رواية يأس القلوب (2) الفصل السادس 6 - بقلم رودي

part45

                                        

                                              

عفتني؟

والله نكتهَ تموت من النوح

بقيت أضحك وأون من كِثر مَا حلوه ....

                              

سارة

فزيت علئ مي بارد ينذب علئ وجهي شهكت وايدي علئ كلبي اباوع كلها متجمعة علية كالت غصون

                              

حبيبتي بيج شي بس من رخصتكم كعدت ممكن توخرون وكلهة تفرقت واني احس كلبي يريد يطلع من

                              

مكانه عزا العزاج سويرة انفضحتي كعدت غصون يمي تعدلي بالشال وكالت شبيج يمعودة؟ شنو انسحنت

                              

روحج من كتلج يريد يخطبج؟ بلعت ريكي وكتلها ها لا مو مامتريكة مولهذا السبب ههه شسالفة غصون كال

                              

ها لعد المرة الجاية تريكي هزيت راسي وكالت رنا شسمة سارة نرجع لموضوعنا زين سارة يعني انتِ

                              

ماعندج علاقة بـشخص او عايـشة قصة حب يعنـي منريد نتقدم ونحرجج فكولي من هسة اذا تحبين احد

                              

علمود نكنسل الموضوع، بلعت ريكي وكتلها واني كلبي يركص جوبي هههه لا حبيبتي وين اني انسانة مااعرف

                              

غير حب الله والوطن باوعت علئ غصون وضحكت وغمزت الها تخزيت وانشهرت سحبت جنطتي وكتلها

                              

اني رايحة تاخرت علئ المحاظرة ب باي كمت امشي علئ السريع وروحي مسحونة انفضحت بما فيه الكفاية

                              

خابرت علئ ريحانة كتلها انتِ وين؟ كالت بالنادي كتلها جايتج تمشيت للنادي دخلت لكيتها كاعدة

                              

بالاخير هية ونازك سحبت كرسي وكعدت وكتلهم واني اهفي ولك يمة الحكولي انسحنت روحي كالت

                              

ريحانة بخوف شبيج سارة باوعتلها وكلت امير  خطبني يمة كده كتير اوي اني مستحملش كدة ريحانة

                              

صفنت وضحكت وكالت نفسه هذا الجنج عتوي تباوعين عليه من الشبابيك هزيت واسي وكتلها نفسه

                              

بعد روحي نفسه نوب معجب بيه ادري شعجبه طيحاتي كدامه لو من هوست بالماسحة وسمعني لو من

                              

شافني واني امشي بدون كعب يمكن رجليناتي عجبنة من شافني نازعة الكعب ضربتني ريحانة بالجنطة

                              

وكالت وسم دسكتي خلي نفهم الموضوع يعني هوة حاجاج؟ كتلهة بحسرة وين يمعودة هوة غير اخواتة

                              

حاجني وانغمة علية وكعدوني بمي بارد وانشهرت بين الناس هسة شكد عيب كالت ريحانة عزاا سولفي بعد

                              

شصار كتلها شسولف بعد هنة كومة فضايح المهم كلتلي تحبين لو لا كتلها اني مااعرف غير حب الله

                              

والوطن استحيت اكلها احب اخوج هزت ايدها وكالت هية بس هاي عوزها تحجيها بعد طركاعة طاحت عليج

                              

يسارة كالت نازك بعدم فهم فهموني يجماعة شديصير حالي حال الاطرش وكاعد بالزفة كتلها واني احجي

                              

بسرعة باختصار نازك واحد جيرانة اسمر وطويل ومعضل بوياي وضابط واراقبة من الشباك وكم مرة

 

                

لكفني اباوع عليه ومااتوب هسة يريد يتقدم الي شتكولين اوافق لو لا كالت بسرعة دكومي لبسي البدلة

يمعودة واذا ماتردينة اني اخذة تهي بهي هم عوزها تفكرين اباوع ريحانة فحطانة من الضحك كالت

يمعودات هوب هوب اوكفن وبعدين تعالي سارة بعدج صغيرة وينج وين الزواج نجبي وكعدي كتلها بحسرة

هاي الزنود واللحم كلة وتكولين صغيرة خلف الله عليج وهنة فحطن من الضحك باوعت الهن وعيوني

