رواية يأس القلوب (2) الفصل الاول 1 - بقلم رودي

part 40

                                        

                                              

ويجيني اليل ابقه اتعذر من النوم 

جاشنهي السهر لو مايجي ابوكته ؟

                              

ريحـانة

سديت الخط بوجه سارة الادبسز شلون خوفتني وهبطتني كمت غسـلت وجهـي ونزلت داشوف باسل

                              

وين مالكيته طلعت بالحديقة شفت عمة تسكي بالزرع صحت عمة وين باسل؟ كالت بابتسامة طلع حبيبتي

                              

استغربت هستوة جان هنا شعنده طلع رحت وكفت يمها وكلت الها واني اهفي عزا حارة تكتل نوب الكهرباء

                              

طفت ،كالت تعالي حبيبتي غسلي وجهج بهذا المي بارد خلي ترد روحج دنكت وخليها تذب علئ راسي مي

                              

يموييي ردت روحي كعدت بالكاع وكتلها رشي عمة علية رشي ضحكت وكالت يا لا تتمرضين كومي بدلي

                              

كومي كتلها لا عمة الله عليج رشي ضلت ترش علية واني كاعدة بالكاع وتنكعت تنكع ودشداشتي تنكعت

                              

وبطني برزت لين لزكت عليها الدشداشة ضحكت وكلت لعمة الله شوفي بطني شلون كبرانة ضحكت

                              

وكالت صلاوات امي صلاوات بعد وبعد تكبر وتشبعين منها ابتسمت وضليت امسد علئ بطني وهية ترش

                              

علية مااحس الة انفتح باب الكراج ودخل باسل سده واجت عينة علينة وفتح عيونة وصاح

                              

شسسسوووييين هنااا والكراج مكشووووف ! يمة كبل كمزت وعمتي كالت شبيك ياامي هوة منو يطلع بعز

                              

الحر ويباوع وبعدين البنية حامل ومسحونة روحها تقرب  وكال وهوة يكومني شو كومي كومي يا هذا

                              

شماله كالت عمتي وهية تسد بالمي شلون احنة بابو الغيرة شلون ضحكت وهوة خزرني امشي ادخلي جوة

                              

امشي دخلت امشي كدامه وهوة وراي يدردم واني متونسة ولا عبالك ترزلت والله يالله غير دنيا حارة

                              

يعني شسوي صعدت فوك وهوة وراي صعد ويكول الله الله ديربالج لا تزحلكين دخلت للغرفة فتحت

                              

الكنتورة طلعت دشداشة حرير يصير قماشها بارد حييل واخذت الملابس ودخلت للحمام بدلت وطلعت

                              

انشف بشعري فتحته سويته ضفيرة وهوة كاعد علئ القنفة يدخن ويكلب بالمبايل كتلة بضوجة هية شنية

                              

باسل هم الدنيا حارة ومسحونة روحي وهم انتَ منا تدخن باوعلي بتك وكال انتِ من نكعتي روحج تنكع

                              

بالكراج ماكلتي خاف احد يشوفني ؟استغفرت الله وكتلة ماتنلام عمة من تصيحلك ابو الغيرة ،يعني منو

                              

يشوفني مثلا اجة يحجي وسكت تقدمت كعدت يمه وخليت راسي علئ صدرة كبل حاوطني وباسني

                              

براسي واني العب بدكم قميصة كتلة وين رحت هستوك كال وديت السيارة فولتها بانزين واجيت

                              

مابيها ،هزيت راسي شو هذا كبل دفعني وكال وخـري مـن يمـي مااريدج ،باوعتلة بعدم فهم وكتلة شنو

     

                

ماترديني ؟كال وهوة ينزع القميص شو صاير مااحبج مدري انتِ صايرة مكروهة كبل عيوني غوركت كتلة

صدك تحجي باسل هز راسة وكال شوكت مجذب عليج اني هزيت راسي وكتلة واني اضم دموعي تمام

واساسا اني هم صايرة مااحبك ولا اريدك الحمدالله شعور متبادل خزرني وكال شنو؟ كتلة شكو موانتَ

