رواية يأس القلوب (2) الفصل الثامن عشر 18 - بقلم رودي

par t58

          

                

طلعت التحفيات الجدد ترتب بيهم واني طلعت اغسل بالفراش مال ارضية ،واجلف بيه وعلاوي رافع بجامته ويجلف وياي يموييي حبيب اخته 

اليساعدنيي وحسين يرش مي هم كلش يحبون يساعدوني ميحبون يتعبوني  جذب  غصبا ماعليهم طلعوا بابا طلعهم وياي ،كملنا وشريناهم عالسياج 

بعدين غسلت فراش الاستقبال والصالة ،وهم شريناهم ودخلت امسح بالارضيات وماما لمعت السيراميك كله ،ورتبت التحفيات ،البيت الجوة 

صار يلمع همزين المطبخ سوينا عليه حمله البارحة ،بس دخلت مسحته ولمعت الكاونتر وطلعت البيت الجوة صار يلمع صعدت فوك نضفت الغرف 

وشلت النزلات وفرشت غيرهم وهذني غسلتهم وشريتهم بعدين غسلت الملابس وامسح منا واركض منا وماما تساعدني ،وطبعا هالسحلة كلها لين

 حنتي بعد ٣ ايام عيني ،شوية وشمرت روحي على الجرباية من التعب وملابسي مبللة وشصاير بشكلي ،يمة هلكت دك مبايلي مريم جاوبتها سلمت

 عليها وكالت عينييي احمد حيروح عنده حضور مناقشة ماجستير بغير محافظة وحيجيبني الكم ابقى منا لورة العرس هلهليي ضحكت وكتلها هلا 

بيج تعالي كالت هوة داحضر بملابسي هسة فد ساعة واجيكم كتلها تمام هلا بيج وسدينا الخط ،كمت سبحت وبدلت ونزلت جوة لكيت ماما تسوي بالعشاء

 كتلها روحي ارتاحي ياروحي اني اكمل العشة كالت لا حبيبتي تعبتي هواي وهم يرادلج راحة روحي ارتاحي انتِ ياعمري بستها بخدها وكلت اما معلية 

وجريتها كعدتها وكملت اني تكلاة ،وحسين دخل للمطبخ اخذ خيارة ياكل بيها وينقش بالاكل ويخليني بس اصيح ،كملت العشة وتعشينا وغسلت الاماعين 

وكعدنا نشرب جاي ونسولف وحسين كال وهوة يباوع لبابا يا طالب خلصن بنات بعد ٣ ايام وتروح بنتك الصغيرة وين تنطي وجهك وبابا صافن 

ويباوعلي كبل غوركت عيوني بالدموع وماما كاعدة يمي شبكتني وكالت بيتها كبال بيتنا شوكت ماتريد تجينا موبعيدةعلينا وباستني براسي تدري بية 

راح ابجي شبكتها وكتلها اي اجيكم وبابا باوع لحسين بتك عين وكلة خلي اشوف منو يخطب الك ابقة هيج معلك ضحكت وكتلة اي بابا خيولي لا 

تخطبلة خليه هيج من يصير خوش ولد نزوجه حسين كال اي موهوة بكيفكم والله يالله وضل يتداهر هوة وبابا ،ومحمد كاعد على القنفة الاخيرة وراسه 

بالمبايل ويراسل ومبتسم حسين باوع عليه وكال اي عيني متونسس مخلصها يحجي وية ست وداد خلي تجي يمنة الة اهجها جاوبه محمد وهوة يباوعلة

 بتك عين دنجب لك احنا نهججك جاي نتفق من هسة ضحكنا وبابا كله تسوي فضل بعد ابوك ،حسين كال بس امي تريدني حتى هذاك اليوم كالت احبك 

        

          

                

اكثر من ابوك وغمز لبابا وبابا ضحك وكلة ملعون متصيرلك جارة .

