رواية يأس القلوب (2) الفصل الثامن 8 - بقلم رودي

part 47

          

                

واني شهيتي انفتحت وراح اروح بستين داهية يخرابي، طلعت تليفوني وشوفتهم صوري اني وباسل

وضلن يتغزلن بيه واجيت ابجي من وراهن وهنة يضحكن علية ادبسزيات والله كالت سارة وهية تاكل

كيكة باعي نازك معزومة علئ خطبة اخوية محمد بعد اسبوع اذا مااجيتي بعد هاهية تنتهي وياج، كالت نازك

يا عفية استحي شعندي جاية عرف ولف باوعتلها بتك عين وكلت نجبي خوش غير صديقتنا فوك منعزمج

كالت خوش اشوف اهلي اذا قبلوا اجي ورجعنا نسولف وبعدين رجعنا للقاعة وبدات غير محاظرة .

بـاسل 

متمدد علئ القنفة بالاستـقبال اباوع علئ الفلم وكالساع اذكر ريحانة وابتسم شوكت يخلص الدوام بوية

اشتاقيت الها، طلعت صورتها بالمبايل وضليت اباوع الها وابتسم تنهدت وهمست روحي اذا تريدها انطيها

الها روحي، ،التهيت اباوع علئ الفلم لحد ماصارت الساعة بـ12 ونص واخيرا كمت سحبت المحفظة

والسويج وطلعت للكراج شغلت السيارة وطلعت شوية ووصلت للجامعة وكفت السيارة لكيتها واكفة

منتظرتني كبل اجت فتحت باب السيارة وصعدت باستني بخدي وكالت يمة اشتاقتيلك ضحكت

وسحبتها بستها بخدها حيل وهمست موبكدي يابة رجعت اسوق وهية منتجية علئ الكشن وجهت التبريد

عليها وهية مبتسمة اسوق وهية كالت باسل ممكن طلب كتلها عيوني الج كولي، كالت سالمة عيونك

يروحي بس شسمة وعلي مشتهية هذا الصاج الي وكلتني ياه هذاك اليوم من طفت الكهرباء الله ووياه

جبن سايح عليه وقوطية ببسي باردة حييل وفنكر ضحكت وكتلها صار صار موتدللين؟ وكفت يم المطعم

ونزلت جبت الها وكتلة هم يخلي ماعون مقبلات هم ودفعت الحساب وطلعت صعدت بالسيارة وخليتهم

بحضنهة سحبت كلنكسة مسحت كصتي بوية الدنيا تسمط سمط فتحت بطل مي بارد شربته ورجعت

اسوق وهية كالت اكلهم بالبيت وصلنا نزلت واني طفيت السيارة ونزلت دخلنا للبيت هدوء ابوي بالدوام

وامي عد بيت جدي وداها ابوي الصبح وياه من راح للدوام غسلت وتمددت علئ القنفة بالاستقبال وهية

صعدت بدلت ونزلت وجابت صينية وفتحت العلاليك وكالت تعال يلة كعدت يمها وبديت اكل وهية تاكل

بشهية اباوع الها وابتسم كملنا وسوت جاي وكعدنا نشرب باوعت للسبلت وكلت جيبيلي لحاف ومخدة

خلي اتمدد هنا باردة كالت تمام راحت جابت لحاف ومخدة شمرتلي ياهم خليتهم علئ القنفة وتمددت

وهية تباوعلي بتك عين كتلها ها شكو كالت اي عيني واني وين كتلها واني تحاول استفزها روحي نامي

        

          

                

فوك ،اريد انام بحدي وغمضت عيوني وهية مااحس الة دقيقة ودحست روحها يمي ضحكت وشبكتها حيل

وسويتلها مكان وغطيتها عدل وهية باستني بخدي وكالت ها متريدني يمك صرنا منعجب عيني مو

ابتسمت وكتلها لا وين اكدر بدونج اني وشبكتها وكلت انتِ الاصل بوية وضليت ادغدغ بيها لو احك لحيتي

بخدها وهسة نوكع اثنينا من القنفة من ورة هاي سوالفنا ،نامت علئ صدري واني امسد علئ شعرها

وهية حاضنتني لحد ماغفيت وفزيت علئ حركتها فتحت عيوني بنعاس وكتلها شكد تتحركين رحمة

لمحمد شبكتني وكالت بنعاس ماكو مكان استغفرت الله وكتلها شو كومي خلي نتمدد بالكاع احسن كامت

واني سحبت المخدة واللحاف خليتهم باالكاع وتمددت وهية نامت علئ ايدي غطيتها وبستها براسها لحد مارجعت نامت يالة نمت .

