Ads by Google X

رواية يأس القلوب (2) الفصل الثالث و العشرون 23 - بقلم رودي

الصفحة الرئيسية
الحجم

   

رواية يأس القلوب (2) الفصل الثالث و العشرون 23 - بقلم رودي

Part63 والنهاية
                                        
                                              

شلون بية ، شلون بيك 
گلبي انه تعود عليك
وروحي مو يم جسمي روحي
وگمت احسها بـ بين اديك
وردت اگلك انت اني
ومثل سيف برگبتي تمُر الثواني
ليلي من دونك اخلصة 
بالجگاير والاغاني .




حسين 



فزيت الصبح فتحت عيوني بهدوء نازك نايمة بحضني وراسها على ايدي ابتسمت بهدوء وغطيتها وبستها بخدها بهدوء وضليت امسد على شعرها 



وهية فتحت عيونها بنعاس وابتسمت وكالت صباح الخير حبيبي ابتسمت وكلت واني ابوسها بخدها صباح النور ياروحي همست واني امسد على 



شعرها شلونج ؟كالت وهية تغمض عيونها زينة بس نعسانة باوعت للساعة ب10 كتلها للاسف مراح تكدرين تنامين اكثر لين وكت ريوك وراح يجون 



اهلي كمزت وكالت يجون ضحكت وكتلها اي يجون سحبت الروب لبسته وكالت تمام راح ادخل اسبح هزيت راسي وهية دخلت تسبح واني اكلب 



بالمبايل لحدماطلعت كمت دخلت سبحت وطلعت شفتها تلبس بالتراجي والقفطان الي لابسته مطلعها كيكة تقربت حضنتها من ورة وهمست هذا



الحلو كلة الية ابتسمت بخجل وكال اي لعد المن ضحكت وبستها بخدها وفتحت الكنتور طلعت تراكسود لبسته ووكفت امشط ورشيت عطر وهية 



حاضنة ايدي وتسولف وياي وتضحك واني مبتسم على سوالفها دكوا باب الغرفة صحت اي يابة نازلين بستها بخدها وكلت يلا ننزل لزمتها من ايدها



وفتحت باب الغرفة وطلعنا نزلنا وهية حاضنة ايدي وتمشي وياي نزلنا وامي هلهلت ابتسمت وبستها براسها وباركت النا دخلت بالاستقبال جايين 



اهلها سلمنا وباركولنا وكعدنا كلنا نتريك سوية وهية كاعدة يمي ومحمد ووداد هالمرة همة ناصبين علية ويضحكون رجعولي ياها ومحمد كلما 



اباوعله يغمزلي شكد مايستحي هذا الولد, كملنا ريوك وشوية وراحوا الها وضلت تبجي ويايابة بالكوة سكتتها كعدنا بالاستقبال وضامها لحضني واكلب



بالمبايل وهيةشوية وتعايشت وية الوضع وضلت تضحك وتسولف دخل ابوي عدلنا كعدتنا كعد مقابيلنا وانطلق هوة وست نازك بالحجي يابة اصدقاء



همة لعد شعبالكم ,وبعدين العائلة كلها اجتمعت وضلينا نسولف ونضحك وشوية وبدأو يجون خطار وتفارقنا .





بعد مرور مدة



نازك 
واكفة اعدل بالنزلة مال جرباية وانفتح باب الغرفة ودخل حسين هستوة جاي من الدوام شافني ابتسم وطك اصبع وكال يابة حيييهم ضحكت وركضت 



شبكته وهوة ضحك وشبكني وباسني بخدي وكال كافي لاتبجين علية هاي اجيت ضحكت وبسته بخده غمض عيونة وكال بعد وحدة شني اشتري 



البوسة منج شراية دفعته واني خربانة ضحك وهوة يبوس بوجهي اخر شي دخل يسبح واني نزلت احضر اله الغدة ،ووداد ومحمد يتعاركون بالاستقبال




