رواية يأس القلوب (2) الفصل السابع عشر 17 - بقلم رودي

part57

          

                

ومدري شنو جانت فترة وياها متعبة لابعد حد اما نازك الكلام وياها لمدة دقيقة يصنع يومي ,نازك متفهمة وواعية وشخصيتها تنطي شبه لشخصيتي

 من ناحية هواي امور فدائما نتفاهم وهذا اكثر شي يطمني .

طالب 

يسولف حسين واشوف نضرات الحب بعيونه عكس نضراته القديمة مابيها اي شغف وامل اما هسة نضراته وهوة يحجي بالانسانة الي حبها كلبه من 

صدك عيونة متروسة حنية ,والشي الي خلاني اتاكد من شغفه وحبه تجاهها هوة انو يتقدم الها باقؤب وقت وهذا اكثر

 شي طمني من هاي الناحية واشجع عليه انو يربط بيناتهم شي رسمي وبالحلال حتى بالايام القادمة ميواجهون اي مشاكل , تفاهمت وياه ووصيته

 ونصحته لايتسرع بقرراته حتى لابعدين يتندم ,كمت للغرفة واني اشوف ست جوري مخلصتها نوم هي وغلا ابتسمت

 وهمست يابة نوم العافية ان شاء الله تقدمت بهدوء وتمددت على الجرباية مسدت على وجه جوري واتلمس رموشها بهدوء فتحت عيونها وابتسمت 

ورمشت انرسمت الابتسامة على وجهي وكلت كاعدة الحلوة كالت همم ومن تكول هيج تسحن روحي ضميتها

 لحضني وهية شبكت ايدي بايدها وكالت وين جنت كتلها بالاستقبال نسولف اني وحسين وهسة اجيتج وبستها بخدها وهمست وبعد مااعوفج وحكيت 

لحيتي بخدها وضحكت واني ضحكت وياها وضلينا نسولف وهية تحجي واني صافن بوجهها كالعادة ملامحها

 تسحن روحي يابة تسحنها وهية كالساع تسكت وتكول صفن بعد شيحجيه صفن واني اضحك عليها واندك باب الغرفة وصاحت سارة ماما اجوي بيت 

جدو يريدون يسوفوج انتِ وغلا كالت جوري اي حبيبتي جاية باستني بخدي وكامت بدلت وغلا كعدت وضليت

 الاعب بيها وهية تمشط شعرها كدام المراية وتباوع النا وتبتسم بست غلا من خدودها وهية باوعتلي والمشط طاح من اديها وكالت طالب ليش تبوسها 

ويعني عيونها مدمعة ماشاء الله عليها تقدمت واخذتها مني وكالت بزعل لاتبوسها بعد كدامي واني اضحك مشت

 ودارت وجها وكالت ترا زعلت ها كمت بسرعة صرت كدامها وفرق الطويل عضيم هالكدوتها تصير كدامي حاوطتها باثنين ادية وكلت شنو 

شكلتي ماسمعت ؟كالت لاتبوسها بعد كدامي خوش دنكت وبست غلا وكتلها ليش كالت يا طالب ضحكت بصوت عالي

 وشبكتها وبستها بخدها كالت بخجل وخر جعصت بنتي بستها مرة ثانية ووخرت وكتلها ها رضينا ؟ هزت راسها وضحكت رجعتها بالكاروك لين

 بعدها صغيرة وميصير كالساع احد يشيلها ويراد الها عناية خاصة , واني طلعت من الغرفة لكيت اهلها كلهم جايين

        

          

                

 وبالاستقبال سلمت وكعدت وشوية وهية دخلت تتمشى على كيف سلمو عليها وتحمدولها بالسلامة وكعدت يم امها ويسولفن واني التهيت اسولف وية الولد .

