبقئ هيج متصالحين وقريبين لبعض مااكو احلئ من هذا الشعور الي يغمرني بالسعادة وصلنا لمكان
ابتسمت واني اشوفها حديقة كبيرة والاضوية مزينتها ويم نهر دجلة طفة السيارة وكال يلا وصلنا نزل ونزلت
وياه مشيت وكفت يمه قفل السيارة مااحس الة قربني اله ولزم ايدي وبدة يمشي وضاغط علئ ايدي لا ارادياً
بادلته وهم لزمت ايده نمشي والهوئ يرد الروح مجرد مااشتم هذا الهوئ النقي ترتاح نفسيتي والهدوء
موضوع ثاني ناس بعيدين علينا وينعدون علئ الاصابع التفت علية وكال بابتسامة عجبج المكان كتلة
بفرح اييي كلش ابتسم وكف يم واحد واشترالي ذرة بديت اكل كتلة تريد؟ كال لا مااحبها كتلة ذوقها
لخاطري طيبة ابتسم وانطيته بالخاشوكة وذاقها كتلة ها طيبة ؟ كال وهوة يحك لحيتة بوية هوة كلشي من
ايدج طيب ابتسمت بخجل وضليا نمشي واني مجابة بايدة ونمشي ونضحك ونسولف صرنا بعيدين عن
الناس واكو كدامنا واحد يبيع شعر بنات واليمه ورد جوري ردت شعر بنات بس استحيت اكله مااحس الة
التفت علية وكال بحينة اجيبلج شعر بنات وتحبيني ؟ يمة هوة كال هيج واني انسحنت روحي ضليت بس
ابلع بريكي ابتسم وحك راسة واني دنكت ولازمة ايدة ضغط علئ ايدي ماحجيت ولاهوة حجة بس ابتسم
الية ولاارداياً هزيت راسي ضحك سحبني ومشينا وصلنا اشترالي شعر بنـات واخذ الي باقة ورد جوري
واني هيج كزكزت امشي واكل شعر بنات ولازمة الباقة مال ورد وهوة يضحك علئ شكلي واحلئ شي المكان
فارغ والبي ينعدون علئ الاصابع كعدنا علئ المصطبة وضليت اكل شعر بنات ومخلية الباقة يمي وهوة فتح
بطل المي شرب اني ملتهية اكل كال اجيبلج ازبري من هذا؟ كتلة لا داكل شعر بنات كام وكال لا راح اجيبلج
وراح يجيب ازبري من هذا الكدامنا واني اباوع عليه شلون يمشي ويمة اتذكر من كلي اجيبلج شعر بنات
وتحبيني لا ارادياً كلت بس احبك ؟ قليل ....
جابلي ازبري وهوة مشتري قوطية مال مشروب طاقة
مدري شنو كعد يمي انطاني الازبري وبديت اشرب بي وهوة فتح القوطية كتلة شلون تشربها واني اشرب
ببسي ادوخ ضحك وكال دشربي ازبري احسلج ابتسمت وشربت باوعلي وكال بضوجة اني شكو
اشتريتلج شوفي شفتج شلون صارت حمرة استغفرالله يامحمد بلا امسحيها بالكلنكسة مسحت
كتلة ماكو ميروح هز راسة وضاج واني متونسة اكيد هاية يسمونها غيرة هلا هلا وبدة كلام سارة يتحقق كملت وكتلة بعد كلشي لاتجيبلي حطك واسمن عفية
ضحك وكال ميهمني اني اريدج تسمنين كتلة لا مواصير محلوة كال بوية بكل حالاتج تخبلين ! بلعت
ريكي الظاهر اليوم ناوي يصعد السكر عندي ضلينا نسولف ونضحك وكالساعة صافن بوجهي صارت
الساعة بـ11 واحنا رجعنا للسيارة راح يرجعني للبيت لين تأخرنا طول الطريق اني منتجية علئ الكشن
وبديت انعس وهوة لازم ايدي ويسوق غفيت وفزيت علئ صوته فتحت عيوني بنعاس شفته متقرب ويكول
بهمس اكعدي وصلنا، عدلت كعدتي وجنت مطفية وماركزت شنو كال بس سمعته كال نعستي يروحي
ماانتبهت كتلة اي ابتسم ومسد عئل خدي وكال يلا وصلنا اخذت جنطتي وباقة الورد ابتسمت وكتلة شكراً
كلش تونست جر ايدي باسها وكال موتدللين؟ شكم ريحانة اني عندي يمة اجيت اموت من كال هيج اجيت
اموت دانزل وجرني باسني بخدي وكال تصبحين علئ خير رمشت وكتلة وانتَ بخير نزلت ودرت عليه
ابتسمت وابتسملي وهوة انتظرني دخلت يالة حرك السيارة صعدت بساع فوك دخلت للغرفة شفت سارة
ومريم كاعدات شافني وكالن هلا عيني تعالي صار كومة منتظرينج كتلهم بنعاس وفرح بنفس الوقت
دقيقة خلي ابدل واسولف الكم واجاني اشعار فتحت المبايل بساع وعيوني هيج غوركت من الفرحة واقرأ
وخليت ايدي علئ حلكـي وبجيت من الفرحة واني اقرا الشعر الي دازلي ياه ...
ما چان للموعد فَضل حبيتك من الصدفة !
شكراً لأن دگ الگلب و بأيدي صارت رجفة
و شكراً لأن وجهك ضحك لمّن صرت گدامة ..
ضايع عُمر يتشكرك حَس بطعم أيامة
تعرف معانات الذي سواك أهم أحلامة ؟
چانت ضحكتج مو إلي و تسحريني بيها هواية
و شتمنى من الله بعد ؟
تضحك گمت وياية
و تعرف قبل ما تِبتدي بينك و بيني حچاية
عاشرت اليعرفك ردت بلكت يسولف عنك ..
و هسة أني هنيالي گمت أسمع أخبارك منك
و تقربتلك و إنتهت كُل القساوة العندي
من تبتسم أنسى الحچي و ماعرف منين أبدي
حبيتك بگد ما چنت خايف أظل لوحدي !
قبلك چنت وكت الزعل ياهوة يهتم بأمري
بس هسة وين من ألتفت..
عَنك إذا صار الزعل گمت أنحضن من ظهري ! ):♥
(للشاعر حسين السعيدي)
ضليت اكمز واروح منا واجيي منا وصحتتت بفرح ...
يتبع .....
- يتبع الفصل التالي اضغط على (يأس القلوب) اسم الرواية