رواية يأس القلوب (2) الفصل الخامس عشر 15 - بقلم رودي

part55

                                  

                                        

من ضوه عيونك بديت اعشگ شمعتك

 انه ما أعرف الفرح الابضحكتك .

                        

طالب 

كاعد كبال الغرفة البيها جوري ،العناية المركزة ومايسمحون لاحد يدخل يمها حسيته مويوم سنة ،وصيت امير يرجع سارة للبيت 

                        

ويرجع يرتاح ماقبل يروح من يمي بس جبرته يروح ،وحسين كاعد يمي وايده على راسه ،شوية ودخل محمد يركض وصل يمي والقلق 

                        

والتعب مبين على وجهة ،كال ها يابة امي شلونها حرت شنو اكلة دخلت بغيبوية وحالتها موزينة لو شنو ؟حسين كام وكلة تعال راح 

                        

وياه ووكفو يسولفون على جهة واني الكلمة بالكوة تطلع مني ،اللهفة انطفت والحيل انهد ،عود اني ملتحق ومتلهف ارجع للبيت بس 

                        

علمود اشوفها واحضنها وتزيل كل التعب ،الحمدالله والشكر على كل حال الي كاتبه الله يصير ،طلعت محفظتي من جيبي وابتسمت 

                        

بقهر واني اباوع لصورتها وهمست موتعوفيني جوري ،اني حالي يبجي من دونج بيمن التهي بوية واني سولتي عيونج ؟ تلمست 

                        

صورتها بهدوء  وتنهدت وهمست وصوتي يرجف موتعوفيني  ضميت محفظتي وكمت تمشين للخدج وكفت اباوع من الزجاج الي 

                        

يفصل بيني وبين الخدج اباوع لغلا ،نايمة بهدوء والممرضة تفحص بيها من طلعت سالتها على حالتها كالت شوية تعبانة لين انولدت 

                        

بشهر الثامن وراحت ،تمشيت ورجعت لمكاني كعدت وحسين ومحمد كاعدين باوعت عليهم وكلت بهدوء واحد منكم يرجع 

                        

للبيت ،يم سارة وعلي لاتعوفوهم بحدهم ،اباوع اثنينهم مايقبلون يرحون بوية شلون راح يخلوني امدهم هنا بنص المستشفى ،حسين 

                        

كال يابة انتوا ارجعوا للبيت ارتاحوا جنتوا بالدوام واني ابقى هنا ،كتلة لا اني ماارجع باقي هنا ،حسين تنهد وكال كوم محمد 

                        

ارجع ارتاح وتعال باجر الصبح ،ومحمد مامقتنع وبالكوة راح ،واجة حسين كعد يمي .

                        

ريحانة

فزيت على صوت مبايلي يدك ،استغربت منو داك علية بنص الليل ،باسل جان محاوطني وخرت نفسي على كيف وكمت للمبايل 

                        

مخليته على الشحن اباوع ،سارة تدك بساع فتحت خط كتلها باستغراب الو ها سارة ؟واجاني صوتها تبجي يمة كتلها بخوف 

                        

سارة شكو شصاير بيكم شي احجي وياج جاوبيني ،كالت ببجي ريحانة ماما موزينة جابت والمستشفى ويكولون  دخلت غيبوية 

                        

وبجت هية كالت هيج ،واني سكتت ماعرفت شنو احجي بس دموعي ضلت تنزل عشرة عشرة الخط انسد واني ماسيطرت على 

 

                

روحي كعدت بزواية الغرفة ومنتجية على  الحايط ودموعي تنزل اريد اتحرك بعد مااكدر وجسمي يرجف بقوة شوية وشهكت بصوت 

عالي وايدي على عيوني وبجيت حييل ،وفز باسل واني مستمرة ابجي رفع راسه شافني بساع شمر اللحاف وكام ،اجاني كومني 

ولازم اديه وكال بقلق شبيج تبجين ؟اني مااسيطر اوكف شمرت روحي بحضنه وانهديت بالبجي وهوة مستغرب مايعرف شبية مسد

 على راسي وكال باباتي شصاير شبيج احجي لاتخوفيني عليج ،شهكت وكتلة باسل امي دخلت غيبوبة امي وضليت ابجي 

واردد وديني الها وديني الله عليك اريدها اريد اشوفها واحجي وكل جسمي يرجف ،همس بهدوء هاهية اسكتي لاتبجين راح اخذج ،وين

 المبايل سحب مبايله من الميز ومدري عليمن دك وكال الو ها عمي شصاير خير ان شاء الله ؟ ورجع كال الحمدالله على كل حال ،مابيها 