بعد مرور ايام 

ريحانة 

باجر حنة سارة ،واكفة احضر بجنطتي وباسل يحضر بجنطته لين بعد تقريبا ٣ ايام ويلتحق فيحضرها من هسة  

سديت الجنطة بعد ماخليت بيها كلشي ،ورحت جبتلة الساعة مالته يريدها انطيته ياها خلاها بالجنطة واني كاعدة عالجرباية وهوة كمل وخلة 

الجنطة على صفحة كتلة واني مبرطمة باسل هواي ١٠ ايام حضني وباسني براسي وهمس غمضي فتحي يخلصن وبعدين من اجي كم يوم وهمس باذني 

ينورن الدنيا اطفالنا ابتسمت وكتلة واني احضنه ايييي يمةةة فرحتت ضحك وكال هانت هانت مبقى شي ،رجعت كتلة بس خاف اموت صاح استغفرالله 

ياربي اسكتي بنيتي اسكتي ضحكت وكتلة سكتت سكتت ،وشمرت روحي بحضنه وهوة كاعد عالجرباية وضليت اضوج بيه وانكد عليه وهوة يضحك 

على سوالفي ولو يكرصني لو يدغدني يحير شنو يسوي ،اخر شي كتلة يلاا عيني صارت الساعة ب١١ حيأذن الضهر مواعدة سارة اجيي من وكت كال 

وهوة يبوسني من خدي كايم كايم يلا راح اشغل السيارة وانتِ بدلي ونزلي ووين الجنطة خلي انزلها وياي كتلة بسرعة باع ننزل سوية عليك الله بس 

البس العباية كال وهوة يعضني بخدي تمام منتظرج دفعته بساع وكمت لبست العباية ودنكت اريد اطبق الدكم ملاتها بس ماكدر من ورة 

بطني ،باسل جان منتبه علية ،كام بساع واجة يمي دنك وطبقلي ياهم 

وكام باسني بخدي وكال هاهية سويتهم الج ابتسمت وكلت اروحلك فدوة 

حبيبي انتَ ابتسم ورجع كعد لفيت الشال ،ورشيت عطر وكتلة واني اخذ مبايلي يلا كملت ،كام شال الجنطة واني لزمته من ايده بعدنا مطالعين من 

الغرفة باسني بخدي وكال بوسة اخيرة بعد مااشوفج ضحكت وبسته بخده وصاح اويلي يابة ،طلعنا وبس نتناكر كالعادة نزلنا من الدرج واني ساندة 

روحي عليه وانزل شوية شوية وهوة يضحك علية ويكلي واحد ثنين ثلاثة 

هوب واني اضحك شافتنا عمتي ابتسمت وكالت يحفظكم الله ويديمكم البعض 

ان شاء الله همست امين بوستها وودعتها وكتلها سلميلي على عمو من يجي كليلة راحت كالت يوصل حبيبتي ،واعتذريلي من امج مااكدر اجي باجر 

للحنة فقراتي يأذني كتلها معذورة عمة ،طلعنا وباسل خلة الجنطة بالسيارة وفتح الي الباب صعدني بهدوء وانتجيت على الكشن ،وسد الباب ورجع 

صعد وبدا يسوق وكالعادة طول الطريق لازمين ادين بعض وكالساع بايس ايدي وصلنا لبيت اهلي باب واكف بالباب هوة وعلاوي يغسلون بالشارع 

شافنا لوح النا بايده وابتسم واني الابتسامة شكت حلكي من شفت بابا وكف السيارة ونزلنا سلمتا على بابا واني صرت ورة بابا ودزيت لباسل بوسة 

        

          

                

بالهوة ضحك وكتلة واني ادخل بعد السلامة ودخلت جوة وهوة يم بابا برة تلكتني ماما واكفة بالحديقة تسكي بيها شبكتني وبوستني ودخلنا وهية 

حاضنتيني ،دخلنا للاستقبال كاعدات سارة ومريم وبحضن مريم غلا سلمت عليهم وشلت غلا بوستها وصحت يموييي فدوة للبنات عينيي وبستها 

ورجعتها لمريم وكعدت يم البنات وسارة جابتلي مي نزعت الشال والعباية لابسة دشداشة توصل للركبة وشعري مسويته كباية وخصل نازلة ،وجهي 

قبل كم يوم سويته رحت للصالون اني وعمتي ورتبت وجهي ،وسارة كالتت هاا بعد وكت لوجاية باجر عابتلج شوفي مريم صارلها شكد عدنا 

امداج ،كتلها واني اتمدد بالكاع ماما خلتلي مخدة والله ماكدرت اجي وباسل اليوم يلتحق هم غسلت الملابس وكويتهم يعني التهيت شسوي الزركة كالت 

