رواية يأس القلوب الفصل الثاني و العشرون 22 - بقلم رودة
part 22
واذا كدامْنا واحد بِجّه نموت
بكُل مَوضوع دَمعة ندخل أدينة
بيضّة كِلوبنة وكلش حنينّة
يتعَب غيَرنه يبيِن عَلينة
مريـم
طـاح المـبايل من ايـدي وبس صافنـة وحتئ مارمشت اريد ابجي علمود اطلع الحركة الي بكلبي اريد وحدة
تحجي تكلي الكلام الكاله احمد جذب وهوة مامريض محد حجت كعدت بالكاع وانهد حيلي اعصر بعيوني
بس اريد دمعة تطيح اريد ارتاح وتروح هالخنكة تقربت ريحانة حضنتني واني بس ساكتة والصدمة
قضت علية وضليت لا اخذ ولا انطي اريد بس استوعب الصار مااكدر شمرت روحي بحضن ريحانة
وتمسدلي واني كلشي ماجاي افهم احس روحي رحت بغير عالم بس عيوني مفتوحات وكلشي مااحس دقايق
وبس اشوف ماما تحجي وياي وتحرك بية وتبجي واني بس صافنة بوجهة ليش تبجي عليمن ؟وبابا
يحجي وياية يحرك بية حيل يريدني احجي واني كلشي مااحس اريد احجي اريد ابجي واشمر روحي
بحضن ماما واشكيلها كلشي بس مااكدر الصدمة قوية .
ريحانة
صافنة ودموعي تنزل مريم بس صافنة وكلشي ماكو بابا يحجي وياهة يهز بيهة وهية كلشي ماكو ماما
حضنتها وتصلي علئ محمد وهية لاحس ولا احساس فجاة كامت مشت بهدوء ونامت علئ الجرباية وتغطت
وماما يمهة وتمسد علئ راسها بابا وصل يم الباب وصاحني اني وسارة وراه ضلينة نتراجف طلعنا دخل
لغرفتي ودخلنا ورا وكف يم ميز المراية ويحرك بالتحفية الي علئ الميز وكال بهدوء اي شبيها مريم
احجـولي ؟ بلعت ريكي وكتلة مادري وسارة نفس الحالة باوع علينا وكال بهدوء شلون متدرن وانتن 24
ساعة يمها؟ شنو ماذيها هيج ومخليها تفقد؟ من شوكت اني يصير هيج ببنتي وتتبهذل احوالي
ومااعرف شلون اتصرف ؟ لهل درجة اني هلايام مامتقرب الكم وصاير صديق للكل واستمع الكم واعرف
شبيكم ومابيكم؟ لهل درجة صاير اب عديم المسؤولية ! مسحت دمعتي وتقربت لزمت ايده وكتلة
بهدوء ودموعي بدت تنزل دومك بابا جنت الاب المثالي الي تتمنئ كل بنية، موبس اب لا اب وصديق
وحبيب وبكل وقت جنت موجود النا وساندنا بكل الاحوال مافديوم كالت اخ من عدنا مافديوم كسرت
خاطر واحد من عدنا الة وانتَ مراضي دومك مسؤل عن كلشي وشايل حمل كلشي وتركض منا ومنا بس
علمود توفر كلشي وماننكر سنين انتَ تعبت وشصار بية بس ضليت مقاوم بكل وقت وخليتنا شيصير ويانة
نلجئ الك حتئ لو كنت مامتقرب النا هلايام احنا
نعرف انتَ موجود ويانة بكل وقت وموشرط تتقرب
النا علمود نحجيلك حتئ لو ماتقربت احنا نعرف عدنا اب وسند مايتعوض ولا احد نفسه ومميز بكلشي وابد
لا تفكر بابا بيرم انو انتَ اب عديم مسؤولية انتَ اب عظيم وشايل كل المسؤولية ومجرد هلايام مشغول
وعندك تراكم بشغلك ورغم كلشي تخابر وتسأل ومامقصر ورفعت ايدة بهدوء وبستها وكلت انتَ طالب
