رواية يأس القلوب (2) الفصل الخامس 5 - بقلم رودي

part 44

                                        

                                              

من تشتاگلي أحضني

حد الما أميز هاي

دگت گلبي لو گلبك .

                              

ريحـانة

فزيت الدنيا مغرب سحبت مبايلي شفتها الساعة بـ9 او شكد نمت ،وحتئ سارة كايمة يمكن جوة كمت علئ

                              

كيفي شوية عندي تقلصات بطني تأذيني كمت غسلت وجهي وتوضيت وصليت كملت صلاة سحبت مبايلي

                              

دانزل جوة وشفت بالاشعارات رسالة من باسل كلبي هيج مدري شصار بيه كبل كعدت علئ الجرباية

                              

وفتحت الرسالة وقريت الي دازه وهية دموعي ضلت تنزل عشرة عشرة شمرت مبايلي علئ الجرباية وخليت

                              

ادية علئ وجهي وضليت ابجي حييييـل رجعت سحبت المبايل وحرت شكلة لو شكتب اخر شي دكيت

                              

عليه هاهية بعد مااكدر اريد اسمع صوتـه رفـض وادك ويرفض وادك ويرفض لحد ما جاوب ماحجيت شي

                              

بس صوت شهكتي طالع ودموعي تنزل همست بـاسل ...ماجاوبني كل مرة من اكله باسل يكول عمره

                              

وروحة وكلبة وحياتة لباسل هالمرة كلشي ماحجة ...رجعت همست باسل هم ماحجة مسحت

                              

دموعي وكلت هاهية لا تحجي شي بس خليني اسمع صوت انفاسك هذا كلش كافي ،كال هـا واني مادري

                              

شصار بية صوتة خلاني استعدل ... همست بقهر كلت اسفة همس شيفيد ؟كتلة ودموعي تنزل ادري ماتفيد بس والله

                              

اسفة وكلش اسفة والندم ياكل بية اكل صدكني كلام

وقت عصبية كلته ولاحرف صحيح ابد والله ولا حرف

                              

ولحد هسة مصدومة شلون اني كتلك هيج وسكتت ورجعت همست مشتاقتلك حيييل مامتعودة هيج

                              

تعوفني حتئ موزينة بدونك اني والله موزينة ادري بسببي وكلة مني بس والله موبقصدي والله ...بعد

                              

مااضم عليك وكلشي اشاركك وماازعلك ولا اقهرك ولااخليك تنام زعلان مني ولا اي شي بس ابقئ

                              

مكابتلك وكاعدة وكلشي مااريد والله وشهكت ودموعي نزلن مطرر احبك والله ....بعد سكوت دام

                              

خمس دقايق همس للأسـف مـا ابـادلج نفـس الشعور وغلق الخط واني بعدني مخلية المبايل علئ اذني

                              

وابجي شمرته بالكاع حييل ورجعت ابجي ومنا بطني تاذيني من التقلصات ومنا مقهورة والتمن علية كلهن

                              

بجيت لحد ماحسيت دموعي خلصت كمت علئ كيفي دخلت للحمام غسلت وجهي عيوني مورمة من ورة

                              

البجي ووجهي احمر دم واغسل بوجهي واشهك لحد ما هدأت شوية ورفعت شعري سويته كباية ونزلت جوة

                              

دخلت للمطبخ شربت كلاص مي وايدي ترجف مدري شلون الكلاص ماطاح من ايدي دخلت للاستقبال جانوا

                              

كاعدين وماما كالت صح النوم حبيبتي ابتسمت الها بهدوء وكعدت يمها وانتجيت عليها كالت شبيج باجية؟

           

كتلها هيج شوية بطني تاذيني كالت لا بيج شي كتلها بهمس بعدين احجيلج ماما والله مالي خلك هزيت

راسي ورفعته وشفت سارة وعلاوي وحسين ماتحملت وبجيت وكتلهم شكو تباوعون علية وهمة مصدومين

مني لين بجيت واني منا اريد حجة علمود ابجي ماما خزرتهم وكالت وهية تمسد علئ شعري لحد يباوع الها

واني ضامة روحي بحضنها همست اسويلج اكل حبيبتي تاكلين موزين عليج؟ كتلها بهدوء واني امسح

دموعي مااشتهي شي والله هزت راسها واستغفرت الله واني مسنحة بحضنها لحد ما كامت تسوي عشة

واني مجتفة ادية وكاعدة وساكتة اجت سارة كعدت يمي وكالت ها حبيبتي وباستني براسي وضلت تمسد