 
                
يم بابا طالب وهوة مخلي رجل على رجل ويباوع الهم بتركيز ويهز راسة بتوعد يمة غير خربت ضحك ،حميت الغدة ودخلت غلا تزحف بالمطبخ 



ابتسمت وشلتها ابوس بيها وهية حاضنتتي ،شوية ونزل حسين شافني لازمتها وابوس بيها تقرب يريد ياخذها مني حضنتها بقوة وكلت اما عوفها 



دالاعبها وهوة يسحب بيها ويكول اني اشبكج متفيدج غلا ضحكت وكتلة اماا حسين خلة وعضني من زندي حيل خلاني ابجي خليت غلا بالكاع ورحت 



للاستقبال ابجي ،وكلت لبابا طالب ،بابا شوف حسين عضني انتَ شكتلة ؟وحسين اجة وراي ويغزر بية اما شكو يعضني هز راسة بابا طالب وكال لا 



حول ولا قوة الا بالله العلي العظيم ساعة محمد متشاقي وية وداد ومبجيها وجايتني تشكي ،ساعة نازك عاضها حسين وجايتني تبجي ،هوة انتم مال 



زواج ؟يمة مدري شلون ضميت ضحكتي خزر حسين وكال عيدها بعد وشوف شسوي بيك ،وحسين يتوعد الية واني اباوع لوداد واثنينا ضامين



ضحكتنا ،وماما جوري تضحك على سوالفنا ،طلعت بسرعة من الاستقبال يمة نسيت الاكل على الطباخ ،بساع طفيت الطباخ وشميت ريحة التمن 



معطب دهر فرني هسة حسين يكتلني عيوني غوركت بالدموع سودة عليك هسة شياكل وهوة جاي جوعان طفيت الطباخ من المركة وصعدت فوك 



والدموع تارسة عيوني هسة اكيد يعيط بية فتحت باب الغرفة هوة متمدد على الجرباية ويكلب بالتليفون تقربت بهدوء وكتلة حسين كال ها حبيبي كتلة 



وعيوني مدمعة حركت التمن وبجيت وهوة صافن علية كام وكال شكو شنو كتلة حركت التمن هسة شنو تتغدة ابتسم وكال وهوة يمسد على خدي وهسة 



انتِ تبجين لين حركتي التمن وشلون حركتي بس لا من رحت تشكين لبابا طالب على كولتج احترك كتلة اي ضحك وباسني بخدي وكال فدوة الج يبعد



روحي شوتعالي كعدي يمي مشتاقلج عوفي الاكل شمستفاد منه بس يسمني ضحكت وهوة كعد على الجرباية وسحبني لحضنة وضعت بين ايديه ،باسني 



بخدي وكال شتحسين من تبجين على ابسط الامور كتلة واني العب بكيمونته شمدريني انقهر بساع رجع باسني بخدي وهمس واني مااقبل تنقهرين لو 



تبجين اتاذة من اشوفج هيج ابتسمت على كلامه وملت راسي على كتفه وهمست تحبني حسين همس بهيام وهوة يباوع بعيوني احبج ؟قليل  اني ميت 



بيج وحضني حيل ويلعب بشعري خلاني اصفن وطب عضني بخدي خلاني اكمززز ومايقبل يعوفنييي وخر مني وضل شابكني ويضحك واني ادفع بيه 



ومتوجعة كال وهوة يقلد صوتي بابااااا صيح على حسسييين عضانييي ضحكت ومتوجعة من عضته وكتلة وخر الشرس وخر باقي بس يعضعض 



بية لين عندي خدود وبية هواي لحم هسة اصبرلي الة اضعف وابقة بس اعضام باسني بخدي وكال شحدج بوية وكرص خدي وضلينا نشاقة 




        
          
                
ونضحك وكلما اضحك بصوت عالي يسد حلكي ويكول اشهرينا بعد اشهرينا ،اخر شي كمت سويتله مقليات عالسريع ووتغدة ،وصبيتله جاي 