مو اي واحد سحب ايدة وضمني لحضنة حيل واني بادلته الحضن وسارة تباوع علينة ودموعها تنزل فتح
ايدة بابا الهة وركضت شبكتها وشبكنا ثنينا ويبوس براسنا وساكت ماحجة شي بس ادري بي مقهور
وضايج رفعت راسي وبسته بخدة وكلت لاتضوج بابا ومريم والله فترة وتصير زينة لاتخاف ومجرد صايرة
وياهة مشكلة شخصية متحب تشاركها وية احد وجاي تحاول تحلها وهية واعية وتعرف شلون تصرف وتجاوز
كل هذا هز راسة وكال ان شاء الله يلا وخروا موعجبكم حضني وراي شغل ابتسمت وكتلة هوة منو
ميحب حضن الاب يابابا اشو كل الامان هنا باسني بخدي حيل وكال شهل كلام بوية انتم الامان انتم سارة
كلتلة لعد بس هية تبوسها واني؟ باسها وكال ها ارتاحيتي ضحكت وكال اييي ضحك وطلع من الغرفة
سدت سارة الباب وكال اي هسة بدة الحساب كتلها بقهر ياحساب سارة وخري مقهورة كلش علئ مريم
وهسة تلكيها زعلانة مني لين جذبت عليها كالت اني هم مقهورة وضايجة ومشتعلة بالزايد من وراج كتلها
ليش اني شمسوية تقربت وعتتني حيل من القميص وكال اني شكايلة اذا تلبسين ملابسي بلعت ريكي
وكتلها
شبيج هوة قميص ولزمتني من ضفيرتي وصرنا من الروس مااحس الة عضتني من خدي وماتقبل توخر
ضليت ابجي وهية بعدهي عاضتني دخلت ماما للغرفة سارة بس شافتها شردت باوعت علية وصاحت بعصبية
سارة شمسوييية بالبنية تعالييي ولج تعاليي وطلعت ماما تركض وراهة هية وبطنها المدعبلة ضليت ابجي
واضحك باوعت بالمراية عزا العزاج سارة باع اثر العضة طركاعة نوب مكانها يوجعني رحت بدلت
وغسلت وطلعت كريم مرطب خليت لوجهي نزلت جوة لكيت سارة تنضف بالمطبخ وتدردم شافتني
ضحك وكالت حللل علمود تتوبين وحتئ لو ماما خلتني اغسل الاماعين كلهم عادي المهم عضيتج
وشفيت غليلي كتلها بقهر بعد لاتجيني علئ ملابس ولا هـاي كالت شنو ضجتي ولج ؟ هية عضة لو عضتنا
تبزبز وعضت هذوليج الناس عادي تستقبليها مثل العسل كتلها نجبي ولاتحجين هيج ادبسز يعضني هوة
بس مونفسج عضتج جنها مال خليني ساكتة اما هوة وجفصت وكلت يعضني ونوب يبوسني مونفسج
وانتبهت علئ روحي شنو حجيت وسارة ضحكت بصوت عالي وضلت تكول ها ولج ها وطلعت من
المطبخ فشلانة وخجلانة دومي مجفصة يالله صعدت فوك اخذت مبايلي شفت رسالة من احمد مسلم وهاي
وكايل شلونها مريم سولفت الة انو درت وانهارت ولحد الان كلمة وحدة محاجية كبل دز رسالة راح ادك بس
جاوبي وانطي لمبايل لمريم كتلة تريدها تنهار لا مستحيل كال بس خلي احجي وياهة تنهدت ودزيتله
تمام دك ورحت لغرفة مريم بساع الضوة طافي دخلت وقفلت الباب تقربت لكيتها علئ الجرباية متمددة
ومغمضة عيونها عرفتها كاعدة تقربت خليت المبايل يم اذنها وطلعت من الغرفة بهدوء مسحت دموعي
وكلت ان شاء الله ينحل كلشي وترجع مريم الي اعرفها .
