رواية نبصات القلب الفصل السابع عشر 17 - بقلم دنيا صابر
الفصل السابع عشر
امير و هو حاضن حسام : ليه بتقول ع نفسك كدا
حسام و هو ع نفس عصبيته و عروق ايده كلها باينه و حاضن اخوه جامد كانه بيبي : لان انا فعلا غبي مستهتر واخد الحياه كانها ملكي لوحدي بتعامل بتكبر و ضيعتها من ايدي بغبائي سمعتها كلاام غبي و وجعتهاا جامد
امير بتنهيده و ابتسامه بعد ما عرف اي ف اخوه : حبيتهاا اوي كدا
حسام بوجع : حبيتها و بغبائي بعدتها عني جرحتها كدا احسن
امير : انت غبي , ليه تبعدها عنك طالما انت بتحبها ليه تعند و تكابر و تتعب قلبك ليه كدا ليه
حسام بوجع : كدا احسن حل انا مستهالهاش و لا استاهل انها تحبني هي تستاهل حد احين مني بكتير هي نقيه و غااليه و انا هعذبهامعايا بغبائي و مزاجي المتقلب كل شويه بحال انت ناسي اني لسه بتعالج من اثر الحادثه
امير بتنهيده : كان المفروض تتمسك بيها و تصارحها كان المفروض تبقي قوي مش بالضعف دا
حسام و هو بيبعد امير عنه : قلت لك كدا احسن انا هنسي بسرعه و هي كمان
امير بحده و هو بيضربه بوكس : بطل غباء بقااا قلت لك الحب لو جالك اتمسك بيه و انت عملت اي ضيعته و انا عشان فاهمك اكتر من نفسك انت مش هتنسي و هتفضلي منطوي ع نفسك كدا حااارب يا اخي عاافر شويه اي هتخسر اي
حسام بضعف : امير اطلع برااا
امير بمقاطعه……
حسام بعصبيه : قلت براا اطلع براا انا محتاج افضل لوحدي
امير اتنهد و خرج و هو قلبه مشغول ع اخوه
………………………………………………
وتين و هي رايحه جايه : اتاخر ليه كداااا اوووف يا ربي
الباب اتفتح و امير دخل وتين قربت بسرعه منه
وتين بقلق: حمد لله على سلامتك يا قلبي اتاخرت كدا ليه
امير بتنهيده : كنت عند حيام و الكلام اخدناا حضري الغدا عشان جعان
وتين : حاضر
ع السفره و تين عايزه تتكلم و متردده امير لاحظ دا
امير : ف حاجه يا توتا عايزه تقولي حاجهة
وتين بتردد : بصراحه اه كنت عايزه اتكلم معاك ف موضوع كدا و خايفه لتزعل
امير بهدوء و ابتسامه مطمئنة : اتكلمي يا توتا متخافيش اي الحوار
وتين و قالت بسرعه : انا عايزه اروح اكشف و اشوف الحمل اتاخر ليه
امير باستغراب : ليه
وتين : هو اي اللي ليه امير احنا بقالنا 6 شهور متجوزين عايزه اطمن
امير بنرفزه : هو مش احنا متفقين ان احنا هنسيب الموضوع دا ع ربنا و مش هنروح لدكاتره
وتين : بس انا كن……
امير بمقاطعه: هي ماما كلمتك تاني ف الموضوع دا
وتين بلخبطه : هاا لا لا
امير بنرفزه : كلمتك يا وتين متكذبيش
وتين بتوتر : اه بس هي عندها حق يا امير عايزه تفرح و تشوف حفير لها و انا كمان عايزه اطمن ان انا تما…
امير بعصبيه : متكمليش محدش له الحق انه يتدخل ف اي حااجه تخصنا فاهمه و انتي مسمعش اي كلمه زياده ف الموضوع داا
وتين بصوت عالي لاول مره : لا مش كل حاجه لازم تمشي ع مزاجك انا عايزه اروح لدكتور عايزه اطمن اني ممكن ابقي ام و ان انا كويسه مفيهاش حاجه لما اطمن اي اللي هيحصل يعني مش لازم كل كلامك هو الي يتنفذ انا كمان ليه راي
امير بغضب و عصبيه : وتين انتي صوتك عليي الوقتي
