رواية يأس القلوب الفصل الحادي و العشرون 21 - بقلم رودة
part 21
اجت تحجي كتلها بدون كلام كعدت يمي علئ الجرباية وتمددت وغمضت عيوني وكتلها راح انام
واتمنئ اكعد ومالكاج يمي علمود اعرف شنو اسوي بيـج بديت اغفئ وحسيتها شبكتني ابتسمت بتعب
وشبكتها وهمست يم اذني طلكني يجاسم ضحكت واني بالكوة مفتح عيوني وكتلها صار هسة خلي انام
ومن نكعد اني اعرف شلون اطلكج بستها بخدها وضميتها لحضني حـيل وهمـست احـبج جوريتي
بادلتني الحضن وكالت موبكدي طالب موبكدي وغفيت واني حاضنها وبحضنها انمحئ گل التعب .
ريحـانة
فزيت علئ صوت المنبه والحسين اجيت ابجي مادري شلون كمت غسلت طلعت من الغرفة رحت لغرفة سارة
فتحت الباب علئ كيفي ودخلت فتحت الكنتور مالتها واخذت التـيشيرت مالتها الاصفر الجديد وبيه رسمة
ووياه بنطرونها البوي فريند ويصير لونه جينز فاتح وطلعت علئ كيفي مشتريتهم جديدات وكالتلي بس
تلبسيهم امسح بيج الكاع بس شنو عجبني وقياسي هلا هلا رحت للغرفة بساع بدلت وخليت مكيـاج
وطوخت الحمرة شوية بس التيشيرت شوية ضيك علية من فوك بس مااهتميت لين الشيلة علئ تنزل
وميبين ضيك ولفيت الشيلة ورشيت عطر ولبست الحذاء الرياضي واخذت الجنطة والملازم ونزلت شفت
ماما دتحظر بالريوك شافتني ابتسمت وكالت صباح الخير يحلوة شهل جمال امي ابتسمت وشبكتها وكلت
يمة صباح العافية يالعافية اي غير طالعة حلوة عليج ضحكت وباستني كتلها وين بابا كالن ديـسبح ودحضر
اله الريوك لين عنده شغـل كتلها بوسيلي ياه بعد ماالحك علي وسمعت باسل يطوط اخذت تفاحة وكتلها
بعد ماللحك اتريك اجاني باسل بستها وكلت بيباي امي كالت الله وياج بعد كلبي ديربالج علئ روحج
وعود تريكي ولا تعبين روحج طلعت امشي علئ السريع وكلت صار يمة صار فتحت باب السيارة
وصعدت وكلت صباح الخير رد علية صباح النور ويمه ريته مارد بوية سحن روحي شطالع بالبس العسكري
بلعت ريكي ودرت وجهي علئ المراية وكلت بكلبي لاتباوعين عليه لا تباوعين بس تباوعين تجفصين
مسحت كصتي وابتسمت وكلت بكلبي هسة خلي نتحاسب طلعت مبايلي من الجنطة وكتلة باسل كال
وهوة يلوف بالسيارة ها؟ كتلة منو اسراء؟ توقعت راح ينكر بس كبل كال شعرفج بيها عوفيها ختولي درت
وجهي بعصبية سكتت وماتحملت وكتلة بساع اي منو هاية ومنين تعرفك وشعدها وياك وشكو تسأل عليك
اصلاً كال بهدوء موكتلج لا تهتمين عوفيها ختولي كتلة معلية هسة تكلي غوركت عيوني وكتلة تحبها مو؟
وكف السيارة بساع وكال شلون احبها واني اح وسكت ماكمل واني بوية شصار بية بوية اجة يكول احبج لو
اني غلطانة يمه بلعت ريكي وكتلة اي كمل مسح كصته وكال شكمل خليني ساكت احسن بوية هاية
وحدة طايح حضها حشاج ساحلة روحها وكاليومية داخلة الي من حساب فتح المبايل ودخل علئ محادثة