مدمعة وكلت شبيجن احبة والله عابت ريحانة مسحت دموعها ضلت تبجي من الضحك وكالت خطية الله

يساعدة من هسة واحب اكلة شورطك خوية مادكلي رمشت وكتلها شني هنيالة علية والله يالله وين يلكة

نفسي مكتئبة وفرفوشة بنفس الوقت وبالحالتين اضحك انومة بنكتة واكعدة بنكتة متتتتتت وضلينا

نضحك ومنا فرحانة ومنا متوترة كالت نازك يمة سارة شنو هاي كارثة انتِ فحطتينا من الضحك من هسة عود

اذا صارت القسمة عزميني موتنسين كتلها بابتسامة بعد روحي انتِ اخليج تلزميلي المبايل مالتي لين

تدرين بية راح التهي  بالخطبة ورجعنا طكينا من الضحك .

ريحانة

رجعنا للبيت واني وسارة فحطانين من الضحك ودخلت سبحت وتوضيت وطلعت مشطت شعري وصليت

وقريت شوية قران وكمت نزلت جوة وكلت لماما جوعانة كالت بحب تعالي يروح امج انتِ صبيت غدة

بالاستقبال رحت للاستقبال وكعدت اول وحدة علئ الصينية وصحتت تعالوااا تغدوووا يمعوديين وشوية

والتموا علئ الصينية الله دولمة اكل واغمض عيوني بشهية واكول الله يمة الله عاشت ايدج ابوسها اني

ابوسها وهية تضحك علية وتكول الف عافية بعد روحي واني مستمرة اكل واجة ببالي باسل ديروح

لاربيل يتونس جريت سلكاية اكلتها وكلت بكلبي بس لا وياهم بنات لا اكيد باسل ميسويها ورجعت اكلت بعد

سلكاية وكلت بس لا نساني فزيت من صفنتي علئ حسين وهوة يكول شني وين صافنات انتِ وسارة كللنا

خلي نصفن وياجن كالت سارة شعليك انتَ خشمك هذا

الي هالكبرة لا تحشرة بكلشي باوعت لخشم حسين هلكدوتة يخبل كلها اخ سارة اخ اذا مانكمل غدة

والزمج من صوفتج اسحلج مااطلع حسين وخزرها وهية تعيب عليها وبابا صاح اي بعد كومي عضي سارة

لاتستحين بعد ابوج وانتَ اكلها هم لاتستحي بعد ابوك اي من امداكم خلونة نتغدا وسكتهم يمة مبين اعصاب

اليوم وامب تاشر الهم بمعنئ اسكتوا وحسين ياشر الها ويكول بهمس حتئ بابا لا يسمع بوسي خلي يهدأ يمة

        

          

                

غصيت باللكمة وسارة ضلت تدك علئ رجليها وتضحك وتكول وبحلكها اللكمة يمة حموت يمة وبابا لازم

الخاشوكة وصافن علينا طكها بضحكة وكال طيح الله حظكم واحد واحد وباوع لامي وكال ماعداج طبعا

ورجع كمل حتئ انتَ محمد الله يطيح حظك محمد بحلكة اللكمة ضحك وكال ماعندي حظ انة ورجعنا

نضحك وبابا يهز ايدة ويرزل بينا ويكول مو كايل بوكت الغدة مااريد اسمع صوت وسكتنا وهوة يرزل

بينا.  لحد ماكملنا وكمنا نضفنا وهاي وسمعت سارة تصيح كمت الها اشوفها وشفت حسين حاصرها يم

الثلاجة ويضرب بيها بوكسيات علئ كيف ويكلها ها بعد تحجين وياي سويرة الزركة احجي شو انخلستي

كالت وهية تدفع بيه دوخر الاسود عابتلك راح انتل وخرررر وهوة ساعة يكرصها وساعة يضربها لحد ما

انكطت بحافة الكاونتر براسها وضلت تبجي اباوع عليه تخربطت احوالة كبل جرها وشبكها وكال سودة

علية يابعد اخوج بلا شوفيني وهية تكلة وخر من يمييي خلي اكل لبابا وخر وهوة حاضنها ويدك علئ

ضهرها ويكول سويرة ام الكمل ماتتت الحكوها سويرة ام الكمل ماتتت الحكوها  واني فحطتتت من الضحك

