رواية يأس القلوب (2) الفصل الثاني 2 - بقلم رودي

part 41

                                        

                                              

ما گدرنة نزور عتبة بابهم ..

ذوله المأذينه واحنه أحبابهم

                              

سارة

فتحت باب الغرفة وكلت بخوف شصاير حسوني ؟كال بعصبية ماكوو شي اطلعي وسدي الباب، تقربت بهدوء

                              

كعدته علئ الجربايـة وخليت ايدي السليمة بايده وكلت اهدأ ياعيني انت ليش هالعصبية؟ موزين عليك

                              

وهسة اهدأ واحجي الي كلشي باوعلي وعيونه حمر دم ويمسح علئ شعره كل وهوة يلعب بالحلقة الي بايده،

                              

فدك وسكت كتلة شبيها؟ كال اليوم عود رايد افاتح ابوي بتحديد موعد الخطبة بس تدرين صارت هاي

                              

السالفة وسكتت ماكدرت احجي لين ابد مومال خطبة بهيج ضروف ،والتهيت ماراسلتها هسة من فتحت

                              

وخابرتها وحجيت الها تكلي وانتَ تضل تأجل هيج كل يومية؟ وكالساع تكلي كذا يوم احاجيه ومتحاجيه

                              

ضال تطلع حجج؟ اني تقدملي دكتور وياي بالمستشفئ وصراحة بابا جاي يضغط علية علمود

                              

اوافق عليه وارفضك لين يكلي هوة من مكانتي ومقامي وانتَ مو من مكانتي اني دكتورة وانتَ

                              

محامي وتعرف الفرق وخلت ابوها هسة يخابر بابا يكلة اعذرنا مانتشرف بيكم؟ شسوي كليلي شسوي اني

                              

هيج فدك تسوي بية وابوي يتفشل من وراي؟ بلعت ريكي وكلت عزا العزاها هاي صدك حسين لعد مو علئ

                              

اساس تحبك وميتة بيك وحب سنين ابتسم بقهر وكال هوة  هذا الكاتلني عود علئ اساس حب سنين بس شو من

                              

كلت احنا حب سنين ومتفرقنا هيج امور تكلي اني مجنت اعرف من البداية انو راح تصير هيج فروقات

                              

واكيد انتَ تعرف الدكتور من مستواي وسكت ورجع كال احب بقوة عظيمة واتخلئ بنفس القوة... نفس

                              

ماحبيتها راح اتخلئ من عدها وبهذا تصرفها طاحت من عيني، ذرة من حبي الها ماتستاهل كلشي ماتستاهل

                              

صدكي هوة اني صوجي وعلي صوجي وضرب تاج الجرباية بايده وكال سوي زين وذب بالشط مايغزر

                              

وياهم مايغزر، مسحت دمعتي الطاحت وكتلة ختولي تروحلك ستين فدوة والله وين تلكة منك؟ هية الي

                              

خسرتك خلي تفيدها المقامات والمبادئ والمستويات خلي نشوف تاليها وين تصير هز راسة وساكت ميحجي

                              

بس صافن وعيونة حمر دم واني صافنة عليه همس بهدوء الانسانة الجنت كلش اخاف اكسر خاطرها

                              

بفديوم ...تالي هية الكسرت خاطري وراحت وكام سحب السويج والمحفظة وطلع واني بقيت كاعدة علئ

                              

الجرباية يالة هاي منين اجتنا نوب خاف احنا عايزين استغفرالله ياربي الحمدالله علئ كل حال بس وين

                              

وصلت الحقارة بهاي الناس صدك سوي زين وذب بالشط .

                              

حسـين

طلعت بالكـراج وابوي صاحني درت وكتلة ها يابة؟ تقرب وكال ها وين كتلة واني امسح كصتي هيج جاي

 

                

اطلع اشتم هوئ مالي خلك، هز راسة وهمس وهوة يطبطب علئ ضهري بوية لاتشيل هم ابوها وخلي

شيحجي يحجي اني لخاطرك ماحجيت وياه شي ماردت الامور تتعقد اكثر و مادام هية رايدتك وانتَ

رايدها عوفها علية اجيبلك ياها من حلك السبع لا تضوج نفسك مادام انتَ رايدها هاهية من هاي العين

كبل هاي،كتلة سالمة عيونك يابة، مستحيل هاهية بعد اشيلها من بالي شنو اخليك رايح راد الهم والله