وصعدته اله شربه وكال طفيت بعد مااكدر اريد انام طفي الضوة وتعالي يمي ،خليت الكوب على الميز انزله بعدين ،ورحت تمددت يمه حضني



وسحبت البطانية تغطينا بيها يمة باردة ثلج حضني حيل وكال وياج حسين تدفئة سابق الصوبة بالدفو مالتي يمة خربني ضحك ،غمض عيونه واني 



امسد على خده بهدوء ،وبدا يغفي ،ابتسمت صار شهر من تزوجنا احلى ايام عشتها وياه ،عبارة عن ضحك وشقة وونسة وحبه الي يفوووزز يمووت 



علية وهذا اكثر شي مفرحني حبه واهتمامة واحترامه ،يضحكنييي كومة ومن تنجمع العائلة يفحطنا من الضحك ،واني  زدتها عليهم نفس سوالفه ومن 



ننجمع اثنينا نحشش سوية ،كلش مرتاحة بحياتي الجديدة همة صاروا عائلتي الثانية وحسين صار كل شي بالنسبة الي ،شوية شوية وبديت اغفى لحد ماغفيت واني حاضنته .



ريحانة 
نايمة وفزيت على احد يجر بشعري صحت بنعاس استغفرالله ياربي الواحد ماينام فتحت عيوني وشفته ياسر ويجر بشعري ويخلي شفايفه على خدي 



ويحركهم ابتسمت وكلت شتسوي يا ماما مونايمة وهوة مستمر شبكته وضليت ابوس بيه وباوعت باسل وملوكة كاعدين بالكاع ويلعبها بالالعاب 



وهية تضحك ابتسمت على منضرهم باوعلي باسل وكال صح النوم ياروحي ابتسمت وكتلة صح بدنك يعمري كمت واني حاضنة ياسر خليته بالكاع يم 



ملوكة وحضنت باسل صرت بحضنه وغمضت عيوني وكلت انعس باسل حضني وضل يمسد على شعري واني بحضنه والجهال يلعبون بالملاعيب 



باسني بخدي وكال ارجعي نامي اني يم الجهال همست بعد مااكدر انام لين كعدت هسة شكد الساعة باوع للساعة وكال هسة ب٤ العصر وانتِ نمتي 



ب٢ الضهر كتلة غير كلة من وراك نمتتت متاخر البارحة والله شنو ماتنامين الة تخلصين الفلم وياي ضحك وباسني بخدي ابتسمت ورمشت  ابتسم على 



حركتي وهمس احبج بنتي جاي اكله اموت عليك واجتني طكة بالسيارة على كصتي خلتني افز من مكاني كمت واريد ابجي ولازمة كصتي وعيوني



مدمعة ،ياسر ضربني بالسيارة ويضحك وباسل كام بسرعة ولزمني بقلق تاذيتي ياروحي هزيت راسي ومبرطمة باسني  بخدي وكال بلا ايدج خلي 



اشوف ،نزلت ايدي وباوع باسها بهدوء وكال هسة تصير زينة ماعليها شي باوعت لياسر وكتلة خلي اشوف اليوم منو تنطيك حليب ،ضحك باسل 



وضمني احضنه وبقة يبوس بمكان الطكة واني العيارة رضيت .