متحبني ومتريدني اني هم لا احبك ولااريدك وفجاة اشتغلت الوطنية واشتغل السبلت كمزت ورحت يم

السبلت حضنت السبلت وكلت اني احب السبلت وباوعت عليه شو هذا فتح عيونة واجة بساع يسحب

بية ويكول وخري منه شكو حاضنته كتلة واني احضن السبلت حيل شعليك انتَ دوخر موكتلك احب السبلت

شو هذا يجر بية ويحظني ويكول وخري من يمه لا تحضنيه بالكوة ضميت ضحكتي وكتلة واني ادفع بيه

دوخر شعليك بية مو متحبني ولا تريدني سحبني بسرعة وضمني لحضنه حيل وهمس لا احبج واريدج

خيولي السبلت مايفيدج ضحكت وكتلة صدك يلوكلك باسل ابو الغيرة ضربني علئ راسي بخفة وكال وهوة

يمسد علئ شعري عود ردت احرك دمج شوية تالي انتِ حركتيني حرك ضحكت وكتلة واني ابوس خده شعبالك

لعد قابل اسكت الك؟ سحبني كعد علئ الجرباية ونومني علئ ايده وكال تحبين منو؟ كتلة واني امسد

علئ لحيته احب باسل ابتسم وباسني كتلة عود صدك تغار؟ مارد علية دار وجهة وسوة روحة جاي ينام

ابتسمت علئ سوالفه شبكته وهوة سحب ايدي باسها وغفينا واحنا علئ هذا الحال مااعرف ورة شكد فزيت

بس وقت مغرب الكهرباء طافية والغرفة جمر جمر والبك يكرص كمت واني بالكوة مفتحة عيوني شغلت

الضوة الي علئ الشحن ودخلت للحمام فتحت الدوش وكعدت جواه  وانتجيت علئ السيراميك والمي ينزل

علية يموي انسحنت روحي من نزل المي البارد عليه وغمضت عيونة اجيت اغفة فتحت عيوني وكمزت

كمزة من شفت باسل كاعد كدامي والمي ينزل عليه كتلة بخوف صدك تحجي كمزتني كال بنعاس اسكتي

بوية روحي راحت من الحر ضحكت علئ اشكالنا وكمت سحبت الخاولي نشفت روحي وطلعت بدلت

وهوة طلع وراي ولبس شورت وكيمونة وراح توضئ وكعد يصلي واني هم بدلت وهاي عاشر مرة ابدل اليوم

وهم توضيت وكعدت اصلي نزلنا نضوي بالمبايل كهرباء ماكو استغربت كتلة وين عمو وعمة كال قبل

ساعة راحوا للامام الكاظم بس جنتي نايمة متدرين هزيت راسي وهوة فتح باب المطبخ وطلعنا بالحديقة

ضلمة والجو حار مسح كصته وكال ابد مو وكتها يصير عطل بدائرة الكهرباء نوب درجة الحرارة 47 الحمدالله

        

          

                

يالله الحمدالله واني منتجية علئ صدرة وروحي مسحونة ومنا تقلصات الحمل مسد علئ راسي وكال ها

بوية شصار بيج لعد من تصعد درجة الحرارة للـ 50 شيصير بيج؟ كتلة بتعب مادري بس محترة كلش

وبطني تاذيني وجوعانة مماكلة شي باوعلي وباسني براسي وكال تعالي بنيتي تعالي دخلني كعدني بالمطبخ

وكال دقيقة واجيج كتلة وين رايح اخاف كال دصبري صعد فوك ونزل لابس تراكسود وبيده عبايتي والشال

والسويج استغربت  كال تعالي كومني لبسني العباية ولبست الشال  وطلعنا بالكراج فتح سيارته صعدني

بالصدر  وسد الباب وصعد كدام شغل السيارة وشوية شغل المكيف والبرودة كلها اجت بوجهي ابتسمت بتعب

وهمست الله باوعلي ابتسم وشغل السيارة وطلع كتلة وين رايحين كال هسة نوصل وتعرفين هوة يسوق