غير العافية ان شاء الله بيا مسشتفى كلي خلي اجيك ؟لا ميصير والله كلي تمام جاي ،سد الخط وبساع لبس تركسوده واني لبست عبايتي 

ومدري شلون لفيت الشال ،اخذ السويج ونزل كدامي وكفت يم الرج وكتلة بتعب باسل عفية تعال مااكدر انزل وشهكت هوة صعد بساع 

سندني ونزلنا ويمشي بية على كيف ،صعدني بالصدر وهوة صعد بدا يسوق وكال راح اوصلج لبيتكم عمي كال وديها يم سارة محد 

يمها هزيت راسي واني امسح ،وصلنا للبيت نزل فتح باب السيارة ونزلني على كيف وصدفة محمد هستوة اجة للبيت سلم عليه باسل 

وراح للمستشفى واني  دخلت اني ومحمد وشابكته وابجي وهوة مقهور سودة علية ويحاول ميبين الي ويسكت بية ويكلي مابيها شي 

دخلنا لكيت مريم جاية هم وكاعدات بالاستقبال وشابكة سارة تسكت بيها وعلاوي نايم ميدري ،اني بس شفت البنات هيج كبل بجيت 

وركضت يمهم ومريم شبكتنا اثنينا ومحمد ماتحمل عافنا وطلع ،مريم كالت وهية تمسح بدموعها مايصير هيج ترة كافي بجي

 كافي ماما ان شاء الله مابيها شي وترجع النا ،ميصير نبجي موزين ،وابتسمت بقهر وكالت هية كالتلي  مااعوفكم مرة ثانية 

وعدتني شبيكم ،هزيت راسي وكتلها واني امسح بدموعي ماتعوفنا هية كالت وسارة ساكتة متحجي اي شي بس دموعها تنزل ،مسحت 

دموعها وكلت بهدوء هاهية سارة اسكتي ماما مبيها شي وراح ترجع النا زينة وهية بس صافنة وهمست بهدوء البارحة كدام عيني 

        

          

                

ماتت من الوجع ،واركض بيها منا ومنا ،لو ادري من نروح للمستشفى تدخل غيبوبة جان شبكتها قبل لاتدخل ،وبجت حيل 

وايدها على عيونها وجسمها كلها يهتز واني كالت هيج ورجعت ابجي وياهة .

في اليوم التالي 

طالب 

للصبح عيني ماغمضت ولا اجاني النوم ،فزيت على صوت باسل وهوة ينطيني كلاص الجاي اخذته من ايده وشربت بس علمود 

اصحح وتروح الدوخة ، دكيت على محمد اطمن على البنات وكتلة ديربالك عليهم ،ولاتخليهم يبجن ،ماكو شي ان شاء الله 

وطمنهم ،وسديت الخط هههه اطمن بيهم وكلبي محترك ، ابداً ماابين الهم التعب الجاي احس بيه ،اني سندهم بالاوقات الصعبة 

وهمة سندي وتعبهم من تعبي ،رغم كلشي ابقة صامد لين املي بالله سبحانه وتعالى كبير واعرف مايخيب ضني ،اجة حسين يمشي من 

بعيد جايب من خارج المستشفى الدوة الي طلبه لدكتور لغلا ،كمت علمود اشوفها واطمن عليها ،شايفها من بعيد مامتقرب منها حتى 

ماشلتها بايدي ،طلبت من الممرضة اشوفها ،وجابتلي ياها شلتها بهدوء وايدي رجفت وابتسمت بقهر وهية تبجي بشرتها ناعمة حييل

 وبيضة ماخذة بياض جوري وشعرها اسود وعيونها مبينات عسلي فاتح حييل ياروح ابوج عيونج على عيوني ؟تشبهيني انتِ ؟سكتت 

وصافنة بوجهي همست بهدوء تردين تشوفين ماما انتِ وهية ساكتة ورغم اجت بالثامن بس وزنها زين الحمدالله وملامحها بالكوة 

تنشاف من ورة خدودها ،قبل لا ترجعها الممرضة اخذت الها صورة ورجعتها الممرضة واني روحي صارت بيها ،ضليت واكف 

اباوع عليها من بعيد وهية تتحرك لحد مارجعت كعدت بمكاني والدكاترة طابين طالعين للغرفة ،وبس اريد واحد يطمني عليها 

ماكو ،شوية واجة احمد سلم علية ووكف يم الولد ولازم جنطة بيده تقرب وكال ها عمي مريم دزيت بيدي هاي الملابس الك لين باقي

 بملابس هزيت راسي واخذتهم منة ورحت بدلت ورجعت لكيتها صايرة هوسة نص الاقارب جايين واني منا شلون عندي خلك  .

