رواية يأس القلوب (2) الفصل الثاني و العشرون 22 - بقلم رودي

part62

          

                

 النا ومبتسمة دخلت واني حاضنهم اثنينهم انطتني جوري مي شربت وكالت روح بدل وانطيني غلا انطيتها الها وضلت تبجي وتجر بية ضحكت وكتلها 

دقيقة بابا هسة اجيج رحت للغرفة سبحت وبدلت بساع وطلعت تلاكيت وية وداد باستني من راسي وسلمت عليها وكلت بابتسامة شلون ,شلون الي 

ببطنج ابتسمت وكلت بخير مادام انتَ بخير هزيت راسي وكلت الحمدالله يابة ,دخلت للاستقبال حسين كاعد ويصيح الغداا وينه متنة من الجوع شافني

 ابتسم وكال يابة نور البيييت وكام باسني براسي كعدت وهوة كاعد يمي ويرص بجتفي واني اكله بتعب ايي خرب يوك رص حييل ميت من 

التعب ,كرصني ضربته على ركبته وكتلة رص وبطل شقة لا اخبزك ,ضل يرص  بية واني مغمض عيوني بتعب شوية وكال كوم حجي كوم صبوا 

الغدة كمت مخلين الصينية بالكاع اليوم الغدا دولمة بدينا ناكل وحسين يتعارك وية وداد على الضلوع ويابوية راحت سارة بدت عركاته هوة ووداد وطالب

 المبتلي ,كتلة عوفها خل تاكل البنية حامل وتشتهي كال هالمرة لخاطر ابوي عفتج الضلع المرة الجاية ماكو سماح وهية تضحك وتاكل ومحمد يهز ايدة 

ويكول زعاطيط واني اسكت هذا وارزل بهذا ,كملنا غدا وشربت جاي وبعد ماكدرت النعاس سيطر علية ,دخلت للغرفة وتمددت على الجرباية وانفتح 

الباب دخلت جوري وسدته واجت تمددت يمي وضمتني لحضنها وضلت تمسدلي بهدوء لحد ماغفيت .

سارة 

الجو بارد ثلج واني كاعدة بالحديقة ومنتظرة امير اليوم يجي من الدوام صار 10 ايام ملتحق  وعيني على الباب , طبعا هاي الفترة جانت من اسعد الايام 

بحياتنا ,خالية من المشاكل والهموم الحمدالله وعايشين مرتاحين ومبتعدين عن كل شي سلبي او ممكن ياذينا ,غلا كل عصرية يمي متعلقة بيها لابعد حد 

كلش تونسني ومرات اخلص العصرية اني ووداد كاعدين بالمرجوحة ونسولف ونضحك ,طبعا صارت حامل وداد من اول شهر وهسة عليها 3 

اشهر ,واني صار 4 اشهر ماكو شي والحمدالله شوكت ماالله يرزقني راضية ,ومريم ببداية شهر السادس وحامل بولد وطايرين بيها واحمد حاير 

شيسوي وشيجيب الها ,واني كلما اروح للسوك اشتري شغلات للاطفال ويمة ياسر وملاك صايرين ينكرطون بيض شحم والعيون خضر ومدبدبين يايمة 

اشتاقيت الهم فزيت من صفنتي على صوت باب الكراج انفتح باوعت دخل امير شافني ابتسم وخلة جنطته بالكاع واني ركضت عليه واضحك وشبكته 

وشالني شبكني حيل وضل يبوس بوجهي ويهمس يابة هلا وغلا هلا بالمشتاق الها وكلبي طاك عليهاا بسته بخده وكلت الله يساعدك حبيبي ابتسم 

        

          

                

وهمس ويساعدج يروحي باسني بخدي بقوة وهمس اشتاقيتلج حيييل كتلة واني اشبكه انيي هم كلش اشتاقيتلك دخلنا للبيت وهوة حاضني اخذت جنطته 

وصعدت فرحانة وهوة راح يسلم على اهله ويصعد بساع حضرت اله الحمام وخليت اله ملابس شوية وصعد واني اخلي بملابسه بالغسالة طلعت وكتلة 

حضرت الك الحمام ادخل اسبح بين مااحضر الك الغدا باسني بخدي وكال تمام دخل يسبح واني نزلت صبيت الغدا وطبعا ماماكلة شي كلت من يجي 

نتغدا سوية رتبت الصينية وشلتها وصعدت لكيته طالع وواكف يمشط شافني اخذ الصينية من عندي وخلاها بالكاع وكعد واشرلي بمعنى اكعدي يمي 

كعدت يمه وباس ايدي وكال عاشت ايدج ابتسمت وكتلة الف عافية ياروحي بدينا ناكل ونسولف ونضحك كملنا اخذت الصينية همزين من سويت الغدا 

