رواية نبضات القلب الفصل السابع و العشرون 27 - بقلم دنيا صابر

الفصل السابع و العشرون

                                        

                                              

بعد اسبوعين , 

......................

                              

فارس و فاطمه الحال زي ما هو فاطمه منعزله ف اوضتهااا و رافضه تماما انها تكلم فارس و فارس ع طول بيحاول معاهااا و مش بييأس 

                              

……………………………………………

                              

نهي لسه ف المستشفي انتقلت قسم النفسيه و بيتابعهااا دكتور هناك و دا بامر من احمد و هو عشان ضابط نفذوا دا هو ميعرفش السبب االلي خلاه ينقلها قسم الامراض النفسيه بس هو جاله فضول يعرف قصتهااا , و هي حالتها بتزيد سوء و رافضه تتجاوب مع اي حد 

                              

………………………………………

                              

حياه حاسه بالوحده بالذات ف الوقت دا وقت ما ساره مع جوزهااا و نهي بعيد عنهااا حاسه انها وحيده و كمان حسام الظاهر كدا مبقيتش تيجي ع باله اما هو ف هو ع بالهااا دايمااا بقالها اسبوعين مشفتوش و رن عليهاا و لا بعت رساله كل مره تستني يكلمها و مش بيتكلم 

وقفت مره واحده و هي مقرره تعمل حىكه مجنونه و بتتمني تكمل زي ما بتتمني لبست هدومهااا و نزلت ركبت تاكسي 

صاحب التاكسي : ع فين يا استاذه 

                              

حياه بتوتر قالت العنوان …… 

                              

السائق اتحرك ع العنوان هو اتحرك و هي قلبها بيدق جااامد بتتمني يكون حسام لسه بيفكر فيهاا و ميكنش نساهاا او صرف نظر عنهااا بتتمني يكون لسه بيحبهاا زي ما هي بتحبه و محتاجاه سند ليه و متاجه وجوده ف حياتها يطمنهاا 

                              

……………………………………………

                              

عند حسام قاعد ف شقته كالعاده بيرجع ورق المشروع هو و سهي خلاص قربوا ينهوا اجراءت المشروع بنجاح 

                              

حسام و هو بيبص ف الساعه : الوقت اتاخر يا انسه سهي 

                              

سهي و هي بتبص ف الساعه : يا نهار اسود دا الساعه 11 دا بابا هيعمل مني بطاطس محمره 

                              

حسام بابتسامه : انا ممكن اوصلك 

                              

سهي و هي بتلم حاجتها تحطها ف الشنطه : ملهوش داعي انا هركب مواصلات عادي 

                              

حسام برفعت حاجب : اظن متاخر ع حوار المواصلات دا 

                              

سهي : حضرتك…

                              

حسام قاطعه : لازم اوصلك و بدون اعتراض , امير مامني عليكي 

                              

سهي بابتسامه : شكرا 

                              

حسام : العفو , هطلع اجيب مفتاح العربيه و هرجعلك 

                              

كان لسه هيتحرك لقي فونه رن 

                              

حسام لسهي : معلشي ممكن تجيبي المفاتيح لحد ما اخلص الفون دا 

                              

سهي : اكيد 

                              

حسام : اول اوضه بعد ما بتعدي الطرقه هتلاقي المفتاح ع التسريحه و رد ع الفون : الو 

                              

دخلت سهي تجيب المفتاح زي ما قال لها و هو كان واقف ببتكلم مع عميل عنده ف الشركه و خلص المكالمه و ايتغرب لما لقي جرس الشقه بيرن قفل فونه و راح يفتح الباب و اتفاجئ لما لقاهااا قدامه و كانت لسه هتتكلم 

     

                

سهي و هي خارجه من الاوضه : المفاتيح يا … 

حياه بحزن و خيبه امل و وجع لما لقت ان ف بنت خارجه من اوضه حسام فهمت ان خلاص استغني عنهااا و مبقاش عايزهاا ف حياته حاولت تتحكم ف دموعهااا 

