رواية يأس القلوب (2) الفصل الحادي و العشرون 21 - بقلم رودي

part 61

          

                

ونزعت العباية وخليت الجنط والعلاليك على صفحة باجر ارتبهم مبية حيل هسة وباسل بدلت وتمدد على الجرباية واني نزلت يم عمة وعمو الي 

طايرين بالجهال وروحهم صايرة بيهم شوية وبدوا ينعسون يبجون اخذتهم وصعدت ,رضعتهم وبدلت الهم وشغلت التدفئة وخليتهم كل واحد بكاروكه 

وباسل يباوع النا ومبتسم من ناموا اني طفييت كبل باسل فتحلي ايده ونمت بحضنه وشكبته حييل ونمت .

في اليوم التالي 

سارة 

كعدت على صوت المنبه موقته حتى اكعد اسوي ريوك لامير قبل لايروح للمركز شفته بعده نايم بسته بهدوء بخده وهمست حبيبي اكعد عندك دووام 

بهمس بنعاس اممم هسة اكوم ,وشبكني ضليت امسد بهدوء على شواربه فتح عيونه بنعاس وكال ليش تتحارشين بية ,ضحكت وكتلة اهوو راح يلزمها

 علي عمي ممتحارشة بس هيج شكلك مغري ياعيني ضحك ورجع غمض عيونة وكرصني كرصة من خصري خلاني اكمز كتلة بقهر وخر امير اني

 صوجي باقية يمك اذا ماالبس عباتي واروح لبيت اهلي واريد اكوم وهوة خربان ضحك ولازمني سحبنه  لحضنة وكال شنو صايرة متتحملين واحد 

يكرصج لعد بس انتِ ضالة تعضين بية وساكت ؟حلال عليج وحرام علية ؟كتلة واني اتلمس خده واحجي ببرائة لا موشوف اني اعضك بلطف وانت 

من تكرصني متكرص بلطف عبالك جلابتين ضحك وكال رحم الله والديج سويتيني جلابتين وباسني بخدي وكال احبج همست بحب اني هم كال انتِ 

شنو ؟كتلة معليك لزمني وكال تحجين لو اكرصج كتلة بسرعة بالعباس شايف شكد احبك ضحك وكال اييي هيج واحجيها من  البداية ,خلي اكوم راح

 اتاخر سويلي شي اكله ميت جوع كتلة بحب يموييي هسة اسويلك احلى ريوك مويدلل حبيبي عض شفته وكال احبج سويرة ضحكت وكتلة اهوو 

لاتكول سويرة اسمي سارة كلة من ورة حسييين هوة علمك وكمت واني ادردم وهوة يضحك علي رحت غسلت ونزلت للمطبخ بعدهم كلهم نايمين 

ميكعدون هيج وكت خليت الجاي عالطباخ وحضرت الصينية وسويت بيض وهوة نزل مبدل ومكمل كملت الريوك وكعدنا بالحديقة نتريك اني وياه  وهوة

 يشرب جاي ويباوعلي بتك عين كتلة واني اقلد نضراته شبيك تباوعلي هيج شنو عيني معاجبينك رفع حاجبه وهمس بالعكس كلش عاجبتني ماتشوفيني 

صافن بوجهج من صباح الله ,هنيالة والف هنيالة الي يصبح بهيج وجهة ومد راسه باسني بخدي واني انثولت همس رحم الله والديك على هذا الكلام الحلو 

يمة ضحك ضحكة وضمني لحضنه وضليت اضحك وياه ونسولف لحد ماكملنا وهوة ديروح باسني بخدي وكتلة عادي اروح يم اهلي فدشوية لين 

        

          

                

يجون خطار وماما تتعب كال اي حبيبتي شوكت ماتردين روحي ابتسمت 

وكتلة اروحلك فدوة انيي كال بعد مااكدر اعذريني وعضني بخدي وطلع بساع يضحك واني اتوعدله من يجي الكطه بعضة .

