رواية يأس القلوب (2) الفصل السابع 7 - بقلم رودي

part 46

                                        

                                              

‏مِثل كل يوم أرد تعبان 

وأشمر روحي بفراشي 

ويلوليلي التعب وأغفى 

مثل كل يوم..أگول الدنيا ما تسوه 

                              

ريحـانة

كلت لسارة واني امسح دموعي مادري سارة، بس باعي بطني ضلت تأذيني حـيل كالت بعصبي وهية تعدلي

                              

المخدات ورة ضهري اي غير كلة من ورة بجيج ولطمج تمددي لا يصير بيج شي تمددي تمددت وبطني تقلصات

                              

موتتني كتلها سارة بطنيي موتتني باوعتلي بقلق وكالت رايحة اصيح ماما طلعت من الغرفة واني اتكلب

                              

علئ الجرباية من وجع بطني بجهة ومن باسل بجهة ودموعي عشرة عشرة مااحس الة انفتح باب الغرفة

                              

ودخلوا بابا وماما وراهم سارة ركضتلي ماما وكالت بخوف هاي حبيبتي شبيج كتلهة واني اضغط علئ

                              

ايدي حيل بطني ماما موتتنيي بطنيي وشهكت وبابا متكرفس بالكاع ويمسد علئ راسي بقلق كالت ماما

                              

شاربة الدووة مالتج اليوم لو لا ! هزيت راسي وكتلها ودموعي تنزل لا مشاربة اخ ماما بطنيي وضميت

                              

وجهي بالمخدة واشهك صاحت علئ سارة جابت الدوة بساع شربتني وعدلت نومتي وكعدت يمي وتمسد علئ

                              

راسي وتقرة ايات وبابا يفتر بالغرفة وكالساع يباوعلي واني ربع ساعة وهدأت بدأ مفعول الدوة وشوية راح

                              

الوجع تنهدات  براحة وماما تمسح بدموعي وتبجي وياي ضليت اسحب نفس شوية شوية مااكدر واحس

                              

روحي صرت نار دخلت سارة للغرفة مدري شكالت لبابا وطلع وهية باوعتلي وابتسمت وهزت راسها واني

                              

مستغربة شبيها غمضت عيوني بوجع واسحب نفس علئ كيف وااخاف اتحرك لانوب يرجعلي الوجع ضليت

                              

جامدة بمكاني وعيوني ذبلانات من ورة البجي وبابا صاح ماما وراحت وبقيت بس اني بالغرفة وسمعت بابا

                              

يكول تفضل عمي صدك جذب البيت بيتك واني كلبي رجف وكبل دموعيي نزلت كمت علئ كيفي دخلت

                              

للحمام وسديت الباب وانتجيت عليه وابجي واردد اجة والله اجة صحيت علئ صوت بابا وهوة يكول بابا

                              

ريحانة افتحي الباب بلعت ريكي وكتلة واني بالكوة احجي دقيقة بابا غسلت وجهي ونشفته وفتحت الباب

                              

علئ كيفي واحس كلبي فرفح باسل منتجي علئ باب الغرفة ومكتف اديه وبابا واكف يمة رجف جسمي

                              

انتجيت علئ الباب وعيوني غوركن بالدموع مااحس الة بابا طلع وسد الباب وراه واني اباوع علئ باسل

                              

ودموعي تنزل مشتاقتله حيييل حييييل حييييل باوعتلة ببرائة وعيوني مدمعة ومبرطمة وهوة مبين

                              

القلق بعيونة ومن رجفة ايدة ماتحملت بجيت  وخليت ادية علئ وجهـي وكلت  وصوتي يرجف ببجي نسـيتني

 

                

وبعد ماتريدني  كـال وهوة يمسح وجهة ماناسيج بوية ماناسيـج انة منتظرج تفكديني ...منتظر هذا كلـبج

يحن علية ..وتحسين علئ نفـسج تنهد وكال وين اكو واحد مايريد روحة؟ وفتح اديـه الية واني ماتحملت

مشيت بساع وشمرت روحي بحضنه وبجيت حييل وهوة شبكني واني ابجي واردد اسفة والله اسفة وهوة