وتين بتوتر من نبره صوتك المرعبه : ها لا اه لاا لا
امير و هو بيقرب منها بهدوء و نفس نبره الصوت المخيفه : صوتك ميعلاش تاني فاهمه
وتين بخوف : طيب طيب
امير بهدوء ما يسبق العاصفه : ادخلي اوضتك
وتين باعتراض: بس انا لسه مخلصتش كلام
امير بنفس نبره صوته : قلت ادخلي
دخلت وتين بسرعه و هي مرعوبه من تقلبه فجاءه كدا
…………………………………………………………
نهي و هي بتعيط و منهاىه و مغمضه عينيها و مش مستوعبه ان هي عايشه و العربيه اللي كانت جايه بسرعه ماخبطتهاش اي دا هو اي اللي حصل بتفتح عينيها
صوت هادي بيتكلم من عند راسها : انتي كويسه
نهي و هي لسه بتعيط : اه كويسه شكرا و بتقوم و بتنضف هدومها كل دا و هي منهاره من العياط مش مستوعبه اللي حصل مازن اللي فضلت تحب فيه سنين كان بيستغلها و بيضحك عليها و انها كانت ف لحظه هتموت
نفس الشخص الهادي : طيب انتي بتقولي انك كويسه منهاره ف العياط ليه
نهي بقله صبر : وانت مالك
الغريب برفعت حاجب : هو دا اسلوب تشكريني بيه
نهي : اشكرك !!!
الغريب بافتخار : اه ما اصل انا اللي انقذتك و بعدتك عن العربيه
نهي باستفزاز : وانا اشكرك ليه دا واجبك
الغريب : تصدقي هتصدقي ان شاء الله انت بجحه و معندكيش دم
نهي بعياط : طيب و جيت تمشي
الغريب مسك ايدها و ف ثواني بعد ايده تاني : انا انا اسف بس هو ممكن تهدي الاول مينفعش تمشي و انتي عماله تعيط كدا
نهي برفعت حاجب : تعرفني !! لا يبقي ميخصكش ياخي سيبني ف حالي هو انا ناقصاك
هل من الممكن ان يقع الشخص ف الحب من اول نظره اول لقاء اول كلمه او حتي نقاش !
هل تؤمنوا بالحب من الوهله الاوله !
₩₩₩₩₩₩₩₩₩₩₩₩₩₩₩₩
الدكتور باسف :انا اسف مقدرناش ننقذ الطفل
فارس بحزن و لهفه : و فاطمه الام عامله اي حالتها اي طمني
الدكتور : الحمد لله قدرنا نلحقها قبل ما يحصل لها تسمم ف الدم قدرها اننا لحقنها ف اللحظات الاخيره الحمد لله بس النفسيه بتاعتها هتتعب بعد ما تعرف انها فقدت الجنين ياريت نقدر دا و نبعد عنها اي ضغط عصبي او نفسي بعد اذنكوا و مشي
بعد ما رمي القنبله يبعدوا اي ضغط عصبي ازاي و هي اول ما تشوفهم حالتها هتستاء تاني
…………………………………………………
وعد ف المكتب بتبرطم كالعاده و دخلت نوران الحربايه خطيبه ادهم و هي حاطه كيلو ميك اب كالعاده و بتتماخطر
نوران بتكبر : انتي يااا ادهم جوا
وعد بغيظ : اسمي وعد مش ياااا و استاذ ادهم عنده شغل اتفضلي استنيه لما يخلص شغله
نوران بتعالي : انتي عارفه انا مين استني اي يا بتاعه انتي بلغيه اني موجوده و هو هيدخلني ع طول
وعد : اسفه مقدرش ادخل الا لما يخصل الميتنج اللي عنده
نوران و هي بتزقهااا : طيب ابعد بقا يا متخلفه انتي انا هدخله بنفسي
وعد بصدمه : ثواني بس استن…
دخلت نوران و هي بتمثل انها بتعيط
و ادهم وقف مصدوم من الهجوم اللي دخل مكتبه كدا فجاءه و من عياط نوران
ادهم بهدوء و هو بيحضن نوران : مالك اي اللي حصل
نوران : تخيل البتاعه اللي انت مشغالها عندك دي زقتني و مش عايزاني ادخلك و بتغلط فيااا
كل دا تحت نظرات وعد و صدمتهااااا
ادهم بنظره ناريه مصوبه ف اتجاه وعد: انتي ازاي تسمحي لنفسك تعملي كدااا
