رواية يأس القلوب (2) الفصل التاسع عشر 19 - بقلم رودي

part59

                                        

                                              

وبين نقاشات عائلتي الحادة

وأُُغنيتي

 وأفكاري في نهايتنا

 وأعمالي المُتراكمة

"تجيّ بـ بالي ضحكتك وأضحك وياها"

                              

ريحانة 

                              

كعدت على اول باية وابجي واصيح كلهة اجت على صوتي وماما تحاجيني بخوف وتكلي شبيج ماما كتلها ماما راح اموت وجع قوي وجع وشي دينزل 

                              

علية وصرخت من الوجع ماما صاحت مرييم اركضي جيبي العباية البنية راح تولد وحسين طلع ركض يشغل السيارة وبابا سندني كومني واني ابجي 

                              

وكتلة واني اشهك باسل بابا فدوة خابر على باسل هز راسة وكال هسة اخابرة ياروح ابوج هسة وكفني ولبسني الشال والعباية وسندني وطلعني 

                              

وماما ويانة صعدوني بالسيارة وماما كعدت يمي ولازمة ايدي وتهدا بية واني راسي على كتفها وابجي وبابا يحجي بالمبايل وسمعته يكول يابة 

                              

متوجهين لمستشفى *** على الاكثر عدها ولادة ماما كالت كلة خلي يجيب وياه جنطة الاطفال كلشي يصير كله بابا وسد الخط ومنا لحد ماوصلنا 

                              

للمستشفى طلعت روحي ,دخلوني بساع الدكتورةوفحصتني وكالت بساع حولوها لغرفة الولادة راح تولد ويركضون بية واني روحي طلعت وارجف

                              

 من الخوف وماخلوا ماما تدخل وياي واشوف البنات الي بصالة الولادة يولدن ويصرخن وضليت ارجف بالزايد والخفقان شكل عندي والممرضة 

                              

تهدا بية وتمسد بهدوء على كصتي وشوية وبديت اصيح صار عندي ولادة والوب منا ومنا وهنة لازماتني ويكولون اهدئي لايصير بالاطفال شي 

                              

والوجع مال ولادة جنت سامعة يوجع بس مولهل درجة حسيت روحي وجاي تطلع لحد ماسمعت صوت الاطفال يبجون وهم وانزاح من عندي غمضت عيوني وفقدت بعد ماحسيت بشي .

                              

باسل 

                              

اروح وارجع بالممر مال مستشفى وخايف على ريحانة وقلقان وضليت اروح منا وارجع منا توجعت مو واني ماجنت يمها علمود اهديها ,هسة

                              

 ولدت لو بعدها خاف يصير بيها شي وضليت اكل بروحي اكل لحد ما دخلت وشفتهم طلعوها من صالة الولادة لغير غرفة واني اباوع عليها وجها 

                              

تعبان واحمر دم وتون روحي راحت من شفتها هيج دخلوها وخلوا الها مغذي وطلعوا ودخلن يمها واني واكف وامسد على خدها بهدوء وايدي 

                              

ترجف وهية تون وهمست ودموعها تنزل باسل وين اريد باسل كتلها واني ادنك عليها وابوس ايدها ومااهتميت لكل الواكفين هذا اني يمج ياروحي انتِ 

                              

الحمدالله على سلامتج بنيتي ولدتي بخير وسلامة كالت ببجي الاطفال وينهم هاا كتلها هسة يجيبوهم هسة وهية لازمة ايدي وتون من الوجع واني تبهذلت

                              

 من شفتها هيج ,شوية واجو ابوي وامي وكلها دخلت للغرفة ويباركون النا ويتحمدولها بالسلامة واني عين عليها وعين عالباب شوكت يجيبون اطفالنا 

 

                

متلهف على شوفتهم صار هواي انتظرهم ودخلوهم ويبجون والضحكة انرسمت على شفافي تركت ايد ريحانة بهدوء وتقدمت شايلاتهم الممرضات 

اني شلت البنية وابوي شال الولد وايدي ترجف والدموع ترست عيني منضر يقشعر البدن , كبرنا باذنهم وهمست بهدوء انتِ اسمج ملاك وفتحت عيونها 