خليت الجاي على الطباخ ,لكيت فاير خليت خدرة وبين مايمل غسلت الاماعين وطلعت كوبين صبيت الي واله واخذتهم وصعدت كعدنا نشرب اني 

وياه كملنا عفتهم على صفحة وهوة متمدد بالكاع يم الصوبة لين باردة ثلج فتحلي ايده وجيت نمت عليها وحضني حييل وحرورة الصوبة صاير بوجهي 

صرت حمرة دم وهوة مبتسم على شكلي وبس يبوس بوجهي وكلما احجي كلمة يمد راسه ويبوسني ويخليني اقجل متتتتت المهم شوية وغفى وهوة 

حاضني كمت دنيت الصوبة وجبت بطانية غطيته وحضنته ونمت .

مريم

مبتسمة واباوع لبطني بالمراية شلون كبرانة وبارزة ،يمة كزكزت فزيت على صوت الباب يندك ،اجة احمد رحت بساع فتحت اله باب المطبخ دخل 

وهوة شايل العلاليك راح جاب النا غدة من المطعم خلاهم على الميز ودار باسني بخدي وكال جبتلج موز موكلتي مشتهيته ابتسمت وكتله بفرح اروحلك

 فدوة انيي ياروحيي وكفت افتح بالعلاليك وهوة شابكني من ورة ويبوس بخدي ،اكلت شوية من الموزة ووكلته وكتلة الله شكد طيب ابتسم وكال الف 

عافية ،كملت الموزة ،وحضرت النا الصينية وخليت بيها الغدة جايب بيتزا واثنين صاجيات وفنكر ومقبلات وببسي ،كعدنا بالاستقبال وبدينا ناكل 

ونسولف ونضحك وكلما اصفن يكلي اكليي لا تصفنين ،كملنا وسويتله جاي شرب وكعد بالاستقبال يكمل الشغل الي عنده بالحاسبة واني لابسة بجامة 

شتوية ووياهة بلوز حياكة ونازل خصل من شعري وبطني بارزة وكاعدة كباله بالكاع ومادة رجلية وبحضنيرماعون فواكه واكل واباوع للتلفزيون 

وهوة مقابيلي يشتغل بالحاسبة ،اجت عيني عليه لكيته صافن علية والقلم بيده ابتسم وسد الحاسبة وكال بعد مااكدر اركز عود شدعوة هلكد حلوة ماتكليلي 

        

          

                

واجة كعد يمي وحضني ويدغدغ بية واني اضحك وكلته تفاحة وهوة اخذ الشوكة وضل يوكل بية واني متمددة بحضنة واباوع على التلفزيون وهوة

 كعد يباوع وياي وضامني لحضنه .

نازك 

دخلت للغرفة وركعت الباب بعصبية ودموعي تنزل وكلت خلي اشوف منو تطلع وياك مبدلة ويرجعنيييي يكلي بدلي القميص ماتطلعين بيه واني صار

 ساعتين منتظرته كعدت ابجي حتى المكياج خرب اني الك حسين دك مبايلي شفته حسين ماجاوبته ابقة انتظرني ماانزل ،دك مرة ثانية جاوبته كتلة ببجي 

شكو روح مااطلع وياك ،ماحجة شي رجعت كتلة المعقد بعد مااطلع وياك خوش ماحجة شي بس سد الخط ،جاي على اساس نطلع اني وياه بس لين 

القميص مالتي قصير كلي اصعدي بدليه ،وخففي المكياج مادري متعودة اخلي مكياج واطوخ الحمرة متعودة بس هوة ميحب هيج وبفترة الخطوبة 

اكتشفت صحيح هوة يحشش ويضحك بس من يصير عصبي خلي الضحك يفيدني يمة اشرد منه واخاف اعصبه يصير حسين ثاني ومن اعاند يخليني

 اتندم لين عاندت ،يعني بعد روحي طلع المحامي شخصيته مو سهلة ،فزيت من صفنتي على صوت رسالة فتحته شفته دازلي ،هاي الفترة كلها انتِ 

تعاندين واني افهم بيج وكتلج هيج قميص قصير ماتلبسينه بعد ومكياج ماتطوخين لو الة تعاندين وتخربين ام الطلعة بسيطة نازك ضلي تدلعي 

وابجي على ابسط الاشياء وجفصي بالكلام خلي اشوفه تاليها وياج شلون وديربالج اشوفج مراسلتني لو داكة علية ،عضيت شفتي بقهر جفصت 