سارة

اجيت من الدوام ميتة تعب كبل نمت، ورة مدري شكد فزيت علئ صوت ماما وهية تكعد بية كتلها بنعاس ها

ماما شكو كبل كالت كومي بساع  حضري روحج راح يجون بيت ام امير، الولد يريد يشوفج هية كالت هيج

وانب كمزت وية كمزتي تزحلكت اني واللحاف من الجرباية وهية كومتني وتضحك واني كتلها شيشوفني

ماما موشايفني كاليومية بالشارع اشوفه ويشوفني كالت ياامي شبيج غير يجي الولد يشوفج قابل كبل

يخطب يلا كومي بساع حبيبتي راحت ماما واني كمت شنية  مااريده يشوفني اني استحي نزول عليك امير

نزول يعني الة تشوفني،  كبل دخلت سبحت وطلعت انشف بشعري وفتحت الكنتور سحبت فستان يصير

مال محجبات مرتب وحلو لبسته وخليت مسكارة وتنت ولفـيت الشـال ،ورشـيت عطـر ودخلت ماما

شافتني صلت علئ محمد وابتسمت وباستني بخدي وكالت يلا امي حبيبتي انزلي نزلنا اني وياهة واني

مدري شصار بية لكيتهم جايين سلمت علئ امة واخواتة وشوية وماما دخلتني اقدم العصير واكفة يم

الباب وكلت لماما بترجي فدوة ماما والله استحي باعي صرت سودة من الخجل ادخلي انتِ ابدالي كالت

يا عزا العزاج شهرتينا ولج ادخلي قابل راح يعضج؟ كتلها بخوف ليش يمة هوة يعض ،استغفرت الله وكالت

ياامي يااحبيبتي امشي ادخلي بس يشوفج الولد هزيت راسي وهية  فتحت الباب واني دخلت وكلت

بصوت ناصي سمعوني مدري لا السلام عليكم، ورفعت واسي لمحته وكبل دنكت قدمت العصير وصلت يمة

واشتغل وضع الرجاج ضليت ارجف والصينية تتحرك اخذ العصير واني داطلع وبابا كال تعالي اكعدي

        

          

                

بابا ،كعدت يم بابا ومدنكة واضغط علئ ايدي مادري شصار بية انسحنت روحي وهمة يحجون ويتفقون

واني كالساع ارفع راسي ودانك الكاه يباوعلي لحد ماطلعت وكبل صعدت للغرفة وكعدت بالكاع واحس

روحي صرت جمر طركاعة طاحت عليج يسارة الفضيحة كمت بدلت وغسلت وجهي بمي بارد احس

كلبي حيطلع من مكانه يمة، تمددت علئ الجرباية وابتسمت بخجل وكلت بس خرب يومة طالع حلو ،بس شنو هههه اني احلة عيني اكيد اني احلة اني سويرة .

طالب 

دخلت للبيت بعد ماراحوا، فتت للمطبخ لكيت جوري تغسل بالكلاصات بستها بخدها ،وهية كمزت واني

ضحكت ،ابتسمت وخلت ايدها علئ كلبها وكالت يمة كمزتني ابتسمت علئ منضرها حضنتها وكلت واني

اقلدها يمة كمزتج ضحكت وضربتني علئ صدري وكالت لاتقلد بستها من خدها وكلت صار وبعد ،مسدت

علئ خدي وكالت وبعد احبك همست بحب ميت بيج اني ميت بيج تلمست وجها تنهدت وهمست واني مركز

بتفاصيلها وشمت زاد العمر يحلن تفاصيلج، ابتسمت وشبكتني كالعادة خجلت وماتعرف ترد ،رحنا كعدنا

بالاستقبال ضامها لحضني ونسولف بخصوص التحضيرات، حددنا خطبة سارة بعـد 9 ايام ومحمد بعـد 6 ايام، وضلينا نسولف ونتفق سوية .