بهدوء اخضر فاتح وبيضة حييل وشعرها على شكار همست بحب واسم على مسمى بنيتي وبستها بخدها وقربتها من ريحانة من شافتها ضلت تبجي 

وتبوس بيها وكلت لعمي بضحك يابة عيونها خضر عليمن ؟ ضحك عمي وباوع لعمتي جوري وكال عليها يابة عليها وتقرب اخذ البنية وباسها 

وصارت من حضن الحضن تقربت اخذت الولد من ابوي بعد ماكبر باسمه بسته بخده وهمست نورت الدنيا حبيب ابوك باوعتله بابتسامة شعره لونه 

اسود عكس اخت اشكر , ابيض بس شعره اسود وعيونه نفس عيونها اخضر فاتح سبحان الله همست باذنه انتَ اسمك ياسر , وابتسمت على شكله صافن 

بوجهي رجعت بسته وخليته بحضن ريحانة وطبعا الاسماء متفقين عليهم اني وريحانتي من زمان واخذوهم للخدج ورحت سويت البيان الخاص بالاطفال 

ورجعت للغرفة ريحانة نايمة والباقين يسولفون والابتسامة مرسومة على وجوهم طلعت من الغرفة ولحكني ابوي وصاح يابة ابو ياسر اوكف النا 

شوي ضحكت ووكفت حضني وباركلي وبسته من راسه وكال احمد الله 

واشكره خلاني اشوف هيج يوم قبل لا الله ياخذ امانته بسته من ايده وكلت 

عمرك طويل يابة تعيش وتشوف الاكثر ان شاء الله ابتسم وكال ان شاء الله وضلينا نسولف وطلع عمي ومحمد يمنا وكعدنا بالحديقة لين المستشفى صار هوسة .

ريحانة 

فزيت ورة مدري كم ساعة التعب والوجع الي احس بيه فضيع , فتحت عيوني بهدوء اباوع ماما غافية على القنفة ويمها عمة ,وباسل كاعد على 

الكرسي وغافي ابتسمت بهدوء لبطني صار صغيرونة لين جبت جانت كبيرة همست بهدوء باسل ماجاوبني كلت مرة ثانية باسل ,فز بساع وباوعلي كبل 

اجة يمي ولزم ايدي باسها وهمس ها حبيبتي بيج شي ؟لو تردين شي ؟ همست واني احضن ايده بهدوء وين اطفالنا ليش مويمنا بالغرفة ابتسم وكال

 بالخدج ميصير يبقون يمنا هنا , باجر نطلع من المستشفى وناخذهم ويانة ابتسمت وكتلة ملاك وياسر مو هز راسة وابتسم ودنك باسني بخدي وهمس 

خفت عليج بنتي بس انتِ قوية وولدتي بخير وسلامة كتلة بهدوء ايي بس حسيت بوجع قوي وانتَ مويمي باس ايدي وكال بعد مااعوفج ابقة مكابلج 

وكاعد كتلة بعد مااصير حامل الولادة تاذي مااريد ضحك وكال الله كريم ابتسمت وهوة يمسد على خدي بهدوء لحد مانمت وهوة جاب الكرسي وخلاه يمي وكعد وضل لازم ايدي .

        

          

                

في اليوم التالي 

سارة 

نايمة وفزيت على صوت باب الغرفة يندك تلفلفت باللحاف ودرت وجهي امير رايح بسابع نومة ندسته بهدوء وكتلة امير اكعد يدكون بالباب فتح عيونة 

بنعاس وكال كايم بدل وكام واني رجعت غمضت عيوني اسمعه فتح الباب وصبح عليه وكال تفضلوا هذا الريوك وصباحية مباركة ابتسمت خرب 

المانيا شلون نادل مؤدب يمة لايسمعني امير ونتعار من اول يوم ,شوية وانسد باب الغرفة واني بديت اغفي وانرفع اللحاف من وجهي فتحت عيوني 

بهدوء شفت امير متكرفس كدامي ومبتسم ابتسمت وهمس صباح الخير عروستي الحلوة ابتسمت بخجل وكتلة صباح النور باسني بخدي بهدوء 

