رواية نبضات القلب الفصل الثاني عشر 12 - دنيا صابر

الفصل الثاني عشر

                                        

                                              

روايه نبضات القلب: بقلمي دنيا صابر

:///

الفصل الثاني عشر 

______________

احداث تذكريه من الفصل اللي فات 

ادهم مطلع عين وعد ف الشغل 

هدي طلبت تشتغل و سيف كان رافض و بعد كدا قال هيفكر 

فارس سافر لمده 3 شهور 

احمد لقي بنت مستخبيه ف شنطه عربيته بعد الماموريه بتاعته يا تري حكايتها اي 

حسام بدا يتعافي و شكل حياه وقعت ف حبه متعرفش انها كدا بتولع ف قلبها و بتحكم ع قلبها بالدمار و الزعل 

نهي بتحب مين و مين مازن دا و اي حكايه ساره صاحبتهم دي و مين مصطفي و اي حكايت حياه و صاحبتها 

وتين عايزه تشتغل مع امير بسبب غيرتها من الموظفات 😂نبدا بقا💙

………………………

                              

فاطمه بتكلم فارس فيديو كول 

                              

فاطمه : عامل اي يا حبيبي وحشتني 

                              

فارس بتنهيده : تمام الحمد لله انتي عتمله اي و البيبي و بتاخدي الدوء ف معاده و لا لا 

                              

فاطمه : اه يا روحي كله تمام متقلقش عليا المهم طمني عنك انت 

                              

فارس باختصار : تمام تمام المهم عندي شغل الوفتي بعدين هبقي اكلمك و قفل 

                              

فاطمه بتنهيده و ف نفسها مش فاهمه هو ماله هي حاسه بقاله فتره متغير و متوتر ع طول و كانه مخبي حاجه عليها اتنهدت و اخدت نفس 

                              

فاطمه : ربنا يرجعك ليا بالسلامه يااارب 

                              

…………………………………………………………

                              

ف كافيه 

                              

ساره و هي بتقدم الطلبات للزباين مصطفي قرب منها شويه و قال 

                              

مصطفي : عايزك بعد الشغل ف موضوع مهم 

                              

ساره هزت راسها : تمام 

                              

و كل واحد راح يشوف شغله

                              

ف نفس الكافيه بس ف جمب تاني 

                              

قاعد ف مكتبه بكل غرور و عمال يكلم بنت من البنات اللي بيكلمها 

                              

مازن : ايوا يا روحي هنتقابل امتي هو انا كنت لحقت اشوفك …… لا لا مقدرش استني كل دا …………انتي عارفه انك بتوحشني و انتي قدامي …………تمام هستناكي …………سلام يا قلبي 

                              

خبط ع الباب 

                              

مازن : ادخل 

                              

نهي بغل و هي اصلا كانت قدام الباب من بدري و سمعت المكالمه و قلبها بيتحرق من الغيره : حضرتك الطلبيه وصلت 

                              

مازن بلا مباله : تمام روحي استقبليها انتي 

                              

نفي : بس حضرتك لازم تستلمها بنفسك دي …

                              

مازن مقاطعاا : خلاص جاي اهووو 

                              

نهي اومأت و مشت 

                              

بعد الشغل خارجه من الكافيه و هي بتنفخ اتاخرت النهارده ف الشغل عشان خاطر كان عندها حاجات كتير معملتهااش و كتن لازم تخلصها عماله تدعي تلاقي تاكسي موجود ف الوقت دا 

          

شويه و عربيه وقفت جمبها و نزل شاب طويل عريض و باين عليه سكران : ما تيجي يا حلوه اوصلك 

نهي جريت من قدامه بس هو لحقها و مسك دراعها و قال : مش هعمل فيكي حاجه دا انا هساعدك هخدمك و اخلي مزاجك حلو 

لسه نهي جايه تصوت لقت اللي وقف قدامهااا و اتكلم بكل حده و عصبيه هي متاكده و عارفه الصوت دا 

مازن : ف حاجه يا عم الشبح 

_ وانت مالك انت الحلوه دي تخصني 

مازن  وهو بيلف داعه حوالين رقبته : تخص مين يا بابا بقول لك اي انفد بجلدك اصل اعمل منك بطاطس محمره 