وهية تبجي وتضحك شالها وركض بيها وكال هب هب طارت سارة هب هب وسع وسع وهية من كل عقلها

فاتحة اديها وتصيح هييييي الحرييية وطب انطكوا ببابا اني من يمي شردت وكفت بالاخير وبابا سحب

السبحة من جيبة وكال ضهركم يحكم؟ شوتعالوا وسارة صعدت فوك وحسين طلع بالحديقة وبقيت بس اني

باوع علية بتك عين واني كلت بسرعة والله اني معلية همة ضحك وفتحلي اديه وركضت حضنته ابتسم وكال

هوب هوب علئ كيفج موزين عليج وباسني براسي وطلعت امي من الاستقبال وشافتنا باوعت النا

بابتسامة وتقربت وكالت شنو اني ماالي مجال ضحك بابا وسحبها وضمها لحضنة واني مبتسمة علئ شكلهم

شكد حلوين شوية ووخرت رحت كعدت يم محمد بالاستقبال كاعد يلعب بعلاوي سحبت مبايلي اكلب بيه

ضوجة دخلت علئ باسل ردت احاجيه بس تنهدت وكلت خليه علئ راحته الضاهر داسبب اله ازعاج .

طالب

منتجي علئ الكاونتر وهية حاضنتني وامسد علئ شعرها وكلت بتعب شنو يروح التعب وينهد الحيل

وبكلمة منج كلشي يرجع طبيعي واحسن من قبل دوة جروحي انتِ بوية دواهم بستها بخدها وكلت احبج

بوية كالت بابتسامة وهية تمسد علئ لحيتي حبيب روحي انتَ، طلوبي ابتسمت وكلت عيونة اليشوف

بيهم؟ همست تحبني؟ تنهدت وجاوبتها شني احبج؟ بوية انة مرات أحسد ثيابج لأن من عطرج شبعن

        

          

                

شم ،غمضت عيونها بخجل واني ضحكت حركاتها تسحن روحي بستها براسها وكلت وهسة يحلوة تغديت

وشربت الجاي وكرصت خدها وكلت وتعدل مزاجي وهسة اروح انام وارتاحلي كم ساعة لين وراي شغل

كالت وهية تحضن ايدي بايدها خوش اجي وياك ضحكت وضميتها لحضني وتمشينا للغرفة دخلت

وسديت الباب تمددت وهية نامت علئ ايدي لحد ماغفيت واني حاضنها .

مريم

احمد نايم واني متمددة يمـها واباوع بوجهة وامسد علئ كيفي علئ خده ومبتسمة شكد احبـه يالله صعدت

ايدي لرموشه لحواجبه كلشي بيه حلو، فزيت من صفنتي عليه وهوة يفتح عيونة بنعاس ومبتسم

ويباوع علية ابتسمت وشبكته وكلت صحيت حبيب روحي اشتاقيتلك ضمني لحضنه وكال اي يابعد حيلي

افدي اليشتاقلي اني وسحب ايدي باسها كتلة واني اخلي راسي علئ صدره مشتاقة لاهلي كلش اريد

اروحلهم اخذنيي حباب كال وهوة يمسد علئ شعري موتدللين؟ يلا كومي بدلي اوصلج ومناك اطلع عندي

شغل ابتسمت وكتلة تمام كمت بساع غسلت ووفتحت الكنتور سحبت فستان مال محجبات مال طلعة لبسته

وعدلت الحزام مالته ووكفت امكيج وهوة واكف يلبس بالقميص ويباوعلي ومبتسم كملت مكياج لفيت الشال

وطلعت جنطة صغيرة خليت بيها دشداشة قصيرة والمبايل والشاحنة والجزلان مالتي وكعدت علئ

الجرباية البس بالكعب والسير مالته ضوجي ماجاي ينسد انكسر ضهري واني اسويه بيه وماكو مااحسيت

الة احمد مكرفس بالكاع ويريد يسويه كمزت وكتلة لا وخر حبيبي هاي راح اسوية كال بهدوء اكعدي شو كتلة

احمدد كال اكعدي حبيبي كعدت وهوة سوالي ياه وكومني وهوة مبتسم وكال واذا سويتلج ياه ليش

تضوجين؟ كتلة واني اعدل بياخة قميصة مادري بس هيج استحيت ضحك وكالت تستحين مني لا لا

