رواية يأس القلوب (2) الفصل الرابع 4 - بقلم رودي

part 43

                                        

                                              

تزاعلنة وتعدة علئ الزعل مدة

ندم وديتلة بس كل شي ماودة ......

                              

في اليوم التالي

                              

سارة

اكعدي يعني تبقين هيج بس تبجين؟ اكعدي اكلي يمعودة الطفل موزين عليه شنو ذنبه جاوبتني وهية

                              

تغطي راسها مااريد روحي من يمي كلشي مااشتهي تنهدت بتعب وكتلها ريحانة فدوا كومي والله خطية

                              

الي ببطنـج لخاطري يلا فدوا وخرت اللحاف وكالت كايمة كايمة ،وكتلها بلا

                              

غسلي وجهج وتعالي كامت للحمام واني واكفة امسد علئ ايدي صار يوم من فتحتها وصدك حسيت بالحرية

                              

جانت مقيدتني طلعت من الحمام واجت كعدت  دنيت الصينية يمها وبدات تاكل علئ كيف واني صافنة

                              

عليها شمسوية بوجها من البجي وعيونها محورة صبيتلها عصير برتقال طبيعي وكتلها اشربي اخذته

                              

وشربت وشوية وكملت اكل صحيح مااكلت هواي بس المهم اكلت اخذت الصينية غسلتها وهية دخلت تسبح

                              

كملت الصينية وطلعت للكراج عزلته وكنسته وبعدين شكلت الصوندة وفتحتها وبديت اغسل بالدراج علاوي

                              

يرشلي مي واني امسح وصلت يم باب الكراج كتلة اني مااكدر اطلع ،اطلع انتَ اغسل الباب ومن تكمل سد

                              

الصوندة هز راسة وفتح باب الكراج واني دانطيه الماسحة وطب صفت سيارة امير كبل شمرت الماسحة وسديت الباب يمة همزين مشافني نوب منكععة تنكع دخلت غسلت وجهي واحس صار

                              

نار من الخجل صعدت فوك لكيت ماما كاعد تمشط لريحانة ومسويتلها اثنين ضفاير وشعرها طويل

                              

طالعات حلوات عليها ولابسة دشداشة قصيرة وبطنها بارزة ابتسمت فديتها لاختي الحلوة شوية وماما نزلت

                              

جوة وريحانة متمددة علئ الجرباية ومبايلها بيدها تكلب بيه وكالساع صافنة اخر شي كالت بهدوء سارة

                              

باسل يحبني ميعوفني؟ تنهدت وكتلها اي يروحي يحبج ويموت عليج ومستحيل يعوفج واصلا اذا شافج

                              

هيج ينقهر بالزايد، تنهدت وماحجت شي واني كعدت اقرا وكتلها عندج دوام باجر؟ كالت اي كتلها تداومين

                              

كالت مادري كتلها ماكو مادري تداومين وترحين وياي بالخط اكو مكان وضليت ادرس وهية كاعدة وساكتة .

                              

ريحانة

سارة تدرس واني صافنة ورايحة بغير عالم، بالي يم باسل هسة شلونه، هيج وكت هوة يتغدة اكل لو لا،

                              

وسالفة تجر سالفة ودموعي تنزل اخر شي ماتحملت كمت دخلت للحمام وضليت ابجي واشهك دكت سارة

                              

باب الحمام كتلها ببجي سارة روحي من يمي مااريد احد كعدت ابجي وايدي علئ وجهي كالت وهية تدك

                              

الباب افتحي ريحانة لاتسوين هيج بروحج صدك تحجين اطلعيي ماجاوبتها بس منتجية علئ الباب

 

                

ودموعي تنزل بهدوء مادري شكـد مر وقت كمت غسلت وجهي وفتحت الباب طب كبل سارة طاحت

وبنص البجي طكيتها بضحكة جانت منتجية علئ الباب ومن فتحته طاحت كالت وهية تحك ضهرها

امداج ماشفتيني اشو هايشة شكبرني مسحت دموعي وكتلها بضحك نجبي سارة لاتضحكيني عوفيني

