رواية يأس القلوب (2) الفصل الحادي عشر 11 - بقلم رودي

part 50

                                        

                                              

گالو يتعبك يخايٰب ۅ انا ردتك .

                              

حـسين

قريت الرسالة وابتسـمت بأستهزاء ترديني؟ والله يالله شلون نكتة تضحـك بس شفت

                              

 الرسالة كـبل دكـت حـتئ خط مافـتحت عليها بس كتـبت الهـا اول واخر مرة اشوفج

                              

 دازة ،خلي هذا الحجي يفـيدج ،وين كرامتج راحت من دزيتي هيج؟ روحي بابا خلي يفيدج

                              

 خطـيبج مولعـبة عندج اني،شافت الرسالة ودزت حسين شبيك لني حبيبتك فدك وبهذا

                              

 كلامك داحسك تضحك علئ جروحي، كتبت الها واركص عليهم هم موبس اضحك شافتها

                              

 ونطيتها بلوك اي دولـي شهـل لزكـة انعـل ابو الصدفة الي شفتـج بـيها ،وصحيت علئ صوت

                              

 ابوي وهوة يكلي يابة حسين مواحجي وياك؟ طفيت المبايل وكتلة ها عيني طلوبي ماسمعتك

                              

 ضحك وكال عوف طلوبي علئ صفحة، تروح لمحل المعجـنات تجيب كعك ابو السمسم وابو

                              

 التمر وجرك ،كتلة واني اعدل بالفانيلة ماتريد اجيبلك الفرن كلة واجي ضربني بالمخدة وكال

                              

 هوة المن هذا غير لبطنك ضحكت وكتلة كايم كايم صاح جوري جيبي 10 من جيبي لحسين

                              

 كتلة واني اطلع محفظتي صدك تحجي بوية؟ ترا اني انسان من الطبقة المخملية اغركك

                              

 بفلوسي واذا تريد هم انطيك مصرف ضحك وكال مواكلك متصيرلك جارة ابتسمت وبستة

                              

 من راسة وكتلة يلا رايح ادعولي ارجع بالسلامة وماتدعمني تريلة، طلعت جاي افتح

                              

 باب السيارة شو اباوع طلعت سارة تركض ولابسة عباية خزرتها وكلت هوب هوب وين؟

                              

 وكفت يمي وكالت كلت لبابا وكلي روحي يم حسين الله عليك مخنوكة اريد اشم هوة مديت

                              

 وكتلها بوسيها وترحين قربت راسها وعضتني كمزت وضربتها براسها وكلت من ثول حتئ ثول

                              

 مربين عضاضات احنة موبنات اصعدي يلا اصعدي ضلت تضحك وصعدت ،صعدت وبديت

                              

 اسوق طلعت السيارة من الكراج وسارة لزمت ايدي وتصور وكالساع اخرب الصور عليها، بلعت

                              

 ريكي وكتلها واني مرتبك، شسمة سارة صديقتج نازك الملائكة بس لا بعدها زعلانة؟

                              

 باوعتلي بتك عين وكالت امداك اسمها نازك مونازك الملائكة لا مزعلانة بس ليش سألت

                              

 كتلها واني احك لحيتي لا هيج ماكو بس حبيت اسئل وسكتت ورجعت كتلها هـية

                              

 متزوجة؟ ضربتني علئ ايدي وكالت حسين شعليك شكو تسل علئ البنية كتلها وسم هيج

                              

 حبيت اسئل حرام الواحد يسأل كالت لا مامتزوجة ولامخطوبة ولامرتبـطة ماتحب هاي

                              

 السوالف تريد تبقئ هيج حرة وطليقة وانطلقت سارة تحجي اييي هوة اني ليش احب

                                      

 

                