جر ايدي خلة المبايل وكال يلا شوفي وارتاحي خلي اشوفج وين توصلين بعد باوعت عليه ببرائة وكتلة اخذ
المبايل ادري بيك ماعندك شي اثق بيك صفن بوجهي ومسح كصته وكال لاتباوعين علية هيج لا تباوعين
ونساني ام الموضوع عود جنت مقرة ادخله تحقيق تالي نضراته دوخني لو ماعيب جاكعدت اتغزل بيه بس
عيب خرب المانيا رجع كال بهدوء باعي سوالف الشك والغيرة ابد مااحبهم لذا بطليهم وبطلي هاية ردات
فعلج لين اذا عندي شي وسألتيني كبل راح اجاوبج ماخايف من شي واجاوبج بكل صراحة لين اذا بقيتي
هيج العب بيج طوبة ومحمد يمة خوفني رمشت وكتلة لا اني والله خوش بنية واتفاهم ولا اغار ولا هاي
وبعدين شكو اغار عليك والله يالله كال بلا شوفيني محادثتج وياهة؟ هوة كال هيج واني فتحت عيوني
حيل يمة راح يشوفني شحاجية وياهة والعباس استحي يمة ونوب كايلة الها عن قريب زوجته وحبيته
ياكاع انشكي وبلعيني كتلة ها تاخرت علئ الجامعة عود بعدين اشوفك يلا وصلني طلع جكارة ورثها وكال
انطيني المبايل وبلا لف ودوران بساع اجيت احجي كال بساع فتحت المبايل ودخلت علئ المحادثة
وانطيته المبايل ودرت وجهي علئ الجامة واجيت ابجي من الخجل والفشلة وهوة كال حلو عن قريب
زوجج اي من شوكت حبيتيني الله الله نوب طلعنا اني
وياج كلش متفاهمين بوية هاي قوية متقبلتني بكل
حالاتي جيد بعد لاتجيبين اسمج علئ لسانه هوة يحجي وعيوني دمعت من الفشلة مااحس الة سحبني من ايدي
وجهي صار مقابيل وجهة وعطره الممزوج وية ريحة الجكاير يسحن الروح هذا عطره يسويلي واهز اعزم الدنيا اعلئ ريتي كال بهدوء وعيونه الناعسات
مركزات بعيوني هديتي حيلي شـنهاي بوية حتئ السكر صعد عندي نوب يحير السكر منين يصعد من
ورة هذا كلامج لو من ورة وسكت وتنهد ورجع كال شكلج اليرد الروح مد ايدة تلمس خدي وكال هسة
عرفت ليش هلايام يومي يمر علئ خير وكله احداث حلوة اثاري لين كاليومية اصبح بهل وجهة الحلو
المخدخد يمة هوة يحجي واني ابتسمت ابتسامة مال وحدة عبالك سكرانة مااحس الة مد ايدة اخذ كلنكس
ولزم وجهي ومسح الحمرة وطير نص الايلاينر ويمسح بمحمر الخدود لعب بوجهي طوبة حتئ مالحكت ابجي
باقية صافنة بوجهة ضحك وكال شني بوية الو وين رحتي وفزيت من صفنتي اجيت ابجي من الفشلة
والخجل درت وجهي علئ المراية وصرت حصر وية الباب وهوة كال اخ يابة امسح وجها من هذا المدري
شنو مخليته لخدودها وتاليها تخجل ويرجعن حمر صبرني يخو زينب ورجع يسوق واني مغطية وجهي
من الفشلة نسيت كلشي وبقئ بس هذا الموقف ببالي عزا العزاني شصار بية شو صايرة مااستحي يمة بس لا
صرت نفس سارة رجع يسوق وبفضله وبفضل جهوده المبذولة تاخرت ربع ساعة علئ المحاضرة والاستاذ
ماقبل يدخلني وبالكوة دخلني وهالمرة صدك بجيت من الفشلة .