مريم
سمعت صوت بالغرفة مافتحت عيوني شوية وسمعت صوت هز كياني وهزني هز كال بهدوء مريومتي؟
وفجاة بدون مقدمات نزلت دموعي اني بحلم لو حقيقة؟ ورجع كال بهدوء وصوته يرجف عافية احمد
ماتحملت وشهكت وضليت ابجي بجي ماصاير ومااكدر احجي بس اشهك وكتله وصوتي يرجف وينك
عني؟ شهكت وكتلة جذاب موكد الوعد جذاب شنو كلبك هذا ميحس بية بية ميحس شهكت وكتلة كلبك
موكلب صخرة وعليها ضلوع !مو احس بيك؟ ليش متحس بية ؟لاتكلي احس بيج لوتحس بية ماتسوي
هيج وتحرك كلبي بالزايد فوك ماهوة محروك كتلة متحجي شعندك ساكت؟ ومنين شايل هلاعصاب الباردة
متونس وانتَ تشوفنييي هيج متعذبة متونسس وانتَ تشوفني ماانام ليلي اذا ماابجيلك وادعيلك متونس من
تشوفني متعذبة وشي ياكل بية اكل متونس ورجعت ابجي غصيت بالبجي وكال موزين اني مريم موزين
يمة هوة كال هيج وفرفحت روحي كتلة اني هم موزينة والله اني هم شهكت وكتلة السرطان الي ياكل
بيك اكل تمنيته بية اني وموتني وخلصانة موبيك موبيك كال بسرعة اسم الله بوية اسكتي كافي بجي
مااستاهل اني تبجين علي هيج مااستاهل اين واحد ناكر وجذاب وموكد الوعد وفوك هذا كله مريض وعلئ
ساعة الساعة اموت ،كتلة بحركة لتقشمرني بهذنيي اعذارك جنت تكدر تكلي مريض وشهكت وكتلة
ومااعوفك ورجلي علئ رجلك وياك بالمرة قبل الحلوة وجنت اكدر احفزك واكلك انتَ كدها وراح تصير زين
واني اداريك بأدية واشيلك بروحي بس انتَ شسويت هاا شسويت اجيت وكتـلي اني اجذب عليج وقشمرتج
ومااحبج واريد اندمج واعذبج واني راح اتزوج وعفتني هيج الوب بمكاني واكل بروحي اكل هيج
روحي فرفحت تفرفح لين حبيتك هيج جزاتييي هيج هيج تجازينيي وتحرك كلبي بنار ونفط جاوبني بهدوء
مردت تكملين حياتج وياي خفت اعوفج واموت
وتتعذبين وراي ،خفت اروح من هاي الدنيا وانتِ متعلقة بية ردت اكرهج بية بس احجي وياج هيج
واروح ابجي اي ابجي اني الما ابجي علئ احد وميهزني احد بجيت عليج انتِ ! هزيتيني انتِ هيج
بعز المرض والوجع اني اصيح باسمج واكلهم جيبولي ياهة اريدها بس هية تداوينيي يم الغرب انيي
ومتحسر لشوفتج بنص الجرعات واتذكرج طاح شعري وحواجبي ورموشي وكلت ميخالف كل هذني راحن
مني وكلت الحمدالله علئ كل حال بس انتِ ماردتج ترحيين منيي ماردت ترحين وين اكووو واحد يكدر
يعيش بدون روحه؟ وانتِ هذا النفس اليصعد وينزل وماكدر اعيش بدونه بوية كتلج انساج بس بوية انتِ
روحي وياهوة يكدر ينسئ روحه ياهوة فهميني باليوم اموت الف موتة عليج وكاره نفسي وكرهت كلشي
صدكي بس ماكرهتج ماكرهتج انتَ نقطي ضعفييي الوحيدة لو رداو يلون ايدي لو يهدونييي يحلفونيي
بيج يدرون بيج انتِ نقطة ضعفي ! شلون تتوقعين انساج ردت ارجعلج واني بخير لين ادري بيج تتعذبين
وياي ردت اصير بخير علمود اعيشج بخير بس بعد باعي التحاليل مابقئ شي وتطلع وجاي من الهند ارتاح
يوم باليوم الثاني تلكيني ببابكم وطالبج من ابوج وعسئ لو يكلي الدكتور هاي اخر ايامك فاني اريد