 سويرة لي تكوم تحجي ومامنتبهة ورجعت كالت كلش فرفوشة وتضحك وتبجي بساع بس

 واحد يسويلها بز وتحب الكيك بشكل موطبيعي لهذا مرات نصيحلها كيكة لين مدبدبة

 كحيت وكتلها كافي بعد اخوح اسكتي لاتضلين تجفصين نوب اسكتي هية كالت يا صحيح اني

 اندمجت وحجيت عابت اعتبرني كلشي ماحجيت تموتني بس تدري احجي يمك كتلها

 ليش؟ كالت يا غير تستحي منك حتئ مرة كلتلي اني اخاف من اخوج حسين وغمضت

 عيونها وكالت هههه اشاقة مااكالت هيج غلس، يايابة بالكوة ضميت ضحكتي هزيت راسي

 وكتلها واني اسوي روحي مامهتم هوة اني مغلس اصلا كلشي ماسمعت ملتهي اسوق كلت

 بكلبي بوية نوب هية شلون بنية عبالك ماكنويشة مدري ماكنتوشة مدري ماكنتوش

 مادري المهم جنها ماكنويشة استغفرالله ربي خلي اسكت احسن .

سارة

يسوق واني صفنت عليه ملعون شلون يسحب كلام مني علئ نازك ،بس وعلي لايكين اثنينهم

 فرفوشين ويضحكون والشقة محد يلحكهم بس وين بالحلم يصيرون سوية اذا نازك متحب

 هيج سوالف وحسين تاب من هيج سوالف او احجي ببحدي اني بس جني جفصت بالحجي

 وياه عيب اكول مدبدبة هسة بس اكلها تموتني ،وصلنا لمحل المعجنات وحسين نزل

 واني بقيت بالسيارة، همزين جايبة مبايلي وياي ضـليت اكـلب بـيه وفاتحة شبكة علئ

 بيانات الهاتف واجتني رسائل علئ الانستغرام مرحبا سارة اني فدك حبيبة حسين قريت

 رسالتها واستغربت هاي شعدها مراسلة مو انخطبت كتلها اهلا تفضلي شنو رايدة ؟كالت

 حسب مااعرف انتِ داومين بجامعة *** قسم القانون واني سابقا جنت ادرس بهاية الجامعة

 وباجر عندي جية الها اتمنئ التقي بيج علمود تساعديني بشغلة اتمنئ مترفضين لين صدكي

 كلش تعبانة والتفكير راح يقتلني تنهدت وكتبت الها تمام باجر اشوفج دزت بس لا

 تخلين حسين يعرف كتلها تمام وكتلها وين نلتقي بالجامعة وبأي ساعة وغلقت المبايل هاي

 شتريد ام السحورة كون مطيتها بلوك اكيد تريد تحجي وياي بخصوص حسين بس اخ اني

 اعلمها اذا ماباجر اسوي بيها سواية اخليها تبجي مااطلع سـارة وشوية وصعد حسين

 جايب الي وصاه بابا عليهم وجايب قطع كيك علئ عددنا وبدا يسوق وبعدين نزل اشترئ

 عصاير طبيعية وصعد سويت روحي طبيعية ماكو شي وضلينا نشرب عصير ونسولف ونضحك .

        

          

                

ريحانة

حضرت ملابسي مال دوام وكويت الشيلة وهم حضرت جنطة باسل عنده التحاق وشيصبرني

 مااشوفه 10 ايام مادري دخل للغرفة وبيده المبايل يكلب بيه تقربت حضنته ضم المبايل

 بجيبه وحضني وباسني بخدي وكال شـبيه حبيب روحي ابتسمت بقهر وكتلة هواي 10

 ايام مسد علئ شعري وكال شسوي بوية غير شغـل وتدرين بية لو بيدي ماابتعد عنـج

 ابتسمت وحضنته وهمست حسوي سونر واعرف جنس التؤام ضحك بفرح وكال اويلي

 يابة كعد وكعدني بحضنه وكال انتِ ويامن ترحين؟ كتلة موخطبة سارة بعد كم يوم فاني

 اروح لأهلي قبل الخطبة بيوم وماما كالت اخذج اسويلج شسمة عادي اخابر واحد من

 الولد يجي ياخذني مو لين انتَ مموجود هز راسة وكال طبعا عادي، ديربالج علئ روحج

 ورحمة لمحمد لاتتحركين ولا هاي استري علينا الله يستر عليج ضحكت وكتلة تمام تمام

 سحبته من ياخته وكتلة اموتك اذا تجينا بنية تعوفني وتهتم بيها ها ،كال بيش الكيلو انتِ ؟

