رواية يأس القلوب الفصل العشرون 20 - بقلم رودة
part 20
گعِدت من الحلمّ بَاچي
خِسرتك بالصّدك والطيف !
بـاسل
اشتـاقيتلي؟ ضلت ساكتة وتباوع بوجهي نوب مبتسمة يايابة عليها خدود توكف كلبي من تبتسم ،تقربت بست
خدها علئ كيفي وكلت بهدوء اي اشتاقتيلي واني مادري كالت بخجل مادري ضحكت وكتلها شنو متدرين
كالت كافي باسل مادري عفية والله استحي ابتسمت بهدوء وصفنت بوجها بوية شكد احبها ! صدمتني من
كالت زين وانتَ عود يعني هم اشتاقيتلي بلعت ريكي وكتلها بعدين اجاوبج علئ هذا سؤال وابتسمت الها
واني ارجع خصلو من شعرها ورة اذنها هية ارتبكت وخلصت روحها
مني وكامت وتعدل بشعرها الي بس شوفته ترد الروح وكالت وهية مرتبكة عيب عمة منتظرتك جوة تريدك تتغدا وبساع
فتحت باب الغرفة وطلعت ركض ابتسمت علئ منضرها مسحت وجهي وكلت اللهم ان كان هذا سحراً
فأبطله كرفس وبحضني لا مااصدك !كمت سبحت ولبست الشورت والكيمونة ومشطت شعري ورشيت
عطر ونزلت وصلت للمطبخ شفتها تساعد بأمي ابتسمت علئ منضرهم تقربت بست امي وكلت الله
يساعدج يالغالية باستني وكالت هلا بيك يروح امك شوف عيني اليوم منية منورتنا مرتك حكيت راسي
وكلت اي هلا بيها اباوعلها ترتب بالصينية وماترفع براسها خجلانة باوعتلها بمكر وتقربت صرت وراهة
ومديت راسي وكلت اي جاي تسوين هية كمزت وكالت بهمس باسل عيب منا
عمة وخر من يمي كتلها بهدوء شبيج ترة بس كتلج شنو جاي تسوين ؟وهمست يم اذنها ترا لا جاي اشبكج
ولا ابوسج واذا تردين اشبكج هسة وكدام امي فماعندي مانع ؟ جمدت بمكانها واني عفتها ورحت
للأستقبال والله يالله هسة اني شكتلها تنهدت وحسيت بوكتها تعب 10 ايام كلة راح مني بضحكة وحدة منهة كدرت تنسيني همي .
ريحانة
كال هيج وراح للاستقبال خلاني جمدت بمكاني من الخجل طركاعة اي والله كرصت روحي علئ كيف
وكلت وانتِ ادبسز مكيفة هستوج من جنتي بحضنة ماعرفتي تكومين وتطلعين ضليتي مسنحة استغفرت
الله وصحيت علئ صوت عمتي وهية تكول يلا ريحانة تعالي تغدي ويانة دخلت للأستقبال وكتلها لا عمة الف
عافية شبعانة والله كال باسل تعالي كعدي هنا اجيت احجي اشر بمعنئ اكعدي تنهدت ورحت كعدت يمة
انطاني خاشوكة وبديت اكل وياهم تمن برياني ومركة وزلاطة وهالسوالف اكل عمة يموت اكل علئ كيفي
وعمة كالساعة مخلية شي كدامي واني اكلها شبعت والله وهية تكلي اكلي اكلي مااريد هاي خدودج يرحن
وتخجلني كدام باسل وهوة صار مؤدب ياكل وميباوعلي الضاهر يستحي كدام امه لعد هستوة
مويكلي احضنج كدامها استغفرالله ياربي خلي اسكت احسلي كملنا اكل وماخليت عمة تغسل الاماعين اني
غسلتهم وهية حضرت القوري مال جاي وهية تحضر بصينية الاستكانات كالت مابديتي تحضرين؟ كتلها قبل
كم يوم رحت اني وماما اشتريت كم دشداشة قصيرة وهيج سوالف كالت حبيبتي اخذي راحتج شنو تردين
تشترين اشتري يعني التراكسوادت والبرمودات لين ماعدنا احد بالبيت اخذي راحتج كتلها بخجل ان شاء
الله عمة كملنا واخذنا الجاي سوية ودخلنا للاستقبال نسولف اني وياهة ونضحك وهوة جان كاعد علئ
القنفة يدخن ويكلب بالمبايل صبيت الجاي وقدمت لعمة وانطيته واخذه مني وهوة صافن بالمبايل صارت