مقهورة ،كالت وهية مجتفة اديها وتباوعلي بتك عين تردين الصدك ريحانة؟ تنهدت وكعدت علئ الجرباية

وكلت كولي ،كالت ترا انتِ كلش غلطـانة يعني بعيداً عن انو باسل يحبج ومدللج ويحترمج من صدك هالمرة

كلش غلطتي بحقه يعني حتئ اني انصدمت ! مهما كنتي عصبية وضايجة ميصير تذبين حركتج بيه

وتحجين كل هذا الكلام الجارح وترا الكلام الي بوقت العصبية ،يمرد الكلب مرد ! لاتبقين كاعدة وساكتة

ومخلصتها بجي فتحي عيونج واستوعبي الي ديصير وفكري شلون راح تصلحين كلشي بعد ماهدمتي

ولاتكعدين تبجين هسة ولا هاي فكري شوية بالي ببطنج فكري بحالتج الصحية وفكري بباسل وشفتي

كل المشاكل جاي تتكرر بيناتكم علئ نفس السبب كالعادة ضميتي عليه بلعت ريكي وهزيت راسي وكتلها

بقهر صحيح كلامج ابد ماجاي اعرف اصرف مادري شبية وداحس بالخطأ بالوقت الخطأ، داهدم كلشي

وحتئ من اشوف تصرفاتي اضوج لازم اسيطر علئ نفسي مستحيل ابقة هيج تقدمت سارة ومسدت علئ

شعري وكالت وبالنهاية كلشي يهون صدكي ماكو شي يبقئ علئ حاله هزيت راسي وشوية وماما صاحتنا

نزلنا وماما انطتني كلاص عصير برتقال وكالت اشربي شوفي وجهج شلون اصفر العصر نروح للدكتورة نشوف

وضعج كتلها واني اكعد علئ القنفة وايدي علئ بطني لا ماما مااروح كلش مالي خلك والله خليها بعدين كالت

وهية تشربني العصير اسكتي موبكيفج نروح يعني نروح اخذت الكلاص وضليت اشرب بيه وهية كعدت

يمي وتمسد علئ راسي واني مسنحة بحضنها ، شوية وصعدت فوك بالغرفة تمددت دايخة ومالي خلك هلايام

دوخة لازمتني موطبيعية ومن اوكف احس نفسي حطيح علئ وجهي ،من صارت الدنيا عصر سارة كالت

كومي حنروح اني وياج وماما للدكتور كتلها واني اغطي راسي بالمخدة اما مااروح مالي خلك سحبت

المخدة وكالت وعلي تكول ماما اذا ماتكوم اصعد اسحلها من شعرها تنهدت وكمت غسلت وسارة انطتني

عباية خليجية منها ولبست شيلة لون بيجي ورشيت عطر وكعدت وسارة سحلتني وخلتلي حمرة ومسكارة

وكفت كدام المراية وكلت لسارة تلاحظين انو بطنـي شوية بارزة زيادة عن اللزوم واني يعني راح ادخل

        

          

                

بالشهر الثالث؟ كالت وهية تباوعلي اي صحيح بلة هسة نكول للدكتورة ونشوف هزيت راسي ونزلنا لكينا

ماما منتظرتنا بالكراج طلعنا كالت يلا امشن حسين منتظرنا بالباب طلعنا مشغل السيارة ركبت ماما بالصدر

واني وسارة ورة بدأ يسوق واني صافنة عليه ماحجة ولا كلمة عكس كل مرة من نطلع يخلصها ضحك

ويحشش علينا كلت بكلبي سودة علية مبين مقهور الله يعوضك بالاحسن ياروحي وصلنا وكال من تطلعن

عود خابرن علية اني هنا يم ولد صاحبي كلنا اله خوش دخلنا للدكتورة وماما حاجزة عدها تقريبا ربع

