رواية يأس القلوب (2) الفصل العاشر 10 - بقلم رودي

part 49

                                        

                                              

وتاخِذني بدفو عِيونك، وأختَل جَوة جفنك طَيف.

                              

سارة

قـريت الرسـالة المبـايل كبـل طـاح من ايـدي ضربت علئ خدي وكلت عزا العزاج سارة

                              

انفضحتي فوك ماانتِ مفضوحة يعني هذا امير عزا يمة زين شكو يراسلني ويعني هوة نفسة

                              

الي نطيته بلوك هذاك اليوم  من كل عقلي ضليت ابجي، يعني جان يدري بية اني اراقبة

                              

يافضيحتي زين اني ام طفكة شكو اراقبة شكو ‏هسة احسن هيج تفشلت وانحرجت شلت

                              

المبايل من الكاع شغلته لكيته دازلي بعد رسالة كاتب بيها هـا وويـاه سمايلات تضحك مسحت

                              

دموعي وكتبتلة غلطان اني ممراقبتك ولا هـاي خاف عندك نقص بالبـصر روح سوي فحص

                              

وسديت المـبايل بعد اطلع ادبسز ومااستحي اذا وكفت كدام الشباك وباوعت عليك لو

                              

راقبتك وخنكت روحي  بالمخدة ونمت .

                              

في اليوم الـتالي

                              

طـالب

 كملت ريوك وكاعد بالحديقة اسكي بيها واشرب جاي وطلع حسين وجوري يتمشون

                              

ويسولفون وجوري تباوعلي ونضراتها بيها توعد ابتسمت وكلت بكلبي ‏حسين اليوم

                              

اشويك بدال الكباب والتكة شحجيت يم المرة، تقربوا يمي واسمعها يكلها اي هاي جيرانة ام

                              

جاسم الزوجها مات بالحرب  العزمتيها هية سمعتها باذني تكول لابوي حليان وكايم تجيب

                              

العين ابو محمد ضليت اسكي بالحديقة منتظرة يكمل حجي واهز براسي رجع كال

                              

وابوي يكلها عيونج الحلوة ام جاسم ونوب راحوا علئ صفحة مدري شكال الها بس تدرين

                              

يمة انقهرت عليج ماتستاهلين هيج يصير بيج ونوب يحك لحيتة الها عود شيقصد؟ وهز راسة

                              

شمرت الصوندة وجريت العودة مال ماسحة هوة ركض واني ركضت وراه دخل للمطبخ

                              

وصار ورة الميز واني كدامة كتلة بعصبية اليوم وين تروح مني صاح يمة ابـوي راح

                              

يكتلني علمود ام جاسم شوفي يكتل ابنج حبيبج الي مامجذب ولا مرة بعمرة الله

                              

لايجذبني، هزيت راسي وكتلة شوتعال بعد ابوك خلي اعلمك مرة ثانية شلون تجذب عدل

                              

سحبته من فالينته وكتلة اي حسين كمل بعد شنو كلت لام جاسم، بلع ريكة وكال يمة وعلي

                              

ابوي انسان شريف جداً بس اني مادري عليمن طالع السز ضحكني ضربته علئ ركبتة وكتلة

                              

كلها تنعدل ويصير الها جارة بس حسين لاينعدل لاتصير اله جارة ولك عفت النسوان

                              

كلها وجبت ام جاسم عمرها نهاية السبعين حتئ المرة خطية اسمها ماتذكرة وانتِ ست

                              

جوري شني حسين عداج موعزمتيها وماكدرت تجي لين مريضة بعد شوكت واكف يمها فتحت

 

                

عيونها وكالت يا صحيح شلون نسيت كلة من ورة ابنك اكتلة وادبـة شوية خلي يبطل ها

السوالف سويت روحي جاي اضربة وهية لزمت ايدي لا عليك الله لا تاذي ضحكت وعفته

وطكيت ايد بايد وكلت تكلي اضربة ومن ردت اضربة لزمتني ديلا بلا خزرت حسين وكتلة

ديربالك تعيد هاي السوالف المرة الجاية اخبزك خبزة هز راسة وكال تاج راسي وجاي يصعد

ورجع صاح تذكرت يمة مو ام جاسم ،بيداء الحفافة الشعرها اصفر شفتها تتود لابوي

وتغـري بيـه، دكيت علئ الميز وصحت حسين بعد لاتنزل ابقة فوك بغرفتك احسلك بعد ابوك

وهوة صعد وهوة يضحك، هزيت راسي وكلت ماتصيرلة جارة درت علئ جوري واكفة وتهز

رجلها بقلق وكالت عود صدك يحجي حسين لو يشاقة ؟باع كلة منك من اكلك لاتلبس قـاط 

تعاندني وبعدين والله هاي بيداء من اشوفها الة اكلها بسنوني وهية ذاك اليوم تكلي ابو

