رواية يأس القلوب (2) الفصل الرابع عشر 14 - بقلم رودي

part54

                                        

                                              

مشيِت بـ دربك آنه وتيهّت دربي ، 

مآسويتلك مو زين هآي الضلت بـ گلبي .

                              

سارة

كمز حسين وكال سارة صفكت بادية وكلت عفية عليكم عفية تلعبون من وراي مووو،اني الج نازك سد الخط سده سد الخط وانطاني 

                              

المبايل وكال اوو دروحي خلي اروح انام احسلي لزمته من ايده وكتله ههههه لا والله تروح تنام ؟دتعال عيني تعال ،من شوكت كلي 

                              

عيني كلي لاتضم علية اني اختك ابتسم باحراج وكال سارة لاتدخلين خصوصيات ضحكت وكتلة ياخصوصيات عيني اني 

                              

سويرة تستحي مني دفعني وطلع من الغرفة ضحكت بصوت عالي يستحي مني السز ،هزيت ركبة وكلت وهلا وهلا حسين ونازك الله 

                              

الله سحبت المبايل ودكيت على نازك متفتح خط ضحكت ودزيتلها الكفج باجر ملعونة .

                              

بعد مرور ايام 

ريحانة 

خلصنا امتحانات الفاينل ،واريد اهلهل ،الحمدالله عدت هالسنة على خير ،لبست دشداشتي السودة القصيرة وسويت شعري ضفيرة 

                              

حفر ،وخليت مكياج خفيف اليوم مزاجي حلوو ماشاء الله ،وطبعاً اليوم اول ايام شهر محرم الحرام ،وجيرانة كل سنة يطبخون اول 

                              

يوم واكلت شلون قيمة الله ،صحيت من صفنتي على صوت سارة وهية تكول كومييييي اجة باسسسسل بالاستقبال والعباس كمزت من 

                              

مكاني وكتلهاا جذببب والله اجة يمة ضليت اكمز وبطني تكمز وياي نزلت امشي بسرعة وايدي على بطني وهوة جان كاعد بالاستقبال 

                              

كبال الباب فلمحني من نزلت ابتسم ورجع يسولف وية حسين  ،ابتسمت ودخلت للاستقبال ،وسلمت عليه وكعدت يمة اجيت اشبكه بس عيب 

                              

من حسين ،لزمني من ايدي وباسها ابتسمت وبابا يسولف وياه ويساله بخصوص الالتحاق وهيج شي لحد ماكام حسين واني شبكته حيييل يمه 

                              

كلبي طاك علييه ضحك وشبكني وباسني براسي وساكت ماحجة شي باوعت عليه مبين بوجهة التعب وعيونه ذبلانة مبين منايم 

                              

تنهدت وهمست تعبان يروحي سودة علية ابتسم وكال اسم الله عليج بوية ،ومسد على خدي وكال انزاح كل التعب بشوفة هالوجه 

                              

الحلو ،مفتحة الوردة ابتسمت بخجل وهوة باسني بخدي وكال يابوية شكد مشتاقلج كتلة واني اشبكه اني هم ،تنهد وكال ها نروح ترا 

                              

تعبان اريد اسبح وانام كتلة تمام رايحة احضر نفسي مااتاخر،صعدت فوك بساع وحضرت جنطتي طبعا اني اجي لاهلي 

                              

بجنطة وحدة ارجع لو بجنطتين لو ب٣ جنط ،وسارة تحضر وياي ونزلتلي الجنط واني لبست عبايتي ولفيت الشيلة ونزلت لكيته طالع 

 

                

هوة وحسين ومتانيني سلمت على اهلي وطلعت ،وهم باسني ووصاني على نفسي وصعدت بالسيارة ،وباسل بدا يسوق ولازم 

ايدي كالساع يبوسها واني هيج كلبي يركص من الفرحة ، مشتاقه يمويي شبكت ايده وهوة يسوق لحد ماوصلنا وت اشيل الجنط 

مخلاني رحت اني فتحت الباب وهوة دخل خلة الجنط على الكاونتر وفتحلي اديه وركضت شبكته حيل وشالني وصاح اويلي يابة 