علئ ايدي واني خليت راسي علئ كتفها وهية تمسد وتحجي وياي بهدوء واني ساكتة، من ماما كملت العشة

واجة بابا ومحمد وكعدوا كلهم ياكلون واني كتلهم مااريد ،اباوع عليهم وهمة ياكلون واشوف الفنكر الله

اشتهيت اكلها ونوب باوعت علئ المعكرونة بالجبن وماما كالت ريحانة الله تعالي شوفي هاي المعكرونة

بالجبن سويتها الج مثل متحبيها بجبن الانكور وذايب عليها صارت كلش طيبة، مااتحملت كمت كعدت يم

ماما وبابا ضحك وهز راسة والباقين ضامين ضحكتهم والله يالله شمسوية اني حتئ يضحكون كعدت وانطتني

شوكة وضليت اكل بشهية وذبيت حركتي بالاكل وكلها كامت واني بعدني كاعدة وماما مكيفة ولكت خوش

فرصة كامت تجيب بالاكل وتخلي كدامي لو تسويلي لكم واني اكل وتكلي اي اكلي بعد كلبي اكلي اليوم

التؤم يركصون جوبي من الفرحة لين اكلتي ضحكت وهية ابتسمت الي كتلها هاهية ماما شبعت اكلت هواية

والله كالت الف عافية يروح امج انتِ سارة اخذت المواعين واني وكفت اريد اساعدها ماقبلت كالت سوي

الجاي انتِ غسلت ونوب خليت القوري علئ النار وفتحت الثلاجة شربت الدوة مالتي مال فقر دم ومال

تقلصات وهم فيتامينات بعدين كملت الجاي واخذته للاستقبال صبيتلهم ويشربون واني اشرب جاي واكل

كعك كملنا طلعت شوية اني وسارة بالحديقة كعدت بالمرجوحة وهية تفر بية علئ كيف وتكول ويييي هبا

واني ابتسم رغم مقهورة حيييل بس حسيت شوية بالاطمئنان لحد ما هية صعدت وضليت افر بيها شوية

ودخلنا للبيت وصاحت علاوي كلتلة تعال روح اشترينا وماقبل وراحت كالت لبابا عليه يالة قبل يروح كالت

شتردين اوديلج كولي بساع ترا صايرة خوش بنية لا تخسريني ابتسمت كتلها اريد نمبر وان وقوطية ببسي

        

          

                

وجبس ليز وشسمة اكو كيكة احبها باسل جان يجيبلي ياهة كاليومية انتبهت علئ روحي شحجيت بلعت

ريكي وسارة كبل كالت هاا ام الغلاف البنفسجي تمام تمام وبعد شتردين كتلها هاهية هزت راسها وراحت

انطت الفلوس وكلت لعلاوي شنو يجيب ووكفت اله بباب الشارع لين دنيا ليل نخاف عليه واني كاعدة

بالاستقبال يم حسين يكلب بمبايله ،تمددت علئ القنفة يالله موتتني هل تقلصات لزمتني من البارحة لحد هسة

كالساع يروح ويرجع من ورة التعب  شوية واجتي

سارة بيدها علاكة الحلويات وكالت يلا امشينا نصعد صعدنا فوك واني امشي علئ كيفي لين احس بطني

تموتني من الوجع دخلنا للغرفة كبل تمددت علئ الجرباية وسارة شغلت النا فلم وكعدنا نباوع وناكل

حلويات واني ساعة اصفن وساعة اباوع لحد ما سارة نامت كمت طفيت الفلم، واني سحبت المبايل ودكيت علئ باسل !

باسل

اسوق راجع للبيت خلص دوامي وصوت بجيها ببالي ماجاي يطلع يخليني اشيل روحي واطكها بالكاع، كلبي

تكطع عليها تكطع من سمعتها تبجي بس ماسويت شي بس كتلها هيج علمود اخليها تحس بحركة كلبي

وتندمت حيييل شلون هيج اقهرها؟ شسوي هسة ادك عليها لو شسوي ، والتفكير اكلني اكل لحد ما وصلت

للبيت نزلت وقفلت السيارة دخلت دنيا ليل الساعة بـ2 طريقي جان طويل ومتعب  صعدت كبل دخلت سبحت وطلعت شمرت روحي

علئ الجرباية تعبان حيييل وفراكها متعبني اكثر .. باوعت لمكانها فارغ تنهدت وغمضت عيوني هستوني

جاي اغفئ ودك مبايلي استغربت منو داك علية بهـل لـيل مسحت عيوني وسحبت المبايل كبل جاوبت بدون