وعد و هي مبرقه عيونهاااا : انااااا
نوران بسهوكه : اه يا ادهومي انت ازاي تشغل الاشكال دي عندك كدا
وعد و هي ميته من الغيره و بنبره كلها حقد : ما تتكلمي عدل يا بتاعه انتي و انا اسمي وعد مش اشكاال
نوران بتمثيل متقن : ادهم انت هتفضل ساكت كدا مشي البتاعه دي من هناا
وعد و هي لسه هتقرب عشان تضربهاا : انا بتاعه يا سلعوه انتي دا انت……
قاطعه ادهم بحده و جديه صارمه : اطلعي بره
وعد و مبرقه عينيهاا : اناااااااا
ادهم بنفس الحده : اه انتي برااا يلا
وعد و هي بتبرطم و بتعيط : احسن يعني هتطردني من الجنه بلا وجع دماغ
………………………………………
نهي قاعده ف اوضتها عماله تعيط مش مستوعبه ان مازن طلع بالحقاره دي ازاااي
……………………………………
حياه و ساره و هما ركبين العربيه مع مصطفي
مصطفي : الحمد الله خلصنااا من لفكوا دا انتوا البنات اي مبتزهقوش من اللف ف المحلات دا انا رجلي مش حاسس بيهاا
ساره و هي بتضحك : متقلقش يا حبيبي بكره تتعود
مصطفي برفعه حاجب : نعم مستحيلللل دي توبه
حياه بضحكه بسيطه : صدقني هتتعود دي ساره مراتك ملكه اللف
مصطفي : دا انا شكلي ادبست
ساره : نعم مصطفي !!!
مصطفي بضحكه : بس احلاا تدبيسه
ساره : ايوا كدا اتعدل
مصطفي و هو بيقف قدام كافيه : انزلوا يلا نشرب حاجه و نريح من المرمطه االي اتسببتوا فيها من اول اليوم دا
ضحكوا البنات و نزلوا
طلبوا المشروبات
ساره و هي بتشيل شنطتها : هروح الحمام لحد ما الطلب يجي
مصطفي و حياه : تمام
مشت ساره و اتكلم مصطفي بهدوء
مصطفي بهدوء و جديه : مش ناويه تحكيلنا يا حياه
حياه بتوتر : ع اي
مصطفي : ع اللي مدايقك و قالب مزاجك كدا
حياه بهدوء : انا مقدره خوفكوا و قلقكوا عليا و انا بحترمك و بعزك بس انا لما مفيش حاجه مدايقاني و لو ف اكيد هقولكوا
مصطفي : حياه انتي عارفه اني بعتبرك زي اختي و سرك و سندك صح من يوم ما خرجنا من الملجاء و احنا سند لبعض لو ف حاجه مدايقاكي اكيد هتحكي صح اوعي تخاف او تقلقي من حاجه طول ما انا جمبك
حياه بابتسامه : اكيد طبعاا متقلقش
صوت من وراهااا اتكلم بحده و غضب : اهاااا و اي كمان هو دا يا هانم اللي يستاهلك ما تقولي كدا مكذبتش انا لما قلت عليكي شمال و مش من مستوايااا و شدهاا من دراعه و كان هيمشي مصطفي وقفه بسرعه و شد حياه منه و وقفها ورااه
مصطفي باستغراب و عصبيه : انت مين انت يا جدع و مالك بيها و بتشدها تاخدها ع فين و اصلااا بتتكلم كدا ليه
حسااام بغضب : ابعد يلاا من وشي هي عارفه انا مين انت بقاا تطلع مين
مصطفي لسه جاي يتكلم قاطعته حياه موجهه كلامها لحسام
حياه : وانت مالك
حسام بغضب : انا هعرفك انا مالي و مسك دراعه و بيشدها وراه استوقفه مصطفي ببوكس قوي خلي وشه يلف
مصطفي و هو بيديله البوكس التاني : دا انت بجح و ميتسكتش عليك
حسام و بيردله البوكس ببوكس اقوي وقعه ع الارض : متلعبش مع الاكبر منك يلاا و اخد حياه بقوه و مشي طالع ك الاسد الغاضب
حياه بعصبيه و نرفزه : انت يا متخلف واخدني و رايح فين يا عم انت سيبني