بية حسرة الة اعرف شجاي يسوي عمتي خابرت علئ اختها وكعدت تحجي وياهة بالحديقة وتشرب جاي من
زمان ادري بيهة تحب تكعد بالحديقة العصرية بقينا اني وباسل بالاستقبال اني كاعدة اشرب جاي واكلب
بالتلفزيون وكالساعة اباوع عليه مندمج بالمبايل كمت خليت كوبي بالصينية وتقربت كعدت يمه علئ القنفة
علئ كيفي وسويت روحي اباوع علئ التلفزيون وكالساعة اخطف نضرات علئ مبايله ولمن احسه ينتبه
اسوي نفسي مندمجة بالتلفزيون مااحس الة تقرب كعد يمي وخلة المبايل بنص وجهي وكال هاج شوفي
نحولت عيونج من كد ماتخطفين نضرات يمة غير متتت من الفشلة دومي مفضوحة ماتصيرلي جارة
عضيت شفتي بفشلة وكتلة موياك اني داباوع علئ التلفزيون كال اي مبين خليت كذلتي ورة اذني وكتلة
بضوجة وخر من يمي خنكتني اشو هذا كبل تمدد وخله راسة بحضني ومد رجليه علئ القنفة ويباوع
بالمبايل واني اخذني الواهز وكمت العب بشعره بهدوء اجت عيني علئ مبايله طلع يحجي وية صاحبه
ابتسمت وارتاحيت مادري ليش يعني هاي شنو يسموهة اذا كلت لسارة تفتح حلكها وتكول تغارين عليه
وترا اني مااغار عادي وحتئ لو طلع يحجي وية بنات عبالكم اغار ههههه ولا اغار ابتسمت علئ منظره شلون
طفة المبايل وغمض عيونة ومبتسم نزلت ايدي لحواجبه المعقوجات عدلتهم وكصته الي من كد
مايصير عصبي شنو الخطوط صايرة بيهم زين سؤال هذا نفس الشخص الي جان يبجيني ؟هذا نفسه الي
جان دومه عصبي وابد ماصار حنين وياي؟ وين نبرته القاسية من يكلي اكرهج وين راحت تنهدت ماحسيت
الة جر ايدي وباسهة ورعش كل جسمي وتشابك جف ايدي وية جف ايدة سمعت صوت عمة دخلت سحبت
ايدي وهوة عدل كعدته ورجع يكلب بالمبايل واني حسيت روحي صخنت من الخجل يمة طركاعة شلون
باس ايدي يمة فدوة يالله دخت كمت رحت للمطبخ غسلت وجهي وايدي بعدها ترجف كلما اذكر تصرفه
وياي وكلامه الحلو احس كلبي يريد يطلع من مكانه باوعت للساعة صارت بـ5 او صار الي هواي دخلت
للأستقبال وكتلة واني اطكطك باصابعي باسل رفع من المبايل وكال عيوني انتبه علئ روحه شنو كال ورجع
كال هاا واني نسيت شنو ردت من عنده وضليت فاهية بمكاني عبالك مدري شنو كالي فزيت علئ صوته
وهوة يكول ها شبيج بلعت ريكي وكتلة توديني للبيت باوع للساعة وكال بعد وكت؟ كتلة موعندي دراسة
وهواي شغلات كال تمام حضري روحج رحت كلت لعمة راح اروح وخطية مقبلت كالت جان بقيتي للعشة
كالها والله عندي دراسة ووعدتها اجيهم مرة ثانية بأقرب وقت رحت اخذت الشيلة وكفت كدام المراية و لفيتها واخذت جنطت
ي وطلعت بالكراج دالبس بالحذاء اكرمكم الله وياية عمتي وطلع باسل بوستها ودعتها ومشيت وراه صعد
واني صعدت بالصدر شغل السيارة وبدأ يسوق واني صافنة علئ الجامة وهوة شغل اغنية وابتسمت من
سمعتها احبها حيل اغنية هيثم يوسف اضعف كدامك بس انتَ
و اتمالك نفسي بهالسكتة
نظراتك تحرجني و انسى
وين توديني ليا مرسئ
ضايع عمري القبلك عشتة
كل عمري ضايع انة عشتة
باوعت عليه يسوق ويـدخن نكدر نكول اول مرة احس يومي حلو؟ ومر بهدوء يوم حنـين حيــل ! خلاني اعيد
تفكيري بهواي اشياء ،لأول مرة احس بهذا الشعور من ناحية الحب والاهتمام حسيت روحي جنت مفتقدته
