رواية يأس القلوب (2) الفصل السادس عشر 16 - بقلم رودي

part56

                                        

                                              

‏وانه كل الي رِدته ألزم چَفوفك واگُلك ضاگ صَدري

                              

طالب 

كال الدكتور هيج واني تبهذلت احوالي ،مادري شلون كمت من الكرسي وركضت للغرفة وكفت يم الباب شفتها كاعدة على السدية 

                              

وتبجي ،الدكاترة من شافوني ابتسموا وطلعوا وهية باوعتلي وبجت وخلت ايدها على وجها مشيت بساع وصلت يمها وشبكتها حيييل 

                              

كل قوتي وحجيت وينج عني بوية وينج وبستها براسها وبخدها سحبت اديها بوستهم وجسمي يرجف مامصدك لزمت وجها باثنين 

                              

ادية وحجيت والخوف سيطر على كلامي اخر مرة هاي مو اخر مرة ،بعد ماتعوفيني وشبكتها وهي بعدهي تبجي رجعت حجيت 

                              

واني ساند راسي على كتفها سمعيني صوتج يبعد حيلي مشت ايدها بهدوء على وجهي وكالت طلوبي ولاول مرة بعد ٨ ايام ضحكت 

                              

من كل كلبي روحة وعمرة وكلبة وعيونة وحيلة لطالب ابتسمت وحاوطتها بايدي وهية راسها على صدري وحاضنتني بستها 

                              

براسها  وكالت بتعب بنتي وين طالب همست واني ابوس ايدها موجودة ياروحي ارتاحي واجيبلج ياهة رجعت كالت البنات الولد

                              

 وينهم اريد اشوفهم كتلها اجيبهم الج والله اجيبهم بس ارتاحي نومتها على السدية وغطيتها وجاي اصيح حسين لزمتني من ايدي وكالت 

                              

وهية تريد تبجي وين راح تعوفني بوية كالت هيج وسحنت روحي سحن ،بست ايدها وكلت بهدوء ماعايفج ياروحي انتِ بس اصيح 

                              

حسين هزت راسها طلعت جان يفتر بالممرات ،صحتله حسين تعال ،ودخلت للغرفة اجة بساع دخل وكبل راح كعد بالكاع وباس 

                              

ايدها وراسها ويحضن بيها واني مادري شلون متحمل وهية هم ضلت تبجي واني اكثر شي يضوجني من اشوفها تبجي ،وبالكوة 

                              

تحجي بعدها تعبانة كعدت على القنفة واباوع الها وبدي اكعد كبالها واسكت مااسوي شي بس اصفن بوجها بس التعب اكلني اكل ،بس 

                              

انتجيت كبل غفيت ،مادري شكد ضليت نايم بس فزيت فتحت عيوني على كيف حسين يمي على القنفة نايم اجت عيني على 

                              

جوري نايمة طلعت مبايلي شفتها الساعة ١١ ونص كمت بهدوء وجسمي متكسر تكسر تقربت يمها بستها براسها ومسدت على 

                              

شعرها وهية فتحت عيونها بهدوء ابتسمت وهية ابتسمت ومالت راسها تموتني بهاي حركتها ،ادنت شوية كعدت يمها على السدية 

                              

 وامسد بايدي على شعرها بهدوء وهية شابكة ايدي الثانية ،همست ليش هيج متعب روحك شصاير بيك ؟كلت واني بالكوة مفتح عيوني

     

                

 من النعاس مابية شي ماتعبان شوفيني كالت بهدوء اي مبين دشوف عيونك شصاير بيهم سودة علية كلت واني ابوس اديها اسم الله عليج 

جوريتي ،همست بهدوء من نمت جابولي بنتي شفتها وابتسمت وكالت مسميها غلا شكد حلو وسكتت وكالت موتحبها اكثر مني ها 

ضحكت بهدوء وكتلها بيا وضع انتِ بعد روحي وتغارين ،ودنكت عليها بستها بخدها وكلت هذا يا مايستحي يحب بنته اكثر منج ها 

كوليلي دنت وكالت بهدوء نام هنا يمي واني ماكلت لا كبل تمددت وضميتها لحضني واكثر شي مفرحني موخرين كل الاجهزة منها 

الحمدالله والشكر،شبكتني وخلت راسها على صدري وتجر نفس بهدوء لحد ماغفت واني صافن بوجها وامسد على شعرها لحد ماغفيت .