و هوووب بوكس ف وشه الواد وقع و طلع يجري ع عربيته و مشي ع طول 

مازن و هو بينفض ايده حركه تباهي و افتخار 

مازن لف وشه و بص ع نهي و هي واقفه مصدومه : اي رايك مش سهل انا صح 

نهي ضحكت : خااالص 

مازن : اي اللي اخرك لحد الوقتي 

نهي : كان عندي شغل و كان لازم اخلصه 

مازن بجديه :طيب امشي يلا اوصلك 

نهي باعتراض : لا لا ملوش لاز…

مازن مقاطعاا : من غير اعتراض يلاااا 

ركبت و العربيه ساكته خاالص صمت مريب 

لحظه طيش نطقت نهي 

نهي: هو انا لو اعترفت لحد بحبي اي رده الفعل اللي ممكن يعملها 

مازن بعم فهم : بتكلميني انا 

هزت نهي  

مازن بحمحمه : احم مش عارف ع حسب مشاعر الشخص دا 

نهي بتوهان :يعني هو ممكن يرفض حبي 

مازن برق : نهي انتي بحتبي حد 

نهي بتنهيده : اه 

مازن : يا نادله و المفروض ان احنا صحاب و بتقولي لي كل حاجه 

نهي بتنهيده : لاا 

مازن بحواجب معقوده : لا اي 

نهي بعصبيه : لا مش اصحاب و لا اخوات و لا اي حاجه من اللي بتقولهالي دي انا اصلا عمري ما اعتبرتك لا صاحب ولا اخ و لا كدا خاالص انت بالنسبه لي حاجه اكبر من كدا و بص بقااا انا مش بصااحب ولاااد ولا انا من البنات الشمال اللي بتكلمهم دول انت اصلاااا غبي و مبتشوفش 

مازن رايح يقاطعهااا 

نهي بصوت عالي و نرفزه : انا بحبك يا متخلفه 

مازن ضغط فرامل جامد و سكوووت 

……………………………………………………………

ساره نايمه ع السرير فرحانه من الكلام اللي مصطفي قالهولها 

فلاش باك ل بعد الشغل ع طول

        

          

                

مصطفي و هو عازم ساره ع سندوتشات كبده و قاعدين ع الكورنيش 

مصطفي: ايوا يا بنتي لقيت حتت شقه حلوه و متشطبه و سعرها حلو و الراجل قال لي ممكن ادفع تمنها اقساط 

ساره : بجد واخيرااا 

مصطفي : الحمد لله كدا بقا نجيب الشقه و اخدك افرجك عليها و نبدا نجيب العفش ع قد مااحنا محتاجين و اللي مش محتاجينه ضروري نسيبه لبعد الجواز واحده  واحده بالكام قرش اللي انا محوشهم نعرف نتحوز ان شاء الله و اخدك بقا تقعدي ف شقتك بدل سكن الجماعي بتاعك انتي و صاحباتك دا 

ساره برقه : ان شاء الله يا حبيبي المهم انت متضغطش ع نفسك 

مصطفي :دا انا بحلم باليوم اللي هتجوزك فيه دا ياساره نفسي يتحقق بقا بدل ما هو كتب كتاب بس كدا 

ساره بضحك : هيتحقق ان شاء الله متقلقش الصبر بس 

مصطفي بتنهيده : ما انا صابر اهوو

باااك 

ابتسمت و شدت الغطااا و نامت و هي بتحلم بمستقبلهااا 

……………………………………………………………

ادهم كالعاده مطلع عين وعد طلبات و شغل 

وعد بحلطمه و عماله تبرطم و هي قاعده ع مكتبها 

وعد : يخربيت ام دي شغلانه اي مفكرني ربيورت مش بتعب يا نهااار اسوح يا دماغي و وقفت و خبطت ع المكتب لا لا مش قادره خااالص انا هدخل للوح اللي جوه دا اخليه يخففلي الشغل دا شو……

و لسه بتلف وراهااا لقته ف وشها و رافع حاجب و مربع ايده قدام صدره 

وعد بابتسامه هبله : احم منور يا فندم انا …انااا كنت لسه جايه حااالا لحضرتم عشان اقول ان الشغل قليل جداا و لو ف شعل تاني اعمله انا جاهزه