حسين 

رحت للصيدلية حتى اجيب وصفة الدوة مال غلا ،اخذت الدوة ودخلت للمستشفى وتلاكيت وية فدك استغفرالله ياربي مشيت سويت

 روحي مااهتميت الها مالي خلكها بس هية وين عيونها شكبرهم وتردوها ماتشوفني صاحت حسين هاي انتَ ،مااهتميت 

مشيت ،رحت انطيت الدوة للدكتور وهية تمشي وراي خرب يومج شني من كرامة شايلة ،وكفت ودرت عليها هية وكفت وكالت حسين !شبيك متوكف فحطت واني اركض وراك ،كتلها شتردينً؟

        

          

                

كالت امك هنا بالمستشفى مو شفت ابوك متوقعتك موجود،كتلها وهسة شرايدة فضيني ؟ كالت حسين اسمعني ولاتروح اني احبك 

ابتسمت وحكيت لحيتي وكتلها شايفة بطل المغذي الي هناك ؟كالت اوو شدخله المغذي اي شايفته ،خزرتها وكلت اذا ماوخرتي من يمي 

اطكج بيه على راسج بلكت عقلج الفالت يرجع بمكانه وعفتها ومشيت اني حال الضيم حالي وكلبي محترك على امي وهية تكلي 

احبك من حبتج حية ام راسين ان شاء الله من هذا راسج المدعبل ،رجعت يم ابوي خوالي واكفين يسولفون وياه مسوين 

المستشفى كهوة مولاعبالك مكان خاص للمرضى استغفرالله هستوهم راحوا وابوي رجع كعد وباسل واحمد كاعدين يمه ،شافني

 ابوي كال ها جبت الدوة كتلة اي جبته ووديته للدكتور ،طلعت مبايلي شفت نازك مراسلتني ومتحمدة لامي بالسلامة وتدعيلها 

ابتسمت وكلت بكلبي اي يابة هنا الادب والاخلاق موهناك نوب فوكاها دكتورة امدة السواج دكتورة المريض ماتركضين عليه مثل ماتركضين وراي .

ريحانة 

سويت الغدة بس محد اله نفس ياكل ،محمد طمنا على ماما وحذرنا من البجي لين كال بابا كلش متعصب من سمع بينا فسكتنا والبجي 

لايقدم ولا يأخر ،صبيت اكل لعلاوي وبعدين دخل سبح طلعت اله ملابس وبدل ومشطت اله ورشيتله عطر كال بضوجة ريحانة لعد 

وين ماما اشتاقيت الها ،بلعت ريكي وكتلة حبيبي ماما شوية مريضة واخذناها للمستشفى حتى تتحسن حالتها وجابت بنوتة حلوة صار 

عدنا اخت جديدة ابتسم وكال الله وشسمها ابتسمت وكتلة اسمها غلا ،كال اممم غلا طالب حلوو شوكت تجي اريد اشوفها كتلة بعد

 موهسة وهية هم تريد تشوفك كال خوش لعد راح اشتري الها لعابة واضمها من تجي انطيها الها ضحكت وكتلة تمام ،وراح يلعب بالبلي

 واني دخلت لغرفة ماما نشد بالكاروك اني ومريم وسارة كاعد تصلي ،كملنا الكاروك ورتبنا واملنا بالله كبير ماما ترجع للبيت 

ومكانها ميضل خالي ،بدلنا نزلة الجرباية وخلينا نزلة جديدة والبردات هم رتبناهم ،ومسحنا الغرفة وعطرناها صارت كلش حلوة

 اساسا هية الغرفة حلوة ،ورتبت ملابس غلا بالكنتور ماما مجهزة الها كلشي تكومين بالسلامة يابعد روحي انتِ ،البيت خالي بدونها .