حسين 

كعدت الساعة 9 الصبح سحبت المبايل من الشاحنة شفت نازك دازتلي جريدة انتَ متحبني وانتَ وانتَ ونمت بدون متكلي تصبحين على خير 

وماكتلي احبج وصار يومين محاجيين ويبووو وخاتمتها طركاعة طاحت عليك حسين خوش طركاعة ضحكت وهمست استلم من صباح الله وعلي من 

التعب كبل غفيت وماحاجيته وهلايام لين ملتهي وية محمد ماافتح هواي بس اراسلها واسئل بس عبالها مبتعد عنها هسة شلون اراضيها ؟ دكيت عليها كم 

مرة ماجاوبت ,كمت غسلت ونزلت شفت امي تحضر بالصينية  بستها براسها وصبحت عليها وطلعت اجيب صمون وريوك واني امشي طلعت 

مبايلي من جيبي دكيت على نازك واخيرا ردت كلت بحب يابة صباح الخير ماردت عليه كلت زعلان الابيض مايكلي مرحبا كالت شكو تدك علية 

مااريدك بعد ,ابتسمت وكلت مومشكلة اني اريدج سكتت كتلها يابة والله ملتهي وية محمد هاليومين اعذريني يعني قابل مبتعد عنج ياروحي كالت 

ادري بس اشتاقيتلك حسين ابتسمت وكتلها شو رجعي كولي حسين كالت اما كتلها كوليي كالت بهدوء حسين كلت بحب يابة روحه وكلبة وعمرة لحسين 

يابة احبج ومااكدر على زعلج همست اني هم احبك جذب اريدك ضحكت وكتلها ملعونة ادري بيج بس حجي كالت هاا اسوي صدك ضحكت وكتلها لا 

دخيلج ضحكت وكالت شويمك صوت شارع وين انتَ كتلها طلعت اجيب صمون وريوك ودكيت عليك ضحكت وكالت خوش جيبلي وياك كيكة 

ضحكت وكتلها شني كيك ياكل كيك موتدللين بس صيري يمي كل يوم اجيبلج كيكتين مو وحدة كالت بخجل حسسيين ضحكت وكتلها روحه لحسين

 يابة روحه ,همست احبك كتلها يابة اموت عليج ونحجي شوية ودخلت للفرن كتلها دقيقة واخابرج ,جبت صمون ودخلت للاسواق اخذت كيمر 

واجبان وطلعت دكيت عليها ,واحجي وياها بين مااوصل للبيت وراضيتها يابة وين اكدر على زعلها وشوية وسدينا الخط ,وصلت للبيت  شفت سيارة

 بيت عمي غالب بالباب يعني اجو ,جاي ادخل وانفتح باب بيت امير وطلعت ست سارة ضحكت وكتلها شكو طالعة لج ارجعي لبيتج ضحكت وكالت 

صباح الخير وسديت الباب واجت يمي بساع كتلها بشقة صباح النور , شكو اجيتي موالبارحة يمنا ملينا منج كالت بضحك معليك جاية يم ابوية مو يمك 

ضحكت وبستها بخدها دخلنا للبيت ونتناكر اني وياهة وهي تعيب علي ومفتوح باب الاستقبال وبابا كاعد بالمقدمة شافنا ضحك وهز راسة هية 

        

          

                

دخلت للاستقبال واني دخلت للمطبخ خليت الصمون والاجبان على الكاونتر ودخلت سلمت وكعدت محمد ووداد هم نازلين باوع لمحمد وضحكت وهوة

 مسح كصته وضحك والله يالله هسة اني شكلت بس باوعتله هوة فهم خطا وضحك شسويلة ,شوية وكعدنا نتريك والعائلة ملتمة واشتاقيت لملوجة 

الادبسز كل يوم اشاقة وياهة لو ابجيها ونوب اسكتها ,وغلا بس اشيلها تبجي لين شابعها عض وطالب يرزل ويرجع ليورة ,كملنا ريوك وشوية وراحوا 

وكعدت يم محمد وكتلة شو وجهك منور شكو كال انجب حسين من زمان وجهي منور كتلة خوش لعد كلي السر شنو ارد اصير ابيض ضحك وكال 

املح متصيرلك جارة لك كتلة تروحلي فدوة لك ابو النسوان لاتخليني اخليها تكلب عليك من اول يوم ترا وداد صاحبتي ها لزمني من ركبتي وكال وهوة 

يضغط على اسنانه وداد شنو حبيبي ماسمعت ؟كتلة هههه وداد اختي يمعود اختي ضحك وضربني بخفة باوعت لابوي وكتلة ها طالب شنو انتَ هم 

معرس وجهك منور شكو ؟كال اهو بدينة مابية شي عوفني مالي خلكك ضحكت وكتلة خوش اليوم سماح راح اعوفك .