علمودها؟ اكلك ياهة من الاخير بوية البنية بلسانها كالت مارايدتني رايدة الدكتور لين المحامي ميشرفها

وعلئ هذا كلامها لو بعد مادري شيصير لساني مايطخ علئ لسانها اول شي علمتني ياه احافظ علئ كرامتي

وهاي اني جاي احافظ عليها وبوية اني لو رايدها مااخلي احد يجيبها الي من حلك السبع اني اجيبها بس

هاهية انتهئ كلشي ومااهتم عادي مثل كل مرة تهون وتصير سوالف طبطب علئ جتافي وكال هذا حسين

الاعرفه هزيت راسي بهدوء وكلت من رخصتك يـابة وركبت بالسيارة وكبل طـلعت، اسوق ومادري وين رايح

تايه مااعرف وين اروح تاه علية كلشي لكيت نفس واكف يم جسر الجادرية ومنتجي علئ السيارة وصافن،

وتذكرت لحظة لحظة عشناها سوية شلون عدها هيج كلب بارد وقاسي حتئ تتخلئ بهل سهولة؟كلشي

ماجاي استوعب الشي الوحيد الي وصلت اله انو اني اريدها  وهية ماتريدني وبوكتها حسيت كل حياتي تتمحور  علئ مقولة 

(يا فرحة ما تمّت) ..

ريحانة 

فزيت علئ واحد يكعد بية فتحت عيوني شفته بابا كتلة بنعاس ها  بابا كال وهوة يكومني دكومي يابابا

وين نايمة ادري قحط فراش هسة ضهرج يكوم ياذيج شمرت روحي بحضنه وكالت واني شابكته جنت اباوع

وية محمد علئ الفلم وغفيت ضحك وباسني براسي وكال وهسة يلا اكعدي وكت مغرب كومي صلي كتلة

اي رايحة وخرت منه ورحت للحمام غسلت وجهي وتوضيت وطلعت شفت سارة تباوع من شباك المطبخ

تقربت علئ كيفي وكمزتها وكلت شتسوووين ولج كالت وهية تضربني الزركة كمزتيني شبيج كتلها

شعندج تباوعين شكو كالت اففف متدرين كتلها شكو وكعدت تسولفلي فد انقهرت والله ابد مايستاهل

حسين  سودة علية ياكلبي وبعدين تعالي هية وين تلكة نفس حسين ؟ طبها مرض هيةالخسرتة ؟شنو

باقي عليها هوة مثلا لو عايش عليها والله لا تشيلين هم ولا هاي حسين كدها وينساها ويتخطئ هذا

الموضوع تدرين بيه متكسره هيج مواضيع والف بنية تتمنئ بس ياشر علئ ياهي يريدها نخطبها الة شنو

        

          

                

احنا باقين علئ حضرة جناب الدكتور فدك ؟اشو اني صيدلانية وباسل نقيب هم كلت فديوم مااقبل باي

واحد الة صيدلاني ؟ لو صارت الحياة مقامات واني مااعرف والله يالله شوكت يبطلون هالسوالف مااعرف

مااكول بس الله يهدي هاي العالم ويثبت العقل والدين عليهم كالت سارة اي والله الله يهديهم  كتلها اني

حروح اصلي كالت اني هم جاي اصلي  رحت لغرفة ماما شفتها جاي تصلي اخذت مصلاية وحرام من

الكنتور ورحت للاستقبال فرشت المصلاية وبديت اصلي شوية وكملت عفتهم لسارة اجت تصلي عليهم

واني رحت فتحت الثلاجة اريد  اكل شو جعت لكيت نمبر وان وعصير اكيد مال سارة يالله اشتهيتهم

اريدهم خلي اروح اكلها واكلهم خذتهم ورحت للاستقبال وهية واكفة تصلي كتلها بلطف سارة عادي

اكلهم جوعانة اني والبيبي مالتي هية دكت علئ رجلها بعصبية وكالت الله واكبر يمة بالكوة ضميت ضحكتي

كتلها شكرا حبيبتي يعني اكلهم رجعت كالت الله واكبر كعدت كبالها وفتحت النمبر وان والعصير وبديت اكل

واغمض عيوني بشهية كلت واني اعض النمبر وان يمويي سارة تفوتج وعلي اكل وهية شمرت السبحة

علية وكالت وسم الف عافية اكلي بخيري اكلي كتلها بضحك شبيج عابت راح اغص وضليت اكل ودك