ابتسمت وهوة باسني براسي وكال اميرتي كتلة روحها وعمرها همس احبج كتلة واني احضن ايدة بايدي

اموت عليك ابتسم وكال يلا امشينا سحبت الجنطة وهوة طلع كدامي واني طفيت الاضوية وقفلت الباب

وطلعت لكيته مشغل السيارة ركبت وهوة بدأ يسوق وطول الطريق لازم ايدي وكالساع يبوسها واني

مسحونة روحي من ورة حركاته الحلوة لحد ماوصلنا كتلة تنزل باوع للساعة وكال ان شاء الله من اجي

اخذج عود انزل لين هسة تاخرت كلش كتلة تمام يروحي باسني بخدي ونزلت اول مدكيت الباب شوية

وفتحوه دخلت وهوة راح حضنت علاوي وبوسته لين هوة فتح الباب دخلت جوة لكيت محمد وريحانة

        

          

                

وحسين وسارة بالاستقبال كتلهم بابتسامة هلاووو انييي اجييت وهمة كمزوا وسلموا علية وحسين باسني

وكال تروحلج فدوة سارة ضحكت وبسته وكتلة مشتاقتلك حسيين كومة شبكني وكال بعد اخوج شوف

محمد محد يشتاقلك لين انتَ حقنة صير نفسي فرفوش ضحكنا وكتلهم لعد ماما وبابا وين كال حسين

بعشهم العصافير ابتسمت ونزعت الشال وكعدت يمهم كتلها سارة كلاص مي عطشانة فدوة كالت وهية

تطكطك بالعلج هذاك المطبخ بي مي ارو وروحي شربي اني شعلية ضحكت وكتلها ساعة السودة من

طلبت اكوم اني اشرب احسلي جاي اكوم وكالت اشاقة يمعودة اكعدي رايحة اجيبلج رايحة كامت وريحانة

كاعدة يمي حضنتها وكلت شلونها اختي والتؤام ابتسمت وكالت زينين نسلم عليج بوستها وكلت

مشتاقتلج وضلينا نسولف لحد ماكعدوا بابا وماما وهم تلكوني وبابا طول مااحنا كاعدين ضامني لحضنه وكالساع بايسني براسي وماما نفس الحالة .

ريحانة

صعدنا فوك بالغرفة اني وسارة ومريم بدلت واجت كعدنا نسولف ونكرز حب ،وسارة سولفت لمريم

وكالعادة رجعنا خربنا من الضحك ،كمت تمددت علئ الجرباية فتحت مبايلي ودخلت لمحادثتنا اني وباسل

ومااتحملت ودزيتله ها ان شاء الله متونس ؟شوية وشافها وكتب اييي كلش فوك ماتتخيلين ،بلعت ريكي

بقهر وكتبت دوم ان شاء الله وسديت المبايل وعقجت وجهي وسارة كالت لمريم عوفيها اجتها الحالة هسة خمس دقايق وترجع طبيعية واني اخزر بيها .

حسين

متمدد علئ الجرباية واباوع علئ الفلم، واجن اشعارات لمبايلي فتحته وشفتهم من فدك رجفت ايدي، دخلت

علئ المحادثة شفت راسلة صور ايدها وايد واحد ولابسين حلقات وهالسوالف وكاتبتلي جوة تخطيتك

وعبرتك خلي اشوف انتَ تكدر تتخطاني ولو اني واثقة انو تركت شي بداخلك مراح ينمحي وراح يسبب

الك عقدة وبعد لاتحب ولازوج قريت كلامها وابتسمت وكتبت الها، موشرط المواقف الصعبة تكسرني وانما

تبنيني وتوعيني وبهذا موقفج وكلامج محيتي كلشي بداخلي وماعدت احمل الج ذرة حب بداخلي، وشي

عابر وراح وانتهئ وجانت تجربـة استفاديت منها بحيـاتي وركزي زين استفاديت منها مومنج لين انتِ

كل خير مايجي منج ياناكرة ويجي يوم وترجعيلي برجليج واحب اكلج من هسة لا ترجعين ضلي بندمج

اني مااباوع للورة بعد والله يوفقج ويكتب الج الحياة السعيدة شافت الرسائل جاي تكتب وانطيتها بلوك وتنهدت وكلت بتعب وقهر  اي

