رواية يأس القلوب (2) الفصل الثاني عشر 12 - بقلم رودي

part52

          

                

بداخلي انو الله سبحانه وتعالى راح يعوضني بالاحسن ،صحيح مااعرفج كلش زين وشايفج كم مرة ومحاجين هواي وماصار فترة

 طويلة من عرفتج بس شلون اقنع كلبي بهذا الكلام ؟واذا تردين نبقى لفترة اصدقاء وبعدين انتِ تقررين ،باختصار اخليج بعيوني 

قريتهم ابتسمت بخجل خليت ايدي على كلبي حسيته راح يطلع من مكانه ،كتبت اله بدون تردد تمام وبعد كلشي ماحجينا طفيت المبايل وتمددت على الجرباية وغفيت واني مبتسمة .

بعد مرور ايام 

ريحانة

بدات الامتحانات الفاينل والتهيت ،وهسة دنيا الليل كاعدة احضر بجنطتي داروح لاهلي باحر خطبة سارة ،وصار ٣ ايام وكلبي طاك 

على باسل اشتاقيتله كلش ومنحجي هواي لين ملتهي بالدوام ،فتحت الجنطة خليت بيها الجنطة الصغيرة تبع المكياج وخليت الكاوية مال 

شعر ،وطلعت القفطان المغربي يصير لونه احمر وبيه ذهبي هوة الي راح البسه بالخطبة لين الفستان يضايقني وبطني كبرانة فماكدر 

وخليت ملابس مال بيت والدوة والشاحنة وجزلاني والحذاء اكرمكم 

الله  وخليت هدية مريم مال عيد ميلادها جبتلها ساعة هية واسوارها 

مرتبات ونازكات حيل وكلادة باسمها ،وطبعا حسين راح يجي ياخذني ،حضرت كلشي وبعدين كمت خليت مكياج خفيف وسويت 

شعري ضفيرة ،ولبست العباية الخليجية  فوك الدشداشة القصيرة ولفيت الشال ولبست نعالي ابو الاصبع اكرمكم الله ودك مبايلي 

حسين جاوبته كال اطلعي اني بالباب كتلة تمام وسديت الخط واخذت الجنطة والمبايل وجاي انزل وتذكرت الحلويات اي بالثلاجة 

كلت اخذهم وياي ناكلهم اني والبنات ،رجعت طلعت علاكة الحلويات من الثلاجة خليتهم الجنطة وضليت اسحل بيها صارت 

ثكيلة دهر شمخلية بيها نزلت واني اسحل بيها وطلعت عمة من المطبخ شافتني كالت عمج عزيز برة يم حسوني كتلها اي خابرني 

وتقدمت بوستها وودعتها وكتلها موماتجين باجر انتظرج الخطبة كالت اي حبيبتي ان شاء الله اجي طلعت وعمو حسين واكفين سلمت

 على حسين واخذ الجنطة خلاها السيارة ودعت عمو عزيز وصعدت وحسين سلم عليه وصعد وبدا يسوق وكال هلا باختي 

العزيزة شلونج وسحب ايدي باسها ابتسمت وكتلة يروحي تمام وانتَ ابتسم وكال الحمدالله وضلينا نسولف ونضحك لحد ماوصلنا 

للبيت نزلنا وهوة شال الجنطة ودخلنا وبابا جان واكف بالمطبخ يشرب مي شافني ابتسم وكال يابة هلا نور البيت وفتح الي اديه 

ابتسمت وتقربت شبكته وهوة شبكني وباسني براسي وبسته بخده كال شلونج باباتي كتلة بخير مادام انتَ بخير ابتسم وباسني من خدي 

        

          

                

وكال دوم يبعد ابوج ادخلي دخلت وكبل رحت شبكت ماما كلش مشتاقتلها شوية ونزعت العباية والشال وسارة جابتلي مي يموي 

فديتها صايرة تخبل ولون شعرها كلش لايك الها حليانة بالزايد كعدنا نسولف ونحضر لباجر وشنسوي ومتحمسين ،بعدين صعدنا فوك 

وسارة كالت كلتي لباسل تسوين شعرج كتلها اي كتلة بس مااقبل كال ديربالج تلعبين بيه ميحب اصبغ يحب على طبيعته وكعدت

ومريم شبكتني ومسدت على بطني وكالت شلونهم الحلوين ابتسم وكتلها زينين يسلمون عليج ،وتمددت على الجرباية وكلت لسارة 

اكو حلويات بالجنطة طلعيهم جبتهم وياي طلعتهم وكعدنا ناكل ونسولف وهم انطيت لهدية لمريم وكلش حبتها ،وبعدين فتحنا كامرة وية نازك وكعدنا كلنا نسولف سوية . 