اشاقة يروحيي وضلينا نسولف ودخل بابا كعد يمي وعدلت كعدتي وحاوطني بايده وباسني براسي وكال شلونها ريحانتي والي ببطنها ابتسمت وكتلة 

الحمدالله زينين نسأل عليك ابتسم وكال الحمدالله وضلينا نسولف ونضحك لحد مااذن وكمنا نصلي ،بعدين خليت غلا بحظني وكعدت الاعب بيها 

وتخيلت بعد كم يوم هيج الاعب بنتي يموييي كزكزت ،وهية تبتسم وتسحن روحي ،وسارة كاعدة يمي وبيدها المراية وترطب بوجهها وخلتلي غصبا 

ماعلية ،ومريم فرحانين بيها حيل لين حامل وبابا كالساع يباوع النا ويبتسم ،دخل حسين شافني صاح يابة حييييو هاي منو عدنا ست البنات 

الحلوات ضحكت وكمت حضنته حضني وباسني براسي وكال شلونج بعد اخوج كتلة الحمدالله انتَ شلونك كال الحمدالله ،باسني بخدي وكال يرحلج 

فدوة سارة ومريم كتلة بضحك هاا شمسوياتلك ،كال يشيبن الواحددد الله يساعد امير واحمد والله فد منقهر عليهم وضل ينصب عليهم وصاروا من 

الروس يبووو اخر شي صعد يبدل لين هستوة جاي من الدوام ،بعدين دخل محمد هوة ووداد اجت تبات عدنا هاليومين الله كملت الكعدة كعدنا نسولف شنسوي باجر ونخطط .

يوم الحنة 

سارة 

كعدت الصبح الساعة ب٩ كبل دخلت سبحت وغسلت ،ونزلت تريكت والعائلة كلها كاعدة ،ويركضون منا ومنا وريحانة كعدوها سحل وكاعدة 

بالاستقبال ،وتغفي على القنفة ،وحسين نفس الحالة راسه على كتفها ويغفي وكالساع واحد عايط بيهم ومكعدهم ويرجعون ينامون ،مريم حتروح وياي 

للصالون ،اول مكملت ريوك بدلنا واخذنا محمد وصلنا ورجع للبيت ،شوية وبدت ام الصالون تشسور الي بشعري ،كملته بعدين بدت تمكيج ورة 

ساعتين يالة كملت وبدات بالتسريحة منا لحد الساعة  ٣ونص يالة كملت وكمت لبست البدلة باوعت لنفسي بالمراية ،البدلة لون ذهبي مخصرة من 

        

          

                

فوك بعدين نازل منفوشة التسريحة مرفوعة والمكياج بارز بشكل يذهل العقل ،والعقد الي لابسته زاد البدلة جمالية الكل ضل يصلي على محمد 

ومريم مبتسمة وتعدلي بالبدلة ورشتلي عطر وهالسوالف ومخابرة محمد حتى يجي ياخذنا شوية وكلها اطلعي اني بالباب لبستني البركع وبالكوة 

امشي بالكعب البدلة حيل منفوشة طلعنا ومريم تمشي بيه فتح الباب الورة محمد صعدوني وسدوا الباب وصعدوا ليكدام بدا يسوق ومشغل اغاني 

ويباوعلي بالمراية ويبتسم لحد ماوصلنا للبيت دخل السيارة للكراج ،وفتحوا باب الاستقبال ونزلت واول مادخلت ارتفعت الهلاهل والجكليت 

والهوسات ،كعدت على القنفة والكوشة خوش مرتباتها البنات ،كعدت وجسمي رعش بردت الجو ديبرد والبدلة متدفي ،دحست روحي بالقنفة ومريم تخزر بية وتكول اكعدي عدل شهرتينا كتلها بارددة كالت ساارررة 

عدلت كعدتي واجت ماما تصلي على محمد وبوستني وعيونها مدمعة وفرحانة بية وكالساع تقرة المعوذات واني مدري شمالني بس اضحك ، 

بعدين ابتسمت واني اشوف نازك اجتني وبوستني وباركتلي كتلها بحماس مااوصيج اركصي زين حتى ارجعها الج بيوم الخطوبة وغمزت الها وكالت 