مااباوع للأسم كلت بنعـاس الو منو، ماجاوب وخرت المبايل جاي اشوف الاسم واجاني صوتها الحنين وهية

تكول باسل تنهدت  وكلت شرايدة ؟جاوبتني كول عمري شنو شرايدة مسحت وجهي وبلعت ريكي وكتلها

شرايدة، شكو تتصلين كالساع مالي خلك اسمع صوتج جاوبتني احبك، خربطت احوالي تنهدت وكتلها اريد

انام رايدة شي؟ رجعت كالت احبك مسحت وجهي واحس كلبي راح يوكف، همست بعد لا تخابريني

مومارايدتني؟ وكارهتني؟ ومتعبج وسالب راحتج؟ المن هسة جايتني تكليلي احبك؟ شتداوي هاي

الاحبك؟ نكعيها بمي وسويها ماسك لوجهج وهـية بجـت واني غمضت عيوني والشوك ياكل بية اكل كالت

وهي تشهك انتً ليش مجاي تفهمني اكلك موبقصدي والله موبقصدي وضلت تبجي واني ساكت وحجت

باسل كلشي اكدرلة الا زعلك كسرني كسر والله ....احس حياتي واكفة بدونك ...وشهكت وكالت

احبك اني والله ،ماحجيت شي هية رجعت همست ادري بيك بعدك مقهور وضايج مني بس ممكن طلب؟

        

          

                

اجيت اكلها عيوني الج بوية، تراجعت وكتلها شنو؟ هية سكتت ورجعت كالت بلا افتح كامرة وخلي

المبايل ينتجي علئ التيبل لم استغفرت الله وكتلها مخبلة انتِ؟ وبعدين ترا مااحجي وياج اني والخط راح

اسدة خلي هاي السوالف تفيدج، بس وين اكدر الها اني، كالت بسرعة بداعتي شبيك، ادري بيك زعلان

وبعدين اني ماكتلك تعال ابوسك ولا كتلك اشبكك كتلك افتح كامرة، تنهدت وسويت مثل ماكالت خبلتني

بنص الليل ادري زعل جيس حب فتحت الكامرة والمبايل علئ التيبل لم واني منتجي علئ المخدة

واباوع الها اريد اشوفها وين توصل فتحت كامرة ، ونايمة وايدها علئ خدها والوجه احمر من البجي

وخصل من شعرها نازلة علئ وجها انسحنت روحي، سويت روحي مامهتم ،كتلها شتردين هسة فضيني اريد

اولي انام، وهية ايدها علئ خدها وصافنة علية كتلها مو احجي وياج كالت ها شسمة مااريد شي عوف

الكامرة مفتوحة ونام موزعلان انتَ اني عاجبني هيج اباوع عليك اريد انام مرتاحة كتلها مخبلة انتِ؟ كالت

اي مخبلة بيك انتَ خبلتني ،خزرتها وهية ابتسمت تمددت وشابك المخدة واباوع عليها وهية نفس الحالة

هستوني بديت اغفئ وهية كالت زعلان الاملح مايكلي مرحبا همست بنعاس الزركة وكلت بكلبي شلون وية

هالطفلة اني اعرف المتازعلين لا حس ولاخبر وهية فاتحة كامرة ويـاي شني زعل اونلاين ؟ واني بدل

مااسده عايفه ومكيف جاي اسمع صوتها استغفرالله ياربي، وغفيت وبعد مادريت شصار .

ريحانة

نام واني صافنة عليه ومكزكزة يمة هلا بهل وجه المشتاقتله موت يمة هلا وغلا، شلون نايم يكلبي مبين

عليه التعب اصالحك اصالحك والمخدة هايييي وخرهاا من ايدك  مكانييي هذااا مكانييي وهوة نايم لا

حس ولاخبر واني ادردم بحدي واخذ سكرينات وارجع ليورة، من صدك كلبي طاك عليه شلون انطاني كلبي

وحجيت هيج وياه وزعلته وكسرت خاطره سودة علية حبيب روحي انتَ، ان شاء الله اصير خرسة اذا

بعد زعلتك لا يمة اسم الله يمكن اريد انكد عليك شلون نوب سكتت ورجعت كلت باسل اني احبك

تحبني لو لا رجعت كلت بعصبية تحبنييي لو لا ونوب تذكرت هوة نايم ميسمعني الحمدالله الغباء موهبة،

وسكتت ورجعت صفنت بوجهة لحد ماغفيت واني ماخذة وضعية الجنين .

