رواية نبضات القلب الفصل التاسع و العشرون 29 - بقلم دنيا صابر
الفصل التاسع و العشرون
د/سامر : و هو داخل الاوضه عليها زي امبارحه بابتسامه بشوشه اتكلم باسلوبه المرح : عامله اي النهارده يا انسه نهي … احم اه انا اسفه نسيت انك مش هتردر علياا المهم يا ستي عندي شويه مواضيع عايز اتكلم فيهم النهارده و كويس انكصاحيه عشان تسمعيني ماما يا ستي زعقت لخالتي عشان حوار قديم و خالتي مسكتلهاش و حصلت مجزره كلام و انا سامع حوارهم و اي دوشوني و انا جاي المستشفي النهارده العربيه عطلت و انا خلاص قلت اليوم باين من اوله و ببص ع ايدي اليمين شوفت محل ورد و ابتسمت مرا و احده لما افتكرتك و مقدرتش امنع نفسي اني اجيب لك دي , وطلع ورده حمرا من جيب البالطوا بتاعهاا و حطها قدامهاا انا عارف انك مش هتردي عليا عشان كدا بقدمهالك و انا مرتاح اول مشوفتها حسيتها زيك شبهك يعني فرده جمالهاا وسط كل الورد اللي حواليهااا و رغم ان هي اتغدر بيهاا من صاحبها اللي زرعها و قطفها الا انها لسه حلوه و قادره ع انها تشوك اللي يمسها بطريقه غلط انتي شبهه ع فكره بس لسه موصلتيش للطريقه الصح , اه صح نسيت اقول لك ع حازم صاحبي دا مشكله لوحده مصيبه واقع ف حب بنت و انا يامااا نصحته يبعد عنهااا اصلها ظهرتله مره و مظهرتش التانيه و هو عايش من وقتهاا ع امل انه يشوفها تاني بذمتك هو ف حد عاقل يحب حد بالشكل دا , انتي عارفه انا مش ضدد الحب خالص بس يعني بالعقل شويه , هو ممكن اكون عقلاني لاني لسه مدخلتش ف حوار اني احب دا انتي رايك اي !! بصت ليه نهي و هي عاقده حواجبهااا , بص ليه و رجعه شعره لورا و اتكلم احم … انا بقول امشي احسن بدل ما تولعي فيااا بس هجيلك تاني ……
نتكلم جد شويه هل فعلا ممكن حد يحب من نظره الاوله او اللقاء الاول و يبقضل مستني لقاء تاني كع الشخص دا او فرصه توصله ليه يفضل مخلص للشخص اللي حبه من المظره الاوله حتي من قبل ما يعترف ليه بحبه !!
…………………………………………………………
مصطفي و هو بيقدم العصير ل ساره و هي نايمه ع السرير
مصطفي بابتسامه كلهاا حب : احلا عصير لاحلا ساره ف الدنيااا
ساره بضحكه : بعدين اخد ع الدلع و متقدرش ع طلباتي
مصطفي : انتي تؤمري مش تطلبي و ادلعي براحتك يا روحي من هنا و رايح مش عايزك تتحركي من مكانك اي حاجه تحتاجيهاا قوليلي عليهاا و انا اعملهاا
ساره بحب : مش للدرجه دي يا روحي
مصطفي و هو بيبوس باطن كفهاا : للدرجه دي و اكتر انا عايزك تبقي مرتاحه
ساره بحب : ربنا يخليك ليا يا رب
مصطفي و هو بيحضنها بحنيه : و يخليكي لياا يا احلاا ام ف الدنيااا
ساره و هي بتحسس ع بطنهاا : دا انا مش مصدقه نفسي يا مصطفي هبفي ماما جواياا ابنك دا انا كنت بحلم باليوم دا و يطلع شبهك كدا و ياخد منك حنيتك علياا و طيبه قلبك
مصطفي بضحكه : و ياخد شقاوتك و لماضتك و عينيكي الزراقاا عشان أنا بحبهم
ساره بدلع : عينيااا بس اللي بحبهم