بعد مرور ايام

ريحانة 

واكفة اغسل بالاماعين ،وسمعت صوت ياسر يبجي صحت باااسل شبييه صاح هيج هيج مابيه شي يتعاير مثل امة هزيت راسي واستغفرت الله 

يتحارش بية كوة ,اجة للمطبخ شايل ياسر يبوس بيه وكال تحبني انتَ متحب امك مو ويضحك هزيت راسي وهمست تخبل الزلمة رفع حاجبه وضحك 

وكال شكلتي؟ضميت ضحكتي وكتلة ماكلت شي يا تقرب وياسر بيه صار مقابيلي مد راسه مل ضني حيبوسني من خدي بس ان بعض الضن اثم , 

عضني من خدي خلاني اكمز وعافني وراح كتلة ببجي بسيط باسل وهوة يضحك رجعت كملت الاماعين ورتبت المطبخ وصعدت ابدل لين ثلجت 

ملابسي تبللن لكيت باسل متمدد وياسر نايم بحضنه وملوكة يمهم ولازم ايد ياسر تلعب بيها ابتسمت على منضرهم ,طبعا عمو وعمة موهنا راحوا 

للزيارة لين بين فترة وفترة يرحون ,طلعت تراكسود شتوي يصير قديفة ولونه اسود ومروسم باندا بالنص بدلت ووكفت ضفرت شعري وداخلي تنت 

وباسل حضني من ورة ابتسمت باس خدي وهمس شدعوة هلكد حلوة شبكته وكتلة مواحلى منك عينيي ضحك ضربته بخفة على صدرة وكتلة شكو 

هستوك عضيتنيي هاا كال هيج عجبني اعضج وشبكني حيل وتمشينا للجرباية نومني يمها ويمنا ياسر وملوكة يباوعون علينا وكلش ميفهمون 

وهوة كالساع يبوس ملوكة ويكلها تروحلج فدوة امج واني اباوعلة بتك عين واكول لياسر يروحلك فدوة ابوك لحد ماتعاركنا كال بضوجة شكو تبوسينة ؟

        

          

                

وكليلة يروحلك فدوة ابوك ؟ لو من شفتيهم نسيتيني كتلة لا والله حلال عليك وحرام علية موتبوس بملوكة وتكلها تروحلج فدوة امج كال اي اني اكول انتِ 

متكولين كتلة لا والله وشبكت ياسر كال بغيرة وخري ياسر يريد ينام ضوجتي بست ياسر وكتلة واني بالكوة ضامة الضحكة شعليك ابني وابوس 

بيه وضليت ابوس بيه وهوة يريد ياخذه مني لحد ما ااخذه واني خربانة ضحك كال وهوة يحجي وية ياسر شنو عاجبك الوضع ؟هاي مالتي ديربالك 

يمة خلاني اكزكز ضحكت وحضنته وهوة يكلي وخري وخري خربنا بعد خلاه بالكاروك هوة ولموكة ورجع يمي حضني حيل وباسني بخدي بقوة 

وهمس مالتي ابتسمت وحضنته وضلينا نسولف ونضحك وكلما اضوج يعضني .

طالب 

كاعدين نتعشى وانتبهت لحسين ياكل ومبتسم سارح بغير عالم  ابتسمت وهمست بكلبي هذاك هوة الحب مبين بعيونة انتبه علية رفعت حاجبي وضحكت وهوة 

ضحك كتلة هاا كال احم بعدين ,كملنا عشة وطلعنا بالحديقة نشرب جاي اني وياه كال يابة شوكت نروح نخطب ؟صار هواي منتظر ؟كتلة شبيك مستعجل 

يولي هستونا عرسنا لاخوك كال اي غير دوري ضحكت وكتلة صبر صبر هالايام تدلل نروح نخطب ومن هاي العين قبل هاي العين ,ابتسم وكال تسلم 

حجي تسلم ضحكت وكتلة كوم ملعون ,كال يابة تدري احب نازك مثل حبك لامي ,حب نضيف وطاهر ودائما اتغاضى عن ابسط الاخطاء حتى العلاقة 

تمشي بشكل صحيح وبدون اي عوائق ,صرت اهتم لكلشي تحبه واهم شي راحة بالها والباقي كلة يهون عندي ,ابتعدت عن كلشي ممكن يعكر مزاجها