يمعودين احبها ضحكت وباسني براسي وكال شلونها حبيبة روحي كتلة واني اشبكه بخير مادام انتَ بخير بتسم وكال دوم يابة دوم 

وصعدنا فوك وهوة ضمني لحضنة اول مدخل للغرفة سحب شورت وكيمونة ودخل للحمام ،واني نزعت العباية والشال ونزلت فتحت 

الثلاجة شفت عدنا كنتاكي جاهز ،بس اكليه ويصير وهم لكيت جيس فنكر وهيج شغلات خفايف ،شغلت الطباخ وبين ميحمة الدهن 

سويت زلاطة وبعدين خليتهم بالدهن وبساع خبطت لبن كلش يحب اللبن وطلعت الخبز من المجمدة ،حتى يموع ورتبت ماعون فواكه 

وكملت كلشي وداشيل الصينية وفزيت على صوته وهوة يكول هوب هوب وين شايلتها وخري اني اشيلها وخرت وهوة شال 

الصينية خلاها بالاستقبال وكعدنا ناكل اني وياه ونسولف ونضحك كملنا كمت غسلت الصينية والبيت يراد اله تنضيف صحيح 

مو وسخ  بس يراد اله تنظيفة من باسل ينام انظفه ،بعدين سويتله جاي شرب وصعدنا للغرفة كبل شمر روحه على الجرباية واني 

نمت يمه شبكني ،وبساع غفى سودة علية كلش تعبان ياروحي ضليت امسد على شعره وبسته براسه وكمت بهدوء غطيته وطفيت 

الضوة ،نزلت جوة مسحت الاثاث اول شي بعدين مسحت الارضية ميحتاجلها كنس لين نضيفة بعدين بخرت البيت وغسلت الحمامات 

اكرمكم الله وطلعت للكراج عزلته ومسحته على السريع وكملت البيت كله بعدين كلت خلي اسوي حلويات بس المواد ناقصة صعدت 

جبت فلوس ولبست شال ،فتحت الباب الشارع على كيف الجهال يلعبون صحت واحد من الجهال وصيته على المواد ،وكتلة اشتري 

بخمسمية كريمة موبيدي وضليت منتظرته واكفة ورة الباب لحد مااجة اخذتهم منة وبسته من خذه وشكرته ودخلت والحلو يمة 

اكرطة يكلي اني ابن ام عباس شوكت ماترديني دزي علية الفصعون ضحكني ،دخلت للبيت طلعت الطحين والككو والحليب 

والعصير والبسكت وباقي الاشياء من العلاكة وسويت كيكة وخليتها بالفرن وخليت العصير بالفريز وسويت تراب الملوك وهم خليته 

        

          

                

بالثلاجة بعدين سويت كريم للكيكة نص ساعة تقريبا واستوت ،طلعتها خليتها تبرد شوية وخليتها بالماعون الكبير بعدين 

زينتها بالكريمة ورشيت عليها بسكت مطحون وخليتها بالفريز ايي واخيرا كملت صعدت فوك وبالكوة صعدت الدرج يمة تعبت دخلت 

للغرفة على كيفي فتحت الجنطةوطلعت منها برمودة وفالينة لونهم اسود ودخلت للحمام سبحت ولبستهم وطلعت مشطت بالضلمة لين 

باسل نايم مااكدراشغل  الضوة ورشيت عطر وتمددت يمة اول متمددت شبكني وباسني بخدي شبكته وهمست كاعد حبيبي كال 

بنعاس اي هستوني وين جنتي مالكيتج يمي كتلة واني العب بشعره نضفت البيت ،وسويت الك حلويات تحبهم وهسة اجيت مسد على 

خدي وكال ليش تتعبين روحج باباتي ؟ابتسمت وكتلة بالعكس ماكو اي تعب يروحي يلا ارجع نام ترا صار بس ٣ لو ٤ ساعات من نايم

 كال شبعت نوم بعد مااكدر انام ،وكام شغل الضوة ودخل للحمام يغسل وشوية وطلع ينشف بوجه واني عدلت الجرباية ورتبت 

الغرفة ،ونزلنا جوة هوة كعد بالاستقبال واني ضليت ارتب بالحلويات على الطبلة الي كدامه وصبيت النا كلاصين عصير 