مصطفي بمكر و هو بيقرب منها و بيغمز بعينيه : لا و حاجات تانيه تعالي اقول لك عليه و لسه هيبوسهاا
ساره مقاطعه : الدكتوره قالت اي يا مصطفي
مصطفي بغيظ : اي دا هو من اولهااا كدا الاستاذ اللي ف بطنك هيقطع عليااا حتي من قبل ما يشرف
ساره بضحك : معلشي يا مصطفي
مصطفي بغيظو هو بيقلدهاا : معلشي يا مصطفي , اشربي ياختي العصير اشربي اشربي
ساره و هي بتضحك جاامد : هشرب اهو اهدي بس
مصطفي بضحك : اضحكي ياختي اضحكي
……………………………………………………………
امير و هو بيتمشي هو و وتين ف الجنينه و هو حضن ايديها بين ايديه
وتين بضحك : شوفت كانو عاملين ازاي زي القط و الفار و الله يا حبيبي حساهم ليقين ع بعض اوي بس انت جبت فكر حسام دي منين يا خبيث انت دا لو حسام عرف هيدايق
امير و هو بيغمزلهاا : و اي اللي هيعرفه الا بقا لو ادهم اتغاشم و قرر يعلم ع حسام و هو دا اللي انا عايزه
وتين بخضه : اي لا يا امير و حسام ذنبه اي ليه كدا
امير : يا روحي متقلقيش حسام واخد البطوله مرتين و يعرف يدافع عن نفسه كويس و بعدين انا بقرص ودن ادهم بس و كمان انا فهمت حسام لو حصل اللي ف بالي و ادهم راحله يتعامل معاه ازاااي و اه نسيت اقول لك ان حسام هيتجوز كمان اسبوعين هو راح هو ماما بعد ما طلع عينه بيقنع فيهاا و قراءوا فاتحه و هو قرر يتجوزوا ع طول
وتين بصدمه : اخص عليك يا امير و انا اخر من يعلم كنت ناويت تقول لي امتي يا استاذ هاا !!!
امير : نسيت و انتي عارفه كنت مشغول ف المشروع الجديد و مجيتش فرصه حضري نفسك نبقي نعزمهم هنا مره
وتين بحماس : اكيد دا انا متحمسه جدااا اشوفهاا و اتعرف عليهااا اللي وقعت حسام و تكلمت بشك : هي مش وقعته برضوااا !!!!!
امير بضحكه : ع دماغه يا توتااا
وتين بضحكه : ربنا يسعده ياااارب
امير : يارب يا روحي , و يخليكي ليااا
……………………………………………………
فاطمه كالعاده قاعده ف اوضتهاا فونهاا رن برقم غريب ردت
فاطمه باستغراب : الو , مين
مجهول : حضرتك تقربي لواحده اسمها نور …
فاطمه بقبضه : اه انا اختها ف حاجه
مجهول : هي موجوده الوقتي ف مستشفي ……
فاطمه بخضه : اي , حالااا انا جايه
فاطمه و هي منهاره ف العياط مهما كانت اختهاا حته منهاا مروبه اي اللي ممكن يكون حصلهااا لبست و خرجت و هي بتعيط و فارس كان قاعد ف الصاله اول ما شتفها جري عليهاا
فارس بقلق : مالك يا فاطمة اي اللي حصل
فاطمه بعياط و ارتمت ف حضنه : نور اتصلوا عليا و قالوا انها ف المستشفي انا خايفه اوي اوي عليهااا خايفه ليكون حثل لها حاجه انا لازم اروح لهااا
فارس :طب اهدي تمام هتروحي هجيب مفاتيح العربيه و اوديكي و بسرعه جاب المفاتيح و خرجوا و هي منهاره ف العيط …قد اي انتي طيبه و قلبك نقي يا فاطمه
&&&&&&&&&&&&&&
ف المستشفي فاطمه دخلت تجري ف الطرقات هي و فارس و طلعوا ع الاوضه العمليات و فارس بسرعه سال ممرض خارج من اوضه العمليات
فارس : لو سمحت الي جوه اسمها نور …
الممرض : اه , انتو تقربولها !