حسام و ساب دراعها و بص ليها بحده و اتكلم بغضب و جديه : انتي تمشي معاياا و انتي ساكته و مسمعش صوتك فااهمه
حياه بنرفزه : و ليه ان شاء لله انت مين عشان انفذ كلامك
حسام و هو بيضرب رخله ف الارض تعبير عن مدي غضبه و مسك دراعها تاني و مشاها وراه : انا هعرفك انا مين
حياه و بتحاول تفك دراعها و بتضرب ايده و هو لا حياه لمن تنادي ركبها العربيه بالعافيه و قفل الباب و اتحرك بسرعه …
……………………………………………
طلعت من اوضه العمليات و اتنقلت غرفه خاصه
فاطمه و بداءت تفوق: ااااه ماما
الام بلهفه : هنا جمبك يا حبيبت امك
فارس بلهفه قرب منها بعد ما كان ساند ع الباب : فاطمه حبيبتي حمد ال…
فاطمه بدموع : انت بتعمل اي هنا اخرج براا
فارس هيتكلم قاطعته فاطمه بعياط هستيري : ماما خرجيه براا
لسه نور داخله الاوضه و مستغربه الوضع و الجو المتكهرب
نور بعد ما شافت فاطمه فاقت : حمد لله على سلامتك يا فاطمه
فاطمه بنفس العياط و الصراخ : اطلعوا برا خرجيهم ارجوكي يا ماما انا مش عايزه اشوفهم
الام بستغراب: اهدي يا فاطمه مالك بس يا حبيبتي
فاطمه بضعف و هي بتحضن امها جامد : ارجوكي يا امي مش عايزه اشوفهم طلعيهم برااا
الام و هي بتبص عليهم بمعني اسمعوا كلامها و اطلعوا براا
…………………………………………………
سارو رجعت من الحمام و لقت مصطفي واقف جمب باب الكافيه و باين ع وشك اثار ضرب
ساره بخضه : هاااااا اي اللي حصلك يا حبيبي و فين حياااه
مصطفي بغيظ: معرفش جي واحد تور اخدها و مشي و شكلهم كدا يعرفوا بعض
ساره باستغراب: مين دا
مصطفي : مش عارف
………………………………………
سيف و هو بياخد هدي من شغلها و راجعين البيت
سيف بحب : عامله اي يا حبيبتي النهارده
هدي بكسوف من وقت ما اتصالحوا و هو اخد راحتوا ف الكلام معاها و بيكسفها : تمام الحمد لله
سيف و هو بيمسك ايدها و يبوسها : حد ضايقك يا روحي النهارده
هدي :تؤ
سيف بتسبيل : النهارده انا عازمك ع الغدا ف حتت مطعم ع البحر تحفه
هدي بفرحه : بجد الله دا انا كنت زهقانه و عايزه اغير جوا و مكنتش عايزه اطبخ خاااالص
سيف و هو بيضحك : هه انا انقذتك اهو من المطبخ
هدي وهي بتضحك : اه احسن احسن
اوقات كتير بنحتاج نتصالح مع نفسنا عشان نمشي المركب و منغرقش اكتر ف دوامه الحب جاريها و اعترف بوجود الحب جواك و انت هتلاقي نفسك بتطفوا ع وش الدوامه و حياتك ماشيه
سيف بدا يعترف بوجود الحب جواه و بدا يتعايش ع اساس كدا اعتر بحبه العميق لهدي رغم معاناته ف الاول مع الدوامه و الصراعات اللي كانت بتحصل جواه الا انه عداهاا و تخطي الوجع دا و بدا يعيش الحب مع هدي بس هل هيدوم دا و لا لا !!!!
توقعاتكوا
فاطمه اي هيحصل معاهااا و هتعمل اي مع فارس و نور !
حسام ناوي ع اي مع حياه !
نهي هتعدي الوجع دا و لا لا و اي اللي هيحصل معاهاا !
امير و وتين اي اللي هيحصل و هل هيسيبها زعلانه كدا !
اي سبب اعتراض امير ع ان وتين تروح تكشف !
ساره و مصطفي هل فرحهم هيتم و لا حاجه هتحصل !
وعد و ادهم كدا خلاص بعد ما ادهم طردها الحكايه خلصت قبل ما تبدا !!!!
- يتبع الفصل التالي اضغط على (رواية نبضات القلب) اسم الرواية