وقطعت الكيكة وكعدت يمه وبدينا ناكل ،اكل من الكيكة وكال الله عاشت ايدج يابة شنو هالنفس الطيبة ابتسمت وكتلة يمويي الف 

عافية يبعد روحي وبسته بخدة وهوة شبكني وياكل واني اكل وياه لحد ماكملنا واني شامرة روحي بحضنه واسولفله شنو سويت هلايام

 وهوة يستمع الي ومبتسم ،اخر شي كال والحلوين شلونهم 

ضحكت  وسحبت ايده وخليتها على بطني وكلت زينين يسلمون 

عليك عيني وبتي تكول مشتاقة لبابا اني ضحك وكال اروحلها فدوة اني همست بحب واني اباوع بعيونة شنسميهم عيني ،صفن بعيوني 

وهمس كلشي بوقته حلو ،بس ها اريدها تشبهج ابتسمت وكتلة واني اريد الولد يشبهك وحلو مثلك وحنين وقوي ابتسم وباسني براسي 

وتنهد وكال احبج يابة احبج .

سارة 

رحت اني وماما للمضمدة قسنا الضغط طبيعي بس هية كلش متوجعة من راسها وياذيها وبطنها تجيها لويات وتروح وبابا موهنا

 صار ٣ ايام ملتحق وحسين بالشغل ومحمد فد يومين يالة يرجع عندة اشراف على مناطق اعمار فمايكدر يرجع ،رجعنا للبيت 

تمددت وسويت الها عصير برتقال وخايفة عليها وكالساع دموعي تنزل وبالكوة اسكت ،تمددت نامت واني كمت عزلت البيت 

        

          

                

وكملت ،ورجعت كعدت يم ماما اباوع لبطنها ابتسمت ياروحي بقة الها كم يوم وتدخل بالتاسع ،وبطنها كبرانة كعدت يمها وامسد على 

شعرها وهية شوية شوية بدت تغفى بس تون من الوجع وهية تون واني دموعي تنزل عشرة عشرة ،لحد مانامت كلش وبس كمت 

اشرب مي وفزيت على صوت صياحها بوجع سارررة ماما وييينج طاح كلاص المي من ايدي ورحتلها ركض ها امي وهية تبجي 

وتتمشى ولازمة بطنها وتون من الوجع وصاحت راااح اجييييب بعد مااكدرر صحت يمة ماما شلون تجيبين بعدج مداخلة بالتاسع وهية 

بس تبجي ماتجاوبني ،اخذت العباية من القنفة وخليتها على راسي وطلعت ركض ادك بباب بيت امير ماعندي غيره بس هوة موجود 

انفتح الباب وطلع امير شافني كال هاا سارة شكو ؟كتلة ببجي فدوة بس تعال محد موجود بالبيت وماما وشهكت راح تجيب كال بسرعة 

جاي جاي رجعت للبيت بساع لكيتها كاعدة بالكاع وتتلوة ضربت  على خدي حيل وكلت يمة سودة علية هاي راح نروح بساع لبستها 

الشال والعباية وركضت طلعت جنطة الطفل همزين محضرينها وطلعت بساع انطيت الجنطة لامير وطلع شغل السيارة واني سندت 

ماما وطلعت ،ركبتها بالسيارة وكعدت يمها وامير يسوق بسرعة وهية بس تون اخذت المبايل من امير ودكيت على حسين ابجي 

وكتلة بساع الحك رايحين لمستشفى *** ماما راح تجيب وخطية ماعرف شيكول بس كال جاي جاي وسد الخط ،وصلنا للمستشفى 

وهية طاحت بالباب واخذوها ركض بالسدية واني اركض وراهم بي لزمني امير واني ابجي وادية على عيوني واشهك وهوة يهدا بية 

وبعيونة القلق وبعدين بساع دخلت يم صالة الولادة واسمعها وهية تطلك واشيل روحي وادكها بالكاع خايفة كلش خايفة تذكرت بابا 

طلعت بساع انطاني امير المبايل ودكيت عليه شوية وجاوب ها امير كتلة بسرعة اني سارة بابا سارة ،وشهكت ماما بالمستشفى يكولون 