فارس : ايوا دي اختها و انا جوز اختهاا , ممكن تطمني اي اللي حصل
الممرض باسف : انا اسف جداا بس انا مش عارف هي جيت ف حادثه كانت ع طريق السريع و وواضح كانت اللي راكبه معاه ماشي ع سرعه عاليه
فارس باستفهام : اللي راكبه معاه!! اسمه اي اقدر اعرف
الممرض : عبد الله …… واضح انهم كانوا مش ف وعيهم و جاين حالتهم صعبه الحمد الله انها عدت منها لكن للاسف مقدرناش ننقذ اللي معاه انا اسف بعد اذنكوا و مشي بدون ما يستني ردهم
فاطمه و هي واقفه جمبها و سامعه الحوار و بتعيطفارس حضنها و طبطب عليهااا : اهدي يا حبيبتي الوقتي يطلع الدكتور و يطمنا عليهاا بس الوقتي محتاجين نكلم مامتك عشان …
فاطمه مقاطعه : لا لا يا فارس دي تروح فيهاا مش هتقدر تستحمل استني لما نطمن عليهااا الاول
فارس هز راسه مؤيدها : خلاص اهدي بقاا
فاطمه : مش قادره خايفه اوي
فارس و هو بيطبطب عليهاا : اهدي و كل حاجه هتبقي تمام
دقايق و الدكتور خرج
فارس : طمني يا دكتور
الدكتور : انا متاسف و مش هاكذب عليكم الحادثه كانت صعبه و قويه و المريضه عدت بمعجزه بس الحادثه كانت صعبه ع العمود الفقري و الضرر كله هيبقي متصبب ع رجليها و ممكن جدا متقدرش تحرك رجليهاا بنسبه 80 % هنعرف دة لما تغوق من البنج و اتمني نعرف وقتها نتعامل مع الموقف لان اكيد حالتها هتبقي صعبه
لازم يحصل صدمه جامده عشان حاجات متلخبطه و مش ف مكانهااا ترجع و تتصلح و تضبط تاني حتي لو الصدمه ي قويه الا انهاا هتصلح و تلم الجروح اللي مش راضيه تتلم
…………………………………………………
احمد و ضاغط ع ايديهااا جامد و عروق ايده باينه من العصبيه : و انا اللي يخلبني اصدقك و متكونيش بتحقدي عليهاا و عايزه يحصل لها مشاكل و خلاص
سماح بحقد : هو ف اثبات اكتر من ان سمعتك مكالمه معاهاا و هي بتقول فيهاا انها فعلا كانت بتتحداك و مقربه منك عشان توقعك ف حبهااا صدقني شروق دي مبتحبش غير نفسهااا و انت مش اول واحد تلعب عليه و توقعه ف حبها و تنصب عليه و تختفي
احمد بغل : وانتي مصلحتك اي انك تيجي تعترفلي رغم انها صاحبتك
سماح بتوتر :صعب عليااا يا باشااا باين عليك مش بتاع لعب و لما قالت لي انك هتتقدملها قلت لازم اعرفك عشان تعرف راسك من رجليك وتشوف هتعرف تكمل معاها و لا لا و وقفت و قالت استاذن انا يا باشااا ومشت بسرعه خايفه من نظره عيونه لو كانت العيون تحرق لحرقت عيونه المكتب باكمله
احمد و هو ضاغط ع ايده جامد و بيتكلم من بين اسنانه بغضب : اما وريتك يا بنت ال ……………انا تلعبي عليااا و تمثلي انك بتحبيني انا تلعبي لعبه رخيصه دا انتي لعبتي مع الشخص الغلط لعبتي مع اللي مبيرحمش دا انا هطلع القديم و الجديد عليكي اما وريتك و بسرعه قام من مكانه اتصل عليهاا
مره
اتنين
التالته فتحت اتكلم بنبره يحاول ان تكون هادءه
احمد : انتي فين !!