مبايلي سحبته من القنفة باسل يدك جاوبت وكتلة واني اشرب بالعصير ها عمري رد هلا حبيبة كلبي

ابتسمت رجع كال اليوم مااجيج بوية باتي كتلة باستغراب ليش كال الكهرباء طافية بكل المنطقة وجاي

يصلحون بيها وباجر يالة تكمل وبس تجين تنسحن روحج وتتعبين ومنا حامل فخليها علئ باجر كتلة اوو

باسل شنية غير اريد انام بحضنك مشتاقتلك ومااحس الة السبحة اجت براسي اباوع علئ سارة تاشر وتكول

اي ماتعرف تنام الة بحضنة السز ضحكت واشرت الها بمعنئ نعلعليج اجاني صوت باسل وهوة يكول بوياي سحنتي روحي افدي التشتاقلي بوية افديها شسوي

غير علمودج كتلة بخجل هاهية احبك كال بحنية اموت عليج وشوية وسديت الخط وسارة كاعدة كبالي

وتقلد علية شلون احجي  ضحكت وسحبت التربة اكل بيها طيبة وسارة صاحت يمهههه ريحانة تاكل تربة تعاليلها كبل رجعتها وكلت امداج سارة هاي رجعتها

ضحكت وكالت حل وكعدنا اني وياهة نسولف وشوية واجت ماما يمنا ومقهورة علئ حسين وتكول شنو باقي عليها الا اخذ الة زينة البنات .

طالب

واكف بالكراج احجي وية عزيز بالمبايل، يعني هسة نفسهم الي اعترضوا الي اقارب السجين الي محكمته

        

          

                

بعد 5 ايام؟ زيـن باع ماخايف علئ نفسي اني يابة، لا نوب واحد يعترض لعائلتي؟ جاوبني موكتلك خلي

حماية يمعود علمود تأمن علئ نفسك وعلئ عائلتك ترا مواول مرة تصير وياك كم مرة صارت وياك؟ تنهدت

وكتلة هاهية دبري سالفة الحماية من يمك بين مااكمل الشغل العندي جاوبني تدلل غالي والطلب رخيص

جاوبته بابتسامة غالي عزيز غالي شوية وسديت الخط ‎دكيت علئ محمد شوية وجاوبني كتلة وية

حسين انتَ رد اي يابة اول ماطلع لحكته ورحت وراه هذا يمي مابيه شي كتلة زين بوية لا تتاخرون تعالوا ،لا

يعترضون الكم ترا ما مأمن رد هاهية يابة جايين، سديت الخط وتنهدت منين طلعت الي صفح هالسالفة

احمدك ربي واشكرك علئ كل حال ،رأسي ضال يأذيني جاي ادخل جوة واندك باب الكراج جاي افتحه وبساع

سيارة شخطت وراحت فتحته بساع لكيت ورقة بالكاع شلتها بيها طلقة فتحت الورقة مكتوب بيها لو

بيك لو بواحد من ولدك قريتها وايدي رجفت من العصبية بدون تفاهم دخلت للبيت ودكيت علئ عزيز

جاوبني كتلة واني اسحب السويج من الميز كل المعلومات السحبتوها اليوم من رقم السيارة هية

والعنوان وصاحب السيارة اريدهم بالمركز هسة اني يخلون الي تهديد بباب البيت؟ كاعدلهم كعود واريد

واحد سبع ابن سبع يتجرأ يسويلي شي لو يسوي لولدي جايك اني بالطريق مااتاخر سديت الخط

وسحبت السلاح والمحفظة وطلعت والبنات وراي عطت بيهم بعصبية طالع والباب يبقئ مسدود

ماتفتحونة لاي احد ومحمد وحسين مسافة طريق وجاينكم طلعت شغلت السيارة وتوجهت للمركز يمكن ساعتين اني بالازحادم ،ووصلت نزلت كبل  دخلت للمركز وشفتها صايرة هوسة الي عرفته القوا القبض علئ جماعة السجين الي

يرسلون تهديدات وجايين العمام والخوال ومكلوبة كلاب خليت السلاح علئ الميز بهدوء ونزعت الساعة

وعزيز منتجي علئ الكرسي ويباوع علي ويباوع الهم كلت بهدوء واني مكتف ادي المن جايين؟ جاوبني

واحد بعصبية المن اخذتوا ولدنا كل يوم جاية دورية شرطة ومسوية القاء قبض شعدكم ويانة واحد انسجن