وهمس شلونج ؟ بلعت ريكي وكتلة زينة وانتَ كال ترديني اصبح بهيج وجه وموزين ؟يابة باحسن حال اني ابتسمت بخجل خرب يومك هسة الة تخجلني 

كال يلا كومي كافي نوم خلي نتريك كتلة اما بعدني انعس سحبني وكال دكومي كومي كمت لبست الروب ودخلت سبحت وطلعت انشف بشعري 

وهوة دخل يسبح رتبت الغرفة ومشطت شعري طبعا لبست قفطان مغربي ذهبي وابيض وسويت شعري ضفيرة وخليت مكياج خفيف ورشيت عطر 

طلع وكف يبدل بعدين مشط شعره ورش عطر واجة سحبني لحضنة وكعدني يمه وبدينا ناكل ونسولف ونضحك ,بس شنو احجي وياه واتذكر 

هسة اهلي يتريكون بهيج وقت ومن دوني وتحصرني العبرة واريد ابجي واذكر قريبين علية واروح الهم واضم البجية بس شنو شو اشتاقيت الهم 

حييل , دك مبايل امير جاوب ويكول الف مبارك , يتربون بعزك حبيبي ,ياسر وملاك الله شهل اسامي الحلوة واني كبل طخت ببالي ريحانة 

جابت اشرتله بمعنى شكو اشرلي بمعنى دقيقة شوية وسد الخط وكال ريحانة جابت البارحة بالليل وسموهم ياسر وملاك ضحكت وكتلة صدككككك الله 

ياعيني حرامات اني وين جنت عنهم كال جنتي بحضني يعني وين جنتي ضربته على كيف وكتلة بخجل عابتلك امير ضحك وسحبني لحضنة واني 

طايرة من الفرح اول مكملنا غسلت ودك مبايلي جاوبت ماما تطمن علية وكلتلي على ريحانة وشنو فرحت بالزايد من كالت غير طالعة عيونهم علية

 وتورطت ابوج يكلي راح اكابلهم واكعد بعد ضحكت وكتلها بوسيلي ياه حبيبي اشتاقيت اله شو ماما انطيني ريحانة احجي وياها انطتني ريحانة 

باركت الها وتطمنت عليها ,وسولفت وياهة شوية وسديت الاتصال ورجعت الم بغراضنا راح نطلع من الفندق كملت لفيت الشيلة ولابسة فستان مال 

محجبات ورتبت مكياجي وامير منتظرني اكمل ويباوع علية ومبتسم كملت اجة صار مقابيلي باسني براسي وهمس احبج ابتسمت وكتلة اني هم احبك 

        

          

                

ولزمني من ايدي وطلعنا ,لكينا عمو ابو امير موكف السيارة كبال الفندق شافنا ونزل سلم علينا وبارك النا صعدنا وبدا يسوق ويسولف هوة وامير 

واني صافنة على الجامة ,لحد ماوصلنا للبيت ولد عمه واكفين بالباب اول مجاي ندخل ذبحوا  خروف ية رجلينا واني لزكت يم امير , وهوة يضحك 

علية دخلنا ارتفعت الهلاهل وشمروا علينا جكليت وبوستنا عمة والبنات وباركوا النا وبعدين امير طلع يم الولد واني كاعدة يم البنات ومنتظرة واحد 

من اهلي يجي شوية ودخلن مريم ووداد سلمنا علينا وكعدن لزكت يم مريم وهية تطمن علية ومبتسمة وكالت اعذرونا امي ماكدرت تجي وية اختي 

بالمستشفى ان شاء الله فدشوية تجي ,وباوع علية وكالت تريكتي حبيبتي , جبنا هسة ويانا كيمر وعسل تحبيهم انتِ كتلها لا تريكنا اني وامير الصبح 

كالت وهية تمسد على خدي يمة فدوة لاختي الصغيرونة الي صارت عروسة ديربالج على نفسج وضلت توصي بية واني اكول الها ان شاء الله , ووداد

 منطلقة تحجي وية البنات شوية وكامن راحن واني صعدت وية البنات لغرفتي . 