واني مسنحة علئ التبريد ومغمضة عيوني شوية ووكفت السيارة فتحت عيوني شفته موكف كدام

مطعم كال وهوة يقفل السيارة دقايق واجيج مااطول حبيبي هزيت راسي وهوة نزل اباوع عليه شلون يمشي

ابتسمت فدوة لهل طول شوية واجة بيده علاليك صعد وسد الباب خلة العلاكة علئ الجكمجة وفتحها

طلع 3 صـاجيات وببسي اثنين ومقبلات لا ارادياً عضيت شفتي وكلت اللههه شكد جوعانة ضحك علئ

حركتي وطلع الي الصاجية وخلاها بايدي وكال اكلي حبيبي ابتسمت وبديت اكل واشرب ببسي وهوة هم

ياكل بعدين من كملت هم انطاني بعد وحدة ورزلني هم لين  مماكلة شي من الصبح وهم اكلتها لين صدك

جوعانة كملت وهوة لم الاكل خلاه بالعلاكة ونزل ذبـه واجة وجايبلي مي وياه فتحه الي وطلع كبسول من

جيبه وطلع كبسولة وكال اشربي بنيتي ابتسمت وكتلة جايب دواية؟ هز راسة وكال قابل انساه؟ من صعدت

جبت السويج جبته من الميز لين ميصير لازم تشربيه ورة الاكل كتلة واني اباوع علئ الجامات محد يشوفنا

مو؟ كال باستغراب اي مضللة محد يشوف بس ليش؟ بدون تفاهم تقربت وبسته بخده حييل وكلت احبك

اني احبك واحب اهتمامك ضحك وسحبني باسني وكال اموت عليج رويحتي ابتسمت ورجعت لمكاني

وانتجيت وهوة يسوق ويباوع علية كالساع واني لازمة ايدة كال وهوة يبوس ايدي بعد شنو تردين شنو

مشتهية وتتنسين عليه كليلي علمود اجيبلج ياه مااخلي شي بنفسج شبكت ايدة وكلت الله لايحرمني

منك يروحي كلشي ممشتهية، همس بحب ولامنج ،شوية ووصلنا للبيت ولكينا عمة وعمو جايين والكهرباء مشتغلة جاية

        

          

                

الوطنية ونوب فد فرحت لكيت عمة جايبتلي شامية وحلويات هههههه كلها تعرفني احبهم وهم كعدت علئ

الجرباية وبسطت وكعدت اكل وباسل كاعد علئ القنفة يشتغل بالابتوب واني اكل وهوة كالساع رافع راسة

يباوع علية يبتسم ويرجع يشتغل لحد ما غفيت علئ الجرباية واني ماخذة وضعية الجنين فتحت عيوني

علئ كيف واني اشوف باسل يعدل بنومتي نام وخليت راسي علئ صدرة وغفيت وهوة يمسد علئ شعري .

باسل

طفيت الابتوب ورفعت راسي شفتها غفت وهية شابكة نفسها وماخذة وضعية الجنين ابتسمت علئ منضرها

تقدمت علئ كيف وخرت الحلويات خليتهم علئ الميز ورجعت شلتها اريد اعدل نومتها تمددت وهية فزت

نومتها علئ ايدي وخلت راسها علية وضليت امسد علئ شعرها لحد ماغفت واني نفس كل يوم قبل لاانام

اصفن بوجها واتمعن بهدوء تفاصيلها ساحنة روحي سحن سحبت ايدها علئ كيف وبستها مشيت ايدي

علئ وجها تلمست رموشها بكل حنية خدودها حواجبها ابتسمت واني اشوفها تتحرك بانزعاج بستها

براسها وضميتها لحضني شكد احبها ؟ كل يوم حبي يزيد ومايقل كل شي بيها احبة، صرت اغار عليها من

كلشي، ومااتحمل ابتعد عليها بحيث من اجي من الدوام اجي متلهف عليها، تلمست بطنها بهدوء ابتسمت

وراح يصير عندي طفل منها جا بعد بوية شريد؟ موشرط الرزق فلوس ،مرات الرزق يكون علئ هيئة

انسان، وهذا اجمل رزق وهي رزقي ...