محمد ماكو منه وردة وفوكاهة هيبة وطول والله اني صوجي اصلا سكتت الها وطلعت

عينها وعافتني وراحت وعيونها حمر كلت بكلبي طركاعة طاحت عليك حسين

شورطتني ،ابتسمت علئ غيرتها بعدها مثل قبل مااتغيرت طلعت وراها للحديقة شفتها

كاعدة علئ الـدجة الي تصير بالحديقة ومجتفة اديها وساكتة والشمس حارة تكتل كتلة تقربت

وكتلها واني بالكوة مفتح عيوني من الشمس كومي وين كاعدة الشمس حارة كالت وهية

دايرة وجها مااكوم عوفني ، سحبت ايدها وكلت دكومي الشمس سوتج حمرة دم يابابا

باوعتلب وكلت اي شعليك بية ؟عوفها تحركني وروح يم بيداء بالكوة ضميت ضحكتي وكتلها

صدك تحجين؟ دكومي كومي يابيداء ياهـاي معليج بسوالف حسين يجذب عليج يريد

يضوجج يعني تتوقعين اني هيج اسوي كالت وهية تباوعلي وعيونها بالكوة مفتحتها من

الشمس اي تسويها عينك طالعة هلايام خزرتها وكلت واني اتصنع العصبية  شكلتي؟ منو العينة

طالعة؟ كالت وهية دايرة وجهة انتَ مسحت وجهي وكتلها خوش جوري خوش هيج صارت

مو بعد لاتحاجيني وعفتها ومشيت اكول بناتي عليمن طالعات عنوديات وامهات دميعة

وغيورات طلعت امهم المنشأ الرئيسي هزيت راسي وكلت بضحك هسة خمس دقايق والكاها يمي، كعدت بالاستقبال كدام السبلت واباوع

علئ الاخبار وهية كم دقيقة ودخلت سويت روحي مامهتم كعدت يمي رفعت ايدي ودحست

روحي يمي وخلت ايدي محاوطتها كتلها بعدم اهتمام شكو اجيتي؟ وبهذلت احوالي من

        

          

                

باستني بخدي وكالت احبك نسيت الزعل نسيت ابوه شبكتها وكلت اي ملعونة تلعبين

علئ الوتر الحساس ليش؟ ضحكت وكالت بكيفي شبكتني وكالت طالب بس مالتي محد

تشاركني بيه ابتسمت ولزمتها من حنجها وهمست واني اباوع بعيونها اليسحنن الروح

ليش اني تحلئ مرة بعيني غيرج؟ لزمت ايدها خليتها علئ كلبي وكلت هذا بأسمج ومايدك

لغيـرج وبست ايدها وهية شابكتني حيل عبالك راح اطير منها وكالت رغم كلشي صار ورغم

البعد ورغم الفراق اني احبك اكثر من كلشي بهـاي الدنـيا وتلمست خدي وكال اكثر من كلشي

وباستني ورجعت كالت احبك وتنهدت واحب حنيتك علية ،الله يحفظك الي ولايحرمني منك

ابتسمت علئ كلامها ضميتها لحضني حيل وكلت ولايحرمني منج يابعد حيلي شحبج اني

بوية شحبج؟ ميت بيج وامسد علئ شعرها بست حنجها وكلت احب كلشي بيج وخاصتا

عيونج الخضـر شني ساحنات روحي سحـن ،هذا العالم كله مايسوة اذا موانتِ بيه

واني بدونج مااسوة انملت عيونها دموع وشابكتني وكـالت متعوفني مو ؟همسـت وين

اكو واحد يعـوف روحة؟ بس الموت يكدر ياخذني منج همست وهية تخلي اصابعها علئ

شفايفي اسم الله يروحي انتَ بست اصابعها وكلت لعد بلا هالتفكير الي يعكر مزاجج واني

مااريد يتعكر تمام بوية؟ هزت راسها وكالت تمام بستها براسها وضليت امسد عليه واتمعن

بتفاصيلها اكثر واكثر لحد مانامت وهية ساندة روحها علئ صدري وادينا متشابكة بست ايدها