ساعة ودخلتنا السكرتيرة، سوولي تحليل دم وسونار من طلعن اخذتهم للدكتورة صفنت بالاوراق وكالت ماما

صدك تحجين دمج 7 وانتِ حامل بتؤام ! هية كالت هيج واني رمشت ودرت علئ ماما مامستوعبة شكالت، 

وشبكتني ماما فرحانة بية  واني بعدني بصدمتي اني حامل بتؤام ! غوركت عيوني وكتلها يعني دكتورة هسة اني اثنين

ببطني وبجيت وهمة كلهم ضحكوا علية واني انهديت بالبجي سكتتني ماما واني امرر ايدي علئ بطني

ومبتسمة يعني هنا هسة اثنين مو واحد؟ لهذا بطني كبيرة الله كون باسل وياي ....جان صارت الفرحة

فرحتين ... ومن سمعتني دقات قلبهم هيج حسيت فراشات دتتطاير بداخلي وهيج روحي فرفحت وهم

كالتلي لا تتحركين هواية لين موزين علية طلعنا من الدكتورة والابتسامة مرسومة علئ وجهنا كتبتلي هواية

ادوية لين عندي فقر دم ومضاعفات دخلنا للصيدلية اشترينا الدوة وطلعنا، وسارة خابرت حسين خمس

دقايق واجانا صعدنا وامي كالت لحسين ابتسم وكال مبروك يروح اخوج ان شاء الله واحد منهم ولد ويطلع

علية ضحكت وكتلة ان شاء الله سارة كالت الله هيج هم بنية واضل هيج الاعبها وادلعها يموييي كزكزت

وطول الطريق يسولفون ويضحكون واني راسي علئ الجامة والدموع بعيني فرحتي ماكاملة ...من وصلنا

كبل صعدت للغرفة بدلت وغسلت وتمددت علئ الجرباية واباوع بورقة السونر بيها صورة التؤام بس

اكيد مواضحة بس يعني شلون وضعهم ببطني صافنة عليها ودموعي تنزل عشرة عشرة شوية وشهكت وكلت

بقهر هسة لو هوة وياية وغطيت راسي بالمخدة وبجيت وحاضنة ورقة السونار وانفتح باب الغرفة كبل

سويت روحي نايمة شوية وايد مسدت علئ وجهي فتحت عيوني علئ كيف هاي الايد اعرفها ايد بابا

مبتسم ومسح دموعي وكال مبروك باباتي همست الله يبارك بيك بابا كال وهوة يمسد علئ خدودي شبيها

        

          

                

الحلوة تبجي؟ كتلة واني امسح دموعي هيج فرحانة مابية شي هز راسة وجنة عرف شبية بس ماحجة بس

كال يابة تهون وتصير سوالف هسة يلة كومي وياي كومي كالوا متقبلين تاكلين وماكلة شوية اليوم كتلة

مااشتهي بابا اريد انام سحبني من ايدي علئ كيف وكال بهدوء اي دكومي وياية يابابا لاتسوين هيج كمت

وطلعنا من الغرفة وهوة ضامني لحضنة ويمشي نزلنا جوة مجتمعين بالاستقبال كعد بابا وكعدت يمه كال

باجر عندج دوام ؟كتلة اي وسارة كالت اروح وياهة بخطها هز راسة ،ورجع كال وهوة يمسد علئ ايدي ترا

باسل التحق لا يضل بالـج هوة كـال هـيج واني عيـوني غوركن همست اي بابا وكمت رحـت للمطبخ

شربت كلاص مي وبالي يمه منو كوة اله ملابسة؟ منو

الصبح قبل لايطلع سوة اله ريوك ؟ البارحة شـلون نام ومكسور خاطره مني ؟وشلون وشلون عصرت عيوني

مااريد ابجي تعبت من البجي ،فجاة دخلت ماما للمطبخ وبيدها مبايلها وكال هاج ماما ريحانة احجي

وية عمتج ام باسل اخذت المبايل منها وسلمت عليها وماما كايلة الها حامل بتؤام وطايرة من الفرح ابتسمت