يبوس براسي ويهدأ بية واني روحي فرفحت، كال بهدوء وعيونة حمر ويباوع بعيوني ويمسح دموعي

كافي بوية لاتبجين كافي هاي اني يمج بعد مااعوفج واني الغلطان مو انتِ بس كافي بجي موروحي راحت

واني اشوفج تبجين، مااكدر هيج اشوفج وباسني بخدي واني شبكته حيييل كعد علئ الجرباية وكعدني

بحظنـه علئ رجله ويمسح بدموعي ويهمس بهدوء حبيبة روحي ليش متعبة هالعيون الحلوات،ليش

هالبجي باباتي اهدئي كافي يلا جري نفس علئ كيفج لايصير بيج شي ياكلب باسل وروحة وعمرة انتِ

ابتسمت بهدوء وجاي احجي  وسحب اديناتي باسهم وكال اشش كافي كلشي لاتحجين ولاتعتذرين ولا

تبررين فاهمج بدون تبرير وادري موبقصدج وحجيتي هذا الكلام وتندمتي ،باوعتلة وعيوني مدمعة وهمست

والله اني احبك باس ايدي حيل وهمس والله اني اموت عليج وضمني لصدرة التعـبان ....ويمسد علئ

شعري وكال بعدها بطنج توجعج بوية؟ رفعت راسي وكتلة واني اباوع بعيونة هاهية من شفتك صرت زينة

بعد كلشي مااريد بس انتَ اريدك وامسد بأيدي علئ وجهة باسها وكال بعد اريد وحدة تكول من نتعارك

وديني لاهلي الا ادوس ببطنها كتلة واني مبتسمة بعد كلة اكلك اخذني لحضنك ضحك واني ابتسمت علئ

ضحكته همست بهدوء الله شكد مشتاقتلك والله وداعتك هسة يالة صرت زينة لين اني بدونك ابد

موزينة باوع بعيوني وكال ولا اني الزين كلش تعبان من دونج ،ضربته بخفة علئ صدرة وكتلة شلونها اربيل

ضحك وكال كلش زينة تسلم عليج ولمس بطني وهمس شلونهم الحلوين، يمة من لزم بطني كزكزت

كتلة بفرح اثنين مو واحد ببطني ضحك وكال اي اثنين تمدد علئ الجرباية وشبكني وصافن بعيوني

ومبتسم كتلة ها شبيك تنهد وهمس مشتاقتلك شنو مامسموح الي اباوع بهل عيون الحلوات؟ الي يسحنن

الروح ابتسمت بخجل وصدمني من لزمني من خدودي وضل يعت بيهم ويكول باعي ثاني مرة اذا تعاركنا

وعفتيني العب بيج طوبة ضحكت وكتلة بوجع ياباسل عوفني عضني بخدي وكال مااعوفج سمعتي وضل

يدغدغ بية واني اروح منا واجي منا اخر شي كتلة هية الجرباية هالكدوتها راح نوكع ونتكسر خنكني

        

          

                

بالمخدة وكال تعوفينييييي بعددد كتلة واني ادفع بية لا والله مااعوفك وخر خنكتنيييي لزمني من فكي

عصره وكال تعوفيني بعددد كتلة واني سكرانة من الضحك مااعوفك والله مااعوفك كرصني وكال عفية

خوش بنية وضلينة نسولف ونضحك وعود شوية وكلي راح اروح وكتلة بعد شوية ابقة طب هذا غفة

يمي متتت فد فرحت شبكته واباوع بوجهة ومبين عليه التعب ابوس بوجهة وامسد علئ كيفي وهوة رايح

بسابع نومة شبكته حيل وكتلة احبك وشوية ونمت .