بهدوء وكمت علئ كيفي فزت همست بهدوء تعالي نامي بالغرفة لين كعدتي من الصبح بعدج

تنعسين وتعبانة يراد الج راحة رجعت غمضت كتلها يلا بوية سندتها وضميتها لصدري وامشي

علئ كيفي فتحت الباب الغرفة ودخلت نومتها

 علئ الجـربـاية ونمت يمها شبكتني سحبت

اللحاف وطفيت الضوة من يمي ونامت واني شويـة وغفـيت ويـاهة .

ريحـانة

كعدت الصبح السـاعة 9 تقريباً اليوم عطلة ماعندي دوام والنشاط فول ماشاء الله باسل

رايح بسابع نومة بسته بخدة علئ كيف وكمت خذت ملابس من الكنتور ودخلت سبحت

وطلعت مشطت شعري ورشيت عطر وخليت تنت خفيف عزلت الغرفة وبديت امسح بيها

وباسل بعده نايم كملتها ومسحت الاثاث ونزلت سويت ريوك وعمة وعمو اليوم الساعة

6 الصبـح راحوا لكربلاء متعودين كلما ينزل اجازة يرحون ودائما يطلعون سوية وعلاقتهم

        

          

                

الحمدالله حلوة يحفظهم الله كملت الريوك وصعدت فوك اكعد باسل، دخلت للغرفة جريت

اللحاف من عنده وكتلة باسل كوم تريك كافي نوم سحب اللحاف وكال انعس عوفيني سحبته

وكتلة اما كوم يلة سويتلك ريوك يلة فتح عيونة بنعاس وكال مااريد طفي الضوة سحبته

من ايدة وكتلة اما كوم يلة شبيك تنهد وكال كايم حبيبتي كايم كام وشبكني جعص راسي

خلاني اصيح وضل يضحك علية باسني براسي وراح يسبح واني ادردم وراه الاملح ابو راس

مستطيل شلون جعص راسي المكبسل اجاني صوته وهوة يكول الزركة ام راس المربع

ضحكت وكتلة اما تروحلي فدوة وانتجيت علئ السيراميك الي يم باب الحمام فتح الباب

وكال انطيني الخاولي كتلة كول احبج يالة ابتسم وكال احبج والله كتلة واني اقرب خدي

بوسني جرني باسني بخدي ولزمني من شعري ضل يعت بية واخذ الخاولي وسد الباب كتلة

بعصبية بعد مااحجي وياك القاسي واسمع صوته بس يضحك عدلت الجربـاية وعفـته

ونـزلت حميت الجـاي وطلعت الشكر وهوة نزل يلبس بالكيمونة باوعتلة بتك عين وهوة غمزلي

مااكدرت اضم ضحكتي ضحكت وكتلة وخر لاتحجي وياي مااريدك ضحك وشبكني من ورة

وكال شبيج واذا جريت شعرج هاي باع بسته وباس شعري ضحكت وكتلة اي هسة تمام

ضحك وباسني بخدي وكال وهوة مغمض عيونة الله اليوم راح تريكيني بيض محروك

مو؟ ضربته بايدي بخفة علئ صدرة وكتلة يااا باسل والله ممحروك عابت تقرب شاف البيض

وكال اي الحمدالله بس الاطراف ضحكت وكتلة صوجي اني اسويلك شبكني وعضني من

خدي حييل وكال هذا اطيب ابتسمت بخجل وكتلة اكعد اكل يلة خلي اصبلك الجاي ضل

يضحك علية واني صبيت الجاي وكعدنا ناكل ونسولف ونضحك وكالساع نتكافش ونصير من

الروس ونرجع نتصالح يضربني اضربة يعضني

 اعضة وحدة بوحدة .