ريحانة 

طلعنا من المستشفى ماما شايلة ملاك وعمتي شايلة ياسر واني باسل ساندني ويمشي بية وبابا منتظرنا بالسيارة , صعدنا بالسيارة وبدا يسوق واني عيوني 

على ملاك وياسر يموييي هيج كزكزت نوب ماشاء الله حجمهم كبير اذا اني اجيب واكل شحدهم ميطلعون كبيرينضحكت على سوالفي ولمحت باسل 

يباوعلي بالمراية ومبتسم ابتسمت اله ورمشت ضحك ورفع حاجبه ,وصلنا لبيت اهلي لين راح ابقة يمهم كم يوم بعدين نروح لبيتنا نزلنا وذبحوا ذبيحة 

ودخلنا نوموني بغرفة ماما ويمي الاطفال على الجرباية رضعت ياسر بعدين ملاك وناموا ومريم ووداد يمي ومكزكزات عليهم واني اوخر بيهن , سالت 

مريم كتلها باسل وعمتي راحوا كالت لابعدهم بالاستقبال شوية وبابا اجة كال باسل يريد يشوفها اطلعن بابا كامن البنات ودخل باسل وبابا طلع تقرب 

باسني براسي وهمس راح اروح اني حبيبتي ديربالج على نفسج وكل يوم امر عليج اشوفج لحد ماشوية تتحسن صحتج مااريد اتعبج ,همست واني 

احضن ايده تمام حبيبي بس موتتاخر علي ابتسم وهز راسة وكال لاتقهريني باجر التحق 10 ايام وبالكوة مصبر نفسي كتلة واني اهدا بيه على كولتك 

يخلصن برمسة عين غمض فتح خلصانات وتجي تلكانة اني وملاك وياسر منتضريك ابتسم وكال ان شاء الله وبوسهم وهمة يتحسسون من شواربه 

ضلينا نضحك ونوب رجع باسني وهمس احبج بنتي كتلة بحب اموت عليك اني حبيبي وخلة مصرف ماقبلت اخذ بس جبرني كال ميصير تحتاجين كتلة 

        

          

                

موعندي كال عادي خليهم وباس ايدي ورجع باسني من خذي وهمس راح اشتاقلج هواي كتلة وعيوني مدمعة اني هم ،شو احضني قبل لاتروح حضني

 حيل وفزينا ثنينا على صوت باب الغرفة يندك بساع وخر واني ضحكت وبابا صاح يمعود السيارة مشتغلة راح يخلص البانزين ،ضحك باسل وكلة 

جاي جاي تقرب دنك على الجهال باسهم ووخر بعدين باسني براسي وكال في امان الله ابتسمت وهمست الله وياك حبيبي طلع من الغرفة وعينة علينة

 ودخلن يمي البنات واني بالي ضل يمه سودة علية ياعمري مبين بعيونة القهر لين راح يروح ،شوية واندمجت وية البنات بالسوالف .

طالب

صارت الدنيا ليل وخفوا الخطار ناس رايحة وناس جاية علمود ريحانة ،سديت باب الكراج ودخلت لكيت فارشيلي بالاستقبال فراش ،لين 

ريحانة نايمة بالغرفة ،دخلت وتمددت وعلاوي كاعد يباوع على التلفزيون باوعت للساعة صارت ب١٢ونص كتلة علاوي بابا كوم طفي التلفزيون 

وروح نام ،عيونك موزين عليهم كال كايم طفة التلفزيون واجة باسني من راسي وكال تصبح على خير بابا ابتسمت وكتلة اجمعين حبيبي طلع من 

الاستقبال،عود شلون راح انام وجوري مو يمي ؟اذا مااحضنها واكسر ضلوعها ماارتاح ،شوية وانفتح باب الاستقبال ودخلت جوري ولابسة 

الدشداشة القصيرة لونها احمر وياكل ويشرب عليها ،وشعرها شايلته باهمال ولازمة غلا بايده والحليب وهالسوالف ابتسمت وكالت ها عيني تستقبلنا يمك 

بنتك بس تبجي وتكعد باحفادك وطردونا من الغرفة ،ضحكت وكتلها تعالي يابة تعالي وريحانة منو بقة يمها ؟كالت مريم ووداد ،ومرتين ناموا وكعدتهم غلا بصوت بجيها بنتك وكحة ضحكت عدلت كعدتي وغلا بحضنها بس تصيح ومدري شتحجي تدردم