بضحك موتدللين ياعيني اليوم نكسر السيراميك ضحكت وكتلها نشوفف وشوية ودخلت ريحانة ابتسمت على شكلها لابسة فستان بينصل وفوكاه بشت 

وشعرها مسرحته ونازل ومكياج خفيف طالعة تموت فديتها لاختي يمويي اجت يمي بوستني وكالت شطالعة دهر فرج شهل جمال هسة الولد من 

يشوفج ينجلط ضحكت بخجل وكتلها نجبي اني اخبل بكل حالاتي ،كالت اكيدد غير طالعة عليية كتلها اي اي عليج فضيني وشاورتها شغلي اغاني 

وكومني خلي اركص واسوي روحي مادري وانتن تكومني العباس عليج ضحكت وكالت تمام راحت شغلت الديجي وصارم البنات بالنص ووداد 

ومريم متكابلات ويركضن ومريم ماما كالساع مرزلتها لين موزين عليها 

بعدها باول شهر وريحانة واكفة على صفحة وتضحك وتهز بجتفها خفيف 

ونازك يمها ويركصن سوية ومندمجات والاجواء يابوية تناديني وتكلي تعالي اركصي سارة  كومني وهنا اشتغل الركص عمييي ،مااهتميت للكل 

حنتي واريد اتونس وامي وياي بالنص واني اهز جتف والبنات محاوطاتني ورة شوية كعدت وكلش تونست ماخليت بنفسي شي كلشي جنت مخليتة 

ببالي اسويه بالحنة سويته والمصورة تصور وترجع ليورا ،منا ورة ساعتين كالوا اجو اهل العريس متتت اهل العريس خلينا الهم زحليكة من بيتهم لبيتنا 

جذب موتصدكون بس بيت العريس كبالنا يعني شلون هههههههه ،امه واخواته يهوس واجني سلمن علية وبوسني وكلش فرحانات ،وهم كومني 

        

          

                

وكلها تركص بالنص واني المستفادة دفيت متتتت جنت بردانة بس من حاوطني دفيت الله ،بعدين كالوا حيدخل العريس كلها لبست شالات وتسترت 

بس اني عيني عادي يشوفني هيج احح متتتت المهم ،ودخل حبيب روحي ولابس قاط اسود بطلب من عندي وصل يمي باسني من راسي وكعد ومبتسم

 وكالساع يباوعلي ويهمس شطالعة سويرة كتلة واني اندسه بايده سارة امير سارة شنو اهلي علموك تكول سويررة ،كال احبج ونساني ام السالفة وبعدين 

كمنا ركصنا سوية وتسودنت عليه وخربنا من الضحك وكالساع من اتقرب عليه يكرصني من زندي واني ابتسم رغم الالم واضربة برجله وهوة 

يضحك وبعدين كعدنا وحناني وهالسوالف والهلاهل طرشونا بيهم وبعدين المصورة اخذت النا هواي لقطات سوية واكثر لقطة حبيتها من حضني واني 

حاضنته واني ضاحكة وهوة بايسني بخدي يموييي فديتنا خرب المانيا شكد حلوين ،اخر شي من طلع باسني براسي وهمس نلتقي باجر ،واني خلصت 

الحفلة وية البنات وتونست ونسة مصايرة بعدين بعدوا يرحون الخطار ودخلوا بابا واخواني باركولي واخذنا هواي لقطات عائلية سوية بعدين من 

طلعوا اباوع ريحانة كاعدة بالاستقبال ،بالكاع وتاكل كيك ومندمجة اشرت 

لمريم بمعنى صوريها طالعة كيوت ضحكت وكالت هوة دزيت علاوي 

يجيب مبايلي من فوك ،بعدين صعدت فوك ساعدتني وداد فتحلي البدلة ودخلت بساع نزعتها وسبحت وطلعت انشف بشعري ومحد بالغرفة سويت 

شعري كباية ورطبت وجهي وخليت عطر ونزلت جوعانة حيييل لكيت البنات كلهم ينضفن ويضحكن وماما ماخذة نازك على صفحة تحجي وياهة 

واباوعلها صايرة طماطة ضحكت اكيد حسين موصيها تحجي وياهة ،دخلت للمطبخ صبيتلي اكل وكعدت اكل وريحانة دخلت وكعدت تاكل وياي 

ونسولف على احداث اليوم ونضحك .