سارة 

ورة مراحوا بيت جدي اجوي كرايبنا همين يتحمدون بالسلامة لامي وناس طابة وناس طالعة واركض منا ومنا ببحدي لين ريحانة ومريم اثنينهم 

راحوا , لحد الساعة 9 ليل كلها راحت التهيت انضف وبعدين دخلت للمطبخ سويت عشة اجبان وبيض وجاي واجة

 حسين شال الصينية بالاستقبال وصحت بصوتي اليطرش تعالواااا تعشوااا راح ابدييي اكل معليية بيكم ودخلت للاستقبال حسين مخلي اديه على اذاناته  

كال امداج يالثولة طرشتينا اذا ماسجل صوتج ببصمة وادزها لاميراصدمه بيج لين الضاهر ماسامع صوتج كتلة بدلع

 اوي عيني سامعة ويحبه باوعلي بتك عين وكال حبيبتي نجبي وسكتي وتعاي كعدي لااكوم اسحلج من راسج المدعبل ضحكت وكعدت يمه وضلينا 

نشاقة ويكرص بية لحد ماكعدوا كلهم وبابا صاح علينا خلانا نكعد مثل الاوادم اكلت لكمة جبن داشرب جاي لكيت

 حسين ماخذ كوبي يشرب بيه ضربته علئ ركبته وكتلة عابت متصبلك جاي شنو تشرب من عندي جيب جيب ابو حلك انطاني ياه وكال امداج طلعتي سم 

اخذيه كتلة اشربه مااريد وضلينا نتعارك وشال القوري يريد يجويني بيه وبابا متربع ومنتجي على القنفة

 ويشرب جاي ويباوع علينا ويهز براسه ابتسمت اله وكتلة وعلي بابا اني معلية هذا ابنك مادري شبيه بس يتحارش بية حسين كال لين انتِ ادبسز لو 

مو ادبسز مااتحارش بيج عيبت عليه ولزمني من ضفيرتي وصاح بابا اي ادبسزية شمالكم ماتكعدون وتاكلون بهدوء

 مثل الاوادم يعني اني الة كاليومية ارزل وارجع ليورة اكبروا شوية اكبروا باوعت لحسين وكتلة اكبر شوية اكبر صاح بابا لا اله الا الله اسكتي بابا 

اسكتي وسكتنا وبقينا نتخازر اني وحسين ومن كملنا عشة تصالحنا وشبكني وبابا يهز بايده ويستغفر الله ويكول لامي

 ومن احجي عليهم ماتقبلين استلمي ,اخذت الصينية وبديت انضف بيها وحسين كاعد يمي بالمطبخ يراسل بالمبايل كتلة واني اغمزله سلملي على 

نازك عود كال نجبي ونضفي غميته وكتلة امداك خوش امداك وهوة يعيب علي وشوية وكال تكول الله يسلمج ضحكت 

 وفرحت لين كملت المطبخ طلعت الصينية لابدتلي يم الكاونتر ضليت اكمز غسلتها ورجعت غسلت السنك ورحت مسحت كاع الاستقبال ورجعت 

للمطبخ لكيت حسين ماكو باوعت من شباك المطبخ شفت باب الكراج مفتوح يعني طلع غسلت وصعدت لغرفتي

        

          

                

 بدلت ولبست تراكسود مال نوم حرير وسويت شعري ضفيرة ورشي عطر وخليت تنت لخدودي وهستوني تمددت على الجرباية ودك مبايلي اباوع 

حسين استغربت جاوبته كال اني بالحديقة تلكين علاكة على الكاونتر بيها حلويات وعصاير رتبيهم وتعالي يمي

 بالحديقة كتلة  بتعب اهوو حسين هستوني كملت المطبخ كال ديلا كومي شبيج كتلة جاية جاية اخذت مبايلي ونزلت للمطبخ لكيت العلاكة فتحتها بيها 

حب وعصاير وكيك وجبس رتبتهم بمواعين واخذتهم بالصينية علمور اخليهم عالميز الي بالحديقة طلعت امشي