باسل
نزلت من السيارة واني اتذكر ابتسامتها وفهاوتها واخرب ضحك بوية هاي عود بس صفنت بوجها
مسحت كصتي شسوت بية يامحمد نوب شطالعة اليوم كيكة وين اضمها وين؟
بوية انهزم منج وتتقربين؟
واتقرب وتنهزمين مني ؟
الفارة والبزون شوكت نبطل منهه ؟ .
احمد
فزيت بساع من الحلم وكلت بتعب مريم تنفست براحة ومسحت كصتي وتنهدت وكلت حتئ باحلامي
مامفاركتني بس حلم اليوم غير ! تحلمت جن اني بغرفة وبيها هواي ناس وهوسة مشيت وصاح واحد
بأسمي درت وجهي شفته رجال طويل لابس اسود وجهة نوراني كالي تقرب هنا؟ تقربت واشر الي تمدد
علئ السدية تمددت وتلمست راسي جن شعري طالع تفاجات باوعت علئ الرجال انطاني كوب مي كلي
اشرب شربت اجة كومني ودك علئ ضهري وكال روح هاهية مابيك شي وطلعت من الغرفة كلشي مافاهم
شيقصد وشفت مريم اجت من بعيد تركض جاي تحضني وفزيت مخترع يابوية شهل حلم مديت ايدي
للمبايل شفتها الساعة 10 الصبح شفت استاذ وياي بالجامعة داك علي دكيت عليه جاوبني سلم علي
وتحمدلي بالسلامة وسألته يعرف مريم هوة كتلة مداومة لو لا؟ كال لا والل صار فوك 10 ايام مامداومة
واليوم مادري بيها داومت مدري لا مسحت كصتي ورجعت احجي وياه كملت سديت الخط وصحت اخوي
ساعدني وكمنا تمشينا بحديقة المستشفئ، ارتاحيت شوي جنت مخنوك حـيل .
مريم
دخلت للجامعة انجبرت اداوم اليوم بعد ما كثر غيابتي وجنت مقررة اجل هاية السنة ماضل الي نفس اكمل،
شفت صديقاتي سلمت عليهم بهدوء وكلامي محدود وياهم مالي خلك احجي وبالكوة داتظاهر بالقوة خايفة
اشوفة ومااتحمل وانهار ،البنات يسولفن وكالت وحدة بنات استاذ احمد صار 15 يوم ممداوم فزيت وبلعت
ريكي وضليت استمع لحديثها جاوبتها وحدة اي يمعودة الطلاب ديكولون مزوج وماخذ مرته ومسافر
شهر عسل هود وبعد كم يوم يجي هية كالت هيج واني رجف جسمي اخذت جنطتي ومشيت بساع
مادري شصار بية دكات كلبي انخفضن حسيت روحي اختنكت مسحت دموعي النزلن مدري شوكت بساه هذا
هذا الكلام همة يطلعوه جذب مامزوج جذب لكيت روحي طالعة من الجامعة وواكفة بالشارع اشرت
لتكسي وصعدت كبل انطيته عنوان بيتنا وصلني انطيته الكروة ونزلت دخلت للبيت امشي بهدوء شافني
بابا كال اجيتي ؟كتلة واني احاول ابين طبيعية اي بابا شوية تعبانة وماردت اضغط علئ روحي تقرب باسني
براسي وكال تمام بوية اصعدي نامي وارتاحي ومن تكعدين نحجي هزيت راسي صعدت امشي علئ الدرج
بهدوء دخلت للغرفة سديت الباب شمرت الجنطة فتحت الكنتور طلعت دشداشتي القصيرة ودخلت
للحمام نزعت ملابسي ودخلت جوة الدوش ودموعي بدن ينزلن وبس صافنة واردد مامزوج مامزوج جذابين
يألفون حضنت روحي وبجيت حيل وضليت اشهك كعدت بالكاع والمي ينزل علية وابجي واهتز تعـبت
تعبـت زين واذا طلع متزوج صدك وشهكت ورجعت ابجي ساعة كاملة وكمت سديت الدوش بدلت وطلعت
وامشي بالكوة شغلت السـبلت ونمت علئ الجرباية وشابكة روحي وابجي بهدوء وخايفة وداخلي يبجي
عليه وكعدت اتخيله صدك متزوج لو يحضنها لو يتغزل بيها وبجيت لحد ما ريكي يبس وحسيت
بلاعيمي يبسن ودموعي مستمرة تنزل واردد خاف نساني وسواها صدك وضليت هيج لحد ماغفيت
ودموعي غفن وياي علئ خدي .