في اليوم التالي 

سارة 

وصلنا للصالون واني كاتلني النعاس وبالكوة مفتحة عيوني لو اري يكعدوني من الصبح فلا اقبل ازوج خرب يومكم ،دخلنا للصالون 

اني ومريم وكعدنا ننتظر يجي دوري صارت الساعة تقريبا ١١ يالة بدن بية ،بدن يسولي المكياج وكملن وسون شعري تسريحة ونازلة 

منها خصل مبرومة اباوع ابتسمت بخجل مادري كلش حبيت شكلي ومن كمت لبست الفستان صلن على محمد وارتفعت الهلاهل 

الصالون ومشغلات الديجي ومريم تهلهل وتصفك يمة فد استحيت وبعدين سولي اضافري وكملنا كلشي واجة محمد ياخذنا لبست 

وعلى كولة مريم اوكفي خلي نسترج متتت حسستني مدري شلبسة طلعنا وكبل ركبت ورة وهية صعدت وسدت الباب والله استحي 

احجي وية محمد بهذا شكلي دار علية وكال بلا خلي اشوفج رفعت راسي بخجل ومبتسمة باسني براسي وكال ماشاء الله حبيبتي ،شايفة

 كل الخير ودار يسوق لحد ماوصلنا للبيت ونزلت كلشي مااشوف من ورة البرنص ومريم تمشي بية مااحس الة ارتفعت الهلاهل 

والجكليت اجة براسي دهر فركم شمالكم اني منا خاوية وطكيتوني بالجكليت اصيح بيكم هسة اصيح ،كعدت وماما اجتي صلت على 

محمد وبوستني براسي وعيونها مدم يابعد روحي ،وريحانة تعدلي بشعري ومريم راحت تبدل ومااحس الة وحدة باستني من خدي 

وكالت ملعونة شطالعة ابتسمت وكتلها نازك شوكت اجيتي كالت من مساع وهواي نسوان سلمن علية حسيت راح اطك من الخجل 

وبعدين اشتغل الديجي وبدا الهز ايواا مريم جرت نازك ودخلن بالنص وريحانة بالطرف واكفة وتهز ركبة هية وداد ويضحكن  

وتضحك وماما تصفك وتهلهل يمة اجيت اكوم وياهم بس استحيت دهر اني هيج مواقف حلوة ماالزم روحي اريد اركص  ،شوية 

        

          

                

وسمعت هلاهل ونازك اجتي تركض تعدلي بالحمرة وتكول اجوي اهل العريس موتشهرينا وتبوسين الولد اثكلي كتلها واني اتوعد 

اصبريب الة اعضة ضحكت وكالت امداج ودخلن النسوان واني اخذت وضعية الخجولة الهادئة المالها اي صوت دخلت اخت امير 

هوست وية امها وكالت هوة الشافها وهوة انعجب بيها وهوة كال لامي روحي اخطبيها وارتفعت الهلاهل والصفكات كفيلكم الله 

صرت زركة من الخجل بعدين بوستني ام امير وهوست وكالت وعيون الغزال عيون جنتنة وصلوا على النبي والصيدة صيدتنة من 

كالت هيج اجيت احول عيوني بس استغفرت الله وسكتت ورجعت ابتسمت وبعدين هم اشتغل الديجي والديجي والركص وجايبين 

مصورة وصورتني هواي لقطات حلوة بعدين كالوا راح يعقدون الهم وكفووني ورة الباب والشيخ بدا يحجي وماما لازمة ايدي لحد 

ما وافقت وارتفعت الهلاهل ومن كلت نعم وانتَ وكيلي مدري شلون طلعت مني ونوب من ساله الشيخ وجاوب يمه غير انسحنت 

روحي ،رجعت كعدت وكالوا راح يدخل العريس يمة لا كدا كتير اوي دخل وارتفعت الهلاهل واني مدنكة واجتني رجفة قوية مي 

شمالني واسمع امه تهوس وتكول اسمر ويخبل كل القوط تلوك عليه يمة صدك يخبل خرب المانيا مااحس الة تقرب باسني من راسي 

وكعد يمي ولزم ايدي باسها وهمس مبروك النا واني حجيت وصوتي يرجف الله يبارك بيك ورفعت راسي باوعتله وكبل دنكت 