حسام و هو مصدوم و مش مصدقه نفسه هي قدامه بجد و هو عمال يتأمل ملامحهاا و قد اي هي كانت وحشاه يعني كدا لسه ف امل بس استغرب نظره الحزن اللي ف عيونهااا 

حياه بحزن و هي بتتحكم ف نبره صوتهااا : انا اسفه اني جيت ف وقت مش مناسب اسف حقيقي , بعد اذنك 

مشت قبل ما يتكلم 

حسام عقد حواجبه مذهول و مش فاهم هو اي اللي حصل اي سبب نظره الحزن اللي كانت ف عيونها دي اي اللي خلاها تمشي كدا بسرعه من قبل ما يفهم حتي هي جيت ليه اي اللي حصل 

حياه كانت ماشيه ف الشارع بتعيط بحرقه زعلانه انها كانت غيبه انها فكرت انه ممكن كان ليه عايزهاا و بيحبهاا لكن واضح انه استغني عنهااا و بسرعه كمان كانت مفكره انهاا ممكن تكون ماثره فيه و لسه بيحبهاا و ميقدرش يستبدلها لكن واضح انها و لا حاجه ازاي هي بالغباء و السذاجه دي فعلا هو فين و هي فين ؟! ازاييا حياه تصدقي نفسك و تعيشي الدور كدا هو كان بيتحايل عليكي عشان تسامحيه و زهق و قرر يشوف حياته خلاص بقاا راحت عليكي … 

سهي قررت تتكلم اخيرا لما لقيته سرحان : احم استاذ حسام انا مضطره امشي و ملوش لازكه حضرتك توصلني اانا هطلب اوبر بعد اذنك هي مشت بسرعه متجنبه يوقفهااا 

حسام فاق من سرحانه و لقي ان سهي مشت نزل بسرعه يجري ف الشارع و هو بيتمني ان حبيبت قلبه تبقي لسه هناك بيتمني يلاقيهااا هو مصدق انها اتنازلت و راحت له مش هيسمح لنفسه انها تبعد تاني وقف بسرعه عند عتبات بيت لما سمع صوت شهقات عاليه قرب من الصوت و هو عارفه صاحبه الصوت داا قرب منها بلهفه و قعد جمبهاا ع عتبت البيت : حياه 

حياه قامت من جمبه و اتكمت بصوت مكتوم و بدموع 

حياه : وصلتهااا !!!! ولا لا ازاي تسبها تمشي لوحدهاا كدا 

حسام باستغراب : هي مين دي 

حياه بعيط و حرقه : البنت اللي كانت عندك ف الشقه , للدرجه دي قدرت تنساني بسرعه عرفت تستبدلني بالسرعه دي , طب ليه عشمتني بيك خىيتني احبك و اتعلق بيكو معرفش اخرج حبك من قلبي ليه خليتني اعيش حلم و انا مستحيل اعيشه حقيقه ليه علقتني بحبك و اوهمتلك اني اعنيلك حاجه و انا زي زي اي واحده بمر ف حياتك عابره تعرف تعديهاا بسرعه ليه اوهمتني انك بتحبني و متقدرش تحب غيري … 

قاطع كلامها حضنه ليها حضن جامد كانه بيخبيهاا جوه ضلوعه بيحتفظ بيها جوه قلبه وحشته جدااا وحشته لدرجه انه مش قادر بيعد عنهاا بص ف عيونها و اتكلم بنبره كلهااا حب و عشق و لهفه و اشتياق : وحشتيني , و بحبك و مقدرش استغني عنك و انتي حبيبتي و بس و مفيش ف قلبي غيرك انتي و بس حياه انا وقعت ف حبك لدرجه مش عارف انقذ نفسي من الغرق فيكي 

        

          

                

حياه و هي بتمسح دموعهاا بكم ايديهااا و تايهه ف كلامه اللي حساه طالع من قلبه : بجد , طب مين البت اللي كانت عندك دي , كنت بتسلي نفسك صح 