ريحانة 

كملت اكل وية سارة جوعانة مماكلة شي ،وصعدت سبحت وبدلت وبالكوة امشي من ورة الكعب ومنا رجلية مورمات من الحمل ،اجيت ابجي وبطني 

ضلت تاذيني تمددت على الجرباية ولكيت باسل مخابر علي دكيت عليه وفتح خط وضلينا نحجي وكال بالي يمج ياروحي من زمان دكيت كتلة 

اعذرني حبيبي مبايلي مجان يمي ،كال شلونج ؟سكتت وكتلة ها زينة كال متاذية مو ؟كتلة وعيوني مدمعة اي شوية كال لاتقلقين عليج بنيتي يعني 

وجع قوي لو شنو ؟كتلة شسمة لين لبست كعب واني منا رجلية ياذني مدري شجاني ولبست كعب وبابا كالت انزعيه موزين عليج تتعبين بس ماسمعت 

الكلمة عود يعني اني والله شوية ونزعته حتى اقل الساعة لين ماكدرت بس اذاني لين رجلية مورمة تنهد وكال استغفرالله ياربي ،ليش تلبسين كعب 

        

          

                

وانتِ ماتكدرين ؟يعني بطنج هالكبرها وتقلصات ووجع وتلبسين كعب ،استغفرالله وهسة بعدهم ياذنج ؟كتلة لا لا هاي تمددت وراح اصير 

احسن ،كال بنيتي ارتاحي ولاتتعبين نفسج ولاتتحركين هية بس هالايام تحملي ،واني مويمج وبالي باقي يمج شلون هسة كتلة بحب يابعد روحي 

والله حكعد واسكت ومااسوي شي والله ارتاح ولاتبقى تفكر بية اني زينة همس بحب احبج ريحانتي صار لازم اروح كتلة بكل حب اموت عليك 

ياروحي عود من تكمل شغل راسلني كال ان شاء الله وسد الخط ،واني اول ماخليت راسي عالمخدة غفيت من التعب .

حسين 

واكف بالشارع الم بالكراسي وية الولد ،كملت ودخلت جوة وعيني بالمبايل ،فتت للمطبخ وكلت انطوني مي بساع ،وطفيت المبايل وخليته 

المبايل بجيبي ورفعت راسي اخ يابة ونازك واكفة ترتب بالماعين بس من دخلت وكفت عدلت شالها وتباوعلي بخجل كلت بابتسامة اخ الله اكول البيت 

منور طلعتي انتِ عدنا ملعونة شوماكتيلي راح اجي ،كالت بضوجة اصلا اليوم مراسلتني فدزيتلك رسالة انو راح اجي الله اعلم ويامن 

ملتهيييي ،ضحكت وكتلها اووو حتطلع عندي صاحبات واني ماعندي يابة والله ملتهي وية الولد ومافاتح ومبايلي هسة يالة جابوا الي من الشحن طافي 

من الصبح وماكدرت اراسل ، كالت بابتسامة عادي اشاقة وياك ابتسمت وجاي احجي وياها وطفرت من المطبخ خرب يومج دوكفي خلي 

اشوفج ،دخلت للاستقبال ابوي كاعد ويمه امي ويسولفون ويضحكون خليت وكعدت بنصهم باوعلي بابا استغفرالله وكال يعني عفت المكانات كلها 

واجيت كعدت هنا ،كتلة واني اشبك امي ،غير مشتاااق لامي ياعيني وبستها بخدها وكلت جورييي عمي جورييي وهية تضحك واجتني طكة براسي من 

ابوي كال بعصبية شوكوم منا موتشوفنا جاي نحجي وعوفها شكو لزكت بيها ؟كتلة بضحك لا والله طلوبي تغار مني ؟كال لاحول ولا قوة الا بالله يابة 

شلون راح يموتني هذا الولد ،كتلة كايم كايم اكول مكابل امي وكاعد لين طالعة جنها كيييكة وانتَ تموووت على الكيك ،وصلت يم الباب وصحت يمة 

لايقشمرج ترة عندة هواي كيكات موبس انتِ ،واسمع بابا يكلها يولي يجذب عليج هالملعون اي وين جنا ضحكت وصعدت للغرفة اخ يابة تكسرت تكسر

 كبل سبحت وبدلت وشمرت روحي على الجرباية ونمت .