سارة

نزلت جوة شني دنيا ضهر وبعدهم كلهم نايمين حتئ مريم نايمة واني بعدني تعبانة بس مااكدر

انام دخلت للمطبخ طلعت الكورنفلكس مال علاوي والحليب وصبيتلي وكعدت اكل واتذكر

موقف البارحة واغص باللكمة دخل علاوي جان يلعب برة كتلة شعندك طالع بهـل ضهرية صرت

اسود من الشمس ادخل يلا لا اكعد بابا كال وهوة يحجي علئ السريع ولج سارة اجيت

ركض اخذ فلوس من بابا ابو المحل جايب حلويات طيبات حتئ نويتلة من هاي الي تحبيه

        

          

                

غصيت بالكورنفلكس من الضحك كتلة وسم اسمها نوتيلا نوتيلا بعدين تعال العباس عليك

جيبلي نمبر وان واني انطيك فلوسها كال زين تعالي وياي للمحل نشتري حلويات سوية علمود

العصر نكعد بالحديقة وناكل صفنت وكتلة اي وعلي ونجيب اندومي ومن تنام ماما بليل

نسويه هز راسة وكال اييي ونجيب اندومي بالف وبطل ببسي ابو الخمسمية كتلة كايمة

بساع مااتاخر راح هوة ياخذ فلوس من بابا واني صعدت لبست عبايتي الي علئ الجتف

والشال ونزلت ولبست نعال حسين وهوة شكبرة ورجلي هالكدوتها بس يلا عادي هوة اني

وين رايحة للمحل لكيته جايب فلوس واني عندي خمسة جبتها وياي طلعنة وهوة لزمني

من ايدي والدنيا تسلك وطب واشوفلك امير واكف يسد بباب السيارة كبل دنكت وكلت  دهر

فرج فر يسويرة يمة غير صرت سودة همست لعلاوي امشينا يلا مشينا شو هذا علاوي رفع

ايدة وكلة هلو عمو امير شلونك وهوة رد علي واني شصار بية يمة خزرت علاوي وكتلة امشي

السز الة تسلم نمشي علئ السريع وهوة كال موبابا كلي عيب كل ماتشوفه سلم عليه واني

هسة شفته وسلمت نمشي دار وجهة ورجع كلي ولج سويرة شوهذا عمو امير يمشي ورانة

يمكن خطية هم يريد يشتري لاخواته كال هيج واني كتلة شهرتنا علاوي ولك سارة موسويرة

وبعدين شعلينا بيه امشي دخلنا للمحل واني توترت شصار بية اشتريت بساع وعلاوي يجيب

ويخلي راد يشتري قواطي كتلة لا تشتري البارحة بقن عدنا درزن كامل ماب قواطي من

هذني الي جابوهم بالخطبة هز راسة وكال والل سارة انتِ  ذكية بدال فلوس القواطي

ناخذ حب علمود نكرس ونذبة عل راس حسين كتلة بحماس اي عفية اركض جيب حب، لحد

ماكملنا دفعنا الحساب طلعنا وشفته واكف كبال المحل ويباوعلي بعصبية يمة غير تبهذلت

احوالي كبل مشيت اني وعلاوي وسويت روحي ممهتمة وصلنا للبيت دافتح بباب البيت

وصاح امير وهوة يكول لعلاوي اموتك بعد اذا شفتك طالع بهيج وقت علاوييي وشدد علئ

الحرف الاخير عرفته يقصدني دخلت وابتسمت كبل رحت غسلت وجهي بمي بارد

واحس كلبي يريد يطلع من مكانه يمة اني مااتحمل هيج رجعت غسلت وجهي وبسطت

اني وعلاوي بالحلويات علئ كاع الاستقبال ونقسم بالحلويات ومن كد ماامرتبكة لكيت

روحي جايبة حتئ باكيت كلكنس متتتت شسوي بيه ماادري بروحي من مشتريته كعدنا

ناكل ونسولف واني رايحة يغير عالم، صعدته يجيب الي مبايلي لكيت امير دازلي رسالة كاتب

بيها، لاتطلعين بعد هيج وكت الشارع مو أمان،ابتسمت يخاف علية؟ كتبتلة تمام وسديت

المبايل هسة يكعد بابا واكلة رحت للمحل لانوب علاوي يكلة ويصير عصبي عاد اني اكلة .

بعد مرور ساعات

كملنا غدة وكاعدين نشرب جاي وكمت طلعت من يمهم لين بدوا يحجون بتفاصيل الخطبة وفد استحيت وخجلت بعـد 5 ايام تقريبا واني انسحنت روحي من الخجل .

حسين

كاعد اشرب جاي واجاني اشعار فتحت المبايل شفته من رقم فدك استغربت هاي شتريد لزكت

 فرد لزكة !فتحت الرسالة كاتبة حسين انفصخت خطوبتي مااكدرت اكمل وياه اني احبك .

يتبع ...