سارة 
سارررة اليييوم اموتجججج ،اسحب نفس بهدوء ولابدة بالكنتور ،خليت ملح لامير بالجاي وحركت قميصه واني جاي اكويه والصبح ضوجته وعصب 




        
          
                
مني يمة اليوم يموتني ،انفتح باب الغرفة وصاح ويينج اطلعي واني مثل الثولة بالكوة لازمة ضحكتي ،سديت حلكي وسمعت خطواته صارت قريبة 



يمة خفت ،غمضت عيوني وانفتح باب الكنتور بقوة شهكت وفتحت عيوني عضيت شفتي وهمست العب لزمني ،لابسة الكلاو ابو الارنب سحبني من 



عنده وطلعني من الكنتورواني خربت من الضحك وهوة معصب واعصابه بارزة ، شبكته وخربانة ضحك تنهد وهمس هسة شسويلج ؟بوية راح توكف



كلبي ،رفعت راسي وبسته بلحيته وهمست شسويت هسة اني متكلي شسويت عضني من خدي حيل وضل عاضني واني اكمز ومرت دقيقة واني 



طلعت روحي ضليت ابجي دفعته وايدي على خدي كتلة ببجي هاي ليش امير يعني صحيح حطيتلك ملح وحركت القميص وضوجتك بس موهيج 



وبجيت وكتلة اليوم ماابقة يمك خوش ماابقة وهوة قهرنييي خربان ضحك مشيت لباب الغرفة وكتلة بعصبية رايحة لاهلي خوش رايحة ،ضحك حيل 



كتلة شكووو كال ترحيلهم بالكلاو مالتج ؟رجعت بعصبية فتحت الكنتور وجريت عبايتي وهوة حضني من ورة دفعته وكتلة بزعل وخر مااريدك بعد 



وخر باسني بخدي وحضني حيل وكال وهوة يقلدني يا هسة ماتكليلي شسويت كتلة وخر امير وخر شالني وكال وهوة يمشي مااوخر تأفأفت 



واضرب بيه وهوة يضحك علي تمدد على الجرباية ونومني عليه وباس خدي وكال خدج صار بيه اثر حلو تذكار مني سكت ماحجيت حكت لحيته 



بخدي وكال شو انتِ طالعة عينج كالساع مسوية بية دكة ناقصة وكرصني وكال ها ولج كتلة يعني ضوجة عمة والبنات راحن للزيارة وماخليتني اروح 



وياهم لعد تحمل ضحك وكال نروح بعدين اني وياج كتلة اي خوش تلمس خدي كال يوجعج مو عود عضيتج على كيف شهكت وكتلة يمةةة اذا هاي 



على كيف الحيل شلونها كال تردين اشوفج ياه ؟كتلة لا شكراً ويلة هسة عوفني خلي اروح اكمل تنضيف حضني حيل وكال مترحين شو ابتسمي



درت وجهي وكتلة اما كال لخاطري ؟ابتسمت ودرت عليه ضحك وكال افدي المبتسم اني افديه حضنته وكلت الازرك يدري بية ماازعل منه ضحك وضلينا نشاقة ونضحك .



طالب 
كاعد كبال الصوبة واكلب بالمبايل ودخلت جوري شايلة صينية الجاي خلتها كبالي وكعدت يمي وكالت سويتلك جاي حلو مثلك ابتسمت وضميتها لحضني 



مدت ايدها لماعون لكرزات وكلتني وعضيت اصبعها ضحكت وباستني بخدي بوية سحنت روحي الملعونة صبت الجاي وشربت كالعادة من ايدها 



الطعم يختلف بستها بخدها وهمست هالجاي ماخذ من حلاتج ابتسمت وحضنتني وتشرب جاي هسة تحركنا اجت غلا تزحف فتحت ادية وكلت 



تعالي بابا تعالي اجت بسرعة وحضنتها وضحكت وجوري تباوع الها بغيرة ضحكت وبست غلا وكلت ياعمر ابوج انتِ كالت جوري واني ؟بستها بخدها 




        
          
                
وهمست الكلب انتِ بوية ابتسمت وباست غلا كتلها واني ؟ضحكت وباستني ،اشرب بالجاي وغلا تكمز تريد تبديه خليتها على جهة ولعبتها 



جانت يمي خليتها بيدها والتهت بيها ،جوري راسها على صدري وحاضنة جف ايدي مسدت على راسها بهدوء وبست ايدها وهمست شحبج اني بوية شحبج .