        

          

                

دولي خرب باللحظة العرفتج بيها وامدة هيج صدفة عرفتني عليج اتخطاج واعبرج وانساج هم لو موعشرة

وحب  سنين علئ هاي سوايتج كلشي انمحئ وراح

ورجعتي وحدة غريبة مااعرفها ،مامقسومتلي شسوي

اكتل روحي؟ لو اضل مطلع اغاني وابجي عليج مثلا؟ لو اعيش حزنان طول عمري وانتِ متونسة؟ لا اني

اقوة من هيج بوية الضروف التكسرني اكسرها واعبرها مهما تصير شغلات مو حلوة ،اكو امل  بداخلي

انو يجي يوم يعوضني  عن كلشي صار موحلو وتنهدت وهمصت  واحس هليوم حيل قريب والله راح يعوضني بشي اكون راضي بيه وفرحان وصفنت وكلت خلي اكوم اتعارك وية سارة احسلي .

في اليوم الـتالي

ريحانة

كعدت الصبح الله اليوم عطلة كمت سبحت وبدلت وواكفة امشط بشعـري ونزلت عيني علئ بطني

ابتسمت ومسدت عليها علئ كيف وهمست ها حبيبيني شلونكم اليوم ،اني احبكم هواي هواي ،واحجي وعيوني تلمع من الفرح نزلت جوة لكيت ماما تحظر بالريوك ومريم وبابا وحسين كاعدين

بالاستقبال صبحت عليهم وحسين متمدد علئ القنقة ورايح بسابع نومة، بابا صاح حسيين كوم اني شكم

مرة كعدتـك كعد حسين وكال خلي علاوي يروح يجيب صمون مابية حيل اني ،بابا رفع حاجبة وكلة

منين تعبان من الضحك ، كلة وهوة يطكطك اصابعة لا والله حبك تعبني وبابا شال المخدة شمرها علية وهوة

كام يضحك وطلع يجيب صمون بابا هز راسة وكال ماتصيرلة جارة ابدا ضحكت علئ سوالف محمد وشوية

وماما خلت الريوك وكعدنا واجة حسين وبدينا ناكل وكملنا تمددت علئ القنفة وامسد علئ بطني ومبتسمة

دخلت مريم وسارة شافني ضحكن وكالت مريم اوي فدوة شهل نزاكة وكعدن يمي ويحجن وية بطني واني

اضحك عليهم شوية وسحبت مبايلي ودكيت علئ بـاسل غصبا ماعليك تجاوب حتئ لو زعلان خوش

شوي وجاوب كال الو كتلة هلاو كال اهو هم انتِ شتردين هوة كال ‏هيج واني بجيت وكتلة سلامتك

مااريد شي اخذ راحتك وسديت الخط وضليت ابجي موصوجك صوجي اني والله صوجي اني ،رجع دك

علية ماجاوبته دك مرة ثانية رديت علية وكتلة واني امسح بدموعي خير شتريد؟ ماحجة كتلة تحجي لو

اسده كال اكرهج واني كبل رجعت ابجي جني وحدة طفلة والخط مفتوح كتلة ببجي جذاب متكرهنيي

تموت علية رجع كال اكرهج  كتلة واني امسح دموعي خوش اكرهني ولاتريدني  واني اطلك من عندك

والاطفال يمي واتزوج واحد غيرك واعيش حياتي طبيعي وهم ازوج واحد يحبني ويموت علية وانتَ ضل

        

          

                

بقهرك هذا خوش وسكتت وانتبهت شحجيت غمضت عيوني وهمست بداخلي جفصت يالله جفصت اجاني

صوته يرعد رعد وهوة يكول اي ادبسز انتِ عود ليش ماتستحين شنو هذا الحجييي منو هذا اليييي يحبج

احجيييي شنو هذا الكلام اليوم راسج اكسرة همست بهدوء شكو موماتحبني؟ وكلت بمكر ويكولون مرات

الطلاق يكون بداية الانطلاق فاني كبل انطلق قابل ابقة عليك تؤتؤتؤ الله يعوضني بالاحسن وسكتت

ورجعت كلت واني اضم ضحكتي عود الجهال اخليك تشوفهم كل جمعة وسبت وسديت الخط عود يعني بس

انتَ تضوجني هههاي هاي حركت دمك حرككك علمود بعد مااتضوجني ابو البنات ابو الجكاير رجع دك

ماجاوبته دز رسالة كاتب بيها، ان شاء الله اول المعزومين لعرسي انتِ كفيتي ووفيتي وياي لازم

اجازيج بشي حلو اوكفج تاخذين النا صور بدال المصورة قريتها واحس هيج روحي احتركت حرك

تربعت بالكاع وكعدت ابجي وادك علئ رجلي واكول ابو النسوان حركك كلبي ابو النسوان .