طالب 

سحبت جوري لحضني وكتلها واني اطلع من الاستقبال دمشي تعبان اريد  اتمدد تعالي يمي مااعرف ببحدي ،كالت ياا يمنا البنات عيب من يرحن اجي 

يمك كتلها واني ابوسها بخدها دمشي يابنات ،دخلت للغرفة وحضنتها حيل وكلت شطالعة اليوم جوريتي ؟سحنتي روحي يابة سحنتيها كالت بحب وهية 

        

          

                

طلوبيي ضحكت وكتلها روحة وعمرة لطلوبي كعدت على الجرباية وسحبتها لحضني وكلت واني العب بخصل شعرها وين غلا اشتاقيتلها كالت وهية 

تحضن ايدي بايدها يم البنات ماقبلن ينطني ياها وهية تضحك الهم وتكمز 

متونسة ،ابتسمت وكتلها وانتِ شبيج ضايجة كالت وهية عيونها مدمعة طالب 

البيت صار خالي مريم ريحانة سارة كلهم تزوجوا وطاحت دمعتها ومسحتها وكالت مالحكت اشبع منهم وبجت ،لاارادياً حضنتها وضليت اهدأ بيها 

وبستها بخدها وهمست راح تشبعين منهم بمرور الوقت صدكيني وهنة 

يمج شوكت متردين يجن وسارة بيتهم كبال بيتنا يعني كل عصرية لو انتِ 

يمها لو هية يمج ،بعد على شنو البجي ياعيني هزت كتفها وكالت مادري ابتسمت وكتلها شوباوعيلي باوعتلي ضحكت ودارت وجها كتلها باوعيلي 

كالت عوفني طالب كتلها دباوعي باوعت وكتلها واني احك لحيتي بخدها انيي يمج يابة شتسوين بالباقين ضحكت وكالت هذا الي مصبرني وايي بعد

 كم يوم يزوجون الولد والبيت ينملي كتلها ايي وتصيرين بيبي ولو انتِ مابقى شي وتصيري بعدين تعالي اني اول مرة اشوف هيج بيبي صغيرة 

وحلوة ضحكت وكالت وانتَ جدو وبعدين اول مرة اشوف هيج جدو حلو ضحكت وشبكتها لحضني وضلينا نسولف ونضحك لحد ماجابوا غلا يمنا 

وضلينا نلاعبها سوية .

في اليوم التالي 

سارة 

كعدت على صوت الهوسة الي يمي واني بعدني نعسانة ،صاحت مريم يلا سارة حبيبتي اكعديي اليوم لازم نروح من وكت ميصير نتأخر ،كتلها بنعاس

 كايمة كايمة ،كمت سبحت وبدلت وجسمي مكسر تكسر من الركص ،مريم هم لبست واخذت الجنطة ونزلت واني نزلت وراهة واليوم الخطار هواي 

من الصبح وطكني بهلهولة وهوسة من الصبح خلني اصحصح ،تريكت بساع وطلعنا حسين وصلنا ،دخلنا للصالون وشوية وبدات ام الصالون بية 

وتجرني منا وتحطني منا وامير هم خابرني حجينة شوية مشغول مكدر يحجي هوسة يمة ،بعدين مريم طلعت جابت النا غدة من المطعم الي يم 

الصالون اكلت شوية نفسي مسدودة ،لحد الساعة ٤ يالة كملت تاخرت 

هواي ،لين حجوزات هواي اليوم وهلكت شصار بية  تبهذلتتت ،باوعت

 للمراية الله شكد طالعة حلوة جني اميرة يموييي اميرة امير متتتت المهم طلعنا من الصالون كبل صعدت بالسيارة وطالعة روحي وحسين ضل 

يضحك بية ويخفف علية ومنا اني مقهورة لين الصبح انتبهت باجية اكيد علية وبدموعي بالكوة كاتمتهم والي مصبرني انو بيتنا كبال بيت 

        

          

                

اهلي ،طاحت دمعة بساع مسحتها وابتسمت وانطلقت وياهم ماردت اخرب مزاجي بهيج يوم حلو ،وصلنا للبيت ،دخلت وارتفعت الهلاهل والهوسات 