طالب

فزيت الساعة بالخمسة الفجر علمود اروح للدوام ،غسلت وطلعت انشف وشفت جوري كاعدة

وكايمة  كالت بابتسامة صباح الخير حبيبي تقدمت بوستها براسها وكلت بحب صباح النور يانور عيوني

شعندج كاعدة ارجعي نامي كالت وهية تلم بشعرها لا داسويلك ريوك شلون تطلع بدون ريوك ولاتكلي

مااتريك ولاهاي وسحبتني من الكيمونة وهمست غصباً ماعليك تتريك ترا اموتك ها ضحكت وكتلها هاهية

بوية باستني بخدي وراحت للحمام طلعت البدلة العسكرية لبستها وعدلت شعري رشيت العطر وكعدت

البس بالبسطال اكرمكم الله كملت كمت وهية راحت تحضر بالريوك اخذت المحفظة والمبايل والسويج

وطلعت لكيتها بالمطبخ كعدت علئ الكرسي وسحبت جكارة وادخن و اباوع عليها اريد اترس عيوني بشوفتها، دارتلي ابتسمت وكالت وهية تصب

جاي ، خربطت احوالي كافي تباوعلي ضحكت كعدت اتريك وكعدتها وياي مااعرف اكل ببحـدي كملت ريوك

كمت غسلت وطلعت وقبل لا اطلع بستها براسها ووصيتها تعتني بروحها وصلت لباب الكراج وسمعتها

        

          

                

تصيحلي درت مستغرب شبيها اجتني تتمشئ شبكتني وضلت ساكتة همست شبيج بوية؟ كالت وهية تعدل

بالياخة مادري بس ديربالك علئ روحك وانتبه هزيت راسي بابتسامة وكلت لا تخافين ماكو شي هزت راسها 

بقلق بستها براسها وكلت يلا ادخلي بوية ارجعي نامي ارتاحي هزت راسها وراحت تتمشئ وكالساع تدور

تبتسم الي وعيونها مغوركة وتروح اخرشي وصلت ودارت صاحت طالب كلت بابتسامة روحة؟ كالت ابقئ

بالبيت لا تداوم اليوم كتلها واني اباوع للساعة تاخرت ياروح طالب لاتخافين ماكو شي هزت راسها ودخلت

ووكفت تباوعلي من الشباك تباوعلي وتبتسم وعيونها مغوركة بوية سحنت روحي هزيتلها راسي باطمئنان

فتحت باب الكراج ورحت شغلت السيارة وطلعت وبعدين سديت باب الكراج وجاي اصعد بالسيـارة

وانفتح باب بيت ابو امير طلع امير شافني ابتسم صاح صباح الخير عمي جاي ارد عليه وفجاة فاتت

سيارة سودة خطف وصاح امير عمييي دنك بلمح البصر صرت وره السيارة ودنكت وصار رميي قوي

سحبت سلاحيي ورمييت مشت السيارة كمت بساع وراها لمحت الرقم صحت بعصبيية سجلل يمك

8829*  سجله بساع صعدت بالسيارة واشرتله بمعني الحكني اسوق واحس كلبي راح يوكف يابوية منو

يتجرأ هيج يسوي وياي ؟ منو يتجرأ يعترض الي؟ خابرت علئ عزيز كتله تعرضوا الي باطلاق ناري ورقم

السيارة هلكد انطييه للجماعة خليي يطلعون الي العنوان اليوم انعل والديهم كال بساع خوما بيك شي

طمنئي انتَ وين  بساع كلي راح ادزلك حماية كتلة بعصبية مايحتاج تدزلي ، مابية شي اطمئن يابة جاي للمركر اني .