بعد مرور مدة 



ريحانة 
عايشين حياتنا طبيعي ،ملوكة وياسر يوم عن يوم جاي يكبرون ونتعلق بيهم اكثر واكثر ،واكفة احضر بالحمام لباسل ،صار ١٠ ايام ملتحق ويمة كلبي 



طاك عليه والجهال بس يبجون عليه ،سمعت صوت ملوكة تبجي نزلت بساع شفت عمتي تسكت بيها كتلها ها عمة شبيها ؟كالت يمة تعاركوا على النستلة 



صاروا من الروس وياسر اخذها وراح ياكل بيها بالاستقبال ضحكت وشلت ملوكة بستها وكلت يمة تردين نستلة انتِ وهية تشهك بستها وكلت هسة 



انطيج اثنين مو وحدة امشي خلي نشوف هذا ابو بطن وينه وعمتي تضحك علينا مشيت وهية مستمرة تبجي وتصيح تتو اما وتشهك عود تكول ككو ماما 



ضحكت على سوالفهم دخلت الاستقبال شوماكو ،رحت للنهاية شفته بالزوية يم القنفة ومدمر تدمر بالنستلة يمة غير خربت من الضحك باوعلي وابتسم



ومال راسه يمة خلاني اكزكز سحبته وشلته بسته بخده وكلت يمويييي شنهاي ماما شنهاي اكلك اني اكلك ،صعدت بيهم للغرفة وملوكة مستمرة 



تبجي خليتها بالكاع وطلعت نستلة من الثلاجة فتحته وانطيتها الها ضلت تكمز واخذت ياسر ودخلت للحمام سبحته وهوة يخرب ضحك من اسبحه 



واني اكزكز عليه نوب ماشاء الله مدبدت وايده صايرة طبقات وابيض شحم والعيون خضر هيج بدي اكله وشوية وطلعت من الحمام واني ملفلفته 



بالخاولي وهوة ضام روحه بصدري باردة حيل طلعت بيه بساع واباوع ملوكة ماكو يمة بس لا راح للدرج ركض بساع طلعت من الغرفة وشفته



زحف وتضحك وتصيح بابا بابا صحت تعالي ماما وين ركضت عليها وسمعت صوت باسل جوة يمة يابعد روحي طلعت سامعة صوته وتريد تنزل 



اجيت ابجي بساع شلتها وشايلة ياسر دخلت للغرفة سديت الباب علمود بدل لياسر بساع وننزل سوية طلع اله ملابس وجاي البسه بالبجامة وانفتح باب 



الغرفة وباسل مد راسه وكال يابة حيهم ضحكت بساع لبست ياسر وخليته بالكاع وركضت حضنته حييل وهوة حضني يبوس بوجهي يهمس يابة هل ا



بروحي وكلبي وحيلي وعمري وحبيبة روحي ابتسمت وعيوني مدمعة يمة كلش مشتاقتله والجهال يبجون دنك عليهم يبوس بيهم ويحضنهم وهمة طاروا 



بيه كعد بالكاع وحاضنهم ويضحك وكال يابة روحي من الدنيا روحي كام وهوة شايلهم واني رجعت حضنته واضحك وهوة يحير يحضن منو ويبوس 




        
          
                
منو ضحك وكال انطوني مجال بوية ،ضحكت وكعد عالجرباية وهاي ملوكة الادبسز تبوس بيه من حلكه وياسر حضنه ويباوع بوجهة وهوة طاير بيهم 



راد يكوم يسبح بقوا يبجن يردون يبقة حاضنهم ،وهوة يريد يسبح عاد شلتهم وضلي واكفة بباب الحمام منتظرته يطلع وهمة الادبسزية يخرمشون بية



وماقابلين ،طلع من الحمام واني خليتهم بالكاع ،ونزلت حميت الغدة بعدنا كلنا مامتغدين منتظرين باسل علمود نتغدة سوية ،رتبت الصينية وخليت 