علئ فرحتها ورجعت كالت يمة اني مااريد ادخل بمشاكلج انتِ وباسل لين انتم تحلوها وان شاء الله

تنحل باقرب وقت وماكو اثنين ماتصير بيناتهم مشاكل وفترة وترجع الامور طبيعية لاتشغلين وتتعبين نفسج

وارتاحي وديربالج علئ احفادنا ابتسمت وكتلها ان شاء الله عمة، شسمة اشتاقيتلج ضحكت وكلت يبعد عمتج

اني الاشوق العصرية افتقدتج محد كاعد وياي ابتسمت وسولفنا شوية وهداتني وقبل لا تسد الخط

كتلها ودموعي نزلن عمة كولي لباسل ريحانة حامل بتؤام وماتحملت بجيت  وهية ضلت تهدأ بية وتطيب خاطري

بكلامها الحلو وشوية وسدينا الخط رجعت المبايل لماما وحرت شسوي ماعندي شي اسويه وملل

موطبيعي وماكو شي جديد رجعت كعدت بالاستقبال واباوع علئ التلفزيون .

طالب

صافن علئ جوري كاعدة يم حسين تسولف وياهة وهوة راسة بحضنها وتمسد علئ شعرة وتحجي وياه

واني صافن عليهم رفعت راسها شافتني رفعتلها حاجبي بمعنئ واني ؟ ضحكت وابتسمت علئ ضحكتها

بويـاي ترد روحـي من اسمعهـا، شوية وحسين كام صعد فوك وهية اجت كعدت يمي حاوطتها بايدي

وكـتلها شنـي مشـتاكلج اليوم مااجيتي يمي؟ كالت وهية تخلي كذلتها ورة اذنها غير التهيت ياعيني

سحنـت روحـي بحركتها ،باوعـتلي بتك عين وكالت اي عيني محدد لحيتك ومزين شعـرك شعـندك ضحكت

        

          

                

وكـتلها شنو الواحد مايصير يرتب نفسـه؟ همست اذا كلهم يصيرون حلوين هيج نفسك فلحد يرتب نفسه

ابتسمت،علئ كلامها وسحبت ايدها بستها وشوية وكمت للغرفة تمددت علئ الجـرباية ، وبـالي يم ريحـانة

هالمرة ساحكة ببـطن الولـد سحـك ،مااريد احاجيها اخاف عليا لاتنقهر ومنا حامـل، ان شاء الله احلها

السالفة بهدوء ويرضون الطـرفين تنهدت وغمضت عيوني وافتح باب الغرفة وانـطبك حـيل غمضت

استغفرت الله وكلت ها انتِ سويرة مو؟ كالت وهية تدك رجلها علئ الكاع سارة بابا سارة مو سويرة كعدت

وشمرت عليها المخدة وكلت اشتعل ابوج بنار ونفط شوكت تتعلمين تفتحين الباب مثل الاوادم كالت

مـادري والله ان شاء باقرب وقت ضحكت واستغفرت الله كتلها اي شتردين كالت باجر قبل لا نرجع من الدوام حسين راح يطلعنا اني وريحانة تقبل  كتلها خوش روحوا مادام وية حسين 

كالت تمام بابا وسوت حركة لايدها بمعنئ ورق ضحكت كتلها اخذي من جيبي اخذت ودزت الي بوسة

بالهوة وطلعت ضحكت ماتصيرلها جارة هالبنية وشوية ودخلت جوري وكبل اجت نامت بحضني وضلت

تسولف وياي وكالـساع تصـفن بوجهي وتكول شنية طالع حلو واني اضحك عليها سودنتني هالجـوري .

