رواية مليكة الاسد(2) الفصل الثالث 3 - بقلم ايمي الطيب
عند أسد وقفنا لما جاسمين قالت انها موافقه علي سراج
وقتها أسد بصلها وافتكر لما إستدعاها في غرفته
فلاش باك
اسد: جاسمين تعالي يا حبيبتي عاوزك
جاسمين دخلت الاوضه وقالت: نعم يابابا
اسد بجديه: لحد إمتي هتفضلي كده
جاسمين بإستغراب: كده إزاي يا بابا مش فاهمه
اسد: لحد امتي هتفضلي ترفضي أي عريس يتقدملك لحد إمتي حطه أمل بإن فهد هيرجعلك يابنتي فهد أختار سيرين عشان بيحبها إفهمي ده كويس
جاسمين بحزن: أنت معاك حق يابابا دي غلطتي والي حضرتك شايفه صح انا هعمله
أسد بحنيه: بصي يا حبيبتي انا كلمت سراج وقلتله أن موافقتي من موافقتك فكري ولو وافقتي تمام مش موافقه آنا مش هضغط عليكي بس خليكي عارفه أنك مش لازم توقفي حياتك على فهد
جاسمين بحزن ولكن اخفته: معاك حق يابابا بعد اذنك
باك
أسد: تمام يا حبيبتي انا هكلمه وابلغه موافقتك وهخلي يجي هو وأهله عشان نحدد الخطوبه
وكل ده تحت صدمة العيله ولكن أكبر صدمه كانت لفهد
مليكه بغضب: لا والله يا أسد بتحدد لجوازة بنتك من غير ماتقولي وانا اخر من يعلم
أسد بحده: صوتك يا مليكه وبعدين آنا قلت هقول قدام العيله كلها وعلى العموم سراج هيجي يوم الخميس عشان نحدد معاد خطوبة وكتب كتاب جاسمين
الكل مصدوم 😳
ولكن فاقو والكل عارف أن أسد مش هياخد قرار غلط في حياة جاسمين وعارفين أن فهد خلاص خطب سيرين
فالكل بارك لجاسمين ماعدا فهد فنغزه صقر من غير ما حد ياخد باله
فقال ببرود عكس ما بداخله: الف مبروك يا جاسمين
جاسمين بصت ليه شويه وقالت: الله يبارك فيك
وبعدها خرج فهد وكان معاه سيف ورعد وصقر
اما عند جاسمين كل واحد خد مراته وطلع اوضته وجاسمين راحت اوضتها والبنات راحو وراها
*******************************
عند فهد والشباب في أحد الكافيهات
صقر: أهدي يافهد مش كده
فهد بغضب: انت بتهزر انت بتقولي اهدي وهي رايحه تقول إنها هتتجوز غيري
رعد ببرود: انت الي ضيعتها من إيدك لما أختارت تخطب سيرين يا فهد
فهد بعصبيه: رعدددد متعصبنيش انت اكتر واحد عارف انا عملت كده ليه
سيف بهدوء عكس مرحه المعتاد: انت ناوي علي إيه يا فهد
فهد ببتسامة غموض: ناوي علي كل خير
************************
عند جاسمين والبنات
جاسمين قاعده والبنات حواليها
سيلين: انا مش مقتنعه انك هتجوزي سراج ده عن حب
مها مؤيده كلام سيلين: ايوه يا جاسمين سيلين معاها حق
نرمين: إحكي يا جسي بدل ما أنتي ساكته كده
قصت جاسمين كل شيء دار بينها وبين والدها ثم انفجرت في البكاء
سيلين: صدقيني فهد بيحبك بس مش عارفه بيعمل كده ليه
جاسمين وهي تمسح دموعها وبتقول بقوه: انا خلاص خدت قراري انا هتجوز سراج ومش عايزه افتح سيرة فهد دي تاني
********************
عند شخصين مجهولين ولكن يدل على وجوههم الخبث
مجهول١: ها إيه الأخبار
مجهول٢: متقلقش كله تحت السيطرة وكل الطعم
مجهول١: إحنا لازم نخلص في أسرع وقت لأنه مش سهل
مجهول ٢: ههههههههه مش علينا يا حبيبي المهم عملت الخطوه اللي اتفقنا عليها
مجهول ١: ااه نفذتها فضلنا خطوه وكل حاجه تخلص وسعتها هيقع الفهد وضحكو الاتنين ضحكة شر
*******************
مر اليوم بسرعه وكل أبطالنا نامو ولكن منهم الحزين ومنهم من يفكر بشيء سيفعله غدا ومنهم من يفكر في الأذيه
***********************
تاني يوم في قصر الغرباوي
وتحديدا علي السفره كان الكل متجمع علي سفره
ولكن كان الصمت سيد المكان ولكن قاطع هذا الصمت
صقر بحمحمه: احم عمو رائد ممكن اتكلم مع حضرتك
رائد بإستغراب: عمو وحضرتك وممكن انت تعبان ياصقر من امتي الإحترام ده
صقر برفعة حاجب: لا والله خلاص يا رائد
رائد بضحك لأن استفزه: عايز إيه يلا
صقر: احم عمو انا طالب منك إيد بنت حضرتك سيلين