سارة
رجعت من الدوام كبل رحت غسلت وبدلت ورحت يم مريم فتحت باب الغرفة ودخلت علئ كيفي شفت
السبلت مشتغل والغرفة باردة ثلج طفيته بساع ورحت لمريم نايمة وعليها غطة خفيف وشعرها مبلل خفت
خاف متمرضة تلمست وجها الحمدالله مامصخنة كعدتها علئ كيفي كعدت وكالت بتعب ها سارة تقربت
ونمت يمها وشبكتها ةكلت بقهر ها يروح سارة شبيج شلونج اليوم هزت راسها وكالت وعيونها مدمعة موزينة
تنهدت وكتلها لسش وكعدا تحجيلي واني شابكتها ودموعها تنزل واني امسح بيهم وبالكوة لازمة روحي
وماابجي شهكت وكالت تتوقعين تزوج ونساني بلعت ريكي هسة شنو اكلها يالله كتلها تتوقعين يسويها؟
باوعت علية وعيونها مدمعة لا مااتوقع بس شس بداخلي يكلي اكو شي مسحت علئ شعرها وكلت
هاهية لعد انتِ تدرين بي ميسويها شكو تنقهرين وتبجين ويجي يوم وتعرفين كلشي بعد عليمن تبجين
واذا تزوج الله يوفقة شنو باقية علية؟ ماحجت شي بس كالت طلب؟ كتلها شنو كالت انتن موحجيتن وياه
هذاك اليوم فدوة سمعيني المكالمة بس اسمع صوته والله كلبي طاك عليه بلعت ريكي وكتلها نمسحت
ماسجلتهم عدلت كعدتها وكالت بتعب جيبي المبايل اني اعرف ارجعهم كتلها بسرعة لا لا متعرفين عوفيهم
كامت وكالت بعدم فهم وشبيج خفتي شنو كال الكم بالمكالمة؟ موكلتن كال خلي تنساني وهاهية وشبيج
هسة خايفة ها ؟ ترا كلشي مااسوي بس اسمع صوته وهاهية هزيت راسي بمعنئ لا تقربت وكالت جيبي
المبايل اريد اسمع المكالمة واتاكد بنفسي وعاجبني اسمع كلامه الجارح رجعت ليورا وكتلهة مريم كتلج
ماكو اهدئي وانفتح الباب ودخلت ريحانة وكالت هلاو بنات اجيت دخلت وسدت الباب وكال شكو شبيكم؟
مريم باوعت علية وكال سارة جيبي المبايل اريد اسمت التسجيل مال مكالمة بساع لا والله العب بيج
طوبة جيبي باوعت لريحانة فتحت عيونها بصدمة وباوعتلي نسيت ام السالفة من شفتها لابسة ملابسي الجديدات يمة كلبي وبدون مااحس مريم سحبت المبايل من
ايدي داخذه منهة بس ماكدرت ودخلت بساع
للتسجيلات واشتغل التسجيل وبدت تستمع وبس ترجف لحد ما كال احمد بية سرطان طاح المبايل من ايدهة ...
- يتبع الفصل التالي اضغط على (يأس القلوب) اسم الرواية