رواية يأس القلوب (2) الفصل الحادي عشر 11 - بقلم رودي

part 51

          

                

اخذ اخواتي وشفتج صدفة كلت بكلبي احلى صدفة يبعد روحي كتلة بهدوء هلا بيك نورت الجامعة وهوة اباوعلة اكلني اكل بعيونة كال 

لا والله يابة منورة بيج وسكت ورجع كال تشربين شي هنا بالنادي ،كلت بكلبي يمة هسة تاخرت على المحاظرة بس لخاطرك 

يبعد روحي اكنسلها كتلة اي عادي اشرب كال تعالي مشة واني مشيت وراه دخلنا للنادي كعدنا وكال شنو تشربين ؟كتلة بكيفك ،كام 

راح وشوية واجة جايب اثنين عصير برتقال طبيعي انطاني كتلة شكرا ابتسم وكال تدللين كعد واني يمة ارجف حتى العصير ماشلته 

خفت يوكع من ايدي كال وهوة يباوعلي الخطبة بعد ٤ ايام ،كملتي كلشي لو بعدج ؟يمة هوة يحجي واني انسحنت روحي كتلة واني 

احجي بهدوء مستغربة اول مرة احجي هيج ،لا بعدني اليوم نروح اني وماما هز راسة وكال المبلغ اذا ماكفة كليلي يابة ادز بعد هزيت 

راسي وكتلة متقصر همس سارة واني باوعتلة وكلت ها انرسمت ابتسامة على طرف شفته وتنهد وكال اروح فدوة لهاي الها وانتبه 

على روحة وحمحم وكال اي وبعد شنو ،يمة غير صرت زركة من الخجل اجيت اكوم ابوسة مادري شلون سيطرت على روحي دهر 

فرني ،مسح كصته وكال الجو حار بلعت ريكي وكتلة اي كلش باوعت عليه ،وهوة صافن بوجهي وكال العفوا بس فهميني انتِ 

نفسج الطلعتي تركضين ورة علاوي بالماسحة وتصيحين اكيد متوهم مو انتِ شهل هدوء والنزاكة  هوة كال هيج واني طلع جبار 

الي بداخلي بالوقت الخطا وكتلة لا بالعباس هاي اني لايغرك الشكل والهدوء هذا شي مؤقت وانتبهت على روحي شحجيت وهوة ضحك 

واني ياكاع انشكي وبلعيني اجيت ابجي حتى عيوني غوركت هوة انتبه علية وكبل كال بكل حالاتج حلوة ابتسمت وبدون مقدمات 

ومبررات كبل كال سارة اني احبج واني جنت اشرب عصير والمصاصة بحلكي وكبل غصيت وضليت اكح وهوة لزم العصير

 وكال الله الله دهر فرك امير دخليني اكمل العصير واحجي يمة بعدني مامستوعبة شكال واحس صخنت بدون تفاهم كبل شلت 

الجنطة وكمت مشيت على السريع يمة انفضحت همزين هيج وقت خلص الدوام كبل طلعت ورحت صعدت بالخط واني اول وحدة 

صاعدة خطية حتى ابو الخط استغرب كل مرة اصعد اخر وحدة ويتاخرون من وراي هالمرة صاعدة قبل ابو الخط ،انتبهت على 

روحي كلبي يدك حيييل يريد يطلع من مكانه يحبني يمة يحبني حبتك سارة بعدروحي موحية ختولي اغار عليك منها يمويييي هوة اني 

منو ميحبني  كلهاا تحبنيي وطلعت انت هم تحبنيي هاهية كملت تلمست وجهي صخنتت يمة ،انتبهت عليه طلع من الجامعة وشايل 

        

          

                

ملازمي بيده عزا العزاني نسيتهم على الميز وبيده العصير لمحني من بعيد شافني وتقدم واني درت سويت روحي ماشفته والجامة 

مفتوحة تقدم وكال سارة كبل درت عليه مد الملازم انطاني ياهم وخلة العصير بيدي وكال الدنيا حارة اشربيه بردي كلبج وبعدين 

نتحاسب على طلعتج هاي وهوة خزرني واني لا اراديا ابتسمت اله 

وتحولت  خزرته الى نضرات كلها حب وابتسم بسرعة وكال وهوة

 يعدل شعره سحنتي روحي رحم الله والديج وعافني ومشة واني 

ماادري شصار بيه صكيت على العصير وضميته بجنطتي عيب 

اشمره بالشارع من اوصل للبيت اذبه  اباوع للملازم مكتوب بالورقة الاولى مال ملزمة بالقلم الجاف ،احبج ابتسمت بهدوء 

وهمست دهر فرك انتَ الي سحنت روحي مو اني سحنت روحك .