ضلم وهسسة 3 القوا القبض عليهم بحجة معترضين لعقيد مادري شني ماتخافون الله ماتستحون  ضربت

علئ الميز بعصبية وكتلة من تحجي بية تحجي بكل احترام ماااشتغل عندك اني، لا وحق محمد هسة كلكم

اشمركم بالحبس من صغيركم لكبيركم، ترا طول اللسان مايجيب خير وداعتك، وبعدين احنا هنا

لانتعامل لا وية خال ولا عم ولا واسطات لو تجيبلي اكبر واحد بالدولة هم مااتعامل بالواسطة، احنا مكافحة

        

          

                

اجرام ! غصبا ماعليك او بالاجبار تحترم اي واحد هنا لين جاي يشتغلون حتئ يخدمون الوطن ويوفرون

الامان للشعب ماجاي يشتغلون علمود يتحملون اهاينكم استحوا علئ نفسكم شوية وهنا القضاء يحكم

مو احنا ! مواهنا  تطلع حقهم تريد تطلعه  روح للمحكمة وهناك بالمحكمة من تصير محاكمتهم  كول كل

هذا الحجي واتحداك اذا طلعت سالم من السالفة اذا ماشمروك وياهم مااطلع طالب عفتهم يحجون واشرت

لعزيز بمعنئ وينهم كال اشر علئ غرفة التحقيق اشرت لضابط وياي اجة وتوحهت فتحت الباب دخلت ودخل

وياي وسده شفت 3 شباب كاعدين واحد حاجبه مطبور واحد كذلته واصلة لركبته وواحد محفحف

وجهة رفعت حاجبي وتقدمت واحد كال سيدي اسمعني اشرتله بمعنئ اسكت جاي يحجي ضربته

بوكسي بعصبية كتلة كتلك اسكتتت كلمة مااريد اسمع وبدأ الحساب وماقصرت وياهم ساعة وكلت للضابط

سجل اقوالهم وتكفلوا بالقضية واريد اخبارهم توصلني اول باول طلعت وسديت الباب وراي وكلبي بارد

يامحمد جان يوم طويل حيل وشكله ماناوي يخلص وهاي الصبح اعترضولي بليل جبتهم وطلعت حق كل

دمعة طاحت من عائلتي خوفاً علية الي يبجيهم ويخوفهم ابجي دم واخلي يتندم علئ الساعة الفكر

بيها يعترض الهم ،هم عوزها يابة بكد ايدي ويدزولي تهديدات ،صحيت علئ طبطبة عزيز علئ كتفي وهوة

يكول يابة روح وارتاحلك اسبوع هلايام جاي تصير عليك هواي ضغوطات ومماخذ اجازة صارلك هواي

كتلة بتعب ان شاء الله كال اكنسلها سالفة الحماية بعد

هاهية؟ كتلة اي هاهية أمن محد يحاول يعترضلي لو

يعترض لواحد من عائلتي الامان اني اوفره الهم مو غيري هز راسة بابتسامة وكال متعزمني علئ كوب

جاي؟ كتلة كوب جاي وب12 بليل كال باي وقت اشربه اني ضحكت وكتلة امشي يابة امشي .

بعد مرور ايام

ريحانة

الساعة بـ1 بليل باسل متمدد علئ الجرباية واني واكفة كاعدة بالكاع واسوي تمارين رياضية يمة غير انهد

حيلي نوب شكد فشلة الي بالفيديو تسوي عدل واني كالساع ممطولة بالكاع وكالساع باسل صايح بيه يكلي

كومي لايصير شي بالطفل واني مستمرة واحد اثنين ثلاثة هوووب متتتتت اخر شي فحطت وشفته

يباوعلي ويهز بيده كلت بكلبي هسة يكول شمسوي بحياتي والله بلاني بهاي المخبلة ابتسمت وكتلة باسل

اتحداك تسوي شناو 15 مرة ضحك وكال سهلة اجة يمي وضل يسوي شناو واني احسب كملت حسب وهوة

        

          

                

مستمر اريده يوكف ماكو كتلة يا شكلت وهوة مستمر يسوي خليته يرفع روحه وبساع تمددت وخليت راسي

جواه وهوة ضحك دنك يسوي شناو ويبوس بخدودي واني السز عاجبني الوضع سوة 30 شناو ورفعني

وضحك باسني بخدي وكال شنو عاجبج الوضع كتلة بضحك كلش ضمني لحضنة وكال متنامين باجر

موعندج دوام لو تعودتي علئ السهر كتلة غير ماانعس كلت خلي اسوي رياضة كال شلون رياضة كالساع