سارة

فزيت علئ صوت صريخ كمت مفزوعة من مكاني وانطكيت بايدي بتاج الجرباية شاغت روحي بس

مااهتميت كمت ركض طلعت من الغرفة شفت حسين نزل يركض ويلبس بالفانيلة صحت شكو ماجاوبني

نزلت وراه اركض طلعت بالكراج شفت عمة ام امير عدنا وتسحب بامي تريد تدخلها وامي مسحونة

روحها وثوبها مشكوك رجفت ومشيت علئ كيفي شفت حسين يسحب بعلاوي يدخل بيه وعلاوي يبجي

ومايقبل صحت بخوف شكو حسين خزرني وصاح ادخللييي جوة لحدد يطلع دخلت بساع وامي كعدتها ام

امير وتشرب بيها مي كتلها بخوف خالة فهميني شكو كالت تعرضوا لابوج بطلاق ناري بس الله ستر

وماتصوب والحمدالله بخير بس امج شيقنعها يمة هية كالت هيج واني ضربت علئ خدي عزا العزاني بجيت

وركضت طلعت لحسين لكيته شايل علاوي ويسكت بيه لزمني وكال اوكفيي وين كتلة ببجي الله عليك بابا

        

          

                

بيه شي طمني ضمني لحضنة واني فرفحت من البجي كال بحنية ياروح اخوج كافي والله مابي شي

الحمدالله  ومحمد راح اله هسة للمركز واني مااكدر اروح لين محد يبقئ بالبيت  كالة علاوي ببجي اروح

وياك اريد بابا اروح وياك كالة حسين اني اخذك فدشوية موهسة خلي يهدا الوضع واخذك هز راسة

وسكت وحسين نزله بالكاع وباسني براسي وكال بعد اخوج لا تبجين ولا هاي روحي يم امي وطمنيها وهسة

يجن ريحانة ومريم وهم حذرتهم لحد يفاول ماكو شي وماتصوب الحمدالله وترا عصبي نار بس يسمع وحدة

تبجي لو هاي الدنيا يكلبها ومحمد ادخلي هسة اهدأي  امي وبابا ان شاءالله ميطول يرجع للبيت بس خلي

شوية يهدا الوضع هزيت راسي ومسحت دموعي وكتلة تمام وكلت بداخلي صحيح لازم منفاول لا تصير

عرضة وهالسوالف خلي اسكت احسلي علاوي بقئ بالحديقة بالمرجوحة واني وحسين دخلنا يم ماما نهدأ

بيها وشوية هدات بس عزا لو يشوفها بابا وجها مزلغ وشوية دم وبس تردد كتلة لايروح لا يصير بيك شي

كلبي كلب الوالدة عليه حسيت راح يصير شي بس ماسمعني وتبجي ونسكت بيه وبالكوة هدات بس

شصار بيها سودة علية وشوية ودخلن مريم وريحانة والوجه حمر دم خوب ريحانة مبين مكطعة روحها بس

مقاومة وهم كعدن يهدأن بماما وشوية وراحت ام امير ووصتنا وكالت ديرن بالجن عليها لاتخلنها تبجي وتتعب

روحها ترا حامل موزين عليها هزت راسي وهية باستني براسي وطلعت طبعا هية اجت ورة مرايح بابا

سامعة الطلق وخطية لابسة عبايتها واجت ركض، دخلت شفت ماما متمددة وريحانة تمدد علئ شعرها

وحسب معرفت من ريحانة باسل هم موصلها ورايح للمركز كبل واحمد متلاكي وياه وهم رايح كعدت اباوع

للساع بـالسبعة الصبح غمضت عيوني يحركني من البجي ومريم كعدت يمي وضمتني لحضنها وتمسد علئ

شعري ونزلت دموعي لا اراديا كلش خايفة علئ بابا ماعندي غيره الله يحفظه ويبعد عنه كل مكروه يارب،

شوية واجة حسين انطة المبايل لماما كلها هاج احجي هذا ابوي بساع خذته وحجت وياه بجت وكال موكتلك

لا تروح وهم ضلت تبجي وكبل انطت المبايل لحسين فتح سبيكر حسن وكال يابة ماتكل لبناتك يسكتن

طمنهم كح بابا وكال يابة شبيكم صدك جذب مابية شي وداعتكم هاي حي ارزق والله ستر وماصار شي

بعد عليمن وكم ساعة وارجع للبيت واشوفكم ونكعد سوية هوة يحجي وردت العافية الية بس سمعت صوته

        

          

                

صرت زينة من غلق الخط كال ها هسة ارتاحيتن يلا كافي وكومن سون ريوك راح اطيح من طولي ماماكل

شي كامت مريم تسوي هية وريحانة واني بقيت كاعدة مااكدر اتحرك مابية حيل وحسين كعد يمي

وخلة راسي بحضنة وتمددت وهوة يمسد علئ شعري ويحجي وية علاوي شوية وغفيت وبعد ماحسيت بشي .