كلبي ماجاي اسيطر علئ دكاته حسيته علئ ساعة يوكف، فزيت علئ صوته وهوة يكول وصلنا سحبت
جنطتي، قبل لا انزل كال بهدوء اتمنـئ تتفهـمين شعوري واهتـمامي تجاهج بالطريقة الصحيحة وطك
اديه ثنينهم بقلة حيلة وكال بعد كلشي ماعندي احجي تردين نبدي بداية جديدة ونبدأ بداية حلوة وعلئ
عيني وراسي لو تردين ننهي كل شي وكل واحد يروح بطريقة هم علئ عيني وراسي وحك راسة وكال واني
افضل الج الخيار الاول لين اشوفه كلش مناسب لين وين تلكين واحد مثلي ؟ابتسمت بخجـل واخذت
جنطتي ونزلت بساع سديت باب السيارة دخلت للبيت وحسيت راح اوكع من طولي من ورة الخجل يمه
لاكتني سارة طكت اصبع وكالت هلا بمرت النقيب هلا بجفوصة هلا ضحكت وبستها كالت تعالي بساع
سولفيلي كلشي صار بعد مااتحمل راح اطك دخلت للبيت وكتلها اصبريلي يمعودة اسولفلج والله بس وين
مريم شلونها تنهدت وكالت بغرفتها صعدت للغرفة دكيت الباب علئ كيفي ودخلت شفتها كاعدة بالكاع يم
الشباك تقرة رواية اسمها أنتَ في قلبي بستها وكعدت يمها كتلها بهدوء ها يعيني شلونج رفعت راسها
باوعتلي وخصلات شعرها صايرة علئ عيونها الحمر وكالت الله شوفي هاية الرواية شكد حلوة هم نفسنا
ويحبها هواي كلش هواي وهي هم تحبة وتفارقوا سنين وهسة رجعوا لبعض احنا هم نرجع مو؟ بلعت
ريكي وسكتت رجعت كالت وهية تلزم ايدي وتخليها عل كلبها باعي والله اني احس بي شي كلبي يكلي بي
شي وانجبر يحجي هيج هوة مويكولون المحبوب يحس بمحبوبة؟ اني هيج احس بي كلبي يوجعني
عليه ! عصرت عيني ماردت دموعي تنزل تنهدت وكتلها لشوكت تبقين هيج مريم؟ كالت تقصدين
لشوكت ابقئ احبة؟ للموت باوعت بعيونها الغوركن بالدموع لا ارادياً شبكتها حيـل وبجت واستسلمت
بحضني ورجعت لعاداتها الي صارلها 10 أيام عليها، تبجي وتشهك وتكول اريدة والله اريدة ولتكوليلي
انسي لتكوليلي مااكدر مااكدر اني ضعيفة بدونه اني اني موزينة بدونة وضلت تشهك والله من رجعنا سوة
يالة ضليت انام ليلي وبكل راحة اما هسة النوم مايجي لعيوني والله هلايام بس هيج اتمنئ النوم يمر علئ
عيوني ويرتاح بالي مثل كل البشر بس ماكو ماكو شبكتها حيل ودموعي تنزل ضليت امسد علئ راسها
وأواسيها وهية بس تهز براسها دخلت سارة للغرفة فحطانة مبينة جانت دتركض سدت باب الغرفة وكالت
تعالي ريحانة احمد رد ومريم رجفت كمت علئ كيفي اخذت المبايل من عدها ورديت عليه ومريم واكفة يمي
منتظرته شنو يكول كلت وصوتي يرجف السلام عليكم اخي رد علية بس صوته مدري شبيه وعليكم السلام
منو كتلة اني اخت مريم؟ سكت وكبل كال شلونها باوعت علئ مريم الي تباوع ببرائة ودموعها تنزل
اشرت لسارة تبقئ يمها واني طالعة برة احجي طلعت من الغرفة وسديت الباب رحت بغرفتي وكتلة شتتوقع
شلونها؟ شنو سوت الك اختي وتجازيها هيج؟راح تموت والله راح تموت ليش هيج كسرت كلبها وانتَ
تدري هية متعلقة بيك وتسولف بيك ليل ونهار صار فوك الـ10 ايام لا يومها مثل الناس ولا حالها حالهم بس
تبجي وساكتة كال عساني ميت ولا سامع هذا الكلام ! ولا اني زين بدونها صدكي كتلة شنو موزين بدونها