حسام و هو بيمسك ايدهااا : يا هبله دي سكرتيره امير كنا بنشتغل ع مشروع جديد 

حياه برفعت حاجب : دي كانت خارجه من اوضتك يا حسام 

حسام بضحك : كانت بتجيب مفاتيح العربيه عشان اوصلهااا لو مش مصدقه انا ممكن اكلمها و انت تشوفي الرسميه اللي بينا 

حياه بارتياح : تؤ مش لازم انا واثقه فيك 

حسام و هو بيشدها بحنيه : طيب يلا عشان اوصلك الوقت اتاخر جدااا و حضري نفسك عشان هاجي اتقدملك بكره عشان نتجوز 

حياه : بكره , دا كدا بسرعه اوي 

حسام بابتسامه عاشق : معنديش استعداد اضيع اي لحظه تاني ف حياتي دون ما انتي معايا و بتشاركيني فيهااا تمام !!

حياه بابتسامه خجوله : تمام 

ركبوا العربيه و ووصلهااا ع شقتهااا 

……………………………………………

وعد و ادهم 

ادهم ب عصبيه و هو بيكلم وعد : ازاي يعني يا استاذه انتي متخلصيش لورق ف الوقت اللي انا محدده ليكي 

وعد بخضه من عصبيطه المفجاءه : استاذ ادهم انا كنت ف … 

ادهم مقاطعاا : اه و هو انتي هتخلصيه ازاي و تشوفي شغلك ازاي هو انتي فاضيه للشغل انتي فاضيه بس للمرقعه و الضحك مع الموظفين كل ما اشوفك اشوفك قفه تتمايصي ف المهمندس سامح هتفضي للشغل امتي يا ستاذه 

وعد بصدمه و مبرقه عيونهاا : مياصه و مرقعه انا مسمحلكش يا استاذ انا محترمه و مش بتاعت الكلام دااا 

ادهم بسخريه: ههه ما هو واضح 

وعد بصدمه : لو سمحت كفايه تجريح و اهانه اكتر من كدا  انا مستقيله 

ادهم بغضب : احسن و انا قابل استقالتك بكل ترحيب 

وعد بوجع : بعد اذنك 

و مشت 

امير سلم عليها و هي خارجه و هو داخل مكتب ادهم 

امير : اذيك يا انسه وعد 

وعد بدون ما تبص ليه : تمام و مشت 

امير موجهه الكلام لادهم بعد ما دخل و قعد قدامه ع المكتب : ف حاجه 

ادهم بتنهيده و نظره حزن بيحاول يخفيهاا : لا قدمت استقالتها و انا واقفت و قبلتهاا 

امير بهدوء : ليه 

ادهم : بتتمرقع مع الموظفين و انا واجهتها و مش هسمح بدا يحصل ف الشركه 

امير برفعه حاجب  : بتتمرقع  !!!! وانت مصدق ان الانسه وعد بتاعت مرقعه !!! و  لا انت بتغير و قبلت الاستقاله عشان تبعدها عنك تسمحلي اقول لك دا اسمه غباء 

        

          

                

ادهم بحزن : هو دا الصح يا امير انا هقدم معاد الفرح 

امير بعصبيه : بطل تتصرف بتهور يا ادهم انا سايبك ع راحتك بس لحد الوقتي و كفايه انت كدا بتضيع نفسك انت عارف انك انت و نوران متنفعوش لبعض لا انت بتحبها و لا بترتاح معاااهاا انت كدا بتظلمها معاك 

ادهم : امير خلاص اانا قررت و خلصت 

امير بتنهيده : انا تعبت معاك انت مش هتسكت الا لما تندم و سابه و خرج 

…………………………………………

احمد و هو قاعد مع شروق و الدنيا تمام 

احمد بحب : انا خلاص قررت اجي اتقدملك 

شروق بتوتر : اي …احم ليه … اقصد مستعجل ليه 

احمد بعقده حواجب : واتاخر ليه هو مشاحنا بنحب بعض و بقالنا فتره مع بعض و عرفتي كل حاجه عني و انا كمان فين المشكله بقاا 