مو صحيح شهل عيارة اني لو صاعدة ومبدلة ومخففة المكياج ومحترمة نفسي موجان هسة احنا بخير شكواكبر الامور بعدين اتندم ،كمت بساع نزلت

 شفت ماما تسوي جاي كتلها بهمس ماما حسين بعده ؟كالت اي يشرب جاي بعدين يروح كتلها خوش صعدت ركض ،فتحت الكنتور وطلعت قميص 

طويل يصير شوية جوة الركبة وعريض لبسته بساع ووكفت مسحت المكياج وخليت شي خفيف ولفيت الشيلة وخليت عطر واخذت الجنطة والمبايل 

ونزلت بساع فتحت باب الاستقبال كاعد هوة واخوي يسولفون ويضحكون شافني سكت بلعت ريكي وكلت اعذرني تاخرت شوية وهوة مصدوم 

مني ،رحت كعدت يمه واحرك رجلية بقلق واطك بأصابعي وهوة رجع يسولف وية اخوي وشوية وكام يوسف امي صاحته وحسين باوعلي وكال 

بأستغراب خير شو بدلتي ؟كتلة موجاي نطلع رفع حاجبة وكال والبجي والعناد وعلى اساس اني معقد وين راحن امشي كومي بدلي لا امدج هنا 

كومي تقربت حضنته من ايده وكتلة حبيبي لاتضوج من عندي اعتذر والله والتوبة كال وهوة داير وجهة اي خوش كتلة حسييين دار علي وكال بعصبية

        

          

                

 وسم صوتج برطمت بزعل ودرت وجهي ،وهوة بس ينتر دخل يوسف وشربوا جاي وشوية وكال يلا امشينا كمنا طلعنا واني ردت ارجع بس كلت 

يكتلني كدام يوسف وعلي صعدت بالصدر وهوة صعد وسلم علة يوسف ومشة بالسيارة يسوق ومد ايده يكرص بخدي واني ادفع بيده كال هسة غير

 المفروض اني ازعل من هاي تصرفاتج شو نوب انتِ زعلتي كتلة بزعل شنو تكلي وسم ها شنو وكف السيارة على ركن وكال عمي سم بكلبي 

ارتاحيتي هسة ؟كتلة يمة اسم الله لاتحجي هيج ،وباوعتله صافن عليه بلع ريكه وهمس دشوفي شلون حلوة بالمكياج الخفيف واللبس الطويل ومد ايده 

كرص خدي والخدود حمر من البرد عمي هذا الجمال الطبيعي ابتسمت بخجل وكتلة اي خوش ضحك بلعت ريكي وكتله بعد مااعاند التوبة كال اووو

 سمعتها هواي ضحكت وكتلة لا والله التوبة هاي اخر مرة ابتسم وكال خوش حضنت ايده وسحب ايدي باسها ورجع يسوق وهوة حاضن ايدي ابتسمت 

على منضره لابس بنطرون اسود وتيشيرت ابيض وفوكاه قمصلة جلد لون اسود ورافع شعره ولحيته محددة ولساعة مزينة ايده تنهدت وهمست يمة 

يتغزل بية وهوة طالع كيكة سمعني ضحك وكال ياكيكة عمي دشوفي نفسج لوماشارع وعيب جان عضيتج ضحكت وكتلة اهووو حسين هم كال اعضج 

شبعتني عضات ضحك وكال غير انتِ كيكة ومن اشوفج مااكدر لازم اخذلي عضة ضحكت وكتلة اي قشمرني قشمرني ،وصلنا للسندباد وطبعا اني 

اختاريت المكان ،كصينا كارت ودخلنا وهوة لازم ايدي ونمشي واني ضايعة وياه شفت السيارات المداعمات كتلة اييييي خليي نركبها ضحك وكال صدك 

تحجين بابا هاي مال جهال مومال كبار كتلة اما اصعدها يعني اصعدها كال امشي متصعديها كتلة حسييين استغفرالله وكال امشي امشي دخلنا بالسرة 

وانطاهم الكارت سوه بيه هاي مال دخول وانطونا ياه دخلنا واني لازكة بيه اخذنا سيارتين وهوة همس خلي يشوفني ابوي صاعد بيها الية يخليني 

بالحبس شهر من وراج ضحكت وكتلة اصعد اصعد ،لين اكو هواي كبار صاعديها بقت علينا والله يالله ،صعدنا ونحرك بالسيارات ،وكالساع ادعمه

 ويمة متنا من الضحك لحد مانزلنا واحنا ميتين ضحك وبعدين صعدنا بالسفينة وكلما اريد اصرخ من الخوف يخزرني يخليني اسكت من الخوف 