حسين 

فزيت الصبح مبايلي يدك اباوع محمد جاوبته بنعاس وسم شعندك داك من صباح الله كال اي طايح الحظ غير البنات موتني مفعلات 

وضع الفرحة بعدروحي شلونها امي سمعني صوتها باوعت الها وابتسمت هاطلوبي ها وين نايم ،كتلة بضحك شسمعك 

بعدروحي ،غير ابوي نايم يمها على السدية امك هم لوتية تلكاها هية صاحته تدري ابونا فقير سودة علية ضحك وكال ملعون بطل هاي 

سوالفك شوكت ترجعون للبيت ؟كتلة ان شاء الله اليوم نسوي ورقة الخروج ونطلع باوع افرش السجادة الحمراء ماامشي على الكاع 

اني واريدكم تستقبلوني بهوسات ومهاويل ،كال جان سويتلك خوش استقبال يليق بيك وبحضك الطايح بس تدري محرم كتلة خوش لعد 

شغلي باسم الكربلائي ضحك وكال ملعون ولي دوختني رايح اتريك وشلون ريوك اخ الله يفوتك ،كتلة سم وعافية على كلبك المتروس 

بنات اذا مااخلي وداد تفسخ الخطوبة وازوجها لمصطفى اصبرلي كال من ترجع للبيت تعرف بيمن اكتلك كتلة ههه شبيك بعدروحي 

صاير ماتتحمل شقة يلا روح اكل خليني اكمل نومتي دوختني من الصبح شكد تحجي وهدهد مدري وداد شلون متحملتك ماادري كال 

مشكور بعد اخوك ضحكت وكتلة تاج راسي وسديت الخط ،وكمت وكلت يالله وكفت كدامهم واخذت الهم صور وهمة نايمين وجاي 

اطك واشتغل الفلاش وكعد ابوي مسح كصته وكال بعصبية ونعاس الكتلة صارت كتلتين اصبرلي حسين ،كتلة ارجع نام بعدروحي 

ماافيدك اني ،كام من السدية وغطة امي وهية بعدها لازمة ايدة ابتسمت وكتلة خرب يومكم شكد حلوين غرت الة ازوج 

        

          

                

اصبرولي  ضحك ابوي وكال دولي من وجهي وراح يغسل واني رحت وياه غسلنا وطلعنا ،للكافتيريا تريكنا وهم اخذنا ريوك 

لامي ،بعدين رحت سويت ورقة الخروج ،ونوب رحت اتطمن على غلا ،استاذنت من الممرضة حتى اخذها يمنا بالغرفة وطلعت واني 

شايلها ومبتسمة بوياي شهل الاخت الحلوة ملعونة شهل جمال بستها وصارت بوجهي فدك لا اله الا الله ابتسمت وكالت يوم تشيل بتنا 

ان شاء الله تنهدت وكتلها بهذا الوكت يمكن عقلي فالت لو شوف شني لين مامعقولة اني اقبل بيج لو اريدج وعفتها ومشيت هيج 

احسلج الة افشلج ،دخلت للغرفة شفت ابوي يساعد امي علمود تاكل خليتها بحضن امي شبكتها وتبوس بيها وابوي واكف يمها ويناغيلها 

وهية مبتسمة ،كتلة يابة اخذت الوصفة مال دوة وسويت ورقة الخروج كالوا تكدرون تطلعون ،وصحتهم اثنينهم عال العال 

والحمدالله ابتسم ابوي وكال الف الحمدالله ،كملت اكل واني باعتباري المرافق مالتهم لميت الغراض بالجنط وغلا بالحافظة 