سارة

صارت الدنيا عصر واني واكفة اعزل اغسل بالكراج واغني وانا ياطير ضيعني نصيبي حرت لا اني لهلي ولا

اني لحبيبي واغني بصوت الجمهوري خطية حتئ العصافير كلهن طارن منكد مصوتي حلو الله لايجذبني،

مااحس الة اندك الباب صحت منووو واجاني صوت وهوة يكول اني يمة ام امير افتحي الباب واني كمزت

عزا العزاني كبل شمرت الماسحة نزلت البرمودة عدلت فالينتي ونزلت خصل وتقدمت امشي بكياتة متتتت

فتحت الباب ودخلت ام امير واخوات امير سديته وسلمت عليهم واني شوية مبللة من ورة المي خرب

حظي المصخم دخلوا واني دخلت ركض صعدت للغرفة غسلت وبدلت لبست دشداشة قصيرة وسويت

شعري ضفيرة وخليت مسكارة وحمرة وست ريحانة كاعدة علئ الجرباية وعيونها حمر من ورة البجي

موتتني يمة موتتني ومريم يم ماما جوة صحيت علئ صوت ماما وهية تصيحني صحت اي يوم جاية رشيت

عطر ونزلت كالت امي بابتسامة جيبي المي حبيبتي اجيت اكول جا شني مريم مكرمة ماكامت هية بس

كلت انفضح وكبل كلت اي ماما حاضر رحت للمطبخ اخذت صلاحية مي وكلاص وقدمت الهم مي وكعدت

وام امير تباوعلي ومبتسمة واني مسوية روحي اسولف وية البنات بس شنو كفيلكم الله صرت سودة

من الخجل حتئ موحمرة، وبعدين شوية وكالت لامي والله يام ام محمد جاينكم بطلب واتمنئ ماتردونا

جاوبتها امي بابتسامة عيونا الج ام امير كولي كالت الها سالمة عيونج بعد كلبي بس جاين نخطب سارة

        

          

                

لامير علئ سنة الله ورسوله هية كالت واني انسحنت روحي بلعت ريكي واهفي يمة الجو صار حار كالت امي

الها بابتسامة اهلا وسهلا  نتشرف بيكم بس بعد نشوف رأي البنية وابوها واخوتها وان شاء الله خير

واذا صارت فكل الهلا بيكم ابتسمت من امير واني كمت طلعت وصعدت فوك ركض دخلت للغرفة وسديت

الباب وانتجيت عليه واحس روحي صخنت يمة وكلبي يدك حييل حييل كالت ريحانة شبيج شكو باوعت

عليها وكلت يمة ام امير خطبتني عفية السالفة صارت صدك اشاقة بطلت مااريد ضحكت وكالت بيها الخير

حبيبتي صادوج بعد هاهية غميتها وكلت امداج

اريدها تهدأني تكلي صادوج امدة الخوة اي والله عفتها ورحت للحمام غسلت وجهي صار ناررر وكلبي يدك حييل يمة .

طالب

كاعد اني وغالب وعزيز بالكهوة نلعب طاولي وفاتحت غالب بموضوع خطبة محمد ووداد وقبلها متفق اني

ومحمد علئ الموعد فكتلة ان شاء الله اليوم بليل نجيكم حتئ نتفاهم والبنية تبدأ تجهز هز راسة وكال

كل الهلا خوية تنورنا ابتسمت وكتلة منور باهلة بعد اخوك وعزيز طاير من الفرح من داري ريحانة حامل

بتؤام كالساع وكال بنتي شلونها؟ والي ببطنها شلونهم؟ واني اضحك علية لحد ماكملنا ورجعت للبيت

وكلت لجوري تحضر روحها بعد ساعتين نروح لبيت غالب حتئ نتفق علئ تفاصيل الخطبة لين محرم قرب فالخطبة هسة والعرس ورة ميخلص محرم وصفر .