سارة

دكيت باب غرفة حسين ودخلت لكيته متمدد ويباوع علئ الفلم كتلة هلاو عيني تستقبلني يمك كال وهوة

يكرس حب تعاي خلي نتعارك شوية اتونس عليج كتلة لا حسين الله عليك مابية حيل انعس ارد انام وشسمة

ريحانة مريضة كمز كال شبيها وكام جاي يروح الها كتلة هوب هوب يمها باسل ترا كال شوكت اجة؟ شو

مادري كتلة هوة محد يدري صارت بساع بساع هز راسة ورجع كعد باوعلي وكال تعالي باوعي وياي فلم

حلو كعدت يمه علئ الجرباية واكرس حب واباوع وياه وكالساع يشمر بحضني كشر ونتمالخ وكالساع يجرني

من شعرني ويكلي شوفي شوفي راح يموت وهوة جذب محد يموت اخر شي غفيت وهوة علئ اساس محاوطني بايده بس هوة خانكني .

طالب

كاعد بالاستقبال وجوري تفتر بالاستقبال وتروح منا وتجي منا كتلهة رحمة لمحمد اكعدي والله قلقتيني

مابيها شي اهدئي كالت خاف بعدهي متوجعة اروح اشوفها خزرتها وكلت وين ترحين والولد يمها اكعدي

موجاي اكلج هسة تصير زينة تنهدت وكعدت يمي وكالت انتَ فد تقلق الواحد خليتني مااعرف شسوي

كتلها ها يعني هسة صرت اني الي اقلق خوش عليج دشوفي روحج ونوب تعالي علية كالت وهية تباوعلي

بتك عين وشبية عيني اخبل لو صرنة منعجب خليت رجل علئ رجل وطكيت اصابعي وكتلها يمكن

شمدريني اشو عاجبني اجدد، باوعتلي بعصبية وكالت خوش لعد اليوم ابقة نايم هنا بالاستقبال وخلي نسيبك

هم يجي ينام يمك لا تجي للغرفة خوش وطلعت ضحكت ومسحت كصتي وكلت هاي تاليها يطالب

تنطرد من غرفتك وماتكدر تحجي ،باوعت للساعة بـ12 صارت زحمة وعيب باسل بعد يطلع هيج وكت خلي يبات احسن وباجر ان شاء الله ينحل

كلشي ،وفزيت علئ صوت جوري رفعت راسي كتلها ها شتردين كالت وهية تحاول متباوع بوجهي كوم نام

شعندك كاعد كتلها موكتيلي لاتجي شكو اجيتيني؟ كالت ها يعني كيفت من كتلك لاتجي خوش طالب

خوش ضحكت وكتلها شو تعالي يمي تعالي تقربت بهدوء سحبتها من ايدها وكلت شبيها الحلوة ضايجة

        

          

                

ومعصبة كالت غير انتَ تضوجني تكلي اريد اجدد ابتسمت وكتلها وتتوقعين اسويها؟ تنهدت وكالت اكيد

لا كتلها لعد هاهية وكمت سحبتها لحضني وبست راسها وكلت الاصل بوية انتِ الاصل ومشينا للغرفة

واني حاضنها دخلت تمددت علئ الجرباية  وهية يمي شبكتها ونمت .

في اليوم التالي

بـاسل

فزيت الصبح متكسر تكسر فتحت عيوني علئ كيف لكيت ريحانة شابكتني عبالك جاي اشرد منها واني

محاوطها بويـاي شكد مشتاق لهذا المنظر، اخذتني النومة ونسيت ومارحت، عدلت شعرها صاير علئ وجها

ومضايقها ابتسمت واني امسد علئ وجها بحنية مشتاقلها حيل حيل، مااريد شي من هـاي الدنيا بس

هية اريدها تذكرت البارحة من خابرتني وبس تبجي بوية شصار بية اجيتـها وروحي رايحة مني ولكيت

حالها مايسر نسيت كلشي صار وكل الزعل من شفتها وماردت شي بس ردت اسكتها واضمها احضني حتئ

تهدأ لين بوية احس كلبي يبجي عليها من يشوفها هيج بستها بهدوء وهمست احبج ريحانتي وضليت

اتمعن بتفاصيل وجها مثل كل مرة تنسحن روحي من اشوفها تلمست بطنها بهدوء الله هيج وبنية وتشبها واصبح بوجوهم كاليومية ابوس ايدي وجه