 على كيفي لا اوكع اني والصينية رفعت راسي وهنا جانت الصدمة حسين وامير كاعدين عالكراسي ويسولفون ويضحكون يمة جمدت بمكاني انتبهي 

حسين ضحك وحرك حواجبه كلت بكلبي اني الك حسين امير باوعلي وابتسم تقدمت بهدوء وكلت السلام عليكم

 رد امير وعليكن السلام ويعني سلم علية وحسين كاتم ضحكته ويباوعلي اني الك خليت الحلويات وعفت الصينية على صفة دادخل وكال حسين تعالي

 اكعدي يمنا وين داخلة كتلة ها اي تقدمت بهدوء وكعدت بالمرجوحة وتفتر بية بهدوء وهمة يسولفون وامير يسحب

 نفس من النركيلة ويباوعلي ويسولف وية حسين واني تفتر بية المرجوحة ومبتسمة اباوعلة يمة شلون طالع حلو لابس تراكسود رصاصي وبيه كتابة 

بيضة من النص واكتافه عريض وشعره مرفوع وعنده لحية خفيفة ,شكله يسحر الواحد بمعنى الكلمة وشوية

 وحسين كال صاحبي بالباب منتظرني شوية يمكن شوية اتاخر عليكم امير كال براحتك طلع حسين وامير كام بهدوء وكعد يمي بالمرجوحة وحاوطني 

وراسي صار على صدره ابتسمت بخجل باسني براسي وضل يمسد على شعري بهدوه وكالساع يبوسه وايدي

 متشابكة وية ايده سحب ايدي باسها وهمس سارة همست اممم كال احبج ابتسمت وكتله بهدوء اني هم همس انتِ شنو ؟كتلة احبك ابتسمت وكال اموت 

عليج يابة وضلينا نسولف وكالساع يضحكني بسوالفه ,وطبعا هوة هم علاقته قوية وية الولد لين اساسا من جماعة

 بابا ويمكم الحساب , لحد ما بديت اغفى شوية شوية فتحت عيوني بنعاس من حسيته باسني بخدي وهمس ادخلي نامي حبيبتي طفيتي كتلة بنعاس تمام 

كمت ومسحت عيوني بنعاس وكتلة تصبح على خير وكف وكال وانتِ بخير وباسني بخدي وبسته ودخلت وكبل صعدت فوك وهوة طلع دخلت للغرفة

 شمرت روحي عالجرباية وتغطيت وكبل نمت من التعب .

ريحانة

فزيت الساعة ب 12 ونص بليل معدتي توجعني من الجوع واليوم نمت من وكت كل مرة اسهر عاد اليوم نمت من التعب , باوعت باسل مويمي ولا 

        

          

                

بالغرفة استغربت وينه كمت امشي بنعاس وضفيرتي مخربطة وطالعة خصل منها وجهي مورم من النوم ,ولابسة

 فالينة نص ردان شوية مرفوعة  من الركبة وعريضة وبطني بارزة من عدها كلش حلوة علية ولونها اصفر وبيها كتابة باللون الاسود ولابسة 

وياهة  برمودة سودة غسلت وجهي وبعدني منعسة نشفته وطلعت من الغرفة وانزل من الدرج علة كيفي وصلت يم باب

 الاستقبال شفت باسل متمدد ويباوع على الفلم ومندمج شافني ابتسم وصاح يابة صح النوم وفتحلي اديه ابتسمت وتمشيت على كيفي وصلت يمة عدل 

كعدته وكعدني يمه وشبكني وذبيت روحي بحضنه باسني بخدي وعضه على كيف وكال هوة منو يكعد من النوم هيج

 حلو ابتسمت وكال مكملتي نومتج كتلة واني العب بالياخة مال بدي مالته ليش عايفني ببحدي كال التهيت اباوع عالفلم وهم ماردت اباوع 

فوك خاف يزعجج الصوت لو الضوة مال تلفزيون فكلت اكمله واصعد وهسة خلص من اجيتي كتلة يموي افدي