 حفضت المواعيد الي تحبها ,اهتميت لابسط التفاصيل الي تحبها وهواي ,كل هاي الصفات اكتسبتها منك ,وتعلمتها منك ومن مارستها نجحت وياي 

ابتسمت على كلامه وطبطبت على ضهره وضميته لحضني وهمست واني ابوس راسه كل يوم تكبر بعيني اكثر ....حسين ياحسين قطعة من روحي 

وكلبي وليدي الغالي ابتسمت وباس ايدي وكال طالب يا طالب روحي من الدنيا ضحكت ورجع باس ايدي وطاحت دمعته على ايدي وهمس الله 

لايحرمنا منك لادنيا ولا اخرة جنت دائما الي الاب والصديق والاحب للقلب ,اساسا كلت وراح ارجع اكول الاب هوة كلشي ومن بعده ينتهي كلشي.

بعد مرور ايام 

ريحانة 

اليوم خطوبة حسين بس صارت سكتة لين سنوية ابن عم ابوها وزحمة يسوون حفلة كبيرة احتراما للعزاء ,وعزمنا قليل وماكدرنا  نأجلها لين بعد 

يومين الخطوبة وهمة خابروا كالوا توفة فصارت نفس الموعد لين محضرة كلشي وحاجزة صالون ,لبست بشت اسود ووياه فستان بطول البشت لون 

        

          

                

ماروني ومخصر عالجسم وكملت مكياج ولفيت الشيلة وهمة يصيحون يردون يطلعون واني تاخرتتت والحمدالله الجهال بقوا يم عمتي ماجبتهم لين 

يبهذلوني نزلت بساع لكيت ماما منتظرتني طلعنا السيارات واكفة صعدنا اني وياهة وية باسل لابس قاط اسود وهستوة مزين وعطره تارس السيارة 

ردت اتغزل بيه بس استحيت من امي متتت المهم مشيت السيارات وسيارة العريس بالمقدمة وهوة حسين يسوق وبابا بالصدر والشيخ الي يعقد ومحمد 

كاعدين ورة وسارة ووداد ومريم وية احمد وصلنا لبيت نازك واستقبلونا واكفين بالباب دخلنا وماما هية وخالتي وعمتي يهلهلن ويطشن جكليت 

ابتسمت واني اشوف نازك لابسة قفطان ابيض وبيه ذهبي وشعرها اسود ومبروم ومكياج بارز شافتنا ابتسمت بخجل تقدمنا بوسناها وشغلنا اغاني 

ونصينا الصوت وركصنا شوية وهية خجلانة ماعرفتها متتت تقربت وهمست ولج من شوكت انتِ تستحين ها كالت بخجل اصبريلي ام راس 

المربع ضحكت وكتلها اي هاي نازك الي اعرفها ضحكت وكالت شبيج استحي والله ركصت بحواجبي وكتلها هسة الة اكول لحسين يبوسج كدامهم

 اخوية واعرفه يسويها يمة وجهها صار طماطة واني اضحك عليها كالت لا ريحانة لا استحي الله عليج ضحكت وكتلها اشاقة متتت وسارة واكفة تهز 

مستمرة ومريم تصور ووداد منطلقة وية سارة ,شوية وكالوا راح يعقدون الهم اخذوها يم باب الاستقبال والشيخ وحسين ورة الباب واني وامها وماما 

واكفين يمها وهية خجلانة بالكوة تحجي لحد ماعقدوا الهم وارتفعت الهلاهل ورجعت كعدت وركصنا وكومناها وياهات وهي اندمجت وتضحك يمة فدوة 

شكد طالعة حلوة وهية مدبدبة وبيضة وغمازاتها تارسات الوجه روح حسين متتت كعدت وكالوا راح يدخل حسين لبسن البنات الشالات ودخل لابس 

القاط الاسود وشعره مرفوع ولحيته محددة والابتسامة مرسومة على وجهة والارتباك والخجل مبين عليه وصل يمها باسها براسها وكعد يمة شلون لايكين .