يمة واني شوية واصير بحضنه كال التوبة اذا بعد صعدتج بيها نزلت واني اضحك مشينا اشترالي ازبري وذرة وهوة اشترة مي كعدنا عالمصبطة واني

 اكل وهوة يباوعلي ومبتسم كال تونستي كتلة بفرح كلشش ،كال بحب دوم يالعمر انتِ ،ابتسمت بخجل وبعدين اخذنا صور ورحنا نتمشى يم النهر 

وهوة حاضن ايدي ونمشي ونسولف ونضحك ،وهم التهينا نفكر شنسوي بالعرس وشنسوي بالحنة لين بعد ١٠ ايام واني كملت كلشي وهاي فترة

        

          

                

 الخطوبة كلها يمة فد تونستتت حرفيا من احلى الايام هواي طلعنا وكلما يفرغ من شغله يراسلني ونتفق على كذا مكان ونروح نخلص بيه يومنا 

لو مرة عاندت الة اروح وياه اشوف المكتب مالته وخلاني طول النهار يمه ومتتت شلعت كلبه بوكتها ,لو من تتجمع العائلة ويجيبني ونتعارك اني وياه

 يم عمو ونترزل اثنينا يمة بوكتها نخرب ضحك ,صارت الساعة ب10 يمة تاخر الوقت طلعنا من السندباد ركبنا بالسيارة وبالطريق نزل جاب النا صاج

 من البديع لين جعنا ويسوق وناكل وطول الطريق نسولف ونضحك ,وصلني لبيتنا وقبل لاانزل باسني بخدي بقوة وهمس احبج لااراديا شبكته وهمست 

اموت عليك اني ابتسم ومسد على خدي بهدوء ووواحد صافن بوجه الثاني ومااحس الة عضني من خدي ضحكت وكتلة ماتوب يعني عض شفته وكال

 ابدا مااتوب ضحكت واخذت الجنطة ونزلت وانتظرني لحد مادخلت ببيتنا يالة راح دخلت والابتسامة شاكة حلكي شافتني ماما ابتسمت وكالت ها 

حبيبتي اجيتي تونستي كتلها بفرح واني احضنها كلش تونست ماما كلش رفعت ايدها تدعيلنا الله يتمم النا على خير وطبعا فرحانة بية كلش لين اني

 وحيدتها وكلما اذكر ازوج واعوفها اموت من البجي بس شنسوي هية هاي سنة الحياة ,صعدت لغرفتي سبحت وبدلت وشمرت روحي على الجرباية 

واكلب بالانستا ونزلت ستوريات وشوية ورد حسين على ستوري بيه ايدي وايده وكاتبه عليها 

وانه ارتاح من تحجيلي همك احس الدنيا بس يمك ... احب سوالفك واسمك 

رد عليها اني احبج انتِ ابتسمت يمة كزكزتتت حجينا شوي بعدين صعدنا اتصال وضلينا نحجي لحد ماغفيت مثل كل يوم والخط مفتوح .

بعد مرور ايام

يوم الحنة 

ريحانة 

اليوم حنة حسين والفرحة مالية البيت ,ونركض منا ونروح منا ,ويمة ملوكة وياسر شلعوا كلبييي خلوني الطم هيج الطم متتتت المهم بخرت البيت 

والخطار بدأو يجون وماما تستقبل بيهم والبنات كلهم فوك حايرات يمكيجن ويبدلن صعدت فوك شفت ملوكة تلعب بالحمرة شهكت وركضت اخذتها منها

 الادبسز دمرت ملابسهاا صحت سارررة عود عفتها يمج ليش مخليتها تدمر ملابسها بالحمرة كالت ياا غير هية ضلت تبجي عليها شلتها غسلت الها وهي

 تبجي تريد الحمرة اي عيني من هسة طالعة عينج ,صحت مرييييم ياسرر وين كالت هياتة يمي رحت شفتها تصبخ وهوة يمها على الجرباية ويتلمس 

ببطنها ويضحك ابتسمت على منضره وعدنا مريم روحها بياسر وهوة كلش متعلق بيها عكس ملوكة متعلقة بسارة ,كعدت على الجرباية وملوكة تناغي

        

          

                

 وتملش بشعري واني ابوس بيها ضحكت مريم وكالت شوفيه شلون كاعد وساكت شلون يهدا من يشوفني لين يحبني  كرصتها بخدها وكلت هوة انتِ

 منو ميحبج ماتكليلي ضحكت وكالت اوي قجلت ضحكت وشلت ياسر بسته وهوة يحضن بية بأديناته الصغار ضل يناغي ويكول با با با با ابتسمت وكتلة

 تريد بابا انتَ يروحي هسة يجي واطلعك اله ,شوية ومريم كعدت تشسورلي بشعري وياسر وملوكة وغلا يلعبون بالملاعيب وعيني عليهم كملت شعري 