باوعتلة وعيوني مدمعة وكتلة ها باسل بدينا ضحك وضمني لحضنه وكال يابة لو عشر بنات

 تبقين انتِ الاصل همست بحب واني احاوط وجهة بثنين ادية احبك حيـل باسني وكال

 موبكـدي بويـة وتنهد وكال خرب يومج سمنانة صايرة ثكيلة كومي مني خنكتيني كومي دمعت

 عيوني وكتلة اني سمينة باسل خوش كمت منه وعفته وطلعت من الغرفة وهوة يصيح

 وراي تعالي يمعودة اشاقة نزلت ونزل وراي دخلت للمطبخ اشرب مي وعمة واكفة تسوي

 عصير موز طبيعي كتلها عمة كالت عيوني حبيبتي، كتلها شوفي باسل يضحك علية يكلي

 سمنانة عود صدك سمنانة ضحكت وكالت يا وينج تخبلين وبعدين حتئ لو سمنتي حبيبتي

 تبقين حلوة معليج بهذا الاملح ضحكت وكتلها صدك املح وشبكني من ورة وكال منو الاملح

 يمة غير فد استحيت من عمتي وهية ضحكت كتلة بخجل شوية باسل وخر موعليك ضحك

 وعافني وخزرته وهوة غمزلي عمة راحت للاستقبال عمو صاحها وهوة رجع شبكني وكال

 موكتلج تعالي ليش نزلتي صايرة متسمعين الكلمة كتل واني العب بدكم التيشيرت موكتلي

 كومي وسمنانة ومتريدني بعد شكو اجي يمك دنك راسة باسني بخدودي وكال موتدرين بية

 اشاقة واحب هيج سوية انرفزج ابتسمت ورجع باس خدودي وكال بويـة شنهـاي تخـلين

 الواحد يكزكز هل خديدات؟ تسمحيلي اكلهم ضليت اضحك واريد اوخر منة وهوة لزمني

        

          

                

 وضل يعض بخدودي واني مااكدر اصيح عمة وعمو بالاستقبال ضليت اتلوة بين اديه وهوة

 يضحك شبكني وكال الله صعد السكر ضحكت وكتلة وخر عابت وجهي ضل يوجعني من وراك ضحك وطلعنا اني وياه للحديقة نسولف ونضحك .

مريم

 وصلني احمد للبيت وكال دقايق واجيج ماتأخر وطلع مدري وين دخلت للبيت شغلت

 الاضوية ورحت للغرفة مالتنا لكيتها مقفولة استغربت ليش احمد يقفلها؟ خليت الجنطة

 بالصالة ونزعت العباية همزين مبدلة لابسة دشداشة قصيرة نزعت الشال ورفعت شعري

 كباية وبديت انضف بالبيت كملته وردت ادخل للغرفة وتذكرت مقفولة هسة يجي واكلة

 شعندك قافلها،دخلت للمطبخ  سويت عشة ومنتظرته يجي علمود ناكل سوية وتأخر لـحد

 السـاعة 11 ونص  وهوة ماجـاي ،ضجت يعني وين راح رجعت تذكرت اليوم ورة 12 يوم مميز

 كلش بالنسـبة الي وتنهدت والله طلع ناسي وممتذكر ازعل علـيه و شوية وانفتح الباب

 ودخل؟رفعت راسي باوعتله وعيوني كلهم قلق كتلة وين جنت؟ بالي يمك ليش هيج تأخرت ؟

سد الباب حيل وكال بنـتر وين يعني وية الولد كتلة بهدوء ويم الولد هيج تتأخر، وليش تحجي

 هيج بيك شي؟ ؟ كال بعصبية مابية شي لاتلحين ،دمعت عيوني وسكتت ماحجيت شـي

 شبيه شصاير وياه اول مرة هيج يتعامل وياي، رجعت كتلة متتعشئ منتظرتك مشئ وكال

 مااريد اكلي ببحدج  ،باوعت للاكل رجعته بمكانه وعلئ الرغم اني جوعانة وبالغدة مااكلت