وانتَ كتلها اقشمر عليج ؟ مدافهمك ممكن توضح؟ كال لا مقشمر ولا هاي كل هذا الكلام مجرد كذبة ردت
ابعدها عن حياتي ماردتها تكمل حياتها وية انسان علئ يوم السرطان يكتله ! بس كال هيج نزلت دموعي وبدأ
يحجيلي وعرفت حالياً هوة بالهند ديتعالج ويحجي ودموعي تنزل عشرة عشرة يمة منين اتلكاهة من عنده
لو من عند مريم هسة اذا تسألني شكلها اكلها بي سرطان؟ ختم كلامه وهوة يكول طلب ومو كلش
صعب تكدرين عليه؟ مسحت دموعي وكتلة كول؟ كال اسمع صوتها اخر مرة؟مسحت دموعي وكتلة بقهر
صار طلعت من الغرفة ونزل المبايل من اذني سويت روحي لازمته عادي دخلت للغرفة شافتني مريم
وكامت ركضت علية وكالت شنو كلج؟ صفنت بوجها وماحجيت شي كالت ببجي احجي ريحانة لتشلعين
كلبي فوك ماهوة مشلوع شنو كلج؟ دنكت وكتلها يكول انسيني وهيـة ضلت صافنة وبس هزت راسها
رفعت المبايل شفته غالق الخط الضاهر سمع صوتهة وماتحمل خليت المبايل علئ الميز وجريت مريم كعدتها
علئ الجرباية وكتلها احجي شبيج سكتي؟ ماتحجي بس صافنة اشرتلي سارة بمعنئ عوفيها وكالت لا
تضغطين عليها وسحبتني وطلعنا من الغرفة واني بالكوة مسيطرة علئ نفسي وماانفجر بالبجي سحبتني
سارة للغرفة وكالت شنو كلج كبل انفجرت بالبجي وهية انصدمت واني اشهك كتلها بيه سرطان سودة
علية وهية صافنة علية بسرعة عافتني وطلعت من الغرفة واني كعدت علئ الجرباية وابجي واكول الله
يشافيه بجاه محمد وال محمد الحمدالله علئ كل حال هففف شلون جان حالي قبل ساعة وشلون حالي هسة
حمدت الله وشكرته علئ كل حال شنسوي الي كاتبة الله يصير كمت غسلت وبدلت ونزلت يم بابا وضلت
تسالني شلونج تونستي عمتج شلونها وضليت اسولف الها كالت وشلونه باسل شلونها علاقتكم كتلها الحمدالله
زينة ورجعت كالت يمة من تحجين وياه لاتجفصين بالحجي خلي علاقتكم حلوة من هسة كتلها اي يمة
اصلا اني ابد مااجفص واحترمه وماادوس بطنه باستني وكالت عفية ببنيتي ولو ادري بيج حتئ لو
كلتي هيج تجفصين وتدوسين بالبطن ضحكت وكتلها ياشمدريج كالت تعلميني بيج ولج شبكتها وبستها كالت
اليوم وجهج مورد عكس كل يوم كون دوم هيج كتلها ان شاء الله كتلها بابا وين بعده مجاي كالت اي بعده
طالع وية مرته الثانية ضحكت عرفتهة تقصد عمو عزيز كلة تكلة عزيز مرتك الثانية سمعت سارة
تصيحني من فوك كتلها جاية بس رجعت صاحتني مرة ثانية كلت لماما هسة اجي صعدت فوك مستغربة
شبيها دخلت للغرفة وكتلها ها شبيج كالت اكلج نبقئ ضامين علئ مريم مو؟ يعني منكلها تنهدت وكتلها اكيد
مانكلها تردين نخبلها؟ نوب لا يصير بيها شي عود منا لبعد شهر نشوف وضعهة شلون يصير ونكلها شنسوي
لعد كالت ههففف استغفرالله يالله زين تعالي سولفيلي شصار وياج ماصار بس لا هم جفصتي وزعلتي الولد
كتلها واني العب بشعري لا عيني تطورت كمت اذا اجفص اجفص بكلمات حلوة متتتت ضحكت وكالت
طركاعة اي والله لا الله عليج احجيلي شصار ماصار مديت ايدي وغمضت عيوني وكلت واني اهز راسي
باس ايدي هيج حيل وهية طكت اصبع وكالت هلا هلا كتلها عضني بخدودي طكت اصبع مرتين وكالت يمة
يمة هزيت ركبة وكتلها باسني بخدودي ومن عضهم كال اكلهم اني اكلهم مااحس الة طكتني حيل بالمخدة