مدري شيسموها المهم هاي نفس الكاروك بس تنشال بالايد يخلون بيها الطفل اني اسميها حافظة همة مدري شيسموها ،كمت الجنط 

وابوي يساعد امي بالعباية شلت غلا والجنط بايدي الثانية وطلعنا وابوي ساند امي ويمشون واني كدامهم ،وصلنا يم السيارة فتحها 

ابوي خليت الجنط وخليت غلا وصعدنا امي يمها وابوي كعد يمهم واني سديت الباب وصعدت وبديت اسوق ،وعيوني بالكوة افتحهم 

نومتي خربت بهل ايام وجسمي مكسر نومة الكرسي تكسر الظهر ،وصلنا للبيت دخلت السيارة بالكراج والعائلة الكريمة كلها 

منتظرتنا بالكراج ونزلنا وصار هجوم على امي وناس تشبك منا وناس منا واني ميت ضحك عليهم ،شالت غلا بين ادية وكتلهم 

مااخليكم تشوفوها ودخلت ركض وابوي يصيح ورايي حسيين 

لاتطيح منك وهمة يركضون وراي وسارة تكول بضحك لاحسين الله عليك خلي اشوفها ضحكت وكفت والتمن عليها ويبوسن بيها 

وهي تضايقت وخرتها وكلت ماتتحمل وخرن منها وهنة كزكزن 

عليها واروح منا ويجن منا موتني لحد ماكعدت على القنفة وضامها 

لحضني وهنة مسطرات يمي ويناغن الها واني مبتسم واكلها الله يساعدج بعد روحي شيخلصج منهن بعد انطيتها لريحانة وصار 

العرك عليها ،عفتهم وصعدت فوك كبل دخلت سبحت ،وبدلت وكفت مشطت شعري ورشيت عطر وخليت مبايلي على الشحن وكبل شمرت روحي على الجرباية وغفيت .

        

          

                

طالب 

 دخلت تسبح وسارة دخلت وياها تساعدها واني اخذت ملابسي ورحت سبحت بالحمام الثاني ورجعت دخلت للغرفة واني انشف 

بشعري وهية ممدة والبنات محاوطاتها ويضحكن وهية متونسة عليهم ابتسمت على منضرهم ووكفت امشط وشبكني واحد من ورة 

درت وشفته علاوي ضحكت وشلته وشبكته وكلت هلا بعلاوي هلا بحبيب ابوه بسته وهوة متعلك بركبتي ويبوس بية ويكول 

اشتاقيتلكم  اني بسته براسة وكتلة ميت عليك يبعد ابوك وكعدت 

على القنفة وهوة بحضني ويسولفلي شسوة هلايام واني اضحك على 

سوالفه ومريم كالت يلا علاوي حبيبي نروح نباوع على التلفزيون ونعوف ماما وبابا يرتاحون وغلا هم حتى من تكعد نلعب وياها 

باسني وركض باس امه من خدها وكال يلا امشينا طلعوا وسدوا الباب واني كمت تمددت على الجرباية ،وجوري تقربت يمي 

وحضنتني وكالعادة خلت راسها على صدري ونامت واني غفيت وبعد ماحسيت بشي .

ريحانة 

طايرة من الفرح واروح منا واجي منا ويموييي غلا اريد اكرطها هييج اكلهاا ،تخيلت تصير عندي هيج بنية وكزكزت يمة اريد اجيب

 بس علمود اشيلها والبنات يضحكن علية دكيت على باسل واسولفله ومتحمسة وهوة يستمعلي ويضحك وكال اشتاقيتلج كتلة باحراج 

اعذرني باسل عود انتَ جاي من الالتحاق وتعبان والتهيت وياي تاخذني وتجيبني حتى ماارتاحيت كال لاتحجين هيج 

وتضوجيني ،ياعيني عليمن اعذرج ليش تخليني ادوس ببطنج صايرة مدري شلون تحجين ضحكت وكتلة ويعني ينطيك كلبك 

تدوس ببطني تنهد وكال كلبي اخ منة يحبج ومايكدر ضحكت وكتلة واني اموت عليك حبيبي موبس اني حتى اطفالي ضحك وكال افديكم بوية وضلينا نسولف ونضحك .