طايحة علئ وجهج خنكته وكتلة لاتستهين بقدراتج باوعلي بحب وكال بلا شوفيني قدراتج ضحكت وكتلة

عابت نزلني خلي انام احسلي شمر روحه علئ الجرباية وفتح اديه وكال تعالي بساع راح اسدهن

تعالي واني نفس الطفلة ركضت ونمت بحضنه وسد اديه وضل يضحك ويدغدغ بية بلحيتة واني اروح منا

واجي منا لحد ما سكرت من الضحك يالة عافني بدأ يغفي واني العب بلحيتة ومن اوصل اصبعي يم شفايفة

يعضني ويخليني اكمز اخر شي غفيت واني نايمة علئ صدره وايدي علئ لحيته وهوة شابكني ....

فزيت علئ صوت المنبه وهوة يدك ضميت راسي بركبة باسل مااريد اكعد بعدني مشبعانة نوم كال بنعاس

اكعدي لا تتأخرين ماحجيت هزني كتلة احسبلي من واحد للخمسة واكوم حسبلي وكومني سحل كمت واني

اتافاف واريد ابجي كتلة مااريد اكمل دراسة ولا اريد اصير صيلادنية اريد اصير رقاصة هوة متمدد علئ

الجرباية ورافع حاجبة ويباوعلي من كلت رقاصة كال خوش تعالي عوفي الدراسة وتعالي نامي بحضني واني

من كل عقلي صدكت وركضت دانام بحضنه وصلت وصاح امشي ام راس تصير رقاصة شلون راح تخليني

اموتها امشي باوعتلة بزعل وكتلة خوش باسل خوش ضحك واني رحت غسلت وجهي وفرشت اسناني

وبعدين هوة دخل سبح واني لبست بشت وجواه الفستان مالته بطوله يعني موبينصل وكفت كدام

المراية خليت مكياج خفيف ولفيت الشيلة ورشيت عطر وهوة واكف يبدل ويباوعلي تقرب شبكني وكال

شحلاتج بوية شحلاتج وباسني بخدي ابتسمت بخجل وهوة وكف يمشط واني لبست الحذاء اكرمكم الله

وطبعا مو كعب فلات لين الكعب يأذيني لين حامل فماكدر امشي بيه ظهري يوجعني سحبت الجنطة

والملازم والابكوت وكتلة يلة كملت سحب السويج والمحفظة ونزل كدامي لكينا عمو ديتريك تريكنا وياهم

وخمس دقايق وطلعنا ركبت بالسيارة وهوة ركب شغل السيارة وبدا يسوق اباوعلة شلون طالع حلو بالبدلة

العسكرية صافنة عليه وشلون المناضر زايدته حلا بدون وعي همست الله شكد حلو انتَ ضحك وسحب

        

          

                

ايدي باسها وكال موبحلاة حبيبة كلبي بوية ابتسمت وطول الطريق لازم ايدي وكالساع يبوسها ويكول

ديربالج علئ روحج ولاتمشين هواي واول متكملين دوام خابريني كتلة تمام وصلنا للجامعة قبل لا انزل

باسني بخدي وبسته وكال احبج كتلة اموت عليك

سحبت الجنطة ونزلت انتظرني ادخل يالة راح دخلت

للجامعة طبعا بدا الكورس الثاني ورجع الدوام والجامعة هوسة كالعادة مباشرتا رحت للقاعة كعدت

لين مبية حيل افتر بساع اتعب كعدت بالاستول الثاني واكلب بالملازم ولابسة الابكوت شوي ودخل الاستاذ

وبدأت المحاظرة من خلصت طلعت اتمشئ بالنادي واشتريت باكيت عصير وضليت اشرب بيـه وكاعدة

علئ المصطبة وفجاة اجت بنية تدردم وكعدت علئ المصطبة يمي وتعدل بجنطتها وتكول ناس متستحي

قليلين ادب والله ادبسزية نوب يكلي شنو هالكيك عود هاي اول يوم دوام لعد بالايام الجاية شيكولون ورفعت

راسها وانتبهت علية واني بحلكي العصير واباوع عليه ابتسمت بفشلة وكالت اسفة والله ماانتبهت عليج

اعذريني هاي راح اكوم كتلها بساع لا لا عادي ابقي كاعدة مصار شي شو هاي باوع علئ بطني طالعة شوية