خرب يومك شطالع كيك خوما كيك هوة منو يلبس قاط نيلي يطلع هيج حلو ،تقري وهمس شطالعة يابة ؟ سحنتي روحي سويرة 

وضحك واني ماتحملت وضحكت من كال سويرة ابتسم وكال بحنية اي هيج اضحكي وفرحيني ضالة بس ترجفين ابتسمت بخجل ضغط 

على ايدي وكال اي هسة ماكتيلي شدعوة هلكد حلوة ترة كلبي مايتحمل هيج حلاة ،وبعدين منو يلبس اسود هيج حلو ؟هوة 

يحجي  واني تخربطت احوالي من ورة كلامه الحلو همست امير رد عليه وهوة يباوع بعيونة روحة والله روحة دهر فرك نسيتني 

شردت احجي احححح الحب مبين بعيونة دهر فرني ماكو واحد ميحبني ،لبسني الذهب واكلنا كيك وشربنا عصير وبعدين صورتنا 

المصورة لقطات حلوة حيل ،والفرحة مبينة عليه واني طايرة بيه من راد يطلع باسني من راسي وكال نسيت ماكتلج همست شنو ؟

مسد على لحيتة وكال احبج وطلع يمة سحن روحي وراح كعدت والبنات اجني يمي وشحجيتوا وشكلتوا وشبيكم مبتسمين اثنينكم 

ووووو واني ساكتة صرت خرسة من الخجل اححح مالحكت اكلة واني اموت عليك يلة على الجايات نازك كالت ها بشري كلها 

        

          

                

مالحكت اعضة طلع ضحكت وكالت هم عوزها تعضينة بعد روحي وطلعوا اهل العريس والبنات كومني ركصت وياهم صراحة كلش 

تونست لحد ماصارت دنيا ليل والعالم راحت ودخل بابا واخواني سلموا علية وطكينا صور سوية وبابا كالساع يبوسني براسي 

ويصفن بعيونة عرفته فرحان الي بس مقهور اجيت ابجي من شفته مدري شلون مبجيت صعدت فوك للغرفة دخلت سبحت وبدلت 

ونازك كاعدة بالغرفة وصافنة كتلها شبيج كالت اكو شي اري اكلج عليه كتلها واني انشف شعري شنو احجي ؟كالت باعي اكو شخص 

صراحة معجبة بيه وشسمة يمكن احبة كتلها منو ولج كالت ها عوفج منو بعدين اعرفج عليه بس باعي هوة طلع معجب بية 

وسولفت الي وصراحة فرحت الها بس انقهرت جنت متمنيتها لحسين بس مصارت وشسمة رادتني انصحها كتلها اذا يحبج 

وتحبينة ورايدج بالحلال فمابيها اي عيب والحب موحرام واصلا 

احسن شي طلب منح انو تكون بيناتكم فترة تعارف خطية لاتكسرين كلبة وعود اذا ماصرتوا سوية فالله قاسم الج الاحسن هزت راسها 

وكالت ان شاء الله ابتسمت وكتلها عيني عيني يوم نشوفج عروسة ان شاء الله ضحكت وكالت ساررة ضحكت وكتلها سكتت سكتت 

وبعدين شطالعة ولج شكد حلوة اليوم كالت موبجمالج يروحي وبعدين شوفي خطيبج كد حلو وكعد تتغزل بيه وتقهر بية بيت 

وكمت كتلتها وعضيتها وهية ميتة من الضحك دخلن مريم وريحانة جانن ينضفن وهمزين البيت موكلش هوسة لين ماعزمنا هواي 

وشافنا  وضلن يضحكن علينا واني من قهرتي كالساع اكوم اعضها وبعدين دكت على اخوها علمود يجي ياخذها وكال الها فد ساعة 

واجيج هسة مشغول يمة فدكيفنا ريحانة كالت الها يلا كومي عيني سوي ويانة العشة ترا سارة خطية جوعانة وراح تاكلنا كتلهن خمس 

دقايق اذا مجايبات الي اكل ،اكتل روحي ضلن يضحكن ونزلن واني اخذت وضعية الاميرة تمددت على الجرباية واتذكر امير 

واتكلب عود اخجل لحد ما طب طحت من الجرباية من ورة الحماس والخجل المفرط .