حسين

اول مرة اكون يمها بهل قرب ,اول مرة اشوف شكلها بدون حجاب بوياي بوية تسحن الروح ,وهية رايحة منتهية من الخجل لزمت ايدها كمزت 

ضحكت وهمست اشهرينا وخزينا مااوصيج ابتسمت بخجل وكالت حسين بلعت ريكها وكتلها لاتباوعين بوجهي بعد روحي تردين يصير عندي سكر 

مزمن من الحلاة ,دارت وجها بخجل ضحكت ,كتلها شو دباوعيلي هاي الكلاوات مال خجل بعد خلي تفيدج منا وهيج بوكسيات بعد روحي ضحكت 

وضحكت على ضحكتها شهرتنا بضحكتها الفضيحة بعدين لبسنا الحلقات ولبستها الذهب ومن جاي ناكل كيكة غير توكلني كلما اريد اكل توخر 

        

          

                

الشوكة عود تشاقة همست نازك راح اخلي راسج بالكيكة وكليني وفضيني لاتخليني اعضج كدامهم وهية ضحكت ووكلتني همست شني كيك ياكل كيك

 كتلها اهلي يخافون علية لاتتغزلين بية ضحكت وشبكت ايدي بايدها وياخذون النا صور كمنا وكفنا والمصورة تاخذ وبوحدة من الصور ضميتها

 لحضني وضاعت شني بوية كيكة مومرة اني اطول منها وهية ضايعة بين ادية اخذنا هواي لقطات وبعدين اخذنا وية العائلة واخذت صورة شابك امي 

بيها كلت اغور ابوي بيها ,ومحمد السز بس يدك يريدني اطلع شني اريد ابات وين مطلعيني ,هههههه اخر شي طلعت وضربت محمد بخفة على 

ركبته وكتلة ها كلب  تريد تخبث وياي لين خبثت وياك بايام الخطوبة ضحك وكال لا وين بس غير انتَ لزكت شمالك ماشايف كتلة موعيب نتعارك كدام 

العالم  بس موصوجك صوج وداد ام راس المستطيل وطفرت من يمه وهوة يتحلف الي ضحكت وابوي صاح يلا يابة كلهم خلي يطلعون هم يالة كتلة 

صار يابة خابرت على امي وكتلها يلا اطلعوا وضمي نازك وياج جوة العباية وطلعيها ضحكت وسدت الخط والله يالله هسة اني شكلت .

طالب

كعدت ورة اني وجوري وحسين بالصدر ومحمد يسوق ومحمد شغل اغنية مال حسام الرسام  مال اعراس وهاي ,واندمج هوة وحسين همست لجوري

 ولدج مستهترين ضحكت وهسة تصفك ويهم وتهلهل وكالت ياا عوفهم متونسين وحسين دار علية وكال هز النة طالبة هز خزرته وكلت بالبيت من 

نرجع تدلل اخلي حتى الحزام يهز ضحك ودار وجهة وجوري شابكة ايدي ومندمجة وياهم ابتسمت على شكلها هية بدون مكياج تسحن الروح موبعدين

 تخلي مكياج شتطلع يايابة شوية شوية على كلبي باوعتلي ابتسمت وكالت اوي فديتني ادري طالعة حلوة ضحكت وهمست اي ملعونة هسة اني حاجي 

شي كايل كالت نضراتك تحجي حبيبي نضراتك ضحكت وكتلها وين غلا كالت ضلت تبجي على سارة واخذتها وياي كتلها زين وكلت باستغراب 

حسين الشيخ ويامن راح ؟طفة الاغنية وكال شافلة وحدة حلوة وراح يعقد عليها كتلة حسيين كال راح وية عمي غالب وجبت امي ويانا خاف مشتاقلها

 شوف لو مواني هسة امي ماكاعد بصفك ولازمة ايدك وتتغزل بيك كول حسين مابيه خير كول ضحكت وكلت عمي كل الخير بس كفينا شرك ضحك 

ورجع شغل الاغنية ومحمد الفرحة بعيونة وكالساع يكله مقهور على البنية شورطها وياك هذا حضها الاسود كله حسين اي اسود حضها بلون وجهك 

يايابة فحطني من الضحك طركاعة هالولد طركاعة ,وصلنا للبيت وراحوا المعازيم دخلت كعدت بالاستقبال والعائلة مجتمعة وريحانة تريد تبجي 

        

          

                

اشتاقت لملوكة وياسر وحسين مكابلها ويكول ملوجة جانت خوش بنية شلون انطاج كلبج واجيتي الصبح واجبتيها ام جيس حب انتِ وخلاها تبجي 