 بس انسدت نفسي رتبت المطبخ وبقيت كاعدة علئ الكرسي وايدي علئ خدي وصافنة وعيوني

 مدمعة،دخل للمطبخ رفعت راسي باوعتله مااهتم الي كال مترحين تنامين؟ شعندج كاعدة

 كتلة واني اعصر عيوني معليك بيج خوش معليك باوع للساعة وكال بسـرعة شوتعاي خلي

 اشوف شلون معلية وسحبني من ايدي ومشة للغرفة علئ السريع واني ادفع بيه وابجي واخر

 شبيك خوفتني، فتح باب الغرفة والضوة طافي وشموع مشتغلة دخلـني وسد الباب

 وحضني من ورة وهمس كـل عام وانتِ الحب الأول والأخير بجيت وشبكـته وهوة يضحك

 بصوت عالي ويسكت بية كتلة واني ابجي هوة هيج الي يسوي مفاجاة لواحد يخرعة ويخوفة

 من اكلك مشاعرك معوقة ماتصدكني ضحك وشبكني حيل وكال شبيج ياحبيبي غير ردت

 اسوي شوي اكشن واضوجج مني بعدين افرحج ضربته علئ صدره وكتلة واني امسح

 بدموعي وخر بعد مااحبك شكبني حيل وفرني نزلني وباسني بخدي حيييل وهمست احبج

        

          

                

 يابة احبج باس عيوني وهمس اسف علئ الدمعات الي نزلتهم ابتسمت،وبسـته بخـده

 تقربت علئ الكيكة بيـها صورتي اني وياه من شابكني وفوكاها تاريخ اول مرة التقينا اني

 وياه ،8/12 حافظ التواريخ علئ كلبـة وعرفت ليش باوع للساعة منتظرها تصير بـ12 ضبط

 حتئ يصير يوم جديد شبكته حيل وهمست الله لايحرمني منك والله لا يقدر الي عمر من

 دونك ولا ثانية حاوطني بثنين اديه وكصته علئ كصتي وهمس ادري بيج تحبين واحد يهتم

 لهاي التـفاصيل والتواريخ وماينطيني كلبي مااهتم الها واعوفها مادام شي يفرحج فكبل

 اركض اسـويه، تنهد وهمس وهذا التاريخ محفور بكلبي وبيومها شكلج انطبع ببـالي ،احلئ

 يوم بحياتي وية اميـرتي ماتحملت وبجيت وكتلة احبك احمد احبك ابتسم وهوة يمسح

 دموعي وكال روحة لاحمد وكعدني بحضنه ويمسح بدموعي ويبوس بعيوني ويضحك بية

 وبعدين كصين الكيكة وفتح لعبة طلع منها كلادة ذهـب بيها تـاريخ اللقـاء ابتسمت بفرح

 لبسني ياهة وكال وهوة يحك راسة باعي اني مااعرف اسوي اجواء وهاي السوالف بس

 شعلت الشموع ورتبت الميز وخليت عليه الكيكة وجبت الكلادة وسديت الباب حتئ

 ماتكشفيني  يعني نعتذر علئ التقصير اذا شي ناقص

 وضحك كتلة واني احضن ايدة مجرد تذكرت ومانسيت كلش كافي وافدي الي يركز

 بالتفاصيل ويذكر افدي اني افـديه كال وهوة يمسح كصته شسوي غير كلت تموتني اذا انتِ

 من الخطبة شرطتي علية وكتبتي التواريخ بورقة وانطيتيني ياهم وكلتيلي تحفظهم وبكل

 تاريخ اريد كيكة وبوسة وجبت الكيك هسة تعاي ابوسج تقرب ودفعته كتلة بخجل وخر

 احمد لاتجذب كتلك بس كيكة سحبني وكال لا لا كلتي بوسة هم واني احب اسوي كلشي

 تردينة ضحكت بخجل وكتلة احمد سحبني وباسني وكال عمرة لاحمد يابة عمرة ابتسمت

 وكصينا الكيكة ومكعدني بحضنة ويوكلني واني خربانة ضحك عليه شلون يوكلني وصافن

 بوجهي وية كل لكمة يصلي علئ محمد، اليوم ندخل الجنة من وراه .