مريم

راحوا ماما وبابا ومحمد لبيت عمو واني والبنات طايرات من الفرح لين محمد راح يخطب رجعوا ورة

ساعة ونص متفقين علئ كلشي وحددوا يوم الخطبة بعد اسبوع وكعدنا نسولف ونتفق وسارة رايحة بغير

عالم وماما من فاتحت بابا بالموضوع طلعت ركض وضل يضحك عليها وكال والنعم منة امير خوش ولد

ينشد بيه الضهر خوش قسمة ان شاء الله يصير خير والولد هم حمدوا بيه ، وشوية واندك بابا وعلاوي صاح

بابا اجة احمد زوج مريم كمزت من مكاني يمة اشتاقيتلة طلعن البنات من الاستقبال واني رتبت

الاستقبال ودخل هوة وبابا ومحمد وحسين واني جنت واكفة سلمت عليه ورحت جبتله مي شرب وابتسم

والي واني يمة انسحنت روحي كعدت يم بابا وضلوا يسولفوو ونوب استاذن وكال تاخر الوقت احنا نستأذن

بابا كله ابقئ علئ العشة بس كلة الف عافية متعشي والله غير مرة ان شاء الله كمت بساع بدلت وسلمت

علئ ماما والبنات ونزلت لكيته طالع بالكراج واكفين يسولفون سلمت علئ بابا والولد وبابا بوسني وكال

ديربالج علئ روحج باباتي ابتسمت اله وبسته من راسه وكتلة ان شاءالله صعدت بالسيارة وصعد احمد

بدأ يسوق سحب ايدي باسها وكال شلونها حبيبة روحي المشتاقلها كتلة واني احضن ايدة بخير مادام

انتَ بخير ابتسم ومد راسة باسني بخدي وشوية وصلنا للبيت نزلت ونزل ودخلنا وهوة ضامني لحضنة

ويبوس براسي سد باب المطبخ نزعت الشال ودخلت للغرفة غسلت وبدلت وهوة مبدل ومتمدد علئ

الجرباية رحت ركض وكمزت بحضنة ضحك وكال هوب هوب علئ كيفج وحضني ضحكت وكتلة يمة

مشتاقتلك شبكني حييل وكال موبكديي بنيتي باسني بخدي وضلينا نسولف ونضحك لحد ماغفينا . 

ريحانة

متمددة علئ الجرباية وبعدها الدمعة بعيني صدك اني ام دميعة ولطامة علئ كولة سارة ،لحد هسة مانشفن

دموعي وانقهرت كلش وضليت اتذكر كل السوالف التقهت الصايرة وياي وانقهر بالزايد وابجي وسارة

شابكتني وتسكت بية حتئ كلبي ضل يوجعني شهكت وكلت لسارة عود يعني يزوج وينساني وبجيت ويعني

بعد مايريدني وهية شبكتني وكالت يا ريحانة صدك تحجين باسل يحبج والله واكيد يتشاقة وياج وراد

يضوجج شوية موانتِ دستي ببطنة كتلها واني اشهك لا اني اشاقة وياه بس هوة ميشاقة صدك يريد يزوج

عضت اصبعها وكالت خرب المانيا يبوووو تسوي من الحباية كباية لج ام دميعة كافي موزين عليج عود

شعاجبج بالبجييي فهميني لج بابا كافي بجي كافي موراح تموتين اسم الله جابت مبايلي وكالت هاج دكي

علي كتلهة اما ماادك عوفيي كالت بعصبيية دكيي خلي شوية يحجي وياج بلكت تسكتين عبالك طفلة

وتبجي علئ ابوها سحبت المبايل دكيت علية واني ابجي وارجع ليورة رفضه شهكت وكتلها شوفييي

مايجاوب كالت ارجعيي دك رجعت دكيت جاوب خليته علئ اذاني وبس ابجي واشهك ماتحملت كبل

سديته حتئ مالحك يحجي خلت المبايل علئ الميز وكالت بابتسامة حسبي حسابج باسل خمس دقايق

تلكيه بالاستقبال مادام سمع صوتج تبجين اكص ايدي اذا مااجة يركض .

يتبع ...