نازك 

عدلت الشال مالتي وجرني نزلني وياهن ريحانة ومريم نسوي عشة واني ميتة من الخجل استحي انزل دخلنا للمطبخ وبدن يتفقن شنو 

يسون واني ساكتة اخر شي كتلهن بنات والله استحي خلي اروح يم سارة ريحانة كالت منين تستحين ياعمري محد موجود بعدين من 

شوكت انتِ تستحين لج ضحكت وكتلها عابت ،وساعدتهم وطب 

دخل عمو طالب اني تصنمت بمكاني ابتسم وكال اهلا وسهلا يابة منورة البيت ،لاتستحين البيت بيتج ابتسمت وكتلة بخجل منور باهلة

        

          

                

 عمو ابتسم وكال فدوة لكلبج بعد عمج ودخل جوة ورجعت انتجيت على الثلاجة واكل بالتفاحة وفجاة باوعت للحديقة شفت حسين 

واكف يخابر يم باب الاستقبال دك كلبي حيل واني اباوعله فجاة رفع راسه ولمحني صفن وسد الخط وابتسم الي ولوح بايده ابتسمت 

بخجل  وهوة  انتجة على الباب مقلد حركتي وصافن علية كبل حسيت على نفسي ووخرت وكفت يم ريحانة اكلي وبالكوة مسيطرة

 على نفسي يمة شلون باوعلي  وريحانة تكلي شبيج ولج لاتتحركين راح تنجوين بالدهن كتلها اي اي بعد مااتحرك لحد ماكملنا العشة 

وصاحت عمة بس كالت الها متعشية ،صعدت الصينية فوك وكعدنا بالغرفة ناكل ونسولف ونضحك ،واندك باب الغرفة ريحانة صاحت 

منوو واجة صوت حسين وهوة يكول يابة اخو صديقتكم بالباب يكول خلي تستعجل واني كمزت وريحانة كالت اي جاية اي لبست 

عبايتي بساع ولفيت الشال واخذت الجنطة الصغيرة وكلت للبنات يلا بنات حروح كامن بوسني ونزلن وياية ثلاثتهم سلمت على عمة 

ام محمد كلش محبوبة وطيبة وفوك هذا كلة تخبل ماشاء الله عليها ،طلعنا للكراج ودعتهم وطلعت وحسين جان واكف وية 

اخوية ،كبل صعدت واخوي ودع حسين وصعد اني كبل دنمت وهوة بدا يسوق بعدين ضلينا نسولف ونضحك اني وياه وبالي يم حسين يموييي .

حسين 

دخلت للبيت واني مبتسم والله عجيبة هالنازك ! مجرد التفكير بيها تنزرع الابتسامة على شفافي ،ومن شفتها اليوم اخذت روحي 

بحركتها شلون صافنة علية ،دخلت لغرفة البنات كاعدات يسولفن وياكلن كعدت اكل وياهن وهنة منطلقات ويحجن وسارة منطلقة 

ومامهتمة لوجودي غير نازك معجب بيها واحد ونوب شني من حظ المعجب بيها هية معجبة بيه كرطت الخيارة واستمع الها كالت 

ريحانة صدك شو الادبسز مسولفت الي كالت سارة يمعودة غير التهيتي تنضفين بعدين باعي متفقين هية والولد بالاول اصدقاء 

يبقون وهية عود تكابر وياه خطية مايدري تحبة من زمان الله يوفقهم واني غصيت بالخيارة دكت مريم على ظهري وكالت يا 

شبيك كتلها واني الابتسامة شاكة حلكي لا مابية شي هيج ورجعت كال وسويرة منطلقة لحد ماريحانة خزرتها وسكتتها احح وين 

ترحين مني نازك ؟ طلعتي معجبة من زمان اويي يابة نبدا نغورج شوية ونوب نحرك كلبج شوية لحد ماتعترفين ،ابتسمت صار ٣ ايام 

نحجي تقريبا بامور عادية المهم نسولف ،ومخلص وقتي اسولف وياهة وبهل ٣ ايام تعودت اراسلها كالساع شسوي كلبي 

رهيف ،كرطت التفاحة وكلت بكلبي تروحلج فدوة فدك ماكنويشتي  .