شروق بارتباك : اقصداني لسه مجهزتش نفسي و …

احمد مقاطعاا : قدامك من النهارده لاخر الاسبوع تجهزي نفسك انا بحبك و هتقدملك بدون ما تطلعيلي حجج 

شروق بتوتر : ان شاء الله 

~~………………………………………………………

سماح بغيظ : اي يتقدملك ازاي يعني 

شروق بتوتر اول واحد يحسسها باحساس ان هو يبقي جاد ف علاقتهم متنكرش انها اخدت الموضوع لعبه ف الاول بس بعد كدا تشدت ليه و حست انها بتحبه بس خايفه ليكتشف الموضوع و يبعد عنها و خافت اكتر لما عرض عليهاا الجواز لا يعرف انها كانت بتكذب عليه و اكيد هيبعد عنهااا 

شروق : يعني اي ازاي بقول لك قال لي حضري نفسك عشان هاجي اتقدملك 

سماح بحقد : و انتي رايك اي 

شروق : مش عارفه انا حبيته و فيها اي لما اوافق عليه و ابدا حياتي مع انسان نضيف بعيد عن اللعب و الرهانات و الكلام دا انا زهقت 

سماح بسخريه :وهل هيوافق لما يعرف انك كنتي بتخدعيه و بتلعبي عليه عشان تحدي 

شروق : لا اانا مش هقوله و دا سر 

سماح بشر و حقد : طبعااا سرك ف بير يا حبيبتي 

شروق : ريحتيني 

اوقات الغدر ممكن يجي من اقرب الناس لينا ممكن نكون مفكرنهم صحابنا و هما من جواهم بيحقدو علينا و قلوبهم سودا . 

₩₩₩₩₩₩₩₩₩₩₩₩₩₩₩₩

سيف و هو بيرن جرس بيت عمه 

هدي فتحت الباب و ربعت ايديها : خير نعم جاي ليه 

سيف بهدوء : هنتكلم ع الباب و لا اي 

هدي و بعدت عن الباب : اتفضل 

دخل و قاعد ع كرسي ف الصالون و اتنهد

سيف : مبترديش ليه ع موبايلك 

هدي : كدا مش عايزه ارد 

سيف و هو بيحاول يتحكم ف اعصابه :انا سايبك تهدي اعصابك براحتك يلا بقاا لمي هدومك و ارجعي معايا

هدي بتحدي : لا و عايزه اتطلق 

سيف برفعت حاجب : انت هبله طلاق اي اللي بتطلبيه انا بحبك 

هدي و اتهزت من كلمته المفجاءه : و هو اللي بيحب حد بيقول الكلام دا عليه 

سيف و هو بيقرب منها و بهدوء و حب : غصب عني انتي عارفاني لما بتعصب بهبل ف الكلام و بعدين من غيرتي عليكي دا اانا كنت هموت لما شوفته ماسك ايدك انا محدش يلمسك الا اناا فاهماني انا بحبك و الله و حرام عليكي اسبوعين من غيرك الشقه و حياتي بدونك ملهاش طعم عشان خاطرس سامحيني و متزعىيش مني و ارجعي يلا 

و باس راسهااا : خلتص يا ستي خلي قلبك ابيض 

هدي بحمحمه : احم ابعد كدا انت اي كلامك دا زي السحر دا انت بتاءثر عليا بسرعه انا كنت ناويه اتقل كمان شويه 

سيف بابتسامه : معني كدا انك مسامحاني 

هدي : احم  اه   بس بشرط 

سيف : دا انتي تؤمري 

هدي محذره و هي بترفع صباعهاا: اياااك تقول الكلام دا تاااني  

سيف و هو بيبوس صباعهاا : حاااضر , و يلا بقا حضري شنطتك عشان نروح شقتنا عما اكلم عمي 

هدي : تمام 

…………………………………………………

استووووب هنااا و نكمل بعدين !!!!!