وكفة ،تلمست عيونها بهدوء وهمست هاهية بعد دمعة وحدة من عندج ماانزل لو تدوسين ببطني وتطلعين

روحي هم قابل وشوية وتحركت وفتحت عيونها بهدوء شافتني كاعد ابتسمت وكالت بنعاس كعدت

كتلها صح النوم يحلو كالت صباح الخير حبيبي بستها بخدها وكلت صباح النور ياروحي شبكتني وكالت

شوكت كعدت كتلها هستوني وهسة لازم اروح زحمة اتاخرت ونوب بتت هنا باوعتلي بتك عين وكالت لا

تحجي هيج خوش لا ادوس ببطنك ضحكت وكتلها شنو تبدلت الادوار موجنت اني الادوس ببطنج ضحكت

وكامت وكالت يلا كوم خلي ننزل نتريك كتلها مااريد بس اغسل واروح كالت وهية تجرني دكوم كوم

سحبتني للحمام الي بالغرفة غسلت وكملت طلعت انشف بشعري لكيتها تمشط بشعرها صرت وراها

واخذت المشط وضليت امشط الها وهية شامرة روحها بحضني شلون امشط مادري كملت الها وهية ضفرته

وكالت يلا خلي ننزل سحبت مبايلي والمحفظة وفتحت الباب طلعت ونزلنا الدرج ودخلنا للاستقبال

عمي كاعد صبحت عليه وكعدت وكتلة اعذرني اخذتني النومة وبقيت هنا كال لا يابة شسالفة البيت

بيتك لاتحجي هيج وهسة جاي يحضرون بالريوك للنسيب جا بعد شتريد ماتكلي ضحكت وكتلة

ماتقصرون وريحانة كاعدة يمي ومنتجية علئ كتفي والابتسامة شاكة الحلك فضحتنا كال عمي وهوة

        

          

                

مبتسم الظاهر الامور طيبة اليوم؟ هزيت راسي وكتلة الحمدالله وضلينا نسولف .

ريحانة

كاعدة يم باسل ومبتسمة واليوم نفسيتي تمام التمام والحمدالله وجع بطني رايح شوية وكعدنا نتريك

وحسين نزل وضل يسولف وهوة وباسل ويضحكون وحسين كال طبعا باسل مااجذب علية تدري بية احبك

وانتَ اخوي هاي ريحانة تكوم وتكعد تسب بيك فتحت عيوني وكتلة يا يا يا والعباس جذاب لا تصدك

بية باسل هز راسة وضحك وحسين كال وانتٌ هم مااجذب عليج لين اختي واحبج باسل كاليومية وية

بنية ويقشمر عليج تؤتؤ الله يصلحكم باسل كله ماشاء عليك تحب تهدم بيوت ونسولف ونضحك وهالمرة باب

ماحجة علينة يباوع علينا ويضحك ،من كملنا ريوك بابا حجة ويانا اني وبـاسل وشسمة حذرني مااجفص

بالحجي ولا اضم عليه وشوية وباسل كال حظري نفسج خلي نروح ابتسمت وكتلة تمام صعدت حضرت

نفسي وسارة تباوعلي واني ابدل وعيونها مدمعة من كملت شبكتني وكالت تعودت عليج بستها وكلت لا

تنقهرين يروحي والله ماتاخر هم اجيكم مااتاخر هزت راسها وكال ديربالج علئ روحج وموتنسين كل يوم

نتخابر ونسولف وبالجامعة نلتقي وية نازك سوية ابتسمت وكتلها تدللين رجعت بستها وحضنتني ونزلت

وماما هم بوستني وضلت تنصح بية وتكلي ديربالج علئ نفسج ولاتتعبين روحج ودواج اهم شي بستها

وكلت ان شاءالله يكلبي انتِ طلعت لكيتهم بالكراج سلمت علئ بابا وحسين وصعدت بالسيارة وحرك باسل

يسوق وكالساع يباوعلي ويبتسم واني فد فرحانة والحمدالله تصلح كلشي بيناتنا، شوية ووصلنا للبيت