وكمت لبست الفستان لون بنفسجي غامق ومخصر عالجسم ومفتوح من فوك وجسمي ابيض وبارز بشكل موطبيعي وية اللون البنفجسي ,وشعري عفته 

نازل على طوله ورفعته الي شوي من فوك وبرمته واجت الميكب ارتس ست سويرة متتت المهم وكفت تمكيج الي وتطكطك بعلجها يمة 

موتتني ,كملت الي الميكاج واخذت ملوكة وياسر غسلت الهم ولبست ملوكة البدلة الي لونها احمر ومنفوشة  وسويت شعرها اثنين اكرون وخليت الها 

فيونكات وهية بس تكمز وتتحرك شلعت كلبي اخذتها سارة مني تبوس بيها وتاخذ الها صور وبدلت لياسر يموي هادئ عكس اخته لبسته قاط اسود 

ورفعت اله شعره يمة كزكزت علييه والبنات التمن عليه يبوسن بيه وهوة يستغرب ضل يبجي ضحكت وشبكته اسكت بيه لبست الكعب ورشيت عطر

 وشلته ونزلنا جوة واني شايلة الفستان من جوة لين طويل وخاف اعثر شافتنا ماما ابتسمت وصلت على محمد وشافت ياسر ضلت تبوس بيه وتكول

 يمة فدوة للعريس شطالع ياروحي والنسوان شافنه كالن يا ماشاء الله ماخذ عيون امج واني مكيفة بيه متتت عطش ورحت اشربه مي ودخل محمد 

للمطبخ شافنا ابتسم وكال شطالعة كيكة ضحكت وكتلة اوي فديتك ضحك واخذ ياسر يبوس بيه وكال حبيب خاله يابة حبيبه خلي اطلعه وياي برة هم 

اجة باسل يريد يشوفه وهاي ام لسان وينها العضاضة ضحكت وكتلة ملوكة يم سارة ماتقبل تنزل ضحك وكال شوي واجي اخذها اخذ ياسر وطلع 

ورحت لكيت وداد تشغل بالديجي ,شغلت ساجدة عبيد وانطلقنا بالركص والبنات نزلنا ونركص ونهلهل واني شايلة ملوكة واركص بيها وياي وهية 

بس تضحك ماتدري شنو السالفة ,شوية وكالوا راح نروح لبيت العروسة بساع صعدنا لبسنا العبي ولفينا الشالات ونزلنا واني شايلة ملوكة ودخل 

حسين شايل ياسر ابتسمت وبوسته وباركت اله وهوة باسني براسي وكال الله يبارك بيج ياروحي ,وباس ياسر وكال بعد مانطيج ياه شني كيك خوما كيك 

ضحكت وكتلة باسل وين لعد كال هوة منتظركم برة بالسيارة انطاني ياسر وعض ملوكة خلاها تبجي ورجع باسها وراح يضحك وهية عبالك اني الي 

عاضتها ضلت بس تخرمش بية واني ساكتة ومتحملة اجتي سارة اختها مني وطلعنا سيارة باسل واكفة بالباب وهوسة بساع  صعدنا بالسيارة اني وسارة 

        

          

                

وداد ومريم هنة ورة واني بالصدر وبحضني الجهال صعد باسل وسلمن عليه البنات وهوة رحب بيهن ,والجهال ضلوا يكمزون من شافوه اخذ ياسر 

بحضنه وهوة يسوق واني ملوكة صافنة تباوع من الجامة على الهوسة تحب الهوسة من هسة بعد روحي ,شغلت النا اغاني واندمجنا وهوسات وهلاهل 

وباسل كالساع يباوعلي ويبتسم ميكدر يحجي يمنا البنات شوية ووصلنا لبيت نازك ومن نزلن البنات جاي انزل سحب ايدي باسها  وهمس احلى شي 

شافته عيوني انتِ ابتسمت يمة انسحنت روحي من الخجل  ماحجيت شي هوة ضحك واني اخذت ملوكة ونزلت لين ياسر كال خلي يمي يبقة  دخلنا 

والهوسات والهلاهل وجايبين ملالي  ووماشاء الله نازك طالعة فدشي لابسة بدلة لون ذهبي وتسريحة شعرها خيالية مرفوع ونازل مبروم والتاج مزينه

 والميكاج سموكي فدشي سلمنا عليها وهية فرحانة بينا واحنا فرحانين بيها خليت ملوكة يم ماما ودخلت وية البنات بالنص ودك ركص  وهلاهل 