ريحانة

صافنة علئ سارة شلون نامت وحسين غفئ وياهة علئ الواهز ياعمري سودة علية تنهدت واني اباوع لماما

ومتمددة واديها علئ عيونها ،هفف الحمدالله بابا مابي شي وعدت علئ خير وان شاء الله اخر واول مرة يصير

هيج ،نوب روحي فرفحت علئ بابا اريد بس اشوفه علمود اشبكه مشتاقتله حييل، تريكوا وشلت الصينية

سارة سودة عليها ايدها متكدر وهم ماللها خلك واني الحمدالله بطلت انهار علئ ادنئ شي لين عرفت انو

الانهيار مامنه فايدة وبس يأذيني ،دك عليه باسل هم اطمئن علية وهداني وكال لاتخافين مابيه شي وشوية

وغلقت الخط صارت السـاعة بـ12 واذن وكمنا صلينا وكملنا وماما حبيبتي كامت تطبخ بالغدا تكول سودة

علية يجي جوعان شنو ياكل ومنا هوة تعبان، واحنا وياهة نساعدها لحد ماكملنا انفتح باب الكراج ودخل

بابا واحنا ثلاثتنة  اني ومريم وسارة وماما جانت تصلي متدري ركضنا ثلاثتنة وحدة تريد تسبق الثاني

واني وبطني وشبكناه سوية وهوة سودة علية يضحك ويبوس بينا وبجينا وهوة كال يايابة هم بجن ضحكت

وهوة كال رجعنا لضحكتج الفضيحة يعني؟ وضحكنا كلنا دخلنا للاستقبال وماما جانت كاعدة تسبح مكملة

صلاة حسين صاح علئ كيفج يمة اهم شي صلاتج ابوي مو مهم صدكي مايدخلج للجنة ضحك بابا وضربه

وهية مبتسمة بقهر وعيونها مدمعة تقرب بابا باسها براسها وهية كاعدة وكال هاي شوفي مابية شي

وشوفي جاي تضحك عليش هالبجي بوية؟ وهية بجت وبابا كبل حضنها وحسين صوفر ومحمد يصيح

هاهاها باسها بابا براسها وهداها ويحجي وياها وهية تهز براسها كعدها علئ القنفة وكعد يمها محاوطها بايدة

وعلاوي  كاعد علئ رجله ويبوس بيه وبابا ضامه لحضنه حمدت الله وشكرته الف مرة لين شفت الوجوه

ضحكت وكلها فرحت وبابا كام سبح وبدل واجة كعد يمنا بالاستقبال ضمني لحضنه وكال شلونها بنتي والي

ببطنها كتلة بابتسامة الحمدالله زينين نسأل عليك ضحك وباسني براسي ومريم كاعدة من الجهة الثاني

وشابكته وساكتة وهوة كال لو ادري هيج كلكم تجون جان كاليومية اخليهم يتعرضولي امي من يمها

        

          

                

وصاحت يا باع شلون يحجي وتعاركت هية وياه واحنا نضحك عليهم شلون يتناكرون كمت للمطبخ

فتحت الثلاجة كلعت تفاحة ودخلت للاستقبال اكل بيها كال حسين صايرة سمينة اختي باع كرشج كتلة

بقهر واني اعض التفاحة لا موسمينة غير حامل وبطني هيج شبكني وكال اويلي يابة راح اصير خال العب

سارة كلتلة خال جيس حب محد معترف بيك كلها اكول مكسرة وخطية مااحاجيج بس والله ماتستاهلين

ودفرها ويبو وتعاركوا وبابا يصيح بهذا ويصيح بهذا لحد ماصاح علاوييي جيبلي عكال جدك كلها صارت