من صدك كلش مشتاقة لعمو وعمة وكلبي طاك عليهم نزلنا دخلنا للبيت ولكينا عمتي بالمطبخ كبل شبكتني

وكالت يمة هلا نور البيت وضلت تبوس بية واني مبتسمة وبعدين رحت سلمت علئ عمو وصعدت فوك

والغرفة مكلوبة كلاب وشوية وصعد باسل واني بدلت لبست دشداشتي القصيرة وبديت انضف شلت النزلة

ووجوه المخاد خليتهم بالغسالة وطلعت نزلة جديد فرشتها وكنست الغرفة وهوة اخذ ملابس ودخل يسبح

وبعدين مسحت الكاع والاثاث ورشيت معطر وشغلت السبلت وطلعت الي ملابس ادخل اسبح طلع باسل

واني دخلت سبحت وشوية وطلعت لكيته كاعد يشتغل بالحاسبة وكفت مشطت سويت شعري كباية

ورشيت عطر وخليت تنت شوية وسحبت مبايلي وكعدت يمه اكلب بمبايلي وهوة من كعدت طفة

الجكارة كال موزين عليج وضمني لحضنه ويسوي بالحاسبة واني احجي وية نازك وسولفت الها وفرحت

كلشش شوية وباسل سد الحاسبة وباسني بخدي وكال شيسوي الحلو كتلة احجي وية صديقتي نازك شوية

وكتلة خلي ننزل يم عمة وعمو نزلنا يمهم وكعدنا نسولف ونضحك .

سارة

كملت تنضيف وكعدت وبابا جان كاعد بالاستقبال ويدخن صاحني كال سارة بابا كلاص مي كتلة اي بابا

اخذت الة كلاص مي وجاي اطلع وكال شوتعالي خلي شوية احجي وياج كتلة باستغراب بشنو كال شو

اكعدي وانتِ تعرفين، كعدت طفة الجكارة وكال تعرفين امير ابن جيرانة متقدم الج هوة كال هيج واني

صرت صفرة بلعت ريكي وكتلة واني اضغط علئ ايدي اي بابا كال خوش ولد وخلوق ويشتغل وياي بالمركز

وسنين اني اعرفه والنعم منة وضل شوية يسولفلي ورجع كال شتكولين بابا موافقة لو لا مااجبـرج اني

الترديه يصير ،يمة هوة يحجي واني مسحونة روحي وساكتة كلشي مااحجي رجع كال ها بابا شتكولين؟

طكطكت اصابعي بقلق وكتلة الي يعجبك بابا انتَ تعرف مصلحتي شنو فشنو تكول ماعندي اي مانع

ابتسم وكال شوتعالي يمي كمت شبكني حيل وكال اروح فدوة بنيتي وباسني براسي واني يمة مااسولف

الكم شصار بية رفعت راسي وكال يعني نكول خيرا علئ خير ونرد الموافقة هزيت راسي بخجل وهوة

باسني براسي وكال الف مبروك مقدما باباتي همست الله يبارك بيك وكمت ركض طلعت من الاستقبال

صعدت للغرفة وسديت الباب وانتجيت عليه واحس كلبي راح يوكف يايمة وصرت حمرة دم عزا هاي اني

من شوكت اخجل دخلت للحمام اغسل بوجهي وارجع ليورة طلعت من الحمام  وانفتح الباب ودخلت ماما

مبتسمة وكبل شبكتني وكالت شايفة كل الخير يروح امج انتِ يمة بناتي كولهم كبرن وصارن عرايس وهية

تحجي كتلها ودموعي بعيني ماما والله راح اموت من الخجل مامتعودة هيج ضحكت علية وكالت اهدئي

هاهية اهدئي وضلت تضحك علية وشوية ونزلت واني كاعدة وايدي علئ خدي وصافنة ومبتسمة خرب حظي

عود راح اصير امرأة مرتبطة موسنكل بائسة اف كبرنا كبرنا متتت لا يعني جديات عود راح اصير بعد علية

مسؤلية وهالسوالف اححح وواحد يكلي احبج واكلة رحم الله والديك الله .

تفاعلوا ♥