وهوسات وكومناها ركصت ويانا وصاحن الملالي الليلة حنته وباجر يزفونة والردح اشتغل خلاتها كلها تتراكص يمة متتتتت بعدين اخذت ملوكة لين ماما

 دخلت بالنص لين الملالي صاحن سوا درب لام الولد خلوها تلعب جولة وركصت ركص يمة خلتهن صافنات متتتت وينك بابا تعال شوف ماما 

وسارة صورتها ومطلعتها بس هية بالتصوير وماما لابسة فستان ماروني ضيق عالجسم ومن جوة منفوش ومن فوك مفتوح وشعرها نازل مبروم 

ولابسة الذهب والمكياج بارز طالعة تموتت ,ودخلنا وية ماما نهز ونركص واني ملوكة بيدي ومنطلقة ومريم تركص على كيفها وماما كالساع تكعدها

 لين موزين عليها ووداد ركعتهن بهلهولة يمة متتتت انطرشنا وتركص بالنص وماما كالساع تكلها اكعدي راح يصير شي بالطفل وهية منطلقة 

خوب من كالن الملالي فرحنا واليحبنا يفرح ويانا وهذا اول فرح شفنا بدنيانا كلها صارت بالنص خبلت النسوان متتت بعدين كالوا راح يدخل العريس 

كلها لبست شالات بس احنا اخوات العريس الربحانات منلبس هههههه ,دخل وتلكنا بهلاهل والجكليت وهوة خجلان ومرتبك شبك ماما وبوسها وهية 

تهوسلة بعدين تقدم باس نازك من راسها وكعد وشافنا ابتسم وشغلنا الاغاني ورجعنا نركص .

حسين 

لزمت ايدها ايدها بستها وهمست طالعة اميرة ياروحي ابتسمت بخجل وكالت وانتَ هم طالع كلش حلو ياروحي ,وترفع بالبدلة تعدل بيها همست دعوفيها 

الة تعدليها وعضيت شفتي ضحكت وكالت  بخجل حسيييين كتلها سكتت سكتتت والله بيج عضة خرب يومج شكد طالعة حلوة ضحكت وكالت رجعنا

        

          

                

 للعض يعني وتحجي بدلع بوية سحنت ورحي انا مستحملش كدا ,شغلوا الاغاني  وكوموها تركص وهية تهز وتباوعلي مسحت كصتي وهمست 

اشتعلوا هسة غير تكعد ,وهية اندمجت وية الاغنية ويابوية هزت هز انهزيت وياها ووكفت كدامي وتركص وتضحك سحبتها من ايدها وكلت دكعدي 

ياعيني كالت وهية تهز ركبة كوم عيني اركص وياي كتلها استري علينا الله يستر عليج ضحكت وكعدت يمي وحضنت ايدي بستها بخدها وهنة هلهلن 

حسسني مدري شمسوي ههههههه المهم اكلنا كيك وحنيتها  واخذنا صور وشوية خابروني وطلعت لين الحنة مالتي بالقاعة وتاخرت عليهم اجة محمد 

اخذني وصلنا للقاعة , واشتغلت الاغاني وابوي يهوس الي وفرحان بية واني رفعت راسه بالركص العفوا رفعت راسه بكلشي هههههه ,وتسجل هذا اليوم من احلى الايام بحياتي .

ريحانة 

رجعنا للبيت وفرحانين وبس نضحك ,نومت ياسر وملوكة وبدلت وغسلت وبساع بدينا نعزل بالبيت حتى باجر الصبح نضيف مانتعب بيه ,مسحنا 

وكملنا وبابا والولد دخلوا الساعة ب12 وكالعادة كعدنا نسولف ونضحك وحسين متمدد وراسه بحضن ماما وهية تمسد على شعره ويكلها ودعوني

 بعد راح اعرس ماتشوفوني واحنا خربانين ضحك ,لحد ماكلها راحت تنام ورانا كعدة من الصبح ,صعدنا للغرفة وصعدت الجهال لين نومتهم جوة 

خليتهم عالجرباية وغطيتهم وغلا يمهم شريكتهم طبعا خلصتها هناك نايمة بحضن خالتي ومن جاي نطلع يالة كعدت ,بستها وغطيتها وكعدنا اني 

والبنات نسولف ونضحك لحد ما نمنا ,فزيت الصبح سارة داست ببطني كلت بنعاس خرب يومج سارة كالت مادريي كوميي ماما بس تصيح تكول اكعدن

 راح يجون العالم وهم تريدنا ننزل نتريك كتلها بنعاس اي كايمة تلمست مكان الجهال كمزت عبالي طايحين من الجرباية طاح كلبي باوعت ماكو 