واشتغلت الرزايل وشبكها ويضحك ويسكت بيها وكلها طبعا انتِ جذابة ماتبجين على الجهال تبجين على باسل لين راح للبيت وعافج شمالج شو 

صايرة ماتستحين صاحت وهية تضحك بابا صييح عليه شوف شلون يحجي ضحكت وكتلة حسين وخر من عدها بعدين اني من خطبت الك عبالي تعقل 

شو تخبلت علينا باوع علي وكال وهوة يهز راسه بأسئ حبك خبلني طالب حبك ضحكت وهزيت راسي وكلت متصيرلك جارة متصير ومحمد كاعد

 وسمه ووداد وبحضنه غلا ويلاعبون بيها ويضحكون ابتسمت على منضرهم وجوري صافنة عليهم وايدها على خدها راح تموتني بهاي 

حركاتها العادية التشعل كلبي شعل بيهم همست ها جوريتي وين بالج صحت من صفنتها وابتسمت وهمست شوفهم شلون حلوين يوم يصير عدهم طفل 

ويملي حضنهم ان شاء الله ابتسمت وكلت ان شاء الله باوعتلي وكالت تدري نعست كلش وتعبت ممكن انام على ايدك تنهدت وهمست يايابة راح تموتني 

هالمرة ابتسمت وكتلها دروحي وهسة شوية واجي ابتسمت وكالت تمام راحت واني شوية وكمت رحت للغرفة شفتها متمددة على الجرابية تقربت 

تمددت وضميتها لحضني ونامت على ايدي وضليت امسد على شعرها وكل شوية ابوسها لحد مانامت وهية حاضنتني .

محمد 

كاعد بالاستقبال ويمي وداد وسارة اخذت غلا تنومها ووداد حاضنة ايدي وتسولف وياي واني صافن على ملامحها ,حرفيا من دخلت بحياتي حلتها 

بالزايد ,اجي من الدوام تتلكاني بابتسامة ومحضرة كلشي ,تعاملها اسلوبها حنيتها كلشي بيها حلو ,تعلقها بامي واحترامها الها اكثر شي احبه بيها 

ومتعايشة ويانا لين كلش قريبة على العائلة والمحبوبة والمتربعة بالكلب هية ,خلت راسها على كتفي وكالت جوعانة بست ايدها وكلت شنو تردين 

اجيبلج ؟همست اممم جيبلي معكرونة اسويها لين خلصت كتلها تمام ,كمت رحت للمحل وهية تنتضرني بالمطبخ جبت الها مكعرونة وحلويات تاكلهم 

هية والبنات ,دخلت تلكتني شبكتني ودخلنا واني حاضنها وصار بوجهنا 

حسن ابتسم وغمزلي وهية وخرت بخجل واخذت العلاليك وراحت ضحكت 

وكتلة شبيك يمعود خطبت وماخلصنا منك ضحك وكال والله يالله هسة اني شمسوي بس غمزتلك ليش بالك يروح بعيد ضحكت وكتلة دوخر طفرت 

البنية وخر كال دروح جيبلي شي من الحلويات لا ادجك واخلي وداد تبجي عليك طلعت باكيت جكاير من جيبي وكتلة تدخن ؟ابوي نساه بالسيارة تعال 

نكعد بالحديقة ونشرب كم وحدة مادامه نام ضحك وكال اويلي يابة معدل محمد وعلي طلعنا كعدنا بالحديقة وندخن ولمحت ابوي جاي يشرب مي 

        

          

                

بالمطبخ غصيت بالجكارة وكتله ضمها حسين ضمها كعد ابوي كبل طفاها وضمها والريحة الجكاير تارسة الحديقة طلع ابوي لمحنا من بعيد وكال 

شتسوون كلة حسين الاثول ماجاي ندخن بوية ضحكت ضحكة وابوي تقرب وهوة ضام ضحكته وحسين الاثول حس على نفسه شنو حجة كال ابوي 

وهوة رافع حاجبة شجاي تسوون ؟حسين كله جاي نتدفى كله هاا وتدفون بالحديقة جيب باكيت الجكاير جيب لا احمسك بالصوندة ملعون ,كال وعلي

 

اني فقير هذا محمد طلع عيني وجاب الجكاير من السيارة طلعت باكيت الجكاير انطيته لابوي وكلت لحسين شبساع بعتني امداك وامدة خوتك ضحك