سارة 

كاعدة بالحديقة واحجي وية نازك بالمبايل طبعاً بعد مالكفتها هية وحسين سولفتلي كلشي ويايمة شكد فرحت الهم من زمان متمنيتها  

اله ،ومن غير فرحتي بماما ياعيني اليوم حلو وفرحانة 

واخيراً ،صعدنا اتصال اني ونازك وكالت بضوجة حسين وين ،كلها 

نايم تعبان ،كالت محاجين هلايام لين التهى بالمستشفى ومشتاقتله ضحكت وكتلها عيني عيني يمة تبيعين ثكل ويمي يروح ضحكت 

وكالت شبيج سارة بعدين احنا مجرد اصدقاء كتلها اي اي اصدقاء ،وضلينا نسولف لحد ماصاحوها وراحت ،طلع علاوي 

يلعب بالطوبة وكمت جاي اسد بالباب وسمعت صوت ضحك امير ،وعلاوي يكلة الله انتَ تضرب الطوبة حيل علمني ابتسمت 

        

          

                

يعني ديلعب وياه طوبة مديت راسي محد بالشارع وكلت علاوي تعال ادخل واني جذب موعلمود علاوي شافني امير كبل دخلت 

راسي وجاي اسده ودفع الباب بهدوء ومد راسه باوعلي ورافع حاجبه واني الثولة ابتسمت اله وهوة نسة العصبية وابتسم ، دخل 

وانتجة على الباب واني منتجية على الحايط تقرب باسني بخدي وكال شلونها الحلوة ،كتلة زينة وانتَ هز راسة وكال 

الحمدالله ،وكف يمي وحاوطني بايده وكال شكو واكفة بعيد عني غير تشبكيني ابتسمت بخجل وكتلة شو وخر خلي ادخل احسن 

باسني بخدي وكال وليش تدخلين ،دهر فرة سحن روحي سحن ملت راسي على صدره وكلت اروح يم البنات كال وهوة يمسد على 

شعري لعد واني تعوفيني وتدخلين ،خلاني تبهذلت ماعرفت شحجي ضحك وضلينا نسولف وهوة محاوطني بايده وكالساع يبوس خدي 

ويكول ضعفانة يولي خدودج راح يرحن واني اضحك عليه وشوية وعلاوي  دخل وكله يلا تعال خلي نلعب راح تصير دنيا ليل وبعد 

مااكدر اطلع ابتسم امير وكال جايك حبيبي بس دقيقة ،طلع علاوي 

وهوة كال وهوة يعدل شعري ،يلا اني اروح مااوصيج بعد طلعي راسج علمود اعرف شلون احاسبج ابتسمت وهزيت راسي وهوة 

باسني براسي وطلع سديت الباب وانتجيت عليه وكلت احبه ياناس احبه. 

بعد مرور ساعات 

حسين 

نايم وفزيت على صوت المبايل يدك فتحت عيوني بنعاس وكلت استغفرالله مايكولون واحد تعبان يريد ينام ،مديت ايدي اخذت المبايل

 من الميز اباوع ماكنويشة ابتسمت وعدلت كعدتي عمي اموت على هيج كعدة ومن عندج فتحت خط وكلت الو ردت هلاو حسين شلونك 

كتلها هلا ،زين وانتِ شلونج كالت اني تمام ،نايم وكعدتك مو بس شسمة اشتاقيتلك ،هية كالت هيج واني صحصحت والابتسامة شكت 

الحلك ،كتلها افدي اليشتاقلي اني ،كلت بكلبي ايي بوية بدا الحب خلي نختبرها شوية ،رجعت كلت اعذريني التهيت بالمستشفى بعد 

تدرين بالوضع وماكدرت احاجيج وهم اريد اصارحج بشي ،كالت شنو ؟كتلها بالمستشفى ،حبيبتي السابقة فدك وصراحة كالساع تجي 