ريحانة 

دك علية باسل وكبل جاوبته وكلت بسرعة هلااا بروحي هلا بكلبي هـهلا بباسل حبيب عمري ضحك وكال هلا يبعد حيلي شلونج 

        

          

                

يحبيبة روحي كتلة زينة يروحي وانتَ جاوبني كال الحمدالله بس تعبان بوية حيييل ومشتاقلج ابتسمت بقهر وكتلة سودة علية  

ياروحي من تجي اسويلك الاكلات الي تحبها وتصير زين ضحك وكال اويلي يابة ،تعالي بوية شطالعة اليوم يبعد روحي تسحنين 

الروح شهل صور الحلوة ابتسمت بخجل وكتلة موبحلاتك يروحي ،وضلينا نسولف ونضحك كتلة باسل خلي افتح كامرة كال

 تمام مادام ببحدي الغرفة دكيت عليه كامرة وهوة فتح الكامرة باوع عليه منتجي على الجرباية  ويحجي  ووجهة مبين عليه التعب 

وشعره مبهذل ولابس كيمونة تنهدت وكتلة سودة علية حبيبي ابتسم بتعب وكال اسم الله عليج ياروحي وثبت المبايل ويحجي وياي 

ويدخن كتلة كافي تدخين والله موتتني بالجكايرسحب نفس وكال هاهية اخر جكارة كتلة اي ومن اسد المكالمة ترجع تدخن ضحك 

وابتسمت على ضحكته سحب نفس من الجكارة وكال ملعونة احبج شهل وجه الحلو افديه بروحي اني افديه ابتسمت بخجل وكتلة 

اروحلك فدوة الازرك ابتسم وكال كرفس كتلة بضحك باسل المكبسل ضحك وضلينا نسولف لحد ما غفة واني مخلصتها كالساع ابوس الشاشة مال مبايل لحد ما غلقت الخط ونمت لين على ساعة النا يمة يضعف ونمت واني مرتاحة .

طالب 

هستوني غفيت وفزيت على لمسات خفيفة على خدي فتحت عيوني بهدوا ابتسمت وكتلها شتسوين كالت جوري وهية تبوس خدة شونايم

 ومامنتظرني شبكتها وكلت غفيت من التعب شبكتني وكالت من حيلي على حيلك طلوبي بستها براسها وكلت اسم الله على 

حيلج ،شعندج تفترين بنص الليل ماتعبتي ،كالت شمدريني ميجيني يوم صحيح تعبانة بس شسوي وشفت سارة اليوم شكد طالعة حلوة 

حبيبتي ابتسمت وكتلها حلوة على امها ضحكت وكالت ويني كبرت وتغير شكلي لزمتها من وجها وكلت لو يصير عمرج١٠٠ سنة 

تبقين نفس الجمال وبست عيونها وكلت نفس العيون همست بحنية طالب تحبني ؟تنهدت وهمست احبج ؟كولي ميت بيج ياهواي انتِ 

هذا الهوة انتِ اليصعد وينزل بصدري ،جوريتي انتِ جوريتي ابتسمت وباستني براسي وكالت واني هم اموت عليك صحيح عندك 

شيبات بس شنسوي نرضى ضحكت بصوت عالي وهية ضحكت وكالت يمة اشاقة وباستني من لحيتي وكالت شوف دابوسهم لشيباتك 

ضميتها لحضنيي حيل وكلت ماتكليلي وين اضمج ماتكليلي وجعصتها وهية تضحك وتدفع بية وطيرت النومة من عيوني .

في اليوم التالي 

سارة 

كعدت الصبح كلي نشاط وحيوية واليوم عطلة الحمدالله جان انسحلت بالدوام ،وعندي واهز مال تنضيف موطبيعي اول شي 

كمت غسلت ونزلت تريكت وية بابا وماما وحسين من الصبح ياكل ويراسل اخر شي بابا صاح بيه كلة ذب السم موجاي ناكل 

وعافه ،وصار عندي فضول اعرف ويامن ديحجي الملعون كملوا اكل وكاموا واني وماما نسولف باحداث لخطبة ونكلب بالصور 

ونضحك ،بعدين كعدن ريحانة ومريم وحميت الهم الجاي وكعدن يتريكن واني كمت اغسل بالكراج وعلاوي يلعب بالمي واني امسح

 بالكراج والعب وياه لحد ما اخذ الطوبة وكال راح العب بالشارع كتلة دهر فرك ةتعال دنيا الصبح منو يلعب طوبة امشي ادخل وفتح 

الباب اخذت الماسحة وطلعت وراه داصيحة هستوني يم الباب وطب طلع واكف يم امير اجتني خزرة وجان قريب على الباب وصاح 

شعندج طالعة ؟سدي الباب يالله هاي عود بعدنا اول يوم.....