سـارة

واكفة اطلع ملابس من الكنتور لست ريحانة لين باجر عدها دوام وشطلع ضيق عليها لو قصير لو مدري شنو

اخر شي طلعت الها بنطـرون بوي فريند اسـود وقمـيص لون فستقي وشـيلة بيجية وحذاء بيجي

كلش حلوات ورهمن عليها واجيبها منا واحطها منها موتتني اللطامة شوكت مااجيها تبجي بالكوة سكتتها

بستها براسها وكلت موكلتي عندي صديقة جديدة اسمها نازك كليلها خلي باجر تجي ويانا للمطعم نتونس

شوية وهم اتعرف عليها تنهدت وكلت سارة اجليها كلش ماالي خلك اطلع والله كتلها نجبي ريحانة غصبا

ماعليج تطلعين يلا راسليها كدامي راسلتها وكلتلها عادي ماكو مشكلة وبعدين ضليت كاعدة يمها لحد

مانامت واخذت وضعية الجنين هية هاي نومتها من جانت صغيرة ولحد هسة ابتسمت وبستها وكمت

طفيت الضوة ووكفت يم الشباك بلعت ريكي واباوع لبيت امير ابتسمت بخفة واني شفته كاعد بباب البيت

ويمه صديقة اعتقد ويمهم نركيلة ضليت واكفة وصافنة بهدوء رغم الجو اضلم بس اضوية الشارع

تخليني المح ولو شوية من عنده تنهدت وهمست احـبه والله احـبه حسيت كلبي ضل يدك حيل تنفست بهدوء

واباوع عليـه شـوية وراح الولد الي جان يمه هوة كام جاي يشيل النركيلة ورفع راسه كـبل وخـرت وخليت

        

          

                

ايدي علئ كلبي يمة همزين مشافني شوية وكلت اكيد دخل بلا خلي اشوف ومديت راسي ويمة كمزت كمزة

عزا العزاني انفضحت كبل سديت البردة وشمرت روحي علئ الجرباية يمة كاعد علئ الرصيف ويدخن

وصافن علئ الشباك وشافنييي ضربت روحي راشدي وكلت اي لزكة اي ام طفكة اكعدي شعندج تراقبين

بالولد وغفيت واني ارزل بروحي مخبلة والله مخبلة .

في اليوم التالي

ريحانة 

فزيت الصبح قبل لا يدك المنـبه اول شي اجة ببالي باسل كلش اشتاقيتله كلبي ميت عليه سحبت مبايلي

فتحته ودخلت علئ محادثتنا واكتب وامسح واكتب وامسح اخر شي اجت ببالي اغنية هيثم يوسف

وابتسمت وعيوني مدمعة وكتبت اله ...

زعلان أراضيك، بعيوني أخليك، برموشي أغطيك..

ودزيتها وتنهدت كمت كعدت سارة ودخلت للحمام غسلت وجهي وطلعت سويت شعري كباية وبدلت

ووكفت خليت مكياج خفيف مالي خلك ولفيت الشيلة وسارة واكفة تخلي مكياج كملت وكعدت لبست الحذاء

اكرمكم الله وسحبت مبايلي اشوف باسل رد لو لا شفته شايف الرسالة بس مراد بلعت ريكي وعصرت

عيوني مااريد دموعي تنزل يعني شتتوقعين ينسئ الزعل بسرعة ويرد عليج ؟تنهدت وكمت بعد مااسارة

خبصتني الخط اجة نزلنا ومااتريكنا مانلحك صعدنا بالخط والبنات رحبن بـية وسارة تباوع بجنطتها

تارستها ترس غراض ،واني اباوع وياهة علئ الواهز انطتني علج من الصبح خلتني اطكطك وهية وياي

تطكطك وشوية وصلنا للجامعة نزلت اكيد اليوم راح اترزل لين مجايبة الابكوت بس عادي مااهتم دخلنا

وسارة راحت لقسمها واني تلاكيت وية نازك سلمت عليها ومشينة نسولف كالت شبيج وجهج اصفر كتلها

كلش مالي خلك نازك كعدنا بالحديقة ومادري حسيت اريد احد احجيلة علمود ارتاح لكيت روحي كاعد