يمي وتطمن علية وسولفت وياي وراضتني وطلبت من عندي نبدأ بداية جديدة واني كلبي حن الها واشتاقيت لأيامنا سوية ،فهسة رجع 

كلشي طبيعي بيناتنا واحب انهي كلشي وياج والله يعوضج بالاحسن ،احجي وهية ساكتة كتلها ها نازك ،كالت بقهر زين اذا

        

          

                

 انتَ تحبها وتدري بروحك متكدر بدونها شكو خليتني اتعلق بيك وهسة جايني تريد تنهي كلشي ،وسكتت ورجعت كالت وصوتها 

احسة مختوك وبالكوة تحجي ،اخذ راحتك مااحب اضغط عليك ولا افرض نفسي على شخص مرايدني ،الله يسعدكم وسدت الخط لا يالله 

هاي مومال شقة رجعت دكيت عليها مترد هسة اني شكو سويت بيها هيج ،ومن كالت تعلقت بيك اكيد تقصد تحبني اويلي يابة رجعت ادك 

عليها ماكو كمت طلعت من الغرفة ادور على سارة المنقذة ،مالكيتها بغرفتها نزلت لكيتها بالاستقبال كتلها سارة بس انطيني مبايلج شوية 

كالت شتسوي بيه حكيت لحيتي وكتلها دنطيني ،فتحتلي ياه كتلها ادخلي على محادثتج انتِ ونازك دخلت وانطتني ياه كبل دكيت 

عليها واجاني صوتها وهية تبجي سارة همزين خابرتي وشهكت سارة شوفي حسين شيكلي واني ساكت طلعت من الاستقبال كعدت 

بالحديقة على الكرسي وهية كالت رجع لفدك شوفي اني شورطني وياه شورطني وحبيته من البداية اصلا هوة اني هذا حظي وبجت 

واني شصار بية ،همست بدون مقدمات او مبررات احبج ماكنويشتي وابتسمت وهية سكتت كالت حسيين كتلها روحة والله 

كالت انطيني سارة شكو داتحجي وياي موماتريدني ،همست دسكتي بلا وانسي الكلام الكلته اشاقة وياج جنت شمدريني انتِ ام دميعة 

وحساسة ،يابة تروحلج فدوة فدك ياعيني انتِ ،سكتت واني سكوتها يموتني همست يابة دحجي موشلعتي كلبي كالت بسرعة والله ترا 

اني احبك هية شنية بعد مااكدر اكتم ضحكت بصوت عالي وكتلها اويلي يابة اموت عليج شتحجين ،بعدين تعالي ماعدنا بنات يحبن 

كعدي وسكتي ضحكت واني ضحكت ورجعت كلت يابة احبج وهية سكتت تستحي وضليت اسولف وياها مشتاقتلها لحد ما خلص شحن 

مبايل سارة بوية هسة تخبصنا ،انطيته المبايل وضلت تصيح واني صعدت وخابرتها من مبايلي وضلينا نسولف .

طالب 

فزيت من النوم على صوت غلا تبجي ،فتحت عيوني بنعاس اباوع جوري منتجية على تاج الجرباية ومخليتها بحضنها وتلوليها 

ابتسمت على منضرهم وعيوني بالكوة مفتحتهم من النعاس وانتبهتلي جوري وغلا سكتت خلتها بهدوء بالكاروك وتقربت 

باستني بخدي وكالت صح النوم حبيبي وشبكتني ابتسمت وشبكتها وكلت شلون ارتاحيتي من نمتي كالت اي كلش ارتاحيت الحمدالله 

        

          

                

همست الحمدالله زين تحسين باي وجع ؟كالت لا والله ولو اتوجع اكلك مسدت بهدوء على خدها وهية كالت اني احبك همست بكل 

حب واني اموت عليج ،روحي انتِ ،مسدت بهدوء على خدي وكالت شصاير بيك باع السواد الجوة عيونك من التعب سودة علية