بعد مرور ايام 

طالب 

كاعد كبال الغرفة وبالكوة مفتح عيوني التعب سيطر علية ،بس مااروح للبيت ولا اريد ارتاح خاف تكعد وتريدني وتلكاني بعيد 

        

          

                

عنها ،تبهذلت بهاي الايام لاشغل ولا اي شي تارك كلشي ومكابل الغرفة وكاعد وناس تروح وتجي مامهتم ،كلبي نار عليها ،الضغط 

موتني بس عادي بقت عليه ،غلا تحسنت صحتها للاحسن وتعلقت بيها وكالساع اروح اشوفها ومرة ابتسمت الي بوية سحنت روحي 

سحن بوقتها ضليت ساعة كاملة مكابل الخدج ،صحيت من صفنتي على صوت حسين يحجي مدري وية منو رفعت راسي شفته يحجي 

وية دكتورة بس منو هاي اعرفها موغريبة علية ،اي تذكرت هاي فدك ،رفعت حاجبي باستغراب شعدها تحجي وية حسين ،كمت 

بهدوء سمعته يكلها بابا انتِ ماتفهمين اكلج ولي مني شنو عندج خفر بالمستشفى تكليلي تعال اكعد يمي ؟خليت ايدي على كتف حسين 

وكلت العفوا شصاير ؟رايدة شي ؟بلعت ريكها وكالت اهلا عمي كتلها عندج اي معلومات عن صحة المريضة وجاي تخبرينا بيها ؟

كالت ها لا كتلها لعد شكو ؟سكتت كتلها بهدوء بابا عيب هاي التصرفات متليق بدكتورة امشي كملي شغلج وعوفي الولد 

بحالة،ومااعتقد اذا والدج سمع بهذا الكلام راح يعجبه الرضع فانتبهي لنفسج وشوفي حياتج امشي حسين ،ورجعت كعدت وحسين 

كعد يمي وهية راحت ،كتلة بعصبية شكو داك سوالف وياها شنو نسيت الصار ؟كال يابة ياداك سوالف،والله ماطايقها بس هية طفلة

 وتبقى طفلة وسكت ،استغفرت الله وكتلة مترجع للبيت ترتاح ؟كال والله هذا الكلام موجه الك انتَ ماترجع ترتاح لو تعرف بس تدز بينة 

نرتاح كتلة واني انتجي على الكرسي مابية شي اني ماتعبان روح انتَ ارتاح ،كال دشوف نفسك يابوية عيونك محورة حتى وجهك 

ذبلان روح ارتاح كتلة مابية شي كتلك تقرب وهمس شبيك روح ارتاح ترا الدكتور مايبوس امي وهية نايمة وعلي شحده هوة كال 

هيج وكام من يمي بساع كتلة بعصبية واني احجي بهمس نعلعلا ابوك حسين تعال اكعد يمي وشوف شسوي بيك ياادبسز اذا ماامدك 

 هنا بنص المستشفى ،حرك كلبي الادبسز وواكف يضحك ويغمزلي واني اتحلف اله واشر اله بمعنى اصبرلي بسيطة ،تقرب وكال 

طالب وخررر ،وتذكرتها من تكلي طالب وخر وكلبي دك حيل عليها والغصة اكلتني اكل ،كلبي طك عليها ربي صبرني وحسين 

سكت من شافني سكتت ،باوعت للغرفة وهمست ربي اختبارك صعب هالمرة ،اني قابل اختبرني برزقي وبصحتي  بس 

موبيها ،موبنقطة ضعفي  ،محتاجها حيل اريد اشكيلها فراكها بهل ايام شسوة بية وشلون اكلني اكل ،شلون كلبي يبجي عليها شلون 

        

          

                

عيوني تعبن بدون شوفتها ،كل شبر بية ينادي باسمها ،راح حسين للكافتيريا ،ودخل الدكتور وطلع كمت وكتلة دكتور اكدر اشوفها بس 

خمس دقايق ؟سكت وكال تمام بس خمس دقايق اني موزين عليها هزيت راسي ،ووكف الدكتور فتح الباب واني دخلت وسد الباب 

شفتها من بعيد مددة والاجهزة محاوطتها ووجها مبين عليه التعب انتجيت على الحايط ماكدرت اكمل مشي ،سندت روحي ومشيت 

على كيف وتلمست ايدها وقشعر جسمي ،ياريتني ميت وماشايفج بهذا المنضر ،همست بحـزن وصوتي بالكوة يطـلع من حنجرتي  

كـليبي طـولت النومة ...اكعديلي شوفيني موزين بدونج بوية حال الضيم حالي ،هاهية كومي بعد ماازعلج ولا ابجـيج واعوف الدوام 

واكابلج ومااخطي خطوة وحدة يلا اكعدي ...مسحت دمعتي الطاحت علئ خدها وهمست اكعدي انة ميت بدون اكعدي بوية اني مثل 

الشمعة بغـيابج شوية شوية جاي اطفئ اصحيي لاتعوفيني ...بستها براسها وكعت دموعي علئ كصتها وهمست وصوتي يرجف 