احجيلها وهية تستمعلي وتمسد علئ ايدي من كملت كالت تدرين جان عندي فضول اعرف الولد ليش سحلوهم وطلعوهم اليوم بس هسة انتِ حجيتي؟ كتلها

باستغراب شنو؟ كالت الولد الي سوا هيج بيج اليوم حتئ انفصلوا من العمادة وطلعوهم خارج الكلية ورفعوا

بيهم قرار وبعد الله يعلم شيصير بيهم عزا من حجيتي والله من يمي خفت صفنت عليها وكلت بكلبي اكيد

باسل اشتكة عليهم وراح يلعب بيهم طوبة بلعت ريكي وصحيت علئ نازك وهية تكول  ياروحي ليش هيج مسوية بروحج وبس تبجين؟

صحيح صارت بيناتكم مشكلة وهاي بس عادي تنحل والله وتتفاهمون وترجعون طبيعين بس الشي الوحيد

        

          

                

انو اثنينكم تحتاجون فترة راحة علمود يرتاح بالكم  اثنينكم وبعدين كلشي يتعدل وفكري بروحج انتِ

حامل ولا يصير بيج شي ترا القهر والبجي ميفيد والله همست واني مبتسمة ومسحت دمعتي حامل بتؤام

رحت للدكتورة اباوع عليها خلت ايدها علئ حلكها وضحكت بفرحة وكالت الله عليج صدك يمة من يمي

فرحت تتهنين بيهم يروحي وباستني واني اضحك عليها كالت وهية تهدد والله بعد اذا سمعت بيج مقهورة

لو تبجين الزمج واكتلج ابتسمت وشوية وغيرت الموضوع وضلت تسولف وياي وتسولفلي عن عائلتها

وعلئ حياتها اليومية وشوية وبدأت المحاظرات وكمنا رحنا للقاعات ،وقبل،من خلصت المحاظرات طلعنا واحنا

نسولف ورحنا لقسم سارة سلمت عليها سارة وتعرفن ونفس السوالف والتحشيش وبساع اندمجن وعافني

علئ صفحة اني صوجي عرفتهن هههههه بعدين رحنا للنادي اكلنا لين مماكلين شي وسارة كالت هسة نازك

تجين ويانة اليوم من نطلع اخوية ويانا نازك كالت بخجل باعي والله اني عبالي بس انتن كلت عادي بس

وية اخوج لا مااكدر والله واستحي كتلها بابتسامة لا عادي حبيبتي علئ راحتج ورجعنا نسولف ونوب سارة

كلتلها خرب يومج شكد حبـيتج ونوب يامحمد نفس سوالفي انطيني رقمج انطيني يمة خربتني ضحك والله

عليها سوالف سارة تبادلن الارقام واني كاعدة يمهم ورايحة بغير عالم ورة شوية بدات المحاظرة الاخيرة

الدكتور يشرح واني صافنة فزيت من صفنتي وهوة يكول بابا ريحانة وياي؟ كتلة بخجل نعم استاذ وياك

هز راسة ورجع يشرح طاحظي لهل درجة مبين علية مامركزة ورة ساعة خلصت المحاظرة وطلعت اني

ونازك ولكينا سارة منتظرتنا يم البوابة وكفنا واحنا منتظرات حسين وهية منتظرة اخوها وطبعا الخط راح

لين سارة كالت الهم اخوية يجيني واكفين ووكفت سيارة حسين نزل الجامة وكال يلا اصعدن ونزع

المناضر ويباوع علينا ونازك خجلت كبل راحت ودعناها وصعدنا وحسين كال لعد متجي وياكم ؟سارة

جاوبته لا تكول استحي كال وهوة يسوق شني راح اكلهة لو اعضها ضحكت وسارة تكلة اي انتَ تعضعض

كلها تخاف منك ويبو ويسوق ويتعاركون وهسة نندعم من وراهم وشوية خفت الضوجة من عنده ومنطلق

ويانا كال تردن نروح للروضة تتونسن شوية تلعبن وية الجهال يمة غير فحطت من الضحك وشوية وصلنا