ريحانة 

طلعت من الجامعة لكيت عمو عزيز منتظرني السيارة لين باسل التحق صعدت وسلمت عليه وجاوبني وهوة يكول الله يساعدج بابا

 ابتسمت وكلت ويساعدك وبدا يسوق وواندمجنا اني وياه نسولف ،علاقتي بيه كلش قوية ودائما نكعد نسولف ونضحك وصلنا

 للبيت دخلت بوست عمتي وصعدت فوك كبل دخلت سبحت وطلعت بالدشداشة القصيرة وقماشها بارد الله ف ارتاحيت وهم 

توضيت وصليت ،وعمة صاحتني علة الغدة لبست شي طويل ونزلت تغديت وماخلتني اغسل بالاماعين سحلتني ودتني يم الدرج 

وكالت اصعدي ارتاحي لا اموتج وصعدت تمددت على الجرباية وضايجة باسل مويمي دكيت عليه ماجاوب اكيد مشغول فدزيتله 

رسالة حبيبي من تكمل شغل خابرني اشتاقيتلك وطفيت المبايل ونمت ،شوية وفزيت على صوت المبايل يدك باسل جاوبته وحجيت 

بنعاس ها حبيبي شلونك كال هلا يبعد روحي بخير يابة وانتِ شلونج

 اليوم ،شوكت اجيتي من الدوام كتلة الحمدالله زينة قبل شوية وجنت 

نايمة بس فزيت جاوبني ارجعي نامي ارتاحي حبيبتي انتِ كتلة واني مقهورة شنية باسل عود هذا اول يوم واشتاقيتلك ،كال تهون 

يابة غمضي فتحي يخلصن كتلة ان شاء الله ديربالك على روحك ولاتعب نفسك ترا اموتك ضحك وكال موتدللين ؟احبج بنيتي لازم 

اسد الخط واذا اختفيت فماكو نت موتقلقين كتلة تمام حبيبي ،اموت عليك ووصاني على نفسي وكلي ديربالج على روحج وغلق الخط من حجيت وياه يالة ارتاحيت خليت ورجعت نمت .

مريم 

دوخر الاملح عوفنييي نايمة ضربني بالمخدة على راسي وكال كومي ماكو نوم صار شكد ناييمة وبعدين بس لاعبالج اخذت الج 

اجازة علمود تنامين لاحبيبتي لا اكعدي يلا كتلة بنعاس احمددد رد عليك مرييييم شبكته وكتلة هاهية حكوم ضمني لحضنه وكام وهوة 

        

          

                

شايلني وكال انتِ بس المي دواج كتلة بسرعة لاهاهية والله كمت ضحك وكال تمام باسني بخدي وكال يلا غسلي وتعالي حضرت 

الريوك اخذني الواهس وكتلة الله كمل معروفك ونضف اليوم ببدالي ضحك وكال صايرة استغلالية شبكته وكتلة اذا مااستغلك استغل منو 

وكرصته وكتلة ها منوو ضحك وكال اخ وخري المتوحشة ضحكت وكتلة اصبرلي هسة اجيك اذا مااعضك طلع يضحك من الغرفة 

واني دخلت للحمام سبحت وطلعت مشطت شعري بساع ورشيت عطر وطلعت من الغرفة لكيته يحمي بالجاي ،شافني كال واخيرا 

من وراج اليوم حميت الجاي خمس مرات امداج اي والله مومال ريوك رومانسي ضحكت وكتلة اوي عيني اعصابك هوة جاي كعدنا 

بالاستقبال وهوة مكعدني يمه وناكل ونضحك ،من خلصنا كمنا غيلنا والصينية خليتها على الكاونتر هسة اغسلها من انضف رحتله 

بالاستقبال كبل حضنته وكلت تحبنييي لو لاا جعصني حيل وكال اييي احبج ضحكت وكتلة عابت دعوفني اذيتني لزمني من حنجي 

وكال عليييمن العابت بسته بهدوء وكلت عليك انرسمت ابتسامة على وجهة وباسني بخدي وكال ملعونة تعرف شلون تقشمرني ضحكت 

وضلينا نتعارك اخر شي كمت انضف وسحلته وياي وهوة ماكال لا ضل يساعد بية لحد ماكملنا وهو طلع يغسل بالكراج واني طلعت 

وراه شفته يرش بالصوندة  سحبته من ايده بسرعة ونكعته وهوة كمز وصاح خرب يومج جيبيها وامشي ادخلي سويت نفسي 