 الي ميريد يزعجني وبسته بخده ضحك وكتلة باسل جوعانة كلش معدتي توجعني من الجوع ومشتهية هاي الهمبركر الي تجيبلي ياها الله الي الجبن 

سايح بيها وتجيبلي فنكر هوايي وياهة وببسي باردة ومقبلات يمة ومغمة عيوني بشهية فتحتهم بساع وكتلة واني اجر

 بيها كوم جيبلي هسة الله عليكم كوم ضحك وكال صدك تحجين الساعة راح تصير بالوحدة منو مفتح كتلة وعيوني مدمعة شبيك جوعانة ومشتهيتهم 

باسني بايدي وكال هسة اطلع واشوف منو مفتح واجيبلج واجي كتلة اجي وياك كال لا وين جاية ابقي كتلة شبيك

 عمو وعمة نايمين يمن ابقة اخاف تنهد وكال ديلا كومي كمت بساع وكال هوب هوب امشي على كيف لاتوكعين صعدت لبست عبايتي ولفيت الشيلة 

شلون ماكان واخذت مبايلي ونزلت لكيته طالع للكراج طلعت منتظرني يم السيارة فتحلي الباب صعدت وسده 

 ورجع صعد وبدا يسوق واني منتجية عالكشن واباوع عالشارع سحب ايدي باسها وكال مشتهتيم ياكلبي هسة نروح للمطاعم كلها علمود منخلي اي شي 

بنفسج ابتسمت وكتلة احبك باسل هية شنية ضحك وكال اموت عليج ولازم ايدي ويسوق وكالساع يباوعلي

 ويبتسم وتقريبا رحنا لاربع نطاعم معزلين وصلنا يم الرابع طلع مفتح يمة من الفرحة ضليت اكمز وهوة يضحك علي نزل يجيب واني منتظرته شوية

 وطلع من المطعم وشايل علاليك بيده فتح الباب صعد وخلاهم  بحضني ورجع يسوق وهم ضلينا نسولف بعدين

 فتنا من يم كشك عصاير طبيعية هم كتلة اريد بالبطيخ ونزل جابلي بطلين واحد بطيخ واحد موز وبعدين وصلنا للبيت شالهم بدالي واني دخل فرحانة 

        

          

                

وجوعانة نزعت العباية وخليتها عالكاونتر واخذت صينية وصعد قبلي فوك صعدت وراه خليتهم بالصينية جايب

 اثنين همبركر وحدة الي ووحدة اله وبيتزا وفنكر ومقبلات وببسي كعدنا ناكل واني اكل بشهية وهوة يضحك علية كتلة واللكمة بحلكي شبيك غير 

اتنسة عليهم ابتسم وكال اكلي ياروحي معليج بية واني اكل ووية كل لكمة لو ببسي لو موز لو بطيخ وكالساع يكلي معدتج

 راح تخبط اثبتي على واحد بس اني مااسمع الكلمة طيبات شسوي كملنا واخذت الصينية غسلتها وصعدت باسل متمدد على الجرباية ممتظرني اول 

مدخلت فتحلي اديه مشيت بساع وشمرت روحي بحضنه شبكني حيل وباسني براسي وكال شبعتي ياروحي ؟كتلة ايي

 كلش ابتسم وكال الف عافية بنيتي وباسني بخدي وضل يسولف وياي ويمسد على شعري بهدوء لحد مابديت انعس وجاي انام وحسيت نفسي لعبت كمت 

بساع وهوة كمز كال ها اني بساع دخلت للحمام وتقيأت كل الاكل من ورة خبط العصاير تقدم سندني بهدوء

 وغسلي وجهي وحساني دخت نكع ركبتي وضل يهفيلي  ونكع شعري وكال بقهر كتلج لاتخبطين عصاير تتاذين ماسمعتيني سندني وطلعني من الحمام

 كتلة بهدوء خلي ابدل تنكعت من المي وكفني وطلع الي دشداشة قصيرة اخذتها وبدلت كتلة بتعب شعري ضايقني

 كال تعالي بنيتي رحت يمه ورفعلي ياه سوالي كباية وضمني لحضنة ويباوعلي بقلق وكال دختي مو هزيت راسي باسني وتمدد وضمني لحضنه

 وغطاني لحد ماغفيت وراسي على صدره .