 ضحكت عليها اخذتها من حضنها وبوستها وكتلها ها انتِ وكحة باباتي تصيحين بنص الليل ومتخلين العالم تنام وضليت احجي وياهة وهية 

تضحك ،ابتسمت وبستها وجوري تباوع النا وتبتسم من بستها ضحكت وكالت بوسها بعد مرة ترا مااغار ،بستها مرة ومرتين وثلاثة بالرابعة 

حضنتني وخلت راسها عل كتفي وكالت واني شنية ترا اغار ،ضحكت وبستها بخدها وكلت انتِ الاصل بوية الاصل ،ابتسمت وباستني 

بخدي ،كتلها بوية صعد السكر ضحكت وشوية ونامت غلا خلتها على فراشها وتمددت واجت نامت بحضني وشبكتها حييل وبستها بخدها وهمست 

هسة يالة راح انام مرتاح ،ابتسمت وضلت تمسد على خدي وتسولف وياي واني استمع الها ومن اوصل ايدها يم شفايفي ابوسها لو اعضها وهية 

تكمز ،لحد ماغفيت واني حاضنها وراسها على كتفي وايدها على خدي ،اني نايم يم القنفة وهية يمي بالجهة الثانية ويمها غلا .

        

          

                

سارة 

كاعدين اني وامير بالحديقة بالمرجوحة وضامني لحضنه والمرجوح تفتر بينا والجو بارد ثلج واني حاضنته وراسي على صدره ،ويمسد على شعري

 بهدوء ويدخن ونسولف ونضحك رفعت راسي واجت عيني بعينه ابتسمت وهوة همس بهدوء اني متاكد الي اخترع جملة حط عينك بعيني ،مامرت 

عليه عيون مثل عيونج ،هوة كال هيج واني انسحنت روحي ،ابتسمت بخجل وضميت راسي ضحك وشبكني حييل كال شو باوعيلي حبيبتي ،كتلة اما 

وخر ضحك وكال دباوعيلي رفعت راسي بهدوء باوعتله باسني بخدي وكال احبج ترا !ابتسمت وكتلة اموت عليك ،حضن ايدي وباسها وهمس بهدوء 

خلي ندخل الجو صار بارد حيل لاتتمرضين هزيت راسي وكمنا وهوة ضامني لحضنه ونمشي دخلنا سدينا البيبان وصعدنا لغرفتنا دخلت وسد 

الباب عدلت شعر كدام المراية وهوة بدل وبقة بالشورت والكيمونة واني بدلت لبست دشداشتي القصيرة خفيفة ومريحة ،تمدد على الجرباية وفتحلي

 اديه ركضت وشمرت روحي بحضنه ابتسم وباسني وهمس وكصتي على كصته احبج .

في اليوم التالي 

ريحانة 

فزيت على صوت ياسر يبجي فتحت عيوني بنعاس وسحبته بسته براسه وهمست جوعان حبيبي ورضعته وسكت ورجع نام وبعدين رضعت ملاك

 ونومتهم كمت بهدوء غسلت والبنات مخليات الي ملابس على الميز اخذتهم سبحت ولبستهم ومن سبحت فد ارتاحيت طلعت شغلت ضوة الغرفة 

وصاحت مريم يمعوددة طفييي مونايمين كتلها كومن اكعدن كالت دطفي فدوة ميتين من النعاس بالكوة نمنة من ورة جهالج بس يبجون ضحكت وكتلها 

طفيته طفيته ،فارشة الها ولوداد بالكاع نايمات ،طلعت من الغرفة امشي عالكيف مااكدر احس بتعب موطبيعي  رحت داشرب مي شفت بابا وماما 

كاعدين يتريكون شافوني ابتسموا وكلولي صباح الخير رديت صباح النور سوتلي ماما مكان يمها وكعدت اكل وياهم ويجيبون ويخلون كدامي لحد 

ماخلوني انترست ومستمرين يوكلون بية واني اضحك حسسوني طفلة ،كملنا اكل وكعدت على القنفة الي بالاستقبال وجبت مبايلي دكيت على باسل لكيته 