ماسمعته وضليت ارش عليه تقدم بسرعة يريد ياخذها مني وني ميتة اضحك وارش عليه حاوطني باديه وسحبني لحضنه 

 بيه يمة واني ضليت اكمز من برودة المي شبكته حيل وكتلة يمة اشاه كافي احمد وهوة مستمر يرش لحد ماشمرها بالكاع وضل يضم

 على شكلنا واني شابكته واضحك سد المي ودخلنا للبيت طلعت ملابس بدلت وهوة بدل ووكف يمشط واني بعدني ارجف انتبه علية

 كبل ضمني لحضنه وكال ها يروحي شبيج ؟كتلة لا مابية شي بس بردت شو تقدم للجرباية نومني وغطاني وتمدد يمي وضمنه لحضنه

 وكال كلة مني شكو رشيتج بالمي استغفرالله ياربي كتلة بهدوء وتي شابكته لا هاهية مبية شي وضليت شابكته لحد ماغفيت مرك ثانية وهالمرة ماكعدني عافني نايمة وهوة هم نام .

طالب 

اجيت من الدوام ،نزلت من السيارة وقفلتها وطلعت جوري وهية مبتسمة وتباوعلي صاحت الله يساعدك طلوبي ابتسمت بوية من 

شفتها راح كل اتعب خليت العلاليك مال فواكه بالكاع وفتحت الها ادية وكبل اجت وشبكتني ضحكت وكتلها بوية هسة ردت روح 

روحي موبس روحي ابتسمت وباستني بخدي وكالت الله يساعدك كتلها ويساعدج ياروحي وبستها براسها وشلت العلاليك ماخليتها 

        

          

                

تشيل ودخلت للبيت حاضنها بايد وشايل العلاليك بايد دخلنا للمطبخ خليتهم على الميز وكتلها بابتسامة بالكوة لكيتلج تفاح احمر فريتهم 

فر ضحكت وكالت صدددك صار شكد من وصيتك وكتلك مشتهيته ابتسم وطلعت الها وحدة من العلاكة وغسلتها الها وانطيتها الها 

وهيك اكلت من عدها واني مبتسم واباوع الها شلون تاكل منتجية على الكاونتر واني كبالها واتمعن بشكلها الساحن روحي سحن كل 

يوم اشتاق الها اكثر وحبي يزيد ماينقص شحبها اني بوية شحبها بستها بخدها وكلت ترا جوعان وماتغديت اليوم اريد اكل من اديناتج 

الحلوات وسحبت اديها بستهم ابتسمت بخجل وكالت موتدلل ؟عيوني الك شبكتها وكتلها ابوس عيونج اني ابوسهم وبست عيونها 

وكرصتها وهية صاحت طاالب وخرر ضحكت ودخل حسين باوع النا وكال وهوة يباوع بتك عيين طالببب وخرر ضحكت وشلت 

الخاشوكة وشمرتها عليه ادبسز شعندك كال وهوة يترس الكلاص مي من البراد عمي هستوني اجيت من الدوام وانتم واكفين 

تترومسون ادري ارحموا بحالي كولوا شاب اعزب الشمس حاركته حرك ضحكت وجوري سوت روحها تعزل بالفواكه وحسين طلع 

من المطبخ وصاح وهوة يقلد صوت جوري طاااالب وخررر صحت وراه اكو شي اسمة جارة هاي الجارة متصيرلك ياسز وهوة 

يضحك كلت لجوري اني رايح ابدل استعجلي بالغدة لين اريد انام كالت من عيوني تنهدت وكتلها هسة شنو ارجع ابوس عيونج 

ضحكت وكالت روح بدل روح ابتسمت ورحت اخذت ملابس ودخلت للحمام سبحت وبدلت ورة شوية توضيت وصليت وهية 

اجتي للغرفة واني اصي وكالت كمل الغدة بالاستقبال هزيت راسي وشلت المصلاية خليتها بمكانها وطلعت من الغرفة دخلت للاستقبال

 شفت علاوي كاعد يم الصينية ابتسمت وكتلة يابة صح النوم هذا منو كعد كام وكبل شبكني كعدت وضامه لحضني واحجي وياه 

شوية واجت سارة وحسين ومحمد وجوري كعدوا وبدينا ناكل وميخلة الاكل من شقاهم الطايح حضه اكيد .