كلت سارة وين جهال ضحكت وكالت نزلهم حسين وياه كمت غسلت ونزلت كلها كاعدة تتريك وملوكة بحضن حسين وياسر بحضن بابا صبحت عليهم

 وكعدت اتريك ملوكة ومدمرة روحها بالجبن يمة موتتني هالابنية بساع كملنا ريوك وغسلت للجهال وبدلت الهم وخليتهم كاعدين يم مريم يم التدفئة 

لين الجو بارد ,كملت كم شغلة ماما كلتلي عليها بعدين صعدت عطرت غرفة حسين ورتبتها رغم هية مرتبة وحضرت اله القاط وبخرته وقفلت الباب 

وطلعت حضرت ملابس ملوكة وياسر ووكفت احضر بنفسي لين بعد شوية كلشي ماالحك اسوي ,ورة الاذان  بدأو الخطار يجون وانخبصنا نركض منا

 ونجي منا  وهم صبينا الغدا وبعدين وكفنا نغسل بالاماعين ونرتب بالبيت لحد ما كالوا شوية وتطلع الزفة بساع صعدنا بدلنا لبست فستان مال محجبات 

        

          

                

حلو ومستور ولفيت الشيلة ومكيجت ولبست ياسر اليوم بنطرون ثلجي بيه شكات ووياه تيشيرت ابيض ورفعت اله شعره يمة ابني طلع يخبللل وملوكة

 لبستها بدلة بيضة وشعرها مفتوح وملبستها تاج يمة انسحنت روحي من جمالها ابوس بيهم وارجع ليورا صورتهم ودزيت صورهم لباسل بعدين من 

كالوا السيارات راح تطلع نزل محمد وحسين من الغرفة مبدل ولابس القاط وماما تلكته بالجكليت والهلاهل ,وياعمري فرحان كلش طلعنا وسيارة باسل 

بيها ولد يعني مااروح وياه ,سارة شايلة ملوكة واني ياسر صعدنا وية احمد ومريم ووداد ويانا ومشت الزفة وكالساع واكفين ونازلين يركصون لحد ما 

وصلنا لبيت العروس وكلها نزلت .

نازك 

سمعت يصيحون دخلوا اهل العريس رفعت راسي واجيت عيني بعين ريحانة ابتسمت وهية تهلهل وية عمة ويهوسن وسلمن علية وباركن الي 

وشغلوا اغاني وركصوا وشوية ودخل حسين وارتفعت الهلاهل واني شكل عندي الخفقان والبارحة خلصتها نايمة بحضن ماما وبس ابجي لين راح 

افارقها ,وصل يمي وباسني براسي وبارك الي ورديت واني مبتسمة الله يبارك بيك حبيبي كعد يمي وبدوا ياخذون النا صور ومستعجلين لين راح 

تصير دنيا مغرب ,شوية وكالوا راح نطلع ودخل بابا سلمني لحسين ووصاه علية وكلمته بقت ببالي وخلتني ابجي هاي وحيدتي ماعندي غيرها اذا تاذت 

اني اتاذة شبكته وبجيت وهوة باس راسي وهدأني ولزم حسين ايدي وكال وهوة مبتسم بعيوني اخليها عمي لايضل بالك وطلعنا وارتفعت الهلاهل 

صعدنا بالسيارة ومحمد يسوق ومشغل اغاني وطول الطريق اني حاضنة ايد حسين وهوة كالساع يبوسها واني ابتسم  وطول الطريق يضحك بية ويسولف

 وياي مايريدني ابجي لحد ما وصلنا للبيت ونزلنا وذبحوا خروف يم رجلي ودخلنا كعدني بالاستقبال وطلع وكلها التمت علي وطفوا الديجي لين صار

 وقت صلاة ,وصلوا وصبوا العشة واني بطني وجعتني من الجوع مماكلة شي من الصبح اجت ريحانة بيدها لفة ضلت توكلني شوية شوية واني 

اضحك واكلها هوة الصديق يبين بهيج مواقف وسارة كاعدة تاكل وتباوع النا وتضحك واني أشر الها بمعنى اني الج , كملوا عشة وبدأون الناس يخفون 

واني صعدوني للغرفة وماما ووالبنات يمي ويسولفن وياي ويضحكني واني اندمجت وياهم لحد ماسمعت صوت الهلاهل والهوسات وزفينا بوصاية 

حيدر عرفت راح يصعد حسين ,بلعت ريكي بخوف عود هسة اني ليش خايفة قابل راح يعضني والله يالله بوستني ماما ووصتني ادير بالي على 

نفسي وطلعت هية والبنات وبقيت ببحدي دخل حسين وسد باب الغرفة باوعلي ابتسم وكال يابة اكول الغرفة منورة ابتسمت بخجل تقدم مد الي ايده