طشار متتتت حسين طلع يسكي بالاشجار لين جو حار ويذبلن وسارة صعدت فوك ترتاح ومريم كاعدة تسولف

وية ماما بالاستقبال وبابا كاعد يحجي وية عمو عزيز وعلاوي نايم كمت كعدت يم بابا ومبايلي بيدي دك

باسل فتحت خط جاوبني هلا حبيبي كتلة بخجل لين كاعدة يم بابا هلا باسل كال ها شنو صرنا باسل وين

حبيبي وين عمري وين كلبي عضيت شفتي بخجل خرب يومك كتلة ها شنو كال منو يمج كتلة بابا ضحك

وكال هنا الحجي كتلة اييي كال اجيج لو لا كتلة عادي بالليل لين اريد اغير جو يمهم شوية كال تمام حبيبي

علئ  راحتج شوية وسديت الخط وكمنا صبينا الغدة وكعدنا نتغدا كملنا غسلنا الاماعين وسوينا جاي وكعدنا

نشرب ونسولف وبابا منطلق ويانة ومكعدنة يمه ورة شوية اجوي عمامي وجدو اطمئنوا علئ بابا وراحوا

مبقوا هواية ومريم اجة احمد اخذها واني متمددة علئ القنفة واكرس حب واباوع علئ الفلم ومحمد متمدد علئ القنفة ويباوع وياي وبابا راح ينام  .

طالب

علكت القميص بالزاوية وتمددت تعـبان مابـية حيل، عزيز تكفل بالسالفة وكالي اردلك خبر انتَ ارجع للبيت

ارتاح، فمطمئن لين مادام عزيز موجود هاهية كلشي ينحل، فزيت من صفنتي علئ حضنة جوري من ورة

تحركت شفتها حاضنتني من ورة ابتسمت بتعب، ودرت شبكتها لحضني ومديت ايدي مسحتها دمعتها

وهمست موكلنا كافي بجي؟ علـيش بوية هالبجي موهاي اني يمج ومابية شي؟ سالفة وخلصت بعد

شكو؟ كالت وهية وتمشي ايدها علئ لحيتي وتحجي بهمس خفت عليك كلش فوك ماتتوقع ...كلبي جان

حاس راح يصير بيك شي ...سحبت ايدي وخلتها علئ كلبها وهمست كلبي ميت عليك ....وشبكتني حييل

وتبجي همست باذنها واني امسد علئ راسها افـدي لكـلبج اني يابعد كلبي وكل ناسي وهلي، بلا شوفيني

وجهج باوعتلي مسدت علئ خدها وهمست ليش هيج شمسوية بروحج وبستها بهدوء بخدودها وهية مبتسمة

        

          

                

كلت الها بمكر ها شو كيفتي موهستوج جنتي تتبجبجين؟ ضحكت بخجل وكالت وهية تغطي راسها

طااالب همست بضحك روحة وكلبة وعمره لطالب، باستني بخدي وكالت احبك حييل حضنتها حييل

وكلت موبكدي بوية موبكدي وهدأت ضلت نايمة بحضني وامسد الها علئ راسها، لحد مانامت وشابكتني حيل عبالك راح اشرد منها .

مريم

قبل ساعة رجعت للبيت وية احمد ،وهوة نايم واني كاعدة امسح بالكاع كملت وبديت امسح بالاثاث وشلت

مبايل احمد دامسح الجواه واجاه اشعار ،شغلته وفتحته دخلت للاشعار كبل راح علئ محادثة حساب

بنية دازتلة صورة هية وياه واكف مبتسم وهية واكفة يمه وكاتبة الـه شـحلاتك دكـتورنا ! كبل خليت المبايل

علئ الميز ايدي ضلت ترجف شحلاتك مو شحلاتك مسحت دموعي قبل لا يطيحن وضليت امسح بالميز

بعصبية منو هاي منو، بس اصبر الي اصبرلي وابجي وامسح بدموعي كملت تنضيف ورحت دخلت للغرفة