وصحيت علئ روحي وكالت بضحك ادبسز دازينج تشوفين عمتج علئ اساس مشتاقتلهة لو ترحين بحضن
باسل صدك صايرة ماتستحين عفية عليج هيج استمري ضحكت وكتلها بخجل نجبي سارة شعلية هوة
اني صعدت اكعده لكيته نايم سودة علية تعبان حركت شفايفهة وكالت يمة منج من شوكت سودة علية قبل
كم يوم تصيحين مااريدة وخيولي واكرهة وفسخوا الخطوبة شو ماعرفتج كتلها واني اطكطك بأصابعي
نجبي سارة مدري بشنو جنت احس من كلت هيج والله مدري شبساع اشو ارتاحيتله وشسمة مادري
شعور حلو بداخلي لاتفهميني غلط بس يعني والله من اشوفه افرح كالت بعد كلبي هية الحزينة اذا شافت
باسل تدخل موسوعة غينيس القياسية اسعد امرأة في العالم من كد ماشكله هيج يرد الروح ضربتها
بالمخدة وكلت بضوجة نجبي لاتكولين هيج كالت ها شنو تغارين كتلها هههه اني اغار مستحيل كالت نشوف
نشوف ونوب كتلها قبل ماانزل من السيارة شنو كلي وهية ابتسمت وكالت طاحظج يحبج والله وديوضح
الج بس انتِ ثولة ماتفهمين ويقصد بكلامه انو تفهمي انو اهتمامي موزيف وحبي الج واضح بلعت ريكي
وكتلها مادري سارة مادري كالت لعد هسة صرتي تدرين خطية لاتشلعين كلبة اي مو من يمي تمرمرت
فكيها شوية يمعودة وعاد تونسي باخر ايام الخطوبة خليلج كم ذكرئ حلوة بيها من تذكريها تنهدت وكتلها ان شاء الله .
احمد
جيـبولي ياهة بس اخر مرة اشوفها كلبي طك عليها جيبوهاا تبجيي علي دم كلة مني اني بجيتها كالت امي
يمة والله بس تصير زين اني اروح اخطبها الك ضربت السدية حيل برجلي وكلت بقهر بعديش يمة بعديش
من تمرضت ووصلت للموت انكسررر خاطرج علية وين جان خاطرج هذيج الايام من توسلت بيج بس
علمود ترحين تخطبيهة اليية وين وين طلعت تبجي من الغرفة واني اذكر صوت مريومتي شلون تشهك
وتبجي من سمعت صوتها وهيج روحي فرفحت عليها اريد بس اشوفها اريد اشتم الهوئ التشتمة بوية الهوئ
اليحمل ريحتها بوية گون گون ألهُوا ألبي ريحَتها ينحُضن ،بوية بس ارد اكلج ماناسيج والله ماناسيج
وبعدني انويها الج كل عافية بروحي ولو هية ماضلت عافية عندي ومن بعدج تهت بوية والعافية
عيونج ،غمضت عيوني الوجع بدأ ياكل بية اكل الجرعات خذن حيلي صار 5 ايام بالهند يومين وتطلع
التحاليل ونشوف النتائج والتطور وكلش مأيس من روحي ومتوقع بأي لحظة اموت .
مريم
كاعدة علئ الجرباية ومكرفسة روحي حسيت حتئ دموعي خلصت بس صافنة واي حركة مااصدر غمضت
عيوني وكلت ودموعي تنزل بي شي والله بي شي كلبي يحس لا ارادياً كمت للحمام علئ كيفي توضيت
وفرشت المصلاية كعدت وضليت اقرأ قرآن حسيت روحي ارتاحيت شوية خلصت السورة سديت القرآن
وخليته علئ صفحة ورفعت ايدي ادعي وكلت ودموعي تنزل
يارب صبرني واجبر خاطري وشهكت وكلت وان شاء الله ميصيب احمد اي مكروه ويعيش حياته بخير
وسلامة وابعد كل شر عنه واحفظه بعينك الي ماتنام وخليت ايدي علئ وجهي وبجيت واني ارد اللهم الصبر الصبر .
ريـحانة
كاعدة اكلب بمبايلي وصلت الي رسالة من حساب علئ الانستغرام اسمها بالانكليزي اسراء وكاتبتلي مرحباً باسل شنو يقرب الج ؟
يتبع ...
- يتبع الفصل التالي اضغط على (يأس القلوب) اسم الرواية