بعد مرور ايام

سارة

ملتهين نحضر لخطبة محمد بعد يومين ونركض منا ونجي منا رحنا وية وداد حجزت بدلة وصالون وحجزنا الكوشة ورجعنا للبيت صعدت كبل كدرت الفستان، الش اشتريته للخطبة كلش حبيته يصير لونه علئ بيجي هيج ومخصر علئ الجسم وبيه فتحة من الطرف، نزعته وعلكته ورحت غسلت وبدلت ملابسي، واكف امشط شعري واجة اشعار لمبايلي فتحته شفت رقم غريب دازلي رسالة استغربت منو دخلت علئ الرسالة وقريت المكتوب ورجف جسمي كبل كعدت علئ الجرباية وسحبت نفس واني اقرا الرسالة مرة ثانية

احبج

يمة طاح المبايل من ايدي عزا العزاني منو هذا، خليت بساع وانطيته بلوك، دهر فرك نوب يحبني منو

هالمكرود ،طفيت المبايل وكمت كملت تمشيط وبعدين رشيت عطر ،وجبت المبايل وكعدت علئ الجرباية

ودكيت علئ نازك وريحانة وصعدنا اتصال فيديو، وكبل كتلهم بنات واحد راسلني ودز احبج يمة تبهذلت

ريحانة كالت خاف واحد معجب بيج يلا معلش نفسخ الخطوبة منريد امير نريد هذا الي يحبج دكيت علئ

تاج الجرباية وكلت يمة تف تف امداج لو تحجين شي بي خير لو اسكتي ،ضحكت ونازك كالت عزا هسة نفس

القصص يطلع واحد يحبج ويسببلج مشاكل وتتعاركين انتِ وامير كتلها واني اتخيل اي ولج ،ويطلع يحبني

        

          

                

لين فديتني اخبل ودمي محبوب كالت ريحانة اهوو كعدت تحمد بروحها باعي دزيلي رقمه وخلي اخلي

باسل يشوفلج ياه منو كتلها تمام تمام من نخلص اتصال ادزلج ياه، شوية وريحانة سدت الاتصال من يمها

وراحت صاحوها وبقينا اني ونازك اخذت المبايل ونزلت للمطبخ اسويلي اكل واحجي وياهة ثبتت

المبايل وكتلها واني افتح الثلاجة وهسة عزيزتي المشاهدة نازك راح نسوي اكل علمود نشبع بطنة شنو

تقترحين علية اسوي كالت سوي سم كتلها واني اهددها بالسجينة باجر بس اشوفج الة اعضج من

خدودج الي هالكبرهم والله ضحكت وكالت يمة كلشي ولا خدودي اسفة سارة اسفة ضحكت وكتلها هالمرة

سماح المرة الجاية اعاقبج يلا مسحي دموعج غمتني وغميتها ورجعت خليت المعكرونة تفور وكتلها بضحك

نازك اشك بيج مرتبطة وتلعبين من وراي وعلي الة اكص اذاناتج هيج اكصهم بالمكص وهية تضحك وكالت

وعلي مامرتبطة عابت عيني اني سنكل وافتخر والماعاجبة ينتحر ويكتب علئ كبرة منقهر يمة غير

فحطتني من الضحك ام ضفاير طالعة جنها خالتي كماشة كالت وهية تضحك تدرين ليش مامرتبطة

ضحكت وكتلها ليش كالت وهية تضحك وكصايبها يتحركن لين عيني زايغة متتتتتتت هية كالت هيج

وفزيت مو من الضحك لا شفت حسين واكف بباب المطبخ وصافن علية ،كبل كتلها هههه حبيبتي نازك

خرب يومج وهمست انفضحنا هسة شوية واخابرج سديت الخط وبلعت ريكي وكتلة ها حسين الله

يساعدك عقج حواجبة وكال هاي مني كتلة صديقتي ليش؟ ،كال هيج وطلع يا هذا شمالة، كملت المعكرونة

واخذتها وصعدت فوك، كعدت بالغرفة ورجعت دكيت علئ نازك احجي وياهة وكتلها يمكن اخوي سمعج من

كلتي عيني زايغة وهية انقهرت وكالت ترا والله اشاقة وكلت هيج بس ردت اضحكج، وطب انفتح باب الغرفة