في اليوم التالي

سارة

كعدت الصـبح كلـي نشـاط وحـيوية منين مادري الحمدالله والشكر كمت غسلت وبديت

 ابـدل وبعدين مكـيجت ونزلت لكيت بابا وماما وحسين ديتريكون بابا عنده دوام وحسين هم

 عنده شغل بالمحكمة وماما مسويتلهم ريوك صبحت عليهم وكعدت يم حسين وبديت اكل

 وياهم وشوية واجة الخط كمت غسلت وعدلت الحمرة وطلعت وطلع حسين وياي

        

          

                

 ركبت وابتسم الي ومشت السيارة واني الوح الة عبالك طـفلة، شوية ووصلنا للجامعة نزلت

 جاي ادخل وشفت نازك كدامي تمشي مشيت علئ كيف وراهة وكلت واني اغير صوتي

 واحجي بهدوء وبس هية تسمع بس بس يحلو يمدبدب ممكن رقمك دارت وجها وكالت وسم

 عرفتج ضحكت وسلمت عليها كالت وهية تكرصني الزركة بعد لاتكولين مدبدبة اني

 ضعيفة جني عودة كتلها اي خطية كلش ضعيفة تؤتؤتؤ سودة علية ضحكنا ودخلنا

 للجامعة وبوجهنا رحنا للقاعات، من خلصت المحاظرة وطلعت فدك راسلتني علئ الانستا

 وكالت اني بالجامعة بنهاية الحديقة منتظرتج كتلها تمام، واني افكر بالخطة الي ببالي، خابرت

 نازك كتلها وينج؟ كالت وراج درت ضحكت وسديت الخط تقربت وكتلها تعالي وياية لفد

 مكان كالت دقيقة ريحانة كالت انتـظرني راح تشتري مي كتلها تمام شوية واجت ريحانة

 بوستها وسلمت عليها ومشينا كالت ها وين كتلها هسة تعرفن وين بس ريحانة انزعي

 حلقتج وخلي نازك تلبسها، نازك كالت شنو شكو البسها كتلها دلبسيها وهسة تعرفين نزعتها

 ريحانة ولبستها نازك وصلنا لنهاية الحديقة ولكيت فدك كاعدة علئ المصطبة ريحانة

 عرفتها وخزرتني واشرت الها بمعنئ بعدين افهمج ونازك معرفتها بس سلمنا وكالت فدك

 اهلا، بس اني اريد احجي وية بخصوص موضوع خاص، كتلها بملل، الموضوه خاص

 بحسين هزت راسها وكلت الها واني أشر الها مادام خاص بحسـين فاحجي لين محد غـريب

 هذي ريحـانة اختي وبلعت ريكي واشرت علئ نازك وكلت وهـاي نـازك خطـيبة حـسين وهـية

 نازك فتحت عيونها وباوعتلي بصـدمة، فدك كامت وكالت شنووو خطيبة حسين

 شدتحجين ! كتلها حبيبتي شنو انتِ مو انخطبتي وراح تزوجين قابل اخونا يبقئ عليج

 ياعيني هم لكيـنا الة زينـة البنات وريحانة كمزت وكالت اكيد ولكينا الة الاحسن والي

 تنـاسبه فدك كالت بعـصبية اني فصخت خطوبتي ورجعت لحسين ومااكال الي خطب

 حسين يحبني وميعوفني واني اجيت علمود احاجي سارة تحل المشاكل الي بيناتنا ،كلت

 بكلبي عفتي الناس كلها واجيتي علية طاحظج، كتلها حبيبتي ماكو شي يتصلح هاي نازك

 خطيبته يعني مبقئ شي ويزوجون رجاءاً لا تحاولين تخربين الي بينهم وابعدي عن حسين

 لين هستوة يالة صحصح ورجعت الضحكة لوجهة واباوع نازك مصدومة خزرتها وكلت مو

 نازك، بلعت ريكها وكالت اتمنئ بعد متتقربين لخطـيبي، لين هوة اساساً كال الي مريت

        

          

                

 بتجربة فاشلة وتجاوزتها وماضيه راح وهسة اني الحـاظر وعن قـريب نزوج واصـير ام جهالة