الزلاطة والخضرة واللبن ،وشلتها بالف ياعلي خليتها بالاستقبال وصحت تعالواا تغدواا ورحت للمطبخ جبت صلاحية مي طلعت من المطبخ نزل 



باس وشايل ملوكة وياسر ويبوس بيهم ابتسم باوعلي تنهد وابتسم ،دخلنا للاستقبال وعمة وعم و كاعدين كعدت وباسل كعد يمي بدينا ناكل وملوكة



وياسر من يشوفون اكل يمة ينسون امهم وابوهم عمي يباوع الهم ويضحك عمتي كل بيهم ونسولف ونضحك ،وياسر عود هستوني مبدلة اله ودمر



روحه يمة اجيت ابجي عطت بيه وهوة برطم بجة وشاله باس باسه باسل كتلة بقهر ليش دمرت روحك موهستوني بدلت الك ،كال باس استغفرالله 



دعوفي ياعيني عود تبدلين اله وهوة يباوعلي مبرطم سحبته بسته وكلت اكل ماما اكل عود ابدلك ضحك باسل وكا اي كلش فهمج ،وملوكة منطلقة تاكل 



ضليت اوكل بياسر وعمو يفلس اله لحم ويخلي كباله وهوة ياكل ،واني باسل يخلي كدامي ابتسمت وهوة قرب راسه وهمس شمشتاقلج ياروحي



همست يمة حبيبي موبكدي والله ابتسم ورجع ياكل كملت وكمت غسلت المواعين وصبيت الجاي وكعدنا نشرب جاي وباسل كاعد ومنتجي على 



القنفة ومدد رجليه ويلاعب بياسر وملوكة حاضنة عمو ومدري شتحجي ياه وهوة يضحك ويكلها اي وبعد كملي واني مخلية راسي بحضن عمتي وهية



تمسد على شعري ونسولف نضحك ،وشوية وكمنا صعدنا فوك  ،اني شايلة ياسر وباسل شايل ملوكة ،دخلنا للغرفة خليت ياسر على الجرباية لين نام



وباسل تمدد يمه وخلة ملوكة الي تغفي وضل يبوس بيهم بهدوء رحت يمه تدنة وفتحلي اديه تمددت حضني حيل ودار يبوس بخدودي ويهمس سمنان 



حبيبي راجعات خدوده واني اضحك عضني خفيف وهمس اروح فدوة لهل ضحكة اني مسدت على خده بهدوء باس ايدي وهمس احبج .



يوماً ما 



كل العائلة مجتمعين ببيت طالب بالحديقة ،طالب كاعد مقابيل عزيز ويلعبون طاولي وامير وباسل وحسين ومحمد وعلي واحمد يشجعون بيهم 



ومتحمسين واصوات ضحكهم مرتفعة ،البنات مسويات الهم لمة ويكرسن حب ويضحكن ،والجهال يلعبون داير مداير البيت ،باوع عليهم طالب وتنهد




        
          
                
وهمس اشكرك احمدك ياربي بكل وقت على هاي اللمة الحلوة الي ادعي الله لايحرمنا منه لادنيا ولااخرة ،ويجمع شمل كل عائلة متفككة ويطيب قلوبهم ويجبر قلوبهم امين ...🤍



مرت ايام واجت ايام ،وحياة ابطالنا الحلوين صارت احلى واحلى ،يوم عن يوم حب طالب لجوري يزيد وكدر يعوض كل يوم مر بدونها ،من بعد صبر



طويل جبر الله سبحانه وتعالى خاطره وقلبه ،وعوضه بالاحسن ،ودائما التعويض الرباني يكون احلى شي ممكن الانسان يحصله ،باسل وريحانة



حياتهم صارت احلى بعد مانوروها ملاك وياسر وصاروا همة روحهم من الدنيا ،سارة حصلت حبها الاول ،وحياتهم عبارة عن شقة وضحك 