داك علية الصبح رد صباح الخير ياروحي ابتسمت وكتلة صباح النور حبيبي كال شلونج ؟الاطفال شلونهم ؟كتلة الحمدالله زينين نسأل عليك كال 

بخير دام انتم بخير ،ابتسمت وكال اليوم احسن من البارحة يعني ؟شوية تكدرين تمشين ؟كتلة ايي كمت وكعدت تريكت وية ماما وبابا بس يعني احس 

بتعب موطبيعي كال هسة شوية شوية تصيرين زينة وترجعين احسن من قبل ياروحي انتِ كتلة ياعمري انتَ اروحلك فدوة ؟تريكت قبل لا تطلع للدوام لو 

        

          

                

لا ،لو هم طلعت بدون متاكل شي ،كال لا والله تريكت وطلعت ،كتلة الف عافية يروحي ،ديربالك على نفسك كال ان شاء الله ،وهمس بحب احبج بنيتي

 ابتسمت وكتلة اموت عليك حبيبي وشوية وسدينا الخط بعد ماوصاني على نفسي ٧٢٧٢٨٢ مرة ،شوية وماما جابت ملاك وياسر يمي كعدوا فرشت

 الهم فراش وخلتهم بالاستقبال لين كعدوا ،وكعدت يمهم وغلا هم يمهم وشكلهم يموتت ،ومريم كعدت ووداد بعدها نايمة شفت محمد نزل ،وسمعته 

يسأل على وداد مريم كالت اله بعدهي نايمة متقبل تكعد ،وراح لغرفة بابا وماما يكعدها .

محمد 

دخلت للغرفة بهدوء ،واجت عيني على وداد نايمة بالكاع ومتغطية وشعرها مفتوح وصاير نصه على وجهها ابتسمت على شكلها شلت البطانية بهدوء

 ونمت يمها وشبكتها ،وهية فتحت عيونها وكمزت ضحكت وسحبتها لحضني وهمست واني ابوسها بخدها صباح الخير  يحلوة ،ابتسمت وكالت 

بخجل صباح النور حبيبي شو وخر خلي اكوم عيب لايدخل احد كتلها واني اشم شعرها محد يدخل لاتخافين وبعدين حتى لو دخلوا مرتي انتِ ،غمضت

 عيونها وهمست ترا بعدني نعسانة ليش كعدتني بستها بخدها وكلت اريد نتريك سوية ميصير ؟كالت يصير وباستني بخدي ابتسمت وسحبت ايدها 

بستها وطب دخل ابوي للغرفة ينشف بشعره الضاهر مايدري بينا بالغرفة بساع وخرت وهية غطت راسها باللحاف مستحية وهوة انتبه علينا كبل ،طلع 

من الغرفة وصاح العفوا يابة مادري بيكم بالغرفة ضحكت وكتلة لا عادي ماصار شي ضربتني وداد وهمست كلة من وراك شكد عيييب ،كمت وكتلها

 الحكيني عود موتبقين نايمة كالت ايي طلعت من الغرفة وابوي واكف بالممر يم المغسلة يمشط شافني ضحك مسحت كصتي بارتباك وكتلة ها يابة 

شلونك ضحك وكال زين زين وحسين كاعد عالدرج غمزلي وكال وين جنت ؟ها ملعون صاير ماتستحي خزرته وكتلة احترم نفسك حسسين واحجي

 مثل الاودام غمزلي وكال اعصابك لهل درجة معصب لين ابوي خرب عليكم اللحظة اخخخ حرامات لو اني داخل بدال ابوي ركضت جاي الزمه 

وصعد الدرج يركض ويضحك ضحكني الادبسز وابوي يصيح اضربه هالمرة ماادخل لو تكسر راسه ،نزلت دخلت للمطبخ مريم تحضر بالريوك 

كالت ها وينها وداد كتلها هسة تجي كعدت عالميز وشوية ودخلت وداد للمطبخ شافتني ابتسمت بخجل واني ابتسمت شكد احبها يايابة ،ضلت تساعد

 بمريم وبعدين كعدنا نتريك اني وياهة وحسين ومريم ،وسارة مكانها خالي كلش ،وحسين خلصها علينا يتعارك وية مريم لين سارة ماكو وكالساع كايل

 هسة اكمل ريوك واروح اشوفها مشتاقلها يايابة ويامن اتعارك بعد اذا 

اتعارك وية امي ابوي يكتلني وين انطي وجهي واحنا نضحك عليه متصيرله جارة .