 وكال تاج راسي محمد كال ابوي وهوة يحذرنا اخر واول مرة اشوفكم تدخنون المرة الجاية اشوي بصل على ضهركم ,حسين كله تدلل حجي روح 

نام روح خزره ابوي ودخل وبنص الحديقة طكها بضحكة وضحكنا وياه ,وحسين كام وكال اعذرني خوية اني انسان خاطب واشر على حلقته 

موزين علية البرد اروح اتدفى ضحكت وكتلة اهوو بدت هاي سوالفك روح روح  ضحك ودخل جوة وطلعت وداد بيدها ماعون معكرونة تاكل بيه 

كعدت يمي حاوطتها بايدي وهية تاكل وتوكلني وياها ونسولف ونضحك وكالساع ابوسها بخدها وهية تدحس روحها بحضني لحد مابرد الجو كلش 

دخلنا وصعدنا فوك ,تمددت على الجرباية وسحبتها لحضني ومتغطين بالبطانية وضلينا نسولف لحد ماغفينا واحنا واحد حاضن الثاني .

مريم 

رجعنا اني واحمد للبيت وميتة تعب ومنا الحمل مسحونة روحي ,بدلت وتمددت على الجرباية وهوة متمدد ويكلب بالمبايل شوفني ملابس اطفال 

وكال وهوة مبتسم شوفي شكد حلوات من يتحدد جنس الجنين نوصي منهم ابتسمت وكتلة الله كلش حلوات ايييي نوصي وضلينا نكلب ونختار وهوة 

طاير بية وبطني كالساع يتلمسها موبرزت شوية وكالساع كايل لايكلج الحمل محليج واني اضحك شبكني حيل وكال خرب يومج شكد احبج وضل يدغدغ

 بيه بلحيته واني خربانة ضحك تلمست لحيته بهدوء وكلت احمد اني كلش كلش احبك تحبني مو همس حيييل احبج حيييل وباس ايدي وكال هوة اصلا

 منو مايحب مريم ماتكليلي ابتسمت وكتلة كلها تحبني حتى الي وياي بالجامعة كال بغيرة ماترتاحين الة تجفصين ببطني وتخربين ام اللحظة واني 

خربت من الضحك على شكله وهوة ضحك على ضحكتي كتلة يالله شكد تغار كال خليني ساكت هاي منو تحجي بالغيرة هاا احجي كتلة بضحك لا لا 

هاي هية اسحب كلامي وضلينا نضحك ونشاقة لحد ماغفيت .

حسين 

متمدد على الجرباية ونحجي اني ونازك اتصال وكالت حسين اليوم كلش تونست وفرحت ابتسمت وكتلها يابة عساها دوم كالت عمريي انتَ كتلها بس 

        

          

                

خجلانة ماعرفتج وين راح جبار الي بداخلج ضحكت وكالت حسييين كتلها بضحك اشاقة عطست وكالت خ خ خ ختيبي بوية فحطتنييي كتلها شنهاي 

بعدنا بالبداية وهية ماتحجي انسحنت روحها من الضحك ,كالت يمة متتت داقلد البنات المختوبات اكلك فرشت افراش يمي للحلقة كتلها اي وغطيها 

موتنسين ضحكت وكالت اي الجو بارد كتلها وحضنيها تريد حنان ضحكت وكالت حسيين همست يابة روحه لحسين وعلي روحه اي حضري نفسج 

باجر معزومة يمنا حاجيت ابوج علمود اجي اخذج وقبل كالت عزا باجر همزين كتلب حتى احضر روحي وهم اتونس وية البنات كتلها هههههه 

كصي ايدي اذا خليتج تشوفين البنات شني غير تبقين يمي كالت بخجل شسوي ابقة يمك والله يالله ولا اكلك بطلت مااجي ضحكت وكتلها موهوة 

بكيفج بعد روحي باجر ب1 الضهر اجيج تحضري واذا تاخرتي ماعندي مانع اجيبج بملابس البيت ضحكت وكالت ولايهمك اكعد ابدل من الخمسة 

وضلينا نسولف ونضحك وهية غفت والخط مفتوح وضليت احجي ببحدي لحد ماغفيت .