لشارع فلسطين ونزلنا نتمشئ ونباوع للمحلات وحسين يمشي ويانة دخلنا لمحل سارة عجبها قميص

واخذت وياه بنطرون وجاي تدفع الحساب وحسين خزرها وطلع محفظته ودفع وطلعنا وبدات الرزايل اي

سز موتشوفيني اني وياكم شنو تردين تدفعين شنو موبعينج اني؟ كلتلة لا لا والله بس شسمة مو يعني

اخذنا من بابا فلوس كال اسكتي اني ادفع عوفيهم هذني نوب دخلنا لكوزمتك هم عجبني عطر واشتريته

وجـاي نمشي وحسين كال خلي ندخل لهذا المحل بلا درت وجهي وشفته محل مال تجهيزات اطفال ابتسمت

ودخلنا يمة شغلات تسحن الروح اباوع عليه اخذ اوفرات ثلاثة  اثنين  مال بنات واحد مال ولد وكال

بابتسامة عجبنج ناخذهم وشسمة الثاني مال بنات ناخذه لاختنا الجديدة  كتلة واني مبتسمة اييي كلش اخذهم واخذ هم كم لبسة واني وياه نختار سوية

وسارة تشيل بيهم من طلعنا من المحل الابتسامة شاكة وجهي وهوة شايل العلاليك ومبتسم وكال دشوفي من

هسة اشتري شلون خال اني؟ ضحكت وكتلة وين اكو منك انتَ سارة كالت زين شمدريك ولد وبنية يمكن

اثنين بنات كلها هيج يمكن يطلعون ولد وبنية وضلوا

وهم تعاركوا مايصدكون يلكون سالفة علمود يتعاركون

عليها بعدين شربنا عصير طبيعي ورجعنا للسيارة يمة غيرانسحنت روحي من الحر انطتني سارة بطل مي

شربت وانطيته لحسين وهوة يسوق شوية ووصلنا للبيت و دخلنا تلكتنا ماما

بوستنا وكالت ضل بالي يمكم الساعة بالاربعة وشوية وصعدنا فوك كبل دخلت سبحت وتوضيت وطلعت

صليت وكبل شمرت روحي علئ الجرباية وكبال السبلت وسارة كملت صلاة واجت تمددت يمي علئ البرودة واني دايرة ضهري برغم طلعنا وضحكنا بس الغصة بعدها بداخلي والدموع بعيني مشتاقتله كلش شسوي ويخف هذا الشوك؟  .

بـاسل

سحبت مبايلي كالساع اطلع رسالتها واصفن عليها احـس من كد مامشتاقلها روحي جـاي تنـعصر عصـر ... بنـيتي هـاي

بنـيتي بس كـلبي زعلان منها ...شتطيب هاي رسالتها جرح جرحين؟ ابتسمت واني اذكر البارحة امي من

خابرتني وكال حامل بتؤام حرت شسوي من كد مافرحت حمدت الله وشكرته وراح بالي يمها هسة هية

شلونها؟ متوجعة؟ تبجي؟ ضايجة؟ مقهورة؟ تعبانة؟ بوية من حيلي علئ حيلها زين بس اني مقهور وكلبي

مشلوع لو هية هم؟ ،رغم كلشي احن الها واشتاك بكد زعلي وانكساري منها ....فتحت المحادثة وكتبت الها والبعد عنها والغصة كاتلتني ..

وذاك النطيتهَ إلك مُو وقتِي عافيتِي ..

چا هاي تاليتِي؟

تبتعد عنِي بسبَب حُرصي وأنانيتِي؟ 

تتخلى عنِي بوقت تعبانَه نفسيتِي

مُو كافي تضحيتِي ..

كُلشي امتلكته إلك " اولها حُريتي "

و مِن تالي صرت انحسِب سجنك وسجّانك

مِن بعد ذاك الوفهَ 

تشُوفني خِذلانك !

اتفاعلوا ♥