اكضيهم وياج ودمعة وحدة ماانزل من عينج واعوضج وانسيج كل هذا القهر واشتعل احمد واشتعلت عشيرة
احمد اذا بعد عافج لو ابتعد عنج تسمعيينييي ولا تكليلي ارفض ومااقبل ومن هذا الحجي باعي روحي
طالعة ومفرفحة ومحمد وحيلي مهدود هد تقبلين وغصباً ماعليج وبوكتها نعرف شلون نتحاسب ونتعاتب
تسمعييني وهسة تكومين وتغسلين وجهج وتبطلين بجي واذا سمعت من اخواتج باجية العب بيج طوبة
ومحمد محد يستاهل تبجين عليه حتئ انيي وهاي لخاطرج راح اكوم اشرب الدوة المغلس علي ومنتضر
صحتي تنهدم بس هسة لا اذا اريد اعيش وانسعد فبس علمودج موعلمود احد ثاني !هوة يحجي واني
دموعي تنزل وامسح بيهم شوية ارتاحيت من حجة وياي من كال علمودج شهكت وكتلة اكرهك كلش
اكرهك تنهد وكال اني هم اموت عليج كتلة لاتحجي وياي ولا تكلي احبج ولا هاييي بعدنيي مقهورة
وضايجة كلش منك ولاعبالك بهذا كلامك صالحتني ترا بعده كلبي محترك منك بس سكتت مااريد اتعبك كال
لابوية انتِ كل راحتي عليش تتعبيني احجي انطلقي ريلاكس اني اريدج تفرغين الي بكلبج؟ علمود تهدأين
وترتاحين كتلة بخوف احمد انتَ صدك دتحجي وياية وكلامك كله صحيح يعني مجاي تجذب علية ورجعت
بجيت كال بهدوء استغفرالله بوية هية غلطة وراحت بعد ماتتكر ومحمد وين اعوفج بعد وين هوة اني
محتاج شوفتج واتلهفت علئ الجية ترديني هسة اعوفج بس ادعيلي بوية ادعيلي بلكت التحاليل تجبر
خاطري شوية بجيت وكتلة سودة علية سودة علية تنهد وكال اسم الله ياعيني وماي عيني ونور عيني
وعيني ابتسمت ودموعي تنزل صار شكد مسامعتها منه كتلة بهدوء ودموعي تنزل احمد كال عيوني وكلبة
وروحة كتلة فدوة بعد لاتعوفني والله اني مااكدر بدونك والله ابد مااكدر متعلقة بيك اني شلون الطفلة
ومتعلقة بابوها والله ماتخيل حياتي بدونك كال للموت وياج بنيتي للموت اذا اكو شي يبعدني عليج بعد
فبس الموت صدكي ! هوة اني الماكدر بدونج وتعلعت وراج كتلة صوجك ليش عفتني هاا كال غلطة وماتتكرر
بعد ، سكتت ورجعت كتلة بهدوء اليوم كلش انقهرت من سمعت الطلاب يكولون متزوج تنهد وكال يامتزوج
بوية مريض ورايح اتعالج ومشعول شعل خلي يولون يحجون بحدهم لاتتاثرين وتنقهرين يماي عيني
ماتحلالي وحدة غيرج صدكي كتلة زين هسة انتَ شلونك كال من حجيت وياج صرت احسن والله
مسحت دموعي وكتلة لعد بعد كالساعة احجي وياك علمود تصير دومك زين ها كال يابوية هسة اني
شحجيي نوب خاف احجي كلمة وتسدين الخط بوجهي ضحكت وامسح بدموعي كال اي هيج سمعيني
صوتج وانتِ تضحكين بوية والله جنت فد ضايج ومقهور هسة من حجيت وياج يالة تعدلت احوالج
محتاج مريم حيل محتاج اني تايه بدونج كتلة بحنية بتعبك بحزنك بمرضك بفرحك عالحلوة وعالمرة
وعالفرحة وعالحسرة اني وياك ماكو شي يبعدني او يفرقني عنك بكل الاحوال اني وياك ومتقبلتك تنهد
وكال يبعد الكل يوحدة لاغية دور الكل ابتسمت من كالها ورجع كال اسف مريم اسف سكتت ورجع كال
احـبج حيـيل احبـج محد يحـبج بكـدي محـد وانتِ؟ كتلة شنو اني كال تحـبيني ؟ كتـلة لا شهل ثقة هم