سارة 

كاعدين نتغدة واني بس العب بالخاشوكة وكالساع ابتسم من اتذكر امير واعترافه بهذلني دهر فزيت من صفنتي على ضربة على 

ركبتي من حسين وهوة يكول متاكلين شكو بس تصفنين كتلة واني احك ركبتي الازرك شكو تضرب شعليك بية اكل واسكت غمني 

ورجع ياكل وبابا يباوع علينة ويهز راسة يتحلف النا ،كملنا غدة وغسلت الاماعين وكملت رحت كعدت اشرب جاي 

وياهم ،وجفصت وكلت حسين اليوم شلون تكول للبنية 

ماكنويشة ،وهوة غص بالجاي وخزرني لين بابا كاعد اباوع بابا 

        

          

                

يخوط بالجاي ويباوع لحسين بتك عين ،حسين كال ههه شبيج سارة شوكمتي ماتعرفين تحجين شني تنعسين وخزرني كتلة هه اي دايخة 

مادري شبية محمد كال هاي ياتعيسة حظ تقبل بحسين حسين جاوبه نفس التعيسة القبلت بيك ويبو وتعاركوا محمد كلة خاب كوم الاملح 

هنيالها علية حسين كلة اي كرة عينك هنيالها ،اشك عمي داعي عليها بليلة سودة وصرت انتَ من نصيبها وضل واحد يرد على 

الثاني لحد ما بابا صح بسس صوتكم وسم شهرتونا اني ارد اعرف الراح يزوجنكم عقولهن شبيهاااا وقبلن  اني ماتحملت وضحكت 

وماما تضحك وهمة رغم الرزايل مبتسمين ماشاء الله ،بابا كال وهوة يباوع لحسين بتعود اذا ماازوجك سحر اصبرلي اريد 

اتوبك  جفصت وكلت عالسريع لا بابا شنو غير اريد اخطب اله صديقتي نازك وحسين هالمرة غص بالمي وضل يكح وماما 

تضرب على ضهره وتكول اسم الله شبيك ،حسين بلع ريكه وكال شبيكم وياي بهداي بهداي يمة شوفيهم يردون يجلطوني واني ابنج 

حبيبج قرة عينج ضحك وغمز لبابا وكال وهوة يغير صوته طاااالب وخرررر شبيييك طالب اباوع بابا كامله وهوة طلع ركض وبابا 

لحكه وني خربت ضحك عود يقلد منو خرب يومه ،ماما باوع للساعة وكالت كومي حبيبتي سارة صارت الساعة ٤ هم يالة نروح

 كتلها تمام رايحة ابدل صعدت غسلت ولبست عبايتي الخليجية وخليت مكياج خفيف ولفيت الشيلة ورشيت عطر وماما 

صاحتني  اخذت الجنطة ونزلت ،وطلعنا للكراج حسين يوصلنا صعدت ليورة وماما كدام وبدا حسين يسوق وشوية وصلنا للسوك 

نزلنا ونزل ويانة   دخلنا كم محل ومعجبنا شي اخر شي دخلنا لمحل واجيت عيني على فستان يموييي من شفته انسحنت روحي فستان 

اسود مخصر من الصدر ومكشوف من فوك وبعدين نازل شوية منفوش كلت لماما لو هذا لو مااريد وهية هم عجبها وكالت اي خلي 

نغير موكلة بدلات ،واجرنا الفستان وطايرة بيه وبعدين اشتريت كعب ،وشوية شغلات محتاجتها وهم اجرنا الصالون وحسين يفتر 

ويانة وكلما اشتري اخذ رايه ،لحد ماكملنا كلشي وهلكت من التعب 

وباجر وراي روحة للصالون بس صدمتني ماما من كالت لحسين

 وصلنا لصالون *** وروح من اخبارك تعال نريد نسوي تغييرات 

كتلها لا ماما موهسة تعبت والله خليها باجر نروح كالت لا ميضل 

عدنا وقت خلي نخلص من هسة سكتت ماحجيت ،وصلنا حسين للصالون ودخلنا وجانت الساعة تقريبا ٦ ونص اول شي حفن 

وجهي وبعدين سون عناية كاملة ،ورتبت اضافيري وطخت ببالي

 اسوي شعري خصل لون سلفر كلت لماما كالت عود شعرج 

        

          

                

عوفيه نسويه بالحنة مواحسن ؟كتلها لايوم الله عليج والله ضال بنفسي كالت تمام حبيبتي وحجت وية ام الصالون  ،وبدن يشتغلن 

بشعري واني كالساع اغفة ويكعدني منا للساعة ٩ يالة خلصنا وهلكتتت من التعب من غسلت شعري ووكفت كدام المراية 

انصدمت بشكليي عززاا هاي منو وين سويرة ،وجهي نضيف يلمع وخدودي حمر وشعري مخصل سلفر ونازل طويل ابتسمت واني 