سيلين كانت بتشرب مايه وشرقت وقعدت تكح وشربت تاني
رائد بإستغزاز لكي يغيظه: امممممم وانت شفت بنتي فين إن شاءلله
صقر بغيظ: لا والله ماهي متلقحه قصادي من يوم ما اتولدت
سيلين بغيظ وهي بتخبطه بجزرايه: ألفاظك يلا
صقر برفعة حاجب لكي يغيظها: انتي قد الحركه دي
سيلين وهي بتطلع لسانها بطفوله:اه قدها
صقر وهو بيبصلها برفعة حاجب وبعدها بص لعمه رائد: ها قلت إيه يعمي
رائد: رأيك إيه يابابا
ياسين: انا عن نفسي موافق مش هلاقي زي صقر حفيدي أأمنه علي حفيدتي بس الرأي النهائي لسيلين
سيلين بخجل: الي تشوفه حضرتك ياجدو انت وبابا
رائد بخبث مصطنع: لا والله طب انا مش موافق
سيلين بلا وعي: نعممممممم مش إيه مليش دعوه انا موافقه وبعدها فاقت من الي قالته وبصت لهم بخجل وطلعت جري على الأوضه والكل تحت بيضحك عليها وصقر كان بيضحك على حبيبته المجنونه
رائد بعد ما بطل ضحك: اظن كده وصلك الإجابه مبروك ياصقر بس أكمل بتهديد مصطنع بس عارف لو زعلتها هنفخك فاهم
صقر بفرحه: الله يبارك فيك ياعمي ثم اكمل محدش يقدر يزعل روحه وبنتك روحي وحياتي وطبعا جميعهم اطلق الزغاريد أما عن جاسمين فكانت مبتسمه لهم أما عن فهد بارك لصقر وخرج من البيت وكانت هناك عيون تتابعه وهو خارج وطبعا دي كانت جاسمين وهي أيضا جلست معاهم شويه وطلعت إلي غرفتها وهي تبكي علي حبيب عمرها
تسريع الأحداث
مر يومين والدنيا كما هي وجاء يوم الموعود اليوم الي هيتقدم في سراج لجاسمين
والكل كان بيستعد
******************
في غرفة جاسمين
كانت بتجهز ومعاها البنات
ولبست فستان نبيتي ونازل علي واسع بس مش قوي
وعليه طرحه نفس اللون وميكب خفيف وهيلز أسود وكان البنات بيجهزوها ولكن هي مكنتش معاهم سرحانه ولكن فاقت علي صوت مليكه وهي بتنادي عليها
مليكة: جسيكا حبيبتي انتي كويسه
جاسمين بهدوء: اه يا ماما انا كويسه
مليكه وهي تنظر لبنتها بحزن لأنها تعلم ما بداخلها ولكن قالت: طب يلا يا حبيبتي بابا مستنينا تحت وقاعد مع العريس
ونزلوا
****************
تحت كان الكل متجمع وبما فيهم فهد
الي كانوا الشباب مسكينوا عشان ميقمش يكسر عضام سراج وفجأه سمعو اصوات هيلز علي الأرض فبصو بإتجاه الصوت لقوا مليكه وجمبها جاسمين وجمبها ياسمين ووراهم البنات وساره وساندي
ونزلو وراحت جاسمين قاعدت جمب والدها ومليكه من الناحيه التانيه وكل واحده قعدت جمب جوزها والبنات وقفين وراهم وطبعا فهد سرح في جمالها من أول ما شفها
وصقر بص لسيلين بإعجاب من جمالها وهي لحظت وراح غمزلها وهي بصت للأرض بخجل
سراح بحمحمه: احم استاذ اسد انا جاي إنهارده عشان اطلب إيد الأنسه جاسمين
وجاسمين بتسرق النظر إلي فهد الي بيتك علي سنانه من الغضب من سراج ولكن هي سرحت في وسامته
وشكله حيث كان فهد لابس قميص ابيض وفاتح اول زرارين ورافع أكمام القميص ومدخل القميص بداخل البنطلون وبنطلون باللون الرصاصي الفاتح وعليه حزام اسود وجزمه سوده وساعه جلد سوده
ولكن فاقت من سرحنها علي كلام اسد
وهو بيقول: والله يا بني أنا معنديش مانع بس الرأي الأخير لجاسمين
جاسمين وهي تنظر لوالدها ثم نظرت لفهد من تحت لتحت لقيته بيبصلها ببرود ومستني يسمع ردها ودا زاد اوجعها ولكن لمت شتات نفسها
وقالت ببرود: انا مش .................
أسد:..............
استوووووووب
يتري جاسمين هتقول ايه
وأسد رد عليها بإيه
ويتري فهد رد فعله من كلامها هيبقي إيه
ويتري فهد ناوي علي إيه
ومين الشخصين المجهولين
ويتري هيوقعو الفهد إزاي
ويتري إيه اللي يعرفه رعد عن فهد
وهل صقر وسيلين هيتجوزو ولا إيه
هنعرف المره الجايه
تفااااااااااااعل
بقلم ايمي الطيب
يتبع
سلاااامووووووز
- يتبع الفصل التالي اضغط على (مليكة الاسد) اسم الرواية