 كلة من وراي وعيونها دمعت واني شصار بية مباشرتاً شبكتها وكلت اسم الله عليج ياروحي انتِ شنو هذا الحجي بنيتي ؟ازعل 

عليج اذا عدتي بعد مرة شعندي غيرج اني بوية ونزلت دمعتها بهدوء مسحتها وبست عينها وكلت مااقبل تبجين دموعج غالية 

ابتسمت وطكتها ببجية وكالت والله احبك ضحكت بصوت عالي وكلت يابة والله اموت عليج ووغلا بجت وهية شابكتني ماتقبل تكوم 

ضحكت وكتلها كومي البنية تبجي شبكتني حيل وكالت بضحك اما مااكوم يلة وباستني بخدي وتحاول تدغدني بخدودها عود شلون 

ادغدغها بلحيتي وموتتني ضحك وطار النوم من عيوني باستني بخدي وكامت على كيفها وغلا اول مابجت كبل سكتت بس هية كامت الها وتبوس بيها وتسكت بيها وبعدين 

نامت ،ورجعت يمي شبكتني وتسولف وياية وتضحك واحسها بهاي سوالفها تعوض كل تعب هاي ال٨ ايام .

باسل 

طلعنا من البيت اني وامي وابوي ،رحنا لبيت عمي طالب وصلنا ،نزلوا واني طفيت السيارة ونزلت وراهم استقبلنا محمد 

ودخلنا بالاستقبال ،شوية ودخل عمي طالب وتحاضنوا هوة وابوي صار ١٠ ايام مامتشاوفين وابوي يتعذر منه ويكله والله ملتهي 

بالموكب وتدري بعد وردت اجي مباشرتاً بس ماكدرت وعمي يكلة صدك جذب عزيز مايحتاج خوية اهم شي خابرت وسألت وهاي 

كلش كافية ،وامي دخلت يم البنات وكعدوا يسولفون واني مندمج وية محمد وحسين ،طلعنا للحديقة ،نسولف ونضحك ولمحت حبيبة 

روحي بالمطبخ تغسل بالاماعين ابتسمت على شكلها وكالساع شعرها ينزل وتوخره استاذنت من الولد وتمشيت على كيفي 

وانتجيت على باب المطبخ وكلت بضحك بس بس وهية كمزت شافتني وصاحت باسل غسلت اديها وشبكتني ركض ضحكت 

وحضتنها حيل ملعونة مشتاقلها شبكتها حيل وبستها بخدها وكلت شلونها حبيبة روحي وهية باستني بخدي وكالت عوفك من شلوني 

شنو حليان بغيابي عينييي وكرصتني ضحكت وكتلها ها بدينا شوفيني اصلا ذبلان بدونج سوت حركة حلكها من تفره تخليني 

اموت من الضحك وكالت اي مبين سودة علية ضحكت وهية لزمتني من ايدي وخلتها على بطنها وكالت يسالون عليك ابتسمت 

وكتلها اروحلهم فدوة اني ،وخري من يمي موعيب عليج تحضنيني لايدخل احد ضحكت وكالت يا يا يا خوش مو الة اشبكك وخلي 

يدخلون شبكتني حيل وتضحك واني اضحك على سوالفها بستها براسها وكلت يلا خلي اروح يم الولد عيب ،كالت تمام واني اروح 

احضر اغراضي حتى اروح وياكم كتلها تمام وبستها بخدها وطلعت  رجعت يم الولد .

طالب 

شوية وراحوا بيت عزيز وراحت ريحانتي وياهم ،كعدت بالاستقبال وحسين راسة بالمبايل وكاعد يمي اباوعلة يراسل مدري منو 

وفاصل وساعة يضحك وساعة الابتسامة تشك حلكه واني اباوعله بتك عين ،كتلة حسين مارد مندمج بالمبايل طكيته على ركبته وكلت 

حسين مو احجي وياك كمز وكال ها يابة اعذرني مامنتبه جاي احجي وية نازك ......

يتبع ....