ادهم و هو كاتم ضحكته : بقااا كدا 

وعد ب تاتاه : ا…اه طبعااا 

ادهم بجديه : طيب تعالي ورايه ع المكتب 

وعد مشت وراه و هي عماله تدعي ربنا ان هو يبطل تكبره دا و غروره و يرحمها بقااا و يديها اجازه 

دخلو المكتب 

ادهم : عايزك تتعاملي مع مصمم دعوات عشان يصمم لي دعوه ل خطوبتي 

وعد بصدمه :خ…خ…خطوبتك 

ادهم برفعت حاجب و نظره حاده : ايوه خطوبتي اي مالك مصدومه ليه 

وعد و بتحاول تجمع صوتها : لا ابدا حضرتك اعتبر الموضوع حصل 

ادهم بثبات : تمام اتفضلي انتي 

وعد بتوهان هزت راسها و خرجت و هي متعرفش اي سبب النغزات اللي بتحصل ف قلبها دا 

……………………………………………………………

        

          

                

وتين و امير خارجين يركبوا العربيه فجاءه لمحت حد بيبص عليها من شباك البيت اللي جمبهم هي بقالها فتره ملاحظه ان حد متابعها و بيراقبهم بس عماله تقول ان هي ممكن تكون بتتوهم 

امير و هو بيبص مكان ما هي مركزه : مالك يا توتا سرحانه ف اي 

وتين : ولا حاجه يا حبيبي 

وركبوا العربيه 

وتين :مش غريبه يا امير ان من يوم ما الناس جيرانا دول نقلوا العفش و محدش شاف ليهم اثر خااالص 

امير بلا اهتمام: و لا غريبه و لا حاجه ممكن يكونوا مسافرين 

وتين و كانت لسه هتحكيله ع الخيال اللي بنشوفه دايما واقف متابعها بس سكتت و شافت ان الموضوع مش مستاهل و ممكن يكون بيتهيالها و مش عايزه تقلقه ع الفاضي ف اختارت السكوت افضل 

امير بحب : عشان خاطري يا توتا استحملي اي كلام يقولوه ماما  او ايمان 

وتين بهدوء : متخافش يا حبيبي 

امير و هو بيمسك ايديها و يبوسها : والله هما طيبين بس مش عارف هما بيتعاملوا معاكي كدا ليه ع العموم كلها كام ساعه و نرجع بيتنا حاول متزعليش من حاجه تمام 

وتين بحب قد اي هو بيخاف ع زعلاها هي كمان مش فاهمه كل ما يروحوا زياره لاهل امير بيدايقوها ليه ف الكلام و يتهموها اتهمات مش صحيحه و مع ذلك مش بتزعل عشان خاطر امير : تمام يا روحي 

…………………………………………………

حياه و هي كالعاده بتشيك ع حالت حسام و بتديله الحبوب اللي المفروض ياخدها ف معادها

حياه بتنهيده : عدي شهرين و حالتك بدات ف تحسن ملحوظ لسه فتره صغيره و تبدا تعيش حياتك تاني 

حسام بيأس : معتقدش 

حياه باستغراب : ليه بتقول كدا 

حسام بلخبطه : مش عارف انتي عمرك ما هتفهميني انا اساسا حاسس اني بقيت حد تاني خااالص و تعبان و عايز اخلص من الكابوس دا باي شكل 

حياه : دا طبيعي ف حالتك انك تعدي بمرحله انهزام بس فتره و هتخلص و هترجع تعيش عادي و اهم حاجه متشوفش وشي تاني

حسام بابتسامه : ايوا صح دي اهم حاجه سكت فتره و اتكلم تعرفي انتي مش بطاله 

حياه بتوتر : مش بطاله دا اللي هو ازاي 

حسام بضحكه سحرت حياه و خليتها تدوخ ف حلاوته : متفهميش غلط  اقصد ممرضه شاطره و ممكن كمان تكوني صاحبه كويسه 

حياه و هي بتعدل نضارتها : احم … مرسي 

حسام بابتسامه : قولتي اي 

حياه بعدم فهم : ف اي

حسام : اننا نكون صحاب 

حياه : انا اتشرف 

        

          

                