 كلت بكلبي يمة حمت البنية هسة منين اطفيها ورجعت كالت وحسين يحبني وميت علية

 عوفيه بحالة مولعبة عندج هوة نازك سحبت

 جنطتها وكالت بعصبية اي عاف الحلقوم واجة

 علئ الثوم نازك كالت الها بعصـبية ياحلقوم ياثوم وعلئ كولته وابتسمت وكالت يسميني

 كلة كيكة فخلي الثوم يفيدج حبيبي اوي مدري شعجبه بيج حبيبي وبعدين تعالي لاتعكرين

 مزاجي ترا يحرك الدنيا علئ عمودي كالت نازك بعصبية الله لا يوفقكم دنيا واخرة واخذة منج

 اخذة وعافتنا ومشت واني باوعت عليهن وطيكناها بضحكة ثلاثتنة متنا من الضحك

 ونازك تضحك وتباوع للحلقة نزعتها وكالت طاحظج سارة وحظ الموقف الي خليتيني بيه

 ضحكت وكتلها والله انتِ كفو عود ماتعرفين السالفة وهيج اندمجتي لو تعرفين شتسوين

 وريحانة بعدها فحطانة من الضحك كتلها هي يمعودة كافي ضحك لايصير بيج شي، ورجعت

 ضحكت وكلت برداً وسلاماً اهل بغداد يكولون حسين راح يحرك بغداد علمود نازك ورجعنا

 نضحك ورحنا للنادي وعزمتهم علئ كيك وعصير علئ حسابي خاف يكولون سارة

 ماتصرف هاي صرفت عليهم ،وبعدين رجعنـا للقـاعات ،بالاستراحة الثـانية من طلعنا دك

 مبـايلي حسـين جاوبته واجاني صوته يرعد وهوة يكول ملتقية بـفدك؟ بلعت ريكي وكتلة

 شمدريك حسين كال، اني مسافة طريق واوصل للجامعة وتفهميني لين خابرتني بس

 تدعي ومدري شتحجي خاطب مدري شني كتلة بسرعة لا لا خلي نتفاهم بالبيت موهنا كال

 جايج وسد الخط عزا العزاني، رحت يم نازك وريحانة وكلت الهم، ونازك كالت لاتكليلة عود

 اني خطيبته استحي والقران شكد عيب اني شعندي مثلت وياج شعندي كتلها شبيج يا

 ميصير شي اطمئني وهية صارت حمرة منكد مااستحت وخجلت دك علية حسين جاوبته كال

 وين انتِ كتلة بالنـادي كال جـاي، كاعدين ودخل حسين للنادي اشرت اله واتمشئ واجـة

 يمنـئ شاف نازك ارتبك كال السلام عليكم ردينا السلام ونازك رادت تكوم لزمتها وكعدتها وهوة

 سحب كرسي وكعد وماحجة استحة يحجي كدام نازك بـقئ سـاكت وطب نازك كبـل كالت 

 والله اني معـلية،بس اطريت هيج اسوي لين موقف صعـب ،كلت بكلبي طاحظج نازك

 فضحتينا الثولة عبالها كايلة الة مثلنا عود نازك خطيبتك هوة باوع عليها بعدم فهم وكلها شنو

 شبيج كالت اله جد اعتذر وبعد متنعاد مسح وجهة وكال هسة غير اعرف شنو باوعلي وكال

 سارة شكو؟ سولفت الة ومنطلقة لا خايفة ولاهاي غير سويت هيج علمود هذيج تفك من

 عنده ياخة وتعوفة بحالة، وكتلة بنية صديقتنا خليت فدك تشوفها بحجة خطيبتك يعني

 ماجبت طاري نازك عود هية خطـيبته اباوع

 ضحك وكال ماتوقعتها منج سـارة هيج مسوية

 واني مادري هالاكول تكلي خطيبتك زركة وتخوف كلت شمالها هاي اني شوكت خاطب

 ودار علئ نازك وكال وهوة يحك يمسح كصته وانتِ ست نازك الملائكة علئ شنو تعتذرين ؟، 

 وجفصت نازك وكلتلة شنو اني زركة واخوف؟ وهوة كال بسرعة  شنوو منو كال ماكنويشة زركة وتخوف؟ 

يتبع ....