قاهرني ومضوجني ومطلع روحي ويريدني احبة سكت ورجع كال الدكتور كال بس تتعبت نفسيتك لو
احد يضوجك بكلمة يأثر عليك وبكيفج بعد خفت وكتلة بسرعة اسفة والله موقصدي والله احبك هواية
كلش هواية مااسمع بس صوت ضحكته بصوت عالي عرفته قشمرني عضيت شفتي بخجل وكتلة بعد تحلم
اكلك ياهة تحلم كال بهدوء عادي اني احبج وادري بيج تحبيني كتلة بهدوء يلة فكر شلون تراضيني ترا
بعدني مقهورة ها كال اجي للعراق ويصير خـير واعرف شلون اراضيج سكتت وحسيت هم وانزاح مني
اني بدونه مااسوة شي مااسوة وضل يسولف وياية وسولفي كلشي سواه بغيابي واني دموعي تنزل
بسكوت ماردت اكله دزلي صورتك خفت ينجرح بس ادري بي صاير حلو بالزايد بكل حالاته يخـبل مايهمني
شي ثاني بس هوة يهمني ماردت اسد الاتصال لو اكله شلون تسوي بية هيج وشنو تضحك علية واعاركه مرة
ثانية لين لاهوة بيه حيل ولا اني بية حيل ثنينا حيلنا نهد والله ومجرد اعتذاره وتبريره وكلامه وياي هذا
كلش كافي نساني بي الدنيا مايحتاج ازعل عليه واخرب كلشي من جديد كافي تعبت ردت كلشي يصلح
وماردت اتعبه سودة علية فوك ماهوة تعبان ان شاء الله يصير زين وتكمل فرحتنا من بعد نقاش طويـل
كلي يلا كومي غسلي وانزلي يم الاهل وشوفي شبيهم مابيهم لاتخوفيهم عليج ولا هاي انتِ قوية بوية واني
وياج نكدر نتجاوز كلشي تمام ياحيلي؟كتلة تمام يروحي كال بسرعة والله انتِ روحي انتِ ابتسمت
وشوية وسدينا الخط كمت لميت شعري وطلعت من الغرفة والابتسامة مرسومة علئ وجهي وجهي احمر من
البجي وعيوني محورة بس رغم كلشي مبتسمة رحت لغرفة ريحانة دخلت شافتني تفاجاة كتلها بهدوء هذا
مبايلج واسفة اذا تأخرت داطلع كالت لا عادي شسالفة اوكفي مريم والله اسفة لين مكتلج بس موبيدي والله
رت عليها وكلت بأبتسامة عادي مصار شي حضنتني وكالت ابقي هيج مبتسمة ابقي وارجعي مريم القديمة
مامتعودة اشوفج حزينة مامتعودة بادلتها الحضن وكلت ان شاء الله يروحي رحت لغرفتي واخذت
ملابس ودخلت اسبح وهالمرة جوة الدوش وبجيت من الفرح عكس هذيج المرة
اما بعد ....
(ومن بعد صبر طال ايام ،جبر الله قلبي بما تمنيته )
ريحـانة
طلعت مريم من الغرفة واني الابتسامة مرسومة علئ وجهي الحمدالله ياربي الحمدالله كلش فرحت ولاعبالك
هاية مريم الي قبل مدري شكد بس تبجي ومنهارة الحمدالله ياربي فزيت المبايل يهتز بأيدي باسل كمزت
جاوبته وكتلة الوو رد علية بعصبية صاررر ساعتين اتصل علييج ويطلعليي متـصل ويينج عد منو المبايل
بلعت ريكي وكتلة والله جان عد مريم تخابر بي مويمي ومادري بيك دتتصل كال بعصبية اي حقج
شمدريج يهمج باسل انتِ، وكتلة بكل ثول وعدم انتباه يااا شبيك باسل جنك ثور بس تصيح وانتبهت علئ
روحي شنو حجيت واجاني صوته اليرعد رعد ولج منو الثور غمضت عيوني وكلت بهدوء عزا العزاني علئ
هاية السحك ورجع كال بعصبية احجييي وياج منو الثور بلعت ريكي وكتلة ....
يتبع ...
- يتبع الفصل التالي اضغط على (يأس القلوب) اسم الرواية