في اليوم التالي 

 ريحانة 

واكفة امسح بميز البلازما وكالت عمتي يمة ريحانة راح اروح لبيت جيرانة ام احمد جايبين ملاية ترحين وياي كتلها اي عمة بس باسل ماموجود شلون

 كالت خابريه وكليلة كتلها تمام صعدت ودكيت عليه اكثر من مرة مجاوب كلت من اجي اكله لبست عبايتي

 وشال اسود ونزلت كالت ها كتيلة كتلها ميرد عود من يجي اكلة وهية هاي ام احمد جيرانا كالت خوش وهذا الحجي قبل الاذان بنص ساعة طلعنا وعمو

 جان كاعد بالاستقبال رحنا لبيت ام احمد لكينا الملاية بادية كعدت يم عمتي وبعد هية لطم وبجي اجواء محرم يعني

 بعدين خلصت الملاية وكالوا هسة ببيت ام يحيى وضلينا اني وعمتي نفتر من بيت لبيت  وبعدين يمكن دخلنا رابع بيت واباوعلك عالساعة واشوفها 

بثمانية ونص يمة صرت صفرة صار شكدد ةهسة باسل جاي عزا العزاني يعني ماللحك اروح لملاية بيت ام عباس

 خرب المانيا خلصت الملاية وطلعنا اني وعمتي بساع رجعنا ركض للبيت واثنينا نضحك وحدة تمشي اسرع من الثانية وبطني تمشي قبلي وصلنا يم 

        

          

                

البيت واشوفلك باسل وعمو واكفين بالباب باسل شافني خزرني كبل دنكت وصلنا يمهم ومحجينا كبل دخلنا للبيت

 ودخلوا ورانا صعدت للغرفة ركض بدلت بساع وجاي اطلع من الحمام وسمعته دخل للغرفة وكال وينج ست ريحانة اطلعي فتحت باب الحمام 

وطلعت اتمشى بهدوء واباوعله ببرائة باوعلي ورافع حاجبه ويدخن وكال ليش طالعة بدون ماتكليلي ؟كتلة يا والعباس

 دكيت عليك شكد وماجاوبت عاد كلت لعمة من يجي اكله والله حتى رجعنا ملحكنا نروح لبيت ام عباس رحنا بس اربع بيوت الخامس  رجعنا كال هاا 

مارحتوا لبيت ام عباس خوش بدلي خلي اخذج كتلة بفرح صدكك خزرني وكال فرحت نوب كيفت بلعت ريكي وكتلة

 شبيك باسل لاتصيح تنهد وكال تعالي بلا اوكفي كدامي كتلة بخوف باسل متسويلي شي استغفرالله وجرني لحضنه شبكني وعضني بخدي وكال 

شسويلج ها ماتكليلي خلي اعضج احسلي ضحكت وكتلة اما وخر وضل يعضعض بخدودي ويضحك واني ادفع بيه لحد

 مااجيت ابجي كال علمود تتوبين بعد ماتطلعين بدون ماتكليلي وشبكني وهمس صار كم ساعة منتضرج اجيت مشتاقلج وانتِ عايفتني ورايحة كتلة

 واني ابوسه بخده بعد مااعوفك ابتسم وشبكني وباسني بخدي وتلمس بطني وكال موطولوا ادري شوكت يجون للدنيا

 ضحكت وكتلة بعد مابقى شي هز راسة وكال ان شاء الله وكعد على الجرباية وضمني لحضنه وضلينا نسولف ونضحك .