في اليوم التالي 

حسين 

صارت الساعة ب12 ونص كلت لامي رايح اجيب نازك وهية واكفة تحضر بالغدة ,ركبت بالسيارة وبديت اسوق لحد ماوصلت الهم وطلع يوسف اخوها 

استقبلني ودخلني بالاستقبال سلمت على ابوها وكعدت ونسولف ومندمجين وهية دخلت سلمت علي وقدمت مي وطلعت وشوية وكمنا طلعنا وهية طلعت 

لابسة بنطرون اسود وقميص ماروني  والمكياج هلا هلا بسيطة بعد روحي صعدنا بالسيارة وبديت اسوق طلعت كلنكس وكتلها خففي من المكياج 

باوعتلي وكالت بعدنا بالبداية حسيين همست بحب ياعيني هوة انتِ حلوة بيه وبدونه بس اني احبج على طبيعتج كالت بخجل يمة يمة باع لسان هالولد 

بساع يكلب ويقشمرني ضحكت وخففت من الحمرة وكالت ها تمام كلت بابتسامة تمام التمام وحضنت ايدها وبستها وهية خجلانة اول مرة تطلع 

وياي وهلكد قريبة مني طلعت مبايلها وضلت تصور بادينا واندمجت اسولف وياها واضحك وهية تعايشت وية الوضع وصلنا للبيت دخلت السيارة 

بالكراج ونزلنا ودخلت وهية تمشي وياي استقبلتنا امي وسارة  ووداد,ريحانة راحت البارحة بليل ,دخلنا وابوي بالاستقبال سلم عليها ورحب بيها كعدت 

وهية يمي وتسولف وية امي بهدوء والخجل والارتباك واضح عليها واني الابتسامة شاكة حلكي ماشاء الله علي شوية وكمت صعدت بالغرفة نزعت 

القميص والبنطرون ولبست التراكسود وواكف اعدل بشعري وانفتح الباب سارة دخلت نازك وسدت الباب وكالت تدلل حسين ضحكت بصوت عالي 

وكتلها تاج وباج سريوة واباوع نازك تريد تبجي من الخجل ضحكت وتقربت وهية ترجع ليورة كتلها بضحك هووو راح اكلج وهية طكتها ببجية 

صدمتن بوية غير خربت من الضحك شبكتها وكلت هوب هوب شبيج كالت ببجي حسين وخر والله استحي وهاي سارة اني الها ويلا وديني لاهلي اريد 

ابوي ضحكت وكلت واني اباوع بوجها طلعتي خوافة بس بالمحادثة شرسة يولي بالواقع ترجفين ضحكت ودارت وجها همست بحب شو باوعيلي 

ماقبلت همست نازك دارت وجها بساع وباوعتلي لا اراديا مباشرتا بستها ... 

شوية ووخرت وهية سنحت بحضني ابتسمت بهدوء ومسدت على خدها وهمست احبج ضمت راسها بصدري بخجل حضنتها وهمست اني هم احبك 

ابتسمت وبستها براسها وكعدت عالقنفة وكعدتها بحضني وضليت اسولف وياهة واسحب منها الكلمة بالكوة ,لحد مانزلنا نت غدة وهية كاعدة يمي كملنا

 وشربنا جاي واندمجنا نسولف وكلها طلعت من الاستقبال ومادري شكلت وعاندتني خليت وعضيتها من خدها وهية كمزت وعيونها انترست دموع 

ودخل ابوي للاستقبال خرب حضي مايدري بس احنا باوعلها باستغراب وكال ها بابا شبيج ؟باوعت لنازك اريدها تباوعلي وجفصت بالوضع وكالت 

وتريد تبجي عمو هذا حسين عضني ,هية كالت هيج واني فد استحيت وفشلت من ابوية يانازك ام دميعة اني الج ابوي ضم ضحكته وخزرني وكال

 ههههه شبيك بابا واشرلي بمعنى بسيطة وكال لنازك ههههه يابة امشي كعدي يم البنات يولي حسين وطلع من الاستقبال سحبتها من ايدها وكلت 

صدك جذب ام دميعة شهرتيني يم ابوي شكول عليج نازك كالت شكو تعضني ضحكت وكتلها اسكتي يابة اسكتي دومج فاضحتني وضلينا نسولف

 ونضحك وكلما تعاند توخر من يمي تخاف اعضها واني خربان ضحك .

يتبع ....