اتلمسه خرب يومي شكد طلعت حلوة شافتني ماما صلت على محمد وكالت يمة ماشاء الله طلعتي تخبلين وين اضمح ضحكت وهية 

خابرت حسين علمود يجينة  ودفعت الحساب وهية هم مسوية تغييرات معدلة كصة شعرها وحافة وجها وعناية وهل سوالف 

عيني عيني اليوم طالب يتخبل ،لفيت الشال وطلعنا كبل صعدنا بالسيارة وحسين كال شسالفة يمة صدك جذب صار ٤ ساعات 

 هوة هيج اليتاخر كالت اله يا لعد تريدنا نخلص بخمس دقايق وضل يسوق ولحد ماوصلنا للبيت نزلنا واني كبل صعدت لغرفتي غسلت 

وبدلت وواكفة كدام المراية اتمايل بشعري ودخل حسين شافني وكف بمكانه وفتح عيونه وكال بصدمة دهر فرج سويرة 

شطالعة كتلة واني اهز بشعري اخبل مو اعترف صفك وصوفر وكال طالعة جنج باربي خرب يومج حلوة على اخوج حسين 

ضحكت وكتلة شكرا عيني شكرا ،تقرب وكال تعاي باربي تعاي وجرني من شعري اليوم شلون تجفصين كدام ابوي وعلي اموتج اذا 

عدتيها الثولة كتلة وني اوخر ايده من شعري خرب يومك دوخر عوف شعري شمدريني جفصت وكتله كال مرة ثانية لزمي لسانج لا 

اكصة كتلة اي اي خوش فهمنا ،حك راسة وكال اكلج انتِ على 

اساس مسويات نازك خطيبتي مو ،كتلة اي على اساس كال اي 

مواكول هية شدخلها واخذتها على نفسها ،زين شسمة اليوم خوما فهمتني غلط من كتلها ماكنويشة ترا موقصدي كتلة لا فهمتها هز 

راسه وكال شسمة عندج رصيد ؟حوليلي وبعدين ادزلج فتحت اله مبايلي وكتلة هاك انتَ حول مالي خلك وكملت استعراض بشعري 

وهوة يحول رصيد وشمر المبايل على الجرباية وطلع اخذت المبايل شفت الرصيد يالله مونفسه لو اني غلطانة ؟لعد حسين شمحول يلة 

المهم اخذ رصيد ،نزلت جوة وشافني بابا وهم حب شكلي وشبكني وباسني واباوعله كالساع يسرق نضرات لماما الي شكلها طالع 

يسحن الروح ،شوية وكمت من يمهم رحت لغرفتي صورت صور ودزيتهم بكروبنا اني والبنات ،ريحانة ونازك ومريم وصعدنا 

مكالمة وكلش حابات شكلي ونازك كالت فدوة جنج باربي والله كتلها هههه حسين هم هيج كال وهية سكتت كتلها نازك اموتج اذا 

متجين للخطبة وعلي كالت لا اكيد اجي وبعدين اخوي طلع يعرفكم يعني سهلت المهمة شوكت مااريد اجي ومايمانع ،كتله ايي همزين 

وريحانة كالت اما معلية الا اصبغ شعري هسة اكل لباسل ارد اغير بشكلي كتلها خوش كليلة علمود اذا قبل ماما تاخذج ،وضلينا نسولف 

ونضحك بس مريم مصاعدة اتصال لين يمكن نايمة ماعدها نت ،بعدين سدينا الاتصال كبل نمت لين من اجيت من الدوام منايمة فالنعاس كاتلنيي .

نازك 

متمددة وصافنة على السكف واذكر شلون يكلي ماكنويشة ابتسمت بخجل ،هوة حلو وشخصيته حلوة واخخ يمة عيونة خضر ،لا يعني 

اني مااحبه بس يمكن معجبة بيه يوو اكيد بعده يحب ويفكر  بحبيبته الي عافته يعني اكيد من شافني اول مرة مستحيل انعجب بيه او 

حبني اوو شهل خيال اي مستحيل يصير حقيقة وفزيت على صوت الاشعارات مال مبايلي ،فتحته رسالة من رقم غريب من الواتساب 

مكتوب بيها ،ممكن تطلعين من احلامي ؟او يعني تعرفين طريقة تمنعني افكر بيج ليل ونهار ؟والاحسن طريقة تقتل الحب الي يتولد من اول نظرة ،لشخص خسر مرة وراح يبقى طول عمره خايف لايخسر مرة ثانية ......

يتبع ...