شروق بحب : ف البيت يا حبيبي و انت
احمد بحده: هستناكي ف الكافيه الي بتقعدي فيه ع طول متاخريش نص ساعه بالكتير و تبقي هناك
شروق بقلق : ف حاجه يا حبيبي انت كويس متقلقنيش عليك
احمد بسخريه : متقلقيش انا كويس متتاخريش سلام و قفل و هو بيتوعدلهاا و يخطط لها
شروق بقلق و خوف : ماله ف اي الحق البس بسرعه اصله وحشني اوي
لبست وراحت الكافيه و لقته قاعد مستنيهااا و عمال يخبط بصوابعه ع الطربيظه شكله و هيئته و حضوره و تعبير وشه قلقتهاا خافت ليكون… لا لا شالت الفكره من دماغها مستحيل يعرف هيعرف و سماح صاحبت عمرها و مخزن اسرارها هي اللي عارفه بس مستحيل يعرف
قعده قدامه و اتكلمت بابتسامه : عامل اي يا حبيبي اتاخرت عليك !
احمد و هو بيبص ف ساعته : مش اوي
شروق و هي مستغربه حده صوته : ف حاجه يا حبيبي
احمد باستهزاء : حبيبي !!! بجد !! اانا حبيبك !!!
اه يا شروق دا انتي مخدوعه ف صاحبت عمرك دي جدااا
متستغربوش ف صحاب اوحش من كدا بكتيررر الحقد و الغيره و الاحساس بالنقص بيعملوا اكتر من كدا .
&&&&&&&&&&&&&&&&&&&
حسام و بيكلم حياه ف الفون
حسام : وحشتيني
حياه بخجل :وانت كمان
حسام بمشاكسه : وانا كمان اي
حياه : حسام انت عارف بطل تكسفني
حسام بضحكه : عارف اي انا معرفش حاجه
حياه بكسوف : وحشتني هااا ارتحت
حسام بحب : جداااا و بعدين ما انا عارف , امير عازمني ع الغدا عنده بعد بكره و طالب تروحي معايا عشان تتعرفي ع وتين مراته هتحبيها مووت دي طيبه و رقيقه و ذوق بشكل هتحب قعدتهاا جداا
حياه بغيره : وانت عمال تشكر فيها اوي كدا ليه ما تتلم دي مهما كانت مرات اخوك بدل ما اقول لاخوك انك بتعاكس مراته
حسام : يا نهارررره اسووووح لا كله الا امير دا ممكن اروح فيهااا دا بيغير عليهااا موووت
حياه بضحكه : للدرجه دي
حسام : واكتر دا بيموت ف حاجه اسمهاا وتين
حياه : حمستني اتعرف عليهاا
حسام : خلاص احنا كدا كدا هنروح لهم بعد بكره
حياه بحماس :خلاص اشطاا يا ماان
حسام برفعت حاجب :اشطا و ماان , مين معايااا بقول لك اي يا معلم رجعلي حياه الرقيقه بتاعت اول المكالمه
حياه بضحك : حساام بطل سقاعه بقااا
###########################
وعد و رايحه جايه ف اوضتهااا و بتكلم نفسهااا
ماشي يا سي ادهم انا تطردني من الشركه لا لا انا اللي استقالت بس غصب عني مااااشي اما وريتك و كمان عايز تقدم معاد فرحك ع الحربايه اللي اسمها نوران دي لا دا بعدهااا انت بتاعي انا طالماا بحبك تبقي من ممتالكاتي و انا مش بتنازل عن ممتلكاتي ابدااا و هتشوف انت اللي اعلنت الحرب و انا اللي هكسب
…………………………………………………………
ادهم قاعد ف مكتبه ف البيت و عمال يفكر
دا انت وقعتك مهببه يا حسام وعد مين دي اللي بتحبها و عايز تتقدملهااانا اي نعم هتجوز نوران و دا شي مفروغ منه بس وعد محدش هيقرب منهااا هو كدا انانيه دا انا هخلي ليلتك سودا يا حسام بتجياي المكتب عشان خاطر تشوفهاا انا يستغفلني الزفت اللي اسمه حسااام صبرك عليااا
ف حرب هتبدااا و لازم تنتهي بنصر حد فيهم يا نار الغيره هتحرقهم .
- يتبع الفصل التالي اضغط على (رواية نبضات القلب) اسم الرواية