        

          

                

 لزمتها وسحبني لحضنه وباسني بخدي وكال مبروك علينا حبيبتي ابتسمت وكتلة الله يبارك بيك ياروحي مسد على خدي بهدوء وكال روحي بدلي اكيد

 البدلة ضايقتج هزيت راسي ودخلت للحمام نزعتها ولبست السيت الابيض ورتبت نفسي وطلعت لكيت جايبين العشة وهوة نازع القاط باقي بالشورت 

والكيمونة يمة فد استحيت من شفته هيج شني ديسويلي اغرائات بالكوة ضميت ضحكتي ,كعدنا نتعشئ واندمجنا نسولف ونضحك راح الخجل 

والخوف وتعايشنا وية الوضع كملنا عشى وغسلنا واخذوا الصينية وهوة متمدد على الجرباية وضامني لحضنه ونايمة على ايده ويسولف وياي بهدوء

 ويمسد على خدي وباسني بخدي ووووووووووووووو .

طالب 

متمدد على الجرباية والتعب مسيطر علية يابة هاليومين ملتهي بحنة وعرس الغالي ويا فرحتي بيه ,والحمدالله تمت وعدت على خير دخلت جوري تنوم 

بغلا وخلتها بكاروكها واني اباوع الها شطالعة اليوم تسحن الروح الملعونة باوعتلي وهزت ركبة وكالت شو تباوع ضحكت وكتلها شوتعالي خلي 

اشوفج هزت كتفها وكالت مااجي ضحكت وكتلها دتعالي ابتسمت واجت يمي كعدت عالجرباية بستها بخدها بهدوء وهمست شحلاتج بوية من غير كل شي 

اني ميت عليج مونوب طالعة هيج تسحنين الروح ابتسمت بخجل وباستني بخدي وهمست احبك لا ارادياً ضميتها لحضني وضليت احك لحيتي 

بخدودها وهية تضحك وتوخر بية وضلينا نشاقة ونضحك وانتهى بيها المطاف نايمة بحضني .

حسين 

حسين 

فزيت الصبح فتحت عيوني بهدوء نازك نايمة بحضني وراسها على ايدي ابتسمت بهدوء وغطيتها وبستها بخدها بهدوء وضليت امسد على شعرها

 وهية فتحت عيونها بنعاس وابتسمت وكالت صباح الخير حبيبي ابتسمت وكلت واني ابوسها بخدها صباح النور ياروحي همست واني امسد على 

شعرها شلونج ؟كالت وهية تغمض عيونها زينة بس نعسانة باوعت للساعة ب10 كتلها للاسف مراح تكدرين تنامين اكثر لين وكت ريوك وراح يجون 

اهلي كمزت وكالت يجون ضحكت وكتلها اي يجون سحبت الروب لبسته وكالت تمام راح ادخل اسبح هزيت راسي وهية دخلت تسبح واني اكلب 

بالمبايل لحدماطلعت كمت دخلت سبحت وطلعت شفتها تلبس بالتراجي والقفطان الي لابسته مطلعها كيكة تقربت حضنتها من ورة وهمست هذا 

الحلو كلة الية ابتسمت بخجل وكال اي لعد المن ضحكت وبستها بخدها وفتحت الكنتور طلعت تراكسود لبسته ووكفت امشط ورشيت عطر وهية 

حاضنة ايدي وتسولف وياي وتضحك واني مبتسم على سوالفها دكوا باب الغرفة صحت اي يابة نازلين بستها بخدها وكلت يلا ننزل لزمتها من ايدها

 وفتحت باب الغرفة وطلعنا نزلنا وهية حاضنة ايدي وتمشي وياي نزلنا وامي هلهلت ابتسمت وبستها براسها وباركت النا دخلت بالاستقبال جايين 

اهلها سلمنا وباركولنا وكعدنا كلنا نتريك سوية وهية كاعدة يمي ومحمد ووداد هالمرة همة ناصبين علية ويضحكون رجعولي ياها ومحمد كلما 

اباوعله يغمزلي شكد مايستحي هذا الولد, كملنا ريوك وشوية وراحوا الها وضلت تبجي ويايابة بالكوة سكتتها كعدنا بالاستقبال وضامها لحضني واكلب

 بالمبايل وهيةشوية وتعايشت وية الوضع وضلت تضحك وتسولف دخل ابوي عدلنا كعدتنا كعد مقابيلنا وانطلق هوة وست نازك بالحجي يابة اصدقاء 

همة لعد شعبالكم ,وبعدين العائلة كلها اجتمعت وضلينا نسولف ونضحك وشوية وبدأو يجون خطار وتفارقنا .

يتبع ...