وكالعادة طكوني بالجكليت على راسي كعدت على الكوشة وكلها تركص والاغاني تدك واني عايشة الاجواء وياهم وماما كالساع تجي تقرة علي 

المعوذات ،واني لازمة القران بيدي وارجف ،نازك باركتلي وبوستني وضلت كاعدة يمي لحد مااجوي اهل العريس ،دخلوا وهوسات 

وهلاهل ،وناس تسلم وناس تباوعلي ومتدري شنو تحجي ،واني دخت شصار بية ،دخل امير ويهوسن الة وهم طكنة بالجكليت حل موبس اني 

يطكوني وصل يمي وباسني براسي وباركلي وكعد يمي ولزم ايدي وباسها وهية ترجف ابتسم بهدوء وهمس اهدئي ليش متوترة ؟همست بهدوء دخت 

من صوت الاغاني ،اشر لاخته بمعنى نصنة شوية ،نصوه وضل يحجي وياي ويحاول يطمني ويضحكني لحد ماهديت وابتسمت وضلينا نسولف 

وكالساع يبوس ايدي واني اكزكز على هاي الحركة ،لحد ماكالو يلا صار 

لازم يطلعون ،اجيت ابجي كتلة وين نطلع ؟كال للفندق ؟كتلة مااروح اريد 

اصعد لغرفتي ؟ضحك وكال شهرتينا امشي ياغرفتج ،كمت وياه وارتفعت الهلاهل ودخل بابا ووراه ماما واني دموعي ضلت تنزل شلال ،باسني بابا 

براسي وباركلي واني بجيت وشبكته وهوة عيونة حمر دم سودة علية ويهدي بية واني ابجي ومثل الطفلة كتلة مااروح ويا للفندق اريد اصعد بغرفتي 

شسوي هناك رايحة ،ماما ضحك وبابا ضام ضحكته وكال شبيج بابا شنو هذا الكلام عيب من الولد كتلة وعيوني مدمعة  يريد ياخذني منكم  بابا ابتسم

 وكال مياخذج اني وياج مااعوفج ابتسمت وهزيت وراسي وخلة ايدي بايده ووصاه علية وطلعنا وارتفعت الهوسات وبابا يمشي كدامنا ونزلولي البركع 

صعدنا بالسيارة ،وانطلقت الزفة ،وكالساع واكفين ونازلين يركصون بنص الطريق تحمست ردت انزل وياهم وامير لزمني والحمدالله يعرف سوالفي 

ولحد الان ساكت ومتحمل ،وصلنا للفندق ورجعت الزفة وبقوا ويانة بس ماما ومريم وام امير وابن عمه وشوية ويرحون ،فدخلنا للحديقة كبل لين 

عدنا جلسة تصوير بالحديقة وشوية واجت المصورة وبدينا نصور واللقطات كلش كلش حلوة ،وتونست حييل ،لحد دخلنا للفندق وودعونا وراحوا واني 

عيوني ورة امي ومريم ،سد باب الغرفة ونزع السترة علكها وكال روحي بدلي حبيبتي ،هزيت راسي واخذت الجنطة ودخلت للحمام ،نزعت البدلة 

بهدوء وطلعت السيت من الجنطة دهر فركم هاي شتردون تلبسوني ،لبسته وانزل منا يرفع منا اخر شي استسلمت للامر الواقع وطلعت امشي بهدوء 

لكيت الاكل مرتب على الطاولة الي تصير ببداية الغرفة ،والغرفة حلوة حييل مال عرسان بعد كعدنا ناكل ومكعدني يمه وسولف وياي واني الكوة احجي 

الكلمة حيل خجلت ،كملنا اكل وغسلنا ،كعدت عل الجرباية وكعد يمي ولازم ايدي ويحجي وياي بهدوء باس ايدي ،وهمس احبج واني يموي انسحنت 

روحي ،تلمس خدي بهدوء وباسه وهمس احبج مرة ثانية وغمضت عيوني ووووووو .

ريحانة 

بالكوة نزلت من الدرج ولازمة بطني ودموعي تنزل عشرة عشرة ،وصحت وصوتي يطلع من حنجرتي بالكوة الحكينيي ماما راح اموتتتت ....