شغلت الضوة فز باوعلي وكال بنعاس طفي موتشوفيني نايم كتلة بعصبية كوم اكعد اريد انضف

كال شنو ؟تكعديني علمود تنضفين دطفي الضوة طفي دكيت علئ الكاع برجلي وكتلة كوم اكعدد مسح عيونة

وكال شبيج بابا تخبلتي؟ طبعا انتِ موتردين تنضفين وانما عندج شي ثاني فكولي من البداية ،كلت بسرعة

ودموعي تنزل منو هاي الي مراسلتك ودازة صورتك انتَ وياهة وكاتبتلك شحلاتك دكتورنا اييي شحلاتك

منو هاي يلا كلي وشوكت طاك وياهة صورة و تخوني احمد ومن شوكت اني صوجي اني شمر اللحاف وكام

كال هوب هوب خلي نفهم علئ كيفج اهدأي هزيت راسي وكتلة لا مستحيل مااهدا يلة الة تكلي منو ،مسح

راسة وكال هسة غير اعرف ياصورة والله دخت كتلة تقصد اني دوختك ؟كال لا موانتِ موانتِ بس غير افهم

ياصورة سحبته من ايدة وكتلة تعال وياي وهسة اشوفك ياصورة سحبته ومشيت بعصبية يعني من كل

عقلي اريد الزمه واكتلة بالصوندة، فتحت رمز مبايله ودخلت علئ المحادثة وخليت المبايل بوجهة كتلة اي

منو يلا احجي سحب المبايل يباوع ومستغرب كال هاي موجمانة؟ خنكته وكلت نوب يعرف اسمها يعرفة

وخر ادية وكال نعلعلا احمد احترك احمد بنار ونفط اصبري خلي افهمج ،كتلة واني اعدل شعري يلا احجي

اسمعك كال يابة هاي الصورة قديمة بالمناقشة مال رسالتي بالماجستير وانقبلت اخذت وياي صورة

مااكدرت افشلها واخذت وياها، هزيت راسي وكتلة بس هيج احمد يعني ماكو شي؟ مو اخنكك والله

ضحك وخلة المبايل علئ الميز وسحبني لحضنة واني ادفع بيه وهمس شوصايرة وكحة انتِ تخنكين

وتصيحين كتلة وعيوني مدمعة لاتقهرني فدوة مااتحمل اشوفك وية وحدة ابد اغار والله اغار  باسني

بخدي وكال ليش اني تحلا مرة بعيني غيرج؟ ياروح احمد انتِ دفكيها وهسة الصورة امسحها وانطيها بلوك

بعد شتردين ابتسمت وكتلة مااريد شي يلا وخر مني وبعد خلي اشوفك طاك صورة وية وحدة العب بيك

طوبة والله ترا اني هم اكدر اطك خنكني وكال باعي تبطلين هاي السوالف لا اني العب بيج طوبة ومحمد

دفعته علئ الحايط ولزمته من ياختة وكلت بضحك ها شوضجت ليش متريدني اطك وية زملائي صورة

سحبني وكال شوتعاي وضل يدغدغ بية بلحيتة ويخليني اكمز من ومنا اخر شي عضني عضة من زندي

وكال اييي هسة ارتاحيت دفعته وكلت لا احمد وجعتني ضحك وسحبني وباسني براسي وكال هسة

ارتاحيتي من كعدتيني من النوم وخنكتيني وسحلتين

ي كلة علمود صورة رحم الله والديج ضحكت وشبكته وكلت عادي تتحملني وتتحمل سوالفي مشة ايدي علئ

خدي وكال اذا مااتحملج اتحمل منو يولي ابتسمت همس اخرب غلئ ابتسامتج اني اخرب خليت وشكيت

حلكي من الابتسامة ضحك بصوت عالي وكال لا هيج مااتحمل اني وسحبني باسني بخدي وكال احبج حيييل .

سـارة

كمت جاي اشرب مي طلعت من غرفتي سمعت صوت جاي من غرفة حسـين، تقربت علئ كيفي سمعته يحجي بالمبايل ويكول ابـوج يفـشل ابوي ويكله هيج؟ لاوالله ماعاش يصير خير ......