راح تجيب بساع كال بيا مستشفى ،جاوبته بمستشفى ***وكبل كال جاي بابا جاي ،وسد الخط وانطيت المبايل لامير ومشيت ورجعت 

كعدت يم صالة الولادة واسمع الصريخ وابجي وادعي لماما وماخليت سورة ماقريتها ،وبعدين رجعت طلعت لكيت حسين جاي 

اول مشافني كال بقلق ها جابت ؟كتلة لا بعدها وفزيتا على صوت السستر وهية تكول عيني منو وية المريضة جوري ؟كمزت وكتلها 

        

          

                

احنا احنا وياها ركضنا عليها كالت الطفلة انقلت للخدج حالتها شوية تعبانة لين انولدت بشهر الثامن ،كتلها وامي وينها ؟ باوعتلي وكالت 

المريضة اول ماولدت فقدت الوعي ومجاي نعرف السبب حولوها للعناية الخاص وديسولها تحاليل وان شاء الله خير هية كالت هيج 

واني بجيت بجي ماصاير وحسين شابكتي واني مجلبة بقميصة وابجي وهوة يهدي بية ويكول اهدي مابيها شي هسة ترجع 

النا ،ماتعوفنا اهدي واني ولاعبالك اسمع ،شهكت وكتلة حسين خسرتها مرة لمدة ٦ سنين مااريد اخسرها مرة ثانية ماريد 

وبجيت حيل وهوة شبكني ويسكت بية واني صارت بية شلون الخوفة كعدوني على الكرسي وراح امير يجيبلي مي وحسين لازم

 ايدي ويهدا بية ،ومرت ساعتين واني كاعدة على نار ومنو يطلع اساله بس محد يجاوبني يمشون على السريع ،لحد ماما فزيت على

 صوت بابا كبل ذبيت روحي بحضنه وابجي وهوة باسني براسي ويهدا بية واباوعله عيونه حمر دم ومبين القلق عليه واعصابه 

بارزة ،كال وينها جابت جاوبته وكتلة شنو كالت الدكتورة وهوة اباوعلة ضل يروح منا ومنا وكالساع محاجي واحد ،اخر شي 

طلعت الدكتورة وكالت لبابا انتَ زوج المريضة جوري ؟كال الها بسرعة نعم يابة اني ؟شلونها صحت ؟هزت راسها وكالت للاسف 

المريضة الولادة سببت الها التهابات بالدم والاوعية الدموية وخراجات الحوض ادت الى دخولها بغيبوبة غير معلومة المدة هية 

كالت هيج وبابا سند روحه على الحايط ولزمه حسين والدكتورة راحت وبابا كعد على الكرسي واديه على راسه وساكت بس عيونة 

تحجي ،واني من سمعت هيج كالت سكتت وكلشي ماحجيت بس دموعي تنزل بهدوء وهمست ماتعوفني هية كالت مااعوفج مرة ثانية.

طالب

احس الدنيا وكفت ،تحجي الدكتورة واني رحت بغير عالم ،الخوف عليها حاصرني من كل مكان ،لاول مرة احس روحي توجعني 

موكلبي ،ونفس كل مرة موعيوني التبجي عليها كلبي يبجي عليها

 كلبي ،ماتعوفني جوري ماتعوفني ،تبهذلت حرت شسوي اباوع 

لحسين يفتر منا ومنا وسارة تبجي بصمت وامير يسأل بالدكاترة واني لأول مرة مادري شسوي ؟ردت اروح الها مثل كل مرة حتى 

اسألها شسوي مثل كل مرة ! بس هسة هية ماكو ،كلبي احسه من كد 

مايدك حيل راح يطلع من مكانه فزيت على صوت الممرضة وهية 

تكول بس بخصوص الطفلة لازم تعملون الها البيان حسين كال اروح اني يابة ؟هزيت واسي وكتلة رايح اني اسويه كمت ورة 

الممرضة وبدت تسوي بالبيان وتملي بالتفاصيل وكالت شنو تسمون المولودة ؟ تنهدت وكلت بقهر والحزن طغى على صوتي ...غلا هاي غلاة ابوها ......

يتبع ...