ودخل حسين جاي اكلة داحجي وية صديقتي وكبل كال سارة خصم الحجي صديقتج هاي ماعجبتني بعد

لاتحجين وياهة وطلع واني خليت ايدي علئ حلكي عزا العزاني باوعت للكامرة نازك كبل سدت الخط

دكيت عليها راسلتها مترد امداني اي والله امداني شكو ماسديت الخط شكو امداك حسين امداك طلعت

بعصبية من الغرفة ورحت لغرفته دخلت وكتلة عود انتَ شعليك ها شعليك هيج احسن البنية سمعت

وانقهرت كام وكال ختولي بعد لاتحجين وياهة ماعجبتني كتلة بعصبية لا والله واني مااحجي وياهة

لين ماعجبتك، البنية مبيها شي وجنة نشاقة وعفتة وطلعت منين طلعتلي هاي السالفة يالله هسة اكيد

انقهرت، راسلتها مترد خليت ورحت سولفت لريحانة ورزلتني وكالت هسة هية تخابرها، وشوية وكالت دزي

الرقم اشوفه لباسل وعود باجر ارد الج خبر دزيتها الها وضليت مقهورة علئ نازك خرب يومك حسين خوش

خرب يومك، ونمت، وفزيت الصبح علئ صوت المنبه كمت غسلت وبدلت ووكفت عدلت الشال ولبست

الحذاء ونزلت لين سمعت صوت سيارة ابو الخط ،وصلت للكراج وامي صاحت علية وكالت ادخلي

ماما الخط راح حسين كلة تروح وياي كتلها باستغراب ليش شكو يوصلني كالت مادري وطلع حسين كال يلا

امشي كتلة بضوجة شكو مااروح وياك يلا خابر الخط خلي يرجع تقرب وشبكني وكبل كال وعلي اسف اخر

مرة سويرة كتلة بضوجة وخر مني وخر شبكني وباسني براسي وكال ديلا فكيها شوفي كاعد من

الصبح علمودج بس حتئ اصالحج باوعتلة بتك عين وكتلة عود افكر اصالحك ضحك وصعد بالسيارة

وصعدت وياه وتصالحنا وطول الطريق نسولف ونضحك من الصبح وصلنا للجامعة شو هذا نزل وياي

كتلة ها وين كال عندي كم صديق بالجامعة ارد اشوفهم كتلة تمام تروح وياي بالاول تسلم علئ ريحانة

وتشوفها وكلت بكلبي اي هسة اكيد نازك يمها غصبا مااعليك اخليك تعتذر، دخلنا سوية ورحت كبل

للحديقة، لمحتها من بعيد نازك واكفة وريحانة تحجي وياهة تمشينا وهوة منمدج يباوع علئ الجامعة وصلنا

يمهم وهوة باوعلي واني كلت بابتسامة صباح الخير ردن علية ونازك رادت تمشي من شافت حسين بس

ريحانة لزمتها وحسين من شافها كال احم اخذوا راحتكم ديمشي وكتلة حسين دار كال ها كتلة ها نازك

موردت تعتذر منها علئ البارحة؟ وهية اباوعلها واكفة ووجها احمر من الفشلة مدري من الخجل وهوة كبل

خزرني وباوع عليها وصفن الولد مدري انسحنت روحة ،صفن عليها بلع ريكة وكال اني اسف وهية

صفنت عليه واني الابتسامة شاكة حلكي وريحانة تضحك اعترف اني ادبسز خليتهم بهيج موقف محرج

نازك كبل كالت ترا والله اني موهيج ومجرد احنا  صديقات وبيناتنا شقة وهوة يباوع عليها وكال وهوة

يمسح كصته اي والله مبينة مو هيج ورجع كال اقصد مصار شي واعتذر مرة ثانية علئ الي صار هزت راسها

وكالت لا مصار شي اخذ راحتك وخزرتني ومشت وهوة عينة وراها منا لحد موصلت للقاعة باوعت علئ

ريحانة غمزتلي ضحكت وهية راحت ورة نازك واني كلت لحسين هي هي وين راح بالك باوعلي وكال سارة

كتلة ها كال انصحج تمشين وية هاي البنية، مبينة كلش خوش بنية .

يتبع ....