…………………………………………………

ام امير و هي قاعده ع السفره و موجهه كلامها ل وتين 

ام امير : و انتي يا وتين مفيش خبر حلو كدا عايزه تقولهولنا 

وتين و هي بتقلب عينها عارفه السوال كل مره تسالهولها : لسه ربنا ماامرش

امير : يا ماما كل مره اقول لك انا مش مستعجل انا لسه طماع ف توتا و مش عايز دوشه عيال 

ام امير بخبث: لا لا دا الموضوع طول اوي دا انتوا بقالكوا اربع شهور و لسه محملتش لازم تروحي لدكتور يا وتين تكشفي 

وتين لسه هتتكلم قاطعها امير 

امير : دكتور اي اللي تروحه يا ماما دا لسه بقالنا اربع شهور لا يا ماما مش هتروح لدكاتره و لو سمحتي اقفلي الموضوع 

ام امير بمصمصت شفاشف : انا يا ابني عايزه اشوف ولادك و من حقي افرح ب خلفتك يا ابني 

امير بقله صبر : ان شاء الله يا امي 

……………………………………………………………

احمد و هو راجع من شغله و سايق العربيه كان هيخبط ف بنت بس هوووب 

نزل من العربيه و هو متعصب و بيزعق : انتي غبيه ازاي تعدي الطريق و الاشاره خضراء هااااا اي الغباء د……مكملش كلامه البنت كانت حاطه ايديها ع وشها و عماله تعيط اتلخبط و اتوتر …مالك يا بنتي اتعورتي و لا حصلك حاجه 

البنت هزت راسها نافيه 

احمد : طيب مالك بقااا 

البنت زادت عياط 

احمد : خلاص اهدي طيب و راح جاب لها مايه من العربيه و ادهالها خدي اشربي و اهدي كدا 

شويه و قال انا بيتهيالي شوفتك قبل كدا 

البنت اتوترت و سكاته 

احمد و افتكر اخيرااا : ايوا افتكرت انتي البنت اللي استخبت ف شنطه عربيتي من شهرين تقريبا 

البنت بتوتر : اه 

احمد بتفكير : فكريني باسمك كدا 

البنت : شروق اسمي شروق 

احمد : ايوا صح شروق كانوا عملوا معاكي اي ودوكي لاهلك 

شروق : اه 

احمد بهدوء : تمام انا لازم امشي سلام 

و ركب عربيته و مشي 

…………………………………………………………

وعد و هي عماله تعيط و تتكلم ف الفون 

وعد : مش عارفه مش عارف يا توتا كل اللي اعرفه اني مدايقه و مخنوقه اووووي 

وتين : طيب هدي يا حبيبتي اهدي كدا و تعاليلي البيت 

وعد : مش عارفه هشوف كدا و ارد عليكي 

وتين : تمام يا حبيبتي هستناكي 

……………………………………………………

فاطمه بتقلب ف دولاب فارس و تضبط هدومه اللي مش بيلبسها اهو حاجه تسليها و تفكرها بيه لحد ما يرجع من السفر وحشها جداا هي بتحبه اوي لدرجه بتتغاضي عن بروده و فتوره ناحيتها و هي بضبط قميص ليه وقعت صوره كانت محطوطه وسط الهدوم وطتت فاطمه تجيبها و هي مستغربه و اتصدمت و شهقت و بعياط : نور !!!!!!

…………………………………………………………

ف مكان بعيد ناس عاله تعمل ف خطط 

_ هوقعه ف حبي متقلقيش ايوا يا بنتي عملت اني طيبه و غلبانه و قطه مغمضه و مسيره يقع 

*بخبث عارفه لو دا حصل هنجيب من وراه فلوس ياامااا 

_هو مش انا وافقت ع الرهان و قلت اني هوقعه يبقي اتطمني 

ف قلوب هتبدا تدخل دوامه الحب من غير ما تاخد بالها هتحب و هتتوجع و تتالم ف اللي هيستسلم للحب من الاول و يرفع الرايه البيضاء و ف اللي هيكابر و هيرفض يستسلم و يفضل يعند ع قلبه و يظلم نفسه و يظلم الشخص اللي بيحبه الحب دوامه يا تمشي مع التيار و تمشي وضعك يا تعند و تكابر و تتعب نفسك وف الاخر القدر هو اللي بيرسملك طريقك .💙