وونسة ،مريم جابت وسمت ابنها همام ومالي حياتهم وحايرين شيجيبون اله وشيسوون ،محمد ووداد صار عدهم بنوتة حلوة مثلهم ومحمد خلة الخيار 



لابوه بأن يختار اسم البنوتة ،وطالب سماها جوري باسم محبوبته الاولى والاخيرة جوري ،ومحلية الدنيا بعيونهم ،نازك وحسين صار عدهم ولد



وسموه يزن وحسين ميت عليه وعلى نازك ،حسين الي خسر حبه الاول والله عوضه بأنسانه عوضته كل كلشي شافه بالحب والحنية ،انسانه تخليه



يحمد الله ويشكره بكل وقت وبكل ثانية ،كل شخص حياته تغيرت للأفضل وهذا شي يأكد النا انو الحزن والهم والغم مايدوم يراد صبر للايام الحلوة 



ولازم نتحمل الايام المُرة ،ورب العالمين كلشي يسوي النا بيه صالح وخير وماكو شي يصير يضرنا ،وقوله تعالى وعسى إن تكرهوا شيئاً وهو خير 



لكم ،خلي عدكم امل انو كل الايام الحلوة المتوقعة راح تجي بالوقت المناسب ،لأن كل متوقع آت ،ووصلنا لأخر محطة بالقصة ،تعرفت على



بنات هواي وصاروا جزء من عندي والاقرب لروحي ومنهم ملاك ،مااعرف شلون اوصفها بس هية اشبه بجبر الخاطر ويمكم الحساب



PhNona0 🤍ادعي الله يعوض كل وحدة بيكم بهيج صديقة واخت ،وهواي بعد صديقات كان التعرف بيهم اشبه بالسعادة ،مااعرف بالقصة جنت بس اريد



يصير الي وقت حتى اكتب فماركزت بشكل كبير على العبرة ،وهذا الي نكدر نكول ضوجني لكن الحمدالله على كل حال ان شاء الله بالقصص القادمة 



راح ابدع اكثر واكثر ،ونكدر نكول يأس القلوب جانت عبارة عن يوميات عائلة ومو أي عائلة وانما اجمل عائلة ممكن تمر عليكم ،كل حرف كتبته 



بيها سكن روحي وقلبي ،يأس القلوب غالية علية بغلاة الروح والقلب ،اشكر خيالي على هذهِ القصة الرائعة واشكر اناملي الي خطتها بأجمل



صورة ،وأشكر كل شخص قرأ القصة وانطه رأيه باعجاب وحب وجبر خاطري بكلمة حلوة ،اشكر كل شخص دعمني وسندني ،واكيد كل الشكر



يعود لرب العالمين لانه وفقني وانطاني قدرة استغل خيالي بشكل حلو واجسد افكاري ،وقوله تعالى أشكرني لأزيدنكم ،فنشكر الله سبحانه وتعالى 



بكل وقت على كلشي ،وجنت متمنية القصة تطلع باجمل صورة لكن الضروف ماسمحتلي والحمدالله ،البارت ماكدرت اضيف بعد احداث لين عبارة عن يوميات  ،اعتذر عن التاخير لكن موبيدي اتمنى 



تدعون الي تتحسن ضروفي للاحسن ولأول مرة اطلب لكن محتاجة دعائكم 🥺🤍،واتمنى الكم كل الموفقية والنجاح والله يفتحها عليكم فتوح 



العارفين ،وان شاء الله السعادة والطمانينة والراحة تفارقكم بكل مكان وزمان ،ويبعد عنكم كل شر ومكروه ويجبر خاطركم وقلبكم وارواحكم المتعبة ،كل الحب والتقدير والاحترام ،الكاتبة رويدة 🥺🤍



تمت ....🤍

 
        


google-playkhamsatmostaqltradent