اكعـدي وافتحي عيـونج مشتاك لعيونج الحلوات ،صار 7 ايام النوم

 مامر علئ عيوني انهد حـيلي بنـيتي محتـاج حضـنج هـاي الدنـيا 

قاسـية وصعبة مابيها حنـية بدونج اكعديلي ...صار 7 ايام و8 ساعات و35 دقيقة ماسامع صـوتج وهذا اقسئ شي  وكلبي مايكدر 

يتحمله   ،صوتي رجف وضغطت على ايدها وكلت موتعوفيني جوري ،٦سنين اني يوم يوم انتضر انجمع بيج وماخاب املي ابداً 

وكلت لابد ويرجع يوم ننجمع بيه ،وانجمعنا وحسيت الدنيا ضحكتلي مرة ثانية ،هالمرة بعد مااكدر الخطوة بدون صعبة علية احبج بنيتي 

وبستها براسها وجاي اطلع وكلبي ماينطيني كالساع اريد افتح الباب وارجع اصفن عليها اخر شي طلعت بساع والدكتور سد الباب واني 

رحت كعدت منضرها  زاد حالتي سوء اكثر ،مااكدر اشوفها بهذا المنضر ،رجعت اسبح بالسبحة ،وعيني على الغرفة .

ريحانة 

خلصت هل ايام اروح وارجع لاهلي ،مانكدر نعوف سارة ببحدها بس تبجي حتى وداد اجت يمها ونازك اجت هم ،وبعده املنا بالله 

سبحانه وتعالى كبير اهم واحلى شي بابا علمنا ياه الامل بالله سبحانه وتعالى ممكن يخيب ضنا بكلشي الا برب العالمين ،ايمنا واملنا كبير

 ويزيد مينقص ،ونحمد الله ونشكره على كل حال ،فزيت من صفنتي على صوت صياح سارة سديت المي بساع ودخلت 

ركض ،للاستقبال شفت مريم لازمة سارة وتحجي وية مرة عمي ابو مصطفى ،وتكلها باعي لا تشوفون بابا موبالبيت وتجون تذبون 

سمكم علينا وترحون ترا والله اخابرة ويجي مايخلي بيكم عظم صاحي خزرتها وكلت سارررة صاحت ريحانة على اساس جاية 

تواسينا ومادري شنو وتكلي حتى لو ماتت امكم انتم شنو شفتوا منها ؟وطالب نزوجه قابل باقي عليها ياعيني شلون تحجي هيج 

وشلون تجرأ رجاءاً تفضلي برا احنا هيج شكولات منلفي ببيتنا ،كالت مرة عمي وهية تطكطك بعلجها شلون تربية بنات 

جوري بعد شترجى منجن كتلها واني رافعة حاجبي اوي عيني لهل درجة مضغوطين من عدنا يموي افدي امي كلها مضغوطة منها لين 

خوشش ام ولسانها عسل وتعرف تربي ومدارية بابا شلون المي حقج والله مقهورة منها ،كالت بعصبية خلي اروح احسلي شلون 

يستقبلن الخطار طلعت ودردم وسارة تصيح وراها احنااا منسوييي سحورة محبة مثل بعض الناس عينيي احنا من الله محبوبين

 ضحكت على حجايتها ودخلنا جوة دهر فرهن حتى هنا يذبن سمهن وبهيج اوقات صعبة امدة هيج مرة عم حية ،دخلنا كعدنا وسارة بقت

 تحجي عليها ودردم يبوووو بعد شيخلصنا ،ومريم كالت ديربالكم احد يجيب  سيرتها يم بابا خطية هوة نفسيته تعبانة منا مونوب 

يروح يتعارك ويتعب بالزايد كتلها اي اكيد منحجي خوش سويرة كالت اي اي خوش مااحجي .

حسين 

ورة تقريباً ٦ ساعات ،الساعة ٩ ونص مساءاً ،كاعد على الكرسي بعيد عن ابوي بس اكعد يمة يكتلني وحق محمد شورطني وتشاقيت وياه يسبح بالسبحة ويباوعلي بتك عين واني ابتسم اله وهوة 

ويخزرني وياشرلي بالسبحة بمعنى الة اكتلك بيها ،انفتح باب الغرفة رفعت واسي بساع طلع الدكتور من الغرفة مبتسم وكال يابة اليكعد من الغيبوبة يكعد مستغرب وغالباً اكو بيهم يعانون من فقدان ذاكرة 

مؤقت اشو احنا مريضتنا صحت تبجي تريد طالب يابة وين طالب صيحولنا ياه .....