حسين 

كملت ريوك غسلت وبدلت ،وشفت امي لابسة عبايتها وبيدها غلا ،كتلها وين رايحة جورية طالب ضحكت وكالت رايحة اشوف سارة وكالت جيبي وياج 

غلا ،كتلها خوش اجي وياج ،اخذت غلا منها وطلعنا جاي اسد باب الكراج ووكفت سيارة يوسف اخو نازك ابتسمت وكلت بكلبي يابة هلا راح ينور 

البيت ،نزل من السيارة سلم علي وهاي ونازك نزلت وكبل دخلت جوة وامي سبقتني ودخلت يم سارة شوية وراح ،وطلع امير سلمت عليه ودخلت وياه 

جوة وامي وسارة كاعدات بالاستقبال شافتني سارة ابتسمت وتقربت سلمت علية شبكتها وبستها من راسها وهمست اشتاقيتلج سويرة مكانج خالي وهية 

مبتسمة وعيونها متروسة دموع كعدت وضميتها لحضني وامير يباوع الها بتك عين ابتسمت بمكر وشبكتها وبستها براسها وكلت هذا شمالة يغار 

ولاعبالك شكبرة ضحك وكال ملعون متصيرلك جارة ضحكت وضلينا نسولف وهنة يسولفن وشوية وكمنا جاي نطلع وسارة باستني وكالت الاملح 

عود كالساع تعال يمي اضوج اني كتلها ولج بس يضوجج امير البسي عبايتج وتعالي ركض هنة خطوتين ضحكت وكالت هوة حسوي عركة 

واجيكم ضحكت وكتلها عود عضي عدل كون يبقة اثر مااوصيج كالت وهية تحرك بحواجبها موتدلل ضحكت وكتلها تحمستي زيادة بعد اخوج عوفيني 

خلي اروح يمنا فدناس اجو هسة يردون الروح كالت منو الله عليك كتلها نازك هستوها اجت كالت خوش فدشوية اكول لامير واجيكم كتلها منريدج 

ولي كالت دروح روح ،ضحكت وبستها براسها وطلعت وامي بوستها وضلن ساعة بالباب يحجن هية وام امير عوزها بعد بس اصبلهن جاي 

ويكعدن لحد ماكملت حجي يالة دخلنا للبيت ،والجو يكرص من البرودة ،دخلت للاستقبال خليت غلا بفراشها كدام التدفئة ،ومحمد متمدد على

 القنفة وابوي يكلب بالمبايل محمد ابتسم وكال اجت صديقة البنات وماقبلت تدخل كالت بس لا حسين العكرة موجود اذا موجود ماادخل باوعتلة بتك عين 

وكتلة لاتخليني اشرد وداد واشوفها صاحباتك القديمات كال حسين نجب لك منيلي قابل اني حسين اصبرلي الة اخلي مريم تفضحك يم البنية كتلة دنجب

 لك منيلي اني فقير تربات طالب كلت هيج محمد طكها بضحكة وابوي باوعلي بتك عين وكال اي كلش ضحكت وابوي كال شلونها سارة زينة ؟

هزيت راسي وكتلة زينة يابة زينة بس شهرتنا عاضة الولد من خده ومزوركته كال لا بشرفك ؟ضحكت وكتلة جذب ماعاضته بس كتلها من 

يحجي وياج الكطي بعضة ضحك وكال ماتصيرلك جارة يمعود ماتصيرلك ،سارة مؤدبة ماعدها هيج سوالف ماتسويها هاي سوالفك ضحكت 

وضلينا نسولف ونضحك ،وشوية وراسلت نازك كتبت الها ،جاية بدون ماتكوليلي ؟شافت الرسالة ودزت غير مفاجئة ياعيني ،شلون طالع حلو 

الاملح شو الدشداشة حلوة عليك نوب سودة لابس يمة فديتك ضحكت وكتلها قشمريني اي قشمريني .

يتبع ...