باسل

فزيت مادري الساعة شكد فتحت عيوني وكبل صار المبايل بوجهي ابتسمت وتنهدت واني اشوفها نايمة

انتجيت علئ الجرباية وضليت صافن عليها واحجي بنعاس وتالي وياج حبيبة روحي وتالي؟ تقهريني منا

        

          

                

ارجع عليج مثل المخبل منا تعوفيني يطك كلبي عليج تقهريني واحن الج ،وهذا كلبي يبجي عليج ويريدج بع

د مااتحمل بنـيتي اريـدج يمي،اجت ببالي فكرة ابتسمت بمكر وغلقت الخط ودزيت الها رسالة، لاتدكين

علية بعد ملتهي وية اصدقائي رايحين سفرة لاربيل اريد اغير جو عكرتي مزاجي واريد اتونس شوية، وسديت المبايل ايي خلي اشوفج هسة شتسوين ،

ريحانة

فزيت سارة تكعد بية كبل كمزت كالت كومييي راح يجي الخط تاخرنا اني كبل كمزت علئ المبايل شفت

الاتصال مغلق فد انقهرت مافتحت المبايل كبل كمت غسلت وبدلت بساع وسارة كملت نزلت قبلي ،سحبت

المبايل والجنطة ونزلت وراها لكينا ماما مسوية ريوك تريكنا واجة الخط كبل كمنا طلعنا ،من صعدنا بالسيارة

فتحت مبايلي ودخلت للمحادثة وشفته دازلي رسالة قريتها ومادري شلون مابجيت بلعت ريكي شغلت

بيانات الهاتف علمود الشبكة  وكتبتلة  بقهر تريد تتونس مو، عكرت مزاجك مو ؟الله ياخذني خوش الله

ياخذني وهوة صوجي اني والله صوجي روح تونس وية البنات الضاهر صدك اني بعد ماافيدك وسديت

المبايل ومسحت دمعتي النزلت ،وسارة ايدها علئ خدها وصافنة علية وصلنا للجامعة نزلنا هية كبل

راحت لقسمها واني متفقة وية نازك انو دائما نلتقي بالحديقة الصبح، لكيتها كاعدة علئ المصطبة شافتني

ابتسمت كامت بوستني وكالت صباح الخير ابتسمت وكتلها صباح النور كعدت يمها وسكتت وهية صفنت

علية كالت شبيج وعيونج شبيهم حمر، سولفت الها واحجي ومقهورة كالت افف هسة شلون يعني هسة

هوة يطلع وية بنات وكذا؟ هية كالت هيج واني بجيت طكيتها علئ كيف بالجنطة وكلت واني ابجي عابت

شنو يطلع وية بنات يحبني هوة ميسويها ،وهية سكرت من الضحك علية واني امسح بدموعي واباوع

عليها بتك عين،وكتلها تدرين البارحة فتحت وياه كامرة يالة نمت صفنت علية وكالت عفية شنو هذا

الزعل اول مرة اشوف اني هيج شي وين اكو اثنين متزاعلين واحد ينام علئ صوت الثاني باعي هوة لو

صدك ميحبج جان اصلا مجاوب علئ اتصالج بس لين يحبج ومشتاقتلج رد عليج يالثولة ادري شني زعل

جيس حب، ابتسمت وكتلها واني امسح دموعي صدك يعني بعده يحبني حتئ لو زعلان علية هزت راسها

وكالت اكيد وضلينا نسولف  لحد ما رحنا للقاعة وبدات المحاظرة .

سارة

خلصت المحاظرة وطلعت اتمشئ بالحديقة وتلاكيت وية غصون ورنا اخوات امير  ابتسمت وهنة اجني

علية كبل وكالن واخييررا لكيناج وين رحتي يمعودة وسلمن علية سلمت عليهم ومستغربة كتلهم هنا

موجودة ليش غصون سحبتني من ايدي وكالت تعالي عدنا حجي وياج يحلوة كتلهة شنو كعدني علئ

المصطبة وحدة كعدت من اليمنئ وحدة من اليسرة واني بنصهم وكالت غصون سارة انتِ خوش بنية

واحنة نحبج ونعرفج وامي ميتة عليج وصراحة مدري شلون اكلج بلعت ريكي وكتلها ليش هالكلام؟ ابتسمت

رنا وكالت الصراحة امير اليوم سأل امي عليج وكلها عاجبتني اريدج تخطبيها الي هية كالت هيج واني عيوني غوشن وبعد مادريت بشي .... 

فضحتنا سارة متتتتت 😂♥

تفاعلوا حبايبي