بعد مرور شهر 

سارة 

امير اتفق وية بابا على موعد زواجنا بفرحة الزهراء ,وبديت من هسة احضر واشتري وصيت من النت مجموعة ملابس مال طلعة عجبني حيل 

ووصلني اليوم والحمدالله طلعن فيت علية , وماما وغلا تحسنت صحتهم الحمدالله وضلينا نطلع اني وماما ونجهزوكم مرة

 طلعت ويانا وداد هم تجهز لين عرسهم هية ومحمد ورة عرسي باسبوع وتقريبا بعد للعرس فد 14 يوم هيج لين حاليا احنا بصفر ومابقى شي 

ويخلص  واحلى شي هوة غلا يوم عن يوم تحلى اكثر وبابا روحه صايرة بيها ,والحمدالله السعادة ملت بيتنا من جديد  بعد

 يأس لسنين حسيت الله سبحانه وتعالى جبر قلوبنا بما يرضينا ,علاقتي حلوة وية امير لابعد حد يفهمني وافهمه يحبني حيل واحبه اكثر طلعنا اكثر من 

مرة وهم اشترينا الغرفة سوية ,وخلة كلشي على ذوقي وكلشي يجيب ياخذ رأيي بيه وهذا الشي كلش يعجبني

 ويحسسني باهتمامه ,اما ريحانة ياريحانة دخلت بشهر الثامن وهم بدات تجهز لاطفالها وماما تشتري الها وترجع ليورا وباسل معتني بيها عناية 

خاصة وكاليومية نخابرها كامرة نحجي وياهة وتبجي تكول خاف اجيب واموت وبعد مااشوفكم واحنا نهدي بيها ونضحكها

 تخاف حيل ,اما مريم ففرحتنا بيها موطبيعية هالشهر حللت وطلعت حامل واحمد طاير بيها وهي تدلع عليه ام راس المربع ,فزيت من صفنتي على 

صوت غلا وهية تبجي جنت الوليها وسارحة افكر كمت افتر بيها واضحكها وهية تبتسم الي وتحرك باديها ماشاء الله

 صحيح صغيرة بس مدبدبة وحجمها شوية كبير يعني موناعمة وملامحها بدت تبرز اكثر واكثر , بستها بخدها وكلت تشبهين بابا انتِ ولج تشبهين 

ابوية واضحك بيها وهية مبتسمة طلعت افتر بيها والجو صادف بداية شتا وبدا يبرد وبنص شهر العاشر يعني بدا الشتا 

 عود كل مرة يبدا بشهر 11 لو 12 هالمرة مستعجل علينا بس الله وين اكو احلى من الشتاا خليت ودخلت بيها بساع لا تتمرض نومتها وخليتها بالكاروك 

وغطيتها وشغلت التدفئة وطلعت من الغرفة ماما وبابا كاعدين بالاستقبال لمحتهم من بعيد ضامها لحضنة ويباوع

 للاخبار وهية مندمجة وياه ابتسمت على منضرهم ودعيت الله يحفظهم ويطول بعمرهم وميحرمنا منهم ,صعدت فوك محمد طالع هوة ووداد 

يجهزون وحسين نايم اجة من الدوام تعبان وضوجة مااعرف شسوي وين اروح خليت ودكيت على امير كتلة اريد اجي يم

 البنات ضوجة اتونس شوية كال تمام اطلعي اني بالباب واكف جاي اغسل بالسيارة كتلة تمام نزلت كلت لبابا كال روحي صعدت بساع لبست العباية 

والشال واخذت مبايلي ونزلت فتحت باب الكراج شافني ابتسم مشيت وصلت يمة همس احبج ابتسمت وكتلة اموت

 عليك ودخلت للبيت بساع تلكتني عمتي بوستها ودخلت يم البنات سلمت عليهم وكعدت وبدينا نسولف ونضحك لحد مادخل يمنا امير وكعد يمي وضل يكلب بمبايله واني مندمجة وية البنات .

يتبع ...