من البشت وكالت وهية تحط ايدها علئ حلكها عزا حامل يمة صدقة لمحمد تعالي ولج انتِ شسمج

ضحكت وكتلها باستغراب ريحانة سوت حركة الحسد

ودكت علئ المصطبة وكالت اللهم لا حسد يموي اسم

علئ مسمئ ضحكت كالت اعذريني علئ هذا الفضول والحماس الزايد بس شسوي هاي اني مااتحمل فرفوشة

بعد كلبي اني اسمي نـازك بس اسمي عكسي لين اني لا نازكة ولاكيوت غير الصراحة بعد كلبي يمة خربتني من

الضحك باوعتلي وكالت وشسمة هستوني ضليت ادردم لين واحد دامشي وكلي جنج كيكة وماتحملت

وذبيت حركتي يمج كتلها بابتسامة عادي ولا يهمج باوعت شافت محد ورانا وسوت حركة الصحيبة وكالت

نصاحب؟ بلعت ريكي بتردد ماريد امر بتجربة فاشلة مثل قبل واندم بس حلوة المحاولة موكلها نفس

وردة ....مديت اصبعي وكتلها ايي ابتسمت وكالت متزوجة انتِ كتلها أي متزوجة وانتِ كالت لا عيني الله

يبعدنا مستحيل الكة واحد يتحملني اصلا امي تكلي انتِ ميرجعوج ثاني يوم يرجعوج بنفس اليوم بليل يمة

متتت من الضحك كتلها طبعا تذكريني باخوية واختي هم هيج سوالفهم وشقاهم كالت يافدوة يعني اني

لطيفة مو لزكة كتلها لا بالعكس كلش لطيفة وضلينا نسولف وكلش حبيتها وارتاحيت الها صراحة وطوال

الدوام حلكي مشكوك من الابتسامة وتبادلنا الارقام طبعا هية مبينة من شكلنا كيوت بس هية ممقتعنة بهذا

الشي هههههه ،قـصيرة وجسمها شـوية تارس بس مرتب وبيضة والشمس حاركتها مسويتها حمرة وحسب

مااشفت انو كلش فرفوشة وتضحك  ,وانتبهت علئ مجموعة شباب كاعدين كبالنا يحجون وياشرون علينا مااهتميت الهم التهيت وية نازك من خلص الدوام طلعنا سوية للبوابة وهية صعدت وية اخوها واني وية

باسل واشرت الي بمعنئ بيباي واني ابتسمت واشرت الها بمعنئ بيباي صعدت وباسل كال الله يساعدج

حبيبي بسته بخده وكلت ويساعدك كال منو هاي؟ كتلة اليوم تعرفت عليها صديقتي الجديدة نازك كلش

محبوبة وفرفوشة باسل لو تشوف شكد ضحكتني اليوم حتئ ابد مضجت وضليت اسولفلة وهوة يستمع

الي ومبتسم من كملت هز راسة وكال ان شاء الله خير وصلنا للبيت نزلنا وسلما علئ عمو وعمة وصعدت فوك

سبحت وتوضيت واول مطلعت فرشت المصلاية وصليت ومن كملت صلاة مشطت شعري ونزلت صبيت

النا غدة اني وباسل عمو وعمة متغدين كعدنا تغدينا كملنا غسلت الصينية وصعدنا باسل تمدد واني نمت علئ ايدة وشوية وغفيت .

سارة

وكفت سيارة الخط جاي انزل من السيارة وبنفس اللحظة وكفت سيارة امير كلبي ضل يدك حيل بساع

سحبت الجنطة ونزلت امشي علئ كيفي دكيت الباب ورفعت راسي باتجاهة شفته سد باب السيارة

ويباوعلي كبل درت وجهي ودكيت الباب مرة ثانية فتحوه ودخلت ركض يمة وصرت سودة من الخجل

ومن الشمس ....بعد ماخلصت كلشي وتغديت وصليت تمددت علئ القنفة وجان حسين كاعد يشرب جاي

ويكلب بالمبايل بهل كم يوم صار قليل الكلام وحتئ كعداته قلت كمنة منشوفة بالبيت وخلة الشغل

حجة ،كتلة حسين كال وهوة يكلب بالمبايل نعم؟ كتلة بيك شي؟ رد لا متوهمة مابية شي هزيت راسي كتلة

بهدوء لعد ليش متضحك ولاتبتسم مجاوبني